പുതിയ ശിഷ്യരെ ഉളവാ​ക്കു​ന്ന​തിൽ ഏവർക്കും ഒരു പങ്കുണ്ടാ​യി​രി​ക്കാ​നാ​കും

¹ ഒരാളുടെ മാത്രം ശ്രമം​കൊ​ണ്ടല്ല പുതിയ ഒരു ശിഷ്യൻ ഉളവാ​കു​ന്നത്‌. ബൈബിൾ വിദ്യാർഥി​ക​ളു​ടെ ആത്മീയ പുരോ​ഗ​തി​ക്കാ​യി യഹോ​വ​യ്‌ക്കു തന്റെ മുഴു “കൂട്ടു​വേ​ലക്കാ”രെയും ഉപയോ​ഗി​ക്കാൻ കഴിയും. (1 കൊരി. 3:6-9) യോഗ​ങ്ങ​ളിൽ പറയുന്ന ആത്മാർഥ​മായ അഭി​പ്രാ​യ​ങ്ങ​ളാ​ലും ജീവി​ത​ത്തിൽ ദൈവാ​ത്മാ​വി​ന്റെ പ്രവർത്ത​ന​ത്തി​നു കുറ്റമറ്റ തെളിവു നൽകുന്ന നല്ല പെരു​മാ​റ്റ​രീ​തി​ക​ളാ​ലും നാമോ​രു​ത്ത​രും പുതി​യ​വരെ സഹായി​ക്കു​ന്നു. (യോഹ. 13:35; ഗലാ. 5:22, 23; എഫെ. 4:22, 23) പുതി​യ​വരെ സഹായി​ക്കാൻ മറ്റ്‌ എന്തുകൂ​ടെ ചെയ്യാം?

² സഭയെന്ന നിലയിൽ: യോഗ​ങ്ങൾക്കു വന്നുതു​ട​ങ്ങുന്ന പുതി​യ​വരെ ഊഷ്‌മ​ള​മാ​യി അഭിവാ​ദനം ചെയ്യുക; യോഗ​ങ്ങൾക്കു മുമ്പും പിമ്പും അവരു​മാ​യി സംഭാ​ഷ​ണ​ത്തി​ലേർപ്പെ​ടുക. അങ്ങനെ നമു​ക്കെ​ല്ലാം അവരിൽ താത്‌പ​ര്യം കാണി​ക്കാ​നാ​കും. സഭാ​യോ​ഗ​ത്തിന്‌ ആദ്യമാ​യി വന്നപ്പോ​ഴത്തെ അനുഭ​വ​ത്തെ​ക്കു​റിച്ച്‌ ഒരു വ്യക്തി പറഞ്ഞു: “അപരി​ചി​ത​രെ​ങ്കി​ലും ആത്മാർഥ​മാ​യി സ്‌നേ​ഹി​ക്കുന്ന ഇത്രയും പേരെ, ചെറുപ്പം മുതൽ പോയി​ക്കൊ​ണ്ടി​രുന്ന പള്ളിയിൽ ഞാൻ ഇതുവ​രെ​യും കണ്ടുമു​ട്ടി​യി​ട്ടില്ല. ഞാൻ സത്യം കണ്ടെത്തി എന്നതിനു യാതൊ​രു സംശയ​വു​മി​ല്ലാ​യി​രു​ന്നു.” ആദ്യമാ​യി യോഗ​ത്തി​നു വന്ന്‌ ഏഴു മാസത്തി​നു​ശേഷം അദ്ദേഹം സ്‌നാ​പ​ന​മേറ്റു.

³ ആത്മീയമായ പുരോ​ഗ​തി​വ​രു​ത്തുന്ന ബൈബിൾ വിദ്യാർഥി​കളെ ആത്മാർഥ​മാ​യി അഭിന​ന്ദി​ക്കുക. അവരിൽ ആരെങ്കി​ലും എതിർപ്പ്‌ നേരി​ടു​ന്നു​ണ്ടോ? ക്രമമാ​യി യോഗ​ങ്ങൾക്കു വരുന്നു​ണ്ടോ? ധൈര്യ​മാർജിച്ച്‌ അഭി​പ്രാ​യം പറയു​ന്നു​ണ്ടോ? ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ പേർ നൽകി​യോ? ശുശ്രൂ​ഷ​യിൽ പങ്കെടു​ക്കാൻ തുടങ്ങി​യോ? ഇതുവ​രെ​യുള്ള പുരോ​ഗ​തിക്ക്‌ അദ്ദേഹത്തെ അഭിന​ന്ദി​ക്കുക; ഇത്‌ ഉന്മേഷ​ദാ​യ​ക​വും പ്രോ​ത്സാ​ഹ​ജ​ന​ക​വും ആയിരി​ക്കും.—സദൃ. 25:11.

^{4 ബൈബിളധ്യാപകൻ എന്ന നിലയിൽ:} വിദ്യാർഥി​കൾ സഭയിലെ ഓരോ​രു​ത്ത​രെ​യും അടുത്തു പരിച​യ​പ്പെ​ടു​ന്ന​തി​നാ​യി ചിലർ മറ്റു പ്രസാ​ധ​കരെ മാറി​മാ​റി തങ്ങളോ​ടൊ​പ്പം അധ്യയ​ന​ത്തി​നു കൊണ്ടു​പോ​കു​ന്നു. വിദ്യാർഥി​യെ കഴിവ​തും വേഗം സഭാ​യോ​ഗ​ങ്ങൾക്കു ക്ഷണിക്കുക. അദ്ദേഹം യോഗ​ങ്ങൾക്കു വന്നുതു​ട​ങ്ങു​മ്പോൾ മറ്റുള്ള​വർക്ക്‌ പരിച​യ​പ്പെ​ടു​ത്തി​കൊ​ടു​ക്കുക. പുകവലി പോലുള്ള ഒരു ദുശ്ശീ​ലത്തെ തരണം ചെയ്യാൻ അദ്ദേഹം പാടു​പെ​ടു​ക​യാ​ണോ? അദ്ദേഹം ബൈബിൾ പഠിക്കു​ന്ന​തി​നോ​ടു വീട്ടി​ലുള്ള ആർക്കെ​ങ്കി​ലും എതിർപ്പു​ണ്ടോ? സമാന​മായ വെല്ലു​വി​ളി​കളെ തരണം​ചെയ്‌ത പ്രസാ​ധ​ക​രു​മാ​യി സംസാ​രി​ക്കാൻ ക്രമീ​ക​രി​ക്കു​ന്നത്‌ അദ്ദേഹ​ത്തി​നു പ്രയോ​ജനം ചെയ്‌തേ​ക്കാം.—1 പത്രൊ. 5:9.

⁵ പുതിയവർക്കു സഭയിൽനി​ന്നുള്ള ആത്മീയ പിന്തുണ ആവശ്യ​മാണ്‌. യഥാർഥ വ്യക്തിഗത താത്‌പ​ര്യം കാണി​ച്ചു​കൊണ്ട്‌, പുരോ​ഗതി പ്രാപി​ക്കാൻ നമു​ക്കേ​വർക്കും അവരെ സഹായി​ക്കാം.