നല്ല ഉപദേശം എങ്ങനെ തേടാം?

1. നല്ല തീരു​മാ​ന​ങ്ങ​ളെ​ടു​ക്കാ​നും പദ്ധതികൾ വിജയി​ക്കാ​നും നമ്മൾ എന്തു ചെയ്യണം? (സുഭാ​ഷി​തങ്ങൾ 13:10; 15:22)

നമ്മൾ എല്ലാവ​രും നല്ല തീരു​മാ​ന​ങ്ങ​ളെ​ടു​ക്കാ​നും നമ്മുടെ പദ്ധതികൾ വിജയിച്ച്‌ കാണാ​നും ആഗ്രഹി​ക്കു​ന്നു. അതിന്‌ നമ്മൾ എന്തു ചെയ്യണ​മെന്ന്‌ ദൈവ​വ​ചനം പറയുന്നു. നമ്മൾ ഉപദേശം തേടണം.—സുഭാ​ഷി​തങ്ങൾ 13:10; 15:22 വായി​ക്കുക.

2. യഹോവ നമുക്ക്‌ എന്ത്‌ ഉറപ്പു നൽകി​യി​രി​ക്കു​ന്നു?

² നമുക്ക്‌ ഉപദേശം ചോദി​ക്കാൻ പറ്റിയ ഏറ്റവും നല്ലയാൾ നമ്മുടെ പിതാ​വായ യഹോ​വ​യാണ്‌. യഹോവ നമ്മളോട്‌ ഇങ്ങനെ പറഞ്ഞി​ട്ടുണ്ട്‌: “നിന്റെ മേൽ കണ്ണുനട്ട്‌ ഞാൻ നിന്നെ ഉപദേ​ശി​ക്കും.” (സങ്കീ. 32:8) അതു കാണി​ക്കു​ന്നത്‌ യഹോവ നമുക്ക്‌ ഓരോ​രു​ത്തർക്കും ആവശ്യ​മായ ഉപദേ​ശങ്ങൾ തരുക​യും അത്‌ അനുസ​രി​ക്കാൻ നമ്മളെ സഹായി​ക്കു​ക​യും ചെയ്യുന്നു എന്നാണ്‌.

3. ഈ ലേഖന​ത്തിൽ നമ്മൾ എന്ത്‌ പഠിക്കും?

³ ഈ ലേഖന​ത്തിൽ, നാലു ചോദ്യ​ങ്ങൾക്ക്‌ ബൈബി​ളിൽനിന്ന്‌ നമ്മൾ ഉത്തരം കണ്ടെത്തും. (1) ഉപദേശം കിട്ടു​മ്പോൾ അതിൽനിന്ന്‌ പ്രയോ​ജനം നേടാൻ എനിക്ക്‌ ഏതെല്ലാം ഗുണങ്ങൾ വേണം? (2) എനിക്ക്‌ നല്ല ഉപദേശം തരാൻ ആർക്കു കഴിയും? (3) ഒരു തുറന്ന മനസ്സോ​ടെ ഉപദേശം തേടാൻ എനിക്ക്‌ എന്തു ചെയ്യാ​നാ​കും? (4) എനിക്കു​വേണ്ടി തീരു​മാ​ന​മെ​ടു​ക്കാൻ ഞാൻ മറ്റുള്ള​വ​രോട്‌ ആവശ്യ​പ്പെ​ട​രു​താ​ത്തത്‌ എന്തു​കൊണ്ട്‌?

എനിക്ക്‌ ഏതെല്ലാം ഗുണങ്ങൾ വേണം?

4. നല്ല ഉപദേ​ശ​ത്തിൽനിന്ന്‌ പ്രയോ​ജനം കിട്ടണ​മെ​ങ്കിൽ നമുക്ക്‌ ഏതെല്ലാം ഗുണങ്ങൾ വേണം?

⁴ നല്ല ഉപദേശം കിട്ടു​മ്പോൾ അതിൽനിന്ന്‌ പ്രയോ​ജനം നേടണ​മെ​ങ്കിൽ നമുക്ക്‌ താഴ്‌മ​യും എളിമ​യും ആവശ്യ​മാണ്‌. എപ്പോ​ഴും നല്ല തീരു​മാ​ന​ങ്ങ​ളെ​ടു​ക്കാൻ വേണ്ട അനുഭ​വ​പ​രി​ച​യ​മോ അറിവോ നമുക്ക്‌ ഉണ്ടായി​രി​ക്കി​ല്ലെന്ന്‌ നമ്മൾ അംഗീ​ക​രി​ക്കണം. നമുക്കു താഴ്‌മ​യും എളിമ​യും ഇല്ലെങ്കിൽ യഹോ​വ​യ്‌ക്കു നമ്മളെ സഹായി​ക്കാ​നാ​കില്ല. അതു​കൊ​ണ്ടു​തന്നെ ദൈവ​വ​ചനം വായി​ക്കു​മ്പോൾ ഇത്‌ എനിക്കുള്ള ഉപദേ​ശ​മാ​ണെന്ന്‌ നമുക്ക്‌ തിരി​ച്ച​റി​യാൻ പറ്റാതെ വരും. അത്‌ കല്ലിന്റെ മുകളിൽ ഒഴിക്കുന്ന വെള്ളം​പോ​ലെ വെറു​തെ​യങ്ങ്‌ ഒഴുകി​പ്പോ​കും. (മീഖ 6:8; 1 പത്രോ. 5:5) എന്നാൽ താഴ്‌മ​യും എളിമ​യും ഉണ്ടെങ്കിൽ നമ്മൾ ബൈബിൾ തരുന്ന ഉപദേശം പെട്ടെന്നു സ്വീക​രി​ക്കു​ക​യും അതിൽനിന്ന്‌ പ്രയോ​ജനം നേടു​ക​യും ചെയ്യും.

5. വേണ​മെ​ങ്കിൽ അഹങ്കരി​ക്കാ​വുന്ന എന്തെല്ലാം നേട്ടങ്ങൾ ദാവീ​ദി​നു​ണ്ടാ​യി​രു​ന്നു?

⁵ ദാവീദ്‌ രാജാ​വിൽനിന്ന്‌ നമുക്ക്‌ എന്തു പഠിക്കാ​മെന്നു നോക്കാം. ദാവീ​ദിന്‌ വേണ​മെ​ങ്കിൽ അഹങ്കരി​ക്കാൻ ഒരുപാ​ടു കാര്യങ്ങൾ ഉണ്ടായി​രു​ന്നു. ഒരു രാജാ​വാ​കു​ന്ന​തി​നു വളരെ മുമ്പു​തന്നെ സംഗീ​തജ്ഞൻ എന്ന നിലയിൽ പേരു​കേട്ട ഒരാളാ​യി​രു​ന്നു അദ്ദേഹം. ശൗൽ രാജാ​വി​ന്റെ മുന്നിൽപോ​ലും സംഗീ​തോ​പ​ക​രണം വായി​ക്കാൻ ദാവീ​ദി​നെ വിളി​ച്ചി​ട്ടുണ്ട്‌. (1 ശമു. 16:18, 19) അടുത്ത രാജാ​വാ​യി ദാവീ​ദി​നെ അഭി​ഷേകം ചെയ്‌തു​ക​ഴി​ഞ്ഞ​പ്പോൾ യഹോവ തന്റെ ആത്മാവി​നെ നൽകി ദാവീ​ദി​നെ ശക്തീക​രി​ച്ചു. (1 ശമു. 16:11-13) അതു​പോ​ലെ ഫെലി​സ്‌ത്യ​മ​ല്ല​നായ ഗൊല്യാ​ത്തി​നെ ഉൾപ്പെടെ ഇസ്രാ​യേ​ല്യ​രു​ടെ ശത്രു​ക്കളെ തോൽപ്പി​ച്ച​തിന്‌ അദ്ദേഹം തന്റെ ജനത്തി​നി​ട​യിൽ പ്രശസ്‌ത​നാ​യി​രു​ന്നു. (1 ശമു. 17:37, 50; 18:7) അഹങ്കാ​രി​യായ ഒരു വ്യക്തി​ക്കാണ്‌ ഇത്രയും നേട്ടങ്ങൾ ഒക്കെ കിട്ടു​ന്ന​തെ​ങ്കിൽ തനിക്ക്‌ ഇനി ആരു​ടേ​യും ഉപദേ​ശ​മൊ​ന്നും ആവശ്യ​മില്ല എന്ന്‌ അയാൾ ചിന്തി​ക്കാൻ ഇടയുണ്ട്‌. പക്ഷേ ദാവീദ്‌ അങ്ങനെ ഒരാൾ ആയിരു​ന്നില്ല.

6. ഉപദേശം മനസ്സോ​ടെ സ്വീക​രി​ക്കുന്ന ഒരു വ്യക്തി​യാ​യി​രു​ന്നു ദാവീദ്‌ എന്ന്‌ നമുക്ക്‌ എങ്ങനെ അറിയാം? ( ചിത്ര​വും കാണുക.)

⁶ രാജാ​വാ​യ​തി​നു ശേഷം ദാവീദ്‌ ഉപദേശം തരുന്ന​വരെ തന്റെ അടുത്ത സുഹൃ​ത്തു​ക്ക​ളാ​ക്കി. (1 ദിന. 27:32-34) എന്നാൽ രാജാ​വാ​കു​ന്ന​തി​നു മുമ്പും ഉപദേശം സ്വീക​രി​ക്കുന്ന കാര്യ​ത്തിൽ ദാവീദ്‌ നല്ലൊരു മാതൃ​ക​യാ​യി​രു​ന്നു. പുരു​ഷ​ന്മാ​രിൽനിന്ന്‌ മാത്രമല്ല അബീഗ​യിൽ എന്നൊരു സ്‌ത്രീ​യിൽനി​ന്നു​പോ​ലും ദാവീദ്‌ ഉപദേശം സ്വീക​രി​ച്ചു. അബീഗ​യി​ലി​ന്റെ ഭർത്താ​വായ നാബാ​ലി​നെ​പ്പോ​ലെ ദാവീദ്‌ നന്ദിയും ബഹുമാ​ന​വും ഇല്ലാത്ത, അഹങ്കാ​രി​യായ ഒരാളാ​യി​രു​ന്നില്ല; പകരം താഴ്‌മ​യുള്ള ആളായി​രു​ന്നു. അതു​കൊണ്ട്‌ ദാവീദ്‌ ആ സ്‌ത്രീ​യു​ടെ ഉപദേശം സ്വീക​രി​ക്കു​ക​യും അങ്ങനെ വലി​യൊ​രു തെറ്റ്‌ ചെയ്യു​ന്നത്‌ ഒഴിവാ​ക്കു​ക​യും ചെയ്‌തു.—1 ശമു. 25:2, 3, 21-25, 32-34.

7. ദാവീ​ദി​ന്റെ മാതൃ​ക​യിൽനിന്ന്‌ നമുക്ക്‌ എന്തൊക്കെ പാഠങ്ങൾ പഠിക്കാം? (സഭാ​പ്ര​സം​ഗകൻ 4:13) (ചിത്ര​ങ്ങ​ളും കാണുക.)

⁷ ദാവീ​ദിൽനിന്ന്‌ നമുക്കു ചില പാഠങ്ങൾ പഠിക്കാ​നുണ്ട്‌. ഉദാഹ​ര​ണ​ത്തിന്‌, നമുക്കു ചില​പ്പോൾ കഴിവു​ക​ളോ ചില അധികാ​ര​ങ്ങ​ളോ ഒക്കെ ഉണ്ടായി​രി​ക്കാം. എന്നാൽ ‘എനിക്ക്‌ എല്ലാം അറിയാം, അതു​കൊണ്ട്‌ ആരു​ടെ​യും ഉപദേശം ആവശ്യ​മില്ല’ എന്നു നമ്മൾ ഒരിക്ക​ലും ചിന്തി​ക്ക​രുത്‌. അതു​പോ​ലെ നല്ല ഉപദേശം തരുന്നത്‌ ആരാ​ണെ​ങ്കി​ലും ദാവീ​ദി​നെ​പ്പോ​ലെ അതു സ്വീക​രി​ക്കാൻ നമ്മൾ തയ്യാറാ​കണം. (സഭാ​പ്ര​സം​ഗകൻ 4:13 വായി​ക്കുക.) അങ്ങനെ ചെയ്‌താൽ നമ്മളെ​യും മറ്റുള്ള​വ​രെ​യും വേദനി​പ്പി​ക്കുന്ന വലിയ തെറ്റുകൾ ഒഴിവാ​ക്കാൻ നമുക്കാ​യേ​ക്കും.

എനിക്ക്‌ നല്ല ഉപദേശം തരാൻ ആർക്കു കഴിയും?

8. ദാവീ​ദി​നു നല്ല ഉപദേശം കൊടു​ക്കാൻ യോനാ​ഥാന്‌ കഴിഞ്ഞത്‌ എന്തു​കൊണ്ട്‌?

⁸ ദാവീ​ദിൽനിന്ന്‌ പഠിക്കാ​നാ​കുന്ന മറ്റൊരു പാഠം നമുക്കു നോക്കാം. ദാവീദ്‌ ഉപദേശം സ്വീക​രി​ച്ചത്‌ യഹോ​വ​യു​മാ​യി നല്ല ബന്ധമുള്ള വ്യക്തി​ക​ളിൽനി​ന്നാ​യി​രു​ന്നു. എന്നാൽ അതുമാ​ത്രമല്ല, ദാവീദ്‌ നേരി​ടുന്ന സാഹച​ര്യം അവർക്ക്‌ നന്നായി അറിയു​ക​യും ചെയ്യാ​മാ​യി​രു​ന്നു. ഉദാഹ​ര​ണ​ത്തിന്‌, രാജാ​വായ ശൗലു​മാ​യി സമാധാ​ന​ത്തി​ലാ​കാൻ പറ്റുമോ എന്നറി​യാൻ ദാവീദ്‌ ശൗലിന്റെ മകനായ യോനാ​ഥാ​നോ​ടാണ്‌ ഉപദേശം ചോദി​ച്ചത്‌. ആ സാഹച​ര്യ​ത്തിൽ ഏറ്റവും നല്ല ഉപദേശം കൊടു​ക്കാൻ പറ്റിയ ആൾ യോനാ​ഥാ​നാ​യി​രു​ന്നു. എന്തു​കൊണ്ട്‌? കാരണം യോനാ​ഥാന്‌ യഹോ​വ​യു​മാ​യി നല്ല ഒരു ബന്ധമു​ണ്ടാ​യി​രു​ന്നു; അതു​പോ​ലെ ശൗലിനെ നന്നായി അറിയാ​വുന്ന ആളുമാ​യി​രു​ന്നു. (1 ശമു. 20:9-13) ദാവീ​ദി​ന്റെ ഈ മാതൃക നമുക്ക്‌ എങ്ങനെ അനുക​രി​ക്കാം?

9. ഉപദേശം വേണ്ട​പ്പോൾ നമ്മൾ ആരോട്‌ ചോദി​ക്കണം? വിശദീ​ക​രി​ക്കുക. (സുഭാ​ഷി​തങ്ങൾ 13:20)

⁹ നമ്മൾ ഒരാ​ളോട്‌ ഉപദേശം ചോദി​ക്കു​മ്പോൾ രണ്ടു കാര്യങ്ങൾ ശ്രദ്ധി​ക്കു​ന്നതു പ്രയോ​ജനം ചെയ്യും. ആ വ്യക്തിക്ക്‌ യഹോ​വ​യു​മാ​യി നല്ലൊരു ബന്ധമു​ണ്ടോ എന്നും അതു​പോ​ലെ നമ്മൾ ചോദി​ക്കുന്ന വിഷയ​ത്തിൽ അദ്ദേഹ​ത്തിന്‌ അനുഭ​വ​പ​രി​ച​യ​മു​ണ്ടോ എന്നും നോക്കാ​നാ​കും.a (സുഭാ​ഷി​തങ്ങൾ 13:20 വായി​ക്കുക.) ഉദാഹ​ര​ണ​ത്തിന്‌, വിവാഹം കഴിക്കാൻ ആഗ്രഹി​ക്കുന്ന ചെറു​പ്പ​ക്കാ​ര​നായ ഒരു സഹോ​ദ​ര​നെ​ക്കു​റിച്ച്‌ ചിന്തി​ക്കുക. അദ്ദേഹം അവിവാ​ഹി​ത​നായ ഒരു സഹോ​ദ​ര​നോട്‌ ഉപദേശം ചോദി​ക്കു​ന്ന​തിൽ തെറ്റൊ​ന്നു​മില്ല. കാരണം ആ സഹോ​ദ​രനു ബൈബിൾത​ത്ത്വ​ങ്ങൾക്കു ചേർച്ച​യിൽ ചില ഉപദേ​ശങ്ങൾ കൊടു​ക്കാൻ കഴി​ഞ്ഞേ​ക്കും. എന്നാൽ ആ യുവസ​ഹോ​ദരൻ, തന്നെ നന്നായി അറിയാ​വുന്ന, വർഷങ്ങ​ളാ​യി ഒരുമിച്ച്‌ യഹോ​വയെ സേവി​ക്കുന്ന ഒരു ദമ്പതി​ക​ളോ​ടാണ്‌ ഉപദേശം ചോദി​ക്കു​ന്ന​തെ​ങ്കിൽ കൂടുതൽ നല്ലതാ​യി​രി​ക്കും. ബൈബി​ളി​ലെ നിർദേ​ശങ്ങൾ എങ്ങനെ പ്രാവർത്തി​ക​മാ​ക്കാം എന്നു മാത്രമല്ല സ്വന്തം ജീവി​ത​ത്തിൽനിന്ന്‌ പഠിച്ച പാഠങ്ങ​ളും പറഞ്ഞു​കൊ​ടു​ക്കാൻ ആ ദമ്പതി​കൾക്ക്‌ കഴി​ഞ്ഞേ​ക്കും.

10. നമ്മൾ ഇനി എന്താണ്‌ പഠിക്കാൻപോ​കു​ന്നത്‌?

¹⁰ നമുക്ക്‌ ഉണ്ടായി​രി​ക്കേണ്ട രണ്ടു ഗുണങ്ങ​ളെ​ക്കു​റി​ച്ചും നല്ല ഉപദേശം തരാൻ ആർക്കു കഴിയും എന്നതി​നെ​ക്കു​റി​ച്ചും നമ്മൾ ചർച്ച ചെയ്‌തു. ഇനി, ഒരു ഉപദേശം ചോദി​ക്കു​മ്പോൾ തുറന്ന മനസ്സു​ണ്ടാ​യി​രി​ക്കേ​ണ്ടത്‌ എന്തു​കൊ​ണ്ടാ​ണെ​ന്നും നമുക്കു​വേണ്ടി തീരു​മാ​ന​മെ​ടു​ക്കാൻ മറ്റുള്ള​വ​രോട്‌ പറയു​ന്നത്‌ ശരിയാ​ണോ എന്നും നമ്മൾ പഠിക്കാൻപോ​കു​ക​യാണ്‌.

തുറന്ന മനസ്സോ​ടെ ഉപദേശം തേടാൻ എനിക്ക്‌ എന്തു ചെയ്യാം?

11-12. (എ) ചില​പ്പോൾ നമ്മൾ എന്തു ചെയ്‌തേ​ക്കാം? (ബി) പ്രധാ​ന​പ്പെട്ട ഒരു തീരു​മാ​നം എടു​ക്കേ​ണ്ടി​വ​ന്ന​പ്പോൾ രാജാ​വായ രഹബെ​യാം എന്തു ചെയ്‌തു?

¹¹ ചില​പ്പോൾ ഒരു വ്യക്തി മറ്റുള്ള​വ​രോട്‌ ഉപദേശം ചോദി​ച്ചേ​ക്കാം. പക്ഷേ താൻ അതി​നോ​ടകം എടുത്ത തീരു​മാ​ന​ത്തോട്‌ മറ്റേയാൾ യോജി​ക്കു​ന്നു​ണ്ടോ എന്നറി​യാൻവേണ്ടി മാത്ര​മാ​യി​രി​ക്കാം അങ്ങനെ ചോദി​ക്കു​ന്നത്‌. അങ്ങനെ​യൊ​രാൾക്കു തുറന്ന മനസ്സു​ണ്ടെന്ന്‌ പറയാ​നാ​കില്ല. രഹബെ​യാം രാജാ​വി​ന്റെ ജീവിതം ആ വ്യക്തി​ക്കുള്ള ഒരു മുന്നറി​യി​പ്പാണ്‌.

¹² ഇസ്രാ​യേ​ലിൽ ശലോ​മോ​നു ശേഷം വന്ന രാജാ​വാ​യി​രു​ന്നു രഹബെ​യാം. രാജ്യം വളരെ സമ്പദ്‌സ​മൃ​ദ്ധി​യി​ലി​രുന്ന സമയത്താണ്‌ രഹബെ​യാം രാജാ​വാ​യത്‌. പക്ഷേ ശലോ​മോൻ രാജാവ്‌ തങ്ങളു​ടെ​മേൽ അമിത​ഭാ​രം ചുമത്തി​യ​താ​യി ജനങ്ങൾക്കു തോന്നി​യി​രു​ന്നു. അതു​കൊണ്ട്‌ ആ ഭാരം കുറച്ചു​ത​രണം എന്ന്‌ അവർ രഹബെ​യാ​മി​നോട്‌ അപേക്ഷി​ച്ചു. തീരു​മാ​ന​മെ​ടു​ക്കാൻ രഹബെ​യാം ജനത്തോട്‌ സമയം ആവശ്യ​പ്പെട്ടു. എന്നിട്ട്‌ അദ്ദേഹം ശലോ​മോൻ രാജാ​വിന്‌ ഉപദേ​ശങ്ങൾ നൽകി​യി​രുന്ന പ്രായ​മുള്ള പുരു​ഷ​ന്മാ​രോട്‌ അഭി​പ്രാ​യം ചോദി​ച്ചു. അതൊരു നല്ല തുടക്ക​മാ​യി​രു​ന്നു. (1 രാജാ. 12:2-7) എങ്കിലും അവരുടെ ഉപദേശം അദ്ദേഹം തള്ളിക്ക​ളഞ്ഞു. എന്തു​കൊ​ണ്ടാണ്‌ രഹബെ​യാം അങ്ങനെ ചെയ്‌തത്‌? അദ്ദേഹം അപ്പോൾത്തന്നെ ഒരു തീരു​മാ​നം എടുത്തി​ട്ടു​ണ്ടാ​യി​രു​ന്നോ? എന്നിട്ട്‌ ആ തീരു​മാ​നം അംഗീ​ക​രി​ക്കുന്ന ആളുകളെ തിരയു​ക​യാ​യി​രു​ന്നോ? ചില​പ്പോൾ അതു​കൊ​ണ്ടാ​യി​രി​ക്കാം ചെറു​പ്പ​ക്കാ​രായ തന്റെ കൂട്ടു​കാർ കൊടുത്ത ഉപദേശം അദ്ദേഹ​ത്തിന്‌ ഇഷ്ടപ്പെ​ട്ടത്‌. (1 രാജാ. 12:8-14) ആ ഉപദേ​ശ​ത്തി​നു ചേർച്ച​യിൽ രഹബെ​യാം ജനത്തോട്‌ മറുപടി പറഞ്ഞു. പക്ഷേ അതിന്റെ ഫലമായി രാജ്യം വിഭജി​ക്ക​പ്പെട്ടു. പിന്നീ​ട​ങ്ങോട്ട്‌ രഹബെ​യാ​മി​ന്റെ ജീവി​ത​ത്തിൽ മുഴുവൻ പ്രശ്‌ന​ങ്ങ​ളാ​യി​രു​ന്നു.—1 രാജാ. 12:16-19.

13. നമുക്ക്‌ ഒരു തുറന്ന മനസ്സു​ണ്ടോ എന്ന്‌ എങ്ങനെ അറിയാം?

¹³ രഹബെ​യാ​മിൽനിന്ന്‌ നമുക്ക്‌ എന്തു പഠിക്കാം? നമ്മൾ ഉപദേശം ചോദി​ക്കു​ന്നത്‌ ഒരു തുറന്ന മനസ്സോ​ടെ​യാ​യി​രി​ക്കണം. നമുക്ക്‌ ഒരു തുറന്ന മനസ്സു​ണ്ടോ എന്ന്‌ എങ്ങനെ അറിയാം? അതിനാ​യി സ്വയം ചിന്തി​ക്കുക: ‘ഉപദേശം ചോദി​ക്കു​മ്പോൾ ഞാൻ കേൾക്കാൻ ആഗ്രഹി​ക്കാത്ത ഒരു കാര്യ​മാണ്‌ മറ്റുള്ളവർ പറയു​ന്ന​തെ​ങ്കിൽ ഞാൻ അത്‌ തള്ളിക്ക​ള​യാ​റു​ണ്ടോ?’ ഒരു ഉദാഹ​രണം നോക്കാം.

14. ഉപദേശം കിട്ടു​മ്പോൾ നമ്മൾ എന്ത്‌ ഓർക്കണം? ഒരു ഉദാഹ​രണം പറയുക. (ചിത്ര​വും കാണുക.)

¹⁴ ഒരു സഹോ​ദ​രനു നല്ലൊരു ജോലി​ക്കുള്ള ക്ഷണം കിട്ടു​ന്നെന്നു വിചാ​രി​ക്കുക. ജോലി സ്വീക​രി​ക്കു​ന്ന​തി​നു മുമ്പ്‌ സഹോ​ദരൻ ഒരു മൂപ്പ​നോട്‌ ഉപദേശം ചോദി​ക്കു​ന്നു. ആ ജോലി തിര​ഞ്ഞെ​ടു​ത്താൽ കൂടെ​ക്കൂ​ടെ ആഴ്‌ച​ക​ളോ​ളം വീട്ടിൽനിന്ന്‌ മാറി​നിൽക്കേണ്ടി വരു​മെ​ന്നും സഹോ​ദരൻ മൂപ്പ​നോ​ടു പറഞ്ഞു. അത്‌ കേട്ടു​ക​ഴി​ഞ്ഞ​പ്പോൾ, കുടും​ബ​ത്തി​നു​വേണ്ടി ആത്മീയ​മാ​യി കരുതു​ന്ന​താണ്‌ ഏറ്റവും പ്രധാ​ന​പ്പെട്ട ഉത്തരവാ​ദി​ത്വം എന്ന ബൈബിൾത​ത്ത്വം മൂപ്പൻ ഈ സഹോ​ദ​രനെ ഓർമി​പ്പി​ച്ചു. (എഫെ. 6:4; 1 തിമൊ. 5:8) ആ ഉപദേശം സഹോ​ദ​രന്‌ ഇഷ്ടമാ​യില്ല. അതു​കൊ​ണ്ടു​തന്നെ ആ ഉപദേ​ശ​ത്തിന്‌ അദ്ദേഹം പല കുറ്റങ്ങ​ളും കണ്ടുപി​ടി​ക്കു​ന്നു. എന്നിട്ട്‌ താൻ കേൾക്കാൻ ആഗ്രഹി​ക്കുന്ന ഒരു മറുപടി കിട്ടു​ന്ന​തു​വരെ മറ്റു സഹോ​ദ​ര​ങ്ങ​ളോട്‌ അദ്ദേഹം മാറി​മാ​റി ചോദി​ച്ചു​കൊ​ണ്ടി​രു​ന്നു. സഹോ​ദരൻ ശരിക്കും ഉപദേശം ചോദി​ക്കു​ക​യാ​യി​രു​ന്നോ? അതോ താനെ​ടുത്ത തീരു​മാ​നത്തെ അംഗീ​ക​രി​ക്കുന്ന ഒരാളെ അന്വേ​ഷി​ക്കു​ക​യാ​യി​രു​ന്നോ? നമ്മുടെ ഹൃദയം വഞ്ചകമാ​ണെന്ന്‌ എപ്പോ​ഴും ഓർക്കാം. (യിരെ. 17:9) ചില​പ്പോൾ നമ്മൾ ഒട്ടും കേൾക്കാൻ ആഗ്രഹി​ക്കാത്ത ഒരു ഉപദേ​ശ​മാ​യി​രി​ക്കും നമുക്ക്‌ ഏറ്റവും വേണ്ടത്‌.

എനിക്കു​വേണ്ടി തീരു​മാ​ന​മെ​ടു​ക്കാൻ മറ്റുള്ള​വ​രോട്‌ ആവശ്യ​പ്പെ​ടാ​മോ?

15. നമ്മൾ എന്തു ചെയ്യരുത്‌, എന്തു​കൊണ്ട്‌?

¹⁵ നമുക്കു​വേണ്ടി തീരു​മാ​ന​മെ​ടു​ക്കാ​നുള്ള ഉത്തരവാ​ദി​ത്വം നമുക്കു​ത​ന്നെ​യാണ്‌. (ഗലാ. 6:4, 5) നമ്മൾ കണ്ടതു​പോ​ലെ ജ്ഞാനി​യായ ഒരു വ്യക്തി ഒരു തീരു​മാ​ന​മെ​ടു​ക്കു​ന്ന​തി​നു മുമ്പ്‌ ദൈവ​വ​ച​ന​ത്തിൽനി​ന്നും പക്വത​യുള്ള ക്രിസ്‌ത്യാ​നി​ക​ളിൽനി​ന്നും ഉപദേശം തേടും. പക്ഷേ നമ്മൾ ഒരിക്ക​ലും നമുക്കു​വേണ്ടി തീരു​മാ​ന​മെ​ടു​ക്കാൻ മറ്റുള്ള​വ​രോട്‌ ആവശ്യ​പ്പെ​ട​രുത്‌. കാരണം ചിലർക്ക്‌ ഇങ്ങനെ ഒരു പ്രശ്‌നം പറ്റി​യേ​ക്കാം: അവർ തങ്ങൾ ആദരി​ക്കുന്ന ആരോ​ടെ​ങ്കി​ലും “എന്റെ സാഹച​ര്യ​ത്തിൽ നിങ്ങൾ ആയിരു​ന്നെ​ങ്കിൽ എന്ത്‌ ചെയ്‌തേനേ” എന്നു നേരിട്ടു ചോദി​ച്ചേ​ക്കാം. ഇനി മറ്റു ചിലർ അങ്ങനെ നേരിട്ടു ചോദി​ക്കില്ല. പകരം തങ്ങളുടെ അതേ സാഹച​ര്യ​ത്തിൽ വേറെ ആരെങ്കി​ലും എടുത്ത തീരു​മാ​നം കൂടു​ത​ലൊ​ന്നും ചിന്തി​ക്കാ​തെ അതേപടി പകർത്താൻ ശ്രമി​ക്കും.

16. വിഗ്ര​ഹ​ങ്ങൾക്ക്‌ അർപ്പിച്ച മാംസം കഴിക്കു​ന്ന​തി​നോ​ടു ബന്ധപ്പെട്ട്‌ കൊരിന്ത്‌ സഭയിൽ എന്ത്‌ സാഹച​ര്യം ഉണ്ടായി, ആ മാംസം കഴിക്ക​ണോ എന്ന തീരു​മാ​നം ആരു​ടേ​താ​യി​രു​ന്നു? (1 കൊരി​ന്ത്യർ 8:7; 10:25, 26)

¹⁶ ഒന്നാം നൂറ്റാ​ണ്ടി​ലെ കൊരിന്ത്‌ സഭയി​ലു​ണ്ടായ ഒരു സാഹച​ര്യം നമുക്കു നോക്കാം. വിഗ്ര​ഹ​ങ്ങൾക്ക്‌ അർപ്പി​ച്ചി​രി​ക്കാൻ സാധ്യ​ത​യുള്ള മാംസം കഴിക്കു​ന്ന​തി​നോട്‌ ബന്ധപ്പെട്ട്‌ ഒരു തീരു​മാ​നം അവർക്ക്‌ എടു​ക്കേ​ണ്ട​തു​ണ്ടാ​യി​രു​ന്നു. അതെക്കു​റിച്ച്‌ പൗലോസ്‌ ആ ക്രിസ്‌ത്യാ​നി​കൾക്ക്‌ ഇങ്ങനെ എഴുതി: “വിഗ്ര​ഹങ്ങൾ ഒന്നുമ​ല്ലെ​ന്നും ഏക​ദൈ​വ​മ​ല്ലാ​തെ മറ്റൊരു ദൈവ​വു​മില്ല എന്നും നമുക്ക്‌ അറിയാം.” (1 കൊരി. 8:4) പൗലോസ്‌ ഇങ്ങനെ പറഞ്ഞതു​കൊണ്ട്‌ ചന്തസ്ഥലത്ത്‌ വിൽക്കുന്ന മാംസം, അതി​പ്പോൾ വിഗ്ര​ഹ​ങ്ങൾക്ക്‌ അർപ്പി​ച്ച​താ​ണെ​ങ്കി​ലും, വാങ്ങി കഴിക്കു​ന്ന​തിൽ കുഴപ്പ​മി​ല്ലെന്ന്‌ ചില ക്രിസ്‌ത്യാ​നി​കൾ തീരു​മാ​നി​ച്ചു. എന്നാൽ മറ്റു ചിലർ അത്‌ കഴി​ക്കേ​ണ്ടെ​ന്നാണ്‌ തീരു​മാ​നി​ച്ചത്‌, കാരണം അവരുടെ മനസ്സാക്ഷി അത്‌ അനുവ​ദി​ച്ചില്ല. (1 കൊരി​ന്ത്യർ 8:7; 10:25, 26 വായി​ക്കുക.) ഓരോ​രു​ത്ത​രു​ടെ​യും വ്യക്തി​പ​ര​മായ തീരു​മാ​ന​മാ​യി​രു​ന്നു അത്‌. മറ്റൊ​രാൾക്കു​വേണ്ടി തീരു​മാ​നം എടുക്കാ​നോ വേറൊ​രാ​ളു​ടെ തീരു​മാ​നം അതേപടി അനുക​രി​ക്കാ​നോ പൗലോസ്‌ ഒരിക്ക​ലും കൊരി​ന്തി​ലെ ക്രിസ്‌ത്യാ​നി​ക​ളോട്‌ പറഞ്ഞില്ല. അവർ ‘ഓരോ​രു​ത്ത​രു​മാ​യി​രു​ന്നു ദൈവ​ത്തോ​ടു കണക്കു ബോധി​പ്പി​ക്കേ​ണ്ടി​യി​രു​ന്നത്‌.’—റോമ. 14:10-12.

17. മറ്റുള്ളവർ ചെയ്യു​ന്നത്‌ അതേപടി പകർത്തി​യാൽ എന്തു സംഭവി​ച്ചേ​ക്കാം? ഒരു ഉദാഹ​രണം പറയുക. (ചിത്ര​ങ്ങ​ളും കാണുക.)

¹⁷ ഇന്ന്‌ സമാന​മായ ഒരു സാഹച​ര്യം ഉണ്ടാ​യേ​ക്കാ​വു​ന്നത്‌ എങ്ങനെ​യാണ്‌? രക്തത്തിന്റെ ഘടകാം​ശ​ങ്ങ​ളു​ടെ കാര്യം ഒരു ഉദാഹ​ര​ണ​മാ​യെ​ടു​ക്കാം. ഓരോ ക്രിസ്‌ത്യാ​നി​യും എടുക്കേണ്ട ഒരു തീരു​മാ​ന​മാണ്‌ അത്‌.b ആ വിഷയ​ത്തെ​ക്കു​റിച്ച്‌ എല്ലാ കാര്യ​ങ്ങ​ളും മനസ്സി​ലാ​ക്കാൻ ബുദ്ധി​മു​ട്ടാ​ണെന്നു നമുക്കു തോന്നി​യേ​ക്കാം. പക്ഷേ ഘടകാം​ശങ്ങൾ സ്വീക​രി​ക്ക​ണോ വേണ്ടയോ എന്നുള്ളത്‌ ഓരോ​രു​ത്ത​രും സ്വന്തമാ​യി എടുക്കേണ്ട തീരു​മാ​ന​മാണ്‌. (റോമ. 14:4) നമ്മൾ മറ്റൊ​രാ​ളു​ടെ തീരു​മാ​നം അതേപടി പകർത്താൻ നോക്കി​യാൽ എന്താണ്‌ കുഴപ്പം? നമ്മൾ ജ്ഞാനികൾ ആകില്ല, നമ്മുടെ മനസ്സാക്ഷി ദുർബ​ല​മാ​യേ​ക്കാം. ബൈബിൾ അനുസ​രിച്ച്‌ സ്വന്തമാ​യി തീരു​മാ​ന​ങ്ങ​ളെ​ടു​ത്താ​ലേ നമുക്കു മനസ്സാ​ക്ഷി​യെ പരിശീ​ലി​പ്പി​ക്കാ​നും ശക്തമാ​ക്കാ​നും കഴിയു​ക​യു​ള്ളൂ. (എബ്രാ. 5:14) അങ്ങനെ​യാ​ണെ​ങ്കിൽ പക്വത​യുള്ള ഒരു ക്രിസ്‌ത്യാ​നി​യോട്‌ നമ്മൾ ഉപദേശം ചോദി​ക്കേ​ണ്ടത്‌ എപ്പോ​ഴാണ്‌? ആ വിഷയ​ത്തിൽ ആവശ്യ​മായ ഗവേഷ​ണങ്ങൾ ഒക്കെ നടത്തി​ക്ക​ഴി​ഞ്ഞും തിരു​വെ​ഴു​ത്തു​ത​ത്ത്വ​ങ്ങൾ എങ്ങനെ​യാണ്‌ പ്രാവർത്തി​ക​മാ​ക്കേ​ണ്ട​തെന്നു നമുക്കു മനസ്സി​ലാ​കു​ന്നി​ല്ലെ​ങ്കിൽ അപ്പോൾ സഹായം ചോദി​ക്കാ​നാ​കും.

ഉപദേശം ചോദി​ച്ചു​കൊ​ണ്ടി​രി​ക്കുക

18. യഹോവ നമുക്കു​വേണ്ടി എന്താണു ചെയ്‌തി​രി​ക്കു​ന്നത്‌?

¹⁸ സ്വന്തമാ​യി തീരു​മാ​ന​ങ്ങ​ളെ​ടു​ക്കാൻ യഹോവ നമ്മളെ അനുവ​ദി​ച്ചി​രി​ക്കു​ന്നു. നമ്മളിൽ വലിയ വിശ്വാ​സ​മു​ണ്ടെ​ന്നല്ലേ അതിലൂ​ടെ യഹോവ കാണി​ക്കു​ന്നത്‌. തീരു​മാ​ന​ങ്ങ​ളെ​ടു​ക്കാ​നുള്ള സഹായ​ത്തി​നാ​യി ദൈവം തന്റെ വചനമായ ബൈബിൾ നമുക്കു നൽകി​യി​രി​ക്കു​ന്നു. ഇനി ബൈബി​ളി​ലെ തത്ത്വങ്ങൾ മനസ്സി​ലാ​ക്കാൻ സഹായി​ക്കുന്ന നല്ല സുഹൃ​ത്തു​ക്ക​ളെ​യും ദൈവം തന്നിട്ടുണ്ട്‌. ഇങ്ങനെ​യെ​ല്ലാം, സ്‌നേ​ഹ​മുള്ള ഒരു പിതാ​വി​നെ​പ്പോ​ലെ യഹോവ നമുക്കാ​യി കരുതു​ന്നു. (സുഭാ. 3:21-23) നമുക്ക്‌ എങ്ങനെ ഇതി​നെ​ല്ലാം തിരിച്ച്‌ നന്ദി കാണി​ക്കാ​നാ​കും?

19. നമുക്ക്‌ എങ്ങനെ തുടർന്നും യഹോ​വയെ സന്തോ​ഷി​പ്പി​ക്കാം?

¹⁹ ഇങ്ങനെ ചിന്തി​ക്കുക: മാതാ​പി​താ​ക്കൾക്കു തങ്ങളുടെ മക്കൾ പക്വത​യി​ലേക്കു വളരു​ന്ന​തും ജ്ഞാനി​ക​ളായ, മറ്റുള്ള​വരെ സഹായി​ക്കുന്ന ദൈവ​ദാ​സ​രാ​യി മാറു​ന്ന​തും ഒക്കെ കാണു​മ്പോൾ വളരെ സന്തോ​ഷ​മാ​കും. നമ്മുടെ സ്വർഗീയ പിതാ​വായ യഹോ​വ​യും അതു​പോ​ലെ​ത​ന്നെ​യാണ്‌. നമ്മൾ ആത്മീയ​പ​ക്വ​ത​യി​ലേക്കു വളരു​ന്ന​തും ഉപദേ​ശങ്ങൾ ചോദി​ക്കു​ന്ന​തും തന്നെ മഹത്ത്വ​പ്പെ​ടു​ത്തുന്ന തീരു​മാ​ന​ങ്ങ​ളെ​ടു​ക്കു​ന്ന​തും ഒക്കെ കാണു​മ്പോൾ യഹോ​വ​യും സന്തോ​ഷി​ക്കു​ന്നു.