നമുക്കു തെറ്റായ ആഗ്രഹ​ങ്ങൾക്കെ​തി​രെ പോരാ​ടി ജയിക്കാ​നാ​കും

1. അപൂർണ​രായ എല്ലാ മനുഷ്യർക്കും എന്ത്‌ പോരാ​ട്ട​മുണ്ട്‌?

യഹോ​വ​യ്‌ക്ക്‌ ഇഷ്ടമല്ലാത്ത ഒരു കാര്യം ചെയ്യാൻ നിങ്ങൾക്കു ശക്തമായ ആഗ്രഹം തോന്നു​ന്നു​ണ്ടോ? ഉണ്ടെങ്കിൽ നിങ്ങൾ മടുത്തു​പോ​ക​രുത്‌. കാരണം ബൈബിൾ പറയുന്നു: “പൊതു​വേ ആളുകൾക്ക്‌ ഉണ്ടാകുന്ന പ്രലോ​ഭ​നങ്ങൾ മാത്രമേ നിങ്ങൾക്ക്‌ ഉണ്ടായി​ട്ടു​ള്ളൂ.” (1 കൊരി. 10:13)a അതിന്റെ അർഥം, നിങ്ങൾ പോരാ​ടി​ക്കൊ​ണ്ടി​രി​ക്കുന്ന തെറ്റായ ആഗ്രഹ​ത്തോ​ടു മറ്റ്‌ ആളുക​ളും പോരാ​ടു​ന്നുണ്ട്‌ എന്നാണ്‌. അതു​കൊണ്ട്‌ നിങ്ങൾ ഒറ്റയ്‌ക്കല്ല, യഹോ​വ​യു​ടെ സഹായ​ത്താൽ നിങ്ങൾക്കു ജയിക്കാ​നാ​കും.

2. ചില ക്രിസ്‌ത്യാ​നി​ക​ളും ബൈബിൾവി​ദ്യാർഥി​ക​ളും ഏതെല്ലാം പ്രലോ​ഭ​ന​ങ്ങ​ളോ​ടു പോരാ​ടു​ന്നു​ണ്ടാ​കാം? (ചിത്ര​ങ്ങ​ളും കാണുക.)

² ബൈബിൾ ഇങ്ങനെ​യും പറയുന്നു: “സ്വന്തം മോഹ​ങ്ങ​ളാണ്‌ ഓരോ​രു​ത്ത​രെ​യും ആകർഷിച്ച്‌ മയക്കി പരീക്ഷ​ണ​ങ്ങ​ളിൽ അകപ്പെ​ടു​ത്തു​ന്നത്‌.” (യാക്കോ. 1:14) ഒരാൾക്കു പ്രലോ​ഭ​ന​മാ​യി തോന്നുന്ന കാര്യ​മാ​യി​രി​ക്കില്ല മറ്റൊ​രാൾക്കു പ്രലോ​ഭ​ന​മാ​യി തോന്നു​ന്നത്‌. ഉദാഹ​ര​ണ​ത്തിന്‌, ചില ക്രിസ്‌ത്യാ​നി​കൾക്ക്‌ എതിർലിം​ഗ​ത്തിൽപ്പെട്ട ഒരാളു​മാ​യി ലൈം​ഗിക അധാർമി​ക​ത​യിൽ ഏർപ്പെ​ടാ​നുള്ള പ്രലോ​ഭനം തോന്നി​യേ​ക്കാം. മറ്റു ചിലർക്ക്‌ ഒരേ ലിംഗ​ത്തിൽപ്പെട്ട ആളോ​ടാ​യി​രി​ക്കും ഈ ആഗ്രഹം തോന്നു​ന്നത്‌. ഇനി അശ്ലീലം കാണു​ന്നതു നിറു​ത്തിയ ഒരാൾക്ക്‌, വീണ്ടും അതു കാണാ​നുള്ള ശക്തമായ പ്രലോ​ഭ​ന​മു​ണ്ടാ​യേ​ക്കാം. മയക്കു​മ​രു​ന്നി​ന്റെ ഉപയോ​ഗ​വും അമിത​മായ മദ്യപാ​ന​വും ഒക്കെ നിറു​ത്തി​യ​വ​രു​ടെ കാര്യ​ത്തി​ലും ഇതു സത്യമാണ്‌. ചില ക്രിസ്‌ത്യാ​നി​കൾക്കും ബൈബിൾവി​ദ്യാർഥി​കൾക്കും പോരാ​ടേ​ണ്ടി​വ​രുന്ന തെറ്റായ ആഗ്രഹ​ങ്ങ​ളിൽ ചിലതു മാത്ര​മാണ്‌ ഇത്‌. അതു​കൊണ്ട്‌ ജീവി​ത​ത്തിൽ എപ്പോ​ഴെ​ങ്കി​ലും ഒക്കെ അപ്പോ​സ്‌ത​ല​നായ പൗലോ​സി​നെ​പ്പോ​ലെ നമുക്ക്‌ എല്ലാവർക്കും ഇങ്ങനെ തോന്നി​യി​ട്ടു​ണ്ടാ​കും: “ഞാൻ നന്മ ചെയ്യാൻ ആഗ്രഹി​ക്കു​ന്നെ​ങ്കി​ലും തിന്മ എന്നോ​ടൊ​പ്പ​മുണ്ട്‌.”—റോമ. 7:21.

3. എപ്പോ​ഴും ഒരു തെറ്റായ ആഗ്രഹ​വു​മാ​യി പോരാ​ടേ​ണ്ടി​വ​രു​മ്പോൾ ഒരാൾക്ക്‌ എന്തു തോന്നാം?

³ തെറ്റായ ഒരു ആഗ്രഹ​വു​മാ​യി എപ്പോ​ഴും പോരാ​ടേ​ണ്ടി​വ​രു​മ്പോൾ നിങ്ങൾ ദുർബലൻ ആണെന്ന ഒരു തോന്നൽ വന്നേക്കാം. അതായത്‌, ഈ പ്രലോ​ഭ​നത്തെ ചെറു​ത്തു​നിൽക്കാൻ കഴിയില്ല എന്നു തോന്നി​യേ​ക്കാം. അതു​പോ​ലെ ഇങ്ങനെ​യൊ​രു തെറ്റായ ആഗ്രഹം ഉള്ളതു​കൊണ്ട്‌ യഹോ​വ​യ്‌ക്കു നിങ്ങളെ ഇഷ്ടമാ​കി​ല്ലെ​ന്നും അതു​കൊ​ണ്ടു​തന്നെ നിങ്ങൾ പ്രതീ​ക്ഷ​യ​റ്റവൻ ആണെന്നും നിങ്ങൾക്കു തോന്നാം. ഈ രണ്ടു ചിന്തക​ളും ശരിയല്ല. അത്‌ എന്തു​കൊ​ണ്ടാ​ണെന്നു മനസ്സി​ലാ​ക്കാൻ ഈ ചോദ്യ​ങ്ങൾക്കുള്ള ഉത്തരം നമുക്കു നോക്കാം: (1) ദുർബ​ല​നാ​ണെ​ന്നും പ്രതീ​ക്ഷ​യ്‌ക്കു വകയി​ല്ലെ​ന്നും ഉള്ള തോന്ന​ലു​കൾ എവി​ടെ​നി​ന്നാണ്‌ വന്നിരി​ക്കു​ന്നത്‌? (2) തെറ്റായ ആഗ്രഹങ്ങൾ ഉണ്ടാകു​മ്പോൾ അതി​നെ​തി​രെ പോരാ​ടി ജയിക്കാൻ നിങ്ങൾക്ക്‌ എങ്ങനെ കഴിയും?

‘ദുഷ്ടനാ​യവൻ’ നമ്മളെ ചിന്തി​പ്പി​ക്കു​ന്നത്‌

4. (എ) പ്രലോ​ഭ​ന​മു​ണ്ടാ​കു​മ്പോൾ നമ്മൾ എന്തു വിശ്വ​സി​ക്കാൻ സാത്താൻ ആഗ്രഹി​ക്കു​ന്നു? (ബി) പ്രലോ​ഭ​ന​ങ്ങളെ ചെറു​ക്കാൻ കഴിയാത്ത വിധം ദുർബ​ലരല്ല നമ്മൾ എന്നു പറയു​ന്നത്‌ എന്തു​കൊണ്ട്‌?

⁴ തെറ്റായ ആഗ്രഹത്തെ ചെറു​ത്തു​നിൽക്കാൻ കഴിയാത്ത ദുർബ​ല​രാണ്‌ നമ്മളെന്നു നമ്മൾ ചിന്തി​ക്കാ​നും അങ്ങനെ പ്രലോ​ഭ​ന​ത്തിൽ വീണു​പോ​കാ​നും ആണ്‌ സാത്താൻ ആഗ്രഹി​ക്കു​ന്നത്‌. “പ്രലോ​ഭ​ന​ത്തിൽ അകപ്പെ​ടു​ത്താ​തെ ദുഷ്ടനിൽനിന്ന്‌ ഞങ്ങളെ വിടു​വി​ക്കേ​ണമേ” എന്നു തന്റെ അനുഗാ​മി​കളെ പ്രാർഥി​ക്കാൻ പഠിപ്പി​ച്ച​പ്പോൾ യേശു അക്കാര്യം വ്യക്തമാ​ക്കു​ക​യാ​യി​രു​ന്നു. (മത്താ. 6:13) പ്രലോ​ഭനം ഉണ്ടാകു​മ്പോൾ ഒരു മനുഷ്യ​നും യഹോ​വയെ അനുസ​രി​ക്കി​ല്ലെ​ന്നാണ്‌ സാത്താന്റെ വാദം. (ഇയ്യോ. 2:4, 5) പക്ഷേ ആ വാദം നടത്തുന്ന സാത്താ​നെ​ക്കു​റി​ച്ചു​തന്നെ ഒന്നു ചിന്തി​ച്ചു​നോ​ക്കൂ. സ്വന്തം മോഹ​ങ്ങ​ളാൽ വശീക​രി​ക്ക​പ്പെ​ട്ടവൻ അവനാണ്‌. യഹോ​വ​യോ​ടു വിശ്വ​സ്‌ത​നാ​യി തുടരാൻ അവനു കഴിഞ്ഞില്ല. നമ്മളും സാത്താ​നെ​പ്പോ​ലെ​യാ​ണെന്ന്‌ അവൻ വിചാ​രി​ക്കു​ന്നു. പ്രലോ​ഭ​ന​മു​ണ്ടാ​കു​മ്പോൾത്തന്നെ നമ്മൾ യഹോ​വയെ ഉപേക്ഷി​ക്കും എന്നാണ്‌ സാത്താൻ ചിന്തി​ക്കു​ന്നത്‌. പൂർണ​നായ ദൈവ​പു​ത്ര​നെ​പ്പോ​ലും പ്രലോ​ഭ​ന​ത്തിൽ അകപ്പെ​ടു​ത്താൻ കഴിയു​മെന്ന്‌ അവൻ പ്രതീ​ക്ഷി​ച്ചു. (മത്താ. 4:8, 9) എന്നാൽ ശരിക്കും, തെറ്റായ ആഗ്രഹ​ങ്ങൾക്കെ​തി​രെ പോരാ​ടാൻ കഴിയാത്ത വെറും ദുർബ​ല​രാ​ണോ നമ്മൾ? ഒരിക്ക​ലും അല്ല! അപ്പോ​സ്‌ത​ല​നായ പൗലോ​സി​നെ​പ്പോ​ലെ നമുക്കും പറയാ​നാ​കും: “എല്ലാം ചെയ്യാ​നുള്ള ശക്തി, എന്നെ ശക്തനാ​ക്കുന്ന ദൈവ​ത്തിൽനിന്ന്‌ എനിക്കു കിട്ടുന്നു.”—ഫിലി. 4:13.

5. തെറ്റായ ആഗ്രഹ​ങ്ങൾക്കെ​തി​രെ പോരാ​ടി വിജയി​ക്കാൻ നമുക്കു കഴിയു​മെന്ന്‌ യഹോ​വ​യ്‌ക്ക്‌ ഉറപ്പു​ണ്ടെന്നു പറയു​ന്നത്‌ എന്തു​കൊണ്ട്‌?

⁵ നമ്മളെ​ക്കു​റിച്ച്‌ സാത്താൻ ചിന്തി​ക്കു​ന്ന​തിൽനിന്ന്‌ നേർവി​പ​രീ​ത​മാ​യാണ്‌ യഹോവ ചിന്തി​ക്കു​ന്നത്‌. നമുക്കു തെറ്റായ ആഗ്രഹ​ങ്ങളെ ചെറു​ത്തു​നിൽക്കാൻ കഴിയു​മെന്ന്‌ യഹോ​വ​യ്‌ക്ക്‌ ഉറപ്പുണ്ട്‌. എന്തു​കൊ​ണ്ടാണ്‌ അങ്ങനെ പറയു​ന്നത്‌? കാരണം വിശ്വ​സ്‌ത​രാ​യി​നിന്ന്‌ മഹാക​ഷ്ട​തയെ അതിജീ​വി​ക്കുന്ന ഒരു മഹാപു​രു​ഷാ​രം ഉണ്ടായി​രി​ക്കു​മെന്ന്‌ യഹോവ മുൻകൂ​ട്ടി​പ്പ​റ​ഞ്ഞി​രി​ക്കു​ന്നു. അതിന്റെ അർഥ​ത്തെ​ക്കു​റിച്ച്‌ ഒന്നു ചിന്തി​ക്കുക. കുറച്ച്‌ പേരല്ല, വലി​യൊ​രു കൂട്ടം പുതിയ ഭൂമി​യി​ലേക്കു കടക്കു​മെന്ന്‌ യഹോവ പറഞ്ഞി​രി​ക്കു​ന്നു. അതു​പോ​ലെ ‘കുഞ്ഞാ​ടി​ന്റെ രക്തത്തിൽ അവർ അവരുടെ വസ്‌ത്രം കഴുകി​വെ​ളു​പ്പി​ച്ചി​രി​ക്കു​ന്നു’ എന്ന്‌ പറഞ്ഞി​രി​ക്കു​ന്ന​തു​കൊണ്ട്‌ അവർക്കു ദൈവ​മു​മ്പാ​കെ ശുദ്ധമാ​യൊ​രു നിലയു​ണ്ടാ​യി​രി​ക്കും എന്ന കാര്യം ഉറപ്പാണ്‌. (വെളി. 7:9, 13, 14) നുണ പറയാൻ കഴിയാത്ത ദൈവ​മാണ്‌ ഇതെല്ലാം പറഞ്ഞി​രി​ക്കു​ന്നത്‌. അതു​കൊണ്ട്‌ തെറ്റായ ആഗ്രഹ​ങ്ങൾക്കെ​തി​രെ പോരാ​ടാൻ കഴിയാത്ത ദുർബ​ല​രാ​യല്ല യഹോവ നമ്മളെ കാണു​ന്ന​തെന്നു വ്യക്തമാണ്‌.

6-7. പ്രലോ​ഭ​ന​ങ്ങ​ളോ​ടു പോരാ​ടു​മ്പോൾ നമ്മൾ പ്രതീ​ക്ഷ​യ​റ്റ​വ​രാ​ണെന്നു ചിന്തി​ക്കാൻ സാത്താൻ ആഗ്രഹി​ക്കു​ന്നത്‌ എന്തു​കൊണ്ട്‌?

⁶ നമ്മൾ ദുർബലർ മാത്രമല്ല പ്രതീ​ക്ഷ​യ​റ്റ​വ​രും ആണെന്നു ചിന്തി​ക്കാൻ സാത്താൻ ആഗ്രഹി​ക്കു​ന്നു. ഉള്ളിൽ തെറ്റായ ആഗ്രഹങ്ങൾ ഉള്ളതു​കൊണ്ട്‌ നമ്മളെ യഹോവ അംഗീ​ക​രി​ക്കി​ല്ലെന്നു വിശ്വ​സി​പ്പി​ക്കാ​നാണ്‌ അവൻ ശ്രമി​ക്കു​ന്നത്‌. പക്ഷേ ശരിക്കും പ്രതീ​ക്ഷ​യ​റ്റവൻ സാത്താൻ അല്ലേ? നിത്യ​ജീ​വനു യോഗ്യ​ത​യി​ല്ലെന്ന്‌ യഹോവ വിധി​ച്ചി​രി​ക്കുന്ന ആളാണ്‌ അവൻ. (ഉൽപ. 3:15; വെളി. 20:10) അതു​കൊ​ണ്ടു​തന്നെ നമുക്കു നിത്യ​ജീ​വന്റെ പ്രത്യാ​ശ​യു​ള്ളതു സാത്താന്‌ ഒട്ടും സഹിക്കു​ന്നില്ല. നമ്മളും അവനെ​പ്പോ​ലെ ഒരു പ്രതീ​ക്ഷ​യ്‌ക്കും വകയി​ല്ലാ​ത്ത​വ​രാ​ണെന്നു ചിന്തി​ക്കാൻ അവൻ ആഗ്രഹി​ക്കു​ന്നു. പക്ഷേ നമ്മൾ പ്രതീ​ക്ഷ​യി​ല്ലാ​ത്തവർ അല്ല. വാസ്‌ത​വ​ത്തിൽ ബൈബിൾ പറയു​ന്നത്‌, നമ്മളെ കുറ്റം വിധി​ക്കാ​നല്ല സഹായി​ക്കാൻ യഹോവ ശ്രമി​ക്കു​ന്നു എന്നാണ്‌. ദൈവം ‘ആരും നശിച്ചു​പോ​കാ​തെ എല്ലാവ​രും മാനസാ​ന്ത​ര​പ്പെ​ടാൻ ആഗ്രഹി​ക്കു​ന്നു.’—2 പത്രോ. 3:9.

⁷ തെറ്റായ ആഗ്രഹ​ങ്ങ​ളോ​ടു പോരാ​ടു​മ്പോൾ നമ്മൾ ദുർബ​ല​രോ പ്രതീ​ക്ഷ​യ​റ്റ​വ​രോ ആണെന്നു ചിന്തി​ക്കു​ന്നെ​ങ്കിൽ അതു സാത്താൻ ആഗ്രഹി​ക്കുന്ന വഴിയേ നമ്മൾ പോകു​ന്ന​തു​പോ​ലെ​യാ​യി​രി​ക്കും. ഇത്‌ ഓർക്കു​ന്നതു സാത്താന്‌ എതിരെ ഉറച്ച നിലപാ​ടെ​ടു​ക്കാ​നുള്ള നമ്മുടെ തീരു​മാ​നം ശക്തമാ​ക്കും.—1 പത്രോ. 5:8, 9.

പാപാവസ്ഥ നമ്മളെ ചിന്തി​പ്പി​ക്കു​ന്നത്‌

8. തെറ്റായ പ്രവൃ​ത്തി​കൾക്കു പുറമേ പാപത്തിൽ മറ്റ്‌ എന്തുകൂ​ടി ഉൾപ്പെ​ട്ടി​ട്ടുണ്ട്‌? (സങ്കീർത്തനം 51:5) (“പദപ്ര​യോ​ഗ​ത്തി​ന്റെ വിശദീ​ക​രണം” എന്നതും കാണുക.)

⁸ തെറ്റായ ആഗ്രഹ​ങ്ങ​ളോ​ടു പോരാ​ടു​മ്പോൾ നമ്മൾ ദുർബ​ല​രാ​ണെ​ന്നും പ്രതീ​ക്ഷ​യ​റ്റ​വ​രാ​ണെ​ന്നും ചിന്തി​ക്കാൻ ഇടയാ​ക്കു​ന്നതു സാത്താൻ മാത്രമല്ല. വില്ലനാ​യി മറ്റൊ​രാൾ കൂടി​യുണ്ട്‌. ആദ്യ മാതാ​പി​താ​ക്ക​ളിൽനിന്ന്‌ കൈമാ​റി​ക്കി​ട്ടിയ പാപാ​വ​സ്ഥ​യാണ്‌ അത്‌.b—ഇയ്യോ. 14:4; സങ്കീർത്തനം 51:5 വായി​ക്കുക.

9-10. (എ) പാപാവസ്ഥ ആദാമി​നെ​യും ഹവ്വയെ​യും എങ്ങനെ​യാ​ണു ബാധി​ച്ചത്‌? (ചിത്ര​വും കാണുക.) (ബി) പാപാവസ്ഥ നമ്മളെ എങ്ങനെ​യാ​ണു ബാധി​ക്കു​ന്നത്‌?

⁹ യഹോ​വ​യോട്‌ അനുസ​ര​ണ​ക്കേടു കാണിച്ച്‌ പാപി​ക​ളാ​യി​ത്തീർന്ന​പ്പോൾ ആദാമി​നും ഹവ്വയ്‌ക്കും എന്താണു തോന്നി​യത്‌ എന്നതി​നെ​ക്കു​റിച്ച്‌ ചിന്തി​ക്കുക. അവർ ഒളിക്കാ​നും നഗ്നത മറയ്‌ക്കാ​നും ശ്രമിച്ചു. അതെക്കു​റിച്ച്‌ തിരു​വെ​ഴു​ത്തു​ക​ളിൽനി​ന്നുള്ള ഉൾക്കാഴ്‌ച (ഇംഗ്ലീഷ്‌) ഇങ്ങനെ പറയുന്നു: “അങ്ങനെ പാപം കാരണം അവർക്കു കുറ്റ​ബോ​ധ​വും ഉത്‌ക​ണ്‌ഠ​യും നാണ​ക്കേ​ടും തോന്നി.” ഈ മൂന്നു വികാ​ര​ങ്ങളെ മൂന്നു മുറി​ക​ളാ​യി സങ്കൽപ്പി​ക്കുക. പാപം ചെയ്‌ത​പ്പോൾ ആദാമും ഹവ്വയും ആ മൂന്നു മുറികൾ മാത്ര​മുള്ള ഒരു വീട്ടിൽ അകപ്പെ​ട്ട​തു​പോ​ലെ​യാ​യി. അവർക്ക്‌ ഒരു മുറി​യിൽനിന്ന്‌ അടുത്ത​തി​ലേക്കു പോകാം എന്നല്ലാതെ ആ വീട്ടിൽനിന്ന്‌ പുറത്തു​ക​ട​ക്കാൻ പറ്റില്ലാ​യി​രു​ന്നു. അതെ, അവരുടെ പാപാ​വ​സ്ഥ​യിൽനിന്ന്‌ രക്ഷപ്പെ​ടാൻ അവർക്കു കഴിയു​മാ​യി​രു​ന്നില്ല.

¹⁰ പക്ഷേ, നമ്മൾ ഒരിക്ക​ലും അവരുടെ അതേ സാഹച​ര്യ​ത്തിൽ അല്ല. കാരണം, അവർക്കു ലഭിക്കാത്ത മോച​ന​വില എന്ന സമ്മാനം നമുക്കുണ്ട്‌! അതു നമ്മുടെ പാപങ്ങളെ കഴുകി വെടി​പ്പാ​ക്കു​ക​യും നമുക്കു ശുദ്ധമ​ന​സ്സാ​ക്ഷി തരുക​യും ചെയ്യുന്നു. (1 കൊരി. 6:11) എങ്കിലും കൈമാ​റി​ക്കി​ട്ടിയ പാപാവസ്ഥ നമ്മളിൽ ഉള്ളതു​കൊണ്ട്‌ കുറ്റ​ബോ​ധ​വും ഉത്‌ക​ണ്‌ഠ​യും നാണ​ക്കേ​ടും ഒക്കെ നമുക്കും തോന്നും. പാപം മനുഷ്യ​വർഗ​ത്തിൻമേൽ ശക്തമാ​യൊ​രു പിടി മുറു​ക്കി​യി​രി​ക്കു​ന്നെന്നു ബൈബിൾ പറയുന്നു. “ആദാം ചെയ്‌ത​തു​പോ​ലുള്ള പാപം ചെയ്യാ​ത്ത​വ​രു​ടെ” കാര്യ​ത്തി​ലും അതു സത്യമാണ്‌. (റോമ. 5:14) എന്നാൽ പാപി​ക​ളാ​യി ജനിച്ച​തു​കൊണ്ട്‌ മാത്രം നമ്മൾ ദുർബ​ല​രും പ്രതീ​ക്ഷ​യ​റ്റ​വ​രും ആണെന്നു ചിന്തി​ക്കേണ്ട ആവശ്യ​മില്ല. ആ ചിന്തകളെ നമുക്കു തള്ളിക്ക​ള​യാ​നാ​കും. എങ്ങനെ?

11. ദുർബ​ല​രാണ്‌ എന്ന തോന്ന​ലി​നോ​ടു നമ്മൾ എങ്ങനെ പ്രതി​ക​രി​ക്കണം, എന്തു​കൊണ്ട്‌? (റോമർ 6:12)

¹¹ തെറ്റായ ആഗ്രഹ​ങ്ങൾക്കെ​തി​രെ പോരാ​ടാൻ കഴിയാത്ത ദുർബ​ല​രാണ്‌ നമ്മൾ എന്ന്‌ ഉള്ളിൽനിന്ന്‌ ആരോ പറയു​ന്ന​തു​പോ​ലെ നമുക്കു ചില​പ്പോൾ തോന്നി​യേ​ക്കാം. നമ്മുടെ ഉള്ളിലെ പാപാ​വ​സ്ഥ​യാണ്‌ അതിന്‌ ഇടയാ​ക്കു​ന്നത്‌. എന്നാൽ ആ ശബ്ദത്തിനു നമ്മൾ ചെവി കൊടു​ക്ക​രുത്‌. കാരണം, പാപം നമ്മു​ടെ​മേൽ ‘രാജാ​വാ​യി വാഴു​ന്നത്‌’ തടയാൻ നമുക്കു പറ്റു​മെന്നു ബൈബിൾ പറയുന്നു. (റോമർ 6:12 വായി​ക്കുക.) അതിന്റെ അർഥം തെറ്റായ ആഗ്രഹ​ങ്ങൾക്കു ചേർച്ച​യിൽ പ്രവർത്തി​ക്ക​ണോ വേണ്ടയോ എന്നു തീരു​മാ​നി​ക്കാൻ നമുക്കു കഴിയും എന്നാണ്‌. (ഗലാ. 5:16) പ്രലോ​ഭ​നത്തെ ചെറു​ത്തു​നിൽക്കാൻ നമുക്കാ​കും എന്ന്‌ യഹോ​വ​യ്‌ക്ക്‌ ഉറപ്പുണ്ട്‌. അല്ലെങ്കിൽ യഹോവ അതു നമ്മളോട്‌ ആവശ്യ​പ്പെ​ടി​ല്ല​ല്ലോ. (ആവ. 30:11-14; റോമ. 6:6; 1 തെസ്സ. 4:3) ഇതു കാണി​ക്കു​ന്നതു മോശ​മായ ആഗ്രഹ​ങ്ങൾക്കെ​തി​രെ പോരാ​ടാൻ കഴിയാത്ത ദുർബ​ലരല്ല നമ്മൾ എന്നാണ്‌.

12. പ്രതീ​ക്ഷ​യ​റ്റ​വ​രാണ്‌ എന്ന തോന്ന​ലി​നോ​ടു നമ്മൾ എങ്ങനെ പ്രതി​ക​രി​ക്കണം, എന്തു​കൊണ്ട്‌?

¹² അതു​പോ​ലെ തെറ്റായ ആഗ്രഹങ്ങൾ ഉള്ളതു​കൊണ്ട്‌ യഹോ​വ​യ്‌ക്കു നമ്മളെ ഇഷ്ടമാ​കി​ല്ലെ​ന്നും നമ്മൾ പ്രതീ​ക്ഷ​യ​റ്റ​വ​രാ​ണെ​ന്നും നമ്മുടെ ഉള്ളിലെ ആ ശബ്ദം പറഞ്ഞേ​ക്കാം. എന്നാൽ അതിനും നമ്മൾ ശ്രദ്ധ കൊടു​ക്ക​രുത്‌. കാരണം നമ്മുടെ പാപാ​വ​സ്ഥ​യെ​ക്കു​റിച്ച്‌ യഹോവ നന്നായി മനസ്സി​ലാ​ക്കു​ന്നെന്നു ബൈബി​ളിൽ പറയുന്നു. (സങ്കീ. 103:13, 14) യഹോവ നമ്മളെ​ക്കു​റിച്ച്‌ ‘എല്ലാം അറിയു​ന്ന​വ​നാണ്‌.’ കൈമാ​റി​ക്കി​ട്ടിയ പാപം നമ്മൾ ഓരോ​രു​ത്ത​രെ​യും എങ്ങനെ​യാ​ണു ബാധി​ച്ചി​രി​ക്കു​ന്നത്‌ എന്നു​പോ​ലും യഹോ​വ​യ്‌ക്ക്‌ അറിയാം. (1 യോഹ. 3:19, 20) തെറ്റായ ആഗ്രഹ​ങ്ങൾക്കു ചേർച്ച​യിൽ നമ്മൾ പ്രവർത്തി​ക്കാ​തി​രി​ക്കു​ന്നി​ട​ത്തോ​ളം കാലം യഹോ​വ​യു​ടെ മുമ്പാകെ ഒരു ശുദ്ധമായ നിലയു​ണ്ടാ​യി​രി​ക്കാൻ നമുക്കു കഴിയും. എന്തു​കൊ​ണ്ടാണ്‌ അങ്ങനെ പറയു​ന്നത്‌?

13-14. മനസ്സിൽ തെറ്റായ ആഗ്രഹങ്ങൾ ഉണ്ടാകു​ന്നു എന്നതു​കൊണ്ട്‌ മാത്രം യഹോവ നമ്മളെ അംഗീ​ക​രി​ക്കില്ല എന്നാണോ? വിശദീ​ക​രി​ക്കുക.

¹³ ഒരു തെറ്റായ ആഗ്രഹം ഉണ്ടായി​രി​ക്കു​ന്ന​തും ആ ആഗ്രഹ​ത്തി​നു ചേർച്ച​യിൽ പ്രവർത്തി​ക്കു​ന്ന​തും തമ്മിൽ വലിയ വ്യത്യാ​സ​മു​ണ്ടെന്നു ബൈബിൾ കാണി​ച്ചു​ത​രു​ന്നു. തെറ്റാ​യൊ​രു ആഗ്രഹം മനസ്സി​ലേക്കു വരുന്നതു തടയാൻ നമുക്ക്‌ എപ്പോ​ഴും കഴിയ​ണ​മെ​ന്നില്ല. എന്നാൽ ആ ആഗ്രഹ​ത്തി​നു ചേർച്ച​യിൽ പ്രവർത്തി​ക്ക​ണോ വേണ്ടയോ എന്നു തീരു​മാ​നി​ക്കാൻ നമുക്കു കഴിയും. ഉദാഹ​ര​ണ​ത്തിന്‌, ഒന്നാം നൂറ്റാ​ണ്ടിൽ കൊരി​ന്തി​ലു​ണ്ടാ​യി​രുന്ന ക്രിസ്‌ത്യാ​നി​ക​ളിൽ ചിലർ മുമ്പ്‌ സ്വവർഗ​ര​തി​ക്കാർ ആയിരു​ന്നു. അവരെ​ക്കു​റിച്ച്‌ പൗലോസ്‌ പറഞ്ഞത്‌ ഇങ്ങനെ​യാണ്‌: “നിങ്ങളിൽ ചിലർ അത്തരക്കാ​രാ​യി​രു​ന്നു.” എന്നാൽ അതിന്റെ അർഥം ഈ ക്രിസ്‌ത്യാ​നി​കൾക്കു പിന്നെ ഒരിക്ക​ലും സ്വവർഗ​ര​തി​യിൽ ഏർപ്പെ​ടാൻ ആഗ്രഹം ഉണ്ടായി​ട്ടേ​യില്ല എന്നാണോ? അങ്ങനെ​യാ​കാൻ സാധ്യ​ത​യില്ല. കാരണം പൊതു​വേ മനസ്സിൽ ആഴത്തിൽ വേര്‌ പിടി​ക്കുന്ന ആഗ്രഹ​ങ്ങ​ളാണ്‌ ഇതൊക്കെ. എന്നാൽ ആത്മനി​യ​ന്ത്രണം വളർത്തി​യെ​ടു​ക്കു​ക​യും സ്വന്തം ആഗ്രഹ​ങ്ങൾക്കു ചേർച്ച​യിൽ പ്രവർത്തി​ക്കാ​തി​രി​ക്കു​ക​യും ചെയ്‌ത ക്രിസ്‌ത്യാ​നി​കളെ യഹോവ അംഗീ​ക​രി​ച്ചു. ‘കഴുകി വെടി​പ്പാ​ക്കി​യി​രി​ക്കു​ന്ന​വ​രാ​യി​ട്ടാണ്‌’ ദൈവം അവരെ കണ്ടത്‌. (1 കൊരി. 6:9-11) യഹോ​വ​യ്‌ക്കു നിങ്ങ​ളെ​യും അങ്ങനെ കാണാ​നാ​കും.

¹⁴ നിങ്ങൾക്കു​ണ്ടാ​കുന്ന തെറ്റായ ആഗ്രഹങ്ങൾ എന്തുത​ന്നെ​യാ​ണെ​ങ്കി​ലും അതിനെ ചെറു​ത്തു​നിൽക്കാൻ നിങ്ങൾക്കു പറ്റും. അത്തരം ആഗ്രഹങ്ങൾ മനസ്സി​ലേക്കു വരുന്നതു തടയാൻ എപ്പോ​ഴും കഴിയി​ല്ലാ​യി​രി​ക്കും. പക്ഷേ ആത്മനി​യ​ന്ത്രണം വളർത്തി​യെ​ടു​ക്കാ​നും ‘ശരീര​ത്തി​ന്റെ​യും മനസ്സി​ന്റെ​യും ആഗ്രഹങ്ങൾ തൃപ്‌തി​പ്പെ​ടു​ത്തു​ന്നത്‌’ ഒഴിവാ​ക്കാ​നും നിങ്ങൾക്കു കഴിയും. (എഫെ. 2:3) അങ്ങനെ​യെ​ങ്കിൽ തെറ്റായ ആഗ്രഹ​ങ്ങൾക്ക്‌ എതി​രെ​യുള്ള ഈ പോരാ​ട്ട​ത്തിൽ ജയിക്കാൻ നിങ്ങൾക്ക്‌ എന്തൊക്കെ ചെയ്യാ​നാ​കും?

എങ്ങനെ ജയിക്കാം?

15. തെറ്റായ ആഗ്രഹ​ങ്ങൾക്ക്‌ എതി​രെ​യുള്ള പോരാ​ട്ട​ത്തിൽ ജയിക്ക​ണ​മെ​ങ്കിൽ നിങ്ങൾ നിങ്ങ​ളോ​ടു​തന്നെ സത്യസ​ന്ധ​രാ​യി​രി​ക്കേ​ണ്ടത്‌ എന്തു​കൊണ്ട്‌?

¹⁵ തെറ്റായ ആഗ്രഹ​ങ്ങൾക്ക്‌ എതി​രെ​യുള്ള പോരാ​ട്ട​ത്തിൽ ജയിക്ക​ണ​മെ​ങ്കിൽ നിങ്ങൾ നിങ്ങ​ളോ​ടു​തന്നെ സത്യസ​ന്ധ​രാ​യി​രി​ക്കണം. നിങ്ങളു​ടെ ബലഹീ​ന​തകൾ നിങ്ങൾ തിരി​ച്ച​റി​യണം. “തെറ്റായ വാദങ്ങ​ളാൽ” സ്വയം വഞ്ചിക്കാ​തി​രി​ക്കാൻ ശ്രദ്ധി​ക്കുക. (യാക്കോ. 1:22) ഉദാഹ​ര​ണ​ത്തിന്‌, ‘എന്നെക്കാൾ കുടി​ക്കുന്ന എത്രയോ പേരുണ്ട്‌’ എന്നു പറഞ്ഞ്‌ സ്വന്തം പ്രശ്‌നത്തെ ചെറു​താ​യി കാണാ​നോ ‘എന്റെ ഭാര്യ എന്നോടു കൂടുതൽ സ്‌നേഹം കാണി​ച്ചി​രു​ന്നെ​ങ്കിൽ അശ്ലീലം കാണാ​നുള്ള ആഗ്രഹം എനിക്ക്‌ ഉണ്ടാകി​ല്ലാ​യി​രു​ന്നു’ എന്നു പറഞ്ഞ്‌ മറ്റുള്ള​വരെ കുറ്റ​പ്പെ​ടു​ത്താ​നോ ചിലർ ശ്രമി​ച്ചേ​ക്കാം. എന്നാൽ സ്വന്തം ബലഹീ​ന​ത​കളെ ഇങ്ങനെ ന്യായീ​ക​രി​ക്കു​ന്നത്‌, നിങ്ങൾ ആ പ്രലോ​ഭ​ന​ത്തിൽ വീണു​പോ​കാ​നുള്ള സാധ്യത കൂട്ടു​ക​യേ​യു​ള്ളൂ. അതു​കൊണ്ട്‌ ഒരിക്ക​ലും ചിന്തക​ളിൽപ്പോ​ലും അങ്ങനെ ചെയ്യരുത്‌. ഓർക്കുക, നിങ്ങൾ ചെയ്യുന്ന ഒരു കാര്യ​ത്തി​ന്റെ ഉത്തരവാ​ദി​ത്വം നിങ്ങൾക്കു തന്നെയാണ്‌.—ഗലാ. 6:7.

16. ശരിയാ​യതു ചെയ്യാ​നുള്ള നിങ്ങളു​ടെ തീരു​മാ​നം എങ്ങനെ ശക്തമാ​ക്കാം?

¹⁶ നമ്മുടെ ബലഹീ​ന​ത​ക​ളെ​ക്കു​റിച്ച്‌ സ്വയം സത്യസ​ന്ധ​രാ​യി​രി​ക്കു​ന്ന​തി​നോ​ടൊ​പ്പം അതിൽ വീഴില്ല എന്ന തീരു​മാ​നം ശക്തമാ​ക്കു​ക​യും വേണം. (1 കൊരി. 9:26, 27; 1 തെസ്സ. 4:4; 1 പത്രോ. 1:15, 16) അത്‌ എങ്ങനെ ചെയ്യാം? നിങ്ങളെ ഏറ്റവും ബുദ്ധി​മു​ട്ടി​ക്കു​ന്നത്‌ ഏതുതരം പ്രലോ​ഭ​ന​മാ​ണെ​ന്നും ദിവസ​ത്തി​ന്റെ ഏതു സമയത്താണ്‌ അതിൽ വീഴാൻ കൂടുതൽ സാധ്യ​ത​യെ​ന്നും മനസ്സി​ലാ​ക്കുക. ഉദാഹ​ര​ണ​ത്തിന്‌, വളരെ ക്ഷീണി​ച്ചി​രി​ക്കു​മ്പോ​ഴോ രാത്രി വളരെ വൈകിയ ഒരു സമയത്തോ നിങ്ങൾ പ്രലോ​ഭ​ന​ത്തിൽ വീഴാ​നുള്ള സാധ്യത കൂടു​ത​ലാ​ണോ? ഉണ്ടാ​യേ​ക്കാ​വുന്ന പ്രലോ​ഭ​നങ്ങൾ മുൻകൂ​ട്ടി കണ്ട്‌, ആ സമയത്ത്‌ നിങ്ങൾ എന്തു ചെയ്യും എന്നു നേര​ത്തേ​തന്നെ ചിന്തി​ച്ചു​വെ​ക്കുക. ഒരു പ്രലോ​ഭനം ഉണ്ടായി​ക്ക​ഴി​ഞ്ഞല്ല അതിനു മുമ്പാണ്‌ ഇക്കാര്യ​ങ്ങ​ളെ​ല്ലാം ചെയ്യേ​ണ്ടത്‌.—സുഭാ. 22:3.

17. യോ​സേ​ഫി​ന്റെ മാതൃ​ക​യിൽ നമുക്ക്‌ എന്തു പഠിക്കാം? (ഉൽപത്തി 39:7-9) (ചിത്ര​ങ്ങ​ളും കാണുക.)

¹⁷ പോത്തി​ഫ​റി​ന്റെ ഭാര്യ യോ​സേ​ഫി​നെ വശീക​രി​ക്കാൻ ശ്രമിച്ച സംഭവം നോക്കാം. യോ​സേഫ്‌ പെട്ടെന്ന്‌, വളരെ വ്യക്തമായ രീതി​യിൽ പ്രതി​ക​രി​ച്ചു. അദ്ദേഹം അവൾക്ക്‌ ഒട്ടും വഴങ്ങി​ക്കൊ​ടു​ത്തില്ല. (ഉൽപത്തി 39:7-9 വായി​ക്കുക.) ഇതിൽനിന്ന്‌ നമുക്ക്‌ എന്തു പഠിക്കാം? പോത്തി​ഫ​റി​ന്റെ ഭാര്യ തന്നെ വശീക​രി​ക്കാൻ ശ്രമി​ക്കു​ന്ന​തി​നു മുമ്പു​തന്നെ ശരിയാ​യതു ചെയ്യാൻ യോ​സേഫ്‌ ഉറച്ച തീരു​മാ​ന​മെ​ടു​ത്തി​രു​ന്നു. അതു​പോ​ലെ നമ്മളും ഒരു പ്രലോ​ഭനം ഉണ്ടാകു​ന്ന​തി​നു മുമ്പു​തന്നെ ശരിയാ​യതു ചെയ്യാ​നുള്ള നമ്മുടെ തീരു​മാ​നം ശക്തമാ​ക്കണം. അങ്ങനെ ചെയ്യു​ന്നെ​ങ്കിൽ, പ്രലോ​ഭനം ഉണ്ടാകു​മ്പോൾ നമ്മൾ നേര​ത്തേ​തന്നെ എടുത്ത ആ തീരു​മാ​ന​ത്തി​നു ചേർച്ച​യിൽ പ്രവർത്തി​ക്കാൻ എളുപ്പ​മാ​യി​രി​ക്കും.

‘പരി​ശോ​ധി​ച്ചു​കൊ​ണ്ടി​രി​ക്കുക’

18. തെറ്റായ ആഗ്രഹ​ങ്ങൾക്ക്‌ എതി​രെ​യുള്ള പോരാ​ട്ട​ത്തിൽ നമുക്ക്‌ എങ്ങനെ ജയിക്കാം? (2 കൊരി​ന്ത്യർ 13:5)

¹⁸ തെറ്റായ ആഗ്രഹ​ങ്ങൾക്കെ​തി​രെ​യുള്ള പോരാ​ട്ട​ത്തിൽ ജയിക്കാൻ നമ്മൾ പതിവാ​യി നമ്മളെ​ത്തന്നെ “പരി​ശോ​ധി​ച്ചു​കൊ​ണ്ടി​രി​ക്കണം.” (2 കൊരി​ന്ത്യർ 13:5 വായി​ക്കുക.) അതിന്‌ ഇടയ്‌ക്കി​ടെ നമ്മുടെ ചിന്തക​ളും പ്രവൃ​ത്തി​ക​ളും വിലയി​രു​ത്തു​ക​യും വേണ്ട മാറ്റങ്ങൾ വരുത്തു​ക​യും വേണം. ഉദാഹ​ര​ണ​ത്തിന്‌, നിങ്ങൾക്ക്‌ ഒരു പ്രലോ​ഭ​നത്തെ ചെറു​ത്തു​നിൽക്കാൻ കഴി​ഞ്ഞെ​ങ്കി​ലും സ്വയം ഇങ്ങനെ ചോദി​ക്കുക: ‘അതു വേണ്ടെ​ന്നു​വെ​ക്കാൻ എനിക്ക്‌ എത്ര സമയ​മെ​ടു​ത്തു?’ കുറച്ച​ധി​കം സമയ​മെ​ടു​ത്ത​താ​യി തോന്നു​ന്നെ​ങ്കിൽ നിരാ​ശ​പ്പെ​ട​രുത്‌. പകരം കുറച്ചു​കൂ​ടെ മെച്ച​പ്പെ​ടാൻ എന്തു ചെയ്യാ​നാ​കു​മെന്നു ചിന്തി​ക്കുക. അതിനാ​യി ഇങ്ങനെ​യുള്ള ചോദ്യ​ങ്ങൾ ചോദി​ക്കാം: ‘എന്റെ മനസ്സി​ലേക്കു വരുന്ന തെറ്റായ ചിന്തകൾ കുറച്ചു​കൂ​ടെ പെട്ടെന്നു തള്ളിക്ക​ള​യാൻ എനിക്കു പറ്റുമോ? ഞാൻ തിര​ഞ്ഞെ​ടു​ക്കുന്ന വിനോ​ദങ്ങൾ പ്രലോ​ഭ​നത്തെ ചെറു​ത്തു​നിൽക്കാൻ എനിക്കു കൂടുതൽ ബുദ്ധി​മുട്ട്‌ ഉണ്ടാക്കു​ന്നു​ണ്ടോ? മോശ​മായ ചിത്രങ്ങൾ എന്റെ മുമ്പിൽ വരു​മ്പോൾ ഞാൻ പെട്ടെ​ന്നു​തന്നെ എന്റെ നോട്ടം മാറ്റു​ന്നു​ണ്ടോ? ആത്മനി​യ​ന്ത്രണം കാണി​ക്കാൻ ബുദ്ധി​മു​ട്ടുള്ള സാഹച​ര്യ​ങ്ങ​ളി​ലും യഹോ​വയെ അനുസ​രി​ക്കു​ന്ന​താണ്‌ എനിക്ക്‌ ഏറ്റവും നല്ലത്‌ എന്ന ബോധ്യം എനിക്കു​ണ്ടോ?’—സങ്കീ. 101:3.

19. ചെറു​തെന്നു തോന്നുന്ന ബുദ്ധി​ശൂ​ന്യ​മായ തീരു​മാ​നങ്ങൾ എങ്ങനെ​യാ​ണു തെറ്റായ ആഗ്രഹ​ങ്ങ​ളോ​ടുള്ള പോരാ​ട്ടം ബുദ്ധി​മു​ട്ടാ​ക്കി​ത്തീർക്കു​ന്നത്‌?

¹⁹ സ്വയം വിലയി​രു​ത്തുന്ന സമയത്ത്‌ തെറ്റായ കാര്യ​ങ്ങളെ ന്യായീ​ക​രി​ക്കുന്ന രീതി ഒഴിവാ​ക്കുക. ബൈബിൾ പറയുന്നു: “ഹൃദയം മറ്റ്‌ എന്തി​നെ​ക്കാ​ളും വഞ്ചകവും സാഹസ​ത്തി​നു തുനി​യു​ന്ന​തും ആണ്‌.” (യിരെ. 17:9) ഹൃദയ​ത്തിൽ “ദുഷ്ടചി​ന്തകൾ” ഉണ്ടാകു​മെന്നു യേശു പറഞ്ഞു. (മത്താ. 15:19) ഉദാഹ​ര​ണ​ത്തിന്‌, അശ്ലീലം കാണു​ന്നതു നിറു​ത്തി​യിട്ട്‌ കുറെ നാളായ ഒരാളു​ടെ കാര്യ​മെ​ടു​ക്കുക. ലൈം​ഗിക വികാ​രങ്ങൾ ഉണർത്തി​യേ​ക്കാ​വുന്ന ചിത്ര​ങ്ങ​ളാ​ണെ​ങ്കി​ലും അതിൽ നഗ്നരായ ആളുകളെ നേരിട്ട്‌ കാണി​ക്കാ​ത്ത​തു​കൊണ്ട്‌ ആ ചിത്രങ്ങൾ നോക്കു​ന്ന​തിൽ കുഴപ്പ​മി​ല്ലെന്ന്‌ അദ്ദേഹം ചിന്തി​ക്കാ​നി​ട​യുണ്ട്‌. അതല്ലെ​ങ്കിൽ, തെറ്റായ ആഗ്രഹ​ങ്ങൾക്കു ചേർച്ച​യിൽ പ്രവർത്തി​ക്കാ​ത്തി​ട​ത്തോ​ളം കാലം അത്തരം ചിന്തകൾ മനസ്സി​ലിട്ട്‌ താലോ​ലി​ക്കു​ന്ന​തിൽ തെറ്റില്ല എന്ന്‌ അദ്ദേഹം ന്യായ​വാ​ദം ചെയ്‌തേ​ക്കാം. ഇങ്ങനെ​യൊ​ക്കെ ചെയ്യു​മ്പോൾ, ഒരു വിധത്തിൽ അദ്ദേഹ​ത്തി​ന്റെ വഞ്ചകമായ ഹൃദയം ‘ജഡമോ​ഹങ്ങൾ തൃപ്‌തി​പ്പെ​ടു​ത്താ​നുള്ള പദ്ധതികൾ ആലോ​ചി​ക്കു​ക​യാണ്‌.’ (റോമ. 13:14) ഇത്‌ എങ്ങനെ നിങ്ങൾക്ക്‌ ഒഴിവാ​ക്കാം? തെറ്റായ വലിയ തീരു​മാ​ന​ങ്ങ​ളി​ലേക്കു നയിക്കു​ന്നതു ബുദ്ധി​ശൂ​ന്യ​മായ ചെറിയ തീരു​മാ​ന​ങ്ങ​ളാ​ണെന്നു മനസ്സി​ലാ​ക്കി അതു ഒഴിവാ​ക്കുക.c തെറ്റായ കാര്യ​ങ്ങളെ ന്യായീ​ക​രി​ക്കുന്ന എല്ലാ ‘ദുഷ്ടചി​ന്ത​ക​ളും’ തള്ളിക്ക​ള​യുക.

20. നമ്മൾ എന്തിനാ​ണു കാത്തി​രി​ക്കു​ന്നത്‌, ഇപ്പോൾ നമുക്ക്‌ എന്തു സഹായ​മുണ്ട്‌?

²⁰ നമ്മൾ പഠിച്ച​തു​പോ​ലെ യഹോ​വ​യു​ടെ സഹായ​ത്താൽ പ്രലോ​ഭ​ന​ങ്ങളെ ചെറു​ത്തു​നിൽക്കാ​നുള്ള ശക്തി നമുക്കു ലഭിക്കു​ന്നു. അതു​പോ​ലെ ദൈവം കരുണ​യോ​ടെ, പുതിയ ലോക​ത്തിൽ എന്നേക്കും ജീവി​ക്കാ​നുള്ള പ്രത്യാ​ശ​യും തന്നിരി​ക്കു​ന്നു. അന്നു തെറ്റായ ആഗ്രഹ​ങ്ങ​ളോ​ടു നമുക്കു പോരാ​ടേ​ണ്ടി​വ​രില്ല. ശുദ്ധമായ മനസ്സോ​ടെ​യും ഹൃദയ​ത്തോ​ടെ​യും നമുക്ക്‌ അന്ന്‌ യഹോ​വയെ സേവി​ക്കാൻ കഴിയും. എന്നാൽ അതുവരെ, നമ്മുടെ പോരാ​ട്ട​ത്തിൽ നമ്മൾ ദുർബ​ല​രോ പ്രതീ​ക്ഷ​യ​റ്റ​വ​രോ അല്ല എന്ന കാര്യം എപ്പോ​ഴും ഓർക്കാം. യഹോവ നമ്മുടെ ശ്രമങ്ങളെ അനു​ഗ്ര​ഹി​ക്കും; നമ്മൾ ജയിക്കും!