ദൈവ​ത്തി​ന്റെ സ്‌നേഹം എന്നും നിലനിൽക്കും

1-2. ഇന്ന്‌ പല ക്രിസ്‌ത്യാ​നി​ക​ളും നേരി​ടുന്ന ഒരു പ്രശ്‌നം എന്താണ്‌?

കടലിലെ കൊടു​ങ്കാ​റ്റിൽപ്പെ​ട്ടി​രി​ക്കുന്ന ഒരു ബോട്ടി​നെ​ക്കു​റിച്ച്‌ ചിന്തി​ക്കുക. ഭീമൻ തിരമാ​ല​ക​ളിൽ അത്‌ ആടിയു​ല​യു​ക​യാണ്‌. ഏതു ദിശയിൽ തിരമാല അടിക്കു​ന്നു​വോ അങ്ങോട്ട്‌ അതു പോകും. എന്നാൽ ഒരു നങ്കൂരം തിരമാ​ല​ക​ളിൽപ്പെ​ട്ടു​പോ​കാ​തെ ആ ബോട്ടി​നെ പിടി​ച്ചു​നി​റു​ത്തും.

² കൊടു​ങ്കാ​റ്റു​പോ​ലുള്ള പ്രശ്‌നങ്ങൾ ജീവി​ത​ത്തിൽ ഉണ്ടാകു​മ്പോൾ നിങ്ങൾ ഈ ബോട്ടു​പോ​ലെ​യാ​ണെന്നു നിങ്ങൾക്ക്‌ തോന്നി​യേ​ക്കാം. നിങ്ങളു​ടെ വികാ​രങ്ങൾ ആടിയു​ല​യും. യഹോവ സ്‌നേ​ഹി​ക്കു​ക​യും പിന്തു​ണ​യ്‌ക്കു​ക​യും ചെയ്യു​ന്നു​ണ്ടെന്ന്‌ ഒരു ദിവസം നിങ്ങൾക്ക്‌ ഉറപ്പാ​യി​രി​ക്കും. എന്നാൽ അടുത്ത ദിവസം, നിങ്ങൾ കടന്നു​പോ​കുന്ന സാഹച​ര്യം യഹോവ കാണു​ന്നു​ണ്ടോ എന്നു​പോ​ലും നിങ്ങൾ സംശയി​ച്ചേ​ക്കാം. (സങ്കീ. 10:1; 13:1) ആ സമയത്താ​യി​രി​ക്കും ഒരു സുഹൃത്ത്‌ പ്രോ​ത്സാ​ഹി​പ്പി​ക്കുന്ന വാക്കുകൾ പറയു​ന്നത്‌. അപ്പോൾ നിങ്ങൾക്ക്‌ കുറച്ച്‌ സമയ​ത്തേക്ക്‌ ആശ്വാ​സ​മൊ​ക്കെ തോന്നും. (സുഭാ. 17:17; 25:11) എന്നാൽ സംശയങ്ങൾ വീണ്ടും തിരി​ച്ചു​വ​ന്നേ​ക്കാം. യഹോവ നിങ്ങളെ കൈവി​ട്ടോ എന്നു​പോ​ലും നിങ്ങൾ ചിന്തി​ക്കാൻ തുടങ്ങി​യേ​ക്കാം. ഇങ്ങനെ ഒരു സാഹച​ര്യ​ത്തിൽ നങ്കൂര​മി​ടാൻ എങ്ങനെ കഴിയും? മറ്റു വാക്കു​ക​ളിൽ പറഞ്ഞാൽ യഹോ​വ​യു​ടെ സ്‌നേ​ഹ​വും പിന്തു​ണ​യും സംബന്ധിച്ച്‌ എപ്പോ​ഴും ഉറപ്പു​ണ്ടാ​യി​രി​ക്കാൻ നിങ്ങളെ എന്തു സഹായി​ക്കും?

3. (എ) സങ്കീർത്തനം 31:7-ലും 136:1-ലും പറഞ്ഞി​രി​ക്കുന്ന ‘അചഞ്ചല​സ്‌നേഹം’ എന്ന വാക്കിന്റെ അർഥം എന്താണ്‌? (ബി) യഹോ​വ​യാണ്‌ അതിന്റെ ഏറ്റവും ഉന്നതമായ മാതൃ​ക​യെന്ന്‌ നമുക്ക്‌ പറയാ​നാ​കു​ന്നത്‌ എന്തു​കൊണ്ട്‌? (ചിത്ര​വും കാണുക.)

³ പ്രശ്‌ന​ങ്ങ​ളു​ടെ സമയത്ത്‌ നങ്കൂര​മി​ടാൻ സഹായി​ക്കുന്ന ഒരു കാര്യം യഹോ​വ​യു​ടെ അചഞ്ചല​സ്‌നേ​ഹ​ത്തെ​ക്കു​റിച്ച്‌ ഓർക്കു​ന്ന​താണ്‌. (സങ്കീർത്തനം 31:7; 136:1 വായി​ക്കുക.) “അചഞ്ചല​സ്‌നേഹം” എന്ന വാക്ക്‌ ഒരാൾക്ക്‌ മറ്റൊ​രാ​ളോ​ടുള്ള ആഴമായ, നിലനിൽക്കുന്ന സ്‌നേ​ഹ​ബ​ന്ധ​ത്തെ​യാണ്‌ അർഥമാ​ക്കു​ന്നത്‌. അതിന്റെ ഏറ്റവും ഉന്നതമായ മാതൃ​ക​യാണ്‌ യഹോവ. ശരിക്കും ബൈബിൾ യഹോ​വയെ ‘അചഞ്ചല​സ്‌നേഹം നിറഞ്ഞവൻ’ എന്നാണ്‌ വിളി​ച്ചി​രി​ക്കു​ന്നത്‌. (പുറ. 34:6, 7) അതു​പോ​ലെ “സമൃദ്ധ​മാ​യി അചഞ്ചല​സ്‌നേഹം കാണി​ക്കു​ന്നവൻ” എന്നും യഹോ​വ​യെ​ക്കു​റിച്ച്‌ ബൈബിൾ പറയുന്നു. (സങ്കീ. 86:5) ഇതിന്റെ അർഥം എന്താ​ണെന്ന്‌ ചിന്തി​ക്കുക. തന്റെ വിശ്വ​സ്‌ത​ദാ​സരെ യഹോവ ഒരിക്ക​ലും ഉപേക്ഷി​ക്കില്ല. യഹോവ വിശ്വ​സ്‌ത​നാണ്‌ എന്ന്‌ ഓർക്കു​ന്നത്‌ പ്രശ്‌ന​ങ്ങ​ളു​ടെ സമയത്ത്‌ ഒരു നങ്കൂരം ഇട്ടതു​പോ​ലെ ഉറച്ചു​നിൽക്കാൻ നിങ്ങളെ സഹായി​ക്കും.—സങ്കീ. 23:4.

യഹോ​വ​യു​ടെ സ്‌നേഹം ഒരു അടിസ്ഥാന ബൈബിൾപ​ഠി​പ്പി​ക്ക​ലാ​ണെന്ന്‌ ഓർക്കുക

4. ചില അടിസ്ഥാന ബൈബിൾപ​ഠി​പ്പി​ക്ക​ലു​കൾ ഏതൊ​ക്കെ​യാണ്‌, എന്തു​കൊ​ണ്ടാണ്‌ നമ്മൾ അവ ഉറച്ച്‌ വിശ്വ​സി​ക്കു​ന്നത്‌?

⁴ പ്രശ്‌ന​ങ്ങ​ളു​ടെ സമയത്ത്‌ നങ്കൂര​മി​ടാൻ സഹായി​ക്കുന്ന മറ്റൊരു കാര്യം യഹോ​വ​യു​ടെ സ്‌നേഹം ഒരു അടിസ്ഥാന ബൈബിൾപ​ഠി​പ്പി​ക്ക​ലാ​ണെന്ന്‌ ഓർക്കു​ന്ന​താണ്‌. “അടിസ്ഥാന ബൈബിൾപ​ഠി​പ്പി​ക്ക​ലു​കൾ” എന്നു പറയു​മ്പോൾ എന്താണ്‌ നിങ്ങളു​ടെ മനസ്സി​ലേ​ക്കു​വ​രു​ന്നത്‌? ഒരുപക്ഷേ ദൈവ​വ​ചനം പഠിച്ച​പ്പോൾ മനസ്സി​ലാ​ക്കിയ അടിസ്ഥാന സത്യങ്ങ​ളെ​ക്കു​റി​ച്ചാ​യി​രി​ക്കും നിങ്ങൾ ചിന്തി​ക്കു​ന്നത്‌. ഉദാഹ​ര​ണ​ത്തിന്‌ ദൈവ​ത്തി​ന്റെ പേര്‌ യഹോവ എന്നാണ്‌, യേശു ദൈവ​ത്തി​ന്റെ ഏകജാ​ത​നായ മകനാണ്‌, മരിച്ചവർ ഒന്നും അറിയു​ന്നില്ല, ഭൂമി ഒരു പറുദീ​സ​യാ​യി​ത്തീ​രും, മനുഷ്യർ അവിടെ എന്നേക്കും ജീവി​ക്കും എന്നതു​പോ​ലുള്ള സത്യങ്ങൾ. (സങ്കീ. 83:18; സഭാ. 9:5; യോഹ. 3:16; വെളി. 21:3, 4) ഈ കാര്യങ്ങൾ ബോധ്യം വന്നപ്പോൾ ഒട്ടും സംശയി​ക്കാ​തെ നിങ്ങൾ അവ ഉറച്ച്‌ വിശ്വ​സി​ച്ചു. എന്തു​കൊണ്ട്‌? കാരണം ഇതെല്ലാം വസ്‌തു​ത​കളെ അടിസ്ഥാ​ന​മാ​ക്കി​യു​ള്ള​വ​യാണ്‌ എന്നു നിങ്ങൾ മനസ്സി​ലാ​ക്കി. അങ്ങനെ​യെ​ങ്കിൽ യഹോ​വ​യു​ടെ സ്‌നേഹം ഒരു അടിസ്ഥാന ബൈബിൾപ​ഠി​പ്പി​ക്ക​ലാ​ണെന്ന്‌ ഓർക്കു​ന്നത്‌ നിങ്ങൾ കടന്നു​പോ​കുന്ന ബുദ്ധി​മു​ട്ടു​കൾ യഹോവ കാണു​ന്നി​ല്ലെ​ന്നോ അതെക്കു​റിച്ച്‌ ചിന്തി​ക്കു​ന്നി​ല്ലെ​ന്നോ ഉള്ള സംശയ​ങ്ങളെ മറിക​ട​ക്കാൻ എങ്ങനെ സഹായി​ക്കു​മെന്ന്‌ നോക്കാം.

5. ഒരാൾക്ക്‌ തെറ്റായ പഠിപ്പി​ക്ക​ലു​കളെ തള്ളിക്ക​ള​യാൻ കഴിയു​ന്നത്‌ എങ്ങനെ​യെന്ന്‌ വിശദീ​ക​രി​ക്കുക.

⁵ ബൈബിൾ പഠിച്ചു​തു​ട​ങ്ങി​യ​പ്പോൾ തെറ്റായ പഠിപ്പി​ക്ക​ലു​കൾ തള്ളിക്ക​ള​യാൻ നിങ്ങളെ എന്താണ്‌ സഹായി​ച്ചത്‌? നിങ്ങളു​ടെ മതം പഠിപ്പിച്ച കാര്യ​ങ്ങ​ളും തിരു​വെ​ഴു​ത്തു​ക​ളി​ലെ സത്യങ്ങ​ളും തമ്മിൽ താരത​മ്യം ചെയ്‌തത്‌ ആയിരി​ക്കും നിങ്ങളെ സഹായി​ച്ചത്‌. ഒരു ഉദാഹ​രണം നോക്കാം. യേശു​വാണ്‌ സർവശ​ക്ത​നായ ദൈവം എന്നു നിങ്ങൾ ഒരിക്കൽ വിശ്വ​സി​ച്ചി​രു​ന്നി​രി​ക്കാം. എന്നാൽ ബൈബിൾ പഠിച്ചു​തു​ട​ങ്ങി​യ​പ്പോൾ ‘ആ പഠിപ്പി​ക്കൽ ശരിക്കും സത്യമാ​ണോ’ എന്നു നിങ്ങൾ സ്വയം ചോദി​ച്ചു. തിരു​വെ​ഴു​ത്തു​കൾ പരി​ശോ​ധി​ച്ച​പ്പോൾ അത്‌ സത്യമല്ല എന്നു നിങ്ങൾ മനസ്സി​ലാ​ക്കി. അപ്പോൾ ആ തെറ്റായ പഠിപ്പി​ക്കൽ തള്ളിക്ക​ള​ഞ്ഞിട്ട്‌, യേശു “എല്ലാ സൃഷ്ടി​ക​ളി​ലും​വെച്ച്‌ ആദ്യം ജനിച്ച​വ​നും” ‘ദൈവ​ത്തി​ന്റെ ഏകജാ​ത​നും’ ആണെന്ന തിരു​വെ​ഴു​ത്തു​സ​ത്യം നിങ്ങൾ വിശ്വ​സി​ച്ചു. (കൊലോ. 1:15; യോഹ. 3:18) തെറ്റായ പഠിപ്പി​ക്ക​ലു​കൾ ‘കോട്ട​കൾപോ​ലെ’ ശക്തമാണ്‌; അത്‌ തകർത്തു​ക​ള​യാൻ ഒട്ടും എളുപ്പ​വു​മല്ല. (2 കൊരി. 10:4, 5) എന്നാൽ ഒരിക്കൽ നിങ്ങൾ അത്‌ തകർത്തു​ക​ളഞ്ഞു. പിന്നീട്‌ നിങ്ങൾ അതി​ലേക്ക്‌ തിരി​ച്ചു​പോ​യി​ട്ടില്ല.—ഫിലി. 3:13.

6. യഹോ​വ​യു​ടെ “അചഞ്ചല​സ്‌നേഹം എന്നും നിലനിൽക്കു​ന്നത്‌” ആണെന്ന്‌ നിങ്ങൾക്ക്‌ ഉറപ്പു​ണ്ടാ​യി​രി​ക്കാ​നാ​കു​ന്നത്‌ എന്തു​കൊണ്ട്‌?

⁶ യഹോ​വ​യു​ടെ സ്‌നേ​ഹ​ത്തെ​ക്കു​റിച്ച്‌ ബൈബിൾ പറയു​ന്ന​തി​ന്റെ കാര്യ​ത്തി​ലും നിങ്ങൾക്ക്‌ ഇതുതന്നെ ചെയ്യാ​നാ​കും. ഒരു പ്രശ്‌നം നേരി​ടു​മ്പോൾ യഹോവ നിങ്ങളെ സ്‌നേ​ഹി​ക്കു​ന്നു​ണ്ടോ എന്ന്‌ സംശയം തോന്നു​ന്നെ​ങ്കിൽ നിങ്ങ​ളോ​ടു​തന്നെ ചോദി​ക്കുക: ‘എന്റെ ഈ ചിന്ത ശരിയാ​ണോ?’ എന്നിട്ട്‌ യഹോ​വ​യു​ടെ സ്‌നേ​ഹ​ത്തെ​ക്കു​റിച്ച്‌ നിങ്ങൾക്കുള്ള സംശയ​ങ്ങളെ ഈ ലേഖന​ത്തി​ന്റെ ആധാര​വാ​ക്യ​മായ സങ്കീർത്തനം 136:1-മായി താരത​മ്യം ചെയ്യുക. അവിടെ എന്തു​കൊ​ണ്ടാണ്‌ യഹോവ തന്റെ സ്‌നേ​ഹത്തെ “അചഞ്ചല​സ്‌നേഹം” എന്ന്‌ വിളി​ക്കാൻ സങ്കീർത്ത​ന​ക്കാ​രനെ പ്രചോ​ദി​പ്പി​ച്ചത്‌? എന്തു​കൊ​ണ്ടാണ്‌ ആ സങ്കീർത്ത​ന​ത്തിൽ “ദൈവ​ത്തി​ന്റെ അചഞ്ചല​സ്‌നേഹം എന്നും നിലനിൽക്കു​ന്നത്‌” എന്ന ആശയം 26 തവണ ആവർത്തി​ച്ചി​രി​ക്കു​ന്നത്‌? മുമ്പു കണ്ടതു​പോ​ലെ, തന്റെ ജനത്തോ​ടുള്ള യഹോ​വ​യു​ടെ അചഞ്ചല​സ്‌നേഹം ബൈബി​ളി​ന്റെ ഒരു അടിസ്ഥാന പഠിപ്പി​ക്ക​ലാണ്‌. നിങ്ങൾക്ക്‌ അംഗീ​ക​രി​ക്കാൻ എളുപ്പ​മാ​യി​രുന്ന മറ്റു ബൈബിൾസ​ത്യ​ങ്ങൾ പോ​ലെ​ത​ന്നെ​യാണ്‌ ഇതും. ദൈവം നിങ്ങൾക്ക്‌ യാതൊ​രു വിലയും നൽകു​ന്നില്ല, നിങ്ങളെ സ്‌നേ​ഹി​ക്കു​ന്നില്ല തുടങ്ങിയ ചിന്തകൾ വെറും നുണക​ളാണ്‌. മറ്റേ​തൊ​രു തെറ്റായ പഠിപ്പി​ക്ക​ലു​ക​ളെ​യും തള്ളിക്ക​ള​യു​ന്ന​തു​പോ​ലെ ഇതി​നെ​യും പൂർണ​മാ​യി തള്ളിക്ക​ള​യുക.

7. യഹോ​വ​യു​ടെ സ്‌നേ​ഹ​ത്തെ​ക്കു​റിച്ച്‌ ഉറപ്പു നൽകുന്ന ചില വാക്യങ്ങൾ ഏതൊ​ക്കെ​യാണ്‌?

⁷ യഹോവ നമ്മളെ സ്‌നേ​ഹി​ക്കു​ന്നു എന്നതിന്റെ തെളി​വു​കൾ ബൈബി​ളിൽ ഇനിയും കാണാം. ഉദാഹ​ര​ണ​ത്തിന്‌, യേശു തന്റെ ശിഷ്യ​ന്മാ​രോ​ടു പറഞ്ഞു: “അനേകം കുരു​വി​ക​ളെ​ക്കാൾ എത്രയോ വിലയു​ള്ള​വ​രാ​ണു നിങ്ങൾ!” (മത്താ. 10:31) അതു​പോ​ലെ യഹോവ തന്നെക്കു​റിച്ച്‌ തന്റെ ജനത്തോ​ടു പറഞ്ഞു: “ഞാൻ നിന്നെ ശക്തീക​രി​ക്കും, നിന്നെ സഹായി​ക്കും, എന്റെ നീതി​യുള്ള വല​ങ്കൈ​കൊണ്ട്‌ ഞാൻ നിന്നെ മുറുകെ പിടി​ക്കും.” (യശ. 41:10) എത്ര ഉറപ്പോ​ടെ​യുള്ള വാക്കു​ക​ളാണ്‌ അവ. ‘നിങ്ങൾ വിലയു​ള്ള​വ​രാ​യി​രി​ക്കാം’ എന്നല്ല യേശു പറഞ്ഞത്‌. അതു​പോ​ലെ യഹോവ പറഞ്ഞത്‌ ‘ഞാൻ നിന്നെ സഹായി​ച്ചേ​ക്കാം’ എന്നുമല്ല. പകരം അവർ പറഞ്ഞത്‌ “വിലയു​ള്ള​വ​രാ​ണു നിങ്ങൾ” എന്നും “ഞാൻ നിന്നെ സഹായി​ക്കും” എന്നും ആണ്‌. പ്രശ്‌നങ്ങൾ നേരി​ടു​മ്പോൾ ഇത്തരം വാക്യ​ങ്ങ​ളെ​ക്കു​റിച്ച്‌ ചിന്തി​ക്കു​ന്നത്‌ നിങ്ങൾക്കു പ്രയോ​ജനം ചെയ്യും. യഹോവ നിങ്ങളെ സ്‌നേ​ഹി​ക്കു​ന്നുണ്ട്‌ എന്ന വെറു​മൊ​രു തോന്ന​ലിന്‌ അപ്പുറം അതെക്കു​റിച്ച്‌ ഉറച്ച ബോധ്യം ഉണ്ടായി​രി​ക്കാൻ അവ സഹായി​ക്കും. കാരണം ഈ തിരു​വെ​ഴു​ത്തു​കൾ വസ്‌തു​ത​ക​ളാണ്‌ അവതരി​പ്പി​ക്കു​ന്നത്‌. ഈ വാക്യ​ങ്ങ​ളെ​ക്കു​റിച്ച്‌ പ്രാർഥ​നാ​പൂർവം ചിന്തി​ക്കു​ന്നത്‌ 1 യോഹ​ന്നാൻ 4:16-ലെ വാക്കുകൾ പറയാൻ നിങ്ങളെ പ്രചോ​ദി​പ്പി​ക്കും: “ദൈവ​ത്തി​നു ഞങ്ങളോ​ടുള്ള സ്‌നേഹം ഞങ്ങൾ തിരി​ച്ച​റി​യു​ക​യും വിശ്വ​സി​ക്കു​ക​യും ചെയ്‌തി​രി​ക്കു​ന്നു.”a

8. യഹോ​വ​യു​ടെ സ്‌നേ​ഹ​ത്തെ​ക്കു​റിച്ച്‌ ഇടയ്‌ക്കൊ​ക്കെ സംശയം തോന്നു​ന്നെ​ങ്കിൽ നിങ്ങൾക്ക്‌ എന്തു ചെയ്യാം?

⁸ എന്നിട്ടും ചില സമയങ്ങ​ളിൽ യഹോവ നിങ്ങളെ സ്‌നേ​ഹി​ക്കു​ന്നു​ണ്ടോ എന്ന്‌ നിങ്ങൾ സംശയി​ക്കു​ന്നെ​ങ്കി​ലോ? നിങ്ങളു​ടെ തോന്ന​ലു​കളെ നിങ്ങൾക്ക്‌ ബോധ്യം വന്നിട്ടുള്ള കാര്യ​ങ്ങ​ളു​മാ​യി താരത​മ്യം ചെയ്യുക. നമ്മുടെ ഉള്ളിലെ തോന്ന​ലു​കൾ ഇടയ്‌ക്കി​ടെ മാറി​ക്കൊ​ണ്ടി​രി​ക്കും. എന്നാൽ വസ്‌തു​തകൾ അങ്ങനെയല്ല. യഹോ​വ​യു​ടെ സ്‌നേഹം തിരു​വെ​ഴു​ത്തു​കൾ പഠിപ്പി​ക്കുന്ന ഒരു വസ്‌തു​ത​യാണ്‌. അതിൽ നമ്മൾ വിശ്വ​സി​ക്കു​ന്നി​ല്ലെ​ങ്കിൽ യഹോ​വ​യു​ടെ വ്യക്തി​ത്വ​ത്തി​ലെ ഏറ്റവും പ്രധാ​ന​പ്പെട്ട ഗുണമായ സ്‌നേ​ഹത്തെ നമ്മൾ കാണാതെ പോകു​ക​യാ​യി​രി​ക്കും.—1 യോഹ. 4:8.

‘പിതാ​വു​തന്നെ നിങ്ങളെ സ്‌നേ​ഹി​ക്കു​ന്നു​ണ്ടെന്ന്‌’ ഓർക്കുക

9-10. യോഹ​ന്നാൻ 16:26, 27-ൽ രേഖ​പ്പെ​ടു​ത്തി​യി​രി​ക്കുന്ന “പിതാ​വു​തന്നെ നിങ്ങളെ സ്‌നേ​ഹി​ക്കു​ന്നു​ണ്ട​ല്ലോ” എന്ന യേശു​വി​ന്റെ വാക്കു​ക​ളു​ടെ സന്ദർഭം എന്താണ്‌? (ചിത്ര​വും കാണുക.)

⁹ യേശു ഒരിക്കൽ ഇങ്ങനെ പറഞ്ഞു: “പിതാ​വു​തന്നെ നിങ്ങളെ സ്‌നേ​ഹി​ക്കു​ന്നു​ണ്ട​ല്ലോ.” (യോഹ​ന്നാൻ 16:26, 27 വായി​ക്കുക.) യഹോ​വ​യു​ടെ സ്‌നേ​ഹ​ത്തെ​ക്കു​റിച്ച്‌ കൂടുതൽ മനസ്സി​ലാ​ക്കാൻ ഈ വാക്കുകൾ നമ്മളെ സഹായി​ക്കും. യേശു ഇവിടെ തന്റെ ശിഷ്യ​ന്മാർക്ക്‌ സന്തോഷം കൊടു​ക്കുന്ന ഒരു കാര്യം വെറുതെ പറയു​ക​യാ​യി​രു​ന്നില്ല. സന്ദർഭം നോക്കു​ക​യാ​ണെ​ങ്കിൽ, യേശു സംസാ​രി​ച്ചു​കൊ​ണ്ടി​രു​ന്നത്‌ പ്രധാ​ന​മാ​യും തന്റെ ശിഷ്യ​ന്മാ​രു​ടെ വികാ​ര​ങ്ങ​ളെ​ക്കു​റി​ച്ചല്ല പകരം പ്രാർഥന എന്ന വ്യത്യ​സ്‌ത​മായ ഒരു വിഷയ​ത്തെ​ക്കു​റിച്ച്‌ ആണെന്ന്‌ നമുക്ക്‌ മനസ്സി​ലാ​ക്കാ​നാ​കും.

¹⁰ യേശു ഈ സന്ദർഭ​ത്തിൽ, തന്നോടല്ല തന്റെ നാമത്തിൽ ദൈവ​ത്തോട്‌ പ്രാർഥി​ക്കാൻ ശിഷ്യ​ന്മാ​രോട്‌ പറയു​ക​യാ​യി​രു​ന്നു. (യോഹ. 16:23, 24) ശിഷ്യ​ന്മാർ അത്‌ അറിഞ്ഞി​രി​ക്കേ​ണ്ടത്‌ പ്രധാ​ന​മാ​യി​രു​ന്നു. യേശു​വി​ന്റെ പുനരു​ത്ഥാ​ന​ശേഷം യേശു​വി​നോട്‌ അവർക്കു പ്രാർഥി​ക്കാൻ തോന്നാൻ സാധ്യത ഉണ്ടായി​രു​ന്നു. കാരണം യേശു അവരുടെ അടുത്ത സുഹൃ​ത്താ​യി​രു​ന്നു. മാത്രമല്ല യേശു​വിന്‌ തങ്ങളോട്‌ സ്‌നേ​ഹ​മു​ണ്ടെ​ന്നും അവർക്ക്‌ അറിയാ​മാ​യി​രു​ന്നു. അതു​കൊ​ണ്ടു​തന്നെ യേശു​വി​നോട്‌ പ്രാർഥി​ച്ചാൽ യേശു ആ അപേക്ഷകൾ പിതാ​വി​നോട്‌ പറഞ്ഞ്‌ സാധി​പ്പി​ച്ചു​ത​രും എന്ന്‌ അവർ ചിന്തി​ക്കാൻ ഇടയു​ണ്ടാ​യി​രു​ന്നു. എന്നാൽ അങ്ങനെ ചിന്തി​ക്ക​രുത്‌ എന്ന്‌ യേശു അവരോ​ടു പറഞ്ഞു. അതിന്റെ കാരണ​വും ഇങ്ങനെ വ്യക്തമാ​ക്കി​ക്കൊ​ടു​ത്തു: “പിതാ​വു​തന്നെ നിങ്ങളെ സ്‌നേ​ഹി​ക്കു​ന്നു​ണ്ട​ല്ലോ.” ഈ വസ്‌തുത പ്രാർഥ​ന​യെ​ക്കു​റി​ച്ചുള്ള അടിസ്ഥാന ബൈബിൾപ​ഠി​പ്പി​ക്ക​ലി​ന്റെ ഒരു ഭാഗമാണ്‌. ഇതിൽനിന്ന്‌ നമ്മൾ എന്താണ്‌ മനസ്സി​ലാ​ക്കു​ന്നത്‌? ബൈബിൾപ​ഠ​ന​ത്തി​ലൂ​ടെ നിങ്ങൾ യേശു​വി​നെ​ക്കു​റിച്ച്‌ അറിഞ്ഞു; യേശു​വി​നോട്‌ നിങ്ങൾക്കു സ്‌നേഹം തോന്നി. (യോഹ. 14:21) എന്നാൽ ഒന്നാം നൂറ്റാ​ണ്ടി​ലെ ശിഷ്യ​ന്മാ​രു​ടെ കാര്യ​ത്തി​ലെ​ന്ന​പോ​ലെ നിങ്ങൾക്കും ‘പിതാ​വു​തന്നെ നിങ്ങളെ സ്‌നേ​ഹി​ക്കു​ന്നുണ്ട്‌’ എന്ന ബോധ്യ​ത്തോ​ടെ ദൈവ​ത്തോട്‌ പ്രാർഥി​ക്കാ​നാ​കും. ഓരോ തവണ നിങ്ങൾ യഹോ​വ​യോട്‌ പ്രാർഥി​ക്കു​മ്പോ​ഴും യേശു​വി​ന്റെ ആ വാക്കു​ക​ളിൽ വിശ്വാ​സ​മു​ണ്ടെന്ന്‌ തെളി​യി​ക്കു​ക​യാണ്‌.—1 യോഹ. 5:14.

സംശയ​ങ്ങ​ളു​ടെ ഉറവിടം തിരി​ച്ച​റി​യു​ക

11. നമ്മൾ യഹോ​വ​യു​ടെ സ്‌നേ​ഹത്തെ സംശയി​ച്ചാൽ സാത്താനു സന്തോ​ഷ​മാ​കു​ന്നത്‌ എന്തു​കൊണ്ട്‌?

¹¹ യഹോ​വ​യു​ടെ സ്‌നേ​ഹ​ത്തെ​ക്കു​റി​ച്ചുള്ള സംശയങ്ങൾ എവി​ടെ​നി​ന്നാണ്‌ വരുന്നത്‌? അതിന്റെ കാരണ​ക്കാ​രൻ സാത്താ​നാണ്‌ എന്നു നിങ്ങൾ പറഞ്ഞേ​ക്കാം. അത്‌ ഒരു പരിധി​വരെ ശരിയു​മാണ്‌. പിശാച്‌ നമ്മളെ ‘വിഴു​ങ്ങാൻ നോക്കി’ നടക്കു​ക​യാണ്‌. നമ്മൾ യഹോ​വ​യു​ടെ സ്‌നേ​ഹത്തെ സംശയി​ച്ചാൽ സാത്താന്‌ സന്തോ​ഷ​മാ​കു​കയേ ഉള്ളൂ. (1 പത്രോ. 5:8) ശരിക്കും പറഞ്ഞാൽ, നമ്മളോ​ടുള്ള സ്‌നേ​ഹം​കൊ​ണ്ടാ​ണ​ല്ലോ യഹോവ മോച​ന​വില തന്നത്‌. പക്ഷേ നമ്മൾ അതിന്‌ അർഹര​ല്ലെന്ന്‌ ചിന്തി​ക്കാ​നാണ്‌ സാത്താൻ ആഗ്രഹി​ക്കു​ന്നത്‌. (എബ്രാ. 2:9) എന്നാൽ ഒന്നു ചിന്തിക്കൂ: നമ്മൾ യഹോ​വ​യു​ടെ സ്‌നേ​ഹത്തെ സംശയി​ച്ചാൽ ആർക്കാണ്‌ പ്രയോ​ജനം? സാത്താന്‌. പ്രശ്‌ന​ങ്ങ​ളു​ടെ സമയത്ത്‌ നമ്മൾ മടുത്ത്‌ പിന്മാ​റി​യാൽ ആരാണ്‌ വിജയി​ക്കുക? സാത്താൻതന്നെ. പക്ഷേ യഹോ​വ​യു​ടെ സ്‌നേ​ഹത്തെ നമ്മൾ സംശയി​ക്കാൻ ഇടയാ​ക്കുന്ന സാത്താ​നെ​ക്കു​റിച്ച്‌ ഒന്നു ചിന്തി​ക്കുക. ശരിക്കും യഹോ​വ​യു​ടെ സ്‌നേഹം നഷ്ടമാ​യി​രി​ക്കു​ന്നത്‌ അവനല്ലേ? എന്നിട്ടും നമ്മളെ​യാണ്‌ യഹോവ സ്‌നേ​ഹി​ക്കാ​ത്ത​തെ​ന്നും വെറു​ക്കു​ന്ന​തെ​ന്നും നമ്മളെ വിശ്വ​സി​പ്പി​ക്കാൻ അവൻ ശ്രമി​ക്കു​ന്നു. അത്‌ അവന്റെ ‘കുടി​ല​ത​ന്ത്ര​ങ്ങ​ളിൽ’ ഒന്നാണ്‌. (എഫെ. 6:11) നമ്മുടെ ശത്രു എന്താണ്‌ ചെയ്യാൻ ശ്രമി​ക്കു​ന്ന​തെന്ന്‌ തിരി​ച്ച​റി​യു​ന്നെ​ങ്കിൽ ‘പിശാ​ചി​നോട്‌ എതിർത്തു​നിൽക്കാ​നുള്ള’ തീരു​മാ​നം നമ്മൾ കൂടുതൽ ശക്തമാ​ക്കും.—യാക്കോ. 4:7.

12-13. നമ്മുടെ ഉള്ളിലെ പാപാവസ്ഥ യഹോ​വ​യു​ടെ സ്‌നേ​ഹത്തെ സംശയി​ക്കാൻ ഇടയാ​ക്കി​യേ​ക്കാ​വു​ന്നത്‌ എങ്ങനെ?

¹² യഹോവ നമ്മളെ സ്‌നേ​ഹി​ക്കു​ന്നു​ണ്ടോ എന്ന്‌ സംശയി​ക്കാൻ പ്രേരി​പ്പി​ക്കുന്ന മറ്റൊരു കാര്യ​മുണ്ട്‌. എന്താണ്‌ അത്‌? നമുക്ക്‌ കൈമാ​റി​ക്കി​ട്ടിയ പാപാവസ്ഥ. (സങ്കീ. 51:5; റോമ. 5:12) പാപം മനുഷ്യ​നെ അവന്റെ സ്രഷ്ടാ​വിൽനി​ന്നും അകറ്റി​ക്ക​ള​ഞ്ഞി​രി​ക്കു​ന്നു. ഈ പാപം അവന്റെ മനസ്സി​നെ​യും ഹൃദയ​ത്തെ​യും ശരീര​ത്തെ​യും കളങ്ക​പ്പെ​ടു​ത്തി​യി​രി​ക്കു​ന്നു.

¹³ പാപം നമ്മളിൽ വൈകാ​രി​ക​മായ പല പ്രശ്‌ന​ങ്ങ​ളും ഉണ്ടാക്കി​യി​ട്ടുണ്ട്‌. കുറ്റ​ബോ​ധ​വും ഉത്‌ക​ണ്‌ഠ​യും നാണ​ക്കേ​ടും ഒക്കെ നമുക്കു തോന്നാൻ അത്‌ കാരണ​മാ​യി​രി​ക്കു​ന്നു. ഒരു തെറ്റു ചെയ്യു​മ്പോൾ നമുക്ക്‌ ഇത്തരം തോന്ന​ലു​ക​ളു​ണ്ടാ​യേ​ക്കാം. എന്നാൽ പാപി​ക​ളാ​ണെന്ന ബോധം എപ്പോ​ഴും നമ്മളെ അലട്ടു​ന്ന​തു​കൊ​ണ്ടും ഈ തോന്ന​ലു​ക​ളു​ണ്ടാ​കാം. ദൈവം നമ്മളെ സൃഷ്ടി​ച്ചത്‌ പാപാ​വ​സ്ഥ​യിൽ ജീവി​ക്കാ​ന​ല്ല​ല്ലോ! (റോമ. 8:20, 21) ഒരു ഉദാഹ​രണം നോക്കാം. പഞ്ചറായ ടയറുള്ള ഒരു കാറിന്‌ ഒരിക്ക​ലും അതിന്റെ പരമാ​വധി വേഗത​യിൽ സഞ്ചരി​ക്കാ​നാ​കില്ല. അതു​പോ​ലെ​ത​ന്നെ​യാണ്‌ പാപി​ക​ളായ മനുഷ്യ​രു​ടെ കാര്യ​വും. നമ്മളെ സൃഷ്ടി​ച്ച​പ്പോൾ ദൈവം എന്താണോ ഉദ്ദേശി​ച്ചത്‌, ആ രീതി​യിൽ പ്രവർത്തി​ക്കാൻ അവർക്ക്‌ ഒരിക്ക​ലും കഴിയില്ല. അതു​കൊ​ണ്ടു​തന്നെ യഹോവ നമ്മളെ സ്‌നേ​ഹി​ക്കു​ന്നു​ണ്ടോ എന്ന്‌ ഇടയ്‌ക്കൊ​ക്കെ സംശയം തോന്നു​ന്നത്‌ സ്വാഭാ​വി​ക​മാണ്‌. അങ്ങനെ സംഭവി​ക്കു​ന്നെ​ങ്കിൽ ‘തന്നെ സ്‌നേ​ഹിച്ച്‌ തന്റെ കല്പനകൾ അനുസ​രി​ക്കു​ന്ന​വ​രോട്‌ അചഞ്ചല​സ്‌നേഹം കാണി​ക്കുന്ന, ഭയാദ​രവ്‌ ഉണർത്തുന്ന, മഹാനായ ദൈവ​മാണ്‌’ യഹോവ എന്ന്‌ നമുക്ക്‌ ഓർക്കാം.—നെഹ. 1:5.

14. മോച​ന​വി​ല​യെ​ക്കു​റിച്ച്‌ ചിന്തി​ക്കു​ന്നത്‌ യഹോ​വ​യ്‌ക്ക്‌ നമ്മളെ സ്‌നേ​ഹി​ക്കാ​നാ​കില്ല എന്ന സംശയത്തെ മറിക​ട​ക്കാൻ സഹായി​ക്കു​ന്നത്‌ എങ്ങനെ? (റോമർ 5:8) (“‘പാപത്തി​ന്റെ വഞ്ചനയിൽ’ കുടു​ങ്ങാ​തി​രി​ക്കാൻ ശ്രദ്ധി​ക്കുക” എന്ന ചതുര​വും കാണുക.)

¹⁴ യഹോ​വ​യു​ടെ സ്‌നേ​ഹ​ത്തിന്‌ നമ്മൾ അർഹരല്ല എന്ന ചിന്ത ഇടയ്‌ക്കൊ​ക്കെ നമുക്ക്‌ ഉണ്ടാ​യേ​ക്കാം എന്നതു സത്യമാണ്‌. ശരിക്കും പറഞ്ഞാൽ നമ്മൾ അതിന്‌ അർഹരല്ല. അതാണ്‌ ആ സ്‌നേ​ഹത്തെ പ്രത്യേ​ക​ത​യു​ള്ള​താ​ക്കു​ന്നത്‌. നമ്മൾ എന്തെങ്കി​ലും ചെയ്‌ത്‌ നേടി​യെ​ടു​ക്കുന്ന ഒന്നല്ല യഹോ​വ​യു​ടെ സ്‌നേഹം. പക്ഷേ അർഹര​ല്ലാ​തി​രു​ന്നി​ട്ടും യഹോവ നമ്മളെ സ്‌നേ​ഹി​ക്കു​ന്നു; നമ്മുടെ പാപങ്ങൾ ക്ഷമിക്കു​ന്ന​തി​നു​വേണ്ടി മോച​ന​വില നൽകി​യി​രി​ക്കു​ന്നു. (1 യോഹ. 4:10) ഇനി, യേശു ഭൂമി​യിൽ വന്നതും പൂർണ​രാ​യ​വ​രെയല്ല, പാപി​കളെ രക്ഷിക്കാൻ വേണ്ടി​യാണ്‌. (റോമർ 5:8 വായി​ക്കുക.) നമുക്കാർക്കും എല്ലാം തികഞ്ഞ രീതി​യിൽ കാര്യങ്ങൾ ചെയ്യാൻ കഴിയില്ല. യഹോവ അത്‌ നമ്മളിൽനിന്ന്‌ പ്രതീ​ക്ഷി​ക്കു​ന്നു​മില്ല. അതു​കൊണ്ട്‌ നമ്മുടെ പാപാവസ്ഥ യഹോ​വ​യു​ടെ സ്‌നേ​ഹത്തെ സംശയി​ക്കാൻ ഇടയാ​ക്കു​മെന്ന്‌ മനസ്സി​ലാ​ക്കു​ന്നെ​ങ്കിൽ അതിന്‌ എതിരെ നമ്മൾ കൂടുതൽ ശക്തമായി പോരാ​ടും.—റോമ. 7:24, 25.

തുടർന്നും വിശ്വ​സ്‌ത​രാ​യി​രി​ക്കുക

15-16. നമ്മൾ യഹോ​വ​യോട്‌ വിശ്വ​സ്‌ത​രാ​യി​രു​ന്നാൽ ഏതു കാര്യ​ത്തിൽ നമുക്ക്‌ ഉറപ്പു​ണ്ടാ​യി​രി​ക്കാ​നാ​കും, എന്തു​കൊണ്ട്‌? (2 ശമുവേൽ 22:26)

¹⁵ നമ്മൾ യഹോ​വ​യോട്‌ ‘പറ്റി​ച്ചേ​രാൻ’ തീരു​മാ​നി​ച്ചു​കൊണ്ട്‌ ശരിയായ തിര​ഞ്ഞെ​ടുപ്പ്‌ നടത്താൻ യഹോവ ആഗ്രഹി​ക്കു​ന്നു. (ആവ. 30:19, 20) അങ്ങനെ ചെയ്യു​ന്നെ​ങ്കിൽ യഹോവ നമ്മളോ​ടും എപ്പോ​ഴും വിശ്വ​സ്‌ത​നാ​യി​രി​ക്കും. (2 ശമുവേൽ 22:26 വായി​ക്കുക.) നമ്മൾ വിശ്വ​സ്‌തർ ആയിരി​ക്കു​ന്നി​ട​ത്തോ​ളം കാലം ജീവി​ത​ത്തിൽ ഏത്‌ പ്രശ്‌ന​വും സഹിച്ചു​നിൽക്കാൻ യഹോവ നമ്മളെ സഹായി​ക്കു​മെന്ന്‌ ഉറപ്പാണ്‌.

¹⁶ പ്രശ്‌ന​ങ്ങ​ളു​ടെ സമയത്ത്‌ നങ്കൂര​മി​ട്ട​തു​പോ​ലെ ഉറച്ചു​നിൽക്കാൻ നമുക്ക്‌ ഒരുപാട്‌ കാരണ​ങ്ങ​ളു​ണ്ടെന്ന്‌ നമ്മൾ പഠിച്ചു. യഹോവ നമ്മളെ സ്‌നേ​ഹി​ക്കു​ക​യും പിന്തു​ണ​യ്‌ക്കു​ക​യും ചെയ്യു​ന്നു​ണ്ടെന്ന്‌ നമുക്ക്‌ അറിയാം. അതുത​ന്നെ​യാണ്‌ ബൈബിൾ പഠിപ്പി​ക്കു​ന്ന​തും. യഹോ​വ​യു​ടെ സ്‌നേ​ഹ​ത്തെ​ക്കു​റിച്ച്‌ നമുക്ക്‌ എപ്പോ​ഴെ​ങ്കി​ലും സംശയം തോന്നി​യാൽ ആ തോന്ന​ലു​ക​ളി​ലല്ല നമുക്ക്‌ ബോധ്യം വന്നിട്ടുള്ള കാര്യ​ങ്ങ​ളിൽ കൂടുതൽ ശ്രദ്ധി​ക്കാം. യഹോ​വ​യു​ടെ അചഞ്ചല​സ്‌നേഹം എന്നും നിലനിൽക്കു​ന്നു എന്നത്‌ ഒരു അടിസ്ഥാന ബൈബിൾസ​ത്യ​മാണ്‌. അതിൽ നമുക്ക്‌ എപ്പോ​ഴും ഉറപ്പു​ണ്ടാ​യി​രി​ക്കാം.