വാച്ച്ടവര്‍ ഓണ്‍ലൈന്‍ ലൈബ്രറി
വാച്ച്ടവര്‍
ഓണ്‍ലൈന്‍ ലൈബ്രറി
മലയാളം
  • ബൈബിൾ
  • പ്രസിദ്ധീകരണങ്ങൾ
  • യോഗങ്ങൾ
  • mrt ലേഖനം 16
  • ഗാർഹികപീഡനത്തിന്‌ ഇരയായാൽ

ഇപ്പോൾ തിരഞ്ഞതിന് ഒരു വീഡിയോയും ലഭ്യമല്ല

ക്ഷമിക്കണം, വീഡിയോ ലോഡ് ചെയ്യുന്നതിൽ ഒരു പിശകുണ്ടായി.

  • ഗാർഹികപീഡനത്തിന്‌ ഇരയായാൽ
  • മറ്റു വിഷയങ്ങൾ
  • ഉപതലക്കെട്ടുകള്‍
  • സമാനമായ വിവരം
  • അതു നിങ്ങളു​ടെ കുറ്റം​കൊ​ണ്ടല്ല
  • സഹായം ലഭ്യമാണ്‌
  • നിങ്ങൾക്ക്‌ ആശ്വാസം കണ്ടെത്താം
  • ഗാർഹി​ക​പീ​ഡനം എന്നും തുടരില്ല
  • വീടുകളിലെ അക്രമത്തിന്‌ ഒരു അന്തം
    ഉണരുക!—1993
  • വീടുകളിൽ അക്രമത്തിന്‌ ഇടയാക്കുന്നതെന്ത്‌?
    ഉണരുക!—1993
  • അക്രമം കുടുംബത്തെ ബാധിക്കുമ്പോൾ
    ഉണരുക!—1993
  • കുടുംബത്തിനു ഹാനിവരുത്തുന്ന പ്രശ്‌നങ്ങൾ നിങ്ങൾക്കു തരണം ചെയ്യാനാവും
    കുടുംബ സന്തുഷ്ടിയുടെ രഹസ്യം
കൂടുതൽ കാണുക
മറ്റു വിഷയങ്ങൾ
mrt ലേഖനം 16
സൂര്യാസ്‌തമയസമയത്ത്‌ ശുഭാപ്‌തിവിശ്വാസത്തോടെ കടലിലേക്കു നോക്കി നിൽക്കുന്ന ഒരു സ്‌ത്രീ.

ഗാർഹി​ക​പീ​ഡ​ന​ത്തിന്‌ ഇരയാ​യാൽ

“ലോക​വ്യാ​പ​ക​മാ​യി സ്‌ത്രീ​കൾക്കു നേരെ​യുള്ള ആക്രമണം ഒരു പകർച്ച​വ്യാ​ധി​പോ​ലെ പടർന്നു​പി​ടി​ക്കു​ക​യാണ്‌. അടിയ​ന്തി​ര​ശ്രദ്ധ അർഹി​ക്കുന്ന ഒരു പ്രശ്‌ന​മാ​യി​ത്തീർന്നി​രി​ക്കു​ന്നു അത്‌” എന്നു ലോകാ​രോ​ഗ്യ സംഘടന പറയുന്നു. സ്‌ത്രീ​ക​ളിൽ ഏതാണ്ട്‌ 30 ശതമാനം പേരും ഭർത്താ​വിൽനി​ന്നോ പങ്കാളി​യിൽനി​ന്നോ ഉള്ള “ശാരീ​രി​ക​മോ ലൈം​ഗി​ക​മോ ആയ ആക്രമ​ണ​ത്തിന്‌ ഇരയാ​യി​ട്ടു​ള്ള​താ​യി” ആ സംഘടന കണക്കാ​ക്കു​ന്നു. ഈ അടുത്ത്‌ ഒരൊറ്റ വർഷത്തി​നു​ള്ളിൽ ലോക​വ്യാ​പ​ക​മാ​യി ഓരോ ദിവസ​വും 137 സ്‌ത്രീ​ക​ളാണ്‌ അവരുടെ പങ്കാളി​യാ​ലോ മറ്റൊരു കുടും​ബാം​ഗ​ത്താ​ലോ കൊല്ല​പ്പെ​ട്ട​തെന്ന്‌ ഒരു യുഎൻ റിപ്പോർട്ട്‌ പറയുന്നു.a

ഗാർഹി​ക​പീ​ഡനം എത്ര വ്യാപ​ക​മാ​ണെന്നു കണക്കുകൾ സൂചി​പ്പി​ക്കു​ന്നു​ണ്ടെ​ങ്കി​ലും അതിന്‌ ഇരകളാ​കു​ന്നവർ അനുഭ​വി​ക്കുന്ന ശാരീ​രി​ക​വും മാനസി​ക​വും ആയ വേദന എത്ര​ത്തോ​ള​മാ​ണെന്ന്‌ ആ കണക്കു​കൾക്കു പറയാ​നാ​കില്ല.

നിങ്ങൾ ഗാർഹി​ക​പീ​ഡ​ന​ത്തി​ന്റെ ഇരയാ​ണോ? അതിന്‌ ഇരയായ ആരെ​യെ​ങ്കി​ലും നിങ്ങൾക്ക്‌ അറിയാ​മോ? എങ്കിൽ താഴെ കൊടു​ത്തി​രി​ക്കുന്ന, ബൈബി​ളിൽനി​ന്നുള്ള ചില ആശയങ്ങൾക്കു നിങ്ങളെ സഹായി​ക്കാ​നാ​കും.

അതു നിങ്ങളു​ടെ കുറ്റം​കൊ​ണ്ടല്ല

സഹായം ലഭ്യമാണ്‌

നിങ്ങൾക്ക്‌ ആശ്വാസം കണ്ടെത്താം

ഗാർഹി​ക​പീ​ഡ​നം എന്നും തുടരില്ല

ഇരകളാ​യ​വ​രെ എങ്ങനെ സഹായി​ക്കാം?

അതു നിങ്ങളു​ടെ കുറ്റം​കൊ​ണ്ടല്ല

ബൈബിൾ പറയു​ന്നത്‌: “നമ്മൾ ഓരോ​രു​ത്ത​രും ദൈവ​ത്തോ​ടു കണക്കു ബോധി​പ്പി​ക്കേ​ണ്ടി​വ​രും.”—റോമർ 14:12.

ഇതു മനസ്സിൽപ്പി​ടി​ക്കുക: അതി​ക്രമം കാണിച്ച വ്യക്തി​യാ​ണു കുറ്റക്കാ​രൻ.

പങ്കാളി നിങ്ങളെ ഉപദ്ര​വി​ച്ചിട്ട്‌, നിങ്ങളാണ്‌ അതിന്റെ കാരണ​ക്കാ​രി എന്നു പറയു​ന്നെ​ങ്കിൽ അതു ശരിയല്ല. ഭാര്യയെ ഉപദ്ര​വി​ക്കു​കയല്ല, സ്‌നേ​ഹി​ക്കു​ക​യാ​ണു ചെയ്യേ​ണ്ടത്‌. അവർ അത്‌ അർഹി​ക്കു​ന്നു.—കൊ​ലോ​സ്യർ 3:19.

ഒരാളു​ടെ സ്വഭാ​വ​വൈ​ക​ല്യ​മോ അവർ വളർന്നു​വന്ന സാഹച​ര്യ​ങ്ങ​ളോ അല്ലെങ്കിൽ മദ്യത്തിന്‌ അടിമ​യാ​യി​രി​ക്കു​ന്ന​തോ ഒക്കെയാ​യി​രി​ക്കാം ചില​പ്പോ​ഴൊ​ക്കെ ഇത്തരം പെരു​മാ​റ്റ​ത്തി​നു കാരണം. കാരണം എന്തായാ​ലും നിങ്ങ​ളോട്‌ ഈ ചെയ്യു​ന്ന​തി​നൊ​ക്കെ അയാൾ ദൈവ​ത്തോ​ടു കണക്കു ബോധി​പ്പി​ക്കേ​ണ്ട​തുണ്ട്‌. മാറ്റം വരു​ത്തേ​ണ്ടത്‌ അയാൾത​ന്നെ​യാണ്‌.

സഹായം ലഭ്യമാണ്‌

ബൈബിൾ പറയു​ന്നത്‌: “അനേകം ഉപദേ​ശ​ക​രു​ണ്ടെ​ങ്കിൽ വിജയം നേടാം.”—സുഭാ​ഷി​തങ്ങൾ 15:22.

ഇതു മനസ്സിൽപ്പി​ടി​ക്കുക: നിങ്ങൾക്കു പേടി തോന്നു​ന്നെ​ങ്കി​ലോ എന്തു ചെയ്യണ​മെന്ന്‌ അറിയി​ല്ലെ​ങ്കി​ലോ മറ്റുള്ള​വർക്കു നിങ്ങളെ സഹായി​ക്കാ​നാ​കും.

എന്തു​കൊ​ണ്ടാണ്‌ നിങ്ങൾക്കു സഹായം ആവശ്യ​മാ​യി​രി​ക്കു​ന്നത്‌? ഗാർഹി​ക​പീ​ഡ​ന​ത്തിന്‌ ഇരയാ​കു​ന്ന​വ​രു​ടെ മനസ്സിനെ കുറെ കാര്യങ്ങൾ അലട്ടു​ന്നു​ണ്ടാ​കും. അതു​കൊ​ണ്ടു​തന്നെ എന്തു ചെയ്യണം, എന്തു ചെയ്യരുത്‌ എന്നതി​നെ​ക്കു​റി​ച്ചൊ​ക്കെ ഒരു തീരു​മാ​ന​മെ​ടു​ക്കാൻ പലപ്പോ​ഴും എളുപ്പ​മാ​യി​രി​ക്കില്ല. നിങ്ങളു​ടെ മനസ്സി​ലൂ​ടെ പോ​യേ​ക്കാ​വുന്ന ചില കാര്യങ്ങൾ ഇവയാ​യി​രി​ക്കാം:

  • നിങ്ങളുടെതന്നെ സുരക്ഷ

  • നിങ്ങളുടെ കുട്ടി​ക​ളു​ടെ ഭാവി

  • നിങ്ങളുടെ സാമ്പത്തിക കാര്യങ്ങൾ

  • ഇണയോടുള്ള സ്‌നേഹം

  • എങ്ങാനും ഇണ മാറ്റം വരുത്തി​യാ​ലോ എന്ന ചിന്ത

ഇത്തര​മൊ​രു സാഹച​ര്യ​ത്തിൽ പലപല ചിന്തകൾ നിങ്ങളെ വീർപ്പു​മു​ട്ടി​ച്ചേ​ക്കാം, അതു സ്വാഭാ​വി​ക​മാണ്‌. നിങ്ങൾക്ക്‌ ആരോടു സഹായം ചോദി​ക്കാം?

ആശ്രയി​ക്കാ​വു​ന്ന ഒരു സുഹൃ​ത്തി​നോ കുടും​ബാം​ഗ​ത്തി​നോ നിങ്ങളെ സഹായി​ക്കാ​നും ആശ്വസി​പ്പി​ക്കാ​നും കഴി​ഞ്ഞേ​ക്കും. നിങ്ങളെ അറിയാ​വുന്ന, നിങ്ങളെ സ്‌നേ​ഹി​ക്കുന്ന ഒരാ​ളോ​ടു സംസാ​രി​ക്കു​മ്പോൾത്തന്നെ നിങ്ങൾക്കു വലിയ ആശ്വാസം തോന്നി​യേ​ക്കാം.

സ്‌ത്രീ​ക​ളു​ടെ സുരക്ഷ ഉറപ്പാ​ക്കു​ന്ന​തി​നുള്ള ഹെൽപ്‌ലൈൻ നമ്പരു​ക​ളിൽ വിളി​ച്ചാൽ പെട്ടെ​ന്നു​തന്നെ സഹായം ലഭി​ച്ചേ​ക്കാം. നിങ്ങളു​ടെ സുരക്ഷ ഉറപ്പാ​ക്കാൻവേണ്ടി എന്തൊക്കെ ചെയ്യാ​നാ​കു​മെന്ന്‌ അവർക്കു പറഞ്ഞു​ത​രാ​നാ​കും. ഇനി പങ്കാളി തനി​ക്കൊ​രു പ്രശ്‌ന​മു​ണ്ടെന്നു സമ്മതി​ക്കു​ക​യും മാറ്റം വരുത്താൻ ആത്മാർഥ​മാ​യി ആഗ്രഹി​ക്കു​ക​യും ചെയ്യു​ന്നെ​ങ്കി​ലോ? അങ്ങനെ​യൊ​രു സാഹച​ര്യ​ത്തി​ലും ഹെൽപ്‌​ലൈ​നി​ലെ ആളുകൾക്ക്‌ അദ്ദേഹം എന്തൊക്കെ ചെയ്യണ​മെന്നു പറഞ്ഞു​കൊ​ടു​ക്കാ​നാ​യേ​ക്കും.

അടിയ​ന്തി​ര വൈദ്യ​സ​ഹാ​യം ആവശ്യ​മാ​യൊ​രു സാഹച​ര്യം ഉണ്ടാകു​ന്നെ​ങ്കിൽ ഡോക്ടർമാ​രു​ടെ​യോ നഴ്‌സു​മാ​രു​ടെ​യോ, പരിശീ​ലനം ലഭിച്ച അത്തരത്തി​ലുള്ള മറ്റുള്ള​വ​രു​ടെ​യോ സഹായം നിങ്ങൾക്കു തേടാം.

നിങ്ങൾക്ക്‌ ആശ്വാസം കണ്ടെത്താം

ബൈബിൾ പറയു​ന്നത്‌: “യഹോവb ഹൃദയം തകർന്ന​വ​രു​ടെ അരികി​ലുണ്ട്‌; മനസ്സു തകർന്ന​വരെ ദൈവം രക്ഷിക്കു​ന്നു.”—സങ്കീർത്തനം 34:18.

ഇതു മനസ്സിൽപ്പി​ടി​ക്കുക: നിങ്ങളെ സഹായി​ക്കാ​മെന്നു ദൈവം ഉറപ്പു തന്നിട്ടുണ്ട്‌.

യഹോ​വ​യ്‌ക്കു നിങ്ങ​ളെ​ക്കു​റിച്ച്‌ ശരിക്കും ചിന്തയുണ്ട്‌. (1 പത്രോസ്‌ 5:7) നിങ്ങളു​ടെ ഉള്ളി​ന്റെ​യു​ള്ളി​ലെ ചിന്തക​ളും വികാ​ര​ങ്ങ​ളും യഹോ​വ​യ്‌ക്കു മനസ്സി​ലാ​കും. തന്റെ വചനമായ ബൈബി​ളി​ലൂ​ടെ യഹോ​വ​യ്‌ക്കു നിങ്ങളെ ആശ്വസി​പ്പി​ക്കാ​നാ​കും. മാത്രമല്ല, നിങ്ങളു​ടെ വിഷമ​ങ്ങ​ളും സങ്കടങ്ങ​ളും ഒക്കെ ദൈവ​ത്തോ​ടു പറയാ​നും ദൈവം ആഗ്രഹി​ക്കു​ന്നു. അങ്ങനെ പ്രാർഥി​ക്കു​മ്പോൾ, നന്നായി ചിന്തിച്ച്‌ പ്രവർത്തി​ക്കാ​നുള്ള കഴിവി​നും പിടി​ച്ചു​നിൽക്കാ​നുള്ള ശക്തിക്കും വേണ്ടി നിങ്ങൾക്ക്‌ അപേക്ഷി​ക്കാം.—യശയ്യ 41:10.

ഗാർഹി​ക​പീ​ഡനം എന്നും തുടരില്ല

ബൈബിൾ പറയു​ന്നത്‌: “അവർ ഓരോ​രു​ത്ത​രും സ്വന്തം മുന്തി​രി​വ​ള്ളി​യു​ടെ​യും അത്തി മരത്തി​ന്റെ​യും ചുവട്ടിൽ താമസി​ക്കും; ആരും അവരെ പേടി​പ്പി​ക്കില്ല.”—മീഖ 4:4

ഇതു മനസ്സിൽപ്പി​ടി​ക്കുക: എല്ലാവർക്കും സമാധാ​ന​ത്തോ​ടെ വീട്ടിൽ താമസി​ക്കാൻ കഴിയുന്ന ഒരു സമയം പെട്ടെ​ന്നു​തന്നെ വരു​മെന്നു ബൈബിൾ പറയുന്നു.

ദൈവ​മാ​യ യഹോ​വ​യ്‌ക്കു മാത്രമേ നമ്മുടെ എല്ലാ പ്രശ്‌ന​ങ്ങ​ളും എന്നേക്കു​മാ​യി പരിഹ​രി​ക്കാൻ കഴിയു​ക​യു​ള്ളൂ. ബൈബിൾ ഈ ഉറപ്പു തരുന്നു: “ദൈവം അവരുടെ കണ്ണുക​ളിൽനിന്ന്‌ കണ്ണീ​രെ​ല്ലാം തുടച്ചു​ക​ള​യും. മേലാൽ മരണം ഉണ്ടായി​രി​ക്കില്ല; ദുഃഖ​മോ നിലവി​ളി​യോ വേദന​യോ ഉണ്ടായി​രി​ക്കില്ല.” (വെളി​പാട്‌ 21:4) നമ്മൾ അനുഭ​വിച്ച ദ്രോ​ഹ​ങ്ങ​ളു​ടെ നീറുന്ന ഓർമ​ക​ളൊ​ന്നും അന്നു മനസ്സി​ലേക്കു വരില്ല. പകരം നല്ല കാര്യ​ങ്ങ​ളാ​യി​രി​ക്കും മനസ്സി​ലേക്കു വരിക. (യശയ്യ 65:17) ഇങ്ങനെ സമാധാ​ന​ത്തോ​ടെ ജീവി​ക്കാൻ കഴിയുന്ന ഒരു കാല​ത്തെ​ക്കു​റി​ച്ചാ​ണു ബൈബിൾ നമുക്ക്‌ ഉറപ്പു തരുന്നത്‌.

a ഈ ലേഖന​ത്തിൽ ഇരകളായ സ്‌ത്രീ​ക​ളെ​ക്കു​റി​ച്ചാ​ണു പറയു​ന്ന​തെ​ങ്കി​ലും ഇതിൽ പറഞ്ഞി​രി​ക്കുന്ന പല കാര്യ​ങ്ങ​ളും പുരു​ഷ​ന്മാർക്കും ബാധക​മാണ്‌.

b ദൈവത്തിന്റെ പേര്‌ യഹോവ എന്നാ​ണെന്നു ബൈബിൾ പറയുന്നു.

ഇരകളായവരെ എങ്ങനെ സഹായി​ക്കാം?

ഗാർഹികപീഡനത്തിന്‌ ഇരയാ​യി​ട്ടുള്ള ആരെ​യെ​ങ്കി​ലും നിങ്ങൾക്ക്‌ അറിയാ​മോ? അങ്ങനെ​യു​ള്ള​വരെ സഹായി​ക്കാൻ പ്രത്യേക പരിശീ​ല​ന​മൊ​ന്നും കിട്ടി​യി​ട്ടി​ല്ലെ​ങ്കി​ലും നിങ്ങൾക്കും അവരെ സഹായി​ക്കാ​നാ​കും.c

നന്നായി ശ്രദ്ധി​ക്കുക. (യാക്കോബ്‌ 1:19) വിഷമ​ങ്ങ​ളൊ​ക്കെ തുറന്നു​പ​റ​യാ​മെന്നു പറയുക. എന്നാൽ അതിനു നിർബ​ന്ധി​ക്ക​രുത്‌. അവർ പറയു​ന്ന​തെ​ല്ലാം നമ്മൾ വിശ്വ​സി​ക്കു​ന്നു​ണ്ടെന്ന്‌ അവർക്കു മനസ്സി​ലാ​കണം.—സുഭാ​ഷി​തങ്ങൾ 20:5.

ഗാർഹികപീഡനത്തെക്കുറിച്ചുള്ള ഒരു ഉറവിടം ഇങ്ങനെ പറയുന്നു: “നിങ്ങ​ളോട്‌ ഇതൊക്കെ തുറന്നു​പ​റ​യാൻ ഇരയായ വ്യക്തിക്ക്‌ ഒട്ടും എളുപ്പ​മാ​യി​രു​ന്നി​രി​ക്കില്ല. സംഭവി​ച്ച​തൊ​ന്നും മറ്റാരും അറിയ​രു​തെ​ന്നാ​യി​രി​ക്കും അവരുടെ ആഗ്രഹം. അതു​കൊ​ണ്ടു​തന്നെ ഇല്ലാത്ത​തൊ​ന്നും അവർ പറയി​ല്ലെന്നു മാത്രമല്ല ഉള്ളതു​പോ​ലും പകുതി മറച്ചു​വെ​ക്കാ​നാ​യി​രി​ക്കും പലപ്പോ​ഴും അവർ ശ്രമി​ക്കു​ന്നത്‌. ഇനി ഇങ്ങനെ ചെയ്‌തത്‌ നിങ്ങൾക്ക്‌ അറിയാ​വുന്ന ഒരാളാ​ണെ​ങ്കിൽ ‘അയാൾ ഇങ്ങനെ​യൊ​ക്കെ ചെയ്യു​മോ’ എന്നു നിങ്ങൾ ചിന്തി​ച്ചേ​ക്കാം. ഇതുവരെ നിങ്ങൾ കണ്ടിട്ടു​ള്ളത്‌ അയാളു​ടെ മറ്റൊരു മുഖമാ​യി​രി​ക്കും. കാരണം ഇങ്ങനെ​യു​ള്ളവർ പൊതു​വെ പുറത്ത്‌ വളരെ മാന്യ​ന്മാ​രാ​യി​രി​ക്കും.”

പ്രോത്സാഹിപ്പിക്കുന്ന രീതി​യിൽ സംസാ​രി​ക്കുക. (1 തെസ്സ​ലോ​നി​ക്യർ 5:11) നിങ്ങൾ അവളെ ഒരുപാ​ടു സ്‌നേ​ഹി​ക്കു​ന്നു​ണ്ടെന്നു പറയുക. അവളുടെ നല്ല ഗുണങ്ങ​ളെ​ക്കു​റിച്ച്‌ ഓർമി​പ്പി​ക്കാ​നാ​കും. അങ്ങനെ വില​കെ​ട്ട​വ​ളാ​ണെന്ന തോന്നൽ മാറ്റി​യെ​ടു​ക്കാൻ സഹായി​ക്കുക. കൂടാതെ, ആവശ്യ​മായ സഹായം സ്വീക​രി​ക്കാൻ പ്രോ​ത്സാ​ഹി​പ്പി​ക്കാം.

സഹായിക്കാൻ ഒരുക്ക​മു​ള്ള​വ​രാ​യി​രി​ക്കുക. (സുഭാ​ഷി​തങ്ങൾ 17:17) കുറച്ച്‌ നേര​ത്തേക്ക്‌ അവരുടെ മക്കളെ നോക്കു​ക​യോ ഒരു നേരത്തെ ഭക്ഷണം ഉണ്ടാക്കി​ക്കൊ​ടു​ക്കു​ക​യോ ഒക്കെ ചെയ്‌തു​കൊണ്ട്‌ നമുക്കു സഹായി​ക്കാ​നാ​യേ​ക്കും. പ്രശ്‌നം വഷളാ​യാൽ എന്തു ചെയ്യണം, എങ്ങോട്ടു പോകണം എന്നൊക്കെ സംബന്ധിച്ച്‌ ആ വ്യക്തി ചിന്തി​ച്ചു​വെ​ച്ചി​ട്ടു​ണ്ടെന്നു ഉറപ്പു വരുത്തുക.

സ്വന്തമായി തീരു​മാ​ന​മെ​ടു​ക്കാൻ പ്രോ​ത്സാ​ഹി​പ്പി​ക്കുക, അതിനാ​യി ആത്മവി​ശ്വാ​സം പകരുക. (ഗലാത്യർ 6:5) എന്തു ചെയ്യണ​മെന്നു നമ്മൾ അവരോ​ടു പറയു​ന്ന​തി​നു പകരം ആ സാഹച​ര്യ​ത്തെ എങ്ങനെ​യൊ​ക്കെ കൈകാ​ര്യം ചെയ്യാ​മെന്നു പറഞ്ഞു​കൊ​ടു​ക്കുക. ആവശ്യ​മായ വിവര​ങ്ങ​ളും നൽകുക.

c എതിർലിംഗവർഗത്തിൽപ്പെട്ട ഒരാൾക്കാ​ണു സഹായം ആവശ്യ​മു​ള്ള​തെ​ങ്കിൽ സഹായം നൽകു​ന്ന​തിൽ നിങ്ങൾ നേരിട്ട്‌ അധികം ഉൾപ്പെ​ടാ​തി​രി​ക്കു​ന്ന​താ​കും നല്ലത്‌. പകരം നല്ലൊരു കൂട്ടു​കാ​രി​യു​ടെ സഹായം തേടാൻ പറയുക.

    മലയാളം പ്രസിദ്ധീകരണങ്ങൾ (1970-2025)
    ലോഗ് ഔട്ട്
    ലോഗ് ഇൻ
    • മലയാളം
    • പങ്കുവെക്കുക
    • താത്പര്യങ്ങൾ
    • Copyright © 2025 Watch Tower Bible and Tract Society of Pennsylvania
    • നിബന്ധനകള്‍
    • സ്വകാര്യതാ നയം
    • സ്വകാര്യതാ ക്രമീകരണങ്ങൾ
    • JW.ORG
    • ലോഗ് ഇൻ
    പങ്കുവെക്കുക