യഹോ​വ​യു​ടെ പേര്‌ നമുക്ക്‌ എത്ര പ്രധാ​ന​മാണ്‌?

1-2. യഹോ​വ​യു​ടെ നാമം യേശു​വി​നു പ്രധാ​ന​മാ​ണെന്ന്‌ നമുക്ക്‌ എങ്ങനെ അറിയാം?

യഹോ​വ​യു​ടെ പേര്‌ കഴിഞ്ഞേ യേശു​വി​നു മറ്റെന്തും ഉണ്ടായി​രു​ന്നു​ള്ളൂ. ആ പേര്‌ മറ്റുള്ള​വരെ അറിയി​ക്കു​ന്ന​തിൽ ഇത്രയ​ധി​കം പ്രവർത്തിച്ച മറ്റൊരു വ്യക്തി​യില്ല. കഴിഞ്ഞ ലേഖന​ത്തിൽ കണ്ടതു​പോ​ലെ യഹോ​വ​യു​ടെ പേര്‌ വിശു​ദ്ധീ​ക​രി​ക്കാ​നും യഹോവ ചെയ്യുന്ന കാര്യ​ങ്ങ​ളെ​ല്ലാം ശരിയാ​ണെന്നു തെളി​യി​ക്കാ​നും യേശു തന്നാലാ​കു​ന്ന​തെ​ല്ലാം ചെയ്‌തു. ആ പേരി​നു​വേണ്ടി മരിക്കാൻപോ​ലും യേശു തയ്യാറാ​യി. (മർക്കോ. 14:36; എബ്രാ. 10:7-9) ഇനി, 1,000 വർഷ വാഴ്‌ച​യു​ടെ ഒടുവിൽ പിതാ​വിന്‌ എല്ലാ മഹത്ത്വ​വും കിട്ടാൻവേണ്ടി തന്റെ എല്ലാ അധികാ​ര​വും യേശു മനസ്സോ​ടെ യഹോ​വ​യ്‌ക്കു തിരികെ കൊടു​ക്കും. (1 കൊരി. 15:26-28) ഇതെല്ലാം കാണി​ക്കു​ന്നത്‌ ആ പേരിനു പിന്നിലെ വ്യക്തിയെ, തന്റെ പിതാ​വി​നെ, യേശു എത്രമാ​ത്രം സ്‌നേ​ഹി​ക്കു​ന്നു എന്നാണ്‌.

² യേശു തന്റെ പിതാ​വി​ന്റെ നാമത്തിൽ ഭൂമി​യി​ലേക്കു വന്നു. (യോഹ. 5:43; 12:13) ആ നാമം യേശു ശിഷ്യ​ന്മാ​രെ അറിയി​ച്ചു. (യോഹ. 17:6, 26) യഹോ​വ​യു​ടെ നാമത്തിൽ പഠിപ്പി​ക്കു​ക​യും ആ നാമത്തിൽ അത്ഭുതങ്ങൾ പ്രവർത്തി​ക്കു​ക​യും ചെയ്‌തു. (യോഹ. 10:25) തന്റെ ശിഷ്യ​ന്മാർക്കു​വേണ്ടി പ്രാർഥി​ച്ച​പ്പോൾ “അങ്ങയുടെ പേര്‌ ഓർത്ത്‌ അവരെ കാത്തു​കൊ​ള്ളേ​ണമേ” എന്നാണ്‌ യേശു അപേക്ഷി​ച്ചത്‌. (യോഹ. 17:11) അതെ, തന്റെ ജീവ​നെ​ക്കാൾ അധികം യേശു യഹോ​വ​യു​ടെ നാമത്തെ സ്‌നേ​ഹി​ച്ചു. അങ്ങനെ​യെ​ങ്കിൽ ആ നാമം അറിയു​ക​യോ ഉപയോ​ഗി​ക്കു​ക​യോ ചെയ്യാത്ത ഒരാൾക്ക്‌ യേശു​വി​ന്റെ ഒരു യഥാർഥ ശിഷ്യ​നാ​ണെന്ന്‌ അവകാ​ശ​പ്പെ​ടാൻ എങ്ങനെ കഴിയും?

3. ഈ ലേഖന​ത്തിൽ നമ്മൾ എന്ത്‌ ചർച്ച ചെയ്യും?

³ യേശു​വി​ന്റെ കാലടി​കൾ അടുത്ത്‌ പിന്തു​ട​രു​ന്നവർ എന്ന നിലയിൽ നമ്മൾ യഹോ​വ​യു​ടെ നാമം വളരെ വില​പ്പെ​ട്ട​താ​യി കാണുന്നു. (1 പത്രോ. 2:21) ഈ ലേഖന​ത്തിൽ, ഇന്ന്‌ ‘ദൈവ​രാ​ജ്യ​ത്തി​ന്റെ സന്തോ​ഷ​വാർത്ത’ അറിയി​ക്കു​ന്നവർ എന്തു​കൊ​ണ്ടാണ്‌ ദൈവ​ത്തി​ന്റെ നാമത്തിൽ അറിയ​പ്പെ​ടു​ന്ന​തെന്ന്‌ കാണും. (മത്താ. 24:14) അതു​പോ​ലെ ദൈവ​ത്തി​ന്റെ നാമം നമുക്ക്‌ ഓരോ​രു​ത്തർക്കും എത്ര പ്രധാ​ന​പ്പെ​ട്ട​താ​യി​രി​ക്ക​ണ​മെ​ന്നും നമ്മൾ ചർച്ച ചെയ്യും.

“തന്റെ പേരി​നാ​യി ഒരു ജനം”

4. (എ) സ്വർഗ​ത്തി​ലേക്ക്‌ പോകു​ന്ന​തി​നു തൊട്ടു​മുമ്പ്‌ യേശു തന്റെ ശിഷ്യ​ന്മാ​രോട്‌ എന്താണ്‌ പറഞ്ഞത്‌? (ബി) എന്നാൽ ഏത്‌ പ്രധാ​ന​പ്പെട്ട ചോദ്യ​ങ്ങൾ ഉയർന്നു​വ​രു​ന്നു?

⁴ സ്വർഗ​ത്തി​ലേക്കു പോകു​ന്ന​തിന്‌ തൊട്ടു​മുമ്പ്‌ യേശു തന്റെ ശിഷ്യ​ന്മാ​രോട്‌ ഇങ്ങനെ പറഞ്ഞു: “പരിശു​ദ്ധാ​ത്മാവ്‌ നിങ്ങളു​ടെ മേൽ വരു​മ്പോൾ നിങ്ങൾക്കു ശക്തി കിട്ടും. അങ്ങനെ നിങ്ങൾ യരുശ​ലേ​മി​ലും യഹൂദ്യ​യിൽ എല്ലായി​ട​ത്തും ശമര്യ​യി​ലും ഭൂമി​യു​ടെ അതിവി​ദൂ​ര​ഭാ​ഗ​ങ്ങൾവ​രെ​യും എന്റെ സാക്ഷി​ക​ളാ​യി​രി​ക്കും.” (പ്രവൃ. 1:8) അതെ, സന്തോ​ഷ​വാർത്ത ഇസ്രാ​യേ​ലി​ന്റെ പരിധി​കൾ കടന്ന്‌ പ്രസം​ഗി​ക്ക​പ്പെ​ടു​മാ​യി​രു​ന്നു. കാലങ്ങൾ കഴിയു​മ്പോൾ ഭൂമി​യി​ലുള്ള എല്ലാവർക്കും യേശു​വി​ന്റെ ശിഷ്യ​ന്മാ​രാ​യി​ത്തീ​രാ​നുള്ള അവസര​മു​ണ്ടാ​കു​മാ​യി​രു​ന്നു. (മത്താ. 28:19, 20) എന്നാൽ ആ വാക്യ​ത്തിൽ യേശു പറഞ്ഞത്‌ ശ്രദ്ധി​ച്ചോ? ‘നിങ്ങൾ എന്റെ സാക്ഷി​ക​ളാ​യി​രി​ക്കും’ എന്ന്‌. അതിനർഥം യേശു​വി​ന്റെ ശിഷ്യ​രാ​യി​ത്തീ​രു​ന്നവർ യഹോവ എന്ന നാമം അറി​യേണ്ടാ എന്നാണോ? അവർ യഹോ​വയെ അറിയു​ക​യും യഹോ​വ​യെ​ക്കു​റിച്ച്‌ സാക്ഷ്യം നൽകു​ക​യും ചെയ്യേ​ണ്ട​തി​ല്ലേ? പ്രവൃ​ത്തി​കൾ 15-ാം അധ്യാ​യ​ത്തിൽ വിവരി​ച്ചി​രി​ക്കുന്ന സംഭവങ്ങൾ ആ ചോദ്യ​ത്തി​നുള്ള ഉത്തരം തരും.

5. യരുശ​ലേ​മി​ലെ അപ്പോ​സ്‌ത​ല​ന്മാ​രു​ടെ​യും മൂപ്പന്മാ​രു​ടെ​യും ചർച്ചയിൽനിന്ന്‌ യഹോ​വ​യു​ടെ പേര്‌ എല്ലാവ​രും അറി​യേ​ണ്ട​തു​ണ്ടെന്ന്‌ എങ്ങനെ മനസ്സി​ലാ​ക്കാം? (ചിത്ര​വും കാണുക.)

⁵ ജനതക​ളിൽപ്പെ​ട്ടവർ ക്രിസ്‌ത്യാ​നി​ക​ളാ​കു​ന്ന​തിന്‌ പരി​ച്ഛേ​ദ​ന​യേൽക്ക​ണോ വേണ്ടയോ എന്ന്‌ തീരു​മാ​നി​ക്കാ​നാ​യി എ.ഡി. 49-ൽ അപ്പോ​സ്‌ത​ല​ന്മാ​രും മൂപ്പന്മാ​രും യരുശ​ലേ​മിൽ കൂടി​വന്നു. ആ ചർച്ചയു​ടെ അവസാനം യേശു​വി​ന്റെ അർധസ​ഹോ​ദ​ര​നായ യാക്കോബ്‌ ഇങ്ങനെ ഒരു പ്രസ്‌താ​വന നടത്തി: “ജനതക​ളിൽപ്പെ​ട്ട​വ​രിൽനിന്ന്‌ തന്റെ പേരി​നാ​യി ഒരു ജനത്തെ എടുക്കാൻ ദൈവം ആദ്യമാ​യി അവരി​ലേക്കു ശ്രദ്ധതി​രി​ച്ച​തി​നെ​ക്കു​റിച്ച്‌ ശിമ്യോൻ (പത്രോസ്‌) നന്നായി വിവരി​ച്ച​ല്ലോ.” ഇവിടെ തന്റെ പേരി​നാ​യി എന്ന്‌ പറഞ്ഞ​പ്പോൾ യാക്കോബ്‌ ആരുടെ പേരാണ്‌ ഉദ്ദേശി​ച്ചത്‌? തുടർന്ന്‌, പ്രവാ​ച​ക​നായ ആമോ​സി​ന്റെ വാക്കുകൾ കടമെ​ടു​ത്തു​കൊണ്ട്‌ അദ്ദേഹം ഇങ്ങനെ പറഞ്ഞു: “അങ്ങനെ ജനത്തിൽ ബാക്കി​യു​ള്ളവർ എല്ലാ ജനതക​ളി​ലും​പെ​ട്ട​വ​രോ​ടൊ​പ്പം, അതായത്‌ എന്റെ നാമത്തിൽ അറിയ​പ്പെ​ടുന്ന ആളുക​ളോ​ടൊ​പ്പം, എന്നെ ആത്മാർഥ​മാ​യി അന്വേ​ഷി​ക്കും എന്ന്‌ യഹോവ പറയുന്നു.” (പ്രവൃ. 15:14-18) അപ്പോൾ യേശു​വി​ന്റെ ശിഷ്യ​രാ​യി​ത്തീ​രു​ന്നവർ യഹോ​വ​യെ​ക്കു​റിച്ച്‌ പഠിച്ചാൽ മാത്രം പോരാ​യി​രു​ന്നു; ‘യഹോ​വ​യു​ടെ നാമത്തിൽ അറിയ​പ്പെ​ടു​ന്ന​വ​രും’ ആയിരി​ക്ക​ണ​മാ​യി​രു​ന്നു. അതിനർഥം അവർ യഹോ​വ​യു​ടെ നാമ​ത്തെ​ക്കു​റിച്ച്‌ മറ്റുള്ള​വ​രോട്‌ പറയു​മെ​ന്നും ആ നാമത്തിൽ തിരി​ച്ച​റി​യ​പ്പെ​ടു​മെ​ന്നും ആണ്‌.

6-7. (എ) യേശു ഭൂമി​യി​ലേക്കു വന്നത്‌ എന്തിനാണ്‌? (ബി) യേശു ഭൂമി​യി​ലേക്കു വന്നതിന്റെ പ്രധാ​ന​പ്പെട്ട കാരണം എന്താണ്‌?

⁶ യേശു എന്ന പേരിന്റെ അർഥം​തന്നെ “യഹോവ രക്ഷയാണ്‌” എന്നാണ്‌. തന്നിലും പുത്ര​നി​ലും വിശ്വ​സി​ക്കുന്ന ആളുകളെ രക്ഷിക്കാൻ യഹോവ യേശു​വി​നെ​യാണ്‌ ഉപയോ​ഗി​ച്ചത്‌. അതിനു​വേ​ണ്ടി​യാണ്‌ യേശു ഭൂമി​യി​ലേക്ക്‌ വന്ന്‌ മനുഷ്യർക്കു​വേണ്ടി തന്റെ ജീവൻ നൽകി​യത്‌. (മത്താ. 20:28) യേശു​വി​ന്റെ മോച​ന​വി​ല​യി​ലൂ​ടെ പാപങ്ങൾക്കുള്ള ക്ഷമ നേടാ​നും നിത്യ​ജീ​വൻ അവകാ​ശ​മാ​ക്കാ​നും മനുഷ്യർക്കു കഴിയു​മാ​യി​രു​ന്നു.—യോഹ. 3:16.

⁷ ആദ്യമ​നു​ഷ്യ​രായ ആദാമും ഹവ്വയും യഹോ​വ​യ്‌ക്ക്‌ എതിരെ മത്സരി​ച്ച​പ്പോൾ മനുഷ്യർക്ക്‌ നിത്യം ജീവി​ക്കാ​നുള്ള അവസരം നഷ്ടമായി. അതു​കൊ​ണ്ടാണ്‌ നമുക്ക്‌ രക്ഷ ആവശ്യ​മാ​യി വന്നത്‌. (ഉൽപ. 3:6, 24) എന്നാൽ യേശു ഭൂമി​യി​ലേക്കു വന്നത്‌ മനുഷ്യർക്ക്‌ രക്ഷ കൊടു​ക്കാൻ മാത്രമല്ല; അതിലും പ്രധാ​ന​മാ​യി യഹോ​വ​യു​ടെ നാമത്തിൻമേൽ വന്ന നിന്ദ നീക്കാ​നാണ്‌. (ഉൽപ. 3:4, 5) മനുഷ്യ​മ​ക്ക​ളു​ടെ രക്ഷയും ദൈവ​നാ​മ​ത്തി​ന്റെ വിശു​ദ്ധീ​ക​ര​ണ​വും പരസ്‌പരം ബന്ധപ്പെ​ട്ടി​രി​ക്കു​ന്നു. യഹോവ ചെയ്യുന്ന കാര്യ​ങ്ങ​ളെ​ല്ലാം ശരിയാ​ണെ​ന്നും ദൈവം പരിശു​ദ്ധ​നാ​ണെ​ന്നും അംഗീ​ക​രി​ച്ചാൽ മാത്രമേ അവർക്ക്‌ രക്ഷ കിട്ടു​ക​യു​ള്ളൂ. ഈ കാര്യം തെളി​യി​ക്കാൻ ഏറ്റവും പറ്റിയ സ്ഥാനത്ത്‌ യേശു​വാണ്‌. കാരണം യേശു യഹോ​വ​യു​ടെ നാമം വഹിക്കു​ക​യും യഹോ​വയെ പ്രതി​നി​ധീ​ക​രി​ക്കു​ക​യും ചെയ്‌തു.

8. യേശു​വിൽ വിശ്വ​സി​ക്കുന്ന എല്ലാവ​രും എന്ത്‌ അംഗീ​ക​രി​ക്കണം?

⁸ യേശു​വിൽ വിശ്വാ​സം അർപ്പി​ക്കുന്ന എല്ലാവ​രും, അതായത്‌ ജൂതന്മാ​രും ജനതക​ളിൽപ്പെ​ട്ട​വ​രും, രക്ഷയുടെ ഉറവി​ട​മായ യഹോ​വ​യി​ലും വിശ്വ​സി​ക്ക​ണ​മാ​യി​രു​ന്നു. (യോഹ. 17:3) യേശു​വി​നെ​പ്പോ​ലെ അവരും അറിയ​പ്പെ​ടേ​ണ്ടി​യി​രു​ന്നത്‌ യഹോ​വ​യു​ടെ നാമത്തി​ലാണ്‌. ദൈവ​നാ​മ​ത്തി​ന്റെ വിശു​ദ്ധീ​ക​ര​ണ​ത്തി​ന്റെ പ്രാധാ​ന്യം അവർ തിരി​ച്ച​റി​യ​ണ​മാ​യി​രു​ന്നു. കാരണം അവരുടെ രക്ഷ അതിനെ ആശ്രയി​ച്ചാ​ണി​രു​ന്നത്‌. (പ്രവൃ. 2:21, 22) അതു​കൊണ്ട്‌ യേശു​വി​ന്റെ എല്ലാ വിശ്വസ്‌ത അനുഗാ​മി​ക​ളും യേശു​വി​നെ​യും അതു​പോ​ലെ യഹോ​വ​യെ​യും കുറിച്ച്‌ പഠിക്കണം. ഈ കാര്യ​ങ്ങ​ളെ​ല്ലാം മനസ്സിൽ ഉണ്ടായി​രു​ന്ന​തു​കൊ​ണ്ടാ​യി​രി​ക്കണം യോഹ​ന്നാൻ 17-ാം അധ്യാ​യ​ത്തിൽ കാണുന്ന തന്റെ പ്രാർഥന യേശു ഇങ്ങനെ അവസാ​നി​പ്പി​ച്ചത്‌: “ഞാൻ അങ്ങയുടെ പേര്‌ ഇവരെ അറിയി​ച്ചി​രി​ക്കു​ന്നു, ഇനിയും അറിയി​ക്കും. അങ്ങനെ, അങ്ങ്‌ എന്നോടു കാണിച്ച സ്‌നേഹം ഇവരി​ലും നിറയും. ഞാൻ ഇവരോ​ടു യോജി​പ്പി​ലാ​യി​രി​ക്കു​ക​യും ചെയ്യും.”—യോഹ. 17:26.

“നിങ്ങൾ എന്റെ സാക്ഷികൾ”

9. യഹോ​വ​യു​ടെ പേര്‌ നമുക്ക്‌ പ്രധാ​ന​മാ​ണെന്ന്‌ എങ്ങനെ കാണി​ക്കാം?

⁹ നമ്മൾ കണ്ടതു​പോ​ലെ യേശു​വി​ന്റെ യഥാർഥ അനുഗാ​മി​ക​ളെ​ല്ലാം യഹോ​വ​യു​ടെ നാമം വിശു​ദ്ധീ​ക​രി​ക്കേ​ണ്ട​തുണ്ട്‌. (മത്താ. 6:9, 10) അവർ യഹോ​വ​യു​ടെ നാമം ജീവി​ത​ത്തിൽ ഏറ്റവും പ്രധാ​ന​പ്പെട്ട ഒരു കാര്യ​മാ​യി കാണണം. അത്‌ വെറുതേ വാക്കു​ക​ളിൽ മാത്രം ഒതുങ്ങി​നി​ന്നാൽ പോരാ, നമ്മുടെ പ്രവൃ​ത്തി​ക​ളി​ലൂ​ടെ​യും കാണി​ക്കേ​ണ്ട​തുണ്ട്‌. അങ്ങനെ​യെ​ങ്കിൽ യഹോ​വ​യു​ടെ നാമം വിശു​ദ്ധീ​ക​രി​ക്കാ​നും സാത്താൻ യഹോ​വ​യെ​ക്കു​റിച്ച്‌ പറഞ്ഞ​തെ​ല്ലാം നുണയാ​ണെന്ന്‌ തെളി​യി​ക്കാ​നും നമുക്ക്‌ എങ്ങനെ കഴിയും?

10. യശയ്യ 42 മുതൽ 44 വരെയുള്ള അധ്യാ​യ​ങ്ങ​ളിൽ ആലങ്കാ​രി​ക​മായ ഏത്‌ കോട​തി​ക്കേ​സി​നെ​ക്കു​റി​ച്ചാണ്‌ പറയു​ന്നത്‌? (യശയ്യ 43:9; 44:7-9) (ചിത്ര​വും കാണുക.)

¹⁰ യശയ്യ 42 മുതൽ 44 വരെയുള്ള അധ്യാ​യ​ങ്ങ​ളിൽ യഹോ​വ​യു​ടെ നാമം വിശു​ദ്ധീ​ക​രി​ക്കു​ന്ന​തിൽ നമ്മുടെ പങ്ക്‌ എന്താ​ണെന്ന്‌ കാണാം. ഒരു കോട​തി​യിൽ കേസ്‌ നടക്കു​ന്ന​തു​പോ​ലെ യഹോവ ഇവിടെ വാദി​ക്കു​ക​യാണ്‌. വ്യാജ​ദൈ​വ​ങ്ങളെ ആരാധി​ക്കു​ന്ന​വ​രോട്‌, തങ്ങളുടെ ദൈവങ്ങൾ ശരിക്കും ഉള്ളതാ​ണോ എന്നു തെളി​യി​ക്കാൻ യഹോവ ആവശ്യ​പ്പെ​ടു​ന്നു. തങ്ങളുടെ വാദം തെളി​യി​ക്കാൻ സാക്ഷി​കളെ കൊണ്ടു​വ​രാ​നും യഹോവ പറയുന്നു. പക്ഷേ അവർ അമ്പേ പരാജ​യ​പ്പെ​ടു​ന്നു.—യശയ്യ 43:9; 44:7-9 വായി​ക്കുക.

11. യശയ്യ 43:10-12-ൽ യഹോവ തന്റെ ജനത്തോട്‌ എന്താണു പറയു​ന്നത്‌?

¹¹ യശയ്യ 43:10-12 വായി​ക്കുക. യഹോവ തന്റെ ജനത്തോട്‌ ഇങ്ങനെ പറഞ്ഞു: “നിങ്ങൾ എന്റെ സാക്ഷികൾ. . . . ഞാനാണു ദൈവം.” യഹോവ അവരോട്‌ ഇങ്ങനെ ഒരു ചോദ്യ​വും ചോദി​ക്കു​ന്നു: “ഞാനല്ലാ​തെ മറ്റൊരു ദൈവ​മു​ണ്ടോ?” (യശ. 44:8) ആ ചോദ്യ​ത്തിന്‌ ഉത്തരം കൊടു​ക്കാ​നുള്ള വലി​യൊ​രു പദവി നമുക്കുണ്ട്‌. അതിനു​വേണ്ടി യഹോ​വയെ നമ്മൾ ആത്മാർഥ​മാ​യി സ്‌നേ​ഹി​ക്കു​ന്നെ​ന്നും സാത്താൻ എന്തെല്ലാം പ്രശ്‌നങ്ങൾ കൊണ്ടു​വ​ന്നാ​ലും ദൈവ​ത്തോട്‌ വിശ്വ​സ്‌ത​രാ​യി​രി​ക്കു​മെ​ന്നും നമുക്ക്‌ ജീവി​ത​ത്തി​ലൂ​ടെ തെളി​യി​ക്കാം. അങ്ങനെ, നമ്മുടെ വാക്കാ​ലും പ്രവൃ​ത്തി​യാ​ലും യഹോ​വ​യാണ്‌ സത്യ​ദൈ​വ​മെ​ന്നും ആ നാമമാണ്‌ നമ്മുടെ ജീവി​ത​ത്തിൽ ഏറ്റവും പ്രധാ​ന​മെ​ന്നും കാണി​ക്കാം. അപ്പോൾ നമ്മൾ യഹോ​വ​യു​ടെ നാമം വിശു​ദ്ധീ​ക​രി​ക്കു​ക​യാണ്‌.

12. യശയ്യ 40:3, 5-ലെ പ്രവചനം നിറ​വേ​റി​യത്‌ എങ്ങനെ?

¹² നമ്മൾ യഹോ​വ​യു​ടെ പക്ഷത്ത്‌ നിൽക്കു​ക​യും യഹോ​വ​യു​ടെ നാമം വിശു​ദ്ധീ​ക​രി​ക്കു​ക​യും ചെയ്യു​മ്പോൾ യേശു​വി​നെ അനുക​രി​ക്കു​ക​യാണ്‌. യശയ്യ തന്റെ പ്രവച​ന​ത്തിൽ ‘യഹോ​വ​യു​ടെ വഴി നിരപ്പാ​ക്കാൻ’ അഥവാ ‘ഒരുക്കാൻ’ ഒരാൾ വരു​മെന്ന്‌ മുൻകൂ​ട്ടി​പ്പ​റഞ്ഞു. (യശ. 40:3, അടിക്കു​റിപ്പ്‌) ആ പ്രവചനം എങ്ങനെ​യാണ്‌ നിറ​വേ​റി​യത്‌? യോഹ​ന്നാൻ സ്‌നാ​പകൻ യേശു​വി​നു വഴി​യൊ​രു​ക്കി​യ​പ്പോൾ യഹോ​വ​യ്‌ക്കു വഴി​യൊ​രു​ക്കി​യ​തു​പോ​ലെ ആണെന്നു പറയാം. കാരണം യേശു യഹോ​വ​യു​ടെ നാമത്തി​ലാണ്‌ വന്നത്‌, ആ നാമത്തി​ലാണ്‌ സംസാ​രി​ച്ചത്‌. (മത്താ. 3:3; മർക്കോ. 1:2-4; ലൂക്കോ. 3:3-6) അതേ പ്രവചനം ഇങ്ങനെ തുടരു​ന്നു: “യഹോ​വ​യു​ടെ മഹത്ത്വം വെളി​പ്പെ​ടും.” (യശ. 40:5) ഇത്‌ എങ്ങനെ​യാണ്‌ നിവൃ​ത്തി​യേ​റി​യത്‌? യേശു ഭൂമി​യിൽ വന്നപ്പോൾ യഹോ​വ​യു​ടെ മഹത്ത്വം പൂർണ​മാ​യി വെളി​പ്പെ​ടു​ത്തി. ഒരർഥ​ത്തിൽ യേശു ഭൂമി​യി​ലേക്കു വന്നപ്പോൾ അത്‌ യഹോവ ഭൂമി​യി​ലേക്ക്‌ വന്നതു​പോ​ലെ തന്നെയാ​യി​രു​ന്നു. അത്ര വ്യക്തമാ​യി യേശു തന്റെ പിതാ​വി​നെ അനുക​രി​ച്ചു.—യോഹ. 12:45.

13. നമുക്ക്‌ എങ്ങനെ യേശു​വി​നെ അനുക​രി​ക്കാം?

¹³ യേശു​വി​നെ​പ്പോ​ലെ നമ്മളും യഹോ​വ​യു​ടെ സാക്ഷി​ക​ളാണ്‌. നമ്മൾ യഹോ​വ​യു​ടെ നാമം വഹിക്കു​ക​യും യഹോവ നമുക്കു​വേണ്ടി ചെയ്‌ത മഹത്തായ കാര്യ​ങ്ങ​ളെ​ക്കു​റിച്ച്‌ ആളുക​ളോ​ടു പറയു​ക​യും ചെയ്യുന്നു. യഹോ​വ​യ്‌ക്കു​വേണ്ടി ഏറ്റവും നല്ല സാക്ഷ്യം കൊടു​ക്കു​ന്ന​തിന്‌ ദൈവ​നാ​മം വിശു​ദ്ധീ​ക​രി​ക്കു​ന്ന​തി​നാ​യി യേശു ചെയ്‌ത കാര്യ​ങ്ങ​ളെ​ക്കു​റി​ച്ചും നമ്മൾ ആളുകളെ അറിയി​ക്കണം. (പ്രവൃ. 1:8) യഹോ​വ​യ്‌ക്കു​വേണ്ടി സാക്ഷ്യം കൊടു​ക്കു​ന്ന​തിൽ ഏറ്റവും നല്ല മാതൃക വെച്ചത്‌ യേശു​വാണ്‌. ആ മാതൃക നമുക്കും അനുക​രി​ക്കാം. (വെളി. 1:5) ശരി, യഹോ​വ​യു​ടെ നാമം നമുക്ക്‌ പ്രധാ​ന​മാ​ണെന്നു മറ്റ്‌ ഏതെല്ലാം വിധങ്ങ​ളിൽ കാണി​ക്കാം?

യഹോ​വ​യു​ടെ നാമം പ്രധാ​ന​മാ​ണെന്നു കാണി​ക്കാ​നാ​കുന്ന വിധങ്ങൾ

14. സങ്കീർത്തനം 105:3 പറയു​ന്ന​തു​പോ​ലെ യഹോ​വ​യു​ടെ നാമ​ത്തെ​ക്കു​റിച്ച്‌ നമുക്ക്‌ എന്താണ്‌ തോന്നു​ന്നത്‌?

¹⁴ യഹോ​വ​യു​ടെ നാമത്തിൽ അഭിമാ​നം​കൊ​ള്ളു​ന്നു. (സങ്കീർത്തനം 105:3 വായി​ക്കുക.) നമ്മൾ യഹോ​വ​യു​ടെ നാമത്തിൽ അഭിമാ​നം​കൊ​ള്ളു​മ്പോൾ ശരിക്കും യഹോവ സന്തോ​ഷി​ക്കു​ക​യാണ്‌. (യിരെ. 9:23, 24; 1 കൊരി. 1:31; 2 കൊരി. 10:17) യഹോവ പരിശു​ദ്ധ​നാ​ണെ​ന്നും യഹോവ കാര്യങ്ങൾ ചെയ്യുന്ന വിധമാണ്‌ ശരി​യെ​ന്നും ആളുക​ളോട്‌ പറയു​ന്ന​തിൽ നമുക്ക്‌ ‘അഭിമാ​നം തോന്നു​ന്നി​ല്ലേ?’ നമ്മു​ടെ​കൂ​ടെ ജോലി ചെയ്യു​ന്ന​വ​രോ​ടും കൂടെ പഠിക്കു​ന്ന​വ​രോ​ടും അയൽക്കാ​രോ​ടും ഒക്കെ നമ്മൾ യഹോ​വ​യു​ടെ സാക്ഷി​ക​ളാ​ണെന്നു പറയാൻ ഒരിക്ക​ലും നാണ​ക്കേടു തോന്ന​രുത്‌. സാത്താൻ ആഗ്രഹി​ക്കു​ന്നത്‌ നമ്മൾ ആ പേരി​നെ​ക്കു​റിച്ച്‌ ആളുക​ളോട്‌ പറയാ​തി​രി​ക്കാ​നാണ്‌. (യിരെ. 11:21; വെളി. 12:17) ശരിക്കും പറഞ്ഞാൽ ആളുകൾ ദൈവ​നാ​മം മറക്കാ​നാണ്‌ സാത്താ​നും അവന്റെ അനുയാ​യി​ക​ളും ആഗ്രഹി​ക്കു​ന്നത്‌. (യിരെ. 23:26, 27) പക്ഷേ യഹോ​വ​യോ​ടു സ്‌നേ​ഹ​മു​ള്ള​തു​കൊണ്ട്‌ യഹോ​വ​യു​ടെ പേരിൽ “ദിവസം മുഴുവൻ” നമ്മൾ ആനന്ദി​ക്കും.—സങ്കീ. 5:11; 89:16.

15. യഹോ​വ​യു​ടെ നാമം വിളി​ച്ച​പേ​ക്ഷി​ക്കു​ന്ന​തിൽ എന്തെല്ലാം ഉൾപ്പെ​ടു​ന്നു?

¹⁵ യഹോ​വ​യു​ടെ നാമം വിളി​ച്ച​പേ​ക്ഷി​ക്കു​ന്നു. (യോവേ. 2:32; റോമ. 10:13, 14) യഹോ​വ​യു​ടെ നാമം വിളി​ച്ച​പേ​ക്ഷി​ക്കു​ന്ന​തിൽ ആ നാമം അറിയു​ന്ന​തും ഉപയോ​ഗി​ക്കു​ന്ന​തും മാത്രമല്ല ഉൾപ്പെ​ടു​ന്നത്‌. നമ്മൾ ദൈവത്തെ ഒരു വ്യക്തി എന്ന നിലയിൽ അറിയണം, ദൈവ​ത്തിൽ ആശ്രയി​ക്കണം, സഹായ​ത്തി​നും വഴിന​ട​ത്തി​പ്പി​നും ആയി ദൈവ​ത്തി​ലേക്ക്‌ നോക്കു​ക​യും വേണം. (സങ്കീ. 20:7; 99:6; 116:4; 145:18) അതു​പോ​ലെ ദൈവ​ത്തി​ന്റെ നാമ​ത്തെ​ക്കു​റി​ച്ചും മനോ​ഹ​ര​മായ ഗുണങ്ങ​ളെ​ക്കു​റി​ച്ചും ആളുക​ളോട്‌ പറയണം. അങ്ങനെ ജീവി​ത​ത്തിന്‌ മാറ്റം വരുത്താ​നും ദൈവം അംഗീ​ക​രി​ക്കുന്ന വ്യക്തി​ക​ളാ​യി മാറാ​നും നമ്മൾ അവരെ സഹായി​ക്കു​ക​യാണ്‌.—യശ. 12:4; പ്രവൃ. 2:21, 38.

16. സാത്താൻ ഒരു നുണയ​നാ​ണെന്ന്‌ നമുക്ക്‌ എങ്ങനെ തെളി​യി​ക്കാം?

¹⁶ യഹോ​വ​യു​ടെ നാമത്തി​നു​വേണ്ടി എന്തും സഹിക്കു​ന്നു. (യാക്കോ. 5:10, 11) പ്രശ്‌നങ്ങൾ ഉണ്ടാകു​മ്പോ​ഴും നമ്മൾ യഹോ​വ​യോട്‌ വിശ്വ​സ്‌ത​രാ​യി നിൽക്കു​മ്പോൾ സാത്താൻ ഒരു നുണയ​നാ​ണെന്ന്‌ തെളി​യി​ക്കു​ക​യാണ്‌. യഹോ​വയെ സേവി​ക്കു​ന്ന​വ​രെ​ക്കു​റിച്ച്‌ ഇയ്യോ​ബി​ന്റെ നാളിൽ സാത്താൻ ഇങ്ങനെ​യൊ​രു ആരോ​പണം ഉന്നയിച്ചു: “സ്വന്തം ജീവൻ രക്ഷിക്കാൻ മനുഷ്യൻ തനിക്കു​ള്ള​തെ​ല്ലാം കൊടു​ക്കും.” (ഇയ്യോ. 2:4) കാര്യ​ങ്ങ​ളെ​ല്ലാം നന്നായി പോകു​മ്പോൾ മാത്രമേ മനുഷ്യർ യഹോ​വയെ ആരാധി​ക്കു​ക​യു​ള്ളൂ എന്നും കഷ്ടപ്പാ​ടു​കൾ ഉണ്ടാകു​മ്പോൾ അവർ ദൈവത്തെ ഉപേക്ഷി​ക്കു​മെ​ന്നും ആണ്‌ സാത്താൻ വാദി​ച്ചത്‌. എന്നാൽ ഇയ്യോബ്‌ വിശ്വ​സ്‌ത​നാ​യി​നി​ന്നു​കൊണ്ട്‌ ആ വാദം തെറ്റാ​ണെന്ന്‌ തെളി​യി​ച്ചു. നമുക്കും ഇന്ന്‌ അതിനുള്ള അവസര​മുണ്ട്‌. സാത്താൻ എന്തെല്ലാം പ്രശ്‌നങ്ങൾ കൊണ്ടു​വ​ന്നാ​ലും നമ്മൾ ഒരിക്ക​ലും യഹോ​വ​യ്‌ക്ക്‌ എതിരെ തിരി​യില്ല. തന്റെ പേരിനെ ഓർത്ത്‌ യഹോവ നമ്മളെ കാക്കും എന്ന്‌ നമുക്ക്‌ ഉറപ്പു​ള്ള​വ​രാ​യി​രി​ക്കാം.—യോഹ. 17:11.

17. 1 പത്രോസ്‌ 2:12-ൽ പറയു​ന്ന​തു​പോ​ലെ യഹോ​വ​യു​ടെ നാമത്തെ മഹത്ത്വ​പ്പെ​ടു​ത്താൻ നമുക്ക്‌ മറ്റെന്തു​കൂ​ടെ ചെയ്യാം?

¹⁷ യഹോ​വ​യു​ടെ നാമത്തെ ആദരി​ക്കു​ന്നു. (സുഭാ. 30:9; യിരെ. 7:8-11) നമ്മൾ യഹോ​വ​യു​ടെ പേരിൽ അറിയ​പ്പെ​ടു​ന്ന​തു​കൊണ്ട്‌ നമ്മുടെ പ്രവൃ​ത്തി​കൾ ഒന്നുകിൽ യഹോ​വയെ മഹത്ത്വ​പ്പെ​ടു​ത്തും അല്ലെങ്കിൽ നിന്ദി​ക്കും. (1 പത്രോസ്‌ 2:12 വായി​ക്കുക.) അതു​കൊണ്ട്‌ വാക്കി​ലൂ​ടെ​യും പ്രവൃ​ത്തി​യി​ലൂ​ടെ​യും യഹോ​വയെ മഹത്ത്വ​പ്പെ​ടു​ത്താൻ നമ്മൾ കഴിവി​ന്റെ പരമാ​വധി ശ്രമി​ക്കണം. അങ്ങനെ ചെയ്യു​മ്പോൾ അപൂർണ​രാ​ണെ​ങ്കി​ലും നമ്മൾ യഹോ​വ​യു​ടെ നാമത്തെ ആദരി​ക്കു​ക​യാണ്‌.

18. യഹോ​വ​യു​ടെ പേരാണ്‌ നമുക്ക്‌ പ്രധാ​ന​മെന്നു തെളി​യി​ക്കാൻ കഴിയുന്ന മറ്റൊരു വിധം ഏതാണ്‌? (അടിക്കു​റി​പ്പും കാണുക.)

¹⁸ നമ്മൾ നമ്മുടെ പേരി​നെ​ക്കാൾ യഹോ​വ​യു​ടെ പേരിനു പ്രാധാ​ന്യം കൊടു​ക്കു​ന്നു. (സങ്കീ. 138:2) എന്തു​കൊ​ണ്ടാണ്‌ അങ്ങനെ പറയു​ന്നത്‌? നമ്മൾ യഹോ​വയെ സന്തോ​ഷി​പ്പി​ക്കുന്ന കാര്യങ്ങൾ ചെയ്യു​മ്പോൾ അതു പലപ്പോ​ഴും ആളുകൾക്ക്‌ ഇഷ്ടപ്പെ​ട​ണ​മെ​ന്നില്ല. അവർ നമ്മളെ​ക്കു​റിച്ച്‌ മോശ​മാ​യി സംസാ​രി​ക്കു​ക​യോ നമ്മളെ കളിയാ​ക്കു​ക​യോ ചെയ്‌തേ​ക്കാം.a യേശു​വി​ന്റെ കാര്യ​ത്തിൽ അതാണ്‌ സംഭവി​ച്ചത്‌. ഒരു കുറ്റവാ​ളി എന്ന പേരിൽ ആളുക​ളു​ടെ നിന്ദ​യേ​റ്റാണ്‌ യേശു മരിച്ചത്‌. മറ്റുള്ളവർ തന്നെക്കു​റിച്ച്‌ എന്തു ചിന്തി​ക്കും എന്നോർത്ത്‌ യേശു അമിത​മാ​യി ഉത്‌ക​ണ്‌ഠ​പ്പെ​ടു​ക​യോ അസ്വസ്ഥ​നാ​കു​ക​യോ ചെയ്‌തില്ല. യഹോ​വ​യു​ടെ നാമം മഹത്ത്വ​പ്പെ​ടു​ത്തു​ന്ന​തി​നു​വേണ്ടി യേശു ആ ‘അപമാ​ന​മൊ​ന്നും വകവെ​ക്കാ​തെ’ എല്ലാ നിന്ദയും സഹിച്ചു. (എബ്രാ. 12:2-4) അതെ, യഹോ​വ​യു​ടെ ഇഷ്ടം ചെയ്യു​ന്ന​തി​ലാ​യി​രു​ന്നു യേശു​വി​ന്റെ മുഖ്യ​ശ്രദ്ധ.—മത്താ. 26:39.

19. യഹോ​വ​യു​ടെ പേരി​നെ​ക്കു​റിച്ച്‌ നിങ്ങൾക്ക്‌ എന്താണ്‌ തോന്നു​ന്നത്‌, എന്തു​കൊണ്ട്‌?

¹⁹ യഹോ​വ​യു​ടെ നാമത്തിൽ നമ്മൾ അഭിമാ​നി​ക്കു​ന്നു. യഹോ​വ​യു​ടെ സാക്ഷികൾ എന്ന്‌ അറിയ​പ്പെ​ടു​ന്നത്‌ ഒരു പദവി​യാ​യി നമ്മൾ കാണുന്നു. അതു​കൊ​ണ്ടു​തന്നെ ആ പേരി​നു​വേണ്ടി എന്തു നിന്ദയും സഹിക്കാൻ നമ്മൾ തയ്യാറാണ്‌. കാരണം നമ്മുടെ സത്‌പേ​രി​നെ​ക്കാൾ നമുക്ക്‌ പ്രധാനം യഹോ​വ​യു​ടെ പേരാണ്‌. അതു​കൊണ്ട്‌ സാത്താൻ നമ്മളെ എങ്ങനെ​യൊ​ക്കെ നിരു​ത്സാ​ഹ​പ്പെ​ടു​ത്താൻ ശ്രമി​ച്ചാ​ലും നമുക്ക്‌ യഹോ​വ​യു​ടെ നാമത്തെ മഹത്ത്വ​പ്പെ​ടു​ത്തു​ന്ന​തിൽ തുടരാം. അപ്പോൾ, യഹോ​വ​യു​ടെ നാമമാണ്‌ ജീവി​ത​ത്തിൽ ഏറ്റവും പ്രധാ​ന​മെന്നു യേശു​വി​നെ​പ്പോ​ലെ നമ്മളും തെളി​യി​ക്കു​ക​യാ​യി​രി​ക്കും.