ബൈബി​ള​ധ്യ​യനം കണ്ടെത്താൻ അഞ്ചുവ​ഴി​കൾ!

1. നമ്മുടെ പ്രദേ​ശത്ത്‌ ബൈബി​ള​ധ്യ​യനം കണ്ടെത്താൻ ബുദ്ധി​മു​ട്ടാ​ണെ​ങ്കിൽ എന്തു ചെയ്യണം, എന്തു​കൊണ്ട്‌?

¹ ഒരു ബൈബി​ള​ധ്യ​യനം കണ്ടെത്താൻ നിങ്ങൾക്ക്‌ ബുദ്ധി​മുട്ട്‌ തോന്നു​ന്നു​ണ്ടോ? ശ്രമം ഉപേക്ഷി​ക്ക​രുത്‌! തന്റെ ഹിതം ചെയ്യു​ന്ന​തിൽ മടുത്തു പിന്മാ​റാ​ത്ത​വരെ യഹോവ അനു​ഗ്ര​ഹി​ക്കു​ക​തന്നെ ചെയ്യും. (ഗലാ. 6:9) സഹായ​ക​മായ അഞ്ചു നിർദേ​ശ​ങ്ങ​ളാണ്‌ താഴെ കൊടു​ത്തി​രി​ക്കു​ന്നത്‌.

2. നേരി​ട്ടുള്ള സമീപ​ന​ത്തി​ലൂ​ടെ എങ്ങനെ ഒരു ബൈബി​ള​ധ്യ​യനം തുടങ്ങാം?

² നേരി​ട്ടുള്ള സമീപനം: വീക്ഷാ​ഗോ​പു​രം, ഉണരുക! മാസി​കകൾ നമ്മൾ വിതരണം ചെയ്യുന്ന കാര്യം പലർക്കും അറിയാം. പക്ഷേ നമ്മൾ ബൈബി​ള​ധ്യ​യ​നങ്ങൾ നടത്താ​റു​ണ്ടെന്ന്‌ അവർക്ക്‌ അറിയി​ല്ലാ​യി​രി​ക്കാം. വീടു​തോ​റും പോകു​മ്പോൾ ബൈബിൾ പഠിക്കാൻ താത്‌പ​ര്യ​മു​ണ്ടോ​യെന്ന്‌ നേരിട്ട്‌ ആളുക​ളോട്‌ ചോദി​ക്കാ​വു​ന്ന​താണ്‌. ബൈബി​ള​ധ്യ​യ​ന​ത്തിന്‌ താത്‌പ​ര്യ​മി​ല്ലെന്ന്‌ പറയു​ന്ന​വർക്ക്‌ മാസി​കകൾ കൊടു​ത്തി​ട്ടു​പോ​രാം. തുടർന്ന്‌ അവരിൽ താത്‌പ​ര്യം നട്ടുവ​ളർത്താൻ പുതിയ ലക്കങ്ങളു​മാ​യി മടങ്ങി​ച്ചെ​ല്ലുക. ഒരു സഹോ​ദരൻ വർഷങ്ങ​ളോ​ളം ഒരു ദമ്പതി​കൾക്ക്‌ പതിവാ​യി മാസി​കകൾ കൊണ്ടു​ചെന്ന്‌ കൊടു​ക്കു​മാ​യി​രു​ന്നു. ഒരിക്കൽ മാസി​കകൾ കൊടു​ത്തിട്ട്‌ പോകാൻ ഒരുങ്ങവെ അദ്ദേഹം അവരോട്‌, “ബൈബിൾ പഠിക്കാൻ താത്‌പ​ര്യ​മു​ണ്ടോ?” എന്നു ചോദി​ച്ചു. അദ്ദേഹത്തെ ആശ്ചര്യ​പ്പെ​ടു​ത്തി​ക്കൊണ്ട്‌ അവർ സമ്മതം​മൂ​ളി. ഇന്ന്‌ അവർ സ്‌നാ​ന​മേറ്റ സാക്ഷി​ക​ളാണ്‌.

3. യോഗ​ങ്ങൾക്കു വരുന്ന എല്ലാവ​രും ബൈബിൾ പഠിക്കു​ന്ന​വ​രാ​യി​രി​ക്കു​മെന്ന്‌ ഊഹി​ക്കു​ന്നത്‌ ശരിയാ​ണോ? വിശദീ​ക​രി​ക്കുക.

³ യോഗ​ങ്ങൾക്ക്‌ ഹാജരാ​കു​ന്ന​വ​രോട്‌ ചോദി​ക്കുക: സഭാ​യോ​ഗ​ങ്ങൾക്കു വരുന്ന എല്ലാവ​രും ബൈബിൾ പഠിക്കു​ന്ന​വ​രാ​യി​രി​ക്ക​ണ​മെ​ന്നില്ല. ഒരു സഹോ​ദരൻ പറയുന്നു: “ഞാൻ നടത്തി​യി​ട്ടുള്ള അധ്യയ​ന​ങ്ങ​ളിൽ പകുതി​യി​ല​ധി​ക​വും സഭാ​യോ​ഗ​ത്തി​നു വന്നവ​രോട്‌ സംസാ​രി​ച്ച​തി​ന്റെ ഫലമായി കിട്ടി​യ​താണ്‌.” ഒരു സഹോ​ദരി യോഗ​ങ്ങൾക്കു വന്നിരുന്ന ലജ്ജാശീ​ല​യായ ഒരു സ്‌ത്രീ​യോട്‌ സംസാ​രി​ക്കാൻ തീരു​മാ​നി​ച്ചു. ഈ സ്‌ത്രീ​യു​ടെ രണ്ടു പെൺമക്കൾ ആ സഭയിലെ സ്‌നാ​ന​മേറ്റ സാക്ഷി​ക​ളാ​യി​രു​ന്നു. ആ സ്‌ത്രീ രാജ്യ​ഹാ​ളിൽ വരാൻ തുടങ്ങി​യിട്ട്‌ 15 വർഷമാ​യി​രു​ന്നു; യോഗങ്ങൾ തുടങ്ങുന്ന സമയത്തു വന്നിട്ട്‌ അവസാ​നി​ച്ച​യു​ടനെ പോകു​ക​യാ​യി​രു​ന്നു അവരുടെ പതിവ്‌. ബൈബി​ള​ധ്യ​യ​ന​ത്തെ​ക്കു​റിച്ച്‌ സഹോ​ദരി അവരോ​ടു സംസാ​രി​ച്ച​പ്പോൾ അവർ അതിനു സമ്മതിച്ചു; ഒടുവിൽ അവർ ഒരു സാക്ഷി​യാ​യി​ത്തീർന്നു. സഹോ​ദരി പറയുന്നു: “15 വർഷം കഴിഞ്ഞി​ട്ടാ​ണ​ല്ലോ ബൈബിൾ പഠിക്കാൻ താത്‌പ​ര്യ​മു​ണ്ടോ​യെന്ന്‌ അവരോ​ടു ചോദി​ക്കാൻ തോന്നി​യത്‌ എന്നോർക്കു​മ്പോൾ എനിക്കു വിഷമ​മുണ്ട്‌!”

4. അധ്യയനം കണ്ടെത്താ​നുള്ള മറ്റൊരു മാർഗം ഏത്‌?

⁴ ബൈബിൾ വിദ്യാർഥി​ക​ളോ​ടും മറ്റുള്ള​വ​രോ​ടും ചോദി​ക്കുക: ഒരു സഹോ​ദരി മറ്റുള്ള​വ​രോ​ടൊ​പ്പം അവരുടെ ബൈബി​ള​ധ്യ​യ​ന​ങ്ങൾക്ക്‌ പോകാൻ പ്രത്യേക ശ്രമം ചെയ്യാ​റുണ്ട്‌. പഠന​ശേഷം, അധ്യയനം നടത്തുന്ന വ്യക്തി​യു​ടെ അനുവാ​ദ​ത്തോ​ടെ സഹോ​ദരി വിദ്യാർഥി​യോട്‌, ബൈബിൾ പഠിക്കാൻ താത്‌പ​ര്യ​മുള്ള മറ്റാ​രെ​യെ​ങ്കി​ലും അറിയാ​മോ എന്ന്‌ ചോദി​ക്കും. ഇനി, ബൈബിൾ പഠിപ്പി​ക്കു​ന്നു പുസ്‌തകം സമർപ്പി​ക്കവെ, “ഈ പുസ്‌തകം വായി​ക്കാൻ താത്‌പ​ര്യ​മുള്ള മറ്റാ​രെ​യെ​ങ്കി​ലും അറിയാ​മോ?” എന്ന്‌ നിങ്ങൾക്ക്‌ വീട്ടു​കാ​ര​നോ​ടു ചോദി​ക്കാ​വു​ന്ന​താണ്‌. താത്‌പ​ര്യം കാണി​ക്കുന്ന എല്ലാവ​രെ​യും ബൈബിൾ പഠിപ്പി​ക്കാൻ പ്രസാ​ധ​കർക്കോ പയനി​യർമാർക്കോ കഴി​ഞ്ഞെ​ന്നു​വ​രില്ല. ബൈബി​ള​ധ്യ​യ​ന​മെ​ടു​ക്കാൻ നിങ്ങൾ സന്നദ്ധരാ​ണെന്ന്‌ അറിയു​ന്ന​പക്ഷം ആ അധ്യയ​നങ്ങൾ അവർ നിങ്ങളെ ഏൽപ്പി​ച്ചേ​ക്കാം.

5. സഭയിലെ പ്രസാ​ധ​ക​രു​ടെ അവിശ്വാ​സി​ക​ളായ ഇണക​ളോട്‌ അധ്യയ​ന​ത്തി​നു താത്‌പ​ര്യ​മു​ണ്ടോ എന്നു ചോദി​ക്കേ​ണ്ടത്‌ എന്തു​കൊണ്ട്‌?

⁵ അവിശ്വാ​സി​ക​ളായ ഇണക​ളോ​ടു ചോദി​ക്കുക: അവിശ്വാ​സി​ക​ളായ ഇണകളുള്ള പ്രസാ​ധകർ നിങ്ങളു​ടെ സഭയി​ലു​ണ്ടോ? ചില അവിശ്വാ​സി​കൾ തങ്ങളുടെ ക്രിസ്‌തീയ ഇണയു​മാ​യി ബൈബിൾ വിഷയങ്ങൾ ചർച്ച ചെയ്യാൻ വിസമ്മ​തി​ച്ചേ​ക്കാം; എന്നാൽ മറ്റൊരു സാക്ഷി​യോ​ടൊ​പ്പം ബൈബിൾ പഠിക്കാൻ ആ വ്യക്തി സമ്മതി​ച്ചെ​ന്നു​വ​രാം. ആ വ്യക്തി​യോ​ടു സംസാ​രി​ക്കു​ന്ന​തി​നു​മുമ്പ്‌ വിശ്വാ​സി​യായ ഇണയുടെ അഭി​പ്രാ​യം ആരായുക.

6. ബൈബി​ള​ധ്യ​യനം കണ്ടെത്തു​ന്ന​തിൽ പ്രാർഥ​ന​യു​ടെ പങ്ക്‌ എന്ത്‌?

⁶ പ്രാർഥി​ക്കുക: പ്രാർഥ​ന​യ്‌ക്ക്‌ വലിയ ശക്തിയുണ്ട്‌. (യാക്കോ. 5:16) ദൈ​വേ​ഷ്ട​ത്തി​നു ചേർച്ച​യി​ലുള്ള അപേക്ഷ​കൾക്ക്‌ ഉത്തരം നൽകു​മെന്ന്‌ യഹോവ ഉറപ്പു തരുന്നു. (1 യോഹ. 5:14) തിര​ക്കേ​റിയ ജീവിതം നയിക്കുന്ന ഒരു സഹോ​ദരൻ ബൈബി​ള​ധ്യ​യ​ന​ത്തി​നാ​യി പ്രാർഥി​ക്കാൻ തുടങ്ങി. എന്നാൽ, വിദ്യാർഥി​യു​ടെ ആവശ്യ​ങ്ങൾക്കു ശ്രദ്ധ​കൊ​ടു​ക്കാൻ—വിശേ​ഷി​ച്ചും ആ വ്യക്തിക്ക്‌ ഒരുപാ​ടു പ്രശ്‌ന​ങ്ങ​ളു​ണ്ടെ​ങ്കിൽ—തന്റെ ഭർത്താ​വി​നു കഴിയു​മോ എന്ന്‌ അദ്ദേഹ​ത്തി​ന്റെ ഭാര്യക്ക്‌ ആശങ്കയു​ണ്ടാ​യി​രു​ന്നു. ബൈബി​ള​ധ്യ​യനം കണ്ടെത്താൻ ഭർത്താ​വി​നെ സഹായി​ക്ക​ണമേ എന്ന പ്രാർഥ​ന​യോ​ടൊ​പ്പം തന്റെ ഉത്‌ക​ണ്‌ഠ​ക​ളും സഹോ​ദരി യഹോ​വയെ അറിയി​ച്ചു. രണ്ട്‌ ആഴ്‌ച കഴിഞ്ഞ​പ്പോൾ അവരുടെ പ്രാർഥ​ന​യ്‌ക്ക്‌ ഉത്തരം ലഭിച്ചു. സഭയിലെ ഒരു പയനിയർ, താൻ കണ്ടുമു​ട്ടിയ ഒരു വ്യക്തി​യു​ടെ അധ്യയനം സഹോ​ദ​രനെ ഏൽപ്പിച്ചു. സഹോ​ദരി പറയുന്നു: “ബൈബി​ള​ധ്യ​യനം നടത്താൻ തങ്ങളെ​ക്കൊ​ണ്ടാ​വി​ല്ലെന്നു കരുതു​ന്ന​വ​രോട്‌ എനിക്ക്‌ ഒന്നേ പറയാ​നു​ള്ളൂ: നിങ്ങളു​ടെ തടസ്സങ്ങൾ എടുത്തു​പ​റ​ഞ്ഞു​കൊണ്ട്‌ യഹോ​വ​യോട്‌ പ്രാർഥി​ക്കുക. ഉത്തരം കിട്ടു​ന്ന​തു​വരെ പ്രാർഥി​ക്കുക. വിചാ​രി​ച്ച​തി​നെ​ക്കാൾ വലിയ സന്തോ​ഷ​മാണ്‌ ഞങ്ങൾ ഇന്ന്‌ അനുഭ​വി​ക്കു​ന്നത്‌.” മടുത്തു പിന്മാ​റാ​തി​രു​ന്നാൽ ഒരു ബൈബി​ള​ധ്യ​യനം കണ്ടെത്താ​നും “ജീവനി​ലേ​ക്കുള്ള . . . പാത” തിര​ഞ്ഞെ​ടു​ക്കാൻ ആളുകളെ സഹായി​ക്കു​ന്ന​തി​ന്റെ സന്തോഷം അനുഭ​വി​ക്കാ​നും നിങ്ങൾക്കു സാധി​ക്കും.—മത്താ. 7:13, 14.