സങ്കീർത്തനം
104 ഞാൻ യഹോവയെ സ്‌തുതിക്കട്ടെ.+
എന്റെ ദൈവമായ യഹോവേ, അങ്ങ്‌ എത്ര വലിയവൻ!+
അങ്ങ്‌ മഹത്ത്വവും തേജസ്സും ധരിച്ചിരിക്കുന്നു.+
3 ദൈവം തന്റെ മേൽമുറികളുടെ തുലാം, മുകളിലുള്ള വെള്ളത്തിൽ ഉറപ്പിക്കുന്നു;*+
മേഘങ്ങൾ രഥമാക്കി+ കാറ്റിൻചിറകിൽ സഞ്ചരിക്കുന്നു.+
4 ദൈവം തന്റെ ദൂതന്മാരെ കാറ്റും*
തന്റെ ശുശ്രൂഷകന്മാരെ, ചുട്ടെരിക്കുന്ന തീയും ആക്കുന്നു.+
6 വസ്‌ത്രംകൊണ്ടെന്നപോലെ അങ്ങ്‌ ആഴിയാൽ അതു മൂടി.+
വെള്ളം പർവതങ്ങളെക്കാൾ ഉയർന്നുനിന്നു.
7 അങ്ങയുടെ ശകാരം കേട്ട്‌ അത്‌ ഓടിക്കളഞ്ഞു;+
അങ്ങയുടെ ഇടിനാദം കേട്ട്‌ അതു പേടിച്ചോടി,
8 —പർവതങ്ങൾ ഉയർന്നു,+ താഴ്‌വരകൾ താണു—
അങ്ങ്‌ നിശ്ചയിച്ച സ്ഥാനത്ത്‌ ചെന്ന്‌ നിന്നു.
11 കാട്ടുമൃഗങ്ങളെല്ലാം അവയിൽനിന്ന്‌ കുടിക്കുന്നു;
കാട്ടുകഴുതകൾ ദാഹം തീർക്കുന്നു.
12 ആകാശപ്പറവകൾ അവയ്‌ക്കു മുകളിൽ ചേക്കേറുന്നു;
പച്ചിലപ്പടർപ്പുകൾക്കിടയിൽ ഇരുന്ന്‌ അവ പാട്ടു മൂളുന്നു.
13 തന്റെ മേൽമുറികളിൽനിന്ന്‌* ദൈവം പർവതങ്ങളെ നനയ്‌ക്കുന്നു.+
അങ്ങയുടെ പ്രവൃത്തികളുടെ ഫലം അനുഭവിച്ച്‌ ഭൂമി തൃപ്‌തിയടയുന്നു.+
14 ദൈവം ഭൂമിയിൽനിന്ന്‌ ആഹാരം വിളയിക്കുന്നു;
കന്നുകാലികൾക്കു പുല്ലും
മനുഷ്യർക്കായി സസ്യജാലങ്ങളും മുളപ്പിക്കുന്നു;+
15 മനുഷ്യന്റെ ഹൃദയത്തെ സന്തോഷിപ്പിക്കുന്ന വീഞ്ഞും+
മുഖകാന്തിയേകുന്ന എണ്ണയും
മർത്യന്റെ ഹൃദയത്തെ പോഷിപ്പിക്കുന്ന അപ്പവും ദൈവം നൽകുന്നു.+
16 യഹോവയുടെ വൃക്ഷങ്ങൾക്ക്‌,
ലബാനോനിൽ ദൈവം നട്ട ദേവദാരുക്കൾക്ക്‌,
മതിയാവോളം വെള്ളം ലഭിക്കുന്നു.
17 പക്ഷികൾ അവയിൽ കൂടു കൂട്ടുന്നു.
ജൂനിപ്പർ വൃക്ഷങ്ങൾ കൊക്കിന്റെ പാർപ്പിടം.+
20 അങ്ങ്‌ ഇരുട്ടു വീഴ്‌ത്തുന്നു, രാത്രി വരുന്നു;+
അപ്പോൾ, വന്യമൃഗങ്ങളെല്ലാം ചുറ്റിനടക്കുന്നു.
22 സൂര്യൻ ഉദിക്കുമ്പോൾ
അവ വീണ്ടും മടകളിൽ പോയി കിടക്കുന്നു.
23 മനുഷ്യനോ പണിക്ക്‌ ഇറങ്ങുന്നു;
അവൻ അന്തിയോളം പണിയെടുക്കുന്നു.
24 യഹോവേ, അങ്ങയുടെ സൃഷ്ടികൾ എത്രയധികം!+
അങ്ങ്‌ അവയെയെല്ലാം ജ്ഞാനത്തോടെ ഉണ്ടാക്കി.+
അങ്ങയുടെ സൃഷ്ടികളാൽ ഭൂമി നിറഞ്ഞിരിക്കുന്നു.
26 അതിലൂടെ കപ്പലുകൾ സഞ്ചരിക്കുന്നു;
അതിൽ കളിച്ചുനടക്കാൻ അങ്ങ്‌ ഉണ്ടാക്കിയ ലിവ്യാഥാനുമുണ്ട്‌.*+
28 അങ്ങ്‌ നൽകുന്നത്‌ അവ തിന്നുന്നു.+
തൃക്കൈ തുറക്കുമ്പോൾ നല്ല വസ്‌തുക്കളാൽ അവയ്‌ക്കു തൃപ്‌തിവരുന്നു.+
29 അങ്ങ്‌ മുഖം മറയ്‌ക്കുമ്പോൾ അവ അസ്വസ്ഥരാകുന്നു.
അങ്ങ്‌ അവയുടെ ജീവശക്തി* എടുക്കുമ്പോൾ അവ ചത്ത്‌ പൊടിയിലേക്കു മടങ്ങുന്നു.+
31 യഹോവയുടെ മഹത്ത്വം എന്നെന്നും നിലനിൽക്കും.
യഹോവ തന്റെ സൃഷ്ടിയിൽ ആനന്ദിക്കും.+
34 എന്റെ ചിന്തകൾ ദൈവത്തിനു പ്രസാദകരമായിരിക്കട്ടെ.*
ഞാൻ യഹോവയിൽ ആനന്ദിക്കും.
ഞാൻ യഹോവയെ സ്‌തുതിക്കട്ടെ. യാഹിനെ വാഴ്‌ത്തുവിൻ!*