കുടും​ബം ഒത്തൊ​രു​മിച്ച്‌ യഹോ​വയെ ആരാധി​ക്കു​ക

¹ ബൈബിൾകാലങ്ങളിൽ കുടും​ബാം​ഗങ്ങൾ പലകാ​ര്യ​ങ്ങ​ളും ഒരുമി​ച്ചാ​ണു ചെയ്‌തി​രു​ന്നത്‌. ദൈനം​ദിന ജോലി​ക​ളി​ലും പ്രത്യേ​കിച്ച്‌ യഹോ​വ​യു​ടെ ആരാധ​ന​യോ​ടു ബന്ധപ്പെട്ട കാര്യ​ങ്ങ​ളി​ലും അവർ ഒത്തൊ​രു​മിച്ച്‌ പ്രവർത്തി​ച്ചി​രു​ന്നു. (ലേവ്യ. 10:12-14; ആവ. 31:12, 13) ഇന്ന്‌ പലയി​ട​ങ്ങ​ളി​ലും കുടും​ബാം​ഗങ്ങൾ ഒരുമി​ച്ചു കാര്യങ്ങൾ ചെയ്യു​ന്നത്‌ അപൂർവ​മാണ്‌. എന്നിരു​ന്നാ​ലും കുടും​ബ​മെന്ന നിലയിൽ കാര്യങ്ങൾ ചെയ്യേ​ണ്ട​തി​ന്റെ മൂല്യം ക്രിസ്‌ത്യാ​നി​കൾ തിരി​ച്ച​റി​യു​ന്നു, വിശേ​ഷി​ച്ചും ആരാധ​ന​യോ​ടുള്ള ബന്ധത്തിൽ. കുടും​ബങ്ങൾ ഐക്യ​ത്തിൽ തന്നെ ആരാധി​ക്കു​ന്നതു കാണു​മ്പോൾ കുടും​ബ​ത്തി​ന്റെ കാരണ​ഭൂ​തൻ എത്രമാ​ത്രം സന്തോ​ഷി​ക്കും!

² പ്രസംഗവേലയിൽ ഒത്തൊ​രു​മിച്ച്‌: സുവാർത്താ പ്രസം​ഗ​വേ​ല​യിൽ ഒരുമിച്ച്‌ ഏർപ്പെ​ടു​ന്നത്‌ കുടും​ബ​ബന്ധം ശക്തി​പ്പെ​ടു​ത്തും. അതു​കൊണ്ട്‌ സഭയിലെ മറ്റ്‌ അംഗങ്ങ​ളോ​ടൊ​പ്പം വയലിൽ പ്രവർത്തി​ക്കു​ന്നതു കൂടാതെ ഒരു മൂപ്പൻ തന്റെ ഭാര്യ​യോ​ടും മക്കളോ​ടു​മൊ​പ്പ​വും ക്രമമാ​യി പ്രവർത്തി​ക്കു​ന്ന​തി​നു സമയം പട്ടിക​പ്പെ​ടു​ത്തും. (1 തിമൊ. 3:4, 5) തിര​ക്കേ​റിയ പട്ടിക​യാണ്‌ ഉള്ളതെ​ങ്കി​ലും സഞ്ചാര മേൽവി​ചാ​ര​ക​ന്മാർപോ​ലും അവരുടെ ഭാര്യ​മാ​രോ​ടൊ​പ്പം ശുശ്രൂ​ഷ​യിൽ പങ്കുപ​റ്റു​ന്ന​തി​നു സമയം ക്രമീ​ക​രി​ക്കാ​റുണ്ട്‌.

³ മക്കളോടൊപ്പം പ്രസം​ഗ​വേ​ല​യിൽ ഏർപ്പെ​ടുന്ന മാതാ​പി​താ​ക്കൾക്ക്‌ അവരെ സുവി​ശേ​ഷ​ക​രെന്ന നിലയിൽ പുരോ​ഗ​മി​ക്കു​ന്ന​തി​നു സഹായി​ക്കാ​നാ​കും. കുട്ടികൾ തങ്ങളുടെ മാതാ​പി​താ​ക്കൾക്കു ശുശ്രൂ​ഷ​യി​ലുള്ള സന്തോ​ഷ​വും സംതൃ​പ്‌തി​യും നിരീ​ക്ഷി​ക്കും എന്നുമാ​ത്രമല്ല യഹോ​വ​യോ​ടും സഹമനു​ഷ്യ​രോ​ടു​മുള്ള അവരുടെ സ്‌നേഹം നേരിൽ കണ്ടറി​യു​ക​യും ചെയ്യും. (ആവ. 6:5-7) കുട്ടികൾ മുതി​രവേ ഇതിന്റെ പ്രാധാ​ന്യം കുറയു​ന്നില്ല. 15-നും 21-നും ഇടയ്‌ക്കു പ്രായ​മുള്ള മൂന്ന്‌ ആൺമക്ക​ളുള്ള ഒരു ദമ്പതികൾ ക്രമമായ അടിസ്ഥാ​ന​ത്തിൽ ശുശ്രൂ​ഷ​യിൽ അവരോ​ടൊ​പ്പം പ്രവർത്തി​ക്കു​ന്നു. പിതാവ്‌ ഇങ്ങനെ പറഞ്ഞു: “ഓരോ പ്രാവ​ശ്യ​വും ഞങ്ങൾ അവരെ എന്തെങ്കി​ലും ഒരു സംഗതി പഠിപ്പി​ക്കും. വയൽശു​ശ്രൂഷ ആനന്ദക​ര​വും പ്രോ​ത്സാ​ഹ​ജ​ന​ക​വു​മായ അനുഭ​വ​മാ​ണെന്നു ഞങ്ങൾ ഉറപ്പു​വ​രു​ത്താ​റുണ്ട്‌.”

⁴ ഒത്തൊരുമിച്ചു തയ്യാറാ​കൽ: ശുശ്രൂ​ഷ​യ്‌ക്കാ​യി ഒരുമി​ച്ചു തയ്യാറാ​കു​ന്നതു പ്രയോ​ജ​ന​പ്ര​ദ​മാ​ണെന്നു കുടും​ബങ്ങൾ കണ്ടെത്തി​യി​രി​ക്കു​ന്നു. കുടും​ബാം​ഗ​ങ്ങ​ളോ​ടൊ​പ്പം പരിശീ​ലന സെഷനു​ക​ളിൽ ഊഴമ​നു​സ​രി​ച്ചു പ്രകട​നങ്ങൾ നടത്തു​ക​യോ വീട്ടു​കാ​രാ​യി ഇരിക്കു​ക​യോ ചെയ്യു​ന്നത്‌ കുട്ടികൾ മിക്ക​പ്പോ​ഴും ആസ്വദി​ക്കാ​റുണ്ട്‌. പലരും കുടും​ബാ​ധ്യ​യ​ന​ത്തി​നു​ശേഷം ഏതാനും മിനിറ്റ്‌ ഇതിനാ​യി ഉപയോ​ഗി​ക്കു​ന്നു.

⁵ പ്രിയപ്പെട്ടവരോടൊപ്പം പ്രധാ​ന​വും സംതൃ​പ്‌തി​ദാ​യ​ക​വു​മായ പ്രവർത്ത​ന​ങ്ങ​ളിൽ ഏർപ്പെ​ടു​ന്നത്‌ നമ്മുടെ സന്തോഷം വർധി​പ്പി​ക്കു​ന്നു. കുടും​ബാം​ഗങ്ങൾ ഒത്തൊ​രു​മി​ച്ചു വീടു​തോ​റു​മുള്ള വേലയി​ലും മടക്കസ​ന്ദർശ​ന​ങ്ങ​ളി​ലും ബൈബി​ള​ധ്യ​യ​ന​ങ്ങ​ളി​ലും പങ്കുപ​റ്റു​ന്നത്‌ എത്ര ആസ്വാ​ദ്യ​മാണ്‌! അങ്ങനെ കുടും​ബ​മൊ​ന്നിച്ച്‌ യഹോ​വയെ ആരാധി​ക്കവേ സന്തോ​ഷ​പൂർവം നിങ്ങൾക്ക്‌ ഇങ്ങനെ പറയാം: “ഞാനും എന്റെ കുടും​ബ​വു​മോ, ഞങ്ങൾ യഹോ​വയെ സേവി​ക്കും.—യോശു. 24:15.