യഹോ​വ​യ്‌ക്കു നിങ്ങ​ളോ​ടുള്ള സ്‌നേഹം അംഗീ​ക​രി​ക്കു​ക

1. നിങ്ങൾ യഹോ​വ​യ്‌ക്കു നിങ്ങ​ളെ​ത്തന്നെ സമർപ്പി​ച്ചത്‌ എന്തു​കൊണ്ട്‌? (ചിത്ര​വും കാണുക.)

യഹോ​വ​യ്‌ക്കു നിങ്ങ​ളെ​ത്തന്നെ സമർപ്പിച്ച ആ ദിവസം നിങ്ങൾ ഓർക്കു​ന്നു​ണ്ടോ? യഹോ​വ​യെ​ക്കു​റിച്ച്‌ അറിഞ്ഞ​പ്പോൾ നിങ്ങൾക്ക്‌ യഹോ​വ​യോ​ടു സ്‌നേഹം തോന്നി. അതു​കൊ​ണ്ടാണ്‌ നിങ്ങൾ അങ്ങനെ​യൊ​രു തീരു​മാ​ന​മെ​ടു​ത്തത്‌. ഇനിമു​തൽ യഹോ​വ​യു​ടെ ഇഷ്ടത്തിനു ജീവി​ത​ത്തിൽ പ്രാധാ​ന്യം കൊടു​ക്കു​മെ​ന്നും മുഴു​ഹൃ​ദ​യ​ത്തോ​ടും ദേഹി​യോ​ടും മനസ്സോ​ടും ശക്തി​യോ​ടും കൂടെ ദൈവത്തെ സ്‌നേ​ഹി​ക്കു​മെ​ന്നും നിങ്ങൾ അന്നു വാക്കു​കൊ​ടു​ത്തു. (മർക്കോ. 12:30) അന്നു​തൊട്ട്‌ യഹോ​വ​യോ​ടുള്ള നിങ്ങളു​ടെ സ്‌നേഹം വളർന്ന്‌ ശക്തമാ​യി​രി​ക്കു​ന്നു. അതു​കൊണ്ട്‌ “നിങ്ങൾ യഹോ​വയെ ശരിക്കും സ്‌നേ​ഹി​ക്കു​ന്നു​ണ്ടോ” എന്ന്‌ ആരെങ്കി​ലും ചോദി​ച്ചാൽ രണ്ടാമ​തൊ​ന്നു ചിന്തി​ക്കാ​തെ നിങ്ങൾ പറയും, “ആരെക്കാ​ളും, മറ്റെന്തി​നെ​ക്കാ​ളും എനിക്ക്‌ യഹോ​വയെ ഇഷ്ടമാണ്‌!”

2-3. (എ) നമുക്ക്‌ ഏതു കാര്യ​ത്തെ​ക്കു​റിച്ച്‌ ഉറപ്പു​ണ്ടാ​യി​രി​ക്കാൻ യഹോവ ആഗ്രഹി​ക്കു​ന്നു? (യിരെമ്യ 31:3) (ബി) ഈ ലേഖന​ത്തിൽ നമ്മൾ എന്തു പഠിക്കും?

² എന്നാൽ “യഹോവ നിങ്ങളെ സ്‌നേ​ഹി​ക്കു​ന്നു​ണ്ടെന്നു നിങ്ങൾക്കു ശരിക്കും ഉറപ്പു​ണ്ടോ” എന്ന്‌ ആരെങ്കി​ലും ചോദി​ച്ചാ​ലോ? ഉത്തരം പറയാൻ നിങ്ങൾ സംശയി​ക്കു​മോ? യഹോ​വ​യു​ടെ സ്‌നേഹം കിട്ടാൻ മാത്രം നല്ല ഒരാളല്ല ഞാൻ എന്നാണോ നിങ്ങൾ ചിന്തി​ക്കു​ന്നത്‌? കയ്‌പേ​റിയ ബാല്യ​കാ​ല​ത്തി​ലൂ​ടെ കടന്നു​പോയ ഒരു സഹോ​ദരി ഇങ്ങനെ​യാ​ണു പറയു​ന്നത്‌: “യഹോ​വയെ ഞാൻ സ്‌നേ​ഹി​ക്കു​ന്നുണ്ട്‌. അക്കാര്യ​ത്തിൽ എനി​ക്കൊ​രു സംശയ​വു​മില്ല. പക്ഷേ, യഹോവ എന്നെ സ്‌നേ​ഹി​ക്കു​ന്നു​ണ്ടോ എന്ന കാര്യ​ത്തിൽ എനിക്ക്‌ എപ്പോ​ഴും സംശയ​മാണ്‌.” എന്നാൽ ശരിക്കും യഹോ​വ​യ്‌ക്കു നിങ്ങ​ളെ​ക്കു​റിച്ച്‌ എന്താണു തോന്നു​ന്നത്‌?

³ യഹോവ നിങ്ങളെ സ്‌നേ​ഹി​ക്കു​ന്നു​ണ്ടെന്നു നിങ്ങൾക്ക്‌ ഉറപ്പു​ണ്ടാ​യി​രി​ക്കാൻ യഹോവ ആഗ്രഹി​ക്കു​ന്നു. (യിരെമ്യ 31:3 വായി​ക്കുക.) യഹോ​വ​യാ​ണു നിങ്ങളെ തന്നി​ലേക്ക്‌ ആകർഷി​ച്ചത്‌. നിങ്ങൾ സമർപ്പിച്ച്‌ സ്‌നാ​ന​മേ​റ്റ​പ്പോൾ യഹോവ വളരെ വിലപ്പെട്ട ഒരു സമ്മാനം, തന്റെ അചഞ്ചല​സ്‌നേഹം നിങ്ങൾക്കു തന്നു. ആ സ്‌നേഹം ആഴമു​ള്ള​തും എന്നും നിലനിൽക്കു​ന്ന​തും ആണ്‌. അങ്ങനെ​യൊ​രു സ്‌നേഹം ഉള്ളതു​കൊണ്ട്‌ തന്റെ വിശ്വ​സ്‌താ​രാ​ധ​കരെ “അമൂല്യ​മായ അവകാ​ശ​മാ​യി” യഹോവ കാണുന്നു. അതിൽ നിങ്ങളും ഉൾപ്പെ​ടും. (മലാ. 3:17, അടിക്കു​റിപ്പ്‌.) തന്റെ ആ സ്‌നേഹം പൗലോസ്‌ അപ്പോ​സ്‌ത​ല​നെ​പ്പോ​ലെ നിങ്ങളും മനസ്സി​ലാ​ക്കാൻ യഹോവ ആഗ്രഹി​ക്കു​ന്നു. പൗലോസ്‌ ഉറച്ച​ബോ​ധ്യ​ത്തോ​ടെ ഇങ്ങനെ എഴുതി: “മരണത്തി​നോ ജീവനോ ദൂതന്മാർക്കോ ഗവൺമെ​ന്റു​കൾക്കോ ഇപ്പോ​ഴു​ള്ള​തി​നോ വരാനു​ള്ള​തി​നോ അധികാ​ര​ങ്ങൾക്കോ ഉയരത്തി​നോ ആഴത്തി​നോ മറ്റ്‌ ഏതെങ്കി​ലും സൃഷ്ടി​ക്കോ . . . ദൈവ​സ്‌നേ​ഹ​ത്തിൽനിന്ന്‌ നമ്മളെ വേർപെ​ടു​ത്താൻ കഴിയില്ല. ഇക്കാര്യ​ത്തിൽ എനിക്കു പൂർണ​ബോ​ധ്യ​മുണ്ട്‌.” (റോമ. 8:38, 39) ഈ ലേഖന​ത്തിൽ, യഹോവ നമ്മളെ സ്‌നേ​ഹി​ക്കു​ന്നുണ്ട്‌ എന്ന വിശ്വാ​സം ശക്തമാ​ക്കേ​ണ്ടത്‌ എന്തു​കൊ​ണ്ടാ​ണെ​ന്നും അതു നമുക്ക്‌ എങ്ങനെ ചെയ്യാ​മെ​ന്നും നമ്മൾ കാണും.

യഹോ​വ​യു​ടെ സ്‌നേഹം അംഗീ​ക​രി​ക്കേ​ണ്ടത്‌ എന്തു​കൊണ്ട്‌?

4. നമ്മൾ ഏതു നുണ വിശ്വ​സി​ക്കാൻ സാത്താൻ ആഗ്രഹി​ക്കു​ന്നു, നമുക്ക്‌ അതി​നോട്‌ എങ്ങനെ എതിർത്തു​നിൽക്കാം?

⁴ യഹോ​വ​യു​ടെ സ്‌നേഹം അംഗീ​ക​രി​ക്കു​ന്നെ​ങ്കിൽ സാത്താന്റെ “കുടി​ല​ത​ന്ത്ര​ങ്ങ​ളോട്‌” എതിർത്തു​നിൽക്കാൻ നമുക്കാ​കും. (എഫെ. 6:11) നമ്മൾ യഹോ​വയെ സേവി​ക്കു​ന്നതു നിറു​ത്ത​ണ​മെ​ന്നാ​ണു സാത്താന്റെ ആഗ്രഹം. അതിനു​വേണ്ടി അവൻ എന്തും ചെയ്യും. സാത്താന്റെ കുടി​ല​ത​ന്ത്ര​ങ്ങ​ളിൽ ഒന്നാണ്‌ യഹോവ നമ്മളെ സ്‌നേ​ഹി​ക്കു​ന്നി​ല്ലെന്നു നമ്മളെ വിശ്വ​സി​പ്പി​ക്കാൻ ശ്രമി​ക്കു​ന്നത്‌. അവസരം മുത​ലെ​ടു​ക്കുന്ന ഒരാളാണ്‌ സാത്താ​നെന്നു നമുക്ക്‌ ഓർക്കാം. ഒരുപക്ഷേ മുൻകാല അനുഭ​വ​ങ്ങ​ളോ ഇപ്പോ​ഴത്തെ പ്രശ്‌ന​ങ്ങ​ളോ ഭാവി​യെ​ക്കു​റി​ച്ചുള്ള ഉത്‌ക​ണ്‌ഠ​ക​ളോ ഒക്കെ കാരണം നമ്മൾ തളർന്നി​രി​ക്കുന്ന ഒരു സമയത്താ​യി​രി​ക്കാം സാത്താൻ ആക്രമി​ക്കു​ന്നത്‌. (സുഭാ. 24:10) നിസ്സഹാ​യ​രായ ഇരകളെ പിടി​ക്കാൻ ശ്രമി​ക്കുന്ന ഒരു സിംഹ​ത്തെ​പ്പോ​ലെ സാത്താൻ, നമ്മൾ മാനസി​ക​മാ​യി തകർന്നു​പോ​കുന്ന ഒരു അവസര​ത്തി​നാ​യി നോക്കി​യി​രി​ക്കു​ക​യാണ്‌. ആ സമയത്ത്‌, യഹോവ നമ്മളെ സ്‌നേ​ഹി​ക്കു​ന്നില്ല എന്ന നുണ കൂടെ വിശ്വ​സി​പ്പിച്ച്‌ നമ്മളെ കൂടുതൽ തളർത്താൻ അവൻ ശ്രമി​ക്കും. എന്നാൽ യഹോവ ശരിക്കും നമ്മളെ സ്‌നേ​ഹി​ക്കു​ന്നുണ്ട്‌ എന്ന ബോധ്യം ശക്തമാ​ക്കു​ന്നെ​ങ്കിൽ കൗശല​ക്കാ​ര​നായ സാത്താ​നോ​ടും അവന്റെ തന്ത്രങ്ങ​ളോ​ടും ‘എതിർത്തു​നിൽക്കാൻ’ നമുക്കു കഴിയും.—1 പത്രോ. 5:8, 9; യാക്കോ. 4:7.

5. യഹോവ നമ്മളെ സ്‌നേ​ഹി​ക്കു​ന്നെ​ന്നും വില​പ്പെ​ട്ട​വ​രാ​യി കാണു​ന്നെ​ന്നും നമ്മൾ അംഗീ​ക​രി​ക്കേ​ണ്ടത്‌ എന്തു​കൊണ്ട്‌?

⁵ യഹോ​വ​യു​ടെ സ്‌നേഹം അംഗീ​ക​രി​ക്കു​മ്പോൾ നമുക്ക്‌ യഹോ​വ​യോ​ടു കൂടുതൽ അടുക്കാൻ കഴിയും. എന്തു​കൊ​ണ്ടാണ്‌ അങ്ങനെ പറയു​ന്നത്‌? യഹോവ നമ്മളെ സൃഷ്ടി​ച്ചതു സ്‌നേ​ഹി​ക്കാ​നും സ്‌നേ​ഹി​ക്ക​പ്പെ​ടാ​നും ഉള്ള ആഗ്രഹ​ത്തോ​ടെ​യാണ്‌. സ്‌നേഹം കിട്ടു​മ്പോ​ഴുള്ള നമ്മുടെ സ്വാഭാ​വിക ചായ്‌വ്‌ തിരിച്ച്‌ സ്‌നേ​ഹി​ക്കാ​നാണ്‌. അതു​കൊ​ണ്ടു​തന്നെ യഹോവ നമ്മളെ സ്‌നേ​ഹി​ക്കു​ന്നെ​ന്നും വില​പ്പെ​ട്ട​വ​രാ​യി കാണു​ന്നെ​ന്നും എത്രയ​ധി​കം നമുക്കു മനസ്സി​ലാ​കു​ന്നു​വോ അത്രയ​ധി​കം യഹോ​വയെ തിരിച്ച്‌ സ്‌നേ​ഹി​ക്കാൻ നമുക്കു തോന്നും. (1 യോഹ. 4:19) ദൈവ​ത്തോ​ടുള്ള നമ്മുടെ സ്‌നേഹം വളരു​മ്പോൾ ദൈവ​വും നമ്മളെ കൂടുതൽ സ്‌നേ​ഹി​ക്കും. അതെക്കു​റിച്ച്‌ ബൈബിൾ വ്യക്തമാ​യി ഇങ്ങനെ പറയുന്നു: “ദൈവ​ത്തോട്‌ അടുത്ത്‌ ചെല്ലുക; അപ്പോൾ ദൈവം നിങ്ങ​ളോട്‌ അടുത്ത്‌ വരും.” (യാക്കോ. 4:8) എങ്കിൽ, യഹോവ നമ്മളെ സ്‌നേ​ഹി​ക്കു​ന്നു​ണ്ടെന്ന ബോധ്യം നമുക്ക്‌ എങ്ങനെ ശക്തമാ​ക്കാ​നാ​കും?

യഹോ​വ​യു​ടെ സ്‌നേഹം അംഗീ​ക​രി​ക്കാൻ നമ്മളെ എന്തു സഹായി​ക്കും?

6. യഹോ​വ​യു​ടെ സ്‌നേഹം അംഗീ​ക​രി​ക്കാൻ ബുദ്ധി​മുട്ട്‌ തോന്നു​ന്നു​ണ്ടെ​ങ്കിൽ നിങ്ങൾക്ക്‌ എന്തു ചെയ്യാ​നാ​കും?

⁶ ഈയൊ​രു വിഷയം എടുത്തു​പ​റഞ്ഞ്‌ മടുത്തു​പോ​കാ​തെ പ്രാർഥി​ക്കുക. (ലൂക്കോ. 18:1; റോമ. 12:12) യഹോവ കാണു​ന്ന​തു​പോ​ലെ നിങ്ങളെ കാണാ​നുള്ള സഹായ​ത്തി​നാ​യി പ്രാർഥി​ക്കുക. ആവശ്യ​മെ​ങ്കിൽ ദിവസ​ത്തിൽ പല തവണ അങ്ങനെ ചെയ്യാ​നാ​കും. സ്വയം കുറ്റ​പ്പെ​ടു​ത്തുന്ന ഒരു ഹൃദയ​മാ​ണു നിങ്ങൾക്കു​ള്ള​തെ​ങ്കിൽ, യഹോ​വ​യു​ടെ സ്‌നേഹം അംഗീ​ക​രി​ക്കാൻ ബുദ്ധി​മുട്ട്‌ ആയിരു​ന്നേ​ക്കാം. പക്ഷേ യഹോവ നിങ്ങളു​ടെ ഹൃദയ​ത്തെ​ക്കാൾ വലിയ​വ​നാ​ണെന്ന്‌ ഓർക്കാം. (1 യോഹ. 3:19, 20) ആരെക്കാ​ളും നന്നായിട്ട്‌ യഹോ​വ​യ്‌ക്കു നിങ്ങളെ അറിയാം. നിങ്ങൾപോ​ലും കാണാത്ത നല്ല ഗുണങ്ങൾ യഹോവ നിങ്ങളിൽ കാണു​ന്നുണ്ട്‌! (1 ശമു. 16:7; 2 ദിന. 6:30) അതു​കൊണ്ട്‌ ഉള്ളിലു​ള്ള​തെ​ല്ലാം യഹോ​വ​യു​ടെ മുമ്പാകെ ‘പകരു​ക​യും’ യഹോ​വ​യു​ടെ സ്‌നേഹം മനസ്സി​ലാ​ക്കാൻ സഹായി​ക്കണേ എന്നു പ്രാർഥി​ക്കു​ക​യും ചെയ്യാ​നാ​കും. (സങ്കീ. 62:8) എന്നിട്ടു നമ്മൾ ഇനി തുടർന്ന്‌ പഠിക്കാൻപോ​കുന്ന കാര്യങ്ങൾ ചെയ്‌തു​കൊണ്ട്‌ ആ പ്രാർഥ​ന​യ്‌ക്കു ചേർച്ച​യിൽ പ്രവർത്തി​ക്കു​ക​യും വേണം.

7-8. സങ്കീർത്ത​നങ്ങൾ യഹോ​വ​യു​ടെ സ്‌നേ​ഹ​ത്തെ​ക്കു​റിച്ച്‌ നമുക്ക്‌ ഉറപ്പു തരുന്നത്‌ എങ്ങനെ?

⁷ യഹോവ പറയു​ന്നതു വിശ്വ​സി​ക്കുക. ബൈബി​ളെ​ഴു​ത്തു​കാർ യഹോ​വ​യെ​ക്കു​റിച്ച്‌ പറഞ്ഞി​രി​ക്കുന്ന കാര്യങ്ങൾ സത്യമാണ്‌. കാരണം യഹോ​വ​യാണ്‌ അത്‌ എഴുതാൻ അവരെ പ്രേരി​പ്പി​ച്ചത്‌. ഉദാഹ​ര​ണ​ത്തിന്‌, സങ്കീർത്ത​ന​ക്കാ​ര​നായ ദാവീദ്‌ യഹോ​വയെ വർണി​ച്ചി​രി​ക്കുന്ന ചില ഭാഗങ്ങൾ നമുക്കു നോക്കാം. ഒരു സങ്കീർത്ത​ന​ത്തിൽ ദാവീദ്‌ ഇങ്ങനെ എഴുതി: “യഹോവ ഹൃദയം തകർന്ന​വ​രു​ടെ അരികി​ലുണ്ട്‌; നിരു​ത്സാ​ഹി​തരെ ദൈവം രക്ഷിക്കു​ന്നു.” (സങ്കീ. 34:18, അടിക്കു​റിപ്പ്‌.) മനസ്സ്‌ തകർന്നി​രി​ക്കു​മ്പോൾ ഒറ്റയ്‌ക്കാ​യി​പ്പോ​യെന്നു നമു​ക്കെ​ല്ലാം തോന്നി​യേ​ക്കാം. പക്ഷേ, ആ സമയത്ത്‌ നമുക്ക്‌ യഹോ​വയെ എത്ര ആവശ്യ​മാ​ണെന്ന്‌ യഹോവ മനസ്സി​ലാ​ക്കു​ന്നു​ണ്ടെ​ന്നും നമ്മുടെ കൂടെ​യു​ണ്ടാ​കു​മെ​ന്നും യഹോവ ഉറപ്പു തന്നിരി​ക്കു​ന്നു. മറ്റൊരു സങ്കീർത്ത​ന​ത്തിൽ ദാവീദ്‌ ഇങ്ങനെ എഴുതി: “എന്റെ കണ്ണീർ അങ്ങയുടെ തോൽക്കു​ട​ത്തിൽ ശേഖരി​ക്കേ​ണമേ.” (സങ്കീ. 56:8) നമ്മൾ കഷ്ടപ്പെ​ടു​ന്നത്‌ യഹോവ കാണു​ന്നുണ്ട്‌. നമ്മുടെ വേദന യഹോ​വ​യ്‌ക്കു നന്നായി അറിയാം. മരുഭൂ​മി​യി​ലൂ​ടെ യാത്ര ചെയ്യുന്ന ഒരാൾക്കു തന്റെ തോൽക്കു​ട​ത്തി​ലെ ഓരോ തുള്ളി വെള്ളവും വളരെ വില​പ്പെ​ട്ട​താണ്‌. അതു​പോ​ലെ യഹോ​വ​യ്‌ക്കും നമ്മൾ പൊഴി​ക്കുന്ന ഓരോ തുള്ളി കണ്ണീരും വില​പ്പെ​ട്ട​താണ്‌. നമ്മൾ കരയു​മ്പോ​ഴെ​ല്ലാം യഹോവ അതു കാണു​ക​യും അതിനു പിന്നിലെ വേദന മനസ്സി​ലാ​ക്കു​ക​യും ചെയ്യുന്നു. ഇനി സങ്കീർത്തനം 139:3-ൽ നമ്മൾ ഇങ്ങനെ വായി​ക്കു​ന്നു: “എന്റെ എല്ലാ വഴിക​ളും അങ്ങയ്‌ക്കു (യഹോ​വ​യ്‌ക്ക്‌) സുപരി​ചി​ത​മാണ്‌.” നമ്മൾ ചെയ്യുന്ന എല്ലാം യഹോവ കാണു​ന്നുണ്ട്‌. എങ്കിലും യഹോവ ശ്രദ്ധ​വെ​ക്കു​ന്നതു നമ്മൾ ചെയ്യുന്ന നല്ല കാര്യ​ങ്ങ​ളാണ്‌. (എബ്രാ. 6:10) കാരണം, തന്നെ സന്തോ​ഷി​പ്പി​ക്കാ​നാ​യി നമ്മൾ ചെയ്യുന്ന ഓരോ ശ്രമവും യഹോ​വ​യ്‌ക്കു വില​പ്പെ​ട്ട​താണ്‌.a

⁸ ബൈബി​ളി​ലെ ഇത്തരം ആശ്വാസം തരുന്ന വാക്യ​ങ്ങ​ളി​ലൂ​ടെ യഹോവ ഒരു അർഥത്തിൽ നമ്മളോട്‌ ഇങ്ങനെ പറയു​ക​യാണ്‌: “ഞാൻ നിന്നെ എത്രമാ​ത്രം സ്‌നേ​ഹി​ക്കു​ന്നു​ണ്ടെ​ന്നും നിന്നെ​ക്കു​റിച്ച്‌ എത്ര​ത്തോ​ളം ചിന്തി​ക്കു​ന്നു​ണ്ടെ​ന്നും നീ മനസ്സി​ലാ​ക്കണം. അതാണ്‌ എന്റെ ആഗ്രഹം.” പക്ഷേ സാത്താന്റെ ആഗ്രഹം അതല്ലെന്നു നമ്മൾ കണ്ടു. യഹോവ നമ്മളെ സ്‌നേ​ഹി​ക്കു​ന്നില്ല എന്ന നുണ നമ്മളെ വിശ്വ​സി​പ്പി​ക്കാൻ സാത്താൻ ശ്രമി​ക്കു​ന്നു. അതു​കൊണ്ട്‌ യഹോ​വ​യു​ടെ സ്‌നേ​ഹ​ത്തെ​ക്കു​റിച്ച്‌ എപ്പോ​ഴെ​ങ്കി​ലും സംശയം തോന്നു​ന്നെ​ങ്കിൽ ഒരു നിമിഷം ചിന്തി​ക്കുക, “ഞാൻ ആരെയാണ്‌ വിശ്വ​സി​ക്കേ​ണ്ടത്‌—‘നുണയു​ടെ അപ്പനെ’ ആണോ അതോ ‘സത്യത്തി​ന്റെ ദൈവത്തെ’ ആണോ?”—യോഹ. 8:44; സങ്കീ. 31:5.

9. തന്നെ സ്‌നേ​ഹി​ക്കു​ന്ന​വർക്ക്‌ യഹോവ എന്ത്‌ ഉറപ്പാണു തരുന്നത്‌? (പുറപ്പാട്‌ 20:5, 6)

⁹ തന്നെ സ്‌നേ​ഹി​ക്കു​ന്ന​വരെ യഹോവ എങ്ങനെ​യാ​ണു കാണു​ന്നത്‌ എന്നതി​നെ​ക്കു​റിച്ച്‌ ചിന്തി​ക്കുക. മോശ​യോ​ടും ഇസ്രാ​യേ​ല്യ​രോ​ടും യഹോവ പറഞ്ഞ വാക്കുകൾ നോക്കാം. (പുറപ്പാട്‌ 20:5, 6 വായി​ക്കുക.) തന്നെ സ്‌നേ​ഹി​ക്കു​ന്ന​വ​രോട്‌ എന്നെന്നും അചഞ്ചല​സ്‌നേഹം കാണി​ക്കു​മെന്ന്‌ യഹോവ വാക്കു​ത​ന്നി​രി​ക്കു​ന്നു. യഹോവ വിശ്വ​സ്‌ത​നായ ദൈവ​മാ​ണെ​ന്നും തന്നെ സ്‌നേ​ഹി​ക്കു​ന്ന​വരെ യഹോവ ഒരിക്ക​ലും തിരിച്ച്‌ സ്‌നേ​ഹി​ക്കാ​തി​രി​ക്കി​ല്ലെ​ന്നും ആണ്‌ ആ വാക്കുകൾ കാണി​ക്കു​ന്നത്‌. (നെഹ. 1:5) അതു​കൊണ്ട്‌ യഹോവ നിങ്ങളെ സ്‌നേ​ഹി​ക്കു​ന്നു​ണ്ടെന്നു നിങ്ങൾക്ക്‌ ഉറപ്പു വേണ​മെന്നു തോന്നി​യാൽ ഇങ്ങനെ ചിന്തി​ച്ചാൽ മതി, ‘ഞാൻ യഹോ​വയെ സ്‌നേ​ഹി​ക്കു​ന്നു​ണ്ടോ?’ നിങ്ങൾ യഹോ​വയെ സ്‌നേ​ഹി​ക്കു​ക​യും യഹോ​വയെ സന്തോ​ഷി​പ്പി​ക്കാൻ പരമാ​വധി ശ്രമി​ക്കു​ക​യും ചെയ്യു​ന്നു​ണ്ടെ​ങ്കിൽ യഹോവ നിങ്ങളെ ആത്മാർഥ​മാ​യി സ്‌നേ​ഹി​ക്കു​ന്നുണ്ട്‌ എന്ന കാര്യ​ത്തിൽ ഒരു സംശയ​വും വേണ്ടാ. (ദാനി. 9:4; 1 കൊരി. 8:3) മറ്റു വാക്കു​ക​ളിൽ പറഞ്ഞാൽ, യഹോ​വ​യോ​ടുള്ള നിങ്ങളു​ടെ സ്‌നേ​ഹ​ത്തെ​ക്കു​റിച്ച്‌ നിങ്ങൾക്കു സംശയ​മി​ല്ലെ​ങ്കിൽ, പിന്നെ എന്തിനാ​ണു നിങ്ങൾ യഹോ​വ​യു​ടെ സ്‌നേ​ഹത്തെ സംശയി​ക്കു​ന്നത്‌? യഹോ​വ​യു​ടെ സ്‌നേ​ഹ​വും വിശ്വ​സ്‌ത​ത​യും പോലെ ഉറപ്പുള്ള മറ്റൊ​ന്നു​മി​ല്ലെന്ന്‌ ഓർക്കാം.

10-11. നിങ്ങൾ മോച​ന​വി​ലയെ എങ്ങനെ കാണാ​നാണ്‌ യഹോവ ആഗ്രഹി​ക്കു​ന്നത്‌? (ഗലാത്യർ 2:20)

¹⁰ മോച​ന​വി​ല​യെ​ക്കു​റിച്ച്‌ ധ്യാനി​ക്കുക. യേശു​ക്രി​സ്‌തു​വി​ന്റെ ബലിമ​രണം മുഴു മനുഷ്യർക്കും വേണ്ടി​യുള്ള യഹോ​വ​യു​ടെ സമ്മാന​മാണ്‌. (യോഹ. 3:16) എന്നാൽ അതു നിങ്ങൾക്കുള്ള വ്യക്തി​പ​ര​മായ ഒരു സമ്മാന​മാ​ണോ? അതെ. പൗലോസ്‌ അപ്പോ​സ്‌ത​ല​നെ​ക്കു​റിച്ച്‌ ചിന്തി​ക്കുക. മുമ്പ്‌ അദ്ദേഹം ഗുരു​ത​ര​മായ തെറ്റുകൾ ചെയ്‌തി​രു​ന്നു. ക്രിസ്‌ത്യാ​നി​യാ​യ​തി​നു ശേഷവും തന്റെ അപൂർണ​ത​ക​ളു​മാ​യി പൗലോ​സി​നു പോരാ​ടേ​ണ്ട​തു​ണ്ടാ​യി​രു​ന്നു. (റോമ. 7:24, 25; 1 തിമൊ. 1:12-14) എന്നിട്ടും, പൗലോസ്‌ മോച​ന​വി​ലയെ കണ്ടത്‌, യഹോവ തനിക്കു​വേണ്ടി തന്ന ഒരു സമ്മാന​മാ​യി​ട്ടാണ്‌. (ഗലാത്യർ 2:20 വായി​ക്കുക.) ആ വാക്കുകൾ എഴുതാൻ പൗലോ​സി​നെ പ്രേരി​പ്പി​ച്ചത്‌ യഹോ​വ​യാണ്‌. എന്തിനു​വേണ്ടി? നമ്മൾ അതിൽനിന്ന്‌ പഠിക്കാൻ. (റോമ. 15:4) നിങ്ങൾ മോച​ന​വി​ലയെ എങ്ങനെ കാണാ​നാണ്‌ യഹോവ പ്രതീ​ക്ഷി​ക്കു​ന്ന​തെന്ന്‌ പൗലോ​സി​ന്റെ വാക്കു​ക​ളിൽനിന്ന്‌ മനസ്സി​ലാ​ക്കാം. ഓരോ വ്യക്തി​യും അതിനെ തനിക്കു​വേ​ണ്ടി​യുള്ള ഒരു സമ്മാന​മാ​യി കാണാൻ യഹോവ ആഗ്രഹി​ക്കു​ന്നു. മോച​ന​വി​ലയെ ആ രീതി​യിൽ നമ്മൾ കാണു​മ്പോൾ, യഹോവ നിങ്ങളെ സ്‌നേ​ഹി​ക്കു​ന്നു എന്ന നിങ്ങളു​ടെ ബോധ്യം ശക്തമാ​കും.

¹¹ നമുക്കു​വേണ്ടി മരിക്കാൻ യഹോവ യേശു​വി​നെ ഭൂമി​യി​ലേക്ക്‌ അയച്ചു. എന്നാൽ യേശു വന്നതിനു മറ്റൊരു ഉദ്ദേശ്യം കൂടി​യു​ണ്ടാ​യി​രു​ന്നു. ദൈവ​ത്തെ​ക്കു​റി​ച്ചുള്ള സത്യം മറ്റുള്ള​വരെ പഠിപ്പി​ക്കുക എന്നതാ​യി​രു​ന്നു അത്‌. (യോഹ. 18:37) യേശു പഠിപ്പിച്ച കാര്യ​ങ്ങ​ളിൽ, യഹോവ തന്റെ മക്കളെ എത്ര​ത്തോ​ളം സ്‌നേ​ഹി​ക്കു​ന്നുണ്ട്‌ എന്നതും ഉൾപ്പെ​ട്ടി​രു​ന്നു.

യഹോ​വ​യു​ടെ സ്‌നേഹം അംഗീ​ക​രി​ക്കാൻ യേശു സഹായി​ക്കു​ന്നത്‌ എങ്ങനെ

12. യഹോ​വ​യെ​ക്കു​റിച്ച്‌ യേശു പറഞ്ഞി​ട്ടുള്ള കാര്യങ്ങൾ നമുക്ക്‌ വിശ്വ​സി​ക്കാ​നാ​കു​ന്നത്‌ എന്തു​കൊണ്ട്‌?

¹² ഭൂമി​യി​ലാ​യി​രു​ന്ന​പ്പോൾ, യഹോവ എങ്ങനെ​യു​ള്ളൊ​രു വ്യക്തി​യാ​ണെന്നു മറ്റുള്ള​വർക്കു പറഞ്ഞു​കൊ​ടു​ക്കാൻ യേശു​വി​നു സന്തോ​ഷ​മാ​യി​രു​ന്നു. (ലൂക്കോ. 10:22) യഹോ​വ​യെ​ക്കു​റിച്ച്‌ യേശു പറഞ്ഞ കാര്യങ്ങൾ നമുക്ക്‌ ഉറപ്പാ​യും വിശ്വ​സി​ക്കാൻ കഴിയും. കാരണം, ഭൂമി​യി​ലേക്കു വരുന്ന​തി​നു മുമ്പ്‌ യുഗങ്ങ​ളോ​ളം സ്വർഗ​ത്തിൽ യഹോ​വ​യോ​ടൊ​പ്പം ജീവി​ച്ചി​ട്ടുള്ള ആളായി​രു​ന്നു യേശു. (കൊലോ. 1:15) യഹോവ വിശ്വ​സ്‌ത​രായ തന്റെ മക്കളെ എത്രയ​ധി​കം സ്‌നേ​ഹി​ക്കു​ന്നു​ണ്ടെന്നു യേശു നേരിട്ട്‌ കാണു​ക​യും അനുഭ​വി​ച്ച​റി​യു​ക​യും ചെയ്‌തി​രു​ന്നു. യഹോ​വ​യു​ടെ ഈ സ്‌നേഹം തിരി​ച്ച​റി​യാൻ നമ്മളെ യേശു സഹായി​ച്ചി​രി​ക്കു​ന്നത്‌ എങ്ങനെ​യാണ്‌?

13. യഹോ​വയെ നമ്മൾ എങ്ങനെ കാണാ​നാണ്‌ യേശു ആഗ്രഹി​ക്കു​ന്നത്‌?

¹³ യേശു യഹോ​വയെ കണ്ടതു​പോ​ലെ നമ്മളും കാണാൻ യേശു ആഗ്രഹി​ക്കു​ന്നു. സുവി​ശേ​ഷ​ങ്ങ​ളിൽ 160-ലധികം തവണ യേശു യഹോ​വയെ “പിതാവ്‌” എന്നു വിളി​ച്ചി​രി​ക്കു​ന്നതു കാണാം. അതു​പോ​ലെ തന്റെ അനുഗാ​മി​ക​ളോ​ടു സംസാ​രി​ച്ച​പ്പോൾ ‘നിങ്ങളു​ടെ പിതാവ്‌’ “നിങ്ങളു​ടെ സ്വർഗീ​യ​പി​താവ്‌” എന്നീ പദപ്ര​യോ​ഗങ്ങൾ യേശു ഉപയോ​ഗി​ച്ചു. (മത്താ. 5:16; 6:26) മത്തായി 5:16-ന്റെ പഠനക്കു​റിപ്പ്‌ ഇങ്ങനെ പറയുന്നു: “മുൻകാ​ല​ദൈ​വ​ദാ​സ​ന്മാർ യഹോ​വയെ ‘സർവശക്തൻ,’ ‘അത്യു​ന്നതൻ,’ ‘മഹാ​സ്ര​ഷ്ടാവ്‌’ എന്നിങ്ങനെ ഉന്നതമായ അനേകം പദവി​നാ​മങ്ങൾ ഉപയോ​ഗിച്ച്‌ സംബോ​ധന ചെയ്‌തി​ട്ടുണ്ട്‌. എന്നാൽ യേശു മിക്ക​പ്പോ​ഴും ഉപയോ​ഗിച്ച വളരെ ലളിത​വും സാധാ​ര​ണവും ആയ ‘പിതാവ്‌’ എന്ന പദം, തന്റെ ആരാധ​ക​രു​മായി ദൈവ​ത്തി​നുള്ള അടുപ്പ​മാണ്‌ എടുത്തു​കാ​ണി​ക്കു​ന്നത്‌.” അതു​കൊണ്ട്‌ തന്റെ മക്കളെ വളരെ​യേറെ സ്‌നേ​ഹി​ക്കുന്ന ഒരു പിതാ​വാ​യി യഹോ​വയെ നമ്മൾ കാണാൻ യേശു ആഗ്രഹി​ക്കു​ന്നു എന്ന കാര്യം വ്യക്തമാണ്‌. നമുക്ക്‌ ഇപ്പോൾ യേശു യഹോ​വയെ “പിതാവ്‌” എന്നു വിളിച്ച രണ്ട്‌ സന്ദർഭങ്ങൾ നോക്കാം.

14. സ്വർഗീ​യ​പി​താ​വായ യഹോവ ഓരോ വ്യക്തി​യെ​യും വില​പ്പെ​ട്ട​താ​യി കാണു​ന്നെന്ന്‌ യേശു കാണി​ച്ചത്‌ എങ്ങനെ? (മത്തായി 10:29-31) (ചിത്ര​വും കാണുക.)

¹⁴ ആദ്യം, മത്തായി 10:29-31 വരെ (വായി​ക്കുക.) രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ ആ വാക്കുകൾ നോക്കാം. യഹോ​വയെ സ്‌നേ​ഹി​ക്കു​ക​യോ ആരാധി​ക്കു​ക​യോ ചെയ്യാത്ത ചെറിയ പക്ഷിക​ളാണ്‌ കുരു​വി​കൾ. എന്നിട്ടും യഹോവ അവയെ ഓരോ​ന്നി​നെ​യും വില​പ്പെ​ട്ട​താ​യി കാണുന്നു. ഓരോ കുരു​വി​യും നിലത്തു വീഴു​ന്നത്‌ എപ്പോ​ഴാ​ണെ​ന്നു​പോ​ലും യഹോ​വ​യ്‌ക്ക്‌ അറിയാം. അങ്ങനെ​യെ​ങ്കിൽ സ്‌നേ​ഹ​ത്താൽ പ്രേരി​ത​മാ​യി തന്നെ സേവി​ക്കുന്ന തന്റെ ഓരോ വിശ്വ​സ്‌താ​രാ​ധ​കർക്കും യഹോവ എത്രയ​ധി​കം മൂല്യം കൊടു​ക്കും! അവർക്കു​വേണ്ടി യഹോവ എന്തെല്ലാം ചെയ്യും! ഇനി 30-ാം വാക്യ​ത്തിൽ, “നിങ്ങളു​ടെ തലയിലെ ഓരോ മുടി​യി​ഴ​യും എണ്ണിത്തി​ട്ട​പ്പെ​ടു​ത്തി​യി​രി​ക്കു​ന്നു” എന്ന്‌ പറഞ്ഞി​രി​ക്കു​ന്നു. അതിന്റെ പഠനക്കു​റി​പ്പു പറയു​ന്നത്‌ ഇങ്ങനെ​യാണ്‌: “അത്ര സൂക്ഷ്‌മ​മായ വിശദാം​ശ​ങ്ങൾപോ​ലും യഹോ​വ​യ്‌ക്കു നന്നായി അറിയാം എന്നത്‌ ഒരു കാര്യ​ത്തിന്‌ ഉറപ്പേ​കു​ന്നു: ക്രിസ്‌തുവി​ന്റെ ഓരോ അനുഗാ​മി​യു​ടെ​യും കാര്യ​ത്തിൽ യഹോ​വ​യ്‌ക്ക്‌ ആഴമായ താത്‌പ​ര്യ​മുണ്ട്‌.” സ്വർഗീ​യ​പി​താ​വി​ന്റെ കണ്ണിൽ നമ്മൾ ഓരോ​രു​ത്ത​രും വില​പ്പെ​ട്ട​വ​രാ​ണെന്ന്‌ നമ്മൾ അംഗീ​ക​രി​ക്കാൻ യേശു ആഗ്രഹി​ക്കു​ന്നെ​ന്നാണ്‌ ഈ വിവരണം കാണി​ക്കു​ന്നത്‌.

15. യോഹ​ന്നാൻ 6:44-ലെ യേശു​വി​ന്റെ വാക്കുകൾ നിങ്ങളു​ടെ സ്വർഗീ​യ​പി​താ​വി​നെ​ക്കു​റിച്ച്‌ നിങ്ങളെ എന്താണു പഠിപ്പി​ക്കു​ന്നത്‌?

¹⁵ യേശു “പിതാവ്‌” എന്ന വാക്ക്‌ ഉപയോ​ഗിച്ച മറ്റൊരു സന്ദർഭം നോക്കാം. (യോഹ​ന്നാൻ 6:44 വായി​ക്കുക.) ഈ വാക്യ​ത്തിൽ കാണു​ന്ന​തു​പോ​ലെ നിങ്ങളു​ടെ സ്വർഗീ​യ​പി​താവ്‌ വ്യക്തി​പ​ര​മാ​യി നിങ്ങളെ സത്യത്തി​ലേക്ക്‌ ആകർഷി​ച്ചു. എന്തു​കൊണ്ട്‌? കാരണം, നിങ്ങളു​ടെ നല്ല ഹൃദയ​വും ശരിയായ മനോ​ഭാ​വ​വും യഹോവ കണ്ടു. (പ്രവൃ. 13:48) യോഹ​ന്നാൻ 6:44-ന്റെ പഠനക്കു​റിപ്പ്‌ ഇങ്ങനെ പറയുന്നു: ‘ഈ വാക്കുകൾ പറഞ്ഞ​പ്പോൾ യേശു​വി​ന്റെ മനസ്സി​ലു​ണ്ടാ​യി​രു​ന്നത്‌ യിരെമ്യ 31:3-ലെ വാക്കുകളാ​യി​രി​ക്കാം.’ ഈ ലേഖന​ത്തി​ന്റെ ആധാര​വാ​ക്യ​മാണ്‌ അതെന്നു നിങ്ങൾ ശ്രദ്ധി​ച്ചു​കാ​ണും. അവിടെ പറയുന്നു: “അതു​കൊ​ണ്ടാണ്‌, അചഞ്ചല​സ്‌നേ​ഹ​ത്തോ​ടെ ഞാൻ നിന്നെ എന്നി​ലേക്ക്‌ അടുപ്പി​ച്ചത്‌ (അഥവാ, ഞാൻ തുടർന്നും നിന്നോട്‌ അചഞ്ചല​സ്‌നേഹം കാണി​ച്ചത്‌).” (യിരെ. 31:3, അടിക്കു​റിപ്പ്‌; ഹോശേ. 11:4 താരത​മ്യം ചെയ്യുക.) നിങ്ങൾപോ​ലും തിരി​ച്ച​റി​യാത്ത നല്ല ഗുണങ്ങൾ സ്വർഗീ​യ​പി​താവ്‌ നിങ്ങളിൽ എപ്പോ​ഴും കാണുന്നു എന്നല്ലേ ആ വാക്കു​ക​ളു​ടെ അർഥം.

16. (എ) യേശു ഒരു അർഥത്തിൽ എന്തു പറയു​ക​യാണ്‌, നമ്മൾ യേശു​വി​നെ വിശ്വ​സി​ക്കേ​ണ്ടത്‌ എന്തു​കൊണ്ട്‌? (ബി) നമ്മൾ ആഗ്രഹി​ക്കു​ന്ന​തു​പോ​ലെ ഒരു പിതാ​വാണ്‌ യഹോവ എന്ന വിശ്വാ​സം നമുക്ക്‌ എങ്ങനെ ശക്തമാ​ക്കാം? (“അത്തര​മൊ​രു പിതാ​വി​നെ​യാണ്‌ നമുക്ക്‌ ആവശ്യം” എന്ന ചതുരം കാണുക.)

¹⁶ യഹോ​വയെ നമ്മുടെ പിതാവ്‌ എന്നു വിളി​ച്ച​തി​ലൂ​ടെ യേശു ഒരു അർഥത്തിൽ നമ്മളോട്‌ ഇങ്ങനെ പറയു​ക​യാണ്‌: “യഹോവ എന്റെ മാത്രം പിതാവ്‌ അല്ല, നിങ്ങളു​ടെ​യും പിതാ​വാണ്‌. ദൈവം നിങ്ങളെ ഓരോ​രു​ത്ത​രെ​യും സ്‌നേ​ഹി​ക്കു​ന്നു​ണ്ടെ​ന്നും ഓരോ​രു​ത്ത​രെ​ക്കു​റി​ച്ചും ചിന്തി​ക്കു​ന്നു​ണ്ടെ​ന്നും ഞാൻ ഉറപ്പു​ത​രു​ന്നു.” അതു​കൊണ്ട്‌ നിങ്ങ​ളോ​ടുള്ള യഹോ​വ​യു​ടെ സ്‌നേ​ഹ​ത്തെ​ക്കു​റിച്ച്‌ സംശയം തോന്നു​മ്പോൾ ഇങ്ങനെ​യൊ​ന്നു ചിന്തി​ക്കുക, ‘എപ്പോ​ഴും സത്യം മാത്രം സംസാ​രി​ക്കുന്ന, പിതാ​വി​നെ ഏറ്റവും നന്നായി അറിയാ​വുന്ന മകന്റെ വാക്കുകൾ ഞാൻ വിശ്വ​സി​ക്കേ​ണ്ട​തല്ലേ?’—1 പത്രോ. 2:22.

നിങ്ങളു​ടെ ബോധ്യം ശക്തമാ​ക്കി​ക്കൊ​ണ്ടി​രി​ക്കുക

17. യഹോവ നമ്മളെ സ്‌നേ​ഹി​ക്കു​ന്നു എന്ന ബോധ്യം നമ്മൾ ശക്തമാ​ക്കി​ക്കൊ​ണ്ടി​രി​ക്കേ​ണ്ടത്‌ എന്തു​കൊണ്ട്‌?

¹⁷ യഹോവ നമ്മളെ സ്‌നേ​ഹി​ക്കു​ന്നെന്ന ബോധ്യം നമ്മൾ ശക്തമാ​ക്കി​ക്കൊ​ണ്ടി​രി​ക്കണം. കാരണം, മുമ്പു പഠിച്ച​തു​പോ​ലെ യഹോവ നമ്മളെ സ്‌നേ​ഹി​ക്കു​ന്നില്ല എന്ന നുണ നമ്മളെ വിശ്വ​സി​പ്പി​ക്കാൻ തന്ത്രശാ​ലി​യായ സാത്താൻ ശ്രമി​ച്ചു​കൊ​ണ്ടേ​യി​രി​ക്കും. നമ്മൾ യഹോ​വയെ സേവി​ക്കു​ന്നതു നിറു​ത്തി​ക്കാ​ണാൻ അവൻ ആഗ്രഹി​ക്കു​ന്നു. അവൻ അതിനു​വേണ്ടി എന്തും ചെയ്യും. പക്ഷേ, സാത്താനെ വിജയി​ക്കാൻ നമ്മൾ ഒരിക്ക​ലും അനുവ​ദി​ക്ക​രുത്‌.—ഇയ്യോ. 27:5.

18. യഹോവ നിങ്ങളെ സ്‌നേ​ഹി​ക്കു​ന്നു​ണ്ടെന്ന ബോധ്യം ശക്തമാ​ക്കാൻ എന്തു ചെയ്യാം?

¹⁸ യഹോവ നിങ്ങളെ സ്‌നേ​ഹി​ക്കു​ന്നു​ണ്ടെന്ന ബോധ്യം ശക്തമാ​ക്കാൻ എങ്ങനെ കഴിയും? യഹോവ നിങ്ങളെ കാണു​ന്ന​തു​പോ​ലെ കാണാൻ സഹായി​ക്കണേ എന്ന്‌ പ്രാർഥി​ച്ചു​കൊ​ണ്ടി​രി​ക്കുക. യഹോ​വ​യു​ടെ ആർദ്ര​സ്‌നേ​ഹ​ത്തെ​ക്കു​റിച്ച്‌ ദൈവ​പ്ര​ചോ​ദി​ത​മാ​യി ബൈബി​ളെ​ഴു​ത്തു​കാർ വർണിച്ച കാര്യ​ങ്ങ​ളെ​ക്കു​റിച്ച്‌ ചിന്തി​ക്കുക. തന്നെ സ്‌നേ​ഹി​ക്കു​ന്ന​വരെ യഹോവ എപ്പോ​ഴും തിരിച്ച്‌ സ്‌നേ​ഹി​ക്കും എന്ന കാര്യം ഓർക്കുക. മോച​ന​വി​ലയെ യഹോവ നിങ്ങൾക്കു വ്യക്തി​പ​ര​മാ​യി തന്ന ഒരു സമ്മാന​മാ​യി കാണുക. അതു​പോ​ലെ യഹോവ നിങ്ങളു​ടെ സ്വർഗീ​യ​പി​താവ്‌ ആണെന്ന്‌ യേശു തന്ന ഉറപ്പു വിശ്വ​സി​ക്കുക. എങ്കിൽ, “യഹോവ നിങ്ങളെ സ്‌നേ​ഹി​ക്കു​ന്നു​ണ്ടെന്ന്‌ ഉറപ്പു​ണ്ടോ” എന്ന്‌ ആരെങ്കി​ലും ചോദി​ച്ചാൽ ഉറച്ച ബോധ്യ​ത്തോ​ടെ നിങ്ങൾ പറയും: “ഉണ്ട്‌. യഹോവ എന്നെ സ്‌നേ​ഹി​ക്കു​ന്നുണ്ട്‌. യഹോ​വ​യോ​ടുള്ള എന്റെ സ്‌നേഹം തെളി​യി​ക്കാൻ ഞാൻ എല്ലാ ദിവസ​വും പരമാ​വധി ശ്രമി​ക്കു​ക​യും ചെയ്യും!”