പ്രസം​ഗി​ക്കാൻ പുതി​യ​വരെ പഠിപ്പി​ക്കു​ക

1. ആദ്യമാ​യി വീടു​തോ​റു​മുള്ള വേലയിൽ പങ്കെടു​ത്ത​പ്പോൾ നിങ്ങളു​ടെ അനുഭവം എന്തായി​രു​ന്നു?

¹ ആദ്യമാ​യി വീടു​തോ​റു​മുള്ള വേലയിൽ പങ്കെടു​ത്തത്‌ നിങ്ങൾ ഓർക്കു​ന്നു​ണ്ടോ? ഒരുപക്ഷേ അന്ന്‌ നിങ്ങൾക്ക്‌ നല്ല പേടി തോന്നി​യി​രി​ക്കും. നിങ്ങൾക്ക്‌ അധ്യയ​ന​മെ​ടുത്ത വ്യക്തി​യു​ടെ കൂടെ​യോ മറ്റൊരു പ്രസാ​ധ​കന്റെ കൂടെ​യോ ആയിരി​ക്കാം അന്ന്‌ പ്രവർത്തി​ച്ചത്‌. ഏതായാ​ലും കൂടെവന്ന ആളുടെ സഹായം നിങ്ങൾക്ക്‌ വലി​യൊ​രു ആശ്വാ​സ​മാ​യി​രു​ന്നു. ഇപ്പോൾ അനുഭ​വ​സ​മ്പ​ന്ന​നായ ഒരു ശുശ്രൂ​ഷ​ക​നാ​യി​ത്തീർന്നി​രി​ക്കുന്ന സ്ഥിതിക്ക്‌ മറ്റുള്ള​വരെ പരിശീ​ലി​പ്പി​ക്കാ​നുള്ള സ്ഥാനത്താണ്‌ നിങ്ങൾ.

2. പുതിയ പ്രസാ​ധകർ എന്തെല്ലാം പഠി​ക്കേ​ണ്ട​തുണ്ട്‌?

² വീട്ടു​കാ​രു​മാ​യി സംഭാ​ഷണം തുടങ്ങാ​നും ബൈബിൾ ഉപയോ​ഗിച്ച്‌ സംസാ​രി​ക്കാ​നും മടക്കസ​ന്ദർശനം നടത്താ​നും ബൈബി​ള​ധ്യ​യ​നങ്ങൾ ആരംഭി​ക്കാ​നും അവ തുടരാ​നും ഒക്കെ പുതിയ പ്രസാ​ധകർ പഠി​ക്കേ​ണ്ട​തുണ്ട്‌. തെരു​വു​സാ​ക്ഷീ​ക​രണം, ബിസി​നസ്സ്‌ പ്രദേ​ശ​ത്തുള്ള സാക്ഷീ​ക​രണം എന്നിങ്ങനെ പ്രസം​ഗ​വേ​ല​യു​ടെ വ്യത്യസ്‌ത മേഖല​ക​ളിൽ എങ്ങനെ ഏർപ്പെ​ടാ​മെന്ന്‌ അവർ അറിഞ്ഞി​രി​ക്കേ​ണ്ട​തുണ്ട്‌. സുവാർത്ത പ്രസം​ഗി​ക്കു​മ്പോൾ വീട്ടു​കാ​രു​ടെ മതവി​കാ​ര​ങ്ങളെ വ്രണ​പ്പെ​ടു​ത്താ​തി​രി​ക്കാ​നും അവർ പഠിക്കണം. കൂടാതെ, ജാഗ്ര​ത​യോ​ടും നയത്തോ​ടും കൂടെ പ്രസം​ഗി​ക്കേ​ണ്ട​തി​ന്റെ പ്രാധാ​ന്യ​വും അവർ മനസ്സി​ലാ​ക്കണം. (കൊലോ. 4:6) നല്ലൊരു മാതൃ​ക​വെ​ച്ചു​കൊ​ണ്ടും അതു​പോ​ലെ ഉചിത​മായ നിർദേ​ശങ്ങൾ നൽകി​ക്കൊ​ണ്ടും ഇക്കാര്യ​ങ്ങ​ളി​ലെ​ല്ലാം പുരോ​ഗ​തി​വ​രു​ത്താൻ നമുക്ക്‌ അവരെ സഹായി​ക്കാം.

3. ശുശ്രൂ​ഷ​യിൽ ആയിരി​ക്കു​മ്പോൾ പുതി​യ​വരെ ഏതുവി​ധ​ത്തിൽ സഹായി​ക്കാ​നാ​കും?

³ ചെയ്‌തു കാണി​ക്കുക: എങ്ങനെ പ്രസം​ഗി​ക്ക​ണ​മെന്ന്‌ യേശു തന്റെ ശിഷ്യ​ന്മാർക്ക്‌ കാണി​ച്ചു​കൊ​ടു​ത്തു. (ലൂക്കോ. 8:1; 1 പത്രോ. 2:21) പുതിയ പ്രസാ​ധ​ക​നു​മാ​യി പ്രവർത്തി​ക്കു​ന്ന​തി​നു​മുമ്പ്‌ അദ്ദേഹ​ത്തിന്‌ പഠി​ച്ചെ​ടു​ക്കാൻ കഴിയുന്ന ലളിത​മായ ഒരു അവതരണം നിങ്ങൾക്ക്‌ തയ്യാറാ​കാ​നാ​കും. നമ്മുടെ പ്രസി​ദ്ധീ​ക​ര​ണ​ങ്ങ​ളി​ലെ മാതൃകാ അവതര​ണങ്ങൾ ഇതിനാ​യി ഉപയോ​ഗി​ക്കാം. ആദ്യത്തെ ഒന്നോ രണ്ടോ വീടു​ക​ളിൽ നിങ്ങൾ സംസാ​രി​ക്കാം എന്നു പറയുക; അപ്പോൾ പുതിയ പ്രസാ​ധ​കന്‌ നിങ്ങൾ പറയു​ന്നത്‌ കേട്ടു​പ​ഠി​ക്കാ​നാ​കും. ഒരു വീട്ടിൽ സംസാ​രി​ച്ച​തി​നു​ശേഷം നിങ്ങളു​ടെ അവതരണം എത്രമാ​ത്രം ഫലപ്ര​ദ​മാ​യി​രു​ന്നു എന്നതി​നെ​ക്കു​റിച്ച്‌ പുതിയ പ്രസാ​ധ​ക​നോട്‌ അഭി​പ്രാ​യം ആരായുക. മറ്റുള്ള​വ​രോ​ടൊ​പ്പം ശുശ്രൂ​ഷ​യിൽ ഏർപ്പെ​ടു​ന്ന​തി​ന്റെ പ്രയോ​ജനം തിരി​ച്ച​റി​യാ​നും അതു​പോ​ലെ പിന്നീട്‌ നിങ്ങൾ അദ്ദേഹ​ത്തി​നു നൽകി​യേ​ക്കാ​വുന്ന നിർദേ​ശങ്ങൾ നല്ലമന​സ്സോ​ടെ സ്വീക​രി​ക്കാ​നും ഇത്‌ ഉപകരി​ക്കും.

4. പുതിയ പ്രസാ​ധ​കന്റെ അവതരണം ശ്രദ്ധി​ച്ച​ശേഷം അദ്ദേഹത്തെ എങ്ങനെ സഹായി​ക്കാം?

⁴ നിർദേ​ശങ്ങൾ നൽകുക: എങ്ങനെ പ്രസം​ഗി​ക്കണം എന്ന കാര്യ​ത്തിൽ ശിഷ്യ​ന്മാർക്ക്‌ യേശു നിർദേ​ശങ്ങൾ നൽകു​ക​യും ചെയ്‌തു. (മത്താ. 10:5-14) ഒരു പുതിയ പ്രസാ​ധ​കനെ നിങ്ങൾക്കും ഇപ്രകാ​രം സഹായി​ക്കാം. അദ്ദേഹം സംസാ​രി​ക്കു​മ്പോൾ ശ്രദ്ധിച്ചു കേൾക്കുക. പുരോ​ഗതി ആവശ്യ​മുള്ള പല കാര്യ​ങ്ങ​ളും നിങ്ങളു​ടെ ശ്രദ്ധയിൽപ്പെ​ട്ടി​ട്ടു​ണ്ടാ​കും. എങ്കിലും, അവി​ടെ​നിന്ന്‌ ഇറങ്ങി​ക്ക​ഴി​യു​മ്പോൾ അവതര​ണ​ത്തി​ലെ നല്ലവശങ്ങൾ എടുത്തു​പ​റ​ഞ്ഞു​കൊണ്ട്‌ ആത്മാർഥ​മാ​യി അദ്ദേഹത്തെ അഭിന​ന്ദി​ക്കുക. പുരോ​ഗതി വരുത്തേണ്ട ഒരു പ്രത്യേക വശത്തെ​ക്കു​റിച്ച്‌ നിർദേശം നൽകു​ന്ന​തി​നു​മുമ്പ്‌ അടുത്ത വീട്ടിൽ അദ്ദേഹം എങ്ങനെ സംസാ​രി​ക്കു​ന്നു എന്ന്‌ നോക്കുക. ആ പ്രത്യേക വശത്തിൽ അദ്ദേഹം മെച്ച​പ്പെ​ട്ടി​ട്ടു​ണ്ടോ എന്ന്‌ ശ്രദ്ധി​ക്കുക. പേടി​കൊ​ണ്ടോ​മ​റ്റോ ഒരുപക്ഷേ ഒരുതവണ അങ്ങനെ സംഭവി​ച്ച​താ​യി​രി​ക്കും. എല്ലാ പ്രസാ​ധ​ക​രും ഒരേ പ്രാപ്‌തി​യു​ള്ള​വരല്ല എന്നും ഒരു കാര്യം ശരിയാ​യി ചെയ്യു​ന്ന​തിന്‌ ഒന്നില​ധി​കം വിധങ്ങ​ളുണ്ട്‌ എന്നും മനസ്സിൽപ്പി​ടി​ക്കുക.—1 കൊരി. 12:4-7.

5. നിർദേ​ശങ്ങൾ നൽകു​മ്പോൾ എന്തു പറഞ്ഞു തുടങ്ങാം?

⁵ ചില​പ്പോൾ പുതിയ പ്രസാ​ധ​കൻതന്നെ നിങ്ങ​ളോട്‌ നിർദേ​ശങ്ങൾ ചോദി​ച്ചേ​ക്കാം. എന്നാൽ ചോദി​ക്കു​ന്നി​ല്ലെ​ങ്കിൽ നിങ്ങൾതന്നെ മുൻ​കൈ​യെ​ടുത്ത്‌ അദ്ദേഹത്തെ സഹായി​ക്കുക. നയപര​മാ​യി ഇത്‌ എങ്ങനെ ചെയ്യാ​നാ​കും? അനുഭ​വ​സ​മ്പ​ന്ന​രായ ചില പ്രസാ​ധകർ ഇങ്ങനെ​യൊ​ക്കെ ചോദി​ക്കാ​റുണ്ട്‌: “എന്റെ ശ്രദ്ധയിൽപ്പെട്ട ഒരു കാര്യം ഞാൻ പറയട്ടെ?”, “ആ അവതരണം എങ്ങനെ ഉണ്ടായി​രു​ന്നു?” അല്ലെങ്കിൽ ഇങ്ങനെ പറയാം: “എനിക്ക്‌ ആദ്യ​മൊ​ക്കെ . . . കാര്യ​ത്തിൽ ബുദ്ധി​മു​ട്ടു​ണ്ടാ​യി​രു​ന്നു. പക്ഷേ . . . ചെയ്‌തത്‌ എന്നെ സഹായി​ച്ചു.” ചില സന്ദർഭ​ങ്ങ​ളിൽ ന്യായ​വാ​ദം പുസ്‌തകം ഒരുമി​ച്ചു പരിചി​ന്തി​ക്കു​ന്നത്‌ നല്ലതാ​യി​രി​ക്കും. ഒരുതവണ, പുരോ​ഗ​മി​ക്കേണ്ട ഒരു വശത്തെ​ക്കു​റി​ച്ചു​മാ​ത്രം പറയുക; നിർദേ​ശങ്ങൾ നൽകി അദ്ദേഹത്തെ വീർപ്പു​മു​ട്ടി​ക്ക​രുത്‌.

6. ശുശ്രൂ​ഷ​യു​ടെ കാര്യ​ത്തിൽ ‘ഇരുമ്പ്‌ ഇരുമ്പി​നു മൂർച്ച​കൂ​ട്ടു​ന്നത്‌’ എങ്ങനെ?

⁶ ഇരുമ്പ്‌ ഇരുമ്പി​നു മൂർച്ച​കൂ​ട്ടും: തിമൊ​ഥെ​യൊസ്‌ പരിച​യ​സ​മ്പ​ന്ന​നായ ഒരു ശുശ്രൂ​ഷ​ക​നാ​യി​രു​ന്നു. എന്നിട്ടും പുരോ​ഗ​തി​വ​രു​ത്തു​ന്ന​തി​ലും മറ്റുള്ള​വരെ പ്രബോ​ധി​പ്പി​ക്കു​ന്ന​തി​ലും അർപ്പി​ത​നാ​യി​രി​ക്കാൻ പൗലോസ്‌ അവനെ പ്രോ​ത്സാ​ഹി​പ്പി​ച്ചു. (1 തിമൊ. 4:13, 15) നിങ്ങൾ ശുശ്രൂഷ ആരംഭി​ച്ചിട്ട്‌ വർഷങ്ങ​ളാ​യെ​ങ്കി​ലും നിങ്ങളു​ടെ പ്രാപ്‌തി​കൾ മെച്ച​പ്പെ​ടു​ത്താൻ ശ്രമി​ച്ചു​കൊ​ണ്ടേ​യി​രി​ക്കുക. നിങ്ങ​ളോ​ടൊ​പ്പം പ്രവർത്തി​ക്കുന്ന പ്രസാ​ധ​ക​രിൽനിന്ന്‌ പഠിക്കുക, അവർ പുതി​യ​വ​രാ​യി​രു​ന്നാൽപ്പോ​ലും. സുവാർത്ത പ്രാഗ​ത്ഭ്യ​ത്തോ​ടെ പ്രസം​ഗി​ക്കാൻ, മറ്റുള്ള​വരെ, പ്രത്യേ​കിച്ച്‌ പുതി​യ​വരെ ദയാപു​ര​സ്സരം പരിശീ​ലി​പ്പി​ക്കുക.—സദൃ. 27:17.