ഇതര ചികി​ത്സാ​രീ​തി​ക​ളെ​ക്കു​റിച്ച്‌ നിങ്ങൾക്ക്‌ അറിയാ​മോ?

ലോക​മെ​മ്പാ​ടും രക്തരഹിത ശസ്‌ത്ര​ക്രിയ നടത്തുന്ന ആശുപ​ത്രി​ക​ളു​ടെ എണ്ണം കൂടി​വ​രു​ക​യാണ്‌. രക്തരഹിത ചികി​ത്സാ​രം​ഗത്ത്‌ ഏതെല്ലാം ചികി​ത്സകൾ ലഭ്യമാണ്‌ എന്നതി​നെ​ക്കു​റിച്ച്‌ നിങ്ങൾക്ക്‌ വേണ്ടത്ര അറിവു​ണ്ടോ? വൈദ്യ​ചി​കി​ത്സ​യും ശസ്‌ത്ര​ക്രി​യ​യും ഉൾപ്പെ​ട്ടി​രി​ക്കുന്ന സാഹച​ര്യ​ങ്ങ​ളിൽ കാര്യ​ജ്ഞാ​ന​ത്തോ​ടെ തീരു​മാ​ന​ങ്ങ​ളെ​ടു​ക്കാൻ നിങ്ങൾ ഇത്‌ അറിഞ്ഞി​രി​ക്കേ​ണ്ട​തുണ്ട്‌. രക്തരഹിത ചികിത്സ—വൈദ്യ​ശാ​സ്‌ത്രം വെല്ലു​വി​ളി​യെ വിജയ​ക​ര​മാ​യി നേരി​ടു​ന്നു (ഇംഗ്ലീഷ്‌) എന്ന വീഡി​യോ കാണുക. ഇംഗ്ലീഷ്‌ മനസ്സി​ലാ​ക്കാൻ ബുദ്ധി​മു​ട്ടു​ള്ളവർ അവസാ​നത്തെ ഖണ്ഡിക​യിൽ പരാമർശി​ച്ചി​രി​ക്കുന്ന ലേഖനങ്ങൾ വായി​ക്കുക. അതിനു​ശേഷം, പഠിച്ച​കാ​ര്യ​ങ്ങൾ പിൻവ​രുന്ന ചോദ്യ​ങ്ങ​ളു​ടെ സഹായ​ത്താൽ പ്രാർഥ​നാ​പൂർവം അവലോ​കനം ചെയ്യുക.—കുറിപ്പ്‌: വീഡി​യോ​യിൽ ശസ്‌ത്ര​ക്രി​യ​യു​ടെ ഹ്രസ്വ രംഗങ്ങൾ ഉൾപ്പെ​ടു​ത്തി​യി​ട്ടു​ള്ള​തി​നാൽ കൊച്ചു​കു​ട്ടി​ക​ളോ​ടൊ​പ്പം ഈ വീഡി​യോ കാണു​ന്ന​തിൽ മാതാ​പി​താ​ക്കൾ വിവേചന ഉപയോ​ഗി​ക്കണം.

(1) യഹോ​വ​യു​ടെ സാക്ഷികൾ രക്തപ്പകർച്ച നിരസി​ക്കു​ന്ന​തി​ന്റെ മുഖ്യ കാരണം എന്ത്‌? (2) വൈദ്യ​ചി​കിത്സ തേടു​മ്പോൾ യഹോ​വ​യു​ടെ സാക്ഷികൾ എന്താണ്‌ ആഗ്രഹി​ക്കു​ന്നത്‌? (3) രോഗി​കൾക്ക്‌ എന്ത്‌ അടിസ്ഥാന അവകാശം ഉണ്ട്‌? (4) എന്താണ്‌ രക്തത്തിന്റെ ഘടകാം​ശങ്ങൾ? (5) ചില ക്രിസ്‌ത്യാ​നി​കൾ (എ) രക്തത്തിന്റെ ഘടകാം​ശങ്ങൾ സ്വീക​രി​ക്കു​ക​യും (ബി) ചിലർ രക്തത്തിന്റെ ഏതൊരു ഘടകാം​ശ​വും നിരസി​ക്കു​ക​യും ചെയ്യു​ന്നത്‌ എന്തു​കൊ​ണ്ടാണ്‌? (6) രക്തദാ​ന​ത്തെ​യും, പിന്നീ​ടുള്ള ഉപയോ​ഗ​ത്തി​നാ​യി സ്വന്തം രക്തം സൂക്ഷി​ച്ചു​വെ​ക്കു​ന്ന​തി​നെ​യും ക്രിസ്‌ത്യാ​നി​കൾ എങ്ങനെ വീക്ഷി​ക്കണം? (7) രക്തം ഉൾപ്പെട്ട ചില ചികി​ത്സാ​രീ​തി​കൾ ഏവ? വിശദീ​ക​രി​ക്കുക. (8) രക്തം ഉൾപ്പെട്ട ചികി​ത്സാ​രീ​തി​ക​ളോ​ടുള്ള ബന്ധത്തിൽ ഓരോ ക്രിസ്‌ത്യാ​നി​ക്കും ഗൗരവ​ത​ര​മായ എന്ത്‌ ഉത്തരവാ​ദി​ത്വ​മുണ്ട്‌? (9) രക്തപ്പകർച്ച​യ്‌ക്കു പകരം സ്വീക​രി​ക്കുന്ന ഏതൊരു മാർഗ​ത്തെ​യും കുറിച്ച്‌ നിങ്ങൾ എന്ത്‌ അറിഞ്ഞി​രി​ക്കണം? (10) വലുതും സങ്കീർണ​വു​മായ ശസ്‌ത്ര​ക്രി​യകൾ രക്തപ്പകർച്ച കൂടാതെ നിർവ​ഹി​ക്കാൻ സാധി​ക്കു​മോ?

ഈ വീഡി​യോ​യിൽ അവതരി​പ്പി​ച്ചി​ട്ടുള്ള ചില ചികി​ത്സകൾ സ്വീക​രി​ക്ക​ണോ വേണ്ടയോ എന്നത്‌ ഓരോ വ്യക്തി​യു​ടെ​യും ബൈബിൾ പരിശീ​ലിത മനസ്സാക്ഷി അനുസ​രി​ച്ചു തീരു​മാ​നി​ക്കേണ്ട സംഗതി​യാണ്‌. നിങ്ങൾക്കും മക്കൾക്കും വേണ്ടി ഏതു ചികി​ത്സാ​രീ​തി​കൾ സ്വീക​രി​ക്ക​ണ​മെ​ന്നതു സംബന്ധിച്ച്‌ നിങ്ങൾ ഒരു തീരു​മാ​നം എടുത്തി​ട്ടു​ണ്ടോ? അതിന്റെ അടിസ്ഥാ​ന​ത്തിൽ നിങ്ങൾ അഡ്വാൻസ്‌ ഹെൽത്ത്‌ കെയർ ഡയറക്‌റ്റിവ്‌ പൂരി​പ്പി​ച്ചി​ട്ടു​ണ്ടോ? ഇത്തരം കാര്യ​ങ്ങ​ളെ​ക്കു​റി​ച്ചു കൂടു​ത​ലാ​യി അറിയാൻ വീക്ഷാ​ഗോ​പു​ര​ത്തി​ന്റെ 2004 ജൂൺ 15, 2000 ഒക്‌ടോ​ബർ 15 ലക്കങ്ങളി​ലെ “വായന​ക്കാ​രിൽ നിന്നുള്ള ചോദ്യ​ങ്ങൾ” എന്ന പംക്തി ശ്രദ്ധാ​പൂർവം അവലോ​കനം ചെയ്യുക. എന്നിട്ട്‌, നമ്മുടെ രാജ്യ ശുശ്രൂ​ഷ​യു​ടെ 2006 നവംബർ ലക്കത്തിലെ “രക്തത്തിന്റെ ഘടകാം​ശ​ങ്ങ​ളു​ടെ​യും എന്റെതന്നെ രക്തം ഉൾപ്പെ​ടുന്ന വൈദ്യ​ന​ട​പ​ടി​ക​ളു​ടെ​യും കാര്യ​ത്തിൽ ഞാൻ എന്തു തീരു​മാ​ന​മെ​ടു​ക്കണം?” എന്ന അനുബ​ന്ധ​ത്തി​ലെ വർക്ക്‌ഷീറ്റ്‌ ഉപയോ​ഗിച്ച്‌ ഏതെല്ലാം ഘടകാം​ശ​ങ്ങ​ളും വൈദ്യ​ന​ട​പ​ടി​ക​ളും നിങ്ങൾ സ്വീക​രി​ക്കും അല്ലെങ്കിൽ നിരസി​ക്കും എന്നു തീരു​മാ​നി​ക്കുക. നിങ്ങൾ എടുത്ത തീരു​മാ​നം അഡ്വാൻസ്‌ ഹെൽത്ത്‌ കെയർ ഡയറക്‌റ്റി​വിൽ കൃത്യ​മാ​യി രേഖ​പ്പെ​ടു​ത്തുക. അടിയ​ന്തിര സാഹച​ര്യം ഉണ്ടാകു​ന്ന​പക്ഷം ബന്ധപ്പെ​ടേണ്ട വ്യക്തി​ക​ളെ​യും അതു​പോ​ലെ​തന്നെ സാക്ഷി​ക​ള​ല്ലാത്ത കുടും​ബാം​ഗ​ങ്ങ​ളെ​യും നിങ്ങളു​ടെ തീരു​മാ​നങ്ങൾ അറിയി​ച്ചി​രി​ക്കണം.