“നീ വളരെ പ്രിയ​പ്പെ​ട്ട​വ​നാണ്‌!”

1-2. യഹോ​വ​യു​ടെ കണ്ണിൽ നമ്മൾ വിലയു​ള്ള​വ​രാ​ണെന്ന്‌ ഉറപ്പു​ണ്ടാ​യി​രി​ക്കാൻ നമ്മളെ എന്തു സഹായി​ക്കും?

യഹോ​വ​യു​ടെ പ്രിയ​പ്പെട്ട ദാസരിൽ പലർക്കും തങ്ങൾ വിലയി​ല്ലാ​ത്ത​വ​രാ​ണെന്ന തോന്നൽ ഉണ്ട്‌. ചില​പ്പോൾ ആളുകൾ ആ രീതി​യിൽ അവരോട്‌ ഇടപെ​ട്ട​തു​കൊ​ണ്ടാ​യി​രി​ക്കാം അവർ അങ്ങനെ ചിന്തി​ക്കു​ന്നത്‌. നിങ്ങൾക്ക്‌ എപ്പോ​ഴെ​ങ്കി​ലും അങ്ങനെ തോന്നി​യി​ട്ടു​ണ്ടോ? ഉണ്ടെങ്കിൽ യഹോ​വ​യ്‌ക്ക്‌ നിങ്ങൾ വളരെ പ്രിയ​പ്പെ​ട്ട​വ​രാ​ണെന്ന്‌ ഉറപ്പു​ണ്ടാ​യി​രി​ക്കാൻ നിങ്ങളെ എന്തു സഹായി​ക്കും?

² യഹോവ ആളുകളെ എങ്ങനെ​യാണ്‌ കാണു​ന്ന​തെന്നു മനസ്സി​ലാ​ക്കാൻ സഹായി​ക്കുന്ന ബൈബിൾവി​വ​ര​ണങ്ങൾ നിങ്ങൾക്ക്‌ പ്രയോ​ജനം ചെയ്‌തേ​ക്കാം. ദൈവ​പു​ത്ര​നായ യേശു ആളുക​ളോ​ടു വളരെ ദയയോ​ടെ​യും ബഹുമാ​ന​ത്തോ​ടെ​യും ആണ്‌ ഇടപെ​ട്ടത്‌. അങ്ങനെ ചെയ്‌ത​തി​ലൂ​ടെ, തങ്ങൾക്ക്‌ യാതൊ​രു വിലയു​മില്ല എന്ന്‌ ചിന്തി​ക്കുന്ന ആളുകളെ യഹോ​വ​യും യേശു​വും ശരിക്കും വിലയു​ള്ള​വ​രാ​യി​ട്ടാണ്‌ കാണു​ന്ന​തെന്ന്‌ യേശു തെളി​യി​ച്ചു. (യോഹ. 5:19; എബ്രാ. 1:3) ഈ ലേഖന​ത്തിൽ (1) തങ്ങൾ വിലയു​ള്ള​വ​രാ​ണെന്നു മനസ്സി​ലാ​ക്കാൻ യേശു എങ്ങനെ​യാണ്‌ ആളുകളെ സഹായി​ച്ച​തെ​ന്നും (2) ദൈവ​ത്തിന്‌ നമ്മൾ ശരിക്കും പ്രിയ​പ്പെ​ട്ട​വ​രാ​ണെന്നു നമ്മളെ​ത്തന്നെ എങ്ങനെ ബോധ്യ​പ്പെ​ടു​ത്താ​മെ​ന്നും കാണും.—ഹഗ്ഗാ. 2:7.

തങ്ങൾ വില​പ്പെ​ട്ട​വ​രാ​ണെന്ന്‌ മനസ്സി​ലാ​ക്കാൻ യേശു ആളുകളെ സഹായി​ച്ചു

3. സഹായ​ത്തി​നാ​യി തന്റെ അടുത്തു​വന്ന ഗലീല​ക്കാ​രോട്‌ യേശു എങ്ങനെ​യാണ്‌ ഇടപെ​ട്ടത്‌?

³ യേശു ഗലീല​യിൽ മൂന്നാ​മത്തെ പ്രസം​ഗ​പ​ര്യ​ടനം നടത്തു​ക​യാ​യി​രു​ന്നു. യേശു​വിൽനിന്ന്‌ കേട്ടു​പ​ഠി​ക്കാ​നും രോഗങ്ങൾ സുഖ​പ്പെ​ടാ​നും ആയി ഒരുപാട്‌ ആളുകൾ യേശു​വി​ന്റെ അടു​ത്തേക്ക്‌ വന്നു​കൊ​ണ്ടേ​യി​രു​ന്നു. അവരെ കണ്ടപ്പോൾ “അവർ ഇടയനി​ല്ലാത്ത ആടുക​ളെ​പ്പോ​ലെ അവഗണി​ക്ക​പ്പെ​ട്ട​വ​രും മുറി​വേ​റ്റ​വ​രും” ആണെന്ന്‌ യേശു ശ്രദ്ധിച്ചു. (മത്താ. 9:36, പഠനക്കു​റി​പ്പു​കൾ കാണുക.) അക്കാലത്തെ മതനേ​താ​ക്ക​ന്മാർ അവരെ ഒട്ടും വിലയി​ല്ലാ​ത്ത​വ​രാ​യി​ട്ടാണ്‌ കണ്ടിരു​ന്നത്‌. അവരെ ‘ശപിക്ക​പ്പെ​ട്ടവർ’ എന്നു​പോ​ലും വിളിച്ചു. (യോഹ. 7:47-49; പഠനക്കു​റിപ്പ്‌) എന്നാൽ യേശു അവരെ പഠിപ്പി​ക്കാ​നും രോഗങ്ങൾ സുഖ​പ്പെ​ടു​ത്താ​നും സമയം മാറ്റി​വെ​ച്ചു​കൊണ്ട്‌ അവരെ ബഹുമാ​നി​ച്ചു. (മത്താ. 9:35) അതുമാ​ത്രമല്ല, തന്റെ അപ്പോ​സ്‌ത​ല​ന്മാ​രെ ഉപയോ​ഗി​ച്ചു​കൊണ്ട്‌ കൂടുതൽ ആളുകളെ സഹായി​ക്കാ​നും യേശു ശ്രമിച്ചു. അതിനാ​യി അവരെ പ്രസം​ഗ​പ്ര​വർത്ത​ന​ത്തിന്‌ പരിശീ​ലി​പ്പി​ക്കു​ക​യും അവർക്ക്‌ രോഗ​ങ്ങ​ളും വൈക​ല്യ​ങ്ങ​ളും സുഖ​പ്പെ​ടു​ത്താ​നുള്ള അധികാ​രം കൊടു​ക്കു​ക​യും ചെയ്‌തു.—മത്താ. 10:5-8.

4. എളിയ​വ​രായ ആളുക​ളോട്‌ യേശു ഇടപെട്ട വിധത്തിൽനിന്ന്‌ നമ്മൾ എന്താണ്‌ പഠിക്കു​ന്നത്‌?

⁴ തന്റെ കേൾവി​ക്കാ​രോട്‌ ദയയോ​ടെ​യും ബഹുമാ​ന​ത്തോ​ടെ​യും ഇടപെ​ട്ട​തി​ലൂ​ടെ യേശു എന്താണ്‌ തെളി​യി​ച്ചത്‌? സമൂഹം താഴ്‌ന്ന​വ​രാ​യി കണ്ടവരെ താനും പിതാ​വും എത്ര മൂല്യ​മു​ള്ള​വ​രാ​യി​ട്ടാണ്‌ കാണു​ന്ന​തെന്നു യേശു അതിലൂ​ടെ വ്യക്തമാ​ക്കി. യഹോ​വയെ സേവി​ക്കു​ന്നു​ണ്ടെ​ങ്കി​ലും നിങ്ങൾക്ക്‌ യഹോ​വ​യു​ടെ കണ്ണിൽ വിലയു​ണ്ടോ എന്നൊരു സംശയം തോന്നു​ന്നെ​ങ്കിൽ, തന്റെ അടു​ത്തേക്ക്‌ വന്ന എളിയ​വരെ യേശു എത്രയ​ധി​കം ശ്രദ്ധിച്ചു എന്നതി​നെ​ക്കു​റിച്ച്‌ ചിന്തി​ക്കുക. അങ്ങനെ ചെയ്യു​മ്പോൾ യഹോ​വ​യ്‌ക്കു നിങ്ങൾ എത്രമാ​ത്രം വില​പ്പെ​ട്ട​വ​രാ​ണെന്നു നിങ്ങൾക്കു കാണാ​നാ​കും.

5. ഗലീല​യിൽവെച്ച്‌ യേശു കണ്ട ഒരു സ്‌ത്രീ​യു​ടെ സാഹച​ര്യം വിശദീ​ക​രി​ക്കുക.

⁵ യേശു ജനക്കൂ​ട്ടത്തെ മാത്രമല്ല വ്യക്തി​ക​ളെ​യും, പഠിപ്പി​ക്കു​ക​യും സഹായി​ക്കു​ക​യും ചെയ്‌തു. ഉദാഹ​ര​ണ​ത്തിന്‌, ഗലീല​യി​ലെ തന്റെ ശുശ്രൂ​ഷ​യു​ടെ സമയത്ത്‌ 12 വർഷമാ​യി രക്തസ്രാ​വ​ത്താൽ കഷ്ടപ്പെ​ട്ടി​രുന്ന ഒരു സ്‌ത്രീ​യെ യേശു കണ്ടു. (മർക്കോ. 5:25) മോശ​യു​ടെ നിയമ​മ​നു​സ​രിച്ച്‌ അവൾ അശുദ്ധ​യാ​യി​രു​ന്നു. ആ സ്‌ത്രീ​യെ തൊടു​ന്ന​വ​രും അശുദ്ധ​രാ​കു​മാ​യി​രു​ന്നു. ഇതു കാരണം ആ സ്‌ത്രീക്ക്‌ അധിക​മാ​രു​മാ​യും അടുത്ത്‌ ഇടപഴ​കാൻ സാധി​ക്കു​മാ​യി​രു​ന്നില്ല. അതുമാ​ത്രമല്ല യഹോ​വയെ ആരാധി​ക്കാ​നാ​യി മറ്റുള്ള​വ​രോ​ടൊ​പ്പം സിന​ഗോ​ഗു​ക​ളിൽ വരാനോ ഉത്സവങ്ങൾക്കു പോകാ​നോ അവർക്കു പറ്റില്ലാ​യി​രു​ന്നു. (ലേവ്യ 15:19, 25) ഉറപ്പാ​യും ഈ സ്‌ത്രീ ശാരീ​രി​ക​മാ​യി മാത്രമല്ല മാനസി​ക​മാ​യും വളരെ വിഷമി​ച്ചി​രു​ന്നു.—മർക്കോ. 5:26.

6. രക്തസ്രാ​വ​മുള്ള സ്‌ത്രീ എങ്ങനെ​യാണ്‌ സുഖ​പ്പെ​ട്ടത്‌?

⁶ യേശു തന്നെ​യൊന്ന്‌ സുഖ​പ്പെ​ടു​ത്താൻ ആ സ്‌ത്രീ ആഗ്രഹി​ച്ചു. എന്നാൽ അക്കാര്യം അവർ യേശു​വി​നോട്‌ നേരിട്ട്‌ ചോദി​ച്ചില്ല. എന്തു​കൊണ്ട്‌? ഒരുപക്ഷേ തന്റെ രോഗ​ത്തെ​ക്കു​റിച്ച്‌ ആ സ്‌ത്രീക്ക്‌ നാണ​ക്കേടു തോന്നി​യി​ട്ടു​ണ്ടാ​കാം. അതല്ലെ​ങ്കിൽ അശുദ്ധ​യായ താൻ ജനക്കൂ​ട്ട​ത്തി​ന്റെ ഇടയി​ലൂ​ടെ ചെന്നാൽ യേശു തന്നെ വഴക്കു പറയു​മോ എന്നു അവർ പേടി​ച്ചി​ട്ടു​ണ്ടാ​കാം. അതു​കൊണ്ട്‌ യേശു​വി​ന്റെ പുറങ്കു​പ്പാ​യ​ത്തി​ലൊ​ന്നു തൊട്ടാൽ താൻ സുഖ​പ്പെ​ടും എന്ന വിശ്വാ​സ​ത്തോ​ടെ അവർ അങ്ങനെ ചെയ്‌തു. (മർക്കോ. 5:27, 28) ആ സ്‌ത്രീ​യു​ടെ വിശ്വാ​സ​ത്തിന്‌ പ്രതി​ഫലം കിട്ടി; അവർ സുഖ​പ്പെട്ടു. അപ്പോ​ഴാണ്‌ തന്നെ ആരാണ്‌ തൊട്ട​തെന്ന്‌ യേശു ചോദി​ക്കു​ന്നത്‌. ഉടനെ സ്‌ത്രീ താൻ ചെയ്‌ത​തെ​ല്ലാം ഏറ്റുപ​റഞ്ഞു. യേശു അപ്പോൾ എങ്ങനെ​യാണ്‌ പ്രതി​ക​രി​ച്ചത്‌?

7. വല്ലാതെ കഷ്ടപ്പെ​ട്ടി​രുന്ന ആ സ്‌ത്രീ​യോട്‌ യേശു എങ്ങനെ​യാണ്‌ ഇടപെ​ട്ടത്‌? (മർക്കോസ്‌ 5:34)

⁷ യേശു ആ സ്‌ത്രീ​യോട്‌ ആദര​വോ​ടെ​യും ദയയോ​ടെ​യും ഇടപെട്ടു. അവർ ‘പേടി​ച്ചു​വി​റ​യ്‌ക്കു​ന്നത്‌’ യേശു കണ്ടു. (മർക്കോ. 5:33) ആ സ്‌ത്രീ​യു​ടെ അവസ്ഥ മനസ്സി​ലാ​ക്കിയ യേശു ആശ്വസി​പ്പി​ക്കുന്ന രീതി​യി​ലാണ്‌ സംസാ​രി​ച്ചത്‌; “മകളേ” എന്നു​പോ​ലും വിളിച്ചു. ആ വിളി​യിൽ യേശു​വി​ന്റെ ആർദ്ര​സ്‌നേ​ഹ​വും അനുക​മ്പ​യും ആണ്‌ പ്രകട​മാ​യത്‌. (മർക്കോസ്‌ 5:34 വായി​ക്കുക.) ആ വാക്കിന്റെ പഠനക്കു​റിപ്പ്‌ ഇങ്ങനെ പറയുന്നു: “യേശു ഒരു സ്‌ത്രീ​യെ ‘മകളേ’ എന്ന്‌ നേരിട്ട്‌ വിളി​ച്ച​താ​യി രേഖ​പ്പെ​ടു​ത്തി​യി​രി​ക്കുന്ന ഒരേ​യൊ​രു സന്ദർഭം. ആ സ്‌ത്രീ​യു​ടെ പ്രത്യേ​ക​സാ​ഹ​ച​ര്യ​വും മാനസി​കാ​വ​സ്ഥ​യും പരിഗ​ണി​ച്ചും അതു​പോ​ലെ അവർ ‘വിറക്കു​ന്നത്‌’ കണ്ടിട്ടും ആയിരി​ക്കാം യേശു അങ്ങനെ വിളി​ച്ചത്‌.” യേശു ആ രീതി​യിൽ സംസാ​രി​ച്ചി​ല്ലാ​യി​രു​ന്നെ​ങ്കിൽ അവരുടെ അവസ്ഥ എന്താകു​മാ​യി​രു​ന്നു? ശാരീ​രി​ക​മാ​യി സുഖ​പ്പെ​ടു​മാ​യി​രു​ന്നെ​ങ്കി​ലും താൻ ചെയ്‌ത​തി​നെ​ക്കു​റി​ച്ചുള്ള കുറ്റ​ബോ​ധം പേറി​യാ​യി​രി​ക്കാം അവൾ വീട്ടി​ലേക്കു പോകു​ന്നത്‌. എന്നാൽ യേശു​വി​ന്റെ വാക്കുകൾ കേട്ട​പ്പോൾ ഈ സ്‌ത്രീക്ക്‌ എത്രയ​ധി​കം ആശ്വാസം തോന്നി​ക്കാ​ണും. യേശു ആ സ്‌ത്രീ​യെ സുഖ​പ്പെ​ടു​ത്തുക മാത്രമല്ല സ്‌നേ​ഹ​നി​ധി​യായ സ്വർഗീ​യ​പി​താ​വി​ന്റെ പ്രിയ​പ്പെട്ട മകളാണ്‌ താനെന്ന്‌ മനസ്സി​ലാ​ക്കാൻകൂ​ടെ സഹായി​ച്ചു.

8. ബ്രസീ​ലിൽനി​ന്നുള്ള ഒരു സഹോ​ദ​രിക്ക്‌ എന്തെല്ലാം പ്രശ്‌നങ്ങൾ നേരി​ടേ​ണ്ടി​വന്നു?

⁸ ഇന്നും പല ദൈവ​ദാ​സ​രും ഇതു​പോ​ലുള്ള ആരോ​ഗ്യ​പ്ര​ശ്‌ന​ങ്ങ​ളാൽ ബുദ്ധി​മു​ട്ടു​ന്നുണ്ട്‌. അത്‌ അവരെ മാനസി​ക​മാ​യും തളർത്തു​ന്നു. ബ്രസീ​ലി​ലെ ഒരു മുൻനി​ര​സേ​വി​ക​യായ മരിയയുടെa സാഹച​ര്യം അതാണ്‌. ജനിച്ച​പ്പോൾത്തന്നെ സഹോ​ദ​രി​ക്കു രണ്ടു കാലു​ക​ളും ഇടത്തെ കൈയും ഉണ്ടായി​രു​ന്നില്ല. സഹോ​ദരി പറയുന്നു: “എന്റെ വൈക​ല്യം നിമിത്തം സ്‌കൂ​ളിൽ കുട്ടികൾ എന്നെ എപ്പോ​ഴും കളിയാ​ക്കു​മാ​യി​രു​ന്നു. അവർ എനിക്ക്‌ മോശം ഇരട്ട​പ്പേ​രു​കൾ ഇട്ടു. സ്വന്തം കുടും​ബ​ത്തി​ലു​ള്ള​വർപോ​ലും ഞാൻ വില​കെ​ട്ട​വ​ളാ​ണെന്നു തോന്നി​പ്പി​ക്കുന്ന രീതി​യിൽ എന്നോട്‌ ഇടപെ​ട്ടി​ട്ടുണ്ട്‌.”

9. താൻ യഹോ​വ​യ്‌ക്ക്‌ പ്രിയ​പ്പെ​ട്ട​വ​ളാണ്‌ എന്നു മനസ്സി​ലാ​ക്കാൻ മരിയയെ എന്താണു സഹായി​ച്ചത്‌?

⁹ മരിയയെ എന്താണ്‌ സഹായി​ച്ചത്‌? പിന്നീട്‌ ഒരു യഹോ​വ​യു​ടെ സാക്ഷി​യാ​യി​ത്തീർന്ന മരിയയെ ക്രിസ്‌തീ​യ​സ​ഹോ​ദ​രങ്ങൾ ആശ്വസി​പ്പി​ക്കു​ക​യും യഹോവ കാണു​ന്ന​തു​പോ​ലെ സ്വയം കാണാൻ സഹായി​ക്കു​ക​യും ചെയ്‌തു. സഹോ​ദരി പറയുന്നു: “എന്നെ സഹായിച്ച എല്ലാവ​രെ​യും കുറിച്ച്‌ പറയാ​നാ​ണെ​ങ്കിൽ ഇന്നൊ​ന്നും തീരില്ല. ഇത്ര നല്ല ആത്മീയ​കു​ടും​ബത്തെ തന്നതിന്‌ എനിക്ക്‌ യഹോ​വ​യോട്‌ ഒരുപാട്‌ ഒരുപാട്‌ നന്ദിയുണ്ട്‌.” യഹോ​വ​യു​ടെ കണ്ണിൽ മരിയ എത്ര വില​പ്പെ​ട്ട​വ​ളാ​ണെന്നു മനസ്സി​ലാ​ക്കാൻ സഹോ​ദ​രീ​സ​ഹോ​ദ​ര​ന്മാർ അവളെ സഹായി​ച്ചു.

10. മഗ്‌ദ​ല​ക്കാ​രി മറിയ നേരിട്ട പ്രശ്‌നങ്ങൾ എന്തൊ​ക്കെ​യാണ്‌? (ചിത്ര​ങ്ങ​ളും കാണുക.)

¹⁰ യേശു സഹായിച്ച മറ്റൊ​രാ​ളെ​ക്കു​റിച്ച്‌ നോക്കാം—മഗ്‌ദ​ല​ക്കാ​രി മറിയ. ഏഴു ഭൂതങ്ങൾ ബാധിച്ച ഒരു സ്‌ത്രീ​യാ​യി​രു​ന്നു അവർ! (ലൂക്കോ. 8:2) ഭൂതങ്ങ​ളു​ടെ സ്വാധീ​നം കാരണം വളരെ വിചി​ത്ര​മാ​യി​ട്ടാ​യി​രി​ക്കാം മറിയ പെരു​മാ​റി​യി​രു​ന്നത്‌. അതു​കൊ​ണ്ടു​തന്നെ ആളുകൾ മറിയയെ അവഗണി​ച്ചി​രു​ന്നി​രി​ക്കാം. തന്റെ ജീവി​ത​ത്തി​ലെ ആ ഇരുണ്ട നാളു​ക​ളിൽ നിസ്സഹാ​യ​ത​യും പേടി​യും ഒറ്റപ്പെ​ട​ലും ഒക്കെ ആ സ്‌ത്രീ​യെ വരിഞ്ഞു​മു​റു​ക്കി​ക്കാ​ണും. സാധ്യ​ത​യ​നു​സ​രിച്ച്‌ യേശു​വാ​യി​രി​ക്കണം മറിയ​യിൽനിന്ന്‌ ആ ഭൂതങ്ങളെ പുറത്താ​ക്കി​യത്‌. അങ്ങനെ മറിയ യേശു​വി​ന്റെ ഒരു വിശ്വസ്‌ത അനുഗാ​മി​യാ​യി​ത്തീർന്നു. യഹോ​വ​യു​ടെ കണ്ണിൽ താൻ എത്ര മൂല്യ​മു​ള്ള​വ​ളാ​ണെന്നു മനസ്സി​ലാ​ക്കാൻ യേശു മറ്റ്‌ ഏതെല്ലാം വിധങ്ങ​ളി​ലാണ്‌ മഗ്‌ദ​ല​ക്കാ​രി മറിയയെ സഹായി​ച്ചത്‌?

11. മഗ്‌ദ​ല​ക്കാ​രി മറിയ ദൈവ​ത്തിന്‌ പ്രിയ​പ്പെ​ട്ട​വ​ളാ​ണെന്ന്‌ യേശു കാണി​ച്ചു​കൊ​ടു​ത്തത്‌ എങ്ങനെ? (ചിത്ര​ങ്ങ​ളും കാണുക.)

¹¹ പ്രസം​ഗ​പ​ര്യ​ട​ന​ത്തിന്‌ തന്റെ കൂടെ വരാനുള്ള വലിയ അവസരം യേശു മഗ്‌ദ​ല​ക്കാ​രി മറിയ​യ്‌ക്ക്‌ കൊടു​ത്തു.b അങ്ങനെ തുടർന്നും യേശു​വിൽനിന്ന്‌ കേട്ടു​പ​ഠി​ക്കാൻ അവർക്ക്‌ കഴിഞ്ഞു. ഇനി പുനരു​ത്ഥാ​ന​പ്പെട്ട അന്നുതന്നെ യേശു മറിയ​യ്‌ക്കു പ്രത്യ​ക്ഷ​നാ​യി. അന്നത്തെ ദിവസം യേശു ആദ്യം സംസാ​രിച്ച ശിഷ്യ​രിൽ ഒരാളാ​യി​രു​ന്നു മറിയ. താൻ പുനരു​ത്ഥാ​ന​പ്പെട്ടു എന്ന വിവരം അപ്പോ​സ്‌ത​ല​ന്മാ​രെ അറിയി​ക്കാ​നുള്ള നിയമ​നം​പോ​ലും യേശു മറിയയെ ഏൽപ്പിച്ചു. യഹോ​വ​യ്‌ക്കു താൻ പ്രിയ​പ്പെ​ട്ട​വ​ളാണ്‌ എന്നതിന്‌ എത്ര വലിയ തെളി​വു​ക​ളാണ്‌ ആ സ്‌ത്രീ​ക്കു ലഭിച്ചത്‌!—യോഹ. 20:11-18.

12. താൻ വില​കെ​ട്ട​വ​ളാ​ണെന്ന്‌ ലിഡിയ സഹോ​ദ​രി​ക്കു തോന്നി​യത്‌ എന്തു​കൊ​ണ്ടാണ്‌?

¹² മഗ്‌ദ​ല​ക്കാ​രി മറിയ​യെ​പ്പോ​ലെ മറ്റുള്ള​വ​രു​ടെ അവഗണന കാരണം വിഷമി​ക്കു​ന്ന​വ​രാണ്‌ ഇന്ന്‌ പലരും. സ്‌പെ​യി​നിൽനി​ന്നുള്ള ലിഡിയ സഹോ​ദ​രി​യു​ടെ അനുഭവം അതാണു കാണി​ക്കു​ന്നത്‌. സഹോ​ദ​രി​യെ ഗർഭി​ണി​യാ​യി​രി​ക്കുന്ന സമയത്ത്‌ അമ്മ ഗർഭച്ഛി​ദ്രം ചെയ്യു​ന്ന​തി​നെ​ക്കു​റിച്ച്‌ ചിന്തി​ച്ചി​രു​ന്നു. അതു​കൊ​ണ്ടു​തന്നെ കുഞ്ഞാ​യി​രു​ന്ന​പ്പോൾ മുതലേ അമ്മ അവളെ അവഗണി​ക്കു​ക​യും അവളോട്‌ ക്രൂര​മായ രീതി​യിൽ സംസാ​രി​ക്കു​ക​യും ചെയ്യു​മാ​യി​രു​ന്നു. സഹോ​ദരി പറയുന്നു: “മറ്റുള്ള​വ​രു​ടെ സ്‌നേ​ഹ​വും അംഗീ​കാ​ര​വും നേടുക എന്നതാ​യി​രു​ന്നു എന്റെ ജീവി​ത​ല​ക്ഷ്യം. എന്നാൽ അമ്മയുടെ മോശം പെരു​മാ​റ്റം കാരണം, ഒരു കൊള്ളി​ല്ലാത്ത വ്യക്തി​യാണ്‌ ഞാൻ എന്ന്‌ എനിക്കു തോന്നി. അതു​കൊ​ണ്ടു​തന്നെ മറ്റാർക്കും എന്നെ സ്‌നേ​ഹി​ക്കാൻ കഴിയി​ല്ലെ​ന്നും ഞാൻ പേടിച്ചു.”

13. യഹോ​വ​യു​ടെ കണ്ണിൽ താൻ വില​പ്പെ​ട്ട​വ​ളാണ്‌ എന്നു മനസ്സി​ലാ​ക്കാൻ ലിഡി​യയെ എന്താണ്‌ സഹായി​ച്ചത്‌?

¹³ എന്നാൽ ലിഡിയ സത്യം പഠിച്ച​ശേഷം കാര്യങ്ങൾ മാറി. വ്യക്തി​പ​ര​മായ പ്രാർഥ​ന​യും പഠനവും സഹോ​ദ​ര​ങ്ങ​ളു​ടെ ദയയോ​ടെ​യുള്ള വാക്കു​ക​ളും പ്രവൃ​ത്തി​ക​ളും യഹോ​വ​യു​ടെ കണ്ണിൽ താൻ എത്ര വില​പ്പെ​ട്ട​വ​ളാ​ണെന്നു മനസ്സി​ലാ​ക്കാൻ ലിഡി​യയെ സഹായി​ച്ചു. സഹോ​ദരി പറയുന്നു: “എന്റെ ഭർത്താവ്‌ എന്നെ എത്രമാ​ത്രം സ്‌നേ​ഹി​ക്കു​ന്നെന്ന്‌ എപ്പോ​ഴും എന്നോടു പറയാ​റുണ്ട്‌. എന്റെ നല്ല ഗുണങ്ങ​ളെ​ക്കു​റിച്ച്‌ അദ്ദേഹം കൂടെ​ക്കൂ​ടെ ഓർമി​പ്പി​ക്കും. എന്റെ മറ്റു കൂട്ടു​കാ​രും അതുതന്നെ ചെയ്യാ​റുണ്ട്‌.” യഹോവ തന്നെ എത്രമാ​ത്രം സ്‌നേ​ഹി​ക്കു​ന്നു​ണ്ടെന്നു മനസ്സി​ലാ​ക്കാൻ സഹായം വേണ്ട ആരെങ്കി​ലും നിങ്ങളു​ടെ സഭയി​ലു​ണ്ടോ?

നമ്മളെ യഹോവ കാണു​ന്ന​തു​പോ​ലെ കാണാൻ എന്തു ചെയ്യാം

14. യഹോവ ആളുകളെ എങ്ങനെ​യാണ്‌ കാണു​ന്ന​തെന്ന്‌ മനസ്സി​ലാ​ക്കാൻ 1 ശമുവേൽ 16:7 സഹായി​ക്കു​ന്നത്‌ എങ്ങനെ? (“യഹോവ തന്റെ ജനത്തെ വില​പ്പെ​ട്ട​വ​രാ​യി കാണു​ന്നത്‌ എന്തു​കൊണ്ട്‌?” എന്ന ചതുര​വും കാണുക.)

¹⁴ ലോകം കാണു​ന്ന​തു​പോ​ലെയല്ല യഹോവ നിങ്ങളെ കാണു​ന്ന​തെന്ന്‌ ഓർക്കുക. (1 ശമുവേൽ 16:7 വായി​ക്കുക.) നിങ്ങളു​ടെ രൂപമോ സമൂഹ​ത്തി​ലെ നിലയോ വിദ്യാ​ഭ്യാ​സ​മോ ഒന്നും നോക്കി​യല്ല യഹോവ നിങ്ങളു​ടെ മൂല്യം അളക്കു​ന്നത്‌. (യശ. 55:8, 9) അതു​കൊണ്ട്‌ നിങ്ങളും ലോക​ത്തി​ന്റെ നിലവാ​രങ്ങൾ വെച്ചല്ല, യഹോ​വ​യു​ടെ നിലവാ​രങ്ങൾ വെച്ചു​വേണം സ്വന്തം വില നിശ്ചയി​ക്കാൻ. അതിനു നിങ്ങളെ എന്തു സഹായി​ക്കും? ബൈബി​ളിൽ പറഞ്ഞി​രി​ക്കുന്ന ഏലിയ, നൊ​വൊ​മി, ഹന്ന തുടങ്ങി​യ​വർക്കെ​ല്ലാം തങ്ങൾ വിലയി​ല്ലാ​ത്ത​വ​രാണ്‌ എന്ന തോന്നൽ ഉണ്ടായി​ട്ടുണ്ട്‌. എന്നാൽ യഹോവ അവരെ എത്ര പ്രിയ​പ്പെ​ട്ട​വ​രാ​യി​ട്ടാണ്‌ കണ്ടതെന്ന്‌ ആ ബൈബിൾവി​വ​ര​ണങ്ങൾ വായി​ക്കു​മ്പോൾ ചിന്തി​ക്കുക. ഇനി, യഹോവ നിങ്ങളെ സ്‌നേ​ഹി​ക്കു​ന്നു​ണ്ടെ​ന്നും മൂല്യ​മു​ള്ള​വ​രാ​യി കാണു​ന്നു​ണ്ടെ​ന്നും മനസ്സി​ലാ​ക്കാൻ നിങ്ങളെ സഹായിച്ച സ്വന്തം ജീവി​താ​നു​ഭ​വങ്ങൾ എഴുതി​വെ​ക്കുക. കൂടാതെ നിങ്ങൾ വിലയു​ള്ള​വ​രാണ്‌ എന്ന വിഷയ​ത്തെ​ക്കു​റിച്ച്‌ നമ്മുടെ പ്രസി​ദ്ധീ​ക​ര​ണ​ങ്ങ​ളിൽ വന്നിരി​ക്കുന്ന വിവരങ്ങൾ വായി​ക്കുക.c

15. യഹോവ ദാനി​യേ​ലി​നെ ‘വളരെ പ്രിയ​പ്പെ​ട്ട​വ​നാ​യി’ കണ്ടത്‌ എന്തു​കൊണ്ട്‌? (ദാനി​യേൽ 9:23)

¹⁵ നിങ്ങളു​ടെ വിശ്വ​സ്‌ത​ത​യാണ്‌ യഹോ​വ​യു​ടെ കണ്ണിൽ നിങ്ങളെ വില​പ്പെ​ട്ട​വ​നാ​ക്കു​ന്നത്‌ എന്ന്‌ ഓർക്കുക. ദാനി​യേൽ പ്രവാ​ച​കന്‌ ഒരു സമയത്ത്‌ നിരു​ത്സാ​ഹ​വും ‘ആകെ അവശത​യും’ തോന്നി. അദ്ദേഹ​ത്തിന്‌ അപ്പോൾ ഏതാണ്ട്‌ 100-നോട​ടുത്ത്‌ പ്രായം ഉണ്ടായി​രു​ന്നി​രി​ക്കണം. (ദാനി. 9:20, 21) യഹോവ എങ്ങനെ​യാണ്‌ ദാനി​യേ​ലി​നെ പ്രോ​ത്സാ​ഹി​പ്പി​ച്ചത്‌? ദൈവം ഗബ്രി​യേൽ ദൂതനെ അയച്ചു. ദാനി​യേൽ യഹോ​വ​യ്‌ക്കു “വളരെ പ്രിയ​പ്പെ​ട്ട​വ​നാണ്‌” എന്നും അദ്ദേഹ​ത്തി​ന്റെ പ്രാർഥ​നകൾ യഹോവ കേട്ടു എന്നും ദൂതൻ അദ്ദേഹത്തെ ഓർമി​പ്പി​ച്ചു. (ദാനി​യേൽ 9:23 വായി​ക്കുക.) ദാനി​യേ​ലി​നെ യഹോ​വ​യ്‌ക്ക്‌ ഇത്രയ​ധി​കം പ്രിയ​പ്പെ​ട്ട​വ​നാ​ക്കി​യത്‌ എന്താണ്‌? അദ്ദേഹ​ത്തി​ന്റെ വിശ്വ​സ്‌ത​ത​യും നീതി​യോ​ടുള്ള സ്‌നേ​ഹ​വും ആയിരു​ന്നു അതിന്റെ കാരണം. (യഹ. 14:14) യഹോവ ഈ വിവരണം തന്റെ വചനത്തിൽ ഉൾപ്പെ​ടു​ത്തി​യത്‌ നമ്മുടെ ആശ്വാ​സ​ത്തി​നു​വേ​ണ്ടി​യാണ്‌. (റോമ. 15:4) യഹോവ നിങ്ങളു​ടെ​യും പ്രാർഥ​നകൾ കേൾക്കു​ന്നുണ്ട്‌. നിങ്ങളു​ടെ നീതി​യോ​ടുള്ള സ്‌നേ​ഹ​വും വിശ്വ​സ്‌ത​സേ​വ​ന​വും മൂല്യ​മു​ള്ള​താ​യി കാണു​ന്നു​മുണ്ട്‌.—മീഖ 6:8, അടിക്കു​റിപ്പ്‌; എബ്രാ. 6:10.

16. സ്‌നേ​ഹ​മുള്ള ഒരു പിതാ​വാ​യി യഹോ​വയെ കാണാൻ നിങ്ങളെ എന്തു സഹായി​ക്കും?

¹⁶ നിങ്ങളെ സ്‌നേ​ഹി​ക്കുന്ന ഒരു പിതാ​വാ​യി യഹോ​വയെ കാണുക. നിങ്ങളു​ടെ കുറ്റം കണ്ടുപി​ടി​ക്കാ​നല്ല, നിങ്ങളെ സഹായി​ക്കാ​നാണ്‌ യഹോവ ആഗ്രഹി​ക്കു​ന്നത്‌. (സങ്കീ. 130:3; മത്താ. 7:11; ലൂക്കോ. 12:6, 7) അതെക്കു​റിച്ച്‌ ചിന്തി​ച്ചത്‌, തങ്ങൾക്ക്‌ വിലയില്ല എന്നു തോന്നിയ പലരെ​യും സഹായി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, സ്‌പെ​യി​നിൽനി​ന്നുള്ള മിഷേൽ സഹോ​ദ​രി​യു​ടെ കാര്യം നോക്കാം. വർഷങ്ങ​ളോ​ളം ഭർത്താ​വിൽനിന്ന്‌ ക്രൂര​മായ സംസാരം സഹി​ക്കേ​ണ്ടി​വന്ന സഹോ​ദ​രി​ക്കു താൻ വിലയി​ല്ലാ​ത്ത​വ​ളാ​ണെ​ന്നും തന്നെ ആരും സ്‌നേ​ഹി​ക്കു​ന്നി​ല്ലെ​ന്നും തോന്നി. മിഷേൽ പറയുന്നു: “താൻ ഒന്നിനും കൊള്ളാ​ത്ത​വ​ളാ​ണെന്ന ചിന്തവ​രു​മ്പോൾ യഹോവ എന്നെ വാത്സല്യ​ത്തോ​ടെ കൈക​ളിൽ എടുത്തു​കൊണ്ട്‌ നടക്കു​ക​യും സംരക്ഷി​ക്കു​ക​യും ചെയ്യു​ന്ന​താ​യി ഞാൻ ഭാവന​യിൽ കാണും.” (സങ്കീ. 28:9) സൗത്ത്‌ ആഫ്രി​ക്ക​യിൽനി​ന്നുള്ള ലോറെൻ സഹോ​ദരി സ്വയം ഇങ്ങനെ ചിന്തി​ക്കാ​റുണ്ട്‌: “യഹോവ എന്നെ സ്‌നേ​ഹ​ത്തി​ന്റെ ചരടു​കൾകൊണ്ട്‌ തന്നി​ലേക്ക്‌ അടുപ്പി​ച്ചെ​ങ്കിൽ, ഈ വർഷങ്ങ​ളി​ലെ​ല്ലാം എന്നെ ചേർത്തു​നി​റു​ത്തി​യെ​ങ്കിൽ, മറ്റുള്ള​വരെ പഠിപ്പി​ക്കാൻപോ​ലും എന്നെ ഉപയോ​ഗി​ച്ചെ​ങ്കിൽ തീർച്ച​യാ​യും യഹോ​വ​യ്‌ക്ക്‌ ഞാൻ വില​പ്പെ​ട്ട​വ​ളാണ്‌, ഉപയോ​ഗി​ക്കാൻ പറ്റുന്ന​വ​ളാണ്‌.”—ഹോശേ. 11:4.

17. യഹോ​വ​യു​ടെ അംഗീ​കാ​ര​മു​ണ്ടെന്ന്‌ ഉറപ്പു​ണ്ടാ​യി​രി​ക്കാൻ നമ്മളെ എന്തു സഹായി​ക്കും? (സങ്കീർത്തനം 5:12) (ചിത്ര​വും കാണുക.)

¹⁷ യഹോ​വ​യു​ടെ അംഗീ​കാ​ര​മു​ണ്ടെന്ന്‌ ഉറപ്പു​ള്ള​വ​രാ​യി​രി​ക്കുക. (സങ്കീർത്തനം 5:12 വായി​ക്കുക.) യഹോ​വ​യു​ടെ പ്രീതി​യെ അഥവാ അംഗീ​കാ​രത്തെ നീതി​മാ​ന്മാ​രെ സംരക്ഷി​ക്കുന്ന ഒരു ‘വൻപരി​ച​യോ​ടാണ്‌’ ദാവീദ്‌ ഉപമി​ക്കു​ന്നത്‌. യഹോ​വ​യു​ടെ അംഗീ​കാ​ര​വും പിന്തു​ണ​യും ഉണ്ടെന്ന്‌ മനസ്സി​ലാ​ക്കു​ന്നത്‌ വില​കെ​ട്ട​വ​രാ​ണെന്ന തോന്ന​ലി​നെ​തി​രെ പോരാ​ടാൻ നമ്മളെ സഹായി​ക്കും. അങ്ങനെ​യെ​ങ്കിൽ യഹോ​വ​യു​ടെ അംഗീ​കാ​ര​മു​ണ്ടെന്ന്‌ നിങ്ങൾക്ക്‌ എങ്ങനെ ഉറപ്പി​ക്കാ​നാ​കും? നമ്മൾ കണ്ടതു​പോ​ലെ യഹോവ തന്റെ വചനത്തി​ലൂ​ടെ നമുക്ക്‌ ആ ഉറപ്പു തരുന്നു. ഇനി, മൂപ്പന്മാ​രെ​യും അടുത്ത കൂട്ടു​കാ​രെ​യും മറ്റുള്ള​വ​രെ​യും ഉപയോ​ഗി​ച്ചു​കൊണ്ട്‌ നിങ്ങൾ യഹോ​വ​യ്‌ക്കു പ്രിയ​പ്പെ​ട്ട​വ​രാ​ണെന്ന്‌ യഹോവ നിങ്ങളെ ഓർമി​പ്പി​ക്കു​ന്നു. അങ്ങനെ​യെ​ങ്കിൽ മറ്റുള്ളവർ നമ്മളെ പ്രോ​ത്സാ​ഹി​പ്പി​ക്കു​മ്പോൾ അതി​നോട്‌ എങ്ങനെ പ്രതി​ക​രി​ക്കണം?

18. മറ്റുള്ള​വ​രു​ടെ പ്രോ​ത്സാ​ഹ​ന​വാ​ക്കു​കൾ നമ്മൾ സ്വീക​രി​ക്കേ​ണ്ടത്‌ എന്തു​കൊണ്ട്‌?

¹⁸ നിങ്ങളെ നന്നായി അറിയു​ക​യും സ്‌നേ​ഹി​ക്കു​ക​യും ചെയ്യു​ന്നവർ പറയുന്ന പ്രോ​ത്സാ​ഹ​ന​വാ​ക്കു​കൾ തള്ളിക്ക​ള​യ​രുത്‌. നിങ്ങൾക്ക്‌ തന്റെ അംഗീ​കാ​രം ഉണ്ടെന്നു കാണി​ക്കാൻവേണ്ടി യഹോ​വ​യാ​യി​രി​ക്കാം അവരെ ഉപയോ​ഗി​ക്കു​ന്നത്‌. മുമ്പ്‌ കണ്ട മിഷേൽ പറയുന്നു: “മറ്റുള്ളവർ ദയയോ​ടെ പറയുന്ന വാക്കുകൾ സ്വീക​രി​ക്കാൻ ഞാൻ പതി​യെ​പ്പ​തി​യെ പഠിച്ചു​കൊ​ണ്ടി​രി​ക്കു​ക​യാണ്‌. അത്‌ എനിക്ക്‌ ഒട്ടും എളുപ്പമല്ല. എങ്കിലും ഞാൻ അങ്ങനെ ചെയ്യാ​നാണ്‌ യഹോവ ആഗ്രഹി​ക്കു​ന്ന​തെന്ന്‌ എനിക്ക​റി​യാം.” മൂപ്പന്മാ​രു​ടെ സഹായ​ത്തിൽനി​ന്നും മിഷേൽ പ്രയോ​ജനം നേടി. സഹോ​ദരി ഇപ്പോൾ മുൻനി​ര​സേ​വ​ന​വും വിദൂര ബഥേൽസേ​വ​ന​വും ചെയ്യുന്നു.

19. ദൈവ​ത്തി​ന്റെ കണ്ണിൽ നമ്മൾ വിലയു​ള്ള​വ​രാ​ണെന്ന്‌ ഉറപ്പു​ണ്ടാ​യി​രി​ക്കാ​നാ​കു​ന്നത്‌ എന്തു​കൊണ്ട്‌?

¹⁹ സ്വർഗീ​യ​പി​താവ്‌ നമ്മളെ എത്ര വില​യേ​റി​യ​വ​രാ​യി കാണു​ന്നെന്ന്‌ യേശു ഓർമി​പ്പി​ച്ചു. (ലൂക്കോ. 12:24) അതു​കൊണ്ട്‌ നമ്മൾ യഹോ​വ​യ്‌ക്കു പ്രിയ​പ്പെ​ട്ട​വ​രാ​ണെന്ന കാര്യ​ത്തിൽ ഉറപ്പു​ണ്ടാ​യി​രി​ക്കാ​നാ​കും. അക്കാര്യം ഒരിക്ക​ലും മറക്കരുത്‌. ഇനി, ദൈവ​ത്തി​ന്റെ കണ്ണിൽ എത്ര മൂല്യ​മു​ള്ള​വ​രാ​ണെന്നു മനസ്സി​ലാ​ക്കാൻ നമുക്ക്‌ മറ്റുള്ള​വ​രെ​യും സഹായി​ക്കാം.