18:3

കൂടാ​ര​പ്പ​ണി​ക്കാർ: പൗലോ​സി​ന്റെ​യും അക്വി​ല​യു​ടെ​യും പ്രിസ്‌കി​ല്ല​യു​ടെ​യും തൊഴി​ലി​നെ കുറി​ക്കാൻ സ്‌ക്കീ​നൊ​പോ​യി​യൊസ്‌ എന്ന ഗ്രീക്കു​പ​ദ​മാണ്‌ ഇവിടെ ഉപയോ​ഗി​ച്ചി​രി​ക്കു​ന്നത്‌. ഇതു കൃത്യ​മാ​യി ഏതു തൊഴി​ലി​നെ​യാ​ണു കുറി​ക്കു​ന്നത്‌ എന്ന കാര്യ​ത്തിൽ വ്യത്യസ്‌ത അഭി​പ്രാ​യ​ങ്ങ​ളുണ്ട്‌ (കൂടാ​ര​പ്പണി, അലങ്കാ​ര​പ്പ​ണി​യുള്ള തുണി​യു​ടെ നെയ്‌ത്ത്‌, കയറു​നിർമാ​ണം എന്നിവ​യെ​ല്ലാം സാധ്യ​ത​ക​ളാണ്‌.). എന്നാൽ ഇതു ‘കൂടാ​ര​പ്പ​ണി​യെ​ത്ത​ന്നെ​യാ​ണു’ കുറി​ക്കു​ന്ന​തെന്നു പല പണ്ഡിത​ന്മാ​രും കരുതു​ന്നു. പൗലോ​സി​ന്റെ സ്വദേ​ശ​മായ കിലി​ക്യ​യി​ലെ തർസൊസ്‌, കോലാ​ട്ടു​രോ​മം​കൊണ്ട്‌ ഉണ്ടാക്കുന്ന സിലി​ഷ്യം എന്ന കൂടാ​ര​ത്തു​ണി​ക്കു പേരു​കേ​ട്ട​താ​യി​രു​ന്നു. (പ്രവൃ 21:39) ജൂതന്മാ​രായ ചെറു​പ്പ​ക്കാർ ഉന്നതവി​ദ്യാ​ഭ്യാ​സം നേടാ​നി​രി​ക്കു​ന്ന​വ​രാ​ണെ​ങ്കിൽപ്പോ​ലും അവർ ഒരു കൈ​ത്തൊ​ഴിൽ പഠിക്കു​ന്നതു വളരെ ആദരണീ​യ​മായ ഒരു കാര്യ​മാ​യി​ട്ടാ​ണു എ.ഡി. ഒന്നാം നൂറ്റാ​ണ്ടി​ലെ ജൂതസ​മൂ​ഹം കണ്ടിരു​ന്നത്‌. അതു​കൊണ്ട്‌ പൗലോസ്‌ ചെറു​പ്പ​ത്തിൽത്തന്നെ കൂടാരം ഉണ്ടാക്കാ​നുള്ള പരിശീ​ലനം നേടി​യി​രി​ക്കാം. എന്നാൽ ഈ പണി അത്ര എളുപ്പ​മാ​യി​രു​ന്നില്ല. കാരണം സിലി​ഷ്യം പൊതു​വേ നല്ല കട്ടിയുള്ള, പരുക്കൻ തുണി​യാ​യി​രു​ന്നെന്നു പറയ​പ്പെ​ടു​ന്നു. അതു​കൊ​ണ്ടു​തന്നെ അതു മുറിച്ച്‌, തുന്നി​യെ​ടു​ക്കാൻ നല്ല കഷ്ടപ്പാ​ടാ​യി​രു​ന്നു.