ചെറു​പ്പ​ക്കാ​രായ സഹോ​ദ​ര​ന്മാ​രേ, പക്വത​യി​ലേക്കു വളരുക

1. വിജയം നേടാൻ ക്രിസ്‌തീ​യ​പു​രു​ഷ​ന്മാർ എന്തു ചെയ്യണം?

അപ്പോ​സ്‌ത​ല​നായ പൗലോസ്‌ എഫെ​സൊ​സി​ലെ ക്രിസ്‌ത്യാ​നി​കളെ ഇങ്ങനെ പ്രോ​ത്സാ​ഹി​പ്പി​ച്ചു: ‘പൂർണ​വ​ളർച്ച​യെ​ത്തിയ ഒരു പുരു​ഷ​നാ​യി വളർന്ന്‌ ക്രിസ്‌തു​വി​ന്റെ പരിപൂർണ​ത​യു​ടെ അളവി​നൊ​പ്പം എത്തുക.’ (എഫെ. 4:13) ഇന്ന്‌ എല്ലാ ക്രിസ്‌തീ​യ​പു​രു​ഷ​ന്മാ​രും ആ നിർദേശം അനുസ​രി​ക്കാൻ നന്നായി ശ്രമി​ക്കു​ന്നു. അതിൽ വിജയി​ക്ക​ണ​മെ​ങ്കിൽ ദൈവ​നി​യ​മങ്ങൾ അനുസ​രി​ക്കാ​നും എന്തു ചെയ്യു​മ്പോ​ഴും ബൈബിൾത​ത്ത്വ​ങ്ങൾക്കു ചേർച്ച​യിൽ പ്രവർത്തി​ക്കാ​നും പഠിക്കണം. (ലൂക്കോ. 2:52) ഇത്തരത്തിൽ പക്വത​യുള്ള പുരു​ഷ​ന്മാ​രാ​യി​ത്തീ​രാൻ ചെറു​പ്പ​ക്കാർ ശ്രമി​ക്കേ​ണ്ടത്‌ എന്തു​കൊ​ണ്ടാണ്‌?

2-3. ചെറു​പ്പ​ക്കാ​ര​നായ ഒരു സഹോ​ദരൻ പക്വത​യുള്ള ഒരു പുരു​ഷ​നാ​യി​ത്തീ​രേ​ണ്ടത്‌ എന്തു​കൊ​ണ്ടാണ്‌?

² ഒരു ക്രിസ്‌തീ​യ​പു​രു​ഷനു സഭയി​ലും കുടും​ബ​ത്തി​ലും പ്രധാ​ന​പ്പെട്ട പല ഉത്തരവാ​ദി​ത്വ​ങ്ങ​ളു​മുണ്ട്‌. ചെറു​പ്പ​ക്കാ​രായ സഹോ​ദ​ര​ന്മാ​രേ, ഭാവി​യിൽ വന്നേക്കാ​വുന്ന ഉത്തരവാ​ദി​ത്വ​ങ്ങ​ളെ​ക്കു​റിച്ച്‌ നിങ്ങൾ ഇപ്പോൾത്തന്നെ ചിന്തി​ച്ചു​കാ​ണും. ഒരു മുഴു​സ​മ​യ​സേ​വ​ക​നാ​കാ​നോ ശുശ്രൂ​ഷാ​ദാ​സ​നാ​കാ​നോ പിന്നീട്‌, സഭയിലെ ഒരു മൂപ്പനാ​കാ​നോ ഒക്കെ നിങ്ങൾ ലക്ഷ്യം വെച്ചു​കാ​ണും. ഇനി വിവാഹം, കുട്ടികൾ എന്നീ കാര്യ​ങ്ങ​ളെ​ക്കു​റി​ച്ചും നിങ്ങൾ ചിന്തി​ച്ചി​ട്ടു​ണ്ടാ​കും. (എഫെ. 6:4; 1 തിമൊ. 3:1) നിങ്ങളു​ടെ ലക്ഷ്യങ്ങ​ളിൽ എത്തി​ച്ചേ​രാ​നും അതിൽ വിജയി​ക്കാ​നും ക്രിസ്‌തീയപക്വതb ആവശ്യ​മാണ്‌.

³ ക്രിസ്‌തീ​യ​പ​ക്വത നേടാൻ നിങ്ങളെ എന്തു സഹായി​ക്കും? അതിനു ചില പ്രധാ​ന​പ്പെട്ട വൈദ​ഗ്‌ധ്യ​ങ്ങൾ വളർത്തി​യെ​ടു​ക്കേ​ണ്ട​തുണ്ട്‌. അങ്ങനെ​യെ​ങ്കിൽ ഭാവി​യിൽ നിങ്ങൾക്കു ലഭി​ച്ചേ​ക്കാ​വുന്ന ഉത്തരവാ​ദി​ത്വ​ങ്ങൾ നന്നായി ചെയ്യാൻ ഇപ്പോൾത്തന്നെ എങ്ങനെ ഒരുങ്ങാം?

ക്രിസ്‌തീ​യ​പ​ക്വ​ത​യിൽ എത്താൻ

4. അനുക​രി​ക്കാൻ കഴിയുന്ന നല്ല മാതൃ​കകൾ നിങ്ങൾക്ക്‌ എവിടെ കണ്ടെത്താം? (ചിത്ര​വും കാണുക.)

⁴ അനുക​രി​ക്കാ​നാ​കുന്ന മാതൃ​കകൾ കണ്ടെത്തുക. ചെറു​പ്പ​ക്കാർക്ക്‌ അനുക​രി​ക്കാൻ കഴിയുന്ന അനേകം നല്ല മാതൃ​കകൾ ബൈബി​ളി​ലുണ്ട്‌. കഴിഞ്ഞ കാലത്ത്‌ ജീവി​ച്ചി​രുന്ന അവർ ദൈവത്തെ സ്‌നേ​ഹിച്ച, ദൈവ​ജ​ന​ത്തി​നു​വേണ്ടി പല ഉത്തരവാ​ദി​ത്വ​ങ്ങ​ളും ചെയ്‌ത ആളുക​ളാ​യി​രു​ന്നു. ഇനി, നിങ്ങളു​ടെ​തന്നെ കുടും​ബ​ത്തി​ലും സഭയി​ലും അനുക​രി​ക്കാൻ കഴിയുന്ന, പക്വത​യുള്ള ക്രിസ്‌തീ​യ​പു​രു​ഷ​ന്മാ​രെ കണ്ടെത്താ​നാ​കും. (എബ്രാ. 13:7) മാത്രമല്ല, ഇക്കാര്യ​ത്തിൽ തികവുറ്റ മാതൃ​ക​യാ​യി യേശു​വു​മുണ്ട്‌. (1 പത്രോ. 2:21) ഈ മാതൃ​ക​ക​ളെ​ക്കു​റിച്ച്‌ പഠിക്കു​മ്പോൾ അവരിൽ നിങ്ങൾ വിലമ​തി​ക്കുന്ന ഗുണങ്ങൾ ഏതൊ​ക്കെ​യാ​ണെന്നു ചിന്തി​ക്കുക. (എബ്രാ. 12:1, 2) എന്നിട്ട്‌ അവരെ എങ്ങനെ​യാണ്‌ നിങ്ങൾ അനുക​രി​ക്കാൻപോ​കു​ന്നത്‌ എന്നു തീരു​മാ​നി​ക്കുക.

5. നിങ്ങൾക്ക്‌ എങ്ങനെ ചിന്താ​ശേഷി വളർത്തി​യെ​ടു​ക്കാം, അതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? (സങ്കീർത്തനം 119:9)

⁵ “ചിന്താ​ശേഷി” വളർത്തു​ക​യും കാത്തു​സൂ​ക്ഷി​ക്കു​ക​യും ചെയ്യുക. (സുഭാ. 3:21) ചിന്താ​ശേ​ഷി​യുള്ള ഒരു വ്യക്തി എടുത്തു​ചാ​ടി പ്രവർത്തി​ക്കില്ല, പകരം നന്നായി വിലയി​രു​ത്തിയ ശേഷമേ ഒരു തീരു​മാ​ന​മെ​ടു​ക്കൂ. ഈ കഴിവ്‌ വളർത്താ​നും നിലനി​റു​ത്താ​നും നിങ്ങൾ കഠിന​ശ്രമം ചെയ്യേ​ണ്ട​തുണ്ട്‌. കാരണം ഇന്നത്തെ മിക്ക ചെറു​പ്പ​ക്കാ​രും ഓരോ​ന്നും ചെയ്യു​ന്നത്‌ അവരുടെ മനസ്സ്‌ പറയു​ന്ന​തു​പോ​ലെ​യോ അവരുടെ വികാ​ര​ങ്ങൾക്ക​നു​സ​രി​ച്ചോ ഒക്കെയാണ്‌. (സുഭാ. 7:7; 29:11, അടിക്കു​റിപ്പ്‌) അതു​പോ​ലെ ടിവി പരിപാ​ടി​കൾക്കും സിനി​മ​കൾക്കും സമൂഹ​മാ​ധ്യ​മ​ങ്ങൾക്കും നിങ്ങളു​ടെ ചിന്തകളെ സ്വാധീ​നി​ക്കാ​നാ​കും. അങ്ങനെ​യെ​ങ്കിൽ നിങ്ങൾക്ക്‌ എങ്ങനെ ചിന്താ​ശേഷി നേടി​യെ​ടു​ക്കാം? ആദ്യം ബൈബിൾത​ത്ത്വ​ങ്ങൾ പഠിക്കു​ക​യും അത്‌ എന്തു​കൊ​ണ്ടാണ്‌ ജീവി​ത​ത്തിൽ പ്രയോ​ജനം ചെയ്യു​ന്ന​തെന്നു ചിന്തി​ക്കു​ക​യും ചെയ്യുക. എന്നിട്ട്‌ ഈ തത്ത്വങ്ങ​ളു​ടെ അടിസ്ഥാ​ന​ത്തിൽ യഹോ​വയെ സന്തോ​ഷി​പ്പി​ക്കുന്ന തീരു​മാ​ന​ങ്ങ​ളെ​ടു​ക്കുക. (സങ്കീർത്തനം 119:9 വായി​ക്കുക.) ഈ പ്രധാ​ന​പ്പെട്ട കഴിവ്‌ നിങ്ങൾ വളർത്തി​യെ​ടു​ക്കു​ന്നെ​ങ്കിൽ ഒരു പക്വത​യുള്ള ക്രിസ്‌ത്യാ​നി​യാ​യി​ത്തീ​രാൻ അത്‌ നിങ്ങളെ വളരെ​യേറെ സഹായി​ക്കും. (സുഭാ. 2:11, 12; എബ്രാ. 5:14) ഇപ്പോൾ, ചിന്താ​ശേഷി ഉപയോ​ഗി​ക്കേണ്ട രണ്ടു സാഹച​ര്യ​ങ്ങ​ളെ​ക്കു​റിച്ച്‌ നോക്കാം: (1) സഹോ​ദ​രി​മാ​രോട്‌ ഇടപെ​ടു​മ്പോൾ, (2) വസ്‌ത്ര​ധാ​ര​ണ​ത്തി​ന്റെ​യും ചമയത്തി​ന്റെ​യും കാര്യ​ത്തിൽ തീരു​മാ​ന​ങ്ങ​ളെ​ടു​ക്കു​മ്പോൾ.

6. സഹോ​ദ​രി​മാ​രോട്‌ ബഹുമാ​നം കാണി​ക്കാൻ ചിന്താ​ശേഷി എങ്ങനെ​യാണ്‌ ഒരു ചെറു​പ്പ​ക്കാ​രനെ സഹായി​ക്കു​ന്നത്‌?

⁶ സ്‌ത്രീ​കളെ ബഹുമാ​നി​ക്കാൻ ചിന്താ​ശേഷി ഒരാളെ സഹായി​ക്കും. വിവാഹം കഴിക്കാ​നുള്ള ഒരു ആഗ്രഹ​ത്തോ​ടെ​യാണ്‌ യഹോവ മനുഷ്യ​രെ സൃഷ്ടി​ച്ചി​രി​ക്കു​ന്നത്‌. അതു​കൊണ്ട്‌ ഒരു സഹോ​ദ​രന്‌ അങ്ങനെ​യൊ​രു ആഗ്രഹം തോന്നു​ന്നത്‌ സ്വാഭാ​വി​ക​മാണ്‌. പക്ഷേ വിവാഹം കഴിക്കാൻ ഉദ്ദേശ്യ​മി​ല്ലെ​ങ്കിൽ ഒരു സഹോ​ദ​രി​യോട്‌ ഇടപെ​ടു​മ്പോൾ അദ്ദേഹം ചില കാര്യങ്ങൾ മനസ്സിൽപ്പി​ടി​ക്കും. ചിന്താ​പ്രാ​പ്‌തി​യോ​ടെ​യാണ്‌ പ്രവർത്തി​ക്കു​ന്ന​തെ​ങ്കിൽ ആ സഹോ​ദരൻ, പ്രണയ​മു​ണ്ടെന്നു തോന്നി​പ്പി​ക്കുന്ന വിധത്തിൽ ഒരു സഹോ​ദ​രി​യോട്‌ എന്തെങ്കി​ലും പറയു​ക​യോ എഴുതു​ക​യോ പ്രവർത്തി​ക്കു​ക​യോ ഇല്ല. (1 തിമൊ. 5:1, 2) ഇനി, ഒരു സഹോ​ദ​രി​യു​മാ​യി ഡേറ്റി​ങ്ങി​ലാ​ണെ​ങ്കിൽ ആ സഹോ​ദ​രി​യു​ടെ സത്‌പേ​രിന്‌ അദ്ദേഹം വളരെ​യ​ധി​കം പ്രാധാ​ന്യം കൊടു​ക്കും. പക്വത​യുള്ള ആരു​ടെ​യെ​ങ്കി​ലും നിരീ​ക്ഷ​ണ​ത്തി​ല​ല്ലാ​തെ അവളോ​ടൊ​പ്പം ഒറ്റയ്‌ക്കാ​യി​രി​ക്കാൻ അദ്ദേഹം ഒരിക്ക​ലും ശ്രമി​ക്കില്ല.—1 കൊരി. 6:18.

7. വസ്‌ത്ര​ധാ​ര​ണ​ത്തോ​ടും ചമയ​ത്തോ​ടും ബന്ധപ്പെട്ട്‌ തീരു​മാ​ന​ങ്ങ​ളെ​ടു​ക്കു​മ്പോൾ ചിന്താ​ശേഷി ഒരു ചെറു​പ്പ​ക്കാ​രനെ എങ്ങനെ സഹായി​ക്കും?

⁷ ചിന്താ​ശേഷി വളർത്തി​യെ​ടു​ത്തി​ട്ടു​ണ്ടെന്ന്‌ തെളി​യി​ക്കാ​നാ​കുന്ന മറ്റൊരു വിധം വസ്‌ത്ര​ധാ​ര​ണ​ത്തി​ന്റെ​യും ചമയത്തി​ന്റെ​യും കാര്യ​ത്തിൽ നല്ല തീരു​മാ​നങ്ങൾ എടുക്കു​ന്ന​താണ്‌. ഇന്നത്തെ പുതി​യ​പു​തിയ ഫാഷനു​കൾ കൊണ്ടു​വ​രു​ന്നതു പലപ്പോ​ഴും യഹോ​വയെ ഒട്ടും ബഹുമാ​നി​ക്കാത്ത, അധാർമി​ക​ജീ​വി​തം നയിക്കുന്ന ആളുക​ളാണ്‌. അവരുടെ ആ അധാർമി​ക​ചി​ന്തകൾ അവർ അവതരി​പ്പി​ക്കുന്ന പുതി​യ​പു​തിയ സ്റ്റൈലു​ക​ളി​ലും കാണാം. അവ പലപ്പോ​ഴും വളരെ ഇറുകി​യ​തും പുരു​ഷനെ കണ്ടാൽ സ്‌ത്രീ ആണെന്നു തോന്നുന്ന വിധത്തി​ലു​ള്ള​തും ആണ്‌. അതു​കൊണ്ട്‌ ക്രിസ്‌തീ​യ​പ​ക്വ​ത​യി​ലേക്കു വളരുന്ന ഒരു ചെറു​പ്പ​ക്കാ​രൻ ബൈബിൾത​ത്ത്വ​ങ്ങൾക്കു ചേർച്ച​യി​ലും സഭയിലെ നല്ല മാതൃ​കകൾ നോക്കി​യും ആയിരി​ക്കും ഇക്കാര്യ​ത്തിൽ ഒരു തീരു​മാ​ന​മെ​ടു​ക്കു​ന്നത്‌. അദ്ദേഹം സ്വയം ഇങ്ങനെ ചോദി​ക്കു​ന്നതു നല്ലതാണ്‌: ‘ഞാൻ സുബോ​ധ​ത്തോ​ടെ​യും മറ്റുള്ള​വരെ പരിഗ​ണി​ച്ചു​കൊ​ണ്ടും ആണോ ഇക്കാര്യ​ത്തിൽ തീരു​മാ​ന​ങ്ങ​ളെ​ടു​ക്കു​ന്നത്‌? എന്റെ വസ്‌ത്ര​ധാ​രണം കണ്ടാൽ ഞാൻ ദൈവത്തെ സേവി​ക്കുന്ന ഒരാളാ​ണെന്നു വിശ്വ​സി​ക്കാൻ മറ്റുള്ള​വർക്കു ബുദ്ധി​മുട്ട്‌ തോന്നു​മോ?’ (1 കൊരി. 10:31-33; തീത്തോ. 2:6) ഈ വിധങ്ങ​ളിൽ ചിന്താ​ശേ​ഷി​യോ​ടെ പ്രവർത്തി​ക്കുന്ന ഒരു ചെറു​പ്പ​ക്കാ​രൻ സഹോ​ദ​ര​ങ്ങ​ളു​ടെ മാത്രമല്ല, യഹോ​വ​യു​ടെ​യും ബഹുമാ​നം നേടും.

8. ആശ്രയ​യോ​ഗ്യ​നാ​യി​രി​ക്കാൻ ഒരു ചെറു​പ്പ​ക്കാ​രന്‌ എങ്ങനെ പറ്റും?

⁸ ആശ്രയ​യോ​ഗ്യ​നാ​യി​രി​ക്കുക. ആശ്രയ​യോ​ഗ്യ​നായ ഒരു ചെറു​പ്പ​ക്കാ​രൻ തനിക്കുള്ള എല്ലാ ഉത്തരവാ​ദി​ത്വ​ങ്ങ​ളും ശ്രദ്ധ​യോ​ടെ, വിശ്വ​സ്‌ത​മാ​യി ചെയ്യും. (ലൂക്കോ. 16:10) തികവുറ്റ മാതൃ​ക​യായ യേശു​വി​നെ​ക്കു​റിച്ച്‌ ചിന്തി​ക്കുക. യേശു ഒരിക്ക​ലും ഒരു തണുപ്പൻ മട്ടിൽ, ഉത്തരവാ​ദി​ത്വ​ബോ​ധ​മി​ല്ലാ​തെ പ്രവർത്തി​ച്ചില്ല. പകരം, യഹോവ ഏൽപ്പിച്ച എല്ലാ നിയമ​ന​ങ്ങ​ളും യേശു ചെയ്‌തു, അതു ബുദ്ധി​മു​ട്ടാ​യി​രു​ന്ന​പ്പോ​ഴും. അതിന്‌ ഒരു ഉദാഹ​ര​ണ​മാണ്‌ മറ്റുള്ള​വർക്കു​വേണ്ടി സ്വന്തം ജീവൻ കൊടു​ക്കാൻ യേശു തയ്യാറാ​യത്‌. ആളുക​ളോ​ടുള്ള സ്‌നേ​ഹ​മാണ്‌ യേശു​വി​നെ അതിനു പ്രേരി​പ്പി​ച്ചത്‌; പ്രത്യേ​കിച്ച്‌ തന്റെ അനുഗാ​മി​ക​ളോ​ടുള്ള സ്‌നേഹം. (യോഹ. 13:1) യേശു​വി​നെ അനുക​രി​ച്ചു​കൊണ്ട്‌, നിങ്ങൾക്കു ലഭിക്കുന്ന ഏതൊരു നിയമ​ന​വും ചെയ്യാൻ കഠിന​മാ​യി ശ്രമി​ക്കുക. ആ നിയമനം എങ്ങനെ ചെയ്യണ​മെന്ന്‌ നിങ്ങൾക്ക്‌ അത്ര അറിയി​ല്ലെ​ങ്കിൽ താഴ്‌മ​യോ​ടെ, പക്വത​യുള്ള സഹോ​ദ​ര​ങ്ങ​ളു​ടെ സഹായം ചോദി​ക്കുക. എന്തെങ്കി​ലും ഒന്നു ചെയ്‌തെന്നു വരുത്തി​ത്തീർക്കുക ആയിരി​ക്ക​രുത്‌ നിങ്ങളു​ടെ ലക്ഷ്യം. (റോമ. 12:11) പകരം, “മനുഷ്യർക്ക്‌ എന്നപോ​ലെയല്ല, യഹോ​വ​യ്‌ക്ക്‌ എന്നപോ​ലെ . . . ചെയ്യുക.” (കൊലോ. 3:23) അപ്പോൾ നിങ്ങളു​ടെ നിയമനം ആത്മാർഥ​ത​യോ​ടെ, മുഴു​വ​നാ​യി ചെയ്‌തു​തീർക്കാൻ നിങ്ങൾക്കു തോന്നും. നിങ്ങൾ പൂർണ​ര​ല്ലാ​ത്ത​തു​കൊണ്ട്‌ തെറ്റുകൾ പറ്റും; എളിമ​യോ​ടെ അതു സമ്മതി​ക്കുക.—സുഭാ. 11:2.

വൈദ​ഗ്‌ധ്യ​ങ്ങൾ വളർത്തി​യെ​ടു​ക്കുക

9. ചെറു​പ്പ​ക്കാ​ര​നായ ഒരു സഹോ​ദരൻ വൈദ​ഗ്‌ധ്യ​ങ്ങൾ വളർത്തി​യെ​ടു​ക്കേ​ണ്ടത്‌ എന്തു​കൊണ്ട്‌?

⁹ പക്വത​യുള്ള ഒരു ക്രിസ്‌തീ​യ​പു​രു​ഷ​നാ​യി​ത്തീ​രാൻ നിത്യ​ജീ​വി​ത​ത്തിൽ പ്രയോ​ജനം ചെയ്യുന്ന വൈദ​ഗ്‌ധ്യ​ങ്ങൾ നിങ്ങൾ വളർത്തി​യെ​ടു​ക്കണം. അതു സഭയിലെ ഉത്തരവാ​ദി​ത്വ​ങ്ങൾ നന്നായി ചെയ്യാ​നും നിങ്ങളു​ടെ​യോ കുടും​ബ​ത്തി​ന്റെ​യോ ആവശ്യ​ങ്ങൾക്കാ​യി ഒരു ജോലി ഉണ്ടായി​രി​ക്കാ​നും മറ്റുള്ള​വ​രു​മാ​യി നല്ല ബന്ധം നിലനി​റു​ത്താ​നും നിങ്ങളെ സഹായി​ക്കും. അത്തരം ചില വൈദ​ഗ്‌ധ്യ​ങ്ങ​ളെ​ക്കു​റിച്ച്‌ ഇനി നോക്കാം.

10-11. ചെറു​പ്പ​ക്കാ​ര​നായ ഒരു സഹോ​ദ​രനു നന്നായി എഴുതാ​നും വായി​ക്കാ​നും അറിയാ​മെ​ങ്കിൽ അത്‌ അദ്ദേഹ​ത്തി​നും സഭയ്‌ക്കും പ്രയോ​ജനം ചെയ്യു​ന്നത്‌ എങ്ങനെ? (സങ്കീർത്തനം 1:1-3) (ചിത്ര​വും കാണുക.)

¹⁰ നന്നായി എഴുതാ​നും വായി​ക്കാ​നും പഠിക്കുക. ദിവസ​വും ദൈവ​വ​ചനം വായി​ക്കു​ക​യും അതെക്കു​റിച്ച്‌ ധ്യാനി​ക്കു​ക​യും ചെയ്യുന്ന ഒരു മനുഷ്യൻ സന്തോ​ഷ​മുള്ള, വിജയി​ക്കുന്ന ഒരാളാ​യി​രി​ക്കു​മെന്നു ബൈബിൾ പറയുന്നു. (സങ്കീർത്തനം 1:1-3 വായി​ക്കുക.) ദിവസ​വും അങ്ങനെ ബൈബിൾ വായി​ക്കു​ന്ന​തി​ലൂ​ടെ യഹോവ ചിന്തി​ക്കുന്ന രീതി അദ്ദേഹ​ത്തി​നു മനസ്സി​ലാ​കും. ശരിയായ വിധത്തിൽ ചിന്തി​ക്കാ​നും തിരു​വെ​ഴു​ത്തു​കൾക്കു ചേർച്ച​യിൽ പ്രവർത്തി​ക്കാ​നും അത്‌ അദ്ദേഹത്തെ സഹായി​ക്കും. (സുഭാ. 1:3, 4) ഇത്തരം പുരു​ഷ​ന്മാ​രെ സഭയ്‌ക്ക്‌ ആവശ്യ​മുണ്ട്‌. എന്തു​കൊണ്ട്‌?

¹¹ ബൈബി​ളി​നെ അടിസ്ഥാ​ന​മാ​ക്കി പഠിപ്പി​ക്കാ​നും ഉപദേ​ശങ്ങൾ നൽകാ​നും, പ്രാപ്‌ത​രായ പുരു​ഷ​ന്മാ​രെ സഭയ്‌ക്ക്‌ ആവശ്യ​മാണ്‌. (തീത്തോ. 1:9) നിങ്ങൾക്കു നന്നായി എഴുതാ​നും വായി​ക്കാ​നും അറിയാ​മെ​ങ്കിൽ മറ്റുള്ള​വർക്ക്‌ അറിവ്‌ പകരുന്ന, അവരുടെ വിശ്വാ​സം ബലപ്പെ​ടു​ത്തുന്ന പ്രസം​ഗ​ങ്ങ​ളും അഭി​പ്രാ​യ​ങ്ങ​ളും തയ്യാറാ​കാൻ പറ്റും. അതു​പോ​ലെ മീറ്റി​ങ്ങു​ക​ളും സമ്മേള​ന​ങ്ങ​ളും കൺ​വെൻ​ഷ​നു​ക​ളും കൂടു​മ്പോ​ഴും, വ്യക്തി​പ​ര​മാ​യി പഠിക്കു​മ്പോ​ഴും നന്നായി കുറി​പ്പു​കൾ എടുക്കാ​നും കഴിയും. നിങ്ങളു​ടെ​തന്നെ വിശ്വാ​സം ബലപ്പെ​ടു​ത്തു​ന്ന​തി​നും മറ്റുള്ള​വരെ പ്രോ​ത്സാ​ഹി​പ്പി​ക്കു​ന്ന​തി​നും ആ കുറി​പ്പു​കൾ ഉപകാ​ര​പ്പെ​ടും.

12. നന്നായി ആശയവി​നി​മയം ചെയ്യാ​നുള്ള കഴിവ്‌ വളർത്തി​യെ​ടു​ക്കാൻ നിങ്ങൾക്ക്‌ എങ്ങനെ കഴിയും?

¹² നന്നായി ആശയവി​നി​മയം ചെയ്യാൻ പഠിക്കുക. ഒരു ക്രിസ്‌തീ​യ​പു​രു​ഷൻ നന്നായി ആശയവി​നി​മയം ചെയ്യാൻ പഠി​ക്കേ​ണ്ട​തുണ്ട്‌. അങ്ങനെ​യുള്ള ഒരു വ്യക്തി മറ്റുള്ള​വരെ ശ്രദ്ധി​ക്കു​ക​യും അവരുടെ ചിന്തക​ളും വികാ​ര​ങ്ങ​ളും മനസ്സി​ലാ​ക്കാൻ ശ്രമി​ക്കു​ക​യും ചെയ്യും. (സുഭാ. 20:5) മറ്റുള്ള​വ​രു​ടെ ശബ്ദത്തിൽനി​ന്നും അവരുടെ മുഖഭാ​വ​ങ്ങ​ളിൽനി​ന്നും ശരീര​ഭാ​ഷ​യിൽനി​ന്നും അദ്ദേഹ​ത്തി​നു കാര്യങ്ങൾ വായി​ച്ചെ​ടു​ക്കാ​നാ​കും. ആളുക​ളോ​ടൊ​പ്പം സമയം ചെലവ​ഴി​ക്കാ​തെ നിങ്ങൾക്ക്‌ ഒരിക്ക​ലും ഈ വൈദ​ഗ്‌ധ്യം നേടാൻ കഴിയില്ല. മെസ്സേ​ജോ ഇ-മെയി​ലോ വഴി മാത്ര​മാണ്‌ നിങ്ങൾ എപ്പോ​ഴും ആശയവി​നി​മയം ചെയ്യു​ന്ന​തെ​ങ്കിൽ ആളുക​ളോ​ടു നേരിട്ട്‌ സംസാ​രി​ക്കാൻ നിങ്ങൾക്കു ബുദ്ധി​മുട്ട്‌ തോന്നി​യേ​ക്കാം. അതു​കൊണ്ട്‌ നേരിട്ട്‌ സംസാ​രി​ക്കാൻ പരമാ​വധി അവസരങ്ങൾ കണ്ടെത്തുക.—2 യോഹ. 12.

13. ഒരു ചെറു​പ്പ​ക്കാ​രൻ മറ്റെന്തു​കൂ​ടെ പഠിക്കണം? (1 തിമൊ​ഥെ​യൊസ്‌ 5:8) (ചിത്ര​വും കാണുക.)

¹³ സ്വന്തം കാലിൽ നിൽക്കാൻ പഠിക്കുക. തന്റെത​ന്നെ​യും കുടും​ബ​ത്തി​ന്റെ​യും ചെലവു​കൾക്കാ​യി കരുതാൻ പക്വത​യെ​ത്തിയ ഒരു ക്രിസ്‌തീ​യ​പു​രു​ഷനു സാധി​ക്കണം. (1 തിമൊ​ഥെ​യൊസ്‌ 5:8 വായി​ക്കുക.) ചില രാജ്യ​ങ്ങ​ളിൽ ചെറു​പ്പ​ക്കാർ സ്വന്തം അപ്പനിൽനി​ന്നോ മറ്റു ബന്ധുക്ക​ളിൽനി​ന്നോ ഒരു കൈ​ത്തൊ​ഴിൽ പഠി​ച്ചെ​ടു​ക്കാ​റുണ്ട്‌. വേറെ ചില സ്ഥലങ്ങളിൽ ചെറു​പ്പ​ക്കാർ ഹൈസ്‌കൂൾ പഠനത്തി​ന്റെ ഭാഗമാ​യി ചില തൊഴി​ല​ധി​ഷ്‌ഠിത കോഴ്‌സു​കൾ പഠിക്കു​ന്നു. എങ്ങനെ​യാ​ണെ​ങ്കി​ലും ഒരു ജോലി നേടാൻ സഹായി​ക്കുന്ന വൈദ​ഗ്‌ധ്യം പഠിച്ചി​രി​ക്കു​ന്നത്‌ വളരെ നല്ലതാണ്‌. (പ്രവൃ. 18:2, 3; 20:34; എഫെ. 4:28) ഏൽപ്പി​ക്കുന്ന ജോലി​കൾ വിശ്വ​സ്‌ത​മാ​യി ചെയ്യുന്ന, കഠിനാ​ധ്വാ​നി​യായ ഒരാളാ​ണെന്ന പേര്‌ നേടുക. അത്‌ ഒരു ജോലി കിട്ടാ​നും അതു നഷ്ടപ്പെ​ടു​ത്താ​തി​രി​ക്കാ​നും സഹായി​ച്ചേ​ക്കും. ഇതുവരെ ചർച്ച ചെയ്‌ത ഗുണങ്ങ​ളും വൈദ​ഗ്‌ധ്യ​ങ്ങ​ളും ഭാവി​യിൽ വന്നേക്കാ​വുന്ന ഉത്തരവാ​ദി​ത്വ​ങ്ങൾ നന്നായി കൈകാ​ര്യം ചെയ്യാൻ നിങ്ങളെ സഹായി​ക്കും. അത്തരം ചില ഉത്തരവാ​ദി​ത്വ​ങ്ങ​ളെ​ക്കു​റിച്ച്‌ ഇനി നോക്കാം.

ഭാവി​ജീ​വി​ത​ത്തി​നാ​യി ഒരുങ്ങുക

14. മുഴു​സ​മ​യ​സേ​വ​ന​ത്തി​നാ​യി ഒരുങ്ങാൻ ഒരു ചെറു​പ്പ​ക്കാ​രന്‌ എങ്ങനെ കഴിയും?

¹⁴ മുഴു​സ​മ​യ​സേ​വകൻ. പക്വത​യുള്ള പല ക്രിസ്‌തീ​യ​സ​ഹോ​ദ​ര​ന്മാ​രും ചെറു​പ്പ​ത്തി​ലേ മുഴു​സ​മ​യ​സേ​വനം തുടങ്ങി​യ​വ​രാണ്‌. മുൻനി​ര​സേ​വനം ചെയ്യു​ന്നത്‌ പല തരത്തി​ലുള്ള ആളുക​ളു​മാ​യി എങ്ങനെ ഒത്തു​പോ​കാ​മെന്ന്‌ മനസ്സി​ലാ​ക്കാൻ ചെറു​പ്പ​ക്കാ​രെ സഹായി​ക്കും. ന്യായ​മായ ഒരു ബഡ്‌ജറ്റ്‌ ഉണ്ടാക്കി അതി​നൊത്ത്‌ ജീവി​ക്കാ​നും അവർ പഠിക്കും. (ഫിലി. 4:11-13) മുഴു​സ​മ​യ​സേ​വ​ന​ത്തി​ലേക്ക്‌ എത്താനുള്ള നല്ലൊരു തുടക്ക​മാണ്‌ സഹായ മുൻനി​ര​സേ​വനം. കുറച്ച്‌ കാലം സഹായ മുൻനി​ര​സേ​വനം ചെയ്‌തതു പലരെ​യും സാധാരണ മുൻനി​ര​സേ​വനം ചെയ്യാൻ സഹായി​ച്ചി​ട്ടുണ്ട്‌. അതു മുഴു​സ​മ​യ​സേ​വ​ന​ത്തി​ന്റെ വ്യത്യസ്‌ത വാതി​ലു​കൾ നിങ്ങളു​ടെ മുന്നിൽ തുറന്നു​ത​രും. നിങ്ങൾക്ക്‌ ഒരു നിർമാ​ണ​ദാ​സ​നാ​യോ ബഥേലം​ഗ​മാ​യോ ഒക്കെ സേവി​ക്കാൻ അവസരം കിട്ടി​യേ​ക്കാം.

15-16. ശുശ്രൂ​ഷാ​ദാ​സ​നോ മൂപ്പനോ ആകാൻ ഒരു ചെറു​പ്പ​ക്കാ​രന്‌ എങ്ങനെ കഴിയും?

¹⁵ ശുശ്രൂ​ഷാ​ദാ​സൻ അല്ലെങ്കിൽ മൂപ്പൻ. സഭയിലെ ഒരു മൂപ്പനാ​യി​ത്തീർന്നു​കൊണ്ട്‌ സഹോ​ദ​ര​ങ്ങളെ സേവി​ക്കുക എന്നത്‌ എല്ലാ ക്രിസ്‌തീ​യ​പു​രു​ഷ​ന്മാ​രും വെക്കേണ്ട ഒരു ലക്ഷ്യമാണ്‌. അതിനു​വേണ്ട യോഗ്യ​ത​ക​ളിൽ എത്തി​ച്ചേ​രാൻ ശ്രമി​ക്കു​ന്നത്‌ “വിശി​ഷ്ട​മാ​യൊ​രു കാര്യ​മാണ്‌” എന്നാണ്‌ ബൈബിൾ പറയു​ന്നത്‌. (1 തിമൊ. 3:1) എന്നാൽ ഒരു സഹോ​ദരൻ മൂപ്പനാ​കു​ന്ന​തി​നു മുമ്പ്‌ ഒരു ശുശ്രൂ​ഷാ​ദാ​സ​നാ​കാ​നുള്ള യോഗ്യ​ത​യിൽ എത്തണം. ശുശ്രൂ​ഷാ​ദാ​സ​ന്മാർ മൂപ്പന്മാ​രെ പല വിധങ്ങ​ളിൽ സഹായി​ക്കു​ന്നു. ഇവർ രണ്ടു​പേ​രും താഴ്‌മ​യോ​ടെ സഹോ​ദ​ര​ങ്ങളെ സഹായി​ക്കു​ക​യും തീക്ഷ്‌ണ​ത​യോ​ടെ ശുശ്രൂ​ഷ​യിൽ ഏർപ്പെ​ടു​ക​യും ചെയ്യുന്നു. കൗമാ​ര​ത്തി​ന്റെ അവസാ​ന​ത്തി​ലാ​യി​രി​ക്കുന്ന ചെറു​പ്പ​ക്കാർക്കു​പോ​ലും ഒരു ശുശ്രൂ​ഷാ​ദാ​സൻ ആയിത്തീ​രാ​നാ​കും. ഇനി, നല്ല യോഗ്യ​ത​യുള്ള ശുശ്രൂ​ഷാ​ദാ​സ​ന്മാർക്ക്‌ അവരുടെ 20-കളുടെ തുടക്ക​ത്തിൽത്തന്നെ ഒരു മൂപ്പനാ​യി നിയമനം ലഭി​ച്ചേ​ക്കാം.

¹⁶ ഒരു ശുശ്രൂ​ഷാ​ദാ​സ​നോ മൂപ്പനോ ആകാൻ വേണ്ട യോഗ്യ​തകൾ ബൈബി​ളി​ലുണ്ട്‌. അവ യഹോ​വ​യോ​ടും നിങ്ങളു​ടെ കുടും​ബ​ത്തോ​ടും സഭയോ​ടും ഉള്ള സ്‌നേ​ഹത്തെ അടിസ്ഥാ​ന​മാ​ക്കി​യു​ള്ള​താണ്‌. (1 തിമൊ. 3:1-13; തീത്തോ. 1:6-9; 1 പത്രോ. 5:2, 3) നിങ്ങൾക്ക്‌ ആ യോഗ്യ​ത​ക​ളിൽ എങ്ങനെ എത്തി​ച്ചേ​രാം? അവ ഓരോ​ന്നി​നെ​ക്കു​റി​ച്ചും നന്നായി മനസ്സി​ലാ​ക്കുക. അതിൽ എത്തി​ച്ചേ​രാൻ വേണ്ട സഹായ​ത്തി​നാ​യി യഹോ​വ​യോ​ടു പ്രാർഥി​ക്കുക.c

17. ഒരു ഭർത്താ​വും കുടും​ബ​നാ​ഥ​നും ആകാൻ ചെറു​പ്പ​ക്കാ​ര​നായ സഹോ​ദ​രന്‌ എങ്ങനെ ഒരുങ്ങാ​നാ​കും? (ചിത്ര​വും കാണുക.)

¹⁷ ഭർത്താ​വും കുടും​ബ​നാ​ഥ​നും. യേശു പറഞ്ഞതു​പോ​ലെ, പക്വത​യെ​ത്തിയ ചില ക്രിസ്‌തീ​യ​പു​രു​ഷ​ന്മാർ ഏകാകി​ക​ളാ​യി തുടരു​ന്നുണ്ട്‌. (മത്താ. 19:12) എന്നാൽ നിങ്ങൾ വിവാഹം കഴിക്കാ​നാണ്‌ തീരു​മാ​നി​ക്കു​ന്ന​തെ​ങ്കിൽ നിങ്ങൾക്കു കൂടു​ത​ലായ ചില ഉത്തരവാ​ദി​ത്വ​ങ്ങൾ കിട്ടും. നിങ്ങൾ ഒരു ഭർത്താ​വും കുടും​ബ​നാ​ഥ​നും ആയിത്തീ​രും. (1 കൊരി. 11:3) ഒരു ഭർത്താവ്‌ തന്റെ ഭാര്യയെ സ്‌നേ​ഹി​ക്കു​ക​യും അവളുടെ നല്ലൊരു സുഹൃ​ത്താ​യി​രി​ക്കു​ക​യും അവളുടെ ആവശ്യ​ങ്ങൾക്കാ​യി കരുതു​ക​യും അവളെ ആത്മീയ​മാ​യി സഹായി​ക്കു​ക​യും ചെയ്യാൻ യഹോവ പ്രതീ​ക്ഷി​ക്കു​ന്നു. (എഫെ. 5:28, 29) ഈ ലേഖന​ത്തിൽ ചർച്ച ചെയ്‌ത ഗുണങ്ങ​ളും വൈദ​ഗ്‌ധ്യ​ങ്ങ​ളും വളർത്തി​യെ​ടു​ക്കു​ന്നതു നല്ലൊരു ഇണയാ​യി​രി​ക്കാൻ നിങ്ങളെ സഹായി​ക്കും. ഉദാഹ​ര​ണ​ത്തിന്‌, ചിന്താ​ശേഷി വളർത്തി​യെ​ടു​ക്കു​ന്ന​തും സ്‌ത്രീ​കളെ ബഹുമാ​നി​ക്കു​ന്ന​തും ആശ്രയ​യോ​ഗ്യ​രാ​യി​രി​ക്കു​ന്ന​തും പോലു​ള്ളവ. അങ്ങനെ ഭാവി​യിൽ ഒരു ഭർത്താ​വും കുടും​ബ​നാ​ഥ​നും ആകാൻ നിങ്ങൾക്കു നേര​ത്തേ​തന്നെ ഒരുങ്ങാ​നാ​കും.

18. ഒരു ചെറു​പ്പ​ക്കാ​രനു നല്ലൊരു പിതാ​വാ​യി​ത്തീ​രാൻ എങ്ങനെ ഒരുങ്ങാം?

¹⁸ പിതാവ്‌. വിവാഹം കഴിഞ്ഞാൽ നിങ്ങൾ ചില​പ്പോൾ ഒരു പിതാ​വാ​യി​ത്തീർന്നേ​ക്കാം. ഒരു നല്ല അപ്പനാ​കുന്ന കാര്യ​ത്തിൽ യഹോ​വ​യു​ടെ മാതൃ​ക​യിൽനിന്ന്‌ നിങ്ങൾക്കു പലതും പഠിക്കാ​നുണ്ട്‌. (എഫെ. 6:4) തന്റെ മകനായ യേശു​വി​നെ സ്‌നേ​ഹി​ക്കു​ന്നു​ണ്ടെ​ന്നും അംഗീ​ക​രി​ക്കു​ന്നു​ണ്ടെ​ന്നും യഹോവ തുറന്നു​പ​റഞ്ഞു. (മത്താ. 3:17) നിങ്ങൾ ഒരു പിതാ​വാ​യാൽ മക്കളെ സ്‌നേ​ഹി​ക്കു​ന്നു​ണ്ടെന്ന്‌ നിങ്ങളും അവർക്ക്‌ എപ്പോ​ഴും ഉറപ്പു​കൊ​ടു​ക്കണം. അവർ ചെയ്യുന്ന നല്ല കാര്യ​ങ്ങൾക്ക്‌ അവരെ അഭിന​ന്ദി​ക്കാൻ ഒരിക്ക​ലും മടിക്ക​രുത്‌. യഹോ​വയെ അനുക​രി​ക്കുന്ന പിതാ​ക്ക​ന്മാർ തങ്ങളുടെ മക്കളെ പക്വത​യുള്ള ക്രിസ്‌തീയ പുരു​ഷ​ന്മാ​രും സ്‌ത്രീ​ക​ളും ആയിത്തീ​രാൻ സഹായി​ക്കും. നല്ലൊരു പിതാ​വാ​കാൻ നിങ്ങൾക്ക്‌ ഇപ്പോഴേ ഒരുങ്ങാം. അതിനാ​യി കുടും​ബ​ത്തി​ലും സഭയി​ലും ഉള്ളവർക്ക്‌ ആവശ്യ​മായ സഹായങ്ങൾ ചെയ്‌തു​കൊ​ടു​ക്കുക. അവരോ​ടുള്ള സ്‌നേ​ഹ​വും വിലമ​തി​പ്പും തുറന്നു​പ​റ​യാൻ പഠിക്കുക. (യോഹ. 15:9) ഇങ്ങനെ ചെയ്യു​ന്നതു ഭാവി​യിൽ നല്ലൊരു ഭർത്താ​വും പിതാ​വും ആയിരി​ക്കാൻ നിങ്ങളെ ഒരുപാ​ടു സഹായി​ക്കും. മാത്രമല്ല, നിങ്ങൾ യഹോ​വ​യ്‌ക്കും നിങ്ങളു​ടെ കുടും​ബ​ത്തി​നും സഭയ്‌ക്കും വളരെ വില​പ്പെ​ട്ട​വ​രാ​യി​ത്തീ​രു​ക​യും ചെയ്യും.

നിങ്ങൾ ഇപ്പോൾ എന്തു ചെയ്യും?

19-20. പക്വത​യുള്ള ക്രിസ്‌തീയ പുരു​ഷ​ന്മാ​രാ​യി​ത്തീ​രാൻ ചെറു​പ്പ​ക്കാർക്ക്‌ എങ്ങനെ കഴിയും? (പുറം​താ​ളി​ലെ ചിത്രം കാണുക.)

¹⁹ ചെറു​പ്പ​ക്കാ​രായ സഹോ​ദ​ര​ന്മാ​രേ, പക്വത​യുള്ള ഒരു ക്രിസ്‌തീ​യ​പു​രു​ഷ​നാ​യി​ത്തീ​രുക എന്നതു തനിയെ സംഭവി​ക്കുന്ന ഒന്നല്ല; കഠിന​ശ്രമം ചെയ്യണം. അതിനു നിങ്ങൾ, അനുക​രി​ക്കാ​നാ​കുന്ന നല്ല മാതൃ​കകൾ കണ്ടെത്തണം, ചിന്താ​ശേഷി വളർത്തി​യെ​ടു​ക്കണം, ആശ്രയ​യോ​ഗ്യ​രാ​യി​ത്തീ​രണം, ജീവി​ത​ത്തിൽ പ്രയോ​ജനം ചെയ്യുന്ന വൈദ​ഗ്‌ധ്യ​ങ്ങൾ നേടണം. കൂടാതെ ഭാവി ഉത്തരവാ​ദി​ത്വ​ങ്ങൾക്കാ​യി ഒരുങ്ങു​ക​യും വേണം.

²⁰ ഇനിയും പുരോ​ഗ​മി​ക്കേണ്ട കാര്യ​ങ്ങ​ളെ​ക്കു​റിച്ച്‌ ചിന്തി​ക്കു​മ്പോൾ അത്‌ വലി​യൊ​രു ഭാരമാ​യി നിങ്ങൾക്കു തോന്നി​യേ​ക്കാം. പക്ഷേ നിങ്ങൾക്കു വിജയി​ക്കാ​നാ​കും. കാരണം, സഹായി​ക്കാ​നാ​യി യഹോവ നോക്കി​യി​രി​ക്കു​ക​യാണ്‌. (യശ. 41:10, 13) ഇനി, സഭയിലെ സഹോ​ദ​ര​ങ്ങ​ളും നിങ്ങളെ സഹായി​ക്കാ​നാ​യി കൂടെ​യുണ്ട്‌. യഹോവ ആഗ്രഹി​ക്കു​ന്ന​തു​പോ​ലുള്ള ഒരു പുരു​ഷ​നാ​യി​ത്തീ​രു​മ്പോൾ നിങ്ങളു​ടെ ജീവിതം സന്തോ​ഷ​വും സംതൃ​പ്‌തി​യും നിറഞ്ഞ​താ​കും. ചെറു​പ്പ​ക്കാ​രായ സഹോ​ദ​ര​ന്മാ​രേ, ഞങ്ങൾ നിങ്ങളെ സ്‌നേ​ഹി​ക്കു​ന്നു. ക്രിസ്‌തീ​യ​പ​ക്വ​ത​യുള്ള പുരു​ഷ​ന്മാ​രാ​യി​ത്തീ​രാൻ നിങ്ങൾ ചെയ്യുന്ന ശ്രമങ്ങളെ യഹോവ സമൃദ്ധ​മാ​യി അനു​ഗ്ര​ഹി​ക്കട്ടെ.—സുഭാ. 22:4.