ശുശ്രൂ​ഷ​യിൽ സമയം പരമാ​വധി പ്രയോ​ജ​ന​പ്പെ​ടു​ത്തുക

¹ ശുശ്രൂ​ഷ​യിൽ നമുക്കു വളരെ​യ​ധി​കം കാര്യങ്ങൾ ചെയ്യാ​നുണ്ട്‌, പക്ഷേ കുറച്ചു സമയമേ അവശേ​ഷി​ച്ചി​ട്ടു​ള്ളൂ. (യോഹ. 4:35; 1 കൊരി. 7:29) നല്ല സംഘാ​ട​ന​വും മുൻകൂ​ട്ടി​യുള്ള ആസൂ​ത്ര​ണ​വും ഉണ്ടെങ്കിൽ ശുശ്രൂ​ഷ​യ്‌ക്കാ​യി മാറ്റി​വെ​ച്ചി​രി​ക്കുന്ന സമയം നമുക്കു പരമാ​വധി പ്രയോ​ജ​ന​പ്പെ​ടു​ത്താ​നാ​കും.

² നന്നായി തയ്യാറാ​കുക: വയൽസേ​വ​ന​യോ​ഗ​ത്തി​നു മുമ്പു​തന്നെ ശുശ്രൂ​ഷ​യ്‌ക്ക്‌ ആവശ്യ​മായ സാഹി​ത്യ​ങ്ങൾ കൈവ​ശ​മു​ണ്ടെ​ന്നും അവതര​ണങ്ങൾ നന്നായി തയ്യാറാ​യി​ട്ടു​ണ്ടെ​ന്നും ഉറപ്പു​വ​രു​ത്തുക. പ്രാർഥ​ന​യോ​ടെ യോഗം അവസാ​നി​ച്ചു​ക​ഴി​ഞ്ഞാൽ നേരെ വയലി​ലേക്കു പോകുക. അങ്ങനെ ചെയ്യു​ന്നത്‌ വയൽസേ​വ​ന​ത്തി​നു ലഭ്യമായ സമയം പരമാ​വധി പ്രയോ​ജ​ന​പ്പെ​ടു​ത്താൻ നിങ്ങ​ളെ​യും കൂടെ​യു​ള്ള​വ​രെ​യും സഹായി​ക്കും.

³ വയൽസേ​വ​ന​യോ​ഗം നടത്താൻ നിങ്ങളെ നിയമി​ച്ചി​ട്ടു​ണ്ടെ​ങ്കിൽ, കൃത്യ​സ​മ​യ​ത്തു​തന്നെ തുടങ്ങുക. യോഗം ഹ്രസ്വ​മാ​യി​രി​ക്കണം; 10-15 മിനി​ട്ടിൽ കൂടരുത്‌. യോഗം പിരി​യു​ന്ന​തി​നു​മു​മ്പു​തന്നെ, ഓരോ​രു​ത്ത​രും എവി​ടെ​യാ​ണു പ്രവർത്തി​ക്കു​ന്ന​തെ​ന്നും ആരോ​ടൊ​പ്പ​മാ​ണെ​ന്നും തീരു​മാ​നി​ച്ചി​രി​ക്കണം.

⁴ ശുശ്രൂ​ഷ​യി​ലാ​യി​രി​ക്കെ: വയൽസേ​വ​ന​യോ​ഗം കഴിഞ്ഞാ​ലു​ടൻ, വെറു​തെ​നി​ന്നു സമയം​ക​ള​യാ​തെ നിയമിത പ്രദേ​ശ​ത്തേക്കു പുറ​പ്പെ​ടുക. നേരത്തെ മടങ്ങി​പ്പോ​രാൻ ഉദ്ദേശി​ക്കു​ന്നെ​ങ്കിൽ കൂടെ പ്രവർത്തി​ക്കുന്ന ആളോട്‌ അതു നേര​ത്തേ​തന്നെ പറയു​ന്നതു നന്നായി​രി​ക്കും. അങ്ങനെ​യാ​കു​മ്പോൾ നിങ്ങൾ പോന്ന​ശേഷം അദ്ദേഹ​ത്തിന്‌ മറ്റൊരു പ്രസാ​ധ​ക​നോ​ടൊ​പ്പം ചേരാ​നും ശുശ്രൂഷ തുടരാ​നും സാധി​ക്കും. ഇനി വീട്ടു​കാ​ര​നു​മാ​യുള്ള ചർച്ച നീണ്ടു​പോ​കു​ന്നെ​ങ്കി​ലെന്ത്‌? നമ്മോടു തർക്കി​ക്കുന്ന ഒരു വ്യക്തി​യു​മാ​യുള്ള ചർച്ച നയപൂർവം അവസാ​നി​പ്പി​ച്ചു പോരുക. താത്‌പ​ര്യം കാണി​ക്കുന്ന ആളാ​ണെ​ങ്കിൽ മടക്കസ​ന്ദർശനം ക്രമീ​ക​രി​ക്കാ​നാ​കും. (മത്താ. 10:11) അങ്ങനെ ചെയ്യു​ക​വഴി, മറ്റുള്ളവർ നമുക്കു​വേണ്ടി കാത്തു​നിൽക്കാൻ ഇടയാ​ക്കാ​തെ അവരോ​ടു പരിഗണന കാണി​ക്കാ​നാ​കും.

⁵ മടക്കസ​ന്ദർശ​നങ്ങൾ നടത്തു​മ്പോൾ, ഒരു സ്ഥലത്തുള്ളവ നടത്തി​യിട്ട്‌ വേറൊ​രു സ്ഥലത്തേക്കു പോവു​ക​യാ​ണെ​ങ്കിൽ അനാവശ്യ യാത്രകൾ ഒഴിവാ​ക്കാ​നാ​കും. ചിലരു​ടെ കാര്യ​ത്തിൽ, അവർ വീട്ടി​ലു​ണ്ടാ​കു​മെന്ന്‌ ഫോൺ ചെയ്‌ത്‌ ഉറപ്പു​വ​രു​ത്താൻ കഴിയും. (സദൃ. 21:5) മടക്കസ​ന്ദർശനം നീണ്ടു​പോ​കു​മെ​ന്നു​ണ്ടെ​ങ്കിൽ കൂടെ​യു​ള്ള​വർക്കു നിങ്ങൾ മടങ്ങി​വ​രു​ന്ന​തു​വരെ അടു​ത്തെ​വി​ടെ​യെ​ങ്കി​ലും ശുശ്രൂഷ തുടരു​ന്ന​തി​നോ അല്ലെങ്കിൽ മറ്റു മടക്കസ​ന്ദർശ​നങ്ങൾ നടത്തു​ന്ന​തി​നോ സാധി​ക്കും.

⁶ വലിയ ആത്മീയ കൊയ്‌ത്തി​ന്റെ കാലത്താ​ണു നാം ജീവി​ക്കു​ന്നത്‌. (മത്താ. 9:37, 38) ഈ വേല ഉടൻതന്നെ അവസാ​നി​ക്കും. അതു​കൊണ്ട്‌ ശുശ്രൂ​ഷ​യിൽ സമയം പരമാ​വധി പ്രയോ​ജ​ന​പ്പെ​ടു​ത്തുക എന്നതാ​യി​രി​ക്കട്ടെ നമ്മുടെ ലക്ഷ്യം.