പഠിപ്പി​ക്കൽപ്രാ​പ്‌തി മെച്ച​പ്പെ​ടു​ത്താൻ ചില നുറു​ങ്ങു​കൾ

1. നമ്മുടെ പഠിപ്പി​ക്കൽപ്രാ​പ്‌തി മെച്ച​പ്പെ​ടു​ത്തേ​ണ്ടത്‌ എന്തു​കൊണ്ട്‌?

¹ എല്ലാ ക്രിസ്‌തീയ ശുശ്രൂ​ഷ​ക​രും അധ്യാ​പ​ക​രാണ്‌. ആദ്യസ​ന്ദർശനം നടത്തു​മ്പോ​ഴും താത്‌പ​ര്യം കാണി​ച്ച​വ​രു​ടെ അടുത്ത്‌ മടങ്ങി​ച്ചെ​ല്ലു​മ്പോ​ഴും ബൈബി​ള​ധ്യ​യനം നിർവ​ഹി​ക്കു​മ്പോ​ഴും, നമ്മൾ ആളുകൾക്ക്‌ വിവരങ്ങൾ പകർന്നു​കൊ​ടു​ക്കു​ക​യാണ്‌. നമ്മൾ പഠിപ്പി​ക്കുന്ന വിവരങ്ങൾ സവി​ശേ​ഷ​ത​യാർന്ന​വ​യാണ്‌. “രക്ഷ പ്രാപി​ക്കു​ന്ന​തിന്‌” ആളുകളെ ‘ജ്ഞാനി​ക​ളാ​ക്കാൻ പര്യാ​പ്‌ത​മായ തിരു​വെ​ഴു​ത്തു​ക​ളാണ്‌’ നമ്മൾ പ്രദീ​പ്‌ത​മാ​ക്കു​ന്നത്‌. (2 തിമൊ. 3:15) എത്ര മഹത്തായ പദവി! നമ്മുടെ പഠിപ്പി​ക്കൽപ്രാ​പ്‌തി മെച്ച​പ്പെ​ടു​ത്താ​നുള്ള മൂന്നു​നു​റു​ങ്ങു​കൾ ഇതാ:

2. ലാളി​ത്യ​ത്തോ​ടെ എങ്ങനെ പഠിപ്പി​ക്കാം?

² ലാളി​ത്യ​ത്തോ​ടെ പഠിപ്പി​ക്കുക: നമുക്ക്‌ ഒരു വിഷയം നന്നായി അറിയാ​മെ​ന്ന​തു​കൊണ്ട്‌ കേൾവി​ക്കാ​രന്‌ അതു ഗ്രഹി​ക്കാൻ എളുപ്പ​മാ​യി​രി​ക്ക​ണ​മെ​ന്നില്ല. വാസ്‌ത​വ​ത്തിൽ അത്‌ മനസ്സി​ലാ​ക്കാൻ അദ്ദേഹ​ത്തി​നു വളരെ ബുദ്ധി​മു​ട്ടാ​യി​രി​ക്കാം. അതു​കൊണ്ട്‌, ബൈബി​ള​ധ്യ​യനം നടത്തു​മ്പോൾ അനാവ​ശ്യ​വി​വ​രങ്ങൾ കുത്തി​ത്തി​രു​കാ​തെ പ്രസക്ത​മായ ആശയങ്ങൾമാ​ത്രം പറയുക. ഒരു നല്ല അധ്യാ​പ​ക​നാ​കാൻ ഒരുപാട്‌ സംസാ​രി​ക്ക​ണ​മെ​ന്നില്ല. (സദൃ. 10:19) അതു​പോ​ലെ, മുഖ്യ തിരു​വെ​ഴു​ത്തു​കൾമാ​ത്രം വായി​ക്കു​ന്ന​താണ്‌ നല്ലത്‌. തിരു​വെ​ഴുത്ത്‌ വായി​ച്ച​ശേഷം, ചർച്ച​ചെ​യ്യുന്ന വിഷയ​വു​മാ​യി ബന്ധപ്പെട്ട ഭാഗം എടുത്തു​പ​റ​യുക. മത്തായി 5 മുതൽ 7 വരെയുള്ള അധ്യാ​യ​ങ്ങ​ളിൽ രേഖ​പ്പെ​ടു​ത്തി​യി​രി​ക്കുന്ന ഗിരി​പ്ര​ഭാ​ഷ​ണ​ത്തിൽ യേശു ഗഹനമായ സത്യങ്ങ​ളാണ്‌ പഠിപ്പി​ച്ചത്‌; പക്ഷേ ലളിത​വും യുക്തവു​മായ ഒരുപി​ടി വാക്കു​കളേ അവൻ ഉപയോ​ഗി​ച്ചു​ള്ളൂ!

3. ദൃഷ്ടാ​ന്ത​ങ്ങ​ളും ചിത്ര​ങ്ങ​ളും ഉപയോ​ഗി​ക്കു​ന്ന​തി​ന്റെ പ്രയോ​ജ​ന​മെന്ത്‌, ഏതു തരത്തി​ലു​ള്ള​വ​യാണ്‌ കൂടുതൽ പ്രയോ​ജ​ന​പ്രദം?

³ ദൃഷ്ടാ​ന്ത​ങ്ങ​ളും ചിത്ര​ങ്ങ​ളും ഉപയോ​ഗി​ക്കുക: ദൃഷ്ടാ​ന്തങ്ങൾ കേൾവി​ക്കാ​രന്റെ ഹൃദയത്തെ സ്വാധീ​നി​ക്കും; ചിന്തി​ക്കാ​നും കാര്യങ്ങൾ ഓർത്തു​വെ​ക്കാ​നും സഹായി​ക്കും. നല്ല ദൃഷ്ടാ​ന്തങ്ങൾ ഉപയോ​ഗി​ക്കു​ക​യെ​ന്നാൽ വലിയ​വ​ലിയ കഥകൾ പറയുക എന്നല്ല അർഥം. ലളിത​മായ, ചെറിയ ദൃഷ്ടാ​ന്ത​ങ്ങ​ളാണ്‌ യേശു മിക്ക​പ്പോ​ഴും ഉപയോ​ഗി​ച്ചത്‌. (മത്താ. 7:3-5; 18:2-4) കടലാ​സിൽ വരച്ച, ലളിത​മായ ചിത്ര​ങ്ങ​ളും ഉപയോ​ഗി​ക്കാ​വു​ന്ന​താണ്‌. അൽപ്പം ചിന്ത നൽകി​യാൽ നിങ്ങൾക്കും ഫലപ്ര​ദ​മായ ദൃഷ്ടാ​ന്തങ്ങൾ ഉപയോ​ഗി​ക്കാ​നാ​കും.

4. ചോദ്യ​ങ്ങൾ ഫലകര​മാ​യി എങ്ങനെ ചോദി​ക്കാം?

⁴ ചോദ്യ​ങ്ങൾ ചോദി​ക്കുക: ചോദ്യ​ങ്ങൾ ചോദി​ക്കു​മ്പോൾ വിദ്യാർഥി ചിന്തി​ക്കാൻ പ്രേരി​ത​നാ​കും. അതു​കൊണ്ട്‌, ചോദ്യം ചോദി​ച്ച​ശേഷം അദ്ദേഹ​ത്തിന്‌ ചിന്തി​ക്കാൻ മതിയായ സമയം അനുവ​ദി​ക്കുക. തിടു​ക്ക​ത്തിൽ നിങ്ങൾത്തന്നെ ഉത്തരം കൊടു​ക്കു​ക​യാ​ണെ​ങ്കിൽ വിദ്യാർഥിക്ക്‌ കാര്യങ്ങൾ എത്ര​ത്തോ​ളം മനസ്സി​ലാ​യി എന്ന്‌ തിരി​ച്ച​റി​യാൻ നിങ്ങൾക്കു കഴി​ഞ്ഞെ​ന്നു​വ​രില്ല. ഇനി അദ്ദേഹം തെറ്റായ ഒരു ഉത്തരമാണ്‌ പറയു​ന്ന​തെ​ങ്കി​ലോ? തിരു​ത്തു​ന്ന​തി​നു പകരം കൂടുതൽ ചോദ്യ​ങ്ങൾ ചോദി​ച്ചു​കൊണ്ട്‌ ശരിയായ നിഗമ​ന​ത്തിൽ എത്താൻ അദ്ദേഹത്തെ സഹായി​ക്കുക. (മത്താ. 17:24-27) എല്ലാം തികഞ്ഞ അധ്യാ​പ​ക​രാ​യി നമ്മളി​ലാ​രു​മില്ല. അതു​കൊ​ണ്ടു​തന്നെ നമ്മുടെ പ്രബോ​ധ​ത്തിന്‌ നിതാന്ത ശ്രദ്ധ കൊടു​ക്കാൻ ബൈബിൾ പ്രോ​ത്സാ​ഹി​പ്പി​ക്കു​ന്നു. അങ്ങനെ ചെയ്യു​ന്നെ​ങ്കിൽ നമുക്കും നമ്മുടെ ശ്രോ​താ​ക്കൾക്കും നിത്യ​പ്ര​യോ​ജ​നങ്ങൾ ലഭിക്കും.—1 തിമൊ. 4:16.