‘സകല മനുഷ്യ​രോ​ടും സമാധാ​ന​ത്തിൽ വർത്തി​ക്കുക’

1. വീട്ടു​കാ​രൻ ദേഷ്യ​ത്തോ​ടെ പ്രതി​ക​രി​ക്കു​മ്പോൾ നാം ഏതു ബൈബി​ളു​പ​ദേശം ബാധക​മാ​ക്കണം?

¹ യഹോ​വ​യു​ടെ ജനം സമാധാ​ന​പ്രി​യ​രാണ്‌; സമാധാ​ന​ത്തി​ന്റെ സുവി​ശേ​ഷ​മാണ്‌ നാം ഘോഷി​ക്കു​ന്നത്‌. (യെശ. 52:7) എന്നാൽ സുവാർത്ത​യു​മാ​യി നാം അവരുടെ വീട്ടിൽ ചെല്ലു​ന്നത്‌ ചില ആളുകളെ ദേഷ്യം പിടി​പ്പി​ച്ചേ​ക്കാം. അത്തരം സാഹച​ര്യ​ങ്ങ​ളിൽ സമാധാ​ന​ത്തോ​ടെ വർത്തി​ക്കാൻ നമുക്ക്‌ എങ്ങനെ കഴിയും?—റോമ. 12:18.

2. സാഹച​ര്യ​ങ്ങൾ മനസ്സി​ലാ​ക്കു​ന്നത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

² സാഹച​ര്യ​ങ്ങൾ മനസ്സി​ലാ​ക്കുക: സത്യത്തെ എതിർക്കു​ന്ന​തു​കൊ​ണ്ടാണ്‌ ചിലർ നമ്മോട്‌ ദേഷ്യ​പ്പെ​ടു​ന്നത്‌; എന്നാൽ എല്ലായ്‌പോ​ഴും കാരണം അതായി​രി​ക്ക​ണ​മെ​ന്നില്ല. നാം ചെന്നത്‌ അനു​യോ​ജ്യ​മ​ല്ലാത്ത ഒരു സമയത്താ​യി​രി​ക്കാം. വ്യക്തി​പ​ര​മായ പ്രശ്‌നങ്ങൾ അദ്ദേഹത്തെ അലട്ടു​ന്നു​ണ്ടാ​കാം. ഇനി, സുവാർത്ത​യാണ്‌ അദ്ദേഹത്തെ ദേഷ്യം പിടി​പ്പി​ക്കു​ന്നത്‌ എന്നുത​ന്നെ​യി​രി​ക്കട്ടെ; തെറ്റി​ദ്ധ​രി​പ്പി​ക്ക​പ്പെ​ട്ടതു നിമി​ത്ത​മാ​യി​രി​ക്കാം അദ്ദേഹം അങ്ങനെ പ്രതി​ക​രി​ക്കു​ന്ന​തെന്ന്‌ നാം ഓർക്കണം. (2 കൊരി. 4:4) സാഹച​ര്യ​ങ്ങൾ മനസ്സി​ലാ​ക്കു​ന്നത്‌, ശാന്തരാ​യി നിൽക്കാ​നും അദ്ദേഹ​ത്തിന്‌ നമ്മോട്‌ വ്യക്തി​പ​ര​മാ​യി പ്രശ്‌ന​മൊ​ന്നു​മി​ല്ലെന്ന്‌ തിരി​ച്ച​റി​യാ​നും സഹായി​ക്കും.—സദൃ. 19:11.

3. നമുക്ക്‌ എങ്ങനെ വീട്ടു​കാ​ര​നോട്‌ ആദരവ്‌ കാണി​ക്കാം?

³ ആദരവ്‌ കാണി​ക്കുക: ശുശ്രൂ​ഷ​യിൽ നാം കണ്ടുമു​ട്ടുന്ന പലർക്കും അടിയു​റച്ച വിശ്വാ​സ​ങ്ങ​ളാ​ണു​ള്ളത്‌. (2 കൊരി. 10:4) നമ്മുടെ സന്ദേശം കേൾക്ക​ണോ എന്നു തീരു​മാ​നി​ക്കാ​നുള്ള അവകാശം അവർക്കുണ്ട്‌. നാം വീട്ടു​കാ​രന്റെ വിശ്വാ​സ​ങ്ങളെ വിലകു​റ​ച്ചു​കാ​ണു​ക​യോ നമുക്ക്‌ അദ്ദേഹ​ത്തെ​ക്കാൾ ബൈബിൾ പരിജ്ഞാ​ന​മു​ണ്ടെന്ന്‌ ഭാവി​ക്കു​ക​യോ ചെയ്യില്ല. പോകാൻ ആവശ്യ​പ്പെ​ട്ടാൽ നാം ആദര​വോ​ടെ അനുസ​രി​ക്കും.

4. ഹൃദ്യ​മാ​യി സംസാ​രി​ക്കുക എന്നാൽ എന്താണ്‌ അർഥം?

⁴ ഹൃദ്യ​മാ​യി സംസാ​രി​ക്കുക: ആളുകൾ നമ്മോട്‌ മോശ​മാ​യി സംസാ​രി​ച്ചാ​ലും നാം സൗമ്യ​ത​യോ​ടെ ഹൃദ്യ​മാ​യി മറുപടി പറയണം. (കൊലോ. 4:6; 1 പത്രോ. 2:23) അവരോട്‌ തർക്കി​ക്കാൻ ശ്രമി​ക്കു​ന്ന​തി​നു പകരം ഇരുകൂ​ട്ടർക്കും യോജി​ക്കാൻ കഴിയുന്ന എന്തെങ്കി​ലു​മു​ണ്ടോ എന്നു കണ്ടെത്തുക. വീട്ടു​കാ​രന്‌ താത്‌പ​ര്യ​മി​ല്ലാ​ത്തത്‌ എന്തു​കൊ​ണ്ടാ​ണെന്ന്‌ സൗമ്യ​മാ​യി ചോദി​ക്കാൻ കഴി​ഞ്ഞേ​ക്കും. എന്നാൽ, അദ്ദേഹത്തെ കൂടുതൽ കോപി​പ്പി​ക്കാ​തി​രി​ക്കാൻ ചില സാഹച​ര്യ​ങ്ങ​ളിൽ സംഭാ​ഷണം അവസാ​നി​പ്പി​ക്കു​ന്ന​താണ്‌ നല്ലത്‌.—സദൃ. 9:7; 17:14.

5. സമാധാ​ന​പ​ര​മാ​യി ശുശ്രൂഷ നിർവ​ഹി​ക്കു​ന്ന​തി​ന്റെ പ്രയോ​ജ​നങ്ങൾ എന്തെല്ലാം?

⁵ സമാധാ​ന​പ​ര​മാ​യി ഇടപെ​ടു​ന്നെ​ങ്കിൽ വീട്ടു​കാ​രൻ നമ്മുടെ പെരു​മാ​റ്റം ഓർത്തി​രി​ക്കു​ക​യും ഭാവി​യിൽ മറ്റാ​രെ​ങ്കി​ലും സാക്ഷീ​ക​രി​ക്കു​മ്പോൾ ശ്രദ്ധി​ക്കു​ക​യും ചെയ്‌തേ​ക്കാം. (റോമ. 12:20, 21) നമ്മെ ശക്തമായി എതിർക്കുന്ന വ്യക്തി​പോ​ലും ഭാവി​യിൽ നമ്മുടെ ഒരു സഹോ​ദ​ര​നാ​യി​ത്തീർന്നേ​ക്കാം. (ഗലാ. 1:13, 14) വീട്ടു​കാ​രൻ സത്യം സ്വീക​രി​ച്ചാ​ലും ഇല്ലെങ്കി​ലും, ആത്മനി​യ​ന്ത്രണം പാലി​ക്കു​ക​യും സമാധാ​ന​പ്രി​യ​രാ​യി​രി​ക്കു​ക​യും ചെയ്യു​ന്നെ​ങ്കിൽ യഹോ​വയെ ആദരി​ക്കാ​നും നമ്മുടെ പഠിപ്പി​ക്ക​ലി​നെ അലങ്കരി​ക്കാ​നും നമുക്ക്‌ കഴിയും.—2 കൊരി. 6:3.