ദൈവത്തെ അറിയുക, ഒരു സുഹൃ​ത്താ​ക്കു​ക

നമ്മുടെ സ്രഷ്ടാ​വിന്‌ ഒരു പേരുണ്ട്‌

“യഹോവ എന്നു പേരുള്ള അങ്ങ്‌ മാത്രം മുഴു​ഭൂ​മി​ക്കും മീതെ അത്യു​ന്നതൻ എന്ന്‌ ആളുകൾ അറിയട്ടെ.”—സങ്കീർത്തനം 83:18.

യഹോ​വ​യാണ്‌ ഒരേ​യൊ​രു സത്യ​ദൈവം എന്നു ബൈബി​ളിൽ പറയുന്നു. ഈ പ്രപഞ്ച​ത്തെ​യും അതിലുള്ള എല്ലാ ജീവജാ​ല​ങ്ങ​ളെ​യും ഉണ്ടാക്കി​യത്‌ ആ ദൈവ​മാണ്‌. സ്രഷ്ടാ​വിന്‌ മാത്രമേ നമ്മുടെ ആരാധന സ്വീക​രി​ക്കാൻ അർഹത​യു​ള്ളൂ.—വെളി​പാട്‌ 4:11.

യഹോവ സ്‌നേ​ഹ​മുള്ള ദൈവ​മാണ്‌

“ദൈവം സ്‌നേ​ഹ​മാണ്‌.”—1 യോഹ​ന്നാൻ 4:8.

ബൈബി​ളി​ലൂ​ടെ​യും സൃഷ്ടി​ക​ളി​ലൂ​ടെ​യും ദൈവം തന്റെ ഗുണങ്ങൾ നമുക്കു കാണി​ച്ചു​ത​രു​ന്നു. അതിൽ ഏറ്റവും പ്രധാ​ന​പ്പെട്ട ഗുണം സ്‌നേ​ഹ​മാണ്‌. ദൈവം ചെയ്യുന്ന എല്ലാ കാര്യ​ങ്ങ​ളു​ടെ​യും പിന്നിൽ ആ സ്‌നേ​ഹ​മാ​ണു​ള്ളത്‌. നമ്മൾ യഹോ​വ​യെ​ക്കു​റിച്ച്‌ എത്രയ​ധി​കം പഠിക്കു​ന്നു​വോ അത്രയ​ധി​കം നമുക്ക്‌ യഹോ​വ​യോ​ടു സ്‌നേഹം തോന്നും.

യഹോവ ക്ഷമിക്കുന്ന ദൈവ​മാണ്‌

‘അങ്ങ്‌ ക്ഷമിക്കാൻ മനസ്സുള്ള ഒരു ദൈവ​മാണ്‌.’—നെഹമ്യ 9:17.

നമുക്കു പല കുറവു​ക​ളും ഉണ്ടെന്ന്‌ ദൈവ​ത്തിന്‌ അറിയാം. അതു​കൊണ്ട്‌ ദൈവം നമ്മളോ​ടു ‘ക്ഷമിക്കാൻ തയ്യാറാണ്‌.’ നമുക്ക്‌ എന്തെങ്കി​ലും തെറ്റുകൾ പറ്റു​മ്പോൾ ദൈവ​ത്തോ​ടു ക്ഷമ ചോദി​ക്കു​ക​യും ആ തെറ്റുകൾ വീണ്ടും ആവർത്തി​ക്കാ​തി​രി​ക്കാൻ ശ്രമി​ക്കു​ക​യും ചെയ്യു​മ്പോൾ ദൈവം നമ്മളോ​ടു ക്ഷമിക്കും. നമ്മൾ ചെയ്‌തു​പോയ തെറ്റുകൾ ഒരിക്ക​ലും ദൈവം മനസ്സിൽ വെച്ചു​കൊ​ണ്ടി​രി​ക്കു​ക​യില്ല.—സങ്കീർത്തനം 103:12, 13.

മനുഷ്യർ തന്നോടു പ്രാർഥി​ക്കാൻ യഹോവ ആഗ്രഹി​ക്കു​ന്നു

‘തന്നെ വിളി​ച്ച​പേ​ക്ഷി​ക്കുന്ന എല്ലാവർക്കും യഹോവ സമീപസ്ഥൻ. സഹായ​ത്തി​നാ​യുള്ള അവരുടെ നിലവി​ളി യഹോവ കേൾക്കു​ന്നു.’—സങ്കീർത്തനം 145:18, 19.

എന്തെങ്കി​ലും ചടങ്ങുകൾ നടത്തി​ക്കൊ​ണ്ടോ ഏതെങ്കി​ലും വസ്‌തു​ക്കൾ ഉപയോ​ഗി​ച്ചു​കൊ​ണ്ടോ തന്നെ ആരാധി​ക്ക​ണ​മെന്ന്‌ യഹോവ ആവശ്യ​പ്പെ​ടു​ന്നില്ല. സ്‌നേ​ഹ​മുള്ള മാതാ​പി​താ​ക്കൾ തങ്ങളുടെ പൊന്നു​മക്കൾ സംസാ​രി​ക്കു​മ്പോൾ ശ്രദ്ധി​ക്കു​ന്ന​തു​പോ​ലെ നമ്മുടെ പ്രാർഥ​നകൾ യഹോ​വ​യും ശ്രദ്ധി​ക്കു​ന്നു.