യഹോ​വയെ സ്‌നേ​ഹി​ക്കുന്ന ആളുകൾ മുഴു​ഹൃ​ദ​യ​ത്തോ​ടെ യഹോ​വ​യു​ടെ നാമത്തെ സ്‌തു​തി​ക്കും. യഹോ​വ​യു​ടെ നാമത്തെ സ്‌തു​തി​ക്കുക എന്നു പറഞ്ഞാൽ യഹോ​വ​യെ​ത്തന്നെ സ്‌തു​തി​ക്കുക എന്നാ​ണെന്നു ദാവീദ്‌ മനസ്സി​ലാ​ക്കി. യഹോ​വ​യു​ടെ പേരി​നെ​ക്കു​റിച്ച്‌ കേൾക്കു​മ്പോൾ യഹോ​വ​യു​ടെ വ്യക്തി​ത്വ​മാ​ണു മനസ്സി​ലേ​ക്കു​വ​രു​ന്നത്‌. അതായത്‌, യഹോ​വ​യു​ടെ മനോ​ഹ​ര​മായ ഗുണങ്ങ​ളും അതിശ​യ​ക​ര​മായ പ്രവൃ​ത്തി​ക​ളും എല്ലാം. തന്റെ പിതാ​വി​ന്റെ പേരിനെ പരിശു​ദ്ധ​മാ​യി കാണാ​നും അതിനെ സ്‌തു​തി​ക്കാ​നും ദാവീദ്‌ ആഗ്രഹി​ച്ചു. ‘ഉള്ളം മുഴു​വ​നോ​ടെ,’ അതായത്‌ മുഴു​ഹൃ​ദ​യ​ത്തോ​ടെ​യാണ്‌ ദാവീദ്‌ അതു ചെയ്‌തത്‌. ഇതു​പോ​ലെ ലേവ്യ​രും യഹോ​വയെ സ്‌തു​തി​ക്കു​ന്ന​തിൽ നേതൃ​ത്വ​മെ​ടു​ത്തു. എത്രതന്നെ സ്‌തു​തി​ച്ചാ​ലും യഹോ​വ​യു​ടെ അതിപ​രി​ശു​ദ്ധ​നാ​മം അർഹി​ക്കുന്ന അത്രയും സ്‌തുതി കൊടു​ക്കാൻ തങ്ങൾക്കു കഴിയി​ല്ലെന്ന്‌ അവർ താഴ്‌മ​യോ​ടെ അംഗീ​ക​രി​ച്ചു. (നെഹ. 9:5) ഇത്തരത്തിൽ താഴ്‌മ​യോ​ടെ, ഹൃദയ​പൂർവം നമ്മൾ യഹോ​വയെ സ്‌തു​തി​ക്കു​മ്പോൾ അത്‌ യഹോ​വയെ സന്തോ​ഷി​പ്പി​ക്കും. w24.02 9 ¶6

പറ്റാത്ത ഒരു ലക്ഷ്യം വെച്ചിട്ട്‌ അതിൽ എത്തി​ച്ചേർന്നില്ല എന്ന കാരണ​ത്താൽ നിങ്ങൾ ഒരു പരാജ​യ​മാ​ണെന്ന്‌ യഹോവ ഒരിക്ക​ലും ചിന്തി​ക്കില്ല. വീഴ്‌ച​ക​ളിൽനിന്ന്‌ പഠിക്കുക. (2 കൊരി. 8:12) എത്തി​ച്ചേർന്ന ലക്ഷ്യങ്ങ​ളെ​ക്കു​റിച്ച്‌ ചിന്തി​ക്കുക. ‘നിങ്ങൾ ചെയ്‌ത സേവനം മറന്നു​ക​ള​യാൻ ദൈവം അനീതി​യു​ള്ള​വനല്ല’ എന്നു ബൈബിൾ ഉറപ്പു​ത​ന്നി​ട്ടുണ്ട്‌. (എബ്രാ. 6:10) അതു​കൊണ്ട്‌ നിങ്ങളും ആ കാര്യ​ങ്ങ​ളൊ​ന്നും മറക്കരുത്‌. നിങ്ങൾ ഇതി​നോ​ടകം നേടി​യെ​ടുത്ത ലക്ഷ്യങ്ങൾ എന്തെല്ലാ​മാ​ണെന്നു ചിന്തി​ക്കുക. ഒരുപക്ഷേ, യഹോ​വ​യു​മാ​യി അടുത്ത സ്‌നേ​ഹ​ബന്ധം വളർത്തി​യെ​ടു​ത്ത​തും മറ്റുള്ള​വ​രോ​ടു ദൈവ​ത്തെ​ക്കു​റിച്ച്‌ സംസാ​രി​ച്ച​തും സമർപ്പിച്ച്‌ സ്‌നാ​ന​മേ​റ്റ​തും എല്ലാം അവയിൽ ചിലതാ​യി​രി​ക്കാം. ഇതുവരെ പടിപ​ടി​യാ​യി നിങ്ങൾ പല ആത്മീയ​ല​ക്ഷ്യ​ങ്ങ​ളി​ലും എത്തി​ച്ചേർന്ന​തു​പോ​ലെ ഇപ്പോൾ വെച്ചി​രി​ക്കുന്ന ലക്ഷ്യങ്ങ​ളി​ലേ​ക്കും പടിപ​ടി​യാ​യി കയറി​ച്ചെ​ല്ലാൻ നിങ്ങൾക്കാ​കും. യഹോ​വ​യു​ടെ സഹായ​ത്താൽ നിങ്ങൾക്കും ലക്ഷ്യത്തിൽ എത്തി​ച്ചേ​രാ​നാ​കും. ആത്മീയ​ല​ക്ഷ്യ​ത്തി​ലേ​ക്കുള്ള യാത്ര​യും ആസ്വദി​ക്കുക. ആ യാത്ര​യിൽ യഹോവ എങ്ങനെ​യെ​ല്ലാ​മാ​ണു നിങ്ങളെ സഹായി​ക്കു​ക​യും അനു​ഗ്ര​ഹി​ക്കു​ക​യും ചെയ്‌തത്‌ എന്നു തിരി​ച്ച​റി​യു​ന്നത്‌ അതിനു സഹായി​ക്കും. (2 കൊരി. 4:7) തളർന്നു​പോ​കാ​തി​രു​ന്നാൽ വളരെ വലിയ അനു​ഗ്ര​ഹ​ങ്ങ​ളാ​ണു നിങ്ങളെ കാത്തി​രി​ക്കു​ന്നത്‌.—ഗലാ. 6:9. w23.05 31 ¶16-18

തന്റെ ജനത്തെ സ്‌നേ​ഹി​ക്കു​ന്നെ​ന്നും അവരിൽ പ്രസാ​ദി​ച്ചി​രി​ക്കു​ന്നെ​ന്നും കാണി​ക്കാ​നുള്ള അവസര​ങ്ങൾക്കാ​യി യഹോവ നോക്കു​ന്നു. തന്റെ അംഗീ​കാ​ര​മുള്ള പ്രിയ​പു​ത്ര​നാണ്‌ യേശു എന്ന്‌ രണ്ട്‌ അവസര​ങ്ങ​ളിൽ യഹോവ യേശു​വി​നോ​ടു പറഞ്ഞു. (മത്താ. 3:17; 17:5) നിങ്ങളിൽ യഹോവ പ്രസാ​ദി​ച്ചി​രി​ക്കു​ന്നു എന്ന്‌ യഹോവ പറയു​ന്നതു കേൾക്കാൻ നിങ്ങൾക്ക്‌ ആഗ്രഹ​മു​ണ്ടോ? യഹോവ ഇന്ന്‌ നമ്മളോ​ടു നേരിട്ട്‌ സംസാ​രി​ക്കു​ന്നില്ല. എങ്കിലും തന്റെ വചനമായ ബൈബി​ളി​ലൂ​ടെ ദൈവം നമ്മളോ​ടു സംസാ​രി​ക്കു​ന്നുണ്ട്‌. യേശു തന്റെ ശിഷ്യ​ന്മാ​രോ​ടു പറഞ്ഞ വാക്കുകൾ സുവി​ശേ​ഷ​ഭാ​ഗ​ങ്ങ​ളിൽ വായി​ക്കു​മ്പോൾ ശരിക്കും നമ്മൾ ‘കേൾക്കു​ന്നത്‌’ നമ്മളെ അംഗീ​ക​രി​ച്ചു​കൊ​ണ്ടുള്ള യഹോ​വ​യു​ടെ വാക്കു​ക​ളാണ്‌. യേശു തന്റെ പിതാ​വി​ന്റെ വ്യക്തി​ത്വം അതേപടി പകർത്തി. അതു​കൊണ്ട്‌ അപൂർണ​രാ​ണെ​ങ്കി​ലും വിശ്വ​സ്‌ത​രായ തന്റെ അനുഗാ​മി​ക​ളോ​ടു യേശു പറഞ്ഞ സ്‌നേ​ഹ​ത്തി​ന്റെ​യും അംഗീ​കാ​ര​ത്തി​ന്റെ​യും വാക്കുകൾ ശരിക്കും യഹോവ നമ്മളോട്‌ പറയാൻ ആഗ്രഹി​ക്കുന്ന വാക്കു​ക​ളാണ്‌. (യോഹ. 15:9, 15) കഷ്ടതകൾ ഉണ്ടാകു​ന്നെ​ങ്കിൽ അതിന്റെ അർഥം നമുക്ക്‌ യഹോ​വ​യു​ടെ അംഗീ​കാ​രം നഷ്ടപ്പെട്ടു എന്നല്ല. പകരം അത്‌ നമ്മൾ യഹോ​വയെ എത്രമാ​ത്രം സ്‌നേ​ഹി​ക്കു​ന്നെ​ന്നും യഹോ​വ​യിൽ ആശ്രയി​ക്കു​ന്നെ​ന്നും കാണി​ക്കാ​നുള്ള അവസര​ങ്ങ​ളാണ്‌.—യാക്ക 1:12. w24.03 28 ¶10-11