അടിസ്ഥാന ബൈബിൾപ​ഠി​പ്പി​ക്ക​ലു​ക​ളിൽനിന്ന്‌ തുടർന്നും പഠിക്കാം

1. ആദ്യമാ​യി ബൈബിൾ പഠിച്ച​പ്പോൾ മനസ്സി​ലാ​ക്കിയ അടിസ്ഥാന സത്യങ്ങൾ നിങ്ങളെ എങ്ങനെ​യാണ്‌ സ്വാധീ​നി​ച്ചത്‌?

അടിസ്ഥാന ബൈബിൾപ​ഠി​പ്പി​ക്ക​ലു​കൾ നമ്മുടെ ജീവി​തം​തന്നെ മാറ്റി​മ​റി​ച്ചു. ഉദാഹ​ര​ണ​ത്തിന്‌, ദൈവ​ത്തി​ന്റെ പേര്‌ യഹോ​വ​യാ​ണെന്ന്‌ മനസ്സി​ലാ​ക്കി​യ​പ്പോൾ നമ്മൾ ദൈവ​വു​മാ​യി കൂടുതൽ അടുക്കാൻ തുടങ്ങി. (യശ. 42:8) മരിച്ച​വ​രു​ടെ അവസ്ഥ​യെ​ക്കു​റി​ച്ചുള്ള സത്യം അറിഞ്ഞ​പ്പോൾ നമ്മുടെ പ്രിയ​പ്പെട്ട മരിച്ചു​പോ​യവർ വേദന അനുഭ​വി​ക്കു​ന്നില്ല എന്ന്‌ നമുക്ക്‌ ഉറപ്പായി. (സഭാ. 9:10) ഇനി, ഭൂമി പറുദീ​സ​യാ​കു​മെന്ന ദൈവ​ത്തി​ന്റെ വാഗ്‌ദാ​ന​ത്തെ​ക്കു​റിച്ച്‌ പഠിച്ച​പ്പോൾ ഭാവി​യെ​ക്കു​റി​ച്ചുള്ള നമ്മുടെ ഉത്‌ക​ണ്‌ഠ​ക​ളെ​ല്ലാം മാറി. വെറും 70-ഓ 80-ഓ വർഷമല്ല, നിത്യ​ത​യി​ലെ​ന്നും ജീവി​ക്കാ​മെന്ന പ്രത്യാശ നമുക്കു ലഭിച്ചു.—സങ്കീ. 37:29; 90:10.

2. പക്വത​യുള്ള ക്രിസ്‌ത്യാ​നി​കൾക്കു​പോ​ലും അടിസ്ഥാന ബൈബിൾപ​ഠി​പ്പി​ക്ക​ലു​ക​ളിൽനിന്ന്‌ പ്രയോ​ജനം നേടാൻ കഴിയു​മെന്ന്‌ 2 പത്രോസ്‌ 1:12, 13 കാണി​ക്കു​ന്നത്‌ എങ്ങനെ​യാണ്‌?

² അടിസ്ഥാന ബൈബിൾസ​ത്യ​ങ്ങൾ നമ്മൾ ഒരിക്ക​ലും വിലകു​റച്ച്‌ കാണരുത്‌. അപ്പോ​സ്‌ത​ല​നായ പത്രോസ്‌ തന്റെ രണ്ടാമത്തെ കത്തെഴു​തി​യത്‌ ‘സത്യത്തിൽ നല്ല അടിസ്ഥാ​ന​മുള്ള’ ക്രിസ്‌ത്യാ​നി​കൾക്കാണ്‌. (2 പത്രോസ്‌ 1:12, 13 വായി​ക്കുക.) എന്നാൽ ആ സമയത്ത്‌ സഭയിലെ ദുഷ്ടരായ ചില ആളുകൾ സഹോ​ദ​ര​ങ്ങളെ സത്യത്തി​നിന്ന്‌ അകറ്റാൻ ശ്രമി​ക്കു​ന്നു​ണ്ടാ​യി​രു​ന്നു. (2 പത്രോ. 2:1-3) അവരെ ചെറു​ത്തു​നിൽക്കാൻ ആ ക്രിസ്‌ത്യാ​നി​കൾക്കു നല്ല വിശ്വാ​സം വേണമാ​യി​രു​ന്നു. അതിന്‌ അവരെ സഹായി​ക്കു​ന്ന​തിന്‌ അപ്പോൾത്തന്നെ അവർക്ക്‌ അറിയാ​മാ​യി​രുന്ന ചില സത്യങ്ങൾ പത്രോസ്‌ അവരെ ഓർമി​പ്പി​ച്ചു. ആ അടിസ്ഥാന സത്യങ്ങൾ അവസാ​നം​വരെ വിശ്വ​സ്‌ത​രാ​യി നിൽക്കാൻ അവരെ സഹായി​ക്കു​മാ​യി​രു​ന്നു.

3. എല്ലാ ക്രിസ്‌ത്യാ​നി​ക​ളും അടിസ്ഥാന ബൈബിൾപ​ഠി​പ്പി​ക്ക​ലു​ക​ളെ​ക്കു​റിച്ച്‌ തുടർന്നും ആഴത്തിൽ ചിന്തി​ക്കേ​ണ്ടത്‌ എന്തു​കൊണ്ട്‌? ഒരു ദൃഷ്ടാന്തം പറയുക.

³ വർഷങ്ങ​ളാ​യി നമ്മൾ യഹോ​വയെ സേവി​ക്കു​ന്ന​വ​രാ​ണെ​ങ്കി​ലും അടിസ്ഥാന ബൈബിൾപ​ഠി​പ്പി​ക്ക​ലു​ക​ളിൽനിന്ന്‌ നമുക്കു പുതിയ പല പാഠങ്ങ​ളും പഠിക്കാൻ ഉണ്ടാകും. അതു മനസ്സി​ലാ​ക്കാൻ ഒരു ദൃഷ്ടാന്തം നോക്കാം. വർഷങ്ങ​ളാ​യി പാചകം ചെയ്യുന്ന ഒരു ഷെഫും പാചകം പഠിച്ചു​തു​ട​ങ്ങിയ ഒരാളും ഒരു വിഭവം ഉണ്ടാക്കാൻ ഒരേ സാധന​ങ്ങൾതന്നെ ആയിരി​ക്കും ഉപയോ​ഗി​ക്കു​ന്നത്‌. പക്ഷേ അനുഭ​വ​പ​രി​ച​യ​മുള്ള ഷെഫ്‌ വർഷങ്ങൾകൊണ്ട്‌ ഇതേ സാധനങ്ങൾ ഉപയോ​ഗിച്ച്‌ വൈവി​ധ്യ​മാർന്ന രീതി​യിൽ, രുചി​യുള്ള വിഭവങ്ങൾ ഉണ്ടാക്കാൻ പഠിച്ചി​ട്ടു​ണ്ടാ​കും. ഇതു​പോ​ലെ യഹോ​വയെ വളരെ കാലമാ​യി സേവി​ക്കു​ന്ന​വ​രും പുതിയ ബൈബിൾവി​ദ്യാർഥി​ക​ളും അടിസ്ഥാന ബൈബിൾസ​ത്യ​ങ്ങളെ വ്യത്യ​സ്‌ത​വി​ധ​ങ്ങ​ളി​ലാ​യി​രി​ക്കും നോക്കി​ക്കാ​ണു​ന്നത്‌. അത്‌ എങ്ങനെ​യാണ്‌? വർഷങ്ങ​ളാ​യി സേവി​ക്കു​ന്ന​വ​രു​ടെ കാര്യ​ത്തിൽ അവർ സ്‌നാ​ന​പ്പെ​ട്ടു​ക​ഴിഞ്ഞ്‌ അവരുടെ സാഹച​ര്യ​ത്തി​ലും സേവന​പ​ദ​വി​ക​ളി​ലും ഒക്കെ മാറ്റം വന്നിട്ടു​ണ്ടാ​കും. അതു​കൊണ്ട്‌ കുറെ കാലങ്ങൾക്കു മുമ്പ്‌ പഠിച്ച അടിസ്ഥാന സത്യങ്ങൾ ഇപ്പോ​ഴത്തെ അവരുടെ സാഹച​ര്യ​വു​മാ​യി ബന്ധപ്പെ​ടു​ത്തി ചിന്തി​ച്ചാൽ അവർക്ക്‌ പുതിയ പല പാഠങ്ങ​ളും അതിൽനിന്ന്‌ പഠിക്കാ​നാ​യേ​ക്കും. എങ്കിൽ നമുക്ക്‌ ഇപ്പോൾ മൂന്ന്‌ അടിസ്ഥാന ബൈബിൾപ​ഠി​പ്പി​ക്ക​ലു​ക​ളിൽനിന്ന്‌ പക്വത​യുള്ള ക്രിസ്‌ത്യാ​നി​കൾക്കു പഠിക്കാ​നാ​കുന്ന ചില പാഠങ്ങൾ നോക്കാം.

യഹോ​വ​യാണ്‌ സ്രഷ്ടാവ്‌

4. യഹോ​വ​യാണ്‌ സ്രഷ്ടാവ്‌ എന്ന്‌ അറിഞ്ഞത്‌ നമ്മളെ എങ്ങനെ​യാണ്‌ സ്വാധീ​നി​ച്ചത്‌?

⁴ ഭൂമി​യും അതിലു​ള്ള​തും എല്ലാം സൃഷ്ടി​ച്ചത്‌ ജ്ഞാനി​യായ, ശക്തനായ ഒരു സ്രഷ്ടാ​വാണ്‌ എന്ന്‌ നമുക്ക്‌ അറിയാം. ബൈബിൾ പറയുന്നു: “എല്ലാം നിർമി​ച്ചതു ദൈവ​മാണ്‌.” (എബ്രാ. 3:4) ഇതൊരു അടിസ്ഥാന സത്യമാ​ണെ​ങ്കി​ലും ഇതിൽനിന്ന്‌ പല കാര്യ​ങ്ങ​ളും നമുക്കു പഠിക്കാ​നാ​കും. നമ്മുടെ സ്രഷ്ടാ​വാ​യ​തു​കൊണ്ട്‌ യഹോവ നമ്മളെ​ക്കു​റിച്ച്‌ എല്ലാ കാര്യ​ങ്ങ​ളും അറിയു​ന്നു. കൂടാതെ ദൈവ​ത്തി​നു നമ്മളെ​ക്കു​റിച്ച്‌ ചിന്തയുണ്ട്‌. നമുക്ക്‌ ഏറ്റവും നല്ലത്‌ എന്താ​ണെന്ന്‌ യഹോ​വ​യ്‌ക്ക്‌ അറിയാം. അതു​കൊണ്ട്‌ യഹോ​വ​യാണ്‌ സ്രഷ്ടാവ്‌ എന്ന്‌ അറിഞ്ഞത്‌ നമ്മുടെ ജീവി​തത്തെ പല രീതി​യിൽ സ്വാധീ​നി​ച്ചു. അതു ജീവി​ത​ത്തിന്‌ ഒരു അർഥം പകർന്നു.

5. താഴ്‌മ വളർത്തി​യെ​ടു​ക്കാൻ ഏത്‌ സത്യം നമ്മളെ സഹായി​ക്കും? (യശയ്യ 45:9-12)

⁵ യഹോ​വ​യാണ്‌ സ്രഷ്ടാവ്‌ എന്ന സത്യം താഴ്‌മ കാണി​ക്കേ​ണ്ട​തി​ന്റെ പ്രാധാ​ന്യം നമ്മളെ പഠിപ്പി​ക്കു​ന്നു. ഉദാഹ​ര​ണ​ത്തിന്‌, ഇയ്യോ​ബി​ന്റെ കാര്യം നോക്കാം. ഇയ്യോബ്‌ തന്നെക്കു​റി​ച്ചു​തന്നെ വേണ്ടതി​ല​ധി​കം ചിന്തി​ക്കു​ക​യും താനാണ്‌ ശരി​യെന്ന്‌ തെളി​യി​ക്കാൻ ശ്രമി​ക്കു​ക​യും ചെയ്‌തു. അപ്പോൾ അത്യു​ന്ന​ത​നായ സ്രഷ്ടാവ്‌ ആരാ​ണെന്ന്‌ യഹോവ ഇയ്യോ​ബി​നെ ഓർമി​പ്പി​ച്ചു. (ഇയ്യോ. 38:1-4) ഈ സത്യം യഹോ​വ​യു​ടെ വഴികൾ മനുഷ്യ​ന്റെ വഴിക​ളെ​ക്കാൾ എത്രയോ ഉന്നതമാ​ണെന്നു മനസ്സി​ലാ​ക്കാൻ അദ്ദേഹത്തെ സഹായി​ച്ചു. ഇതേ ആശയം​ത​ന്നെ​യാണ്‌ യശയ്യ പ്രവാ​ച​കന്റെ ഈ വാക്കു​ക​ളി​ലും കാണു​ന്നത്‌: “കളിമണ്ണു കുശവ​നോട്‌, ‘നീ എന്താണ്‌ ഈ ഉണ്ടാക്കു​ന്നത്‌’ എന്നു ചോദി​ക്കു​ന്നതു ശരിയോ?”—യശയ്യ 45:9-12 വായി​ക്കുക.

6. സ്രഷ്ടാ​വി​ന്റെ ജ്ഞാന​ത്തെ​യും ശക്തി​യെ​യും കുറിച്ച്‌ നമ്മൾ ചിന്തി​ക്കേണ്ട ഒരു സാഹച​ര്യം ഏതാണ്‌? (ചിത്ര​ങ്ങ​ളും കാണുക.)

⁶ ഒരു ക്രിസ്‌ത്യാ​നി അനുഭ​വ​പ​രി​ചയം നേടു​മ്പോൾ മാർഗ​നിർദേ​ശ​ത്തി​നാ​യി യഹോ​വ​യി​ലേ​ക്കും യഹോ​വ​യു​ടെ വചനത്തി​ലേ​ക്കും നോക്കു​ന്ന​തി​നു പകരം സ്വന്തം അഭി​പ്രാ​യ​ങ്ങ​ളിൽ ആശ്രയി​ക്കാൻ സാധ്യ​ത​യുണ്ട്‌. (ഇയ്യോ. 37:23, 24) എന്നാൽ സ്രഷ്ടാ​വി​ന്റെ അപാര​മായ ജ്ഞാന​ത്തെ​യും ശക്തി​യെ​യും കുറിച്ച്‌ ആ വ്യക്തി ചിന്തി​ക്കു​ന്നെ​ങ്കി​ലോ? (യശ. 40:22; 55:8, 9) ആ അടിസ്ഥാന സത്യ​ത്തെ​ക്കു​റിച്ച്‌ ചിന്തി​ക്കു​ന്നത്‌ താഴ്‌മ​യു​ള്ള​വ​നാ​യി​രി​ക്കാ​നും സ്രഷ്ടാ​വി​ന്റെ ചിന്തകൾ തന്റേതി​നെ​ക്കാൾ വളരെ ഉന്നതമാ​ണെന്നു തിരി​ച്ച​റി​യാ​നും ആ വ്യക്തിയെ സഹായി​ക്കും.

7. ഒരു മാറ്റവു​മാ​യി പൊരു​ത്ത​പ്പെ​ടാൻ റഹീല എന്താണു ചെയ്‌തത്‌?

⁷ സ്ലോ​വേ​നി​യ​യിൽ താമസി​ക്കുന്ന റഹീല​യു​ടെ അനുഭവം നോക്കാം. സ്രഷ്ടാ​വി​നെ​ക്കു​റിച്ച്‌ ചിന്തി​ച്ചത്‌ സംഘട​ന​യിൽ വരുന്ന മാറ്റങ്ങൾ അംഗീ​ക​രി​ക്കാൻ സഹോ​ദ​രി​യെ സഹായി​ച്ചു. റഹീല പറയുന്നു: “നേതൃ​ത്വ​സ്ഥാ​ന​ത്തു​ള്ളവർ എടുക്കുന്ന ചില തീരു​മാ​നങ്ങൾ അംഗീ​ക​രി​ക്കാൻ എനിക്കു ചില​പ്പോൾ ബുദ്ധി​മുട്ട്‌ തോന്നി​യി​ട്ടുണ്ട്‌. ഉദാഹ​ര​ണ​ത്തിന്‌, 2023 ഭരണസം​ഘ​ത്തിൽനി​ന്നുള്ള പുതിയ വിവരങ്ങൾ #8 കണ്ടതിനു ശേഷവും, എനിക്ക്‌ താടി​വെച്ച ഒരു സഹോ​ദരൻ പ്രസംഗം നടത്തു​ന്നത്‌ ആദ്യമാ​യി കണ്ടപ്പോൾ അത്‌ ഉൾക്കൊ​ള്ളാ​നാ​യില്ല. അതു​കൊണ്ട്‌ ഈ മാറ്റവു​മാ​യി പൊരു​ത്ത​പ്പെ​ടാൻ സഹായി​ക്കണേ എന്ന്‌ ഞാൻ യഹോ​വ​യോട്‌ പ്രാർഥി​ച്ചു.” സ്വർഗ​ത്തി​ന്റെ​യും ഭൂമി​യു​ടെ​യും സ്രഷ്ടാ​വായ യഹോ​വ​യ്‌ക്ക്‌ തന്റെ സംഘട​നയെ ഏറ്റവും നന്നായി വഴിന​യി​ക്കാൻ കഴിയു​മെന്ന്‌ മനസ്സി​ലാ​ക്കാൻ റഹീല​യ്‌ക്കു കഴിഞ്ഞു. അതു​കൊണ്ട്‌ ഗ്രാഹ്യ​ത്തിൽ വരുന്ന പുതിയ മാറ്റമോ ഒരു പുതിയ നിർദേ​ശ​മോ ഒക്കെ ഉൾക്കൊ​ള്ളാൻ നിങ്ങൾക്ക്‌ ബുദ്ധി​മുട്ട്‌ തോന്നു​ന്നു​ണ്ടെ​ങ്കിൽ സ്രഷ്ടാ​വി​ന്റെ ഉന്നതമായ ജ്ഞാന​ത്തെ​യും ശക്തി​യെ​യും കുറിച്ച്‌ താഴ്‌മ​യോ​ടെ, സമയ​മെ​ടുത്ത്‌ ചിന്തി​ക്കുക.—റോമ. 11:33-36.

ദൈവം കഷ്ടപ്പാട്‌ അനുവ​ദി​ക്കു​ന്ന​തി​ന്റെ കാരണം

8. ദൈവം കഷ്ടപ്പാട്‌ അനുവ​ദി​ച്ചി​രി​ക്കു​ന്ന​തി​ന്റെ കാരണ​ത്തെ​ക്കു​റിച്ച്‌ അറിഞ്ഞത്‌ നമുക്കു പ്രയോ​ജനം ചെയ്‌തി​രി​ക്കു​ന്നത്‌ എങ്ങനെ?

⁸ ദൈവം കഷ്ടപ്പാ​ടു​കൾ അനുവ​ദി​ച്ചി​രി​ക്കു​ന്നത്‌ എന്തു​കൊ​ണ്ടാണ്‌? ഈ ചോദ്യ​ത്തി​ന്റെ ഉത്തരം അറിയാ​ത്ത​തു​കൊണ്ട്‌ പലർക്കും ദൈവ​ത്തോട്‌ ദേഷ്യം തോന്നു​ന്നു. ഇനി വേറെ ചിലർ ദൈവം ഇല്ല എന്നു​പോ​ലും പറയുന്നു. (സുഭാ. 19:3) എന്നാൽ യഹോ​വയല്ല, പാരമ്പ​ര്യ​മാ​യി കിട്ടിയ പാപവും അപൂർണ​ത​യും ആണ്‌ കഷ്ടപ്പാ​ടു​ക​ളു​ടെ കാരണം എന്നു നമ്മൾ മനസ്സി​ലാ​ക്കി. കൂടാതെ യഹോവ ക്ഷമയോ​ടെ സമയം അനുവ​ദി​ച്ചി​രി​ക്കു​ന്ന​തു​കൊ​ണ്ടാണ്‌, ലക്ഷക്കണ​ക്കിന്‌ ആളുകൾക്ക്‌ യഹോ​വ​യെ​ക്കു​റിച്ച്‌ അറിയാ​നും ദൈവം കഷ്ടപ്പാ​ടു​കൾ എന്നേക്കു​മാ​യി ഇല്ലാതാ​ക്കാൻ പോകു​ന്നത്‌ എങ്ങനെ​യാ​ണെന്ന്‌ മനസ്സി​ലാ​ക്കാ​നും കഴിഞ്ഞ​തെന്ന്‌ നമുക്ക്‌ അറിയാം. (2 പത്രോ. 3:9, 15) ഈ സത്യങ്ങൾ നമ്മളെ ആശ്വസി​പ്പി​ക്കു​ക​യും യഹോ​വ​യോ​ടു കൂടുതൽ അടുപ്പി​ക്കു​ക​യും ചെയ്‌തി​രി​ക്കു​ന്നു.

9. യഹോവ കഷ്ടപ്പാട്‌ അനുവ​ദി​ക്കു​ന്ന​തി​ന്റെ കാരണ​ത്തെ​ക്കു​റിച്ച്‌ നമ്മൾ പ്രത്യേ​കി​ച്ചും ചിന്തി​ക്കേ​ണ്ടത്‌ എപ്പോ​ഴൊ​ക്കെ​യാണ്‌?

⁹ യഹോവ കഷ്ടപ്പാ​ടു​കൾ അവസാ​നി​പ്പി​ക്കുന്ന സമയത്തി​നാ​യി നമ്മൾ കാത്തി​രി​ക്കു​മ്പോൾ ക്ഷമ ആവശ്യ​മാ​ണെന്ന്‌ നമുക്ക്‌ അറിയാം. എങ്കിലും നമുക്കോ പ്രിയ​പ്പെ​ട്ട​വർക്കോ എന്തെങ്കി​ലും ബുദ്ധി​മു​ട്ടോ അനീതി​യോ നേരി​ടു​ക​യോ സ്‌നേ​ഹി​ക്കു​ന്ന​വരെ മരണത്തിൽ നഷ്ടമാ​കു​ക​യോ ചെയ്യു​മ്പോൾ യഹോവ എന്തു​കൊ​ണ്ടാണ്‌ പെട്ടെന്ന്‌ പ്രവർത്തി​ക്കാ​ത്തത്‌ എന്നു നമ്മൾ ചിന്തി​ച്ചേ​ക്കാം. (ഹബ. 1:2, 3) അത്തരം സാഹച​ര്യ​ങ്ങ​ളിൽ നീതി​മാ​ന്മാർ കഷ്ടപ്പാ​ടു​കൾ അനുഭ​വി​ക്കാൻ യഹോവ അനുവ​ദി​ക്കു​ന്ന​തി​ന്റെ കാരണ​ത്തെ​ക്കു​റിച്ച്‌ ചിന്തി​ക്കു​ന്നതു ക്ഷമയു​ള്ള​വ​രാ​യി​രി​ക്കാൻ നമ്മളെ സഹായി​ക്കും.a (സങ്കീ. 34:19) അതു​പോ​ലെ കഷ്ടതകൾ എന്നേക്കു​മാ​യി ഇല്ലാതാ​ക്കാ​നുള്ള ദൈവ​ത്തി​ന്റെ ഉദ്ദേശ്യ​ത്തെ​ക്കു​റിച്ച്‌ ചിന്തി​ക്കു​ന്ന​തും പ്രയോ​ജനം ചെയ്യും.

10. അമ്മയുടെ മരണ​ശേഷം ആശ്വാസം കണ്ടെത്താൻ ആനിനെ എന്താണു സഹായി​ച്ചത്‌?

¹⁰ കഷ്ടപ്പാ​ടു​ക​ളു​ടെ കാരണ​ത്തെ​ക്കു​റിച്ച്‌ ചിന്തി​ക്കു​ന്നത്‌ സഹിച്ചു​നിൽക്കാൻ നമ്മളെ സഹായി​ക്കും. ഇന്ത്യൻ മഹാസ​മു​ദ്ര​ത്തി​ലെ മയോട്ട്‌ ദ്വീപിൽ താമസി​ക്കുന്ന ആൻ പറയുന്നു: “കുറച്ചു വർഷങ്ങൾക്കു മുമ്പ്‌ എന്റെ അമ്മ മരിച്ചു​പോ​യി. അത്‌ എനിക്ക്‌ താങ്ങാ​വു​ന്ന​തി​നും അപ്പുറ​മാ​യി​രു​ന്നു. പക്ഷേ ദുരന്ത​ങ്ങൾക്ക്‌ കാരണ​ക്കാ​രൻ യഹോ​വയല്ല എന്ന്‌ ഞാൻ കൂടെ​ക്കൂ​ടെ എന്നെത്തന്നെ ഓർമി​പ്പി​ച്ചു. ശരിക്കും യഹോവ നമ്മുടെ കഷ്ടപ്പാ​ടു​ക​ളൊ​ക്കെ മാറ്റാ​നും മരിച്ചു​പോയ നമ്മുടെ പ്രിയ​പ്പെ​ട്ട​വരെ പുനരു​ത്ഥാ​ന​പ്പെ​ടു​ത്താ​നും നോക്കി​യി​രി​ക്കു​ക​യാണ്‌. വളരെ സങ്കട​പ്പെട്ട്‌ ഇരിക്കു​മ്പോൾപ്പോ​ലും ഈ സത്യങ്ങ​ളെ​ക്കു​റി​ച്ചൊ​ക്കെ ചിന്തി​ച്ചത്‌ എന്റെ മനസ്സിന്‌ വലിയ ശാന്തത നൽകി.”

11. യഹോവ കഷ്ടപ്പാ​ടു​കൾ അനുവ​ദി​ച്ചി​രി​ക്കു​ന്ന​തി​ന്റെ കാരണ​ത്തെ​ക്കു​റിച്ച്‌ ചിന്തി​ക്കു​ന്നത്‌ പ്രസം​ഗ​പ്ര​വർത്തനം തുടർന്നും ചെയ്യാൻ നമ്മളെ പ്രേരി​പ്പി​ക്കു​ന്നത്‌ എങ്ങനെ?

¹¹ ദൈവം കഷ്ടപ്പാട്‌ അനുവ​ദി​ച്ചി​രി​ക്കു​ന്നത്‌ എന്തു​കൊ​ണ്ടാ​ണെന്നു ചിന്തി​ക്കു​ന്നതു പ്രസം​ഗ​പ്ര​വർത്തനം തുടർന്നും ചെയ്യാൻ നമ്മളെ പ്രേരി​പ്പി​ക്കും. യഹോവ ക്ഷമ കാണി​ക്കു​ന്ന​തി​ന്റെ ഒരു കാരണം ആളുകൾ പശ്ചാത്ത​പി​ക്കാ​നും രക്ഷ നേടാ​നും ദൈവം ആഗ്രഹി​ക്കു​ന്ന​തു​കൊ​ണ്ടാ​ണെന്ന്‌ പത്രോസ്‌ വിശദീ​ക​രി​ച്ചു. എന്നിട്ട്‌ നമ്മൾ എന്താണ്‌ ചെയ്യേ​ണ്ട​തെ​ന്നും അദ്ദേഹം പറഞ്ഞു: “വിശു​ദ്ധ​മായ പെരു​മാ​റ്റ​രീ​തി​ക​ളി​ലും ഭക്തിപൂർണ​മായ പ്രവൃ​ത്തി​കൾ ചെയ്യു​ന്ന​തി​ലും നിങ്ങൾ എങ്ങനെ​യു​ള്ള​വ​രാ​യി​രി​ക്ക​ണ​മെന്നു ചിന്തി​ച്ചു​കൊ​ള്ളുക!” (2 പത്രോ. 3:11) ഇവിടെ പറഞ്ഞി​രി​ക്കുന്ന ‘ഭക്തിപൂർണ​മായ പ്രവൃ​ത്തി​ക​ളിൽ’ ഉൾപ്പെ​ടു​ന്ന​താണ്‌ നമ്മുടെ പ്രസം​ഗ​പ്ര​വർത്തനം. പിതാ​വായ യഹോ​വ​യെ​പ്പോ​ലെ നമ്മളും ആളുകളെ സ്‌നേ​ഹി​ക്കു​ന്നു. അവർ ദൈവ​ത്തി​ന്റെ നീതി​യുള്ള പുതിയ ഭൂമി​യിൽ ജീവി​ക്കാൻ നമ്മൾ ആഗ്രഹി​ക്കു​ന്നു. യഹോവ ഇന്ന്‌ ക്ഷമയോ​ടെ നമ്മുടെ പ്രദേ​ശ​ത്തുള്ള ആളുകൾക്ക്‌ തന്നെ ആരാധി​ക്കാ​നുള്ള ഒരു അവസരം കൊടു​ക്കു​ക​യാണ്‌. അതെ, യഹോ​വ​യോ​ടൊ​പ്പം പ്രവർത്തി​ക്കാ​നും അവസാനം വരുന്ന​തി​നു മുമ്പ്‌ കഴിയു​ന്നത്ര ആളുകളെ ദൈവ​ത്തെ​ക്കു​റിച്ച്‌ പഠിപ്പി​ക്കാ​നും നമുക്ക്‌ കഴിയു​ന്നത്‌ എത്ര വലിയ ഒരു പദവി​യാണ്‌!—1 കൊരി. 3:9.

നമ്മൾ ജീവി​ക്കു​ന്നത്‌ ‘അവസാ​ന​കാ​ല​ത്താണ്‌’

12. ഇത്‌ ‘അവസാ​ന​കാ​ല​മാണ്‌’ എന്ന അറിവ്‌ നമ്മളെ ഏതു കാര്യം ബോധ്യ​പ്പെ​ടു​ത്തു​ന്നു?

¹² “അവസാ​ന​കാ​ലത്ത്‌” ജീവി​ക്കുന്ന ആളുകൾ എങ്ങനെ ആയിരി​ക്കു​മെന്ന്‌ ബൈബിൾ കൃത്യ​മാ​യി പറയു​ന്നുണ്ട്‌. (2 തിമൊ. 3:1-5) ചുറ്റു​മൊന്ന്‌ കണ്ണോ​ടി​ച്ചാൽ ഈ പ്രവചനം അങ്ങനെ​തന്നെ നിറ​വേ​റു​ന്നത്‌ നമുക്കു കാണാ​നാ​കും. ആളുക​ളു​ടെ സ്വഭാവം ഒന്നി​നൊന്ന്‌ വഷളാ​കു​ന്നത്‌ കാണു​മ്പോൾ ദൈവ​വ​ചനം എത്ര സത്യമാ​ണെന്ന നമ്മുടെ ബോധ്യം കൂടു​തൽക്കൂ​ടു​തൽ ശക്തമാ​കും.—2 തിമൊ. 3:13-15.

13. ലൂക്കോസ്‌ 12:15-21-ലെ യേശു​വി​ന്റെ ദൃഷ്ടാ​ന്തകഥ നമ്മളെ എങ്ങനെ സഹായി​ക്കും?

¹³ നമ്മൾ ജീവി​ക്കു​ന്നത്‌ അവസാ​ന​കാ​ല​ത്താ​ണെന്ന സത്യം ശരിയായ മുൻഗ​ണ​നകൾ വെക്കാൻ നമ്മളെ സഹായി​ക്കു​ന്നു. അതിന്റെ പ്രാധാ​ന്യം ലൂക്കോസ്‌ 12:15-21 (വായി​ക്കുക.) വരെയുള്ള വാക്യ​ങ്ങ​ളി​ലെ യേശു​വി​ന്റെ ദൃഷ്ടാ​ന്ത​ത്തിൽ കാണാം. എന്തു​കൊ​ണ്ടാണ്‌ ധനിക​നായ ആ മനുഷ്യ​നെ “മൂഢാ” എന്നു വിളി​ച്ചി​രി​ക്കു​ന്നത്‌? അദ്ദേഹ​ത്തിന്‌ പണം ഉണ്ടായി​രു​ന്ന​തു​കൊ​ണ്ടല്ല പകരം ശരിയായ മുൻഗ​ണ​നകൾ വെക്കാ​തി​രു​ന്ന​തു​കൊ​ണ്ടാണ്‌. ആ മനുഷ്യൻ “തനിക്കു​വേണ്ടി സമ്പത്ത്‌ സ്വരൂ​പി​ക്കു​ക​യും എന്നാൽ ദൈവ​മു​മ്പാ​കെ സമ്പന്നനാ​കാ​തി​രി​ക്കു​ക​യും” ചെയ്‌തു. അത്‌ അത്ര ഗൗരവ​മുള്ള ഒരു കാര്യ​മാ​യി​രു​ന്നത്‌ എന്തു​കൊ​ണ്ടാണ്‌? കാരണം ദൈവം അദ്ദേഹ​ത്തോട്‌ പറഞ്ഞു: “ഇന്നു രാത്രി അവർ നിന്റെ ജീവൻ നിന്നോ​ടു ചോദി​ക്കും.” ഈ ദൃഷ്ടാ​ന്ത​ക​ഥ​യിൽനിന്ന്‌ നമുക്ക്‌ എന്താണു പഠിക്കാ​നു​ള്ളത്‌? നമ്മുടെ ഈ വ്യവസ്ഥി​തി​യും അവസാ​നി​ക്കാൻ ഇനി അധികം സമയമില്ല. അതു​കൊണ്ട്‌ സ്വയം ഇങ്ങനെ ചോദി​ക്കുക: ‘ഞാൻ ശരിയായ മുൻഗ​ണ​നകൾ വെച്ചി​ട്ടു​ണ്ടെ​ന്നാ​ണോ എന്റെ ലക്ഷ്യങ്ങൾ കാണി​ക്കു​ന്നത്‌? എന്തൊക്കെ ലക്ഷ്യങ്ങൾ വെക്കാ​നാണ്‌ ഞാൻ എന്റെ മക്കളെ സഹായി​ക്കു​ന്നത്‌? ഞാൻ എന്റെ ആരോ​ഗ്യ​വും സമയവും വസ്‌തു​വ​ക​ക​ളും ഒക്കെ എനിക്കു​വേണ്ടി സമ്പത്ത്‌ സ്വരൂ​പി​ക്കാ​നാ​ണോ അതോ സ്വർഗ​ത്തിൽ നിക്ഷേപം സ്വരൂ​പി​ക്കാ​നാ​ണോ ഉപയോ​ഗി​ക്കു​ന്നത്‌?’

14. മിക്കി​യു​ടെ അനുഭവം, നമ്മൾ അവസാ​ന​കാ​ല​ത്താണ്‌ ജീവി​ക്കു​ന്ന​തെന്ന്‌ ഓർക്കേ​ണ്ട​തി​ന്റെ പ്രാധാ​ന്യം എടുത്തു​കാ​ണി​ക്കു​ന്നത്‌ എങ്ങനെ?

¹⁴ നമ്മൾ അവസാ​ന​കാ​ല​ത്താണ്‌ ജീവി​ക്കു​ന്നത്‌ എന്നതി​നെ​ക്കു​റിച്ച്‌ ആഴത്തിൽ ചിന്തി​ക്കു​മ്പോൾ അത്‌ നമ്മൾ എടുക്കുന്ന പ്രധാ​ന​പ്പെട്ട തീരു​മാ​ന​ങ്ങളെ സ്വാധീ​നി​ക്കും. മിക്കി സഹോ​ദ​രി​യു​ടെ കാര്യ​ത്തിൽ അതാണ്‌ സംഭവി​ച്ചത്‌. സഹോ​ദരി പറയുന്നു: “എന്റെ സ്‌കൂൾ പഠനം കഴിഞ്ഞ​പ്പോൾ മൃഗങ്ങ​ളെ​ക്കു​റിച്ച്‌ പഠിക്കുന്ന ഒരു ജോലി ചെയ്യാ​നാ​യി​രു​ന്നു എനിക്ക്‌ ഇഷ്ടം. അതിനു​വേണ്ടി ഒരു ദീർഘ​കാ​ല​കോ​ഴ്‌സ്‌ ചെയ്യേ​ണ്ടി​വ​രു​മാ​യി​രു​ന്നു. എന്നാൽ മുൻനി​ര​സേ​വനം ചെയ്യാ​നും ആവശ്യം അധിക​മു​ള്ളി​ടത്ത്‌ സേവി​ക്കാ​നും ഉള്ള ലക്ഷ്യവും എനിക്കു​ണ്ടാ​യി​രു​ന്നു. പക്ഷേ എന്റെ ആഗ്രഹ​മ​നു​സ​രി​ച്ചുള്ള ജോലി തിര​ഞ്ഞെ​ടു​ത്താൽ അതോ​ടൊ​പ്പം എന്റെ ആത്മീയ​ല​ക്ഷ്യ​ങ്ങ​ളും മുന്നോ​ട്ടു കൊണ്ടു​പോ​കാ​നാ​കു​മോ എന്നു നന്നായി ചിന്തി​ക്കാൻ സഭയിലെ പക്വത​യുള്ള സുഹൃ​ത്തു​ക്കൾ എന്നോടു പറഞ്ഞു. ഈ വ്യവസ്ഥി​തി ഉടൻ അവസാ​നി​ക്കാൻ പോകു​ക​യാ​ണെന്ന്‌ അവർ എന്നെ ഓർമി​പ്പി​ച്ചു. അതു​പോ​ലെ പുതിയ ലോക​ത്തിൽ നിത്യ​ത​യി​ലു​ട​നീ​ളം എല്ലാ മൃഗങ്ങ​ളെ​യും കുറിച്ച്‌ പഠിക്കാ​നുള്ള അവസരം എനിക്കു​ണ്ടെ​ന്നും അവർ പറഞ്ഞു. അതു​കൊണ്ട്‌ ഞാൻ ഒരു ചെറിയ തൊഴി​ല​ധി​ഷ്‌ഠിത കോഴ്‌സ്‌ ചെയ്‌തു. അങ്ങനെ മുൻനി​ര​സേ​വനം ചെയ്യാൻ എന്നെ സഹായി​ക്കുന്ന ഒരു ജോലി കണ്ടെത്താൻ എനിക്കാ​യി. പിന്നീട്‌ ആവശ്യം അധിക​മുള്ള ഇക്വ​ഡോ​റി​ലേക്കു മാറാ​നും എനിക്കു കഴിഞ്ഞു.” ഇപ്പോൾ മിക്കി​യും ഭർത്താ​വും ആ രാജ്യത്ത്‌ സർക്കിട്ട്‌ വേല ചെയ്യു​ക​യാണ്‌.

15. സന്തോ​ഷ​വാർത്ത​യോട്‌ താത്‌പ​ര്യം കാണി​ക്കാത്ത ആളുക​ളു​ടെ കാര്യ​ത്തിൽ നമ്മൾ മടുത്തു​പോ​ക​രു​താ​ത്തത്‌ എന്തു​കൊണ്ട്‌? ഒരു ഉദാഹ​രണം പറയുക. (ചിത്ര​ങ്ങ​ളും കാണുക.)

¹⁵ ആളുകൾ സന്തോ​ഷ​വാർത്ത സ്വീക​രി​ച്ചി​ല്ലെ​ങ്കി​ലും നമ്മൾ മടുത്തു​പോ​ക​രുത്‌. കാരണം ആളുകൾക്കു മാറ്റം വരാം. യേശു​വി​ന്റെ അർധസ​ഹോ​ദ​ര​നായ യാക്കോ​ബി​നെ​ക്കു​റിച്ച്‌ ചിന്തി​ക്കുക. യേശു വളർന്ന്‌ വരുന്ന​തും മിശി​ഹ​യാ​കു​ന്ന​തും മറ്റാരും പഠിപ്പി​ക്കാ​ത്ത​തു​പോ​ലെ ആളുകളെ പഠിപ്പി​ക്കു​ന്ന​തും ഒക്കെ കണ്ടിട്ടും യാക്കോബ്‌ യേശു​വി​നെ വർഷങ്ങ​ളോ​ളം അനുഗ​മി​ച്ചില്ല. യേശു പുനരു​ത്ഥാ​ന​പ്പെ​ട്ട​ശേഷം മാത്ര​മാണ്‌ യാക്കോബ്‌ ഒരു ശിഷ്യ​നാ​യി​ത്തീ​രു​ന്നത്‌; അതും തീക്ഷ്‌ണ​ത​യുള്ള ഒരു ശിഷ്യൻ!b (യോഹ. 7:5; ഗലാ. 2:9) അതു​കൊണ്ട്‌ കുടും​ബാം​ഗങ്ങൾ സന്തോ​ഷ​വാർത്ത​യോട്‌ താത്‌പ​ര്യം കാണി​ച്ചി​ല്ലെ​ങ്കി​ലും നമ്മൾ മടുത്തു​പോ​ക​രുത്‌. അവരോ​ടു തുടർന്നും പ്രസം​ഗി​ച്ചു​കൊ​ണ്ടി​രി​ക്കേ​ണ്ടത്‌ പ്രധാ​ന​മാണ്‌. നമ്മൾ അവസാ​ന​കാ​ലത്ത്‌ ജീവി​ക്കു​ന്ന​തു​കൊണ്ട്‌ പ്രസം​ഗ​പ്ര​വർത്തനം വളരെ അടിയ​ന്തി​ര​മാ​യി ചെയ്യേ​ണ്ട​താ​ണെന്ന്‌ ഓർക്കാം. ഇന്ന്‌ നമ്മൾ അവരോ​ടു പറയുന്ന കാര്യങ്ങൾ പിന്നീട്‌ അവരെ സ്വാധീ​നി​ച്ചേ​ക്കാം; ചില​പ്പോൾ മഹാകഷ്ടത തുടങ്ങി​ക്ക​ഴി​ഞ്ഞു​പോ​ലും.c

യഹോ​വ​യു​ടെ ഓർമി​പ്പി​ക്ക​ലു​ക​ളോട്‌ എന്നും നന്ദിയു​ള്ള​വ​രാ​യി​രി​ക്കുക

16. നിങ്ങൾ എങ്ങനെ​യാണ്‌ യഹോ​വ​യു​ടെ ഓർമി​പ്പി​ക്ക​ലു​ക​ളിൽനിന്ന്‌ പ്രയോ​ജനം നേടി​യി​രി​ക്കു​ന്നത്‌? (“മറ്റുള്ള​വരെ സഹായി​ക്കാൻ അവ ഉപയോ​ഗി​ക്കുക” എന്ന ചതുര​വും കാണുക.)

¹⁶ നമുക്കു ലഭിക്കുന്ന ചില ആത്മീയ​ഭ​ക്ഷണം, അടിസ്ഥാന ബൈബിൾസ​ത്യ​ങ്ങൾപോ​ലും അറിയാ​ത്ത​വർക്കു​വേണ്ടി തയ്യാറാ​ക്കു​ന്ന​വ​യാണ്‌. ഉദാഹ​ര​ണ​ത്തിന്‌ നമ്മൾ ഓരോ ആഴ്‌ച​യും കേൾക്കുന്ന പൊതുപ്രസംഗം, jw.org-ലെ ചില ലേഖന​ങ്ങ​ളും വീഡി​യോ​ക​ളും, പൊതു​ജ​ന​ത്തി​നു​വേ​ണ്ടി​യുള്ള മാസി​കകൾ എന്നിവ​യെ​ല്ലാം പ്രധാ​ന​മാ​യും സാക്ഷി​ക​ള​ല്ലാ​ത്ത​വർക്കു വേണ്ടി​യു​ള്ള​താണ്‌. എങ്കിലും നമുക്ക്‌ ഈ ഓർമി​പ്പി​ക്ക​ലു​ക​ളിൽനിന്ന്‌ പ്രയോ​ജനം നേടാ​നാ​കും. അവ യഹോ​വ​യോ​ടുള്ള സ്‌നേഹം കൂട്ടാ​നും ദൈവ​വ​ച​ന​ത്തി​ലുള്ള വിശ്വാ​സം ശക്തമാ​ക്കാ​നും അടിസ്ഥാ​ന​സ​ത്യ​ങ്ങൾ മറ്റുള്ള​വരെ പഠിപ്പി​ക്കു​ന്ന​തിൽ കൂടുതൽ മെച്ച​പ്പെ​ടാ​നും നമ്മളെ സഹായി​ക്കും.—സങ്കീ. 19:7.

17. അടിസ്ഥാന ബൈബിൾസ​ത്യ​ങ്ങ​ളെ​ക്കു​റിച്ച്‌ നമ്മൾ ഓർക്കേണ്ട ചില സാഹച​ര്യ​ങ്ങൾ ഏതൊ​ക്കെ​യാണ്‌?

¹⁷ യഹോ​വ​യു​ടെ സാക്ഷികൾ എന്ന നിലയിൽ ബൈബിൾസ​ത്യ​ങ്ങ​ളെ​ക്കു​റിച്ച്‌ പുതിയ ഗ്രാഹ്യം ലഭിക്കു​മ്പോൾ നമുക്ക്‌ ആവേശം തോന്നാ​റുണ്ട്‌. എന്നാൽ നമ്മളെ തുടക്ക​ത്തിൽ യഹോ​വ​യോട്‌ അടുപ്പിച്ച അടിസ്ഥാന ബൈബിൾസ​ത്യ​ങ്ങ​ളോ​ടും നമുക്കു വളരെ​യേറെ വിലമ​തി​പ്പുണ്ട്‌. യഹോ​വ​യു​ടെ സംഘട​ന​യിൽനിന്ന്‌ കിട്ടുന്ന നിർദേ​ശ​ങ്ങൾക്കു കീഴ്‌പെ​ടാ​തെ നമ്മു​ടെ​തന്നെ അഭി​പ്രാ​യ​ങ്ങ​ളിൽ കടിച്ചു​തൂ​ങ്ങാൻ തോന്നു​മ്പോൾ ആരാണ്‌ സംഘട​നയെ നയിക്കു​ന്ന​തെന്ന്‌ നമുക്കു താഴ്‌മ​യോ​ടെ ഓർക്കാം. അത്‌ അത്യു​ന്ന​ത​നും സർവജ്ഞാ​നി​യും ആയ സ്രഷ്ടാ​വാണ്‌. അതു​പോ​ലെ നമുക്കോ നമ്മുടെ പ്രിയ​പ്പെ​ട്ട​വർക്കോ ബുദ്ധി​മു​ട്ടു​കൾ നേരി​ടേണ്ടി വരു​മ്പോൾ യഹോവ കഷ്ടപ്പാട്‌ അനുവ​ദി​ച്ചി​രി​ക്കു​ന്നത്‌ എന്തു​കൊ​ണ്ടാ​ണെന്ന്‌ ചിന്തി​ക്കു​ക​യും അങ്ങനെ ക്ഷമയു​ള്ള​വ​രാ​യി​രി​ക്കു​ക​യും ചെയ്യാം. കൂടാതെ നമ്മുടെ സമയവും വസ്‌തു​വ​ക​ക​ളും എങ്ങനെ ഉപയോ​ഗി​ക്കണം എന്ന കാര്യ​ത്തിൽ തീരു​മാ​ന​മെ​ടു​ക്കേ​ണ്ടി​വ​രു​മ്പോൾ, നമ്മൾ ജീവി​ക്കു​ന്നത്‌ അവസാ​ന​കാ​ല​ത്താ​ണെ​ന്നും ഇനി അധികം സമയമി​ല്ലെ​ന്നും ഓർക്കാം. അതു​കൊണ്ട്‌ യഹോ​വ​യു​ടെ ഓർമി​പ്പി​ക്ക​ലു​കൾ തുടർന്നും നമ്മളെ ശക്തീക​രി​ക്കു​ക​യും പ്രചോ​ദി​പ്പി​ക്കു​ക​യും ജ്ഞാനി​ക​ളാ​ക്കു​ക​യും ചെയ്യട്ടെ!