സഹിച്ചു​നിൽക്കാൻ യഹോവ സഹായി​ക്കും

1. നമുക്കു സഹനശക്തി വേണ്ടത്‌ എന്തു​കൊണ്ട്‌, നമുക്ക്‌ ആരുടെ സഹായ​മുണ്ട്‌? (1 പത്രോസ്‌ 5:10)

ബുദ്ധി​മു​ട്ടു​കൾ നിറഞ്ഞ ഈ അവസാ​ന​കാ​ലത്ത്‌ നമു​ക്കെ​ല്ലാം സഹനശക്തി ആവശ്യ​മാണ്‌. നമ്മളിൽ ചിലർ കാലങ്ങ​ളാ​യി ഏതെങ്കി​ലും രോഗ​വു​മാ​യി മല്ലിടു​ക​യാ​യി​രി​ക്കും. വേറെ ചിലരു​ടെ ജീവി​ത​ത്തിൽ പ്രിയ​പ്പെ​ട്ട​വ​രു​ടെ മരണം നികത്താ​നാ​കാത്ത വിടവ്‌ ഉണ്ടാക്കി​യി​രി​ക്കു​ന്നു. മറ്റു ചിലർ കുടും​ബാം​ഗ​ങ്ങ​ളിൽനി​ന്നോ ഗവൺമെ​ന്റിൽനി​ന്നോ ഉള്ള എതിർപ്പു​കൾ നേരി​ടു​ന്നു. (മത്താ. 10:18, 36, 37) നിങ്ങൾ അനുഭ​വി​ക്കുന്ന പ്രശ്‌നം എന്തുത​ന്നെ​യാ​ണെ​ങ്കി​ലും സഹിച്ചു​നിൽക്കാൻ യഹോ​വ​യ്‌ക്കു നിങ്ങളെ സഹായി​ക്കാ​നാ​കും.—1 പത്രോസ്‌ 5:10 വായി​ക്കുക.

2. സഹിച്ചു​നിൽക്കാൻ നമുക്കു കഴിയു​ന്നത്‌ എന്തു​കൊണ്ട്‌?

² സഹനശക്തി എന്നത്‌, പ്രശ്‌ന​ങ്ങ​ളും എതിർപ്പു​ക​ളും പ്രലോ​ഭ​ന​ങ്ങ​ളും ഉള്ളപ്പോ​ഴും വിശ്വ​സ്‌ത​മാ​യി, സന്തോ​ഷ​ത്തോ​ടെ യഹോ​വയെ സേവി​ക്കാ​നും പ്രത്യാശ മുറു​കെ​പ്പി​ടി​ക്കാ​നും ഉള്ള കഴിവാണ്‌. ആ കഴിവ്‌ വളർത്തി​യെ​ടു​ക്കാൻ നമുക്ക്‌ ഒറ്റയ്‌ക്കു കഴിയില്ല. മറിച്ച്‌ “അസാധാ​ര​ണ​ശക്തി” തരാൻ കഴിയുന്ന യഹോ​വ​യു​ടെ സഹായം നമുക്കു വേണം. (2 കൊരി. 4:7) ഈ ലേഖന​ത്തിൽ, പിടി​ച്ചു​നിൽക്കാൻ നമ്മളെ സഹായി​ക്കു​ന്ന​തിന്‌ യഹോവ നൽകി​യി​രി​ക്കുന്ന നാലു കാര്യ​ങ്ങ​ളെ​ക്കു​റിച്ച്‌ നമ്മൾ പഠിക്കും. അവ ഓരോ​ന്നിൽനി​ന്നും പ്രയോ​ജനം നേടാൻ നമ്മൾ എന്താണു ചെയ്യേ​ണ്ട​തെ​ന്നും കാണും.

പ്രാർഥന

3. പ്രാർഥന ഒരു അത്ഭുത​മാ​ണെന്നു പറയാ​നാ​കു​ന്നത്‌ എന്തു​കൊണ്ട്‌?

³ സഹിച്ചു​നിൽക്കാൻ നമ്മളെ സഹായി​ക്കു​ന്ന​തിന്‌ യഹോവ ചെയ്‌തി​രി​ക്കുന്ന വലി​യൊ​രു ക്രമീ​ക​ര​ണ​മാ​ണു പ്രാർഥന. നമ്മൾ പാപി​ക​ളാ​ണെ​ങ്കി​ലും തന്നോടു സംസാ​രി​ക്കാ​നുള്ള വഴി ദൈവം ഒരുക്കി​യി​രി​ക്കു​ന്നു. (എബ്രാ. 4:16) ഇതെക്കു​റിച്ച്‌ ഒന്നു ചിന്തി​ക്കുക. ഏതു സമയത്തും ഏതു കാര്യ​ത്തെ​ക്കു​റി​ച്ചും നമുക്ക്‌ യഹോ​വ​യോ​ടു സംസാ​രി​ക്കാ​നാ​കു​ന്നു. നമ്മുടെ ഭാഷ ദൈവ​ത്തിന്‌ ഒരു പ്രശ്‌നമല്ല. നമ്മൾ എവി​ടെ​യാ​ണെ​ങ്കി​ലും, ഒറ്റപ്പെട്ട്‌ പോകു​ക​യോ തടവി​ലാ​ക്ക​പ്പെ​ടു​ക​യോ ചെയ്‌താൽപ്പോ​ലും നമ്മുടെ പ്രാർഥ​നകൾ ദൈവ​ത്തി​നു കേൾക്കാ​നാ​കും. (യോന 2:1, 2; പ്രവൃ. 16:25, 26) നമ്മുടെ ഉള്ളിൽ ഉത്‌ക​ണ്‌ഠകൾ തിങ്ങി​നി​റ​ഞ്ഞിട്ട്‌ പ്രാർഥി​ക്കാ​നുള്ള വാക്കുകൾ കിട്ടാതെ വന്നാലും നമ്മൾ പറയാൻ ഉദ്ദേശി​ക്കു​ന്നത്‌ യഹോ​വ​യ്‌ക്കു മനസ്സി​ലാ​കും. (റോമ. 8:26, 27) പ്രാർഥന ശരിക്കും ഒരു അത്ഭുത​മല്ലേ?

4. സഹിച്ചു​നിൽക്കാ​നുള്ള ശക്തിക്കാ​യി പ്രാർഥി​ക്കു​ന്നത്‌ യഹോ​വ​യു​ടെ ഇഷ്ടത്തിനു ചേർച്ച​യി​ലുള്ള ഒന്നായി​രി​ക്കു​ന്നത്‌ എന്തു​കൊണ്ട്‌?

⁴ “ദൈവ​ത്തി​ന്റെ ഇഷ്ടത്തിനു ചേർച്ച​യിൽ എന്ത്‌ അപേക്ഷി​ച്ചാ​ലും ദൈവം നമ്മുടെ അപേക്ഷ കേൾക്കും” എന്നു ബൈബിൾ ഉറപ്പു​ത​രു​ന്നു. (1 യോഹ. 5:14) അങ്ങനെ​യെ​ങ്കിൽ സഹിച്ചു​നിൽക്കാ​നുള്ള ശക്തിക്കാ​യി പ്രാർഥി​ക്കു​ന്നതു ദൈവ​ത്തി​ന്റെ ഇഷ്ടത്തിനു ചേർച്ച​യി​ലുള്ള ഒരു അപേക്ഷ​യാ​ണോ? തീർച്ച​യാ​യും. കാരണം നമ്മൾ സഹിച്ചു​നി​ന്നാൽ, തന്നെ നിന്ദി​ക്കുന്ന സാത്താനു മറുപടി കൊടു​ക്കാൻ യഹോ​വ​യ്‌ക്കു കഴിയും. (സുഭാ. 27:11) കൂടാതെ, “പൂർണ​ഹൃ​ദ​യ​ത്തോ​ടെ തന്നിൽ ആശ്രയി​ക്കു​ന്ന​വർക്കു​വേണ്ടി തന്റെ ശക്തി പ്രകടി​പ്പി​ക്കാൻ” യഹോവ നോക്കി​യി​രി​ക്കു​ക​യാ​ണെ​ന്നും ബൈബിൾ പറയുന്നു. (2 ദിന. 16:9) അതു​കൊണ്ട്‌ സഹിച്ചു​നിൽക്കാൻ നമ്മളെ സഹായി​ക്കു​ന്ന​തി​നുള്ള ആഗ്രഹ​വും ശക്തിയും യഹോ​വ​യ്‌ക്കു​ണ്ടെന്നു നമുക്ക്‌ ഉറപ്പു​ണ്ടാ​യി​രി​ക്കാം.—യശ. 30:18; 41:10; ലൂക്കോ. 11:13.

5. പ്രാർഥന നമുക്ക്‌ എങ്ങനെ​യാ​ണു സമാധാ​നം തരുന്നത്‌? (യശയ്യ 26:3)

⁵ ഉത്‌ക​ണ്‌ഠ​ക​ളെ​ക്കു​റിച്ച്‌ ആത്മാർഥ​മാ​യി പ്രാർഥി​ക്കു​മ്പോൾ “മനുഷ്യ​ബു​ദ്ധിക്ക്‌ അതീത​മായ ദൈവ​സ​മാ​ധാ​നം നിങ്ങളു​ടെ ഹൃദയ​ത്തെ​യും മനസ്സി​നെ​യും . . . കാക്കും” എന്നു ബൈബിൾ പറയുന്നു. (ഫിലി. 4:7) അതിന്റെ അർഥം എന്താ​ണെന്നു നോക്കാം. യഹോ​വയെ സേവി​ക്കാത്ത ആളുകൾ പ്രശ്‌നങ്ങൾ ഉണ്ടാകു​മ്പോൾ സമാധാ​നം കണ്ടെത്താ​നാ​യി പല കാര്യ​ങ്ങ​ളും ചെയ്‌തു​നോ​ക്കി​യേ​ക്കാം. അതി​ലൊ​ന്നാണ്‌ ഉത്‌ക​ണ്‌ഠകൾ ഉൾപ്പെ​ടെ​യുള്ള മനസ്സിലെ ചിന്തകൾ മാറ്റി നിറുത്തി, മനസ്സിനെ ശൂന്യ​മാ​ക്കി​ക്കൊ​ണ്ടുള്ള ഒരുതരം ധ്യാനം. പക്ഷേ അങ്ങനെ മനസ്സിനെ ശൂന്യ​മാ​ക്കു​ന്നത്‌ ആത്മീയ​മാ​യി അപകടം ചെയ്യും. (മത്തായി 12:43-45 താരത​മ്യം ചെയ്യുക.) മാത്രമല്ല അത്തരം ധ്യാന​ത്തി​ലൂ​ടെ ചില​പ്പോൾ കിട്ടി​യേ​ക്കാ​വുന്ന സമാധാ​ന​ത്തെ​ക്കാൾ വളരെ വലുതാ​ണു നമ്മൾ പ്രാർഥി​ക്കു​മ്പോൾ യഹോവ തരുന്ന സമാധാ​നം. പ്രാർഥി​ക്കു​മ്പോൾ നമ്മൾ യഹോ​വ​യിൽ പൂർണ​മാ​യി ആശ്രയി​ക്കു​ന്നെന്നു കാണി​ക്കു​ക​യാണ്‌. അപ്പോൾ യഹോവ നമുക്കു “നിത്യ​സ​മാ​ധാ​നം” തരും. (യശയ്യ 26:3 വായി​ക്കുക.) യഹോവ അതു ചെയ്യുന്ന ഒരു വിധം നമ്മൾ മുമ്പു പഠിച്ചി​ട്ടുള്ള ആശ്വസി​പ്പി​ക്കുന്ന വാക്യങ്ങൾ നമ്മുടെ ഓർമ​യി​ലേക്കു കൊണ്ടു​വ​ന്നു​കൊ​ണ്ടാണ്‌. ആ തിരു​വെ​ഴു​ത്തു​കൾ യഹോവ നമ്മളെ എത്ര​ത്തോ​ളം സ്‌നേ​ഹി​ക്കു​ന്നെ​ന്നും സഹായി​ക്കാൻ ആഗ്രഹി​ക്കു​ന്നെ​ന്നും നമ്മളെ ഓർമ​പ്പെ​ടു​ത്തും. അതു നമ്മുടെ മനസ്സിനു ശാന്തത തരും.—സങ്കീ. 62:1, 2.

6. പ്രാർഥന എന്ന സഹായം നിങ്ങൾക്ക്‌ എങ്ങനെ നന്നായി പ്രയോ​ജ​ന​പ്പെ​ടു​ത്താം? (ചിത്ര​വും കാണുക.)

⁶ നിങ്ങൾക്കു ചെയ്യാ​നാ​കു​ന്നത്‌. പ്രശ്‌നങ്ങൾ നേരി​ടു​മ്പോൾ നിങ്ങളു​ടെ “ഭാരം യഹോ​വ​യു​ടെ മേൽ ഇടുക.” സമാധാ​ന​ത്തി​നാ​യി പ്രാർഥി​ക്കുക. (സങ്കീ. 55:22) പ്രശ്‌ന​ങ്ങളെ നന്നായി കൈകാ​ര്യം ചെയ്യാ​നുള്ള ജ്ഞാനത്തി​നാ​യും നിങ്ങൾക്കു പ്രാർഥി​ക്കാം. (സുഭാ. 2:10, 11) ഈ അപേക്ഷ​ക​ളോ​ടൊ​പ്പം നന്ദിവാ​ക്കു​കൾ പറയാൻ മറക്കരുത്‌. (ഫിലി. 4:6) സഹിച്ചു​നിൽക്കാൻ യഹോവ നിങ്ങളെ സഹായി​ക്കുന്ന വിധങ്ങൾ തിരി​ച്ച​റി​യാൻ ശ്രമി​ക്കുക. എന്നിട്ട്‌ അതിനു നന്ദി പറയുക. പ്രശ്‌നങ്ങൾ കാരണം, യഹോവ നൽകി​യി​രി​ക്കുന്ന അനു​ഗ്ര​ഹങ്ങൾ നിങ്ങൾ ഒരിക്ക​ലും കാണാതെ പോക​രുത്‌.—സങ്കീ. 16:5, 6.

ദൈവ​വ​ച​നം

7. ബൈബിൾ പഠിക്കു​ന്നതു സഹിച്ചു​നിൽക്കാൻ നമ്മളെ സഹായി​ക്കു​ന്നത്‌ എങ്ങനെ?

⁷ സഹിച്ചു​നിൽക്കാൻ നമ്മളെ സഹായി​ക്കു​ന്ന​തി​നു​വേ​ണ്ടി​യാണ്‌ യഹോവ ബൈബിൾ തന്നിരി​ക്കു​ന്നത്‌. ദൈവ​ത്തി​ന്റെ സഹായം ഉറപ്പ്‌ തരുന്ന ധാരാളം വാക്യങ്ങൾ ബൈബി​ളി​ലുണ്ട്‌. അതി​നൊ​രു ഉദാഹ​ര​ണ​മാണ്‌ മത്തായി 6:8. അവിടെ ഇങ്ങനെ പറയുന്നു: “നിങ്ങൾക്കു വേണ്ടത്‌ എന്താ​ണെന്നു നിങ്ങൾ ചോദി​ക്കു​ന്ന​തി​നു മുമ്പു​തന്നെ നിങ്ങളു​ടെ പിതാ​വിന്‌ അറിയാ​മ​ല്ലോ.” ഈ വാക്കുകൾ പറഞ്ഞത്‌ യേശു​വാണ്‌. മറ്റാ​രെ​ക്കാ​ളും നന്നായി യേശു​വിന്‌ യഹോ​വയെ അറിയാം. അതു​കൊ​ണ്ടു​തന്നെ ഒരു പ്രശ്‌നം നേരി​ടു​മ്പോൾ, നമുക്ക്‌ എന്താണു വേണ്ട​തെന്ന്‌ യഹോ​വ​യ്‌ക്കു അറിയാ​മെ​ന്നും യഹോവ നമ്മളെ സഹായി​ക്കു​മെ​ന്നും നമുക്ക്‌ ഉറപ്പു​ണ്ടാ​യി​രി​ക്കാ​നാ​കു​ന്നു. സഹിച്ചു​നിൽക്കാൻ ശക്തി തരുന്ന ഇതു​പോ​ലുള്ള ധാരാളം ആശയങ്ങൾ ബൈബി​ളി​ലുണ്ട്‌.—സങ്കീ. 94:19.

8. (എ) സഹിച്ചു​നിൽക്കാൻ നമ്മളെ സഹായി​ക്കുന്ന ഒരു ബൈബിൾത​ത്ത്വ​ത്തിന്‌ ഉദാഹ​രണം പറയുക. (ബി) ആവശ്യ​മു​ള്ള​പ്പോൾ ബൈബിൾത​ത്ത്വ​ങ്ങൾ മനസ്സി​ലേക്കു വരാൻ നമ്മൾ എന്തു ചെയ്യണം?

⁸ സഹിച്ചു​നിൽക്കാൻ ബൈബിൾത​ത്ത്വ​ങ്ങൾ നമ്മളെ സഹായി​ക്കും. ശരിയായ തീരു​മാ​ന​ങ്ങ​ളെ​ടു​ക്കാൻ സഹായി​ക്കുന്ന പ്രാ​യോ​ഗി​ക​ജ്ഞാ​നം അതിലുണ്ട്‌. (സുഭാ. 2:6, 7) ഉദാഹ​ര​ണ​ത്തിന്‌, നാളെ എന്തു സംഭവി​ക്കും എന്ന്‌ ഓർത്ത്‌ അമിത​മാ​യി ഉത്‌ക​ണ്‌ഠ​പ്പെ​ടു​ന്ന​തി​നു പകരം അന്നന്നത്തെ കാര്യ​ങ്ങ​ളെ​ക്കു​റിച്ച്‌ മാത്രം ചിന്തി​ക്കാൻ ബൈബിൾ പ്രോ​ത്സാ​ഹി​പ്പി​ക്കു​ന്നു. (മത്താ. 6:34) ബൈബിൾ വായി​ക്കു​ക​യും അതെക്കു​റിച്ച്‌ ആഴത്തിൽ ചിന്തി​ക്കു​ക​യും ചെയ്യുന്ന ഒരു ശീലം നമുക്കു​ണ്ടെ​ങ്കിൽ ഇത്തരം തത്ത്വങ്ങൾ ആവശ്യം വരു​മ്പോൾ നമ്മുടെ ഓർമ​യി​ലേക്കു വന്നേക്കാം.

9. ബൈബിൾവി​വ​ര​ണങ്ങൾ യഹോവ നമ്മളെ സഹായി​ക്കും എന്ന ബോധ്യം ശക്തമാ​ക്കു​ന്നത്‌ എങ്ങനെ?

⁹ യഹോ​വ​യിൽ ആശ്രയി​ക്കു​ക​യും യഹോ​വ​യു​ടെ സഹായം ലഭിക്കു​ക​യും ചെയ്‌ത സാധാ​ര​ണ​ക്കാ​രായ ആളുക​ളു​ടെ യഥാർഥ ജീവി​താ​നു​ഭ​വ​ങ്ങ​ളും ബൈബി​ളി​ലുണ്ട്‌. (എബ്രാ. 11:32-34; യാക്കോ. 5:17) ആ വിവര​ണ​ങ്ങ​ളെ​ക്കു​റിച്ച്‌ ചിന്തി​ക്കു​ന്നത്‌ യഹോവ നമ്മുടെ ‘അഭയസ്ഥാ​ന​വും ശക്തിയും, ഏതു കഷ്ടത്തി​ലും സഹായം തേടി ഓടി​ച്ചെ​ല്ലാ​വു​ന്ന​വ​നും’ ആണെന്ന നമ്മുടെ ബോധ്യം ശക്തമാ​ക്കും. (സങ്കീ. 46:1) അതു​പോ​ലെ വിശ്വ​സ്‌ത​രായ ആ ദൈവ​ദാ​സ​രു​ടെ മാതൃ​ക​ക​ളെ​ക്കു​റിച്ച്‌ ചിന്തി​ക്കു​മ്പോൾ അവരുടെ വിശ്വാ​സ​വും സഹനശ​ക്തി​യും അനുക​രി​ക്കാ​നും നമുക്കു തോന്നും.—യാക്കോ. 5:10, 11.

10. ദൈവ​വ​ചനം എന്ന സഹായം നമുക്ക്‌ എങ്ങനെ നന്നായി പ്രയോ​ജ​ന​പ്പെ​ടു​ത്താം?

¹⁰ നിങ്ങൾക്കു ചെയ്യാ​നാ​കു​ന്നത്‌. ദിവസ​വും ബൈബിൾ വായി​ക്കുക. പ്രയോ​ജനം ചെയ്യുന്ന തിരു​വെ​ഴു​ത്തു​ക​ളു​ടെ ഒരു ലിസ്റ്റ്‌ ഉണ്ടാക്കുക. പലർക്കും വളരെ നല്ലതായി തോന്നിയ മറ്റൊരു കാര്യ​മാണ്‌, എന്നും രാവിലെ ദിനവാ​ക്യം വായി​ക്കു​ന്നത്‌. അങ്ങനെ​യാ​കു​മ്പോൾ ദിവസം മുഴുവൻ പ്രോ​ത്സാ​ഹനം തരുന്ന ഒരു തിരു​വെ​ഴു​ത്താ​ശയം നമ്മുടെ മനസ്സി​ലു​ണ്ടാ​യി​രി​ക്കും. അതു സത്യമാ​ണെന്നു മാരിa സഹോ​ദ​രി​യു​ടെ അനുഭവം തെളി​യി​ക്കു​ന്നു. സഹോ​ദ​രി​യു​ടെ പപ്പയ്‌ക്കും മമ്മിക്കും ക്യാൻസർ ആണെന്നു കണ്ടെത്തി. സഹോ​ദ​രി​യാ​യി​രു​ന്നു അവരെ ശുശ്രൂ​ഷി​ച്ചി​രു​ന്നത്‌. അവരുടെ മരണ​ത്തോട്‌ അടുത്ത സമയങ്ങ​ളിൽ പിടി​ച്ചു​നിൽക്കാൻ മാരിയെ എന്താണു സഹായി​ച്ചത്‌? സഹോ​ദരി പറയുന്നു: “എല്ലാ ദിവസ​വും രാവി​ലെ​തന്നെ ദിനവാ​ക്യം വായി​ക്കു​ക​യും അതെക്കു​റിച്ച്‌ ധ്യാനി​ക്കു​ക​യും ചെയ്യുന്ന ഒരു ശീലം എനിക്കു​ണ്ടാ​യി​രു​ന്നു. അത്‌ എപ്പോ​ഴും മനസ്സിൽ ഒരു തിരു​വെ​ഴു​ത്താ​ശയം ഉണ്ടായി​രി​ക്കാൻ എന്നെ സഹായി​ച്ചു. എന്റെ പ്രശ്‌ന​ങ്ങ​ളെ​ക്കു​റി​ച്ചു​തന്നെ ചിന്തി​ച്ചു​കൊ​ണ്ടി​രി​ക്കാ​തെ യഹോ​വ​യെ​ക്കു​റി​ച്ചും യഹോവ പഠിപ്പി​ക്കുന്ന മഹത്തായ കാര്യ​ങ്ങ​ളെ​ക്കു​റി​ച്ചും ചിന്തി​ക്കാൻ അതിലൂ​ടെ എനിക്കാ​യി.”—സങ്കീ. 61:2.

നമ്മുടെ സഹോ​ദ​ര​ങ്ങൾ

11. പ്രശ്‌നങ്ങൾ സഹിച്ചു​നിൽക്കുന്ന കാര്യ​ത്തിൽ നമ്മൾ ഒറ്റയ്‌ക്ക​ല്ലെന്ന്‌ അറിയു​ന്നതു പ്രോ​ത്സാ​ഹനം പകരു​ന്നത്‌ എന്തു​കൊണ്ട്‌?

¹¹ സഹിച്ചു​നിൽക്കാൻ നമ്മളെ സഹായി​ക്കു​ന്ന​തിന്‌ യഹോവ ക്രിസ്‌തീയ സഹോ​ദ​ര​കു​ടും​ബത്തെ തന്നിരി​ക്കു​ന്നു. “ലോകം മുഴു​വ​നുള്ള (നമ്മുടെ) സഹോ​ദ​ര​സ​മൂ​ഹ​വും ഇതു​പോ​ലുള്ള കഷ്ടതകൾ അനുഭ​വി​ക്കു​ന്നു​ണ്ടെന്ന്‌” അറിയു​ന്നതു നമ്മൾ ഒറ്റയ്‌ക്ക​ല്ലെന്ന ഉറപ്പു തരുന്നു. (1 പത്രോ. 5:9) ശരിക്കും പറഞ്ഞാൽ നമ്മൾ അനുഭ​വി​ക്കുന്ന പ്രശ്‌നം എന്തുത​ന്നെ​യാ​യാ​ലും അതി​നോ​ടു സമാന​മായ പ്രശ്‌നങ്ങൾ മറ്റുള്ള​വ​രും അനുഭ​വി​ച്ചി​ട്ടുണ്ട്‌. അവർക്ക്‌ അതു വിശ്വ​സ്‌ത​മാ​യി സഹിച്ചു​നിൽക്കാ​നാ​യി; അതു​കൊ​ണ്ടു​തന്നെ നമുക്കും അതിനു പറ്റും!—പ്രവൃ. 14:22.

12. സഹോ​ദ​രങ്ങൾ എങ്ങനെ നമ്മളെ സഹായി​ക്കും, നമുക്ക്‌ അവർക്കു​വേണ്ടി എന്തു ചെയ്യാ​നാ​കും? (2 കൊരി​ന്ത്യർ 1:3, 4)

¹² സഹോ​ദ​രങ്ങൾ തങ്ങളുടെ വാക്കു​ക​ളി​ലൂ​ടെ​യും പ്രവൃ​ത്തി​ക​ളി​ലൂ​ടെ​യും തരുന്ന പ്രോ​ത്സാ​ഹനം സഹിച്ചു​നിൽക്കാൻ നമ്മളെ സഹായി​ക്കും. അത്‌ അനുഭ​വി​ച്ച​റിഞ്ഞ ഒരാളാ​ണു പൗലോസ്‌ അപ്പോ​സ്‌തലൻ. വീട്ടു​ത​ട​ങ്ക​ലി​ലാ​യി​രുന്ന സമയത്ത്‌ സഹോ​ദ​രങ്ങൾ അദ്ദേഹത്തെ ആശ്വസി​പ്പി​ക്കു​ക​യും പ്രോ​ത്സാ​ഹി​പ്പി​ക്കു​ക​യും വേണ്ട സഹായങ്ങൾ ചെയ്‌തു​കൊ​ടു​ക്കു​ക​യും ചെയ്‌തു. പലപ്പോ​ഴും കത്തുക​ളിൽ അവരുടെ പേര്‌ എടുത്തു​പ​റ​ഞ്ഞു​കൊണ്ട്‌ പൗലോസ്‌ നന്ദി പറയു​ന്നതു കാണാം. (ഫിലി. 2:25, 29, 30; കൊലോ. 4:10, 11) ഇന്നു നമുക്കു പ്രശ്‌നങ്ങൾ നേരി​ടു​മ്പോ​ഴും നമ്മളെ ആശ്വസി​പ്പി​ക്കു​ന്ന​തി​നും സഹായി​ക്കു​ന്ന​തി​നും സഹോ​ദ​ര​ങ്ങ​ളു​ണ്ടാ​കും. അതു​പോ​ലെ അവർക്കു പിന്തുണ വേണ്ടി​വ​രു​മ്പോൾ നമുക്കും അവരെ സഹായി​ക്കാ​നാ​കും.—2 കൊരി​ന്ത്യർ 1:3, 4 വായി​ക്കുക.

13. സഹിച്ചു​നിൽക്കാൻ മിയ സഹോ​ദ​രി​യെ എന്താണു സഹായി​ച്ചത്‌?

¹³ റഷ്യയിൽനി​ന്നുള്ള മിയ സഹോ​ദ​രി​ക്കു സഹോ​ദ​രങ്ങൾ വലി​യൊ​രു പ്രോ​ത്സാ​ഹ​ന​മാ​യി​രു​ന്നു. 2020-ൽ പോലീസ്‌ സഹോ​ദ​രി​യു​ടെ വീട്‌ പരി​ശോ​ധന നടത്തി. പിന്നീട്‌ തന്റെ വിശ്വാ​സ​ത്തെ​ക്കു​റിച്ച്‌ മറ്റുള്ള​വ​രോ​ടു പറഞ്ഞതി​നു കോട​തി​യിൽ സഹോ​ദ​രി​യെ വിചാരണ ചെയ്‌തു. മിയ പറയുന്നു: “ഞാൻ ആ സമയത്ത്‌ മാനസി​ക​മാ​യി വല്ലാതെ തളർന്നു​പോ​യി. എങ്കിലും സഹോ​ദ​രങ്ങൾ എന്നെ വിളി​ക്കു​ക​യും എനിക്കു കത്തുക​ളും മെസേ​ജു​ക​ളും അയയ്‌ക്കു​ക​യും ചെയ്‌തു. അതിലൂ​ടെ അവർ എന്നെ എത്രമാ​ത്രം സ്‌നേ​ഹി​ക്കു​ന്നു​ണ്ടെന്ന്‌ എന്നോടു പറഞ്ഞു. നമ്മൾ സ്‌നേ​ഹ​മുള്ള, വലി​യൊ​രു സഹോ​ദ​ര​കു​ടും​ബ​ത്തി​ന്റെ ഭാഗമാ​ണെന്ന്‌ എനിക്ക്‌ അറിയാ​മാ​യി​രു​ന്നു. എങ്കിലും 2020-ലെ ആ സംഭവ​ത്തോ​ടെ അത്‌ എനിക്കു കൂടുതൽ ഉറപ്പായി.”

14. സഹോ​ദ​ര​ങ്ങ​ളു​ടെ സഹായ​ത്തിൽനിന്ന്‌ പ്രയോ​ജനം നേടാൻ നമുക്ക്‌ എന്തു ചെയ്യാ​നാ​കും? (ചിത്ര​വും കാണുക.)

¹⁴ നിങ്ങൾക്കു ചെയ്യാ​നാ​കു​ന്നത്‌. നിങ്ങൾ പ്രശ്‌ന​ങ്ങ​ളി​ലൂ​ടെ കടന്നു​പോ​കു​മ്പോൾ സഹോ​ദ​ര​ങ്ങ​ളോ​ടു സംസാ​രി​ക്കു​ക​യും അവരുടെ കൂടെ സമയം ചെലവ​ഴി​ക്കു​ക​യും ചെയ്യേ​ണ്ടതു പ്രധാ​ന​മാണ്‌. മൂപ്പന്മാ​രോ​ടു സഹായം ചോദി​ക്കാ​നും മടിക്ക​രുത്‌. കാരണം അവർക്ക്‌, “കാറ്റത്ത്‌ ഒരു സുരക്ഷി​ത​സ്ഥാ​ന​വും, പെരു​മ​ഴ​യത്ത്‌ ഒരു അഭയസ്ഥാ​ന​വും” ആയിത്തീ​രാൻ കഴിയും. (യശ. 32:2, അടിക്കു​റിപ്പ്‌.) നിങ്ങളു​ടെ സഹവി​ശ്വാ​സി​ക​ളും പല പ്രശ്‌ന​ങ്ങ​ളി​ലൂ​ടെ കടന്നു​പോ​കു​ക​യാ​ണെന്ന കാര്യം ഓർക്കണം. അവരെ സഹായി​ക്കാൻ നിങ്ങളും ശ്രമി​ക്കുക. അതു സന്തോഷം തരും; നിങ്ങളു​ടെ​തന്നെ പ്രശ്‌നങ്ങൾ സഹിച്ചു​നിൽക്കു​ന്നതു നിങ്ങൾക്കു കൂടുതൽ എളുപ്പ​മാ​കു​ക​യും ചെയ്യും.—പ്രവൃ. 20:35.

നമ്മുടെ പ്രത്യാശ

15. (എ) പ്രത്യാശ യേശു​വി​നെ എങ്ങനെ​യാ​ണു സഹായി​ച്ചത്‌? (എബ്രായർ 12:2) (ബി) പ്രത്യാശ നമ്മളെ എങ്ങനെ സഹായി​ക്കും?

¹⁵ യഹോവ നമുക്കു മഹത്തായ ഒരു പ്രത്യാശ തന്നിരി​ക്കു​ന്നു. അതു പിടി​ച്ചു​നിൽക്കാൻ നമ്മളെ സഹായി​ക്കും. (റോമ. 15:13) ഭൂമി​യി​ലെ തന്റെ അവസാന ദിവസ​മു​ണ്ടായ വലിയ പ്രശ്‌നങ്ങൾ സഹിച്ചു​നിൽക്കാൻ യേശു​വി​നെ സഹായി​ച്ചതു പ്രത്യാ​ശ​യാ​യി​രു​ന്നു. (എബ്രായർ 12:2 വായി​ക്കുക.) യേശു എന്തി​നെ​ക്കു​റി​ച്ചെ​ല്ലാം ചിന്തി​ച്ചു​കാ​ണും? തന്റെ വിശ്വ​സ്‌തത ദൈവ​നാ​മ​ത്തി​ന്റെ വിശുദ്ധീ​ക​ര​ണ​ത്തി​നു സഹായി​ക്കു​മെന്ന്‌ യേശു​വിന്‌ അറിയാ​മാ​യി​രു​ന്നു. കൂടാതെ പിതാ​വി​നോ​ടൊ​പ്പം വീണ്ടും ഒന്നിക്കു​ന്ന​തി​നെ​ക്കു​റി​ച്ചും തന്റെ അഭിഷിക്ത സഹോ​ദ​ര​ന്മാ​രോ​ടൊ​പ്പം ദൈവ​രാ​ജ്യ​ത്തിൽ രാജാ​വാ​യി ഭരിക്കു​ന്ന​തി​നെ​ക്കു​റി​ച്ചും യേശു ചിന്തിച്ചു. ഇതു​പോ​ലെ ദൈവ​രാ​ജ്യ​ത്തിൽ എന്നേക്കും ജീവി​ക്കാ​മെന്ന നമ്മുടെ പ്രത്യാശ, സാത്താന്റെ ലോക​ത്തിൽ ഉണ്ടാ​യേ​ക്കാ​വുന്ന ഏതൊരു പ്രശ്‌ന​വും സഹിച്ചു​നിൽക്കാൻ നമ്മളെ​യും സഹായി​ക്കും.

16. (എ) സഹിച്ചു​നിൽക്കാൻ പ്രത്യാശ ഒരു സഹോ​ദ​രി​യെ സഹായി​ച്ചത്‌ എങ്ങനെ​യാണ്‌? (ബി) സഹോ​ദ​രി​യു​ടെ വാക്കു​ക​ളിൽനിന്ന്‌ നിങ്ങൾ എന്താണു പഠിച്ചത്‌?

¹⁶ ദൈവ​രാ​ജ്യ​ത്തെ​ക്കു​റി​ച്ചുള്ള പ്രത്യാശ റഷ്യയി​ലുള്ള അലാ സഹോ​ദ​രി​യെ എങ്ങനെ​യാ​ണു സഹായി​ച്ച​തെന്നു നോക്കാം. സഹോ​ദ​രി​യു​ടെ ഭർത്താ​വി​നെ അറസ്റ്റ്‌ ചെയ്‌ത്‌ വിചാ​ര​ണ​യ്‌ക്കു മുമ്പുള്ള തടവി​ലാ​ക്കി. സഹോ​ദരി പറയുന്നു: “നമ്മുടെ പ്രത്യാ​ശ​യെ​ക്കു​റിച്ച്‌ പ്രാർഥി​ക്കു​ക​യും ധ്യാനി​ക്കു​ക​യും ചെയ്യു​ന്നതു നിരാ​ശ​പ്പെ​ട്ടു​പോ​കാ​തി​രി​ക്കാൻ എന്നെ സഹായി​ക്കു​ന്നു. ഇതെല്ലാം എന്നും സഹി​ക്കേ​ണ്ടി​വ​രി​ല്ലെന്ന്‌ എനിക്ക​റി​യാം. യഹോവ ഉറപ്പാ​യും വിജയി​ക്കും. അതോ​ടൊ​പ്പം നമ്മളും.”

17. യഹോവ മഹത്തായ ഒരു പ്രത്യാശ തന്നിരി​ക്കു​ന്ന​തിൽ നന്ദിയു​ണ്ടെന്നു നമുക്ക്‌ എങ്ങനെ കാണി​ക്കാം? (ചിത്ര​വും കാണുക.)

¹⁷ നിങ്ങൾക്കു ചെയ്യാ​നാ​കു​ന്നത്‌. യഹോവ കരുതി​വെ​ച്ചി​രി​ക്കുന്ന മനോ​ഹ​ര​മായ ഭാവി​യെ​ക്കു​റിച്ച്‌ ചിന്തി​ക്കാൻ സമയ​മെ​ടു​ക്കുക. നിങ്ങൾ പറുദീ​സ​യിൽ ആയിരി​ക്കു​ന്ന​താ​യി ഭാവന​യിൽ കാണുക. അവിടെ ആസ്വദി​ക്കാ​നി​രി​ക്കുന്ന അനു​ഗ്ര​ഹ​ങ്ങ​ളെ​ക്കു​റിച്ച്‌ ചിന്തി​ക്കുക. അങ്ങനെ ചെയ്യു​മ്പോൾ ഇന്നു നേരി​ട്ടു​കൊ​ണ്ടി​രി​ക്കുന്ന ഏതൊരു പ്രശ്‌ന​വും “ക്ഷണിക​വും നിസ്സാ​ര​വും” ആണെന്നു നിങ്ങൾക്കു മനസ്സി​ലാ​കും. (2 കൊരി. 4:17) അതു​പോ​ലെ നമുക്കുള്ള മനോ​ഹ​ര​മായ ഭാവി​യെ​ക്കു​റിച്ച്‌ മറ്റുള്ള​വ​രോ​ടു പറയാ​നും നന്നായി ശ്രമി​ക്കുക. ഈ ഭാവി​പ്ര​ത്യാ​ശ​യെ​പ്പറ്റി ഒന്നും അറിയാ​തെ ഇന്നത്തെ പ്രശ്‌നങ്ങൾ നേരി​ടേ​ണ്ടി​വ​രുന്ന ആളുക​ളു​ടെ അവസ്ഥ എന്തായി​രി​ക്കു​മെന്നു ചിന്തി​ക്കുക. ദൈവ​രാ​ജ്യ​ത്തെ​ക്കു​റിച്ച്‌ നിങ്ങൾ ചെറു​താ​യൊ​ന്നു പറഞ്ഞ്‌ തുടങ്ങു​ന്ന​തു​പോ​ലും കൂടുതൽ അറിയാ​നുള്ള അവരുടെ താത്‌പ​ര്യം ഉണർത്തി​യേ​ക്കാം.

18. യഹോ​വ​യു​ടെ വാഗ്‌ദാ​നങ്ങൾ നമുക്കു വിശ്വ​സി​ക്കാ​നാ​കു​ന്നത്‌ എന്തു​കൊണ്ട്‌?

¹⁸ ഒരുപാ​ടു പരി​ശോ​ധ​നകൾ വിജയ​ക​ര​മാ​യി സഹിച്ചു​നി​ന്ന​ശേഷം ഇയ്യോബ്‌ യഹോ​വ​യെ​ക്കു​റിച്ച്‌ പറഞ്ഞു: “അങ്ങയ്‌ക്ക്‌ എല്ലാം ചെയ്യാൻ കഴിയു​മെ​ന്നും അങ്ങ്‌ ഉദ്ദേശി​ക്കു​ന്ന​തൊ​ന്നും നടക്കാ​തെ​പോ​കി​ല്ലെ​ന്നും എനിക്ക്‌ ഇപ്പോൾ മനസ്സി​ലാ​യി.” (ഇയ്യോ. 42:2) ഇയ്യോബ്‌ മനസ്സി​ലാ​ക്കി​യ​തു​പോ​ലെ യഹോ​വ​യു​ടെ ഉദ്ദേശ്യ​ത്തെ തടയാൻ ഒന്നിനും കഴിയില്ല. ഈ സത്യം തിരി​ച്ച​റി​യു​ന്നതു പ്രശ്‌നങ്ങൾ സഹിച്ചു​നിൽക്കാ​നുള്ള ഊർജം നമുക്കു തരും. ഇതു മനസ്സി​ലാ​ക്കാൻ ഒരു ദൃഷ്ടാന്തം നോക്കാം. പല ഡോക്ടർമാ​രെ കണ്ടിട്ടും രോഗം ഭേദമാ​കാ​തെ നിരാ​ശ​യിൽ കഴിയുന്ന ഒരു സ്‌ത്രീ​യെ​ക്കു​റിച്ച്‌ ചിന്തി​ക്കുക. അവർ ഇപ്പോൾ നല്ല അനുഭ​വ​പ​രി​ച​യ​മുള്ള ഒരു ഡോക്ടറെ കാണുന്നു. അദ്ദേഹം രോഗം എന്താ​ണെന്നു കണ്ടുപി​ടി​ക്കു​ക​യും അത്‌ എങ്ങനെ ചികി​ത്സിച്ച്‌ മാറ്റു​മെന്നു വിശദീ​ക​രി​ച്ചു​കൊ​ടു​ക്കു​ക​യും ചെയ്യുന്നു. ഇതു കേൾക്കു​മ്പോൾ രോഗം മാറി​യി​ട്ടി​ല്ലെ​ങ്കിൽപ്പോ​ലും ആ സ്‌ത്രീ​ക്കു വലിയ ആശ്വാസം തോന്നും. കാരണം സമയ​മെ​ടു​ത്താ​ണെ​ങ്കി​ലും തന്റെ രോഗം മാറും എന്നുള്ള ഉറപ്പ്‌ അവർക്ക്‌ ഇപ്പോ​ഴുണ്ട്‌. ഈ പ്രത്യാശ മുന്നോ​ട്ടു​പോ​കാൻ അവരെ സഹായി​ക്കും. അതു​പോ​ലെ പറുദീസ ഉറപ്പാ​യും വരുമെന്ന ബോധ്യം സഹിച്ചു​നിൽക്കാൻ നമ്മളെ​യും സഹായി​ക്കും.

19. സഹിച്ചു​നിൽക്കാൻ കഴിയ​ണ​മെ​ങ്കിൽ നമ്മൾ എന്തു ചെയ്യണം?

¹⁹ സഹിച്ചു​നിൽക്കാൻ നമ്മളെ സഹായി​ക്കു​ന്ന​തിന്‌ യഹോവ തന്നിരി​ക്കുന്ന നാലു കാര്യ​ങ്ങ​ളെ​ക്കു​റിച്ച്‌ നമ്മൾ കണ്ടു: പ്രാർഥന, ദൈവ​വ​ചനം, സഹോ​ദ​രങ്ങൾ, നമ്മുടെ പ്രത്യാശ. ഇതിൽനി​ന്നെ​ല്ലാം പൂർണ​പ്ര​യോ​ജനം നേടുക. അങ്ങനെ​യെ​ങ്കിൽ സാത്താന്റെ ലോകം അവസാ​നി​ക്കു​ന്ന​തു​വരെ, ഓരോ പ്രശ്‌ന​ങ്ങ​ളു​ടെ സമയത്തും യഹോവ നമ്മളെ താങ്ങി​നി​റു​ത്തും.—ഫിലി. 4:13.