‘മൂപ്പന്മാ​രെ വിളി​ക്കുക’

1. തന്റെ ആടുകൾ തനിക്ക്‌ വില​പ്പെ​ട്ട​വ​രാ​ണെന്ന്‌ യഹോവ കാണി​ച്ചി​രി​ക്കു​ന്നത്‌ എങ്ങനെ?

യഹോ​വ​യ്‌ക്ക്‌ തന്റെ ആടുകൾ വളരെ വില​പ്പെ​ട്ട​വ​രാണ്‌. അതു​കൊ​ണ്ടാണ്‌ യേശു​വി​ന്റെ രക്തത്താൽ അവരെ വിലയ്‌ക്കു വാങ്ങി​യി​രി​ക്കു​ന്ന​തും അവരെ പരിപാ​ലി​ക്കാ​നാ​യി മൂപ്പന്മാ​രെ നിയമി​ച്ചി​രി​ക്കു​ന്ന​തും. (പ്രവൃ. 20:28) മൂപ്പന്മാർ ദയയോ​ടെ അവരോട്‌ ഇടപെ​ടാൻ യഹോവ ആഗ്രഹി​ക്കു​ന്നു. ക്രിസ്‌തു​വി​ന്റെ നേതൃ​ത്വ​ത്തിൻകീ​ഴിൽ മൂപ്പന്മാർ, യഹോ​വ​യോട്‌ അടുത്തു​നിൽക്കാ​നും വിശ്വ​സ്‌ത​രാ​യി​രി​ക്കാ​നും ആടുകളെ സഹായി​ക്കു​ന്നു.—യശ. 32:1, 2.

2. ആരുടെ കാര്യ​ത്തി​ലാണ്‌ യഹോവ പ്രത്യേ​കം താത്‌പ​ര്യം കാണി​ക്കു​ന്നത്‌? (യഹസ്‌കേൽ 34:15, 16)

² യഹോ​വ​യ്‌ക്ക്‌ തന്റെ എല്ലാ ആടുക​ളെ​ക്കു​റി​ച്ചും ആഴമായ ചിന്തയുണ്ട്‌. എന്നാൽ ആത്മീയ​മാ​യി കഷ്ടപ്പെ​ടു​ന്ന​വരെ പ്രത്യേ​കം സഹായി​ക്കാൻ യഹോവ ആഗ്രഹി​ക്കു​ന്നു. യഹോവ ഇന്ന്‌ അതു ചെയ്യു​ന്നത്‌ മൂപ്പന്മാ​രി​ലൂ​ടെ​യാണ്‌. (യഹസ്‌കേൽ 34:15, 16 വായി​ക്കുക.) എങ്കിലും ഒരു സഹായം ആവശ്യ​മു​ള്ള​പ്പോൾ നമ്മൾ അതു ചോദി​ക്കാൻ യഹോവ പ്രതീ​ക്ഷി​ക്കു​ന്നു. ആത്മാർഥ​മായ പ്രാർഥ​ന​കൾക്ക്‌ പുറമേ, ‘ഇടയന്മാ​രും അധ്യാ​പ​ക​രും’ ആയി സേവി​ക്കുന്ന മൂപ്പന്മാ​രു​ടെ സഹായ​വും നമ്മൾ ചോദി​ക്കണം.—എഫെ. 4:11, 12.

3. സഹായം നൽകു​ന്ന​തി​ലെ മൂപ്പന്മാ​രു​ടെ പങ്കി​നെ​ക്കു​റിച്ച്‌ അറിഞ്ഞി​രി​ക്കു​ന്നത്‌ എല്ലാവർക്കും പ്രയോ​ജനം ചെയ്യു​ന്നത്‌ എങ്ങനെ?

³ ഈ ലേഖന​ത്തിൽ, മൂപ്പന്മാ​രി​ലൂ​ടെ ആത്മീയ​സ​ഹാ​യം തരാനുള്ള ദൈവ​ത്തി​ന്റെ ക്രമീ​ക​ര​ണ​ത്തെ​ക്കു​റിച്ച്‌ നമ്മൾ പഠിക്കും. നമുക്ക്‌ ഈ ചോദ്യ​ങ്ങൾക്കുള്ള ഉത്തരങ്ങൾ കണ്ടെത്താം: മൂപ്പന്മാ​രോട്‌ സഹായം ചോദി​ക്കേ​ണ്ടത്‌ എപ്പോ​ഴാണ്‌? അങ്ങനെ ചോദി​ക്കേ​ണ്ടത്‌ എന്തു​കൊ​ണ്ടാണ്‌? മൂപ്പന്മാർ നമ്മളെ എങ്ങനെ​യാണ്‌ സഹായി​ക്കു​ന്നത്‌? ഇപ്പോൾ സഹായം വേണ്ടി​വ​രുന്ന ഒരു സാഹച​ര്യം നമുക്ക്‌ ഇല്ലെങ്കി​ലും ഈ വിഷയ​ത്തെ​ക്കു​റിച്ച്‌ പഠിക്കു​ന്നത്‌ നമുക്കു പ്രയോ​ജനം ചെയ്യും. അതു ദൈവ​ത്തി​ന്റെ ഈ ക്രമീ​ക​ര​ണ​ത്തോ​ടുള്ള നമ്മുടെ വിലമ​തിപ്പ്‌ കൂട്ടും. ഭാവി​യിൽ ഒരുപക്ഷേ സഹായം ആവശ്യ​മാ​യി വരു​മ്പോൾ എന്തു ചെയ്യണ​മെന്ന്‌ അറിഞ്ഞി​രി​ക്കാ​നും നമുക്കു കഴിയും.

‘മൂപ്പന്മാ​രെ വിളി​ക്കേ​ണ്ടത്‌’ എപ്പോൾ?

4. യാക്കോബ്‌ 5:14-16, 19, 20 ആത്മീയ രോഗാ​വ​സ്ഥ​യെ​ക്കു​റി​ച്ചാണ്‌ പറയു​ന്നത്‌ എന്ന്‌ നമുക്ക്‌ എങ്ങനെ അറിയാം? (ചിത്ര​ങ്ങ​ളും കാണുക.)

⁴ ആത്മീയ​സ​ഹാ​യം നൽകാ​നുള്ള ദൈവ​ത്തി​ന്റെ ക്രമീ​ക​ര​ണ​ത്തെ​ക്കു​റിച്ച്‌ ശിഷ്യ​നായ യാക്കോബ്‌ വിശദീ​ക​രി​ക്കു​ന്നുണ്ട്‌. അദ്ദേഹം ഇങ്ങനെ ഒരു ചോദ്യ​ത്തോ​ടെ തുടങ്ങു​ന്നു: “നിങ്ങളിൽ രോഗി​യാ​യി ആരെങ്കി​ലു​മു​ണ്ടോ? അയാൾ സഭയിലെ മൂപ്പന്മാ​രെ വിളി​ച്ചു​വ​രു​ത്തട്ടെ.” (യാക്കോബ്‌ 5:14-16, 19, 20 വായി​ക്കുക.) ഇവിടെ യാക്കോബ്‌ ആത്മീയ​രോ​ഗ​ത്തെ​ക്കു​റി​ച്ചാണ്‌ പറയു​ന്ന​തെന്ന്‌ സന്ദർഭം സൂചി​പ്പി​ക്കു​ന്നു. ഉദാഹ​ര​ണ​ത്തിന്‌, രോഗി​യായ ആളോട്‌ ഡോക്‌ടറെ വിളി​ക്കാ​നല്ല മൂപ്പന്മാ​രെ വിളി​ക്കാ​നാണ്‌ ആവശ്യ​പ്പെ​ട്ടി​രി​ക്കു​ന്നത്‌. കൂടാതെ പാപങ്ങൾ ക്ഷമിച്ചു​കി​ട്ടു​മ്പോ​ഴാണ്‌ ഈ രോഗി സുഖ​പ്പെ​ടു​ന്ന​തെ​ന്നും പറഞ്ഞി​രി​ക്കു​ന്നു. ഒരർഥ​ത്തിൽ പറഞ്ഞാൽ, നമു​ക്കൊ​രു രോഗം വരു​മ്പോൾ ചെയ്യേണ്ട കാര്യ​ങ്ങൾത​ന്നെ​യാണ്‌ ആത്മീയ​മാ​യി രോഗി​യാ​കു​മ്പോ​ഴും ചെയ്യേ​ണ്ടത്‌. ഒരു അസുഖം വരു​മ്പോൾ നമ്മൾ ഡോക്‌ടറെ ചെന്നു​കാ​ണും; രോഗ​ല​ക്ഷ​ണങ്ങൾ വിശദീ​ക​രി​ക്കും; അദ്ദേഹ​ത്തി​ന്റെ നിർദേ​ശങ്ങൾ അനുസ​രി​ക്കും. അതു​പോ​ലെ ആത്മീയ​മാ​യി രോഗി​യാ​കു​മ്പോൾ നമ്മൾ മൂപ്പന്മാ​രെ ചെന്നു​കാ​ണണം; നമ്മുടെ സാഹച​ര്യ​ത്തെ​ക്കു​റിച്ച്‌ അവരോട്‌ വിശദീ​ക​രി​ക്കണം; തിരു​വെ​ഴു​ത്തു​ക​ളിൽനിന്ന്‌ അവർ നൽകുന്ന ഉപദേശം അനുസ​രി​ക്കു​ക​യും വേണം.

5. നമ്മുടെ ആത്മീയാ​രോ​ഗ്യം കുറയു​ന്നു എന്നതിന്റെ സൂചനകൾ എന്തൊ​ക്കെ​യാണ്‌?

⁵ നമ്മുടെ ആത്മീയാ​രോ​ഗ്യം കുറയു​ന്ന​താ​യി കണ്ടാൽ മൂപ്പന്മാ​രു​ടെ സഹായം തേടാ​നാണ്‌ യാക്കോബ്‌ 5-ാം അധ്യായം പ്രോ​ത്സാ​ഹി​പ്പി​ക്കു​ന്നത്‌. ദൈവ​വു​മാ​യുള്ള സൗഹൃ​ദ​ത്തിന്‌ വലിയ തകരാർ സംഭവി​ക്കു​ന്ന​തിന്‌ മുമ്പു​തന്നെ ആ സഹായം സ്വീക​രി​ക്കു​ന്നത്‌ എത്ര നല്ലതാ​യി​രി​ക്കും! ഈ കാര്യ​ത്തിൽ സത്യസ​ന്ധ​മായ ഒരു പരി​ശോ​ധന നടത്തു​ന്നത്‌ നല്ലതാണ്‌. കാരണം ബൈബിൾ പറയു​ന്നത്‌, നമുക്ക്‌ നല്ല ആത്മീയാ​രോ​ഗ്യ​മുണ്ട്‌ എന്നു ചിന്തിച്ച്‌ നമ്മൾ സ്വയം വഞ്ചിക്കാൻ സാധ്യ​ത​യു​ണ്ടെ​ന്നാണ്‌. (യാക്കോ. 1:22) ഒന്നാം നൂറ്റാ​ണ്ടി​ലു​ണ്ടാ​യി​രുന്ന സർദി​സി​ലെ ചില ക്രിസ്‌ത്യാ​നി​കൾക്ക്‌ അങ്ങനെ ഒരു തെറ്റു പറ്റി. അപ്പോൾ യേശു അവരുടെ ആത്മീയാ​വ​സ്ഥ​യെ​ക്കു​റിച്ച്‌ ഒരു മുന്നറി​യി​പ്പു കൊടു​ത്തു. (വെളി. 3:1, 2) അങ്ങനെ​യെ​ങ്കിൽ നമുക്ക്‌ എങ്ങനെ നമ്മുടെ ആത്മീയാ​രോ​ഗ്യം പരി​ശോ​ധി​ക്കാൻ കഴിയും? അതിനുള്ള ഒരു നല്ല മാർഗം ആരാധ​ന​യിൽ നമുക്ക്‌ മുമ്പു​ണ്ടാ​യി​രുന്ന ഉത്സാഹം ഇപ്പോ​ഴു​ണ്ടോ എന്നു ചിന്തി​ക്കു​ന്ന​താണ്‌. (വെളി. 2:4, 5) അതിന്‌ ചില ചോദ്യ​ങ്ങൾ സ്വയം ചോദി​ക്കാം: ‘ബൈബിൾ വായി​ക്കാ​നും അതെക്കു​റിച്ച്‌ ചിന്തി​ക്കാ​നും ഉള്ള എന്റെ താത്‌പ​ര്യം കുറഞ്ഞി​ട്ടു​ണ്ടോ? ഞാൻ മീറ്റി​ങ്ങു​കൾ മുടക്കാ​റു​ണ്ടോ? ഇനി പോകു​മ്പോ​ഴാ​ണെ​ങ്കിൽ തയ്യാറാ​കാ​തെ​യാ​ണോ ഞാൻ പോകു​ന്നത്‌? ശുശ്രൂ​ഷ​യി​ലുള്ള എന്റെ തീക്ഷ്‌ണത കുറഞ്ഞു​പോ​യി​ട്ടു​ണ്ടോ? ഞാൻ കൂടുതൽ സമയവും ചെലവ​ഴി​ക്കു​ന്നത്‌ ജീവി​ത​സു​ഖ​ങ്ങൾക്കു വേണ്ടി​യാ​ണോ? മുമ്പ​ത്തെ​ക്കാ​ളും ഞാൻ പണത്തെ​ക്കു​റിച്ച്‌ ഒരുപാ​ടു ചിന്തി​ക്കു​ന്നു​ണ്ടോ?’ ഇതിൽ ഏതി​നെ​ങ്കി​ലും ഉള്ള നിങ്ങളു​ടെ ഉത്തരം ‘അതെ’ എന്നാ​ണെ​ങ്കിൽ അത്‌ ആത്മീയ​രോ​ഗ​ത്തി​ന്റെ ഒരു സൂചന​യാ​യി​രി​ക്കാം. അതു പരിഹ​രി​ച്ചി​ല്ലെ​ങ്കിൽ പ്രശ്‌നം വഷളാ​കാ​നുള്ള സാധ്യ​ത​യുണ്ട്‌. ഈ പ്രശ്‌നങ്ങൾ നിങ്ങൾക്ക്‌ സ്വയം പരിഹ​രി​ക്കാ​നാ​കു​ന്നി​ല്ലെ​ങ്കി​ലോ ദൈവ​ത്തിന്‌ ഇഷ്ടമി​ല്ലാത്ത ഒരു കാര്യം നിങ്ങൾ ചെയ്യാൻ തുടങ്ങി​യി​ട്ടു​ണ്ടെ​ങ്കി​ലോ മൂപ്പന്മാ​രു​ടെ സഹായം തേടേ​ണ്ടത്‌ ആവശ്യ​മാണ്‌.

6. ഗുരു​ത​ര​മായ തെറ്റു ചെയ്‌തു​പോയ ഒരു വ്യക്തി എന്തു ചെയ്യണം?

⁶ ഒരു വ്യക്തി ഗുരു​ത​ര​മായ തെറ്റു ചെയ്‌തി​ട്ടു​ണ്ടെ​ങ്കിൽ അതായത്‌, സഭയിൽനിന്ന്‌ നീക്കം ചെയ്യാൻ ഇടയാ​ക്കി​യേ​ക്കാ​വുന്ന ഒരു തെറ്റു ചെയ്‌തി​ട്ടു​ണ്ടെ​ങ്കിൽ അദ്ദേഹം മൂപ്പന്മാ​രെ സമീപി​ക്കണം. (1 കൊരി. 5:11-13) കാരണം ഗുരു​ത​ര​മായ തെറ്റു ചെയ്‌ത​യാൾക്ക്‌ യഹോ​വ​യു​മാ​യുള്ള ബന്ധം വീണ്ടെ​ടു​ക്കാൻ സഹായം ആവശ്യ​മാണ്‌. മോച​ന​വി​ല​യു​ടെ അടിസ്ഥാ​ന​ത്തി​ലുള്ള യഹോ​വ​യു​ടെ ക്ഷമ കിട്ടണ​മെ​ങ്കിൽ അയാൾ ‘മാനസാ​ന്ത​ര​ത്തി​നു ചേർച്ച​യിൽ പ്രവർത്തി​ക്കേ​ണ്ട​തുണ്ട്‌.’ (പ്രവൃ. 26:20) അതിൽ ഉൾപ്പെ​ടുന്ന ഒരു കാര്യ​മാണ്‌ ആ വ്യക്തി മൂപ്പന്മാ​രു​ടെ സഹായം സ്വീക​രി​ക്കു​ന്നത്‌.

7. മൂപ്പന്മാ​രു​ടെ സഹായം ആവശ്യ​മാ​യി​രി​ക്കുന്ന വേറെ ആരാണു​ള്ളത്‌?

⁷ മൂപ്പന്മാർ ഗുരു​ത​ര​മായ തെറ്റു ചെയ്‌ത​വരെ മാത്രമല്ല, ആത്മീയ​ബലം കുറഞ്ഞ​വ​രെ​യും സഹായി​ക്കു​ന്നു. (പ്രവൃ. 20:35) ഉദാഹ​ര​ണ​ത്തിന്‌, തെറ്റായ ആഗ്രഹ​ങ്ങൾക്കെ​തി​രെ പോരാ​ടാൻ നിങ്ങൾ കഷ്ടപ്പെ​ടു​ക​യാ​യി​രി​ക്കാം. പ്രത്യേ​കി​ച്ചും സത്യം പഠിക്കു​ന്ന​തി​നു മുമ്പ്‌ നിങ്ങൾ തുടർച്ച​യാ​യി മയക്കു​മ​രുന്ന്‌ ഉപയോ​ഗി​ച്ചി​രു​ന്ന​വ​രോ അശ്ലീലം കണ്ടിരു​ന്ന​വ​രോ അധാർമി​ക​ജീ​വി​തം നയിച്ചി​രു​ന്ന​വ​രോ ഒക്കെ ആണെങ്കിൽ അതു വേണ്ടെ​ന്നു​വെ​ക്കാൻ നിങ്ങൾക്കു കൂടുതൽ ബുദ്ധി​മു​ട്ടാ​യി​രു​ന്നേ​ക്കാം. എന്നാൽ നിങ്ങൾ ഒറ്റയ്‌ക്കു പോരാ​ടേ​ണ്ട​തില്ല. നിങ്ങൾക്ക്‌ തുറന്ന്‌ സംസാ​രി​ക്കാൻ തോന്നുന്ന ഒരു മൂപ്പ​നോട്‌ കാര്യ​ങ്ങ​ളെ​ല്ലാം പറയുക. അദ്ദേഹം നിങ്ങളെ നന്നായി ശ്രദ്ധി​ക്കു​ക​യും പ്രാ​യോ​ഗി​ക​മാ​യി ചെയ്യാൻ കഴിയുന്ന കാര്യങ്ങൾ പറഞ്ഞു​ത​രു​ക​യും ചെയ്യും. തെറ്റായ ആഗ്രഹ​ങ്ങളെ ചെറു​ക്കാ​നും അങ്ങനെ യഹോ​വയെ സന്തോ​ഷി​പ്പി​ക്കാ​നും ആകുമെന്ന നിങ്ങളു​ടെ വിശ്വാ​സം അദ്ദേഹം ബലപ്പെ​ടു​ത്തും. (സഭാ. 4:12) തെറ്റായ ആഗ്രഹ​ങ്ങൾക്കെ​തി​രെ പോരാ​ടി നിങ്ങൾ തളർന്നു​പോ​യി​ട്ടു​ണ്ടെ​ങ്കിൽ മൂപ്പന്മാ​രോ​ടു സംസാ​രി​ക്കു​ന്നത്‌ ശക്തി പകരും. കാരണം യഹോ​വയെ സന്തോ​ഷി​പ്പി​ക്കാൻ ആഗ്രഹി​ക്കു​ന്ന​തു​കൊ​ണ്ടും താഴ്‌മ​യു​ള്ള​തു​കൊ​ണ്ടും ആണ്‌ നിങ്ങൾ സഹായം ചോദി​ച്ച​തെന്ന്‌ മൂപ്പന്മാർ നിങ്ങളെ ഓർമി​പ്പി​ക്കും.—1 കൊരി. 10:12.

8. എങ്ങനെ​യുള്ള തെറ്റു​കൾക്കു നമ്മൾ മൂപ്പന്മാ​രെ സമീപി​ക്കേ​ണ്ട​തില്ല?

⁸ നമ്മൾ ചെയ്യുന്ന ഓരോ ചെറിയ തെറ്റി​നും മൂപ്പന്മാ​രെ സമീപി​ക്കേ​ണ്ട​തില്ല. ഉദാഹ​ര​ണ​ത്തിന്‌, ഒരു സഹോ​ദ​ര​നെ​യോ സഹോ​ദ​രി​യെ​യോ വേദനി​പ്പി​ക്കുന്ന എന്തെങ്കി​ലും നിങ്ങൾ പറഞ്ഞു​പോ​യി​ട്ടു​ണ്ടാ​കാം. ചില​പ്പോൾ ദേഷ്യ​പ്പെ​ട്ടാ​യി​രി​ക്കും സംസാ​രി​ച്ചത്‌. ഉടനെ ഒരു മൂപ്പ​നോട്‌ അതെക്കു​റിച്ച്‌ സംസാ​രി​ക്കു​ന്ന​തി​നു പകരം യേശു തന്ന ഉപദേശം അനുസ​രി​ച്ചു​കൊണ്ട്‌ ആ വ്യക്തി​യു​മാ​യി നേരിട്ട്‌ പ്രശ്‌നം പരിഹ​രി​ക്കാൻ ശ്രമി​ക്കുക. (മത്താ. 5:23, 24) അതോ​ടൊ​പ്പം സൗമ്യത, ക്ഷമ, ആത്മനി​യ​ന്ത്രണം എന്നീ ഗുണങ്ങൾ കാണി​ക്കു​ന്ന​തിൽ മെച്ച​പ്പെ​ടാൻ, അവയെ​ക്കു​റിച്ച്‌ നിങ്ങൾക്കു കൂടുതൽ പഠിക്കാ​നാ​കും. ഇത്ര​യൊ​ക്കെ ചെയ്‌തി​ട്ടും പ്രശ്‌നം പരിഹ​രി​ക്കാൻ കഴിയു​ന്നി​ല്ലെ​ങ്കിൽ ഒരു മൂപ്പന്റെ സഹായം തേടാം. ഫിലിപ്പി സഭയിലെ യുവൊ​ദ്യ​ക്കും സുന്തു​ക​യ്‌ക്കും തങ്ങൾക്കി​ട​യി​ലെ പ്രശ്‌നം സ്വന്തമാ​യി പരിഹ​രി​ക്കാൻ പറ്റാതെ വന്നപ്പോൾ, പൗലോസ്‌ അപ്പോ​സ്‌തലൻ ആ സഭയിലെ ഒരു സഹോ​ദ​ര​നോട്‌ അവരെ സഹായി​ക്കാൻ ആവശ്യ​പ്പെട്ടു. അതു​പോ​ലെ, നിങ്ങളു​ടെ സഭയിലെ ഒരു മൂപ്പനും നിങ്ങളെ സഹായി​ക്കാ​നാ​യേ​ക്കും.—ഫിലി. 4:2, 3.

മൂപ്പന്മാ​രെ വിളി​ക്കേ​ണ്ടത്‌ എന്തു​കൊണ്ട്‌?

9. നാണ​ക്കേടു കാരണം മൂപ്പന്മാ​രോട്‌ സഹായം ചോദി​ക്കാൻ മടിക്ക​രു​താ​ത്തത്‌ എന്തു​കൊണ്ട്‌? (സുഭാ​ഷി​തങ്ങൾ 28:13)

⁹ നമ്മൾ ഗുരു​ത​ര​മായ ഒരു തെറ്റു ചെയ്‌തു​പോ​യി​ട്ടു​ണ്ടെ​ങ്കി​ലോ അല്ലെങ്കിൽ തെറ്റായ ആഗ്രഹ​ങ്ങൾക്കെ​തി​രെ പോരാ​ടാൻ പറ്റുന്നി​ല്ലെന്നു തോന്നു​ന്നെ​ങ്കി​ലോ മൂപ്പന്മാ​രോട്‌ സഹായം ചോദി​ക്കാൻ വിശ്വാ​സ​വും ധൈര്യ​വും ആവശ്യ​മാണ്‌. നാണ​ക്കേടു കാരണം ഒരിക്ക​ലും മൂപ്പന്മാ​രു​ടെ അടുത്ത്‌ പോകാ​തി​രി​ക്ക​രുത്‌. എന്തുകൊണ്ട്‌? കാരണം നമ്മളെ ആത്മീയ​മാ​യി ശക്തരാക്കി നിറു​ത്താ​നുള്ള യഹോ​വ​യു​ടെ ക്രമീ​ക​ര​ണ​മാണ്‌ അത്‌. അതു​കൊണ്ട്‌ മൂപ്പന്മാ​രോട്‌ സംസാ​രി​ക്കു​മ്പോൾ നമ്മൾ യഹോ​വ​യിൽ ആശ്രയി​ക്കു​ന്നെ​ന്നും യഹോ​വയെ അനുസ​രി​ക്കു​ന്നെ​ന്നും കാണി​ക്കു​ക​യാണ്‌. വീഴാൻ പോകു​മ്പോൾ നമുക്ക്‌ യഹോ​വ​യു​ടെ സഹായ​മി​ല്ലാ​തെ പറ്റി​ല്ലെന്ന്‌ നമ്മൾ അംഗീ​ക​രി​ക്കു​ന്നു. (സങ്കീ. 94:18) അതു​പോ​ലെ നമ്മൾ തെറ്റ്‌ ചെയ്‌തി​ട്ടു​ണ്ടെ​ങ്കിൽ ദൈവ​ത്തി​ന്റെ കരുണ കിട്ടാൻ ആ തെറ്റ്‌ ഏറ്റുപ​റ​യു​ക​യും അത്‌ ഉപേക്ഷി​ക്കു​ക​യും ചെയ്യേ​ണ്ട​തു​ണ്ടെന്നു നമ്മൾ തിരി​ച്ച​റി​യു​ന്നു.—സുഭാ​ഷി​തങ്ങൾ 28:13 വായി​ക്കുക.

10. തെറ്റുകൾ മറച്ചു​വെ​ച്ചാൽ എന്തു സംഭവി​ച്ചേ​ക്കാം?

¹⁰ സഹായം ആവശ്യ​മു​ള്ള​പ്പോൾ മൂപ്പന്മാ​രോട്‌ സംസാ​രി​ക്കു​ന്ന​തി​ന്റെ പ്രയോ​ജ​നങ്ങൾ നമ്മൾ കണ്ടു. പക്ഷേ നമ്മൾ തെറ്റുകൾ മറച്ചു​വെ​ച്ചാൽ കാര്യങ്ങൾ കൂടുതൽ വഷളാ​കു​കയേ ഉള്ളൂ. ദാവീദ്‌ രാജാവ്‌ അങ്ങനെ ചെയ്‌ത​പ്പോൾ അദ്ദേഹ​ത്തിന്‌ ആത്മീയ​മാ​യും വൈകാ​രി​ക​മാ​യും ശാരീ​രി​ക​മാ​യി​പ്പോ​ലും ബുദ്ധി​മു​ട്ടു​കൾ അനുഭ​വി​ക്കേ​ണ്ടി​വന്നു. (സങ്കീ. 32:3-5) നമുക്ക്‌ ഒരു അസുഖം വരുക​യോ പരിക്ക്‌ പറ്റുക​യോ ചെയ്യു​മ്പോൾ അതു ശരിയായ രീതി​യിൽ ചികി​ത്സി​ച്ചി​ല്ലെ​ങ്കിൽ പ്രശ്‌നം ഗുരു​ത​ര​മാ​കും. ആത്മീയ​രോ​ഗ​ത്തി​ന്റെ കാര്യ​ത്തി​ലും മിക്ക​പ്പോ​ഴും അതു സത്യമാണ്‌. ആ കാര്യം യഹോ​വ​യ്‌ക്ക്‌ അറിയാ​വു​ന്ന​തു​കൊ​ണ്ടാണ്‌ മൂപ്പന്മാ​രോട്‌ കാര്യങ്ങൾ തുറന്നു​പ​റ​യാ​നും അതുവഴി താനു​മാ​യി ‘കാര്യങ്ങൾ പറഞ്ഞ്‌ നേരെ​യാ​ക്കാ​നും’ യഹോവ നമ്മളെ ക്ഷണിക്കു​ന്നത്‌.—യശ. 1:5, 6, 18.

11. നമ്മൾ ഗുരു​ത​ര​മായ ഒരു തെറ്റ്‌ മറച്ചു​പി​ടി​ച്ചാൽ മറ്റുള്ള​വർക്ക്‌ എന്തു പ്രശ്‌നം ഉണ്ടാ​യേ​ക്കാം?

¹¹ നമ്മൾ ഗുരു​ത​ര​മായ ഒരു തെറ്റ്‌ മറച്ചു​പി​ടി​ക്കു​ന്നെ​ങ്കിൽ മറ്റുള്ള​വർക്കും അതിന്റെ പ്രശ്‌നങ്ങൾ അനുഭ​വി​ക്കേ​ണ്ടി​വ​രും. മുഴു​സ​ഭ​യു​ടെ​യും മേലുള്ള ദൈവാ​ത്മാ​വി​ന്റെ ഒഴുക്ക്‌ തടസ്സ​പ്പെ​ടും. അതു​പോ​ലെ അതു സഹോ​ദ​ര​ങ്ങൾക്കു ബുദ്ധി​മു​ട്ടു​ണ്ടാ​ക്കു​ക​യും ചെയ്യും. (എഫെ. 4:30) സഭയിലെ മറ്റാ​രെ​ങ്കി​ലും ഗുരു​ത​ര​മായ ഒരു തെറ്റു ചെയ്‌തെന്ന്‌ നമ്മൾ അറിയു​മ്പോ​ഴും മൂപ്പന്മാ​രോ​ടു തുറന്ന്‌ സംസാ​രി​ക്കാൻ ആ വ്യക്തിയെ പ്രോ​ത്സാ​ഹി​പ്പി​ക്കേ​ണ്ട​താണ്‌.a അത്തരം തെറ്റുകൾ നമ്മൾ മറച്ചു​പി​ടി​ക്കു​ന്നെ​ങ്കിൽ നമ്മളും ആ തെറ്റിൽ കുറ്റക്കാ​രാ​യി​രി​ക്കും. (ലേവ്യ 5:1) മുന്നോ​ട്ടു​വന്ന്‌ സത്യം തുറന്നു​പ​റ​യാൻ യഹോ​വ​യോ​ടുള്ള സ്‌നേഹം നമ്മളെ പ്രേരി​പ്പി​ക്കണം. അങ്ങനെ ചെയ്യു​മ്പോൾ സഭയെ ശുദ്ധമാ​ക്കി നിറു​ത്താ​നും യഹോ​വ​യു​മാ​യി വീണ്ടും ഒരു ബന്ധത്തി​ലേക്കു വരാൻ തെറ്റു ചെയ്‌ത ആ വ്യക്തിയെ സഹായി​ക്കാ​നും നമുക്കു കഴിയും.

മൂപ്പന്മാർ എങ്ങനെ​യാണ്‌ നമ്മളെ സഹായി​ക്കു​ന്നത്‌?

12. ആത്മീയ​മാ​യി ദുർബ​ല​രാ​യ​വരെ മൂപ്പന്മാർ എങ്ങനെ​യാണ്‌ സഹായി​ക്കു​ന്നത്‌?

¹² ആത്മീയ​മാ​യി ദുർബ​ല​രാ​യ​വർക്ക്‌ പിന്തുണ കൊടു​ക്കാൻ ബൈബിൾ മൂപ്പന്മാ​രോട്‌ ആവശ്യ​പ്പെ​ടു​ന്നുണ്ട്‌. (1 തെസ്സ. 5:14) നിങ്ങൾ ഒരു തെറ്റു ചെയ്‌താൽ നിങ്ങളു​ടെ ഉള്ളിലെ ചിന്തക​ളും വികാ​ര​ങ്ങ​ളും നന്നായി മനസ്സി​ലാ​ക്കാൻ മൂപ്പന്മാർ ചില ചോദ്യ​ങ്ങൾ ചോദി​ച്ചേ​ക്കാം. (സുഭാ. 20:5) ആ സമയത്ത്‌ ഉള്ളിലു​ള്ള​തെ​ല്ലാം തുറന്ന്‌ പറയു​ന്നെ​ങ്കിൽ അവർക്കു നിങ്ങളെ സഹായി​ക്കാൻ എളുപ്പ​മാ​യി​രി​ക്കും. നിങ്ങളു​ടെ സംസ്‌കാ​ര​മോ വ്യക്തി​ത്വ​മോ സംഭവിച്ച കാര്യ​ത്തെ​ക്കു​റി​ച്ചുള്ള നാണ​ക്കേ​ടോ ഒന്നും അതി​നൊ​രു തടസ്സമാ​കാൻ അനുവ​ദി​ക്ക​രുത്‌. നിങ്ങൾ ‘ചിന്തി​ക്കാ​തെ എന്തെങ്കി​ലു​മൊ​ക്കെ പറയു​ന്ന​താ​യി’ അവർക്കു തോന്നു​മോ എന്നും പേടി​ക്കേണ്ടാ. (ഇയ്യോ. 6:3) കാരണം മൂപ്പന്മാർ പെട്ടെ​ന്നൊ​രു തീരു​മാ​ന​ത്തി​ലേക്ക്‌ എത്തില്ല. അവർ നിങ്ങൾ പറയു​ന്നത്‌ ശ്രദ്ധിച്ച്‌ കേൾക്കു​ക​യും കാര്യ​ത്തി​ന്റെ മുഴുവൻ ചിത്രം മനസ്സി​ലാ​ക്കു​ക​യും ചെയ്‌ത​ശേഷം മാത്രമേ ഒരു ഉപദേശം തരുക​യു​ള്ളൂ. (സുഭാ. 18:13) ഒരു പ്രാവ​ശ്യം കൂടി​ക്ക​ണ്ട​തു​കൊണ്ട്‌ മാത്രം പ്രശ്‌നം പരിഹ​രി​ക്കാ​നാ​കി​ല്ലെ​ന്നും ഒരാൾക്ക്‌ വേണ്ട സഹായം നൽകാൻ സമയം എടു​ത്തേ​ക്കാ​മെ​ന്നും മൂപ്പന്മാർക്ക്‌ അറിയാം.

13. മൂപ്പന്മാർ അവരുടെ പ്രാർഥ​ന​ക​ളി​ലൂ​ടെ​യും തിരു​വെ​ഴുത്ത്‌ ഉപദേ​ശ​ങ്ങ​ളി​ലൂ​ടെ​യും നമ്മളെ എങ്ങനെ സഹായി​ക്കും? (ചിത്ര​ങ്ങ​ളും കാണുക.)

¹³ നിങ്ങൾ മൂപ്പന്മാ​രോട്‌ സംസാ​രി​ക്കു​മ്പോൾ നിങ്ങളു​ടെ കുറ്റ​ബോ​ധ​ത്തി​ന്റെ ഭാരം കൂട്ടാ​തി​രി​ക്കാൻ അവർ പരമാ​വധി ശ്രമി​ക്കും. അതിനു​വേണ്ടി അവർ എന്താണു ചെയ്യു​ന്നത്‌? അവർ നിങ്ങൾക്കു​വേണ്ടി പ്രാർഥി​ക്കും. അവരുടെ പ്രാർഥ​ന​യു​ടെ “വലിയ ശക്തി” തിരി​ച്ച​റി​യു​മ്പോൾ നിങ്ങൾ അത്ഭുത​പ്പെ​ട്ടു​പോ​യേ​ക്കാം. അതു​പോ​ലെ അവർ ‘യഹോ​വ​യു​ടെ നാമത്തിൽ നിങ്ങളു​ടെ മേൽ എണ്ണ തേക്കു​ക​യും’ ചെയ്യും. (യാക്കോ. 5:14-16) ഇവിടെ “എണ്ണ” എന്നു പറഞ്ഞി​രി​ക്കു​ന്നത്‌ ദൈവ​വ​ച​ന​ത്തി​ലെ സത്യങ്ങ​ളെ​ക്കു​റി​ച്ചാണ്‌. അവർ ദൈവ​വ​ചനം നന്നായി ഉപയോ​ഗി​ച്ചു​കൊണ്ട്‌ നിങ്ങളെ ആശ്വസി​പ്പി​ക്കും; യഹോ​വ​യു​മാ​യുള്ള ബന്ധം വീണ്ടെ​ടു​ക്കാൻ സഹായി​ക്കും. (യശ. 57:18) അവർ തരുന്ന തിരു​വെ​ഴുത്ത്‌ ഉപദേ​ശ​ങ്ങൾക്ക്‌ ശരി ചെയ്യാ​നുള്ള നിങ്ങളു​ടെ തീരു​മാ​നം ശക്തമാ​ക്കാ​നാ​കും. അവരി​ലൂ​ടെ യഹോ​വ​യു​ടെ ഈ ശബ്ദമാണ്‌ നിങ്ങൾ കേൾക്കു​ന്നത്‌: “ഇതാണു വഴി, ഇതിലേ നടക്കുക.”—യശ. 30:21.

14. ഗലാത്യർ 6:1 അനുസ​രിച്ച്‌ ‘തെറ്റായ ചുവട്‌’ വെച്ച ഒരു വ്യക്തിയെ മൂപ്പന്മാർ എങ്ങനെ​യാണ്‌ സഹായി​ക്കു​ന്നത്‌? (ചിത്ര​ങ്ങ​ളും കാണുക.)

¹⁴ ഗലാത്യർ 6:1 വായി​ക്കുക. ഒരു ക്രിസ്‌ത്യാ​നി ദൈവ​ത്തി​ന്റെ നിലവാ​ര​ങ്ങ​ളിൽ നടക്കാതെ വരു​മ്പോൾ “തെറ്റായ ഒരു ചുവടു” വെക്കു​ക​യാ​ണെന്നു പറയാം. അതിൽ തെറ്റായ ഒരു തീരു​മാ​നം എടുക്കു​ന്ന​തോ ഗുരു​ത​ര​മായ ഒരു പാപം ചെയ്യു​ന്ന​തോ ഉൾപ്പെ​ട്ടേ​ക്കാം. അങ്ങനെ സംഭവി​ക്കു​മ്പോൾ സ്‌നേ​ഹ​മുള്ള മൂപ്പന്മാർ ‘സൗമ്യ​ത​യു​ടെ ആത്മാവിൽ അയാളെ നേരെ​യാ​ക്കാൻ നോക്കും.’ “നേരെ​യാ​ക്കാൻ” എന്നു പരിഭാ​ഷ​പ്പെ​ടു​ത്തിയ ഗ്രീക്കു​പ​ദ​ത്തിന്‌, സ്ഥാനം തെറ്റിയ ഒരു എല്ല്‌ പിടി​ച്ചി​ടു​ന്ന​തു​മാ​യി ബന്ധമുണ്ട്‌. അങ്ങനെ ചെയ്‌തി​ല്ലെ​ങ്കിൽ ആ വ്യക്തിക്ക്‌ സ്ഥിരമായ വൈക​ല്യം സംഭവി​ച്ചേ​ക്കാം. വിദഗ്‌ധ​നായ ഒരു ഡോക്‌ടർ അധികം വേദന എടുപ്പി​ക്കാ​തെ എല്ല്‌ പിടി​ച്ചി​ടാൻ നോക്കും. അതു​പോ​ലെ മൂപ്പന്മാ​രും തെറ്റു പറ്റിയ വ്യക്തി​യു​ടെ ഇപ്പോ​ഴുള്ള വേദന കൂട്ടാതെ അദ്ദേഹത്തെ സുഖ​പ്പെ​ടു​ത്താൻ ശ്രമി​ക്കും. ഇനി “സ്വന്തം കാര്യ​ത്തി​ലും ശ്രദ്ധ വേണം” എന്ന്‌ മൂപ്പന്മാ​രോട്‌ ആ വാക്യ​ത്തിൽ പറഞ്ഞി​ട്ടുണ്ട്‌. മറ്റുള്ള​വരെ സഹായി​ക്കാൻ ശ്രമി​ക്കു​മ്പോൾത്തന്നെ മൂപ്പന്മാർ ഒരു കാര്യം ഓർക്കും: തങ്ങളും അപൂർണ​രും തെറ്റായ ചുവടു വെക്കാൻ സാധ്യ​ത​യു​ള്ള​വ​രും ആണെന്ന കാര്യം. അതു​കൊ​ണ്ടു​തന്നെ തെറ്റു പറ്റിയ വ്യക്തി​യെ​ക്കാൾ തങ്ങൾ വലിയ​വ​രോ നീതി​മാ​ന്മാ​രോ ആണെന്ന്‌ മൂപ്പന്മാർ ഒരിക്ക​ലും ചിന്തി​ക്കില്ല. പകരം താഴ്‌മ​യും അനുക​മ്പ​യും കാണി​ച്ചു​കൊണ്ട്‌ സഹാനു​ഭൂ​തി​യോ​ടെ അവർ ഇടപെ​ടും.—1 പത്രോ. 3:8.

15. ഒരു പ്രശ്‌നം നേരി​ടു​മ്പോൾ നമ്മൾ എന്തു ചെയ്യാൻ മടിക്ക​രുത്‌?

¹⁵ നമ്മുടെ സഭയിലെ മൂപ്പന്മാ​രെ നമുക്കു വിശ്വ​സി​ക്കാ​നാ​കും. നമ്മൾ പറയുന്ന കാര്യങ്ങൾ രഹസ്യ​മാ​യി സൂക്ഷി​ക്കാ​നും ഒരു ഉപദേശം തരു​മ്പോൾ സ്വന്തം അഭി​പ്രാ​യം പറയാതെ ബൈബി​ളി​നെ അടിസ്ഥാ​ന​മാ​ക്കി അതു തരാനും നമ്മളെ തുടർന്നും സഹായി​ക്കാ​നും പരിശീ​ലനം കിട്ടി​യ​വ​രാണ്‌ അവർ. (സുഭാ. 11:13; ഗലാ. 6:2) ഓരോ മൂപ്പ​ന്റെ​യും വ്യക്തി​ത്വ​വും അനുഭ​വ​പ​രി​ച​യ​വും വ്യത്യ​സ്‌ത​മാ​യി​രു​ന്നേ​ക്കാം. എങ്കിലും ഒരു പ്രശ്‌നം നേരി​ടു​മ്പോൾ അവരിൽ ആരെ സമീപി​ക്കാ​നും നമ്മൾ മടി​ക്കേ​ണ്ട​തില്ല. എന്നാൽ നമ്മൾ കേൾക്കാൻ ആഗ്രഹി​ക്കുന്ന ഒരു അഭി​പ്രാ​യം കിട്ടാൻ വേണ്ടി പല മൂപ്പന്മാ​രു​ടെ അടുത്ത്‌ നമ്മൾ മാറി​മാ​റി പോകില്ല. അങ്ങനെ ചെയ്യു​ന്നത്‌ “കാതു​കൾക്കു രസിക്കുന്ന കാര്യങ്ങൾ” തേടി​പ്പോ​കു​ന്ന​തു​പോ​ലെ ആയിരി​ക്കും. പക്ഷേ ദൈവ​വ​ച​ന​ത്തിൽനി​ന്നുള്ള ‘പ്രയോ​ജ​ന​ക​ര​മായ പഠിപ്പി​ക്ക​ലിന്‌’ ശ്രദ്ധ കൊടു​ക്കാ​നാണ്‌ ബൈബിൾ പറയു​ന്നത്‌. (2 തിമൊ. 4:3) ഇനി നമ്മൾ ഒരു പ്രശ്‌ന​ത്തെ​ക്കു​റിച്ച്‌ ഒരു മൂപ്പ​നോട്‌ പറയു​മ്പോൾ, നമ്മൾ മറ്റു മൂപ്പന്മാ​രോട്‌ അതെക്കു​റിച്ച്‌ സംസാ​രി​ച്ചോ എന്നും അവർ എന്ത്‌ ഉപദേ​ശ​മാണ്‌ തന്നതെ​ന്നും അദ്ദേഹം ചോദി​ച്ചേ​ക്കാം. അതു​പോ​ലെ എളിമ​യുള്ള ഒരു മൂപ്പൻ ഒരു ഉപദേശം തരുന്ന​തി​നു മുമ്പ്‌ മറ്റൊരു മൂപ്പ​നോട്‌ അഭി​പ്രാ​യം ചോദി​ക്കു​ക​യും ചെയ്‌തേ​ക്കാം.—സുഭാ. 13:10.

നമ്മുടെ ഉത്തരവാ​ദി​ത്വം

16. ഓരോ വ്യക്തി​ക്കും എന്ത്‌ ഉത്തരവാ​ദി​ത്വ​മുണ്ട്‌?

¹⁶ പ്രശ്‌നങ്ങൾ ഉണ്ടാകു​മ്പോൾ മൂപ്പന്മാർ നമ്മളെ സഹായി​ക്കു​മെ​ങ്കി​ലും നമുക്കു​വേണ്ടി അവർ തീരു​മാ​ന​ങ്ങ​ളെ​ടു​ക്കില്ല. ദൈവ​ഭ​ക്തി​ക്കു ചേർന്ന ഒരു ജീവിതം നയിക്കാ​നുള്ള ഉത്തരവാ​ദി​ത്വം ഓരോ വ്യക്തി​ക്കും ആണ്‌. നമ്മുടെ വാക്കു​കൾക്കും പ്രവൃ​ത്തി​കൾക്കും നമ്മളാണ്‌ ദൈവ​ത്തോ​ടു കണക്കു ബോധി​പ്പി​ക്കേ​ണ്ടത്‌. (റോമ. 14:12) ദൈവ​ത്തി​ന്റെ സഹായ​ത്താൽ നമുക്ക്‌ ഓരോ പ്രശ്‌ന​ങ്ങ​ളെ​യും അതിജീ​വി​ക്കാ​നും വിശ്വ​സ്‌ത​രാ​യി തുടരാ​നും കഴിയും. അതു​കൊണ്ട്‌ ഓരോ സാഹച​ര്യ​ത്തി​ലും എന്തു ചെയ്യണം എന്നു പറഞ്ഞു​ത​രു​ന്ന​തിന്‌ പകരം ബൈബിൾ ഉപയോ​ഗി​ച്ചു​കൊണ്ട്‌ ദൈവ​ത്തി​ന്റെ ചിന്ത എന്താ​ണെന്ന്‌ മൂപ്പന്മാർ നമുക്കു കാണി​ച്ചു​ത​രും. അവർ തരുന്ന ദൈവ​വ​ച​ന​ത്തി​ലെ ഉപദേ​ശങ്ങൾ അനുസ​രി​ക്കു​ന്നെ​ങ്കിൽ നമുക്ക്‌ നമ്മുടെ “വിവേ​ച​നാ​പ്രാ​പ്‌തി​യെ” പരിശീ​ലി​പ്പി​ക്കാ​നും നല്ല തീരു​മാ​ന​ങ്ങ​ളെ​ടു​ക്കാ​നും പറ്റും.—എബ്രാ. 5:14.

17. എന്തായി​രി​ക്കണം നമ്മുടെ തീരു​മാ​നം?

¹⁷ സ്‌നേ​ഹ​മുള്ള ഒരു ഇടയൻ എന്ന നിലയിൽ യഹോവ ആർദ്ര​ത​യോ​ടെ നമ്മളെ വഴി നയിക്കു​ന്ന​തിൽ നമുക്ക്‌ ഒരുപാ​ടു നന്ദിയുണ്ട്‌. നമുക്കു നിത്യ​ജീ​വൻ സാധ്യ​മാ​ക്കാ​നാ​യി മോച​ന​വില നൽകാൻ യഹോവ ‘നല്ല ഇടയനായ’ യേശു​വി​നെ അയച്ചു. (യോഹ. 10:11) ഇനി ക്രിസ്‌തീ​യ​സ​ഭ​യിൽ മൂപ്പന്മാ​രെ തന്നു​കൊണ്ട്‌ യഹോവ ഈ വാക്കും പാലി​ച്ചി​രി​ക്കു​ന്നു: “എന്റെ മനസ്സിന്‌ ഇണങ്ങിയ ഇടയന്മാ​രെ ഞാൻ നിങ്ങൾക്കു തരും; അറിവും ഉൾക്കാ​ഴ്‌ച​യും തന്ന്‌ അവർ നിങ്ങളെ പോഷി​പ്പി​ക്കും.” (യിരെ. 3:15) അതു​കൊണ്ട്‌ നമ്മൾ ആത്മീയ​മാ​യി ദുർബ​ല​രോ രോഗി​ക​ളോ ആണെങ്കിൽ മൂപ്പന്മാ​രെ വിളി​ക്കാൻ മടിക്ക​രുത്‌. അത്‌ യഹോ​വ​യു​ടെ ക്രമീ​ക​ര​ണ​മാണ്‌. അതിൽനിന്ന്‌ പരമാ​വധി പ്രയോ​ജനം നേടാൻ നമുക്ക്‌ ഉറച്ച തീരു​മാ​ന​മെ​ടു​ക്കാം.