നല്ല ഉപദേശം എങ്ങനെ കൊടു​ക്കാം?

1. ആരൊക്കെ ഉപദേശം കൊടു​ക്കണം, എന്തു​കൊണ്ട്‌?

ഉപദേശം കൊടു​ക്കു​ന്ന​തി​നെ​ക്കു​റിച്ച്‌ ചിന്തി​ക്കു​മ്പോൾ നിങ്ങൾക്ക്‌ എന്താണു തോന്നു​ന്നത്‌? ചിലർക്ക്‌ അതു കൊടു​ക്കാൻ സന്തോ​ഷ​മാ​യി​രി​ക്കും. എന്നാൽ മറ്റു ചിലർക്ക്‌ ഉപദേശം കൊടു​ക്കാൻ പേടി​യോ ചമ്മലോ ഒക്കെയാ​യി​രി​ക്കാം. എന്തുത​ന്നെ​യാ​യാ​ലും നമ്മൾ എല്ലാവ​രും ഉപദേശം കൊടു​ക്കേ​ണ്ട​വ​രാണ്‌. കാരണം തന്റെ അനുഗാ​മി​കളെ തിരി​ച്ച​റി​യി​ക്കുന്ന ഗുണം പരസ്‌പ​ര​മുള്ള സ്‌നേ​ഹ​മാ​ണെന്നു യേശു പറഞ്ഞു. (യോഹ. 13:35) ആ സ്‌നേഹം കാണി​ക്കു​ന്ന​തി​നുള്ള ഒരു വഴിയാ​ണു സഹോ​ദ​ര​ങ്ങൾക്ക്‌ ആവശ്യ​മായ ഉപദേശം കൊടു​ക്കു​ന്നത്‌. ‘ആത്മാർഥ​മായ ഉപദേ​ശ​ത്തിൽനിന്ന്‌ മധുര​മായ സൗഹൃദം’ വളരു​മെന്നു ബൈബിൾ പറയുന്നു.—സുഭാ. 27:9.

2. എന്തു ചെയ്യാൻ മൂപ്പന്മാർ അറിഞ്ഞി​രി​ക്കണം, എന്തു​കൊണ്ട്‌? (“ഇടദി​വ​സത്തെ മീറ്റി​ങ്ങി​ലെ ബുദ്ധി​യു​പ​ദേശം” എന്ന ചതുര​വും കാണുക.)

² പ്രത്യേ​കി​ച്ചും മൂപ്പന്മാർ മറ്റുള്ള​വർക്കു ഫലകര​മായ ഉപദേ​ശങ്ങൾ കൊടു​ക്കാൻ അറിഞ്ഞി​രി​ക്കണം. കാരണം യഹോവ യേശു​വി​ലൂ​ടെ അവരെ​യാ​ണു സഭയുടെ ഇടയന്മാ​രാ​യി നിയമി​ച്ചി​രി​ക്കു​ന്നത്‌. (1 പത്രോ. 5:2, 3) അവർ അതു ചെയ്യുന്ന ഒരു വിധം, സഭയിൽ പ്രസം​ഗങ്ങൾ നടത്തി​ക്കൊ​ണ്ടാണ്‌. അതിലൂ​ടെ അവർ ബൈബി​ളിൽനി​ന്നുള്ള ഉപദേ​ശങ്ങൾ നമുക്കു തരുന്നു. ഇനി ഒരോ ആടുകൾക്കും വ്യക്തി​പ​ര​മാ​യി വേണ്ട ഉപദേ​ശ​വും അവർ കൊടു​ക്കു​ന്നു. അതിൽ യഹോ​വ​യിൽനിന്ന്‌ അകന്നു​പോ​യ​വ​രും ഉൾപ്പെ​ടും. അങ്ങനെ​യെ​ങ്കിൽ മൂപ്പന്മാർക്കും നമുക്ക്‌ എല്ലാവർക്കും എങ്ങനെ മറ്റുള്ള​വർക്കു നല്ല ഉപദേശം കൊടു​ക്കാ​നാ​കും?

3. (എ) നല്ല ഉപദേശം കൊടു​ക്കാൻ പഠിക്കു​ന്ന​തി​നു നമുക്ക്‌ എന്തു ചെയ്യാം? (യശയ്യ 9:6; “ഉപദേശം കൊടു​ക്കു​മ്പോൾ യേശു​വി​നെ അനുക​രി​ക്കുക” എന്ന ചതുര​വും കാണുക.) (ബി) ഈ ലേഖന​ത്തിൽ നമ്മൾ എന്തു പഠിക്കും?

³ എങ്ങനെ നല്ല ഉപദേശം കൊടു​ക്കാൻ കഴിയു​മെന്നു പഠിക്കാൻ ബൈബിൾമാ​തൃ​കകൾ നോക്കി​യാൽ മതി. യേശു അതിൽ ഒരു മികച്ച മാതൃ​ക​യാണ്‌. യേശു​വി​നെ “അതുല്യ​നായ ഉപദേ​ശകൻ” എന്ന്‌ വിളി​ച്ചി​ട്ടുണ്ട്‌. (യശയ്യ 9:6 വായി​ക്കുക.) ഈ ലേഖന​ത്തിൽ, ആരെങ്കി​ലും നമ്മളോട്‌ ഒരു ഉപദേശം ചോദി​ക്കു​മ്പോൾ എന്ത്‌ ചെയ്യാ​മെ​ന്നും ഇനി ഉപദേശം ചോദി​ക്കാ​തെ അതു കൊടു​ക്കേ​ണ്ടി​വ​രുന്ന സാഹച​ര്യ​ങ്ങ​ളിൽ എന്തു ചെയ്യാ​മെ​ന്നും നമ്മൾ നോക്കും. കൂടാതെ ഉചിത​മായ സമയത്ത്‌, ഉചിത​മായ രീതി​യിൽ ഉപദേശം കൊടു​ക്കേ​ണ്ട​തി​ന്റെ പ്രാധാ​ന്യ​വും നമ്മൾ കാണും.

നമ്മളോട്‌ ആരെങ്കി​ലും ഉപദേശം ചോദി​ക്കു​മ്പോൾ

4-5. ആരെങ്കി​ലും ഒരു ഉപദേശം ചോദി​ക്കു​മ്പോൾ നമ്മൾ സ്വയം ഏതു ചോദ്യം ചോദി​ക്കണം? ഒരു ഉദാഹ​രണം പറയുക.

⁴ നിങ്ങ​ളോട്‌ ആരെങ്കി​ലും ഒരു ഉപദേശം ചോദി​ക്കു​മ്പോൾ എന്തായി​രി​ക്കും ആദ്യം തോന്നു​ന്നത്‌? ചില​പ്പോൾ നിങ്ങൾക്കു സന്തോഷം തോന്നും. പെട്ടെന്നു സഹായി​ക്കാ​നും ശ്രമി​ക്കും. എന്നാൽ അങ്ങനെ ചെയ്യു​ന്ന​തി​നു മുമ്പ്‌ നമ്മൾ സ്വയം ഇങ്ങനെ ചോദി​ക്കണം, ‘ഈ വിഷയ​ത്തിൽ ഒരു ഉപദേശം കൊടു​ക്കാൻ വേണ്ട അറിവ്‌ എനിക്കു​ണ്ടോ?’ ചില​പ്പോൾ, നമ്മൾ ഒരു ഉപദേശം കൊടു​ക്കു​ന്ന​തി​നെ​ക്കാ​ളും കൂടുതൽ നല്ലത്‌ ആ വിഷയ​ത്തിൽ നല്ല അറിവുള്ള ഒരു വ്യക്തിയെ കണ്ടെത്താൻ അദ്ദേഹത്തെ സഹായി​ക്കു​ന്ന​താ​യി​രി​ക്കും.

⁵ ഒരു ഉദാഹ​രണം നോക്കാം. നിങ്ങളു​ടെ ഒരു അടുത്ത സുഹൃത്ത്‌ തനിക്കുള്ള ഗുരു​ത​ര​മായ ഒരു ആരോ​ഗ്യ​പ്ര​ശ്‌ന​ത്തെ​ക്കു​റിച്ച്‌ നിങ്ങ​ളോ​ടു പറയുന്നു. ആ വ്യക്തി പല ചികി​ത്സാ​രീ​തി​ക​ളെ​ക്കു​റിച്ച്‌ അറിയാൻ ശ്രമി​ക്കു​ക​യാണ്‌. അപ്പോൾ നിങ്ങ​ളോ​ടും അഭി​പ്രാ​യം ചോദി​ക്കു​ന്നു. ഏതെങ്കി​ലും ഒരു ചികി​ത്സാ​രീ​തി​യോ​ടു നിങ്ങൾക്കു കൂടുതൽ ഇഷ്ടം കാണും. പക്ഷേ അതെക്കു​റിച്ച്‌ ഒരു അഭി​പ്രാ​യം പറയാൻമാ​ത്രം ആരോ​ഗ്യ​മേ​ഖ​ല​യിൽ അറിവോ അനുഭ​വ​പ​രി​ച​യ​മോ നിങ്ങൾക്ക്‌ ഇല്ല. അങ്ങനെ​യൊ​രു സാഹച​ര്യ​ത്തിൽ ഏറ്റവും നല്ലത്‌, നിങ്ങൾ ഒരു അഭി​പ്രാ​യം പറയു​ന്ന​തി​നു പകരം ആ വ്യക്തിക്കു നല്ല ഉപദേശം കൊടു​ക്കാൻ യോഗ്യ​ത​യുള്ള ഒരാളെ കണ്ടെത്താൻ സഹായി​ക്കു​ന്ന​താ​യി​രി​ക്കും.

6. ഒരു ഉപദേശം കൊടു​ക്കു​ന്ന​തി​നു മുമ്പ്‌ എന്തു ചെയ്യു​ന്നതു നല്ലതാണ്‌?

⁶ ചില​പ്പോൾ ഒരു വിഷയ​ത്തിൽ ഉപദേശം കൊടു​ക്കാൻ വേണ്ട അറിവ്‌ നമുക്കു​ണ്ടെന്നു തോന്നി​യേ​ക്കാം. അങ്ങനെ​യാ​ണെ​ങ്കിൽപ്പോ​ലും ഒരു ഉപദേശം പെട്ടെന്നു കൊടു​ക്കാ​തി​രി​ക്കു​ന്ന​താ​യി​രി​ക്കും നല്ലത്‌. കാരണം സുഭാ​ഷി​തങ്ങൾ 15:28 പറയു​ന്നത്‌, “മറുപടി പറയും​മുമ്പ്‌ നീതി​മാൻ നന്നായി ആലോ​ചി​ക്കു​ന്നു” എന്നാണ്‌. അതു​കൊണ്ട്‌ എന്താണു പറയേ​ണ്ട​തെന്നു നിങ്ങൾക്ക്‌ അറിയാ​മെന്നു തോന്നി​യാൽപ്പോ​ലും എന്ത്‌ ഉപദേശം കൊടു​ക്കണം എന്നതി​നെ​ക്കു​റിച്ച്‌ പഠിക്കു​ക​യും പ്രാർഥി​ക്കു​ക​യും നന്നായി ചിന്തി​ക്കു​ക​യും ചെയ്യു​ന്നതു നല്ലതാണ്‌. അങ്ങനെ ചെയ്യു​ന്നെ​ങ്കിൽ നമ്മൾ എന്ത്‌ ഉപദേശം കൊടു​ക്കാ​നാ​ണോ യഹോവ ആഗ്രഹി​ക്കു​ന്നത്‌ അതുതന്നെ കൊടു​ക്കാൻ നമുക്കു കഴിയും. ഇക്കാര്യ​ത്തിൽ നാഥാൻ പ്രവാ​ച​കന്റെ ഉദാഹ​രണം നോക്കാം.

7. നാഥാൻ പ്രവാ​ച​കന്റെ ഉദാഹ​ര​ണ​ത്തിൽനിന്ന്‌ നിങ്ങൾ എന്താണു പഠിച്ചത്‌?

⁷ യഹോ​വ​യ്‌ക്കു​വേണ്ടി ഒരു ആലയം പണിയാൻ താൻ ആഗ്രഹി​ക്കു​ന്നെന്നു ദാവീദ്‌ രാജാവ്‌ ഒരിക്കൽ നാഥാൻ പ്രവാ​ച​ക​നോ​ടു പറഞ്ഞു. അതു കേട്ട ഉടനെ അങ്ങനെ ചെയ്‌തു​കൊ​ള്ളാൻ നാഥാൻ ദാവീ​ദി​നു നിർദേശം കൊടു​ത്തു. എന്നാൽ അതിനു മുമ്പ്‌ അദ്ദേഹം ആദ്യം യഹോ​വ​യോ​ടു ചോദി​ക്ക​ണ​മാ​യി​രു​ന്നു. കാരണം തന്റെ ആലയം ദാവീദ്‌ പണിയാ​നാ​യി​രു​ന്നില്ല യഹോവ ആഗ്രഹി​ച്ചി​രു​ന്നത്‌. (1 ദിന. 17:1-4) ഈ സംഭവം കാണി​ക്കു​ന്നതു നമ്മളോട്‌ ആരെങ്കി​ലും ഉപദേശം ചോദി​ക്കു​മ്പോൾ നമ്മൾ “സംസാ​രി​ക്കാൻ തിടുക്കം കൂട്ടരുത്‌” എന്നാണ്‌.—യാക്കോ. 1:19.

8. ഉപദേശം കൊടു​ക്കു​ന്ന​തി​നു മുമ്പ്‌ നന്നായി ചിന്തി​ക്കേ​ണ്ട​തി​ന്റെ മറ്റൊരു കാരണം എന്താണ്‌?

⁸ ഒരു ഉപദേശം കൊടു​ക്കു​മ്പോൾ നമ്മൾ വളരെ ശ്രദ്ധി​ക്കേ​ണ്ട​തി​ന്റെ മറ്റൊരു കാരണം നോക്കാം: നമ്മൾ കൊടുത്ത ഉപദേശം കേട്ട്‌ ഒരാൾ ഒരു തീരു​മാ​ന​മെ​ടു​ക്കു​ക​യും അതു കാരണം എന്തെങ്കി​ലും കുഴപ്പം സംഭവി​ക്കു​ക​യും ചെയ്‌താൽ നമുക്കും ഒരു പരിധി​വരെ അതിന്റെ ഉത്തരവാ​ദി​ത്വം വരും. അതു​കൊണ്ട്‌ ഉപദേശം കൊടു​ക്കു​ന്ന​തി​നു മുമ്പ്‌ നന്നായി ചിന്തി​ക്കേ​ണ്ടതു വളരെ പ്രധാ​ന​മാണ്‌.

ചോദി​ക്കാ​തെ ഉപദേശം കൊടു​ക്കേ​ണ്ടി​വ​രു​മ്പോൾ

9. ഉപദേശം കൊടു​ക്കു​ന്ന​തി​നു മുമ്പ്‌ മൂപ്പന്മാർ ഏതു കാര്യം ഉറപ്പാ​ക്കണം? (ഗലാത്യർ 6:1)

⁹ ഒരു സഹോ​ദ​ര​നോ സഹോ​ദ​രി​യോ ‘തെറ്റായ ഒരു ചുവടു വെക്കു​മ്പോൾ’ മൂപ്പന്മാർ അവർക്ക്‌ ഉപദേശം കൊടു​ക്കാൻ മുൻ​കൈ​യെ​ടു​ക്കണം. (ഗലാത്യർ 6:1 വായി​ക്കുക.) പിന്നീട്‌ ഗുരു​ത​ര​മായ തെറ്റി​ലേക്കു നയി​ച്ചേ​ക്കാ​വുന്ന മോശം തിര​ഞ്ഞെ​ടു​പ്പു​ക​ളാ​യി​രി​ക്കാം ആ വ്യക്തി നടത്തു​ന്നത്‌. അവരെ നിത്യ​ജീ​വന്റെ പാതയിൽ തുടരാൻ സഹായി​ക്കുക എന്നതാണു മൂപ്പന്മാ​രു​ടെ ലക്ഷ്യം. (യാക്കോ. 5:19, 20) എന്നാൽ കൊടു​ക്കുന്ന ഉപദേ​ശം​കൊണ്ട്‌ എന്തെങ്കി​ലും പ്രയോ​ജനം കിട്ടണ​മെ​ങ്കിൽ ആ വ്യക്തി ശരിക്കും തെറ്റായ ഒരു ചുവടു വെച്ചി​ട്ടു​ണ്ടോ എന്ന്‌ മൂപ്പന്മാർ ആദ്യം ഉറപ്പു​വ​രു​ത്തണം. ഒരാൾ എടുക്കുന്ന തീരു​മാ​നം തങ്ങളുടെ ഇഷ്ടത്തിനു ചേർച്ച​യിൽ അല്ല എന്നതു​കൊണ്ട്‌ മാത്രം അതു തെറ്റായ ഒരു തീരു​മാ​ന​മാ​ണെന്നു മൂപ്പന്മാർ ചിന്തി​ക്കില്ല. (റോമ. 14:1-4) എന്നാൽ ഒരു സഹോ​ദരൻ ശരിക്കും തെറ്റായ ഒരു ചുവടു വെച്ചി​ട്ടു​ണ്ടെന്നു മൂപ്പന്മാർ മനസ്സി​ലാ​ക്കു​ക​യും ആ വ്യക്തിക്ക്‌ ഒരു ഉപദേശം കൊടു​ക്കാൻ തീരു​മാ​നി​ക്കു​ക​യും ചെയ്യു​ന്നെ​ങ്കി​ലോ?

10-12. ചോദി​ക്കാ​തെ ഉപദേശം കൊടു​ക്കേ​ണ്ടി​വ​രു​മ്പോൾ മൂപ്പന്മാർ എന്തു ചെയ്യണം? ഒരു ദൃഷ്ടാന്തം പറയുക. (ചിത്ര​ങ്ങ​ളും കാണുക.)

¹⁰ ഒരാൾ ചോദി​ക്കാ​തെ അയാൾക്ക്‌ ഉപദേശം കൊടു​ക്കുക എന്നതു മൂപ്പന്മാർക്ക്‌ അത്ര എളുപ്പ​മുള്ള കാര്യമല്ല. എന്തു​കൊണ്ട്‌? കാരണം താൻ തെറ്റായ ഒരു ചുവടു വെച്ചി​ട്ടു​ണ്ടെന്ന്‌ ആ വ്യക്തി അറിഞ്ഞി​ട്ടു​ണ്ടാ​കില്ല. അതു​കൊണ്ട്‌ മൂപ്പന്മാർ ആദ്യം, ഉപദേശം സ്വീക​രി​ക്കാൻ കഴി​യേ​ണ്ട​തിന്‌ അയാളു​ടെ മനസ്സിനെ ഒരുക്കണം.

¹¹ ചോദി​ക്കാ​തെ ഒരു ഉപദേശം കൊടു​ക്കു​ന്നത്‌, നല്ല ഉറച്ചു​കി​ട​ക്കുന്ന മണ്ണിൽ ചെടികൾ നടാൻ ശ്രമി​ക്കു​ന്ന​തു​പോ​ലെ​യാണ്‌. ആ മണ്ണിൽ നേരിട്ട്‌ വിത്ത്‌ നടുന്ന​തി​നു പകരം കൃഷി​ക്കാ​രൻ ആദ്യം അത്‌ ഉഴുതു​മ​റി​ക്കും. അപ്പോൾ വിത്തിനു വളരാൻ പാകത്തിന്‌ ആ മണ്ണ്‌ മയപ്പെ​ടും. എന്നിട്ട്‌ അദ്ദേഹം വിത്തു നടും. അവസാനം അതു വളരാൻ വെള്ളവും ഒഴിക്കും. സമാന​മാ​യി, ചോദി​ക്കാ​തെ ഒരു ഉപദേശം കൊടു​ക്കേ​ണ്ടി​വ​രു​മ്പോൾ ഒരു മൂപ്പൻ ആ വ്യക്തി​യു​ടെ ഹൃദയ​മാ​കുന്ന മണ്ണിനെ ഇതു​പോ​ലെ ഒരു​ക്കേ​ണ്ട​തുണ്ട്‌. അതിനു​വേണ്ടി ചില​പ്പോൾ ആ മൂപ്പൻ സംസാ​രി​ക്കാൻ പറ്റി​യൊ​രു സമയത്തി​നാ​യി കാത്തി​രു​ന്നേ​ക്കാം. അതു​പോ​ലെ തനിക്ക്‌ ആ വ്യക്തി​യെ​ക്കു​റിച്ച്‌ ചിന്തയു​ണ്ടെ​ന്നും അതു​കൊണ്ട്‌ ഒരു കാര്യം പറയാൻ ആഗ്രഹി​ക്കു​ന്നെ​ന്നും ആ മൂപ്പൻ അദ്ദേഹ​ത്തോ​ടു പറഞ്ഞേ​ക്കാം. എപ്പോ​ഴും സ്‌നേ​ഹ​ത്തോ​ടെ​യും ദയയോ​ടെ​യും ഇടപെ​ടുന്ന ഒരു മൂപ്പൻ കൊടു​ക്കുന്ന ഉപദേശം സ്വീക​രി​ക്കാൻ മറ്റുള്ള​വർക്ക്‌ എളുപ്പ​മാ​യി​രി​ക്കും.

¹² ആ വ്യക്തി​യു​മാ​യി സംസാ​രി​ക്കു​മ്പോൾ മൂപ്പനു “മണ്ണ്‌” മയപ്പെ​ടു​ത്തു​ന്നതു തുടരാ​നാ​കും. അതിനാ​യി, എല്ലാവർക്കും തെറ്റുകൾ പറ്റു​മെ​ന്നും ഇടയ്‌ക്കൊ​ക്കെ ഉപദേശം ആവശ്യ​മാ​ണെ​ന്നും ആ വ്യക്തി​യോ​ടു പറയാം. (റോമ. 3:23) അതു കഴിഞ്ഞ്‌ ശാന്തമായ സ്വരത്തിൽ, ആദര​വോ​ടെ ആ വ്യക്തി എങ്ങനെ​യാണ്‌ ഒരു തെറ്റായ ചുവടു വെച്ചി​രി​ക്കു​ന്ന​തെന്നു തിരു​വെ​ഴു​ത്തു​ക​ളിൽനിന്ന്‌ വ്യക്തമാ​യി കാണി​ച്ചു​കൊ​ടു​ക്കുക. അദ്ദേഹം തെറ്റ്‌ അംഗീ​ക​രിച്ച്‌ കഴിഞ്ഞാൽപ്പി​ന്നെ അടുത്ത​താ​യി “വിത്ത്‌ നടാം.” അത്‌ എങ്ങനെ ചെയ്യാം? തെറ്റ്‌ തിരു​ത്താൻ ആ വ്യക്തി എന്താണു ചെയ്യേ​ണ്ട​തെന്നു ലളിത​മാ​യി പറഞ്ഞു​കൊ​ടു​ക്കുക. അവസാനം, അദ്ദേഹത്തെ ആത്മാർഥ​മാ​യി അഭിന​ന്ദി​ച്ചു​കൊ​ണ്ടും ആ വ്യക്തി​യോ​ടൊ​പ്പം ഇരുന്ന്‌ പ്രാർഥി​ച്ചു​കൊ​ണ്ടും വിത്തിനു “വെള്ളം” ഒഴിക്കാ​നാ​കും.—യാക്കോ. 5:15.

13. കൊടുത്ത ഉപദേശം വ്യക്തിക്കു മനസ്സി​ലാ​യെന്നു മൂപ്പന്മാർക്ക്‌ എങ്ങനെ ഉറപ്പു​വ​രു​ത്താം?

¹³ ചില​പ്പോൾ ഉപദേശം കൊടു​ക്കു​ന്ന​യാൾ പറയു​ന്ന​തും സ്വീക​രി​ക്കു​ന്ന​യാൾ കേൾക്കു​ന്ന​തും രണ്ടും രണ്ടായി പോ​യേ​ക്കാം. അത്‌ ഒഴിവാ​ക്കാൻ മൂപ്പന്മാർക്ക്‌ എന്തു ചെയ്യാം? ആദര​വോ​ടെ ആ വ്യക്തി​യോ​ടു ചില ചോദ്യ​ങ്ങൾ ചോദി​ക്കാം. മറുപ​ടി​ക​ളിൽനിന്ന്‌ കൊടുത്ത ഉപദേശം അദ്ദേഹ​ത്തി​നു ശരിക്കും മനസ്സി​ലാ​യോ എന്ന്‌ ഉറപ്പു​വ​രു​ത്താ​നാ​കും.—സഭാ. 12:11.

ഉചിത​മായ സമയത്ത്‌ ഉചിത​മായ രീതി​യിൽ ഉപദേശം കൊടു​ക്കു​ക

14. ദേഷ്യ​പ്പെ​ട്ടി​രി​ക്കു​മ്പോൾ നമ്മൾ ഉപദേശം കൊടു​ക്ക​രു​താ​ത്തത്‌ എന്തു​കൊണ്ട്‌?

¹⁴ നമ്മളെ​ല്ലാം അപൂർണ​രാ​യ​തു​കൊണ്ട്‌ മറ്റുള്ള​വരെ വിഷമി​പ്പി​ക്കുന്ന കാര്യങ്ങൾ പറയാ​നോ ചെയ്യാ​നോ സാധ്യ​ത​യുണ്ട്‌. (കൊലോ. 3:13) മറ്റുള്ള​വരെ ദേഷ്യം പിടി​പ്പി​ക്കുന്ന കാര്യ​ങ്ങൾപോ​ലും നമ്മൾ ചെയ്‌തേ​ക്കാ​മെന്നു ബൈബിൾ സമ്മതി​ക്കു​ന്നു. (എഫെ. 4:26) എന്നാൽ ദേഷ്യം പിടി​ച്ചി​രി​ക്കു​മ്പോൾ മറ്റുള്ള​വർക്ക്‌ ഉപദേശം കൊടു​ക്ക​രുത്‌. എന്തു​കൊണ്ട്‌? കാരണം, “മനുഷ്യ​ന്റെ കോപം ദൈവ​ത്തി​ന്റെ നീതി നടപ്പാ​ക്കു​ന്നില്ല.” (യാക്കോ. 1:20) ദേഷ്യ​പ്പെ​ട്ടി​രി​ക്കു​മ്പോൾ മറ്റുള്ള​വർക്ക്‌ ഉപദേശം കൊടു​ത്താൽ അതു ഗുണ​ത്തെ​ക്കാൾ ഏറെ ദോഷ​മാ​യി​രി​ക്കും ചെയ്യു​ന്നത്‌. എന്നാൽ അതിന്റെ അർഥം, നമ്മളെ ദേഷ്യം പിടി​പ്പിച്ച ആളോടു നമ്മുടെ ഉള്ളിലു​ള്ള​തൊ​ന്നും തുറന്നു​പ​റ​യ​രുത്‌ എന്നല്ല. മറിച്ച്‌ നമ്മൾ ശാന്തമാ​കു​ന്ന​തു​വരെ കാത്തി​രി​ക്കു​ന്നെ​ങ്കിൽ ആ വ്യക്തിക്കു കാര്യങ്ങൾ കൂടുതൽ നന്നായി പറഞ്ഞു​കൊ​ടു​ക്കാൻ പറ്റും. ഇയ്യോ​ബി​നു നല്ല ഉപദേശം കൊടുത്ത എലീഹു ഇക്കാര്യ​ത്തിൽ നല്ലൊരു മാതൃ​ക​യാണ്‌. അതു നമുക്കു നോക്കാം.

15. എലീഹു​വി​ന്റെ മാതൃ​ക​യിൽനിന്ന്‌ നമ്മൾ എന്താണു പഠിക്കു​ന്നത്‌? (ചിത്ര​വും കാണുക.)

¹⁵ വ്യാജ ആശ്വാ​സകർ തനി​ക്കെ​തി​രെ ഉന്നയിച്ച ആരോ​പ​ണങ്ങൾ തെറ്റാ​ണെന്നു തെളി​യി​ക്കാൻ ഇയ്യോബ്‌ ശ്രമി​ക്കു​ന്നത്‌ എലീഹു ദിവസ​ങ്ങ​ളോ​ളം കേട്ടി​രു​ന്നു. അദ്ദേഹ​ത്തിന്‌ ഇയ്യോ​ബി​നോട്‌ അനുകമ്പ തോന്നി. എന്നാൽ ഇയ്യോബ്‌ തന്നെക്കു​റിച്ച്‌ മാത്രം ചിന്തി​ക്കു​ക​യും യഹോ​വ​യെ​ക്കു​റിച്ച്‌ തെറ്റായ കാര്യങ്ങൾ പറയു​ക​യും ചെയ്‌ത​പ്പോൾ എലീഹു​വി​നു ദേഷ്യ​വും വന്നു. എങ്കിലും എലീഹു തന്റെ അവസര​ത്തി​നാ​യി കാത്തി​രു​ന്നു. എന്നിട്ട്‌ ഉപദേശം കൊടു​ത്ത​പ്പോൾ സൗമ്യ​ത​യോ​ടെ​യും വളരെ ആദര​വോ​ടെ​യും ആണ്‌ അദ്ദേഹം സംസാ​രി​ച്ചത്‌. (ഇയ്യോ. 32:2; 33:1-7) എലീഹു​വി​ന്റെ ഈ മാതൃക നമ്മളെ വളരെ പ്രധാ​ന​പ്പെട്ട ഒരു സത്യം പഠിപ്പി​ക്കു​ന്നു. ഉചിത​മായ സമയത്ത്‌, ഉചിത​മായ രീതി​യിൽ സ്‌നേ​ഹ​ത്തോ​ടെ​യും ആദര​വോ​ടെ​യും കൊടു​ക്കുന്ന ഉപദേ​ശ​മാണ്‌ ഏറ്റവും നല്ല ഉപദേശം.—സഭാ. 3:1, 7.

തുടർന്നും ഉപദേശം കൊടു​ക്കുക, സ്വീക​രി​ക്കു​ക

16. സങ്കീർത്തനം 32:8-ൽനിന്ന്‌ നമുക്ക്‌ എന്തു പഠിക്കാം?

¹⁶ ഈ ലേഖന​ത്തി​ന്റെ ആധാര​വാ​ക്യം പറയു​ന്നത്‌, യഹോവ നമ്മുടെ മേൽ ‘കണ്ണുനട്ട്‌ നമ്മളെ ഉപദേ​ശി​ക്കും’ എന്നാണ്‌. (സങ്കീർത്തനം 32:8 വായി​ക്കുക.) യഹോവ നമ്മളെ സഹായി​ക്കു​ന്ന​തിൽ തുടരും എന്ന്‌ അതു കാണി​ക്കു​ന്നു. യഹോവ നമ്മൾക്ക്‌ ഉപദേശം തരുക മാത്രമല്ല അതു പ്രാവർത്തി​ക​മാ​ക്കാ​നും സഹായി​ക്കു​ന്നു. ഇതു നമുക്കു നല്ലൊരു മാതൃ​ക​യാണ്‌. മറ്റുള്ള​വർക്ക്‌ ഉപദേശം കൊടു​ക്കേ​ണ്ടി​വ​രു​മ്പോൾ നമുക്കും യഹോ​വ​യെ​പ്പോ​ലെ അവരുടെ മേൽ കണ്ണുനട്ട്‌ വിജയ​ത്തി​ലെ​ത്താൻ അവർക്ക്‌ എന്തു സഹായ​മാ​ണോ വേണ്ടത്‌ അതു കൊടു​ത്തു​കൊ​ണ്ടേ​യി​രി​ക്കാം.

17. മൂപ്പന്മാർ ബൈബി​ളിൽനിന്ന്‌ ഉപദേശം തരു​മ്പോൾ നമുക്ക്‌ എന്താണു തോന്നു​ന്നത്‌? (യശയ്യ 32:1, 2)

¹⁷ മുമ്പെ​ന്ന​ത്തെ​ക്കാ​ളും ഇപ്പോൾ ഉപദേശം സ്വീക​രി​ക്കു​ക​യും കൊടു​ക്കു​ക​യും ചെയ്യേ​ണ്ടതു വളരെ പ്രധാ​ന​മാണ്‌. (2 തിമൊ. 3:1) നമുക്കു വേണ്ട ഉപദേശം ബൈബി​ളിൽനിന്ന്‌ കാണി​ച്ചു​ത​രുന്ന മൂപ്പന്മാർ “വെള്ളമി​ല്ലാത്ത ദേശത്ത്‌ അരുവി​കൾപോ​ലെ” ആണ്‌. (യശയ്യ 32:1, 2 വായി​ക്കുക.) നമ്മൾ കേൾക്കാൻ ആഗ്രഹി​ക്കു​ന്നത്‌ എന്താ​ണെന്ന്‌ അറിയാ​മെ​ങ്കി​ലും നമുക്കു വേണ്ടത്‌ എന്താണോ അതു പറഞ്ഞു​ത​രുന്ന കൂട്ടു​കാർ ഉള്ളതിൽ നമുക്ക്‌ ഒരുപാട്‌ നന്ദിയുണ്ട്‌. അവരുടെ വാക്കുകൾ “വെള്ളി​പ്പാ​ത്ര​ത്തി​ലെ സ്വർണ ആപ്പിളു​കൾപോ​ലെ” ആണ്‌. (സുഭാ. 25:11) അതു​കൊണ്ട്‌ നമുക്ക്‌ എല്ലാവർക്കും എങ്ങനെ നല്ല ഉപദേശം കൊടു​ക്കു​ക​യും സ്വീക​രി​ക്കു​ക​യും ചെയ്യാ​മെന്നു പഠിക്കു​ന്ന​തിൽ തുടരാം.