നിങ്ങൾ അത്‌ നീട്ടി​വെ​ക്കു​ക​യാ​ണോ?

സ്‌നാ​ന​മേറ്റ സാക്ഷി​കൾക്കുള്ള അഡ്വാൻസ്‌ ഹെൽത്ത്‌ കെയർ ഡയറക്‌റ്റിവ്‌ നിങ്ങൾ പൂരി​പ്പി​ച്ചി​ട്ടു​ണ്ടോ? അതോ അത്‌ നീട്ടി​വെ​ച്ചി​രി​ക്കു​ക​യാ​ണോ? “നാളെ നിങ്ങൾക്ക്‌ എന്തു സംഭവി​ക്കു​മെന്ന്‌ നിങ്ങൾ അറിയു​ന്നി​ല്ല​ല്ലോ” എന്ന്‌ നമ്മുടെ ജീവി​ത​ത്തെ​ക്കു​റിച്ച്‌ യാക്കോബ്‌ പറഞ്ഞതു വളരെ സത്യമാണ്‌. അതു​കൊ​ണ്ടു​തന്നെ, ഒരു അടിയ​ന്തിര സാഹച​ര്യ​ത്തിൽ ഏതുതരം ചികി​ത്സ​ക​ളും വൈദ്യ​ന​ട​പ​ടി​ക​ളും സ്വീക​രി​ക്കണം എന്ന്‌ മുൻകൂ​ട്ടി തീരു​മാ​നി​ക്കു​ന്ന​തും അത്‌ എഴുതി​വെ​ക്കു​ന്ന​തും അതി​പ്ര​ധാ​ന​മാണ്‌. (യാക്കോ. 4:14; പ്രവൃ. 15:28, 29) ഈ കാർഡ്‌ ഓരോ വർഷവും പുതു​ക്കേ​ണ്ട​താണ്‌. സാക്ഷി​ക​ളായ മാതാ​പി​താ​ക്ക​ളു​ടെ സ്‌നാ​ന​മേ​റ്റി​ട്ടി​ല്ലാത്ത കുട്ടി​കൾക്ക്‌ ശരിയാം​വണ്ണം പൂരി​പ്പിച്ച തിരി​ച്ച​റി​യൽ കാർഡു​കൾ ഉണ്ടായി​രി​ക്കണം.

നിങ്ങൾക്കും മക്കൾക്കും​വേണ്ടി, ഏതു ചികി​ത്സാ​രീ​തി​കൾ സ്വീക​രി​ക്ക​ണ​മെ​ന്നതു സംബന്ധിച്ച്‌ നിങ്ങൾ ഒരു തീരു​മാ​ന​മെ​ടു​ക്കു​ക​യും അഡ്വാൻസ്‌ ഹെൽത്ത്‌ കെയർ ഡയറക്‌റ്റിവ്‌ പൂരി​പ്പി​ക്കു​ക​യും ചെയ്‌തി​ട്ടു​ണ്ടോ? ഈ കാര്യ​ങ്ങ​ളെ​ക്കു​റിച്ച്‌ കൂടുതൽ അറിയാൻ 2004 ജൂൺ 15 ലക്കം വീക്ഷാ​ഗോ​പു​ര​ത്തി​ലെ “വായന​ക്കാ​രിൽനി​ന്നുള്ള ചോദ്യ​ങ്ങൾ” എന്ന പംക്തി​യും 2006 നവംബർ ലക്കം നമ്മുടെ രാജ്യ ശുശ്രൂ​ഷ​യി​ലെ “രക്തത്തിന്റെ ഘടകാം​ശ​ങ്ങ​ളു​ടെ​യും എന്റെതന്നെ രക്തം ഉൾപ്പെ​ടുന്ന വൈദ്യ നടപടി​ക​ളു​ടെ​യും കാര്യ​ത്തിൽ ഞാൻ എന്തു തീരു​മാ​ന​മെ​ടു​ക്കണം?” എന്ന അനുബ​ന്ധ​വും ശ്രദ്ധാ​പൂർവം അവലോ​കനം ചെയ്യുക. നിങ്ങളു​ടെ തിര​ഞ്ഞെ​ടു​പ്പു​ക​ളെ​ക്കു​റിച്ച്‌ അഡ്വാൻസ്‌ ഹെൽത്ത്‌ കെയർ ഡയറക്‌റ്റി​വിൽ വളരെ കൃത്യ​മാ​യി​ത്തന്നെ രേഖ​പ്പെ​ടു​ത്തി​യി​ട്ടു​ണ്ടെന്ന്‌ ഉറപ്പു​വ​രു​ത്തുക. സാക്ഷി​ക​ള​ല്ലാത്ത കുടും​ബാം​ഗ​ങ്ങൾക്ക്‌ നിങ്ങളു​ടെ തീരു​മാ​ന​ങ്ങ​ളെ​ക്കു​റിച്ച്‌ വ്യക്തമായ ധാരണ​യു​ണ്ടെന്ന്‌ ഉറപ്പു​വ​രു​ത്തുക.

അഡ്വാൻസ്‌ ഹെൽത്ത്‌ കെയർ ഡയറക്‌റ്റിവ്‌ വീട്ടിൽവെച്ച്‌ വേണ​മെ​ങ്കിൽ പൂരി​പ്പി​ക്കാ​വു​ന്ന​താണ്‌. പക്ഷേ, ഒപ്പു​വെ​ക്കു​ന്ന​തും തീയതി എഴുതു​ന്ന​തും രണ്ട്‌ സാക്ഷി​ക​ളു​ടെ മുമ്പാ​കെ​യാ​യി​രി​ക്കണം. ഗ്രൂപ്പ്‌ മേൽവി​ചാ​ര​ക​ന്റെ​യോ മറ്റേ​തെ​ങ്കി​ലും മൂപ്പ​ന്റെ​യോ സഹായ​ത്തോ​ടെ രാജ്യ​ഹാ​ളിൽവെ​ച്ചും ഇത്‌ പൂരി​പ്പി​ക്കാ​വു​ന്ന​താണ്‌. എന്നാൽ ഇതിൽ ഒപ്പിടു​ന്നത്‌ കാർഡിൽ “സാക്ഷി​ക​ളു​ടെ പ്രസ്‌താ​വന”യിൽ (“STATEMENT OF WITNESSES”) പരാമർശി​ച്ചി​രി​ക്കു​ന്ന​തു​പോ​ലെ അവരുടെ മുമ്പാകെ ആയിരി​ക്കണം എന്നത്‌ പ്രധാ​ന​മാണ്‌. ഈ കാർഡ്‌ പൂരി​പ്പി​ക്കാത്ത ആർക്കെ​ങ്കി​ലും അതിന്‌ സഹായം ആവശ്യ​മു​ണ്ടോ എന്ന്‌ ഗ്രൂപ്പ്‌ മേൽവി​ചാ​ര​ക​ന്മാർക്ക്‌ ഇടയ്‌ക്കി​ടെ പരി​ശോ​ധി​ക്കാ​വു​ന്ന​താണ്‌.

ഇംഗ്ലീഷ്‌ വായിച്ച്‌ മനസ്സി​ലാ​ക്കാൻ കഴിയുന്ന എല്ലാവർക്കും അഡ്വാൻസ്‌ ഹെൽത്ത്‌ കെയർ ഡയറക്‌റ്റിവ്‌ (dpa-E In 11/04) ഉപയോ​ഗി​ക്കാ​വു​ന്ന​താണ്‌. എന്നാൽ അതിനു കഴിയാ​ത്ത​വർക്കാ​യി മറ്റൊരു കാർഡ്‌ (dpa-1-E In 11/04) തയ്യാറാ​ക്കി​യി​ട്ടുണ്ട്‌. ഇതിൽ 8-ാമതായി ഒരു ചോദ്യം​കൂ​ടി ഉൾപ്പെ​ടു​ത്തി​യി​രി​ക്കു​ന്നു. ഡിപിഎ കാർഡി​ലെ ഉള്ളടക്കം കാർഡി​ന്റെ ഉടമസ്ഥന്‌ വായിച്ചു വിശദീ​ക​രി​ച്ചു കൊടു​ത്ത​യാ​ളു​ടെ പേര്‌ ചോദി​ച്ചു​കൊ​ണ്ടു​ള്ള​താണ്‌ ആ ചോദ്യം. പ്രസാ​ധകർ എപ്പോ​ഴും കൈയിൽ കരു​തേ​ണ്ടത്‌ കാർഡി​ന്റെ ഒറിജി​ന​ലാണ്‌, ഫോ​ട്ടോ​കോ​പ്പി​യല്ല.

[3-ാം പേജിലെ ചതുരം]

• നിങ്ങൾക്കും മക്കൾക്കും​വേണ്ടി, ഏതു ചികി​ത്സാ​രീ​തി​കൾ സ്വീക​രി​ക്ക​ണ​മെ​ന്നതു സംബന്ധിച്ച്‌ നിങ്ങൾ ഒരു തീരു​മാ​ന​ത്തി​ലെ​ത്തി​യി​ട്ടു​ണ്ടോ?

• ഒരു അടിയ​ന്തി​ര​സാ​ഹ​ച​ര്യം ഉടലെ​ടു​ക്കു​ന്നെ​ങ്കിൽ ഉപയോ​ഗി​ക്കാ​നാ​യി, പൂരി​പ്പിച്ച അഡ്വാൻസ്‌ ഹെൽത്ത്‌ കെയർ ഡയറക്‌റ്റിവ്‌ എപ്പോ​ഴും നിങ്ങളു​ടെ കൈവ​ശ​മു​ണ്ടോ?