സങ്കീർത്തനം
ദാവീദിന്റേത്‌. മാസ്‌കിൽ.*
32 ലംഘനം ക്ഷമിച്ചും പാപം മറച്ചും* കിട്ടിയ മനുഷ്യൻ സന്തുഷ്ടൻ.+
3 ഞാൻ മിണ്ടാതിരുന്നപ്പോൾ ദിവസം മുഴുവനുമുള്ള ഞരക്കത്താൽ എന്റെ അസ്ഥികൾ ക്ഷയിച്ചുപോയി.+
4 രാവും പകലും അങ്ങയുടെ കൈ* എനിക്കു ഭാരമായിരുന്നു.+
വരണ്ട വേനൽച്ചൂടിലെ വെള്ളമെന്നപോലെ എന്റെ ശക്തി ആവിയായിപ്പോയി.* (സേലാ)
“എന്റെ ലംഘനങ്ങൾ ഞാൻ യഹോവയോട്‌ ഏറ്റുപറയും” എന്നു ഞാൻ പറഞ്ഞു.+
എന്റെ തെറ്റുകൾ, എന്റെ പാപങ്ങൾ, അങ്ങ്‌ ക്ഷമിച്ചുതരുകയും ചെയ്‌തു.+ (സേലാ)
6 അങ്ങയെ കണ്ടെത്താനാകുന്ന സമയത്തുതന്നെ+
ഓരോ വിശ്വസ്‌തനും അങ്ങയോടു പ്രാർഥിക്കുന്നത്‌ ഇതുകൊണ്ടാണ്‌.+
പിന്നെ, പ്രളയജലംപോലും അവനെ തൊടില്ല.
വിമോചനത്തിന്റെ സന്തോഷാരവത്താൽ അങ്ങ്‌ എന്നെ പൊതിയും.+ (സേലാ)
8 “ഞാൻ നിനക്ക്‌ ഉൾക്കാഴ്‌ച തരും, പോകേണ്ട വഴി നിന്നെ പഠിപ്പിക്കും.+
നിന്റെ മേൽ കണ്ണുനട്ട്‌ ഞാൻ നിന്നെ ഉപദേശിക്കും.+
9 നീ വകതിരിവില്ലാതെ, കുതിരയെപ്പോലെയോ കോവർകഴുതയെപ്പോലെയോ ആകരുത്‌;+
അവയെ നിന്റെ അടുത്ത്‌ കൊണ്ടുവരുന്നതിനു മുമ്പ്‌
കടിഞ്ഞാണും മുഖക്കയറും കൊണ്ട്‌ അവയുടെ ശൗര്യം നിയന്ത്രിക്കണമല്ലോ.”
10 ദുഷ്ടന്മാരുടെ വേദനകൾ അനേകം;
എന്നാൽ, തന്നിൽ ആശ്രയിക്കുന്നവനെ യഹോവയുടെ അചഞ്ചലമായ സ്‌നേഹം പൊതിയുന്നു.+
11 നീതിമാന്മാരേ, യഹോവയിൽ സന്തോഷിക്കൂ! ആഹ്ലാദിക്കൂ!
ഹൃദയശുദ്ധിയുള്ളവരേ, നിങ്ങൾ സന്തോഷത്തോടെ ആർപ്പിടൂ!