യഥാർഥ വിശ്വാ​സ​ത്തി​ലേക്കു നയിക്കുന്ന നാമം

“നിങ്ങൾ യേശു​വി​ലും അവന്റെ വീണ്ടെ​ടു​പ്പു രക്തത്തി​ലും വിശ്വ​സി​ക്കു​ന്നി​ല്ല​ല്ലോ” എന്ന്‌ ഒരു സ്‌ത്രീ ഒരു യഹോ​വ​യു​ടെ സാക്ഷി​യോ​ടു പറഞ്ഞു. മറ്റൊ​രാൾ പറഞ്ഞു: “നിങ്ങൾ യഹോ​വ​യു​ടെ സാക്ഷികൾ ആണെന്നു പറയുന്നു, എന്നാൽ ഞാൻ യേശു​വി​ന്റെ ഒരു സാക്ഷി​യാണ്‌.”

യഹോ​വ​യു​ടെ സാക്ഷികൾ യേശു​വിൽ വിശ്വ​സി​ക്കു​ന്നി​ല്ലെ​ന്നോ അവർ അവനു വേണ്ടത്ര പ്രാധാ​ന്യം കൊടു​ക്കു​ന്നി​ല്ലെ​ന്നോ ഉള്ള വീക്ഷണം സർവസാ​ധാ​ര​ണ​മാണ്‌. എന്നാൽ വസ്‌തു​തകൾ എന്താണ്‌?

യഹോവa എന്ന ദൈവ​നാ​മ​ത്തോ​ടു യഹോ​വ​യു​ടെ സാക്ഷി​കൾക്കു വലിയ ആദരവു തോന്നു​ന്നു എന്നത്‌ സത്യം​തന്നെ. ബ്രസീ​ലി​ലെ ഒരു സാക്ഷി​യായ ഇത്താമാർ ഇങ്ങനെ അനുസ്‌മ​രി​ക്കു​ന്നു: “ദൈവ​ത്തി​ന്റെ നാമം എന്തെന്ന്‌ മനസ്സി​ലാ​ക്കി​യത്‌ എന്റെ ജീവി​ത​ത്തിൽ ഒരു വഴിത്തി​രിവ്‌ ആയിരു​ന്നു. ഞാൻ അത്‌ ആദ്യം വായി​ച്ച​പ്പോൾ, എന്നെ ആരോ ഗാഢനി​ദ്ര​യിൽനിന്ന്‌ ഉണർത്തിയ ഒരനു​ഭവം ആയിരു​ന്നു എനിക്ക്‌. യഹോവ എന്ന നാമം എനിക്ക്‌ അങ്ങേയറ്റം പ്രചോ​ദ​നാ​ത്മ​ക​മാ​യി​രു​ന്നു; അത്‌ എന്റെ ഉള്ളി​ന്റെ​യു​ള്ളിൽ തട്ടി.” അതേസ​മയം, “എന്റെ ഹൃദയം യേശു​വി​നോ​ടുള്ള സ്‌നേ​ഹ​ത്താ​ലും നിറഞ്ഞു​ക​വി​യു​ക​യാണ്‌,” അദ്ദേഹം കൂട്ടി​ച്ചേർക്കു​ന്നു.

അതേ, നിത്യ​ജീ​വൻ ലഭിക്കാൻ “ദൈവ​പു​ത്ര”നായ യേശു​വി​ന്റെ “നാമത്തിൽ” വിശ്വാ​സം അർപ്പി​ക്കണം എന്ന്‌ യഹോ​വ​യു​ടെ സാക്ഷികൾ തിരി​ച്ച​റി​യു​ന്നു. (1 യോഹ​ന്നാൻ 5:13) എന്നാൽ ‘യേശു​വി​ന്റെ നാമത്തിൽ’ എന്ന പ്രയോ​ഗ​ത്താൽ എന്താണ്‌ അർഥമാ​ക്കു​ന്നത്‌?

യേശു​വി​ന്റെ നാമം പ്രതി​നി​ധാ​നം ചെയ്യു​ന്നത്‌

“യേശു​വി​ന്റെ നാമത്തിൽ” എന്നതും സമാന​മായ പ്രയോ​ഗ​ങ്ങ​ളും ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളിൽ, അഥവാ “പുതിയ നിയമ”ത്തിൽ ഉടനീളം കാണാം. വാസ്‌ത​വ​ത്തിൽ, യേശു​വി​ന്റെ സ്ഥാന​ത്തോ​ടുള്ള ബന്ധത്തിൽ “നാമം” എന്ന പദം 80-ലധികം പ്രാവ​ശ്യം പ്രത്യ​ക്ഷ​പ്പെ​ടു​ന്നു; പ്രവൃ​ത്തി​ക​ളു​ടെ പുസ്‌ത​ക​ത്തിൽ മാത്രം അത്‌ 30-ഓളം പ്രാവ​ശ്യം ഉണ്ട്‌. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ യേശു​വി​ന്റെ നാമത്തിൽ സ്‌നാ​പനം കഴിപ്പി​ക്കു​ക​യും അവന്റെ നാമത്തിൽ രോഗ​ശാ​ന്തി വരുത്തു​ക​യും അവന്റെ നാമത്തിൽ പഠിപ്പി​ക്കു​ക​യും അവന്റെ നാമം വിളി​ക്കു​ക​യും അവന്റെ നാമത്തി​നു​വേണ്ടി കഷ്ടങ്ങൾ അനുഭ​വി​ക്കു​ക​യും അവന്റെ നാമത്തെ മഹത്ത്വ​പ്പെ​ടു​ത്തു​ക​യും ചെയ്‌തു.—പ്രവൃ​ത്തി​കൾ 2:38; 3:16; 5:28; 9:14, 16; 19:17.

ഒരു ബൈബിൾ നിഘണ്ടു പറയു​ന്ന​പ്ര​കാ​രം, ബൈബി​ളിൽ “നാമം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു പദം മിക്ക​പ്പോ​ഴും “അധികാ​രം, സ്വഭാവം, സ്ഥാനം, പ്രൗഢി, ശക്തി, മാഹാ​ത്മ്യം എന്നിങ്ങനെ ഒരു നാമം അർഥമാ​ക്കുന്ന സകലതി​നെ​യും സൂചി​പ്പി​ക്കു​ന്നു.” അതു​കൊണ്ട്‌ യേശു​വി​ന്റെ നാമം യഹോ​വ​യാം ദൈവം അവനെ ഭരമേൽപ്പി​ച്ചി​രി​ക്കുന്ന വിപു​ല​വും രാജകീ​യ​വു​മായ നിർവഹണ അധികാ​രത്തെ പ്രതി​നി​ധാ​നം ചെയ്യുന്നു. യേശു​തന്നെ ഇങ്ങനെ പ്രസ്‌താ​വി​ച്ചി​രി​ക്കു​ന്നു: “സ്വർഗ്ഗ​ത്തി​ലും ഭൂമി​യി​ലും സകല അധികാ​ര​വും എനിക്കു നല്‌ക​പ്പെ​ട്ടി​രി​ക്കു​ന്നു.” (മത്തായി 28:18) പത്രൊ​സും യോഹ​ന്നാ​നും ഒരു മുടന്തനെ സൗഖ്യ​മാ​ക്കി​യ​തി​നെ തുടർന്ന്‌ യഹൂദ മതനേ​താ​ക്ക​ന്മാർ ചോദി​ച്ചു: “എന്തധി​കാ​ര​ത്തി​ലാണ്‌, അഥവാ ആരുടെ നാമത്തി​ലാണ്‌ നിങ്ങൾ ഇതു പ്രവർത്തി​ച്ചത്‌?” അപ്പോൾ പത്രൊസ്‌ യേശു​വി​ന്റെ നാമം പ്രതി​നി​ധാ​നം ചെയ്യുന്ന അധികാ​ര​ത്തി​ലും ശക്തിയി​ലും സധൈ​ര്യം വിശ്വാ​സം പ്രകട​മാ​ക്കി​ക്കൊണ്ട്‌ അവരോ​ടു പറഞ്ഞു: “നസറാ​യ​നായ യേശു​ക്രി​സ്‌തു​വി​ന്റെ നാമത്തി​ലാണ്‌ ഈ മനുഷ്യൻ സുഖം പ്രാപിച്ച്‌ നിങ്ങളു​ടെ മുമ്പിൽ നില്‌ക്കു​ന്നത്‌.”—പ്രവൃ​ത്തി​കൾ 3:1-10; 4:5-10, പി.ഒ.സി. ബൈ.

വിശ്വാ​സം യേശു​വി​ലോ കൈസ​രി​ലോ?

എന്നാൽ യേശു​വി​ന്റെ നാമത്തിൽ അത്തരം വിശ്വാ​സം പ്രകട​മാ​ക്കു​ന്നത്‌ എളുപ്പ​മാ​യി​രി​ക്കു​മാ​യി​രു​ന്നില്ല. യേശു മുൻകൂ​ട്ടി പറഞ്ഞി​രു​ന്ന​തു​പോ​ലെ, അവന്റെ ശിഷ്യ​ന്മാർ ‘അവന്റെ നാമം നിമിത്തം സകലജ​ന​ത​ക​ളാ​ലും ദ്വേഷി’ക്കപ്പെടു​മാ​യി​രു​ന്നു. (മത്തായി 24:9, NW) എന്തു​കൊണ്ട്‌? എന്തെന്നാൽ യേശു​വി​ന്റെ നാമം, ദൈവം നിയമിച്ച ഭരണാ​ധി​കാ​രി അതായത്‌ രാജാ​ധി​രാ​ജാ​വും എല്ലാ ജനതക​ളും കീഴ്‌പെ​ടേണ്ട ഒരുവ​നും എന്ന നിലയി​ലുള്ള അവന്റെ സ്ഥാനത്തെ പ്രതി​നി​ധാ​നം ചെയ്യുന്നു; എന്നാൽ ജനതക​ളാ​കട്ടെ അവന്‌ കീഴ്‌പെ​ടാൻ തയ്യാറാ​കു​ന്നില്ല.—സങ്കീർത്തനം 2:1-7.

യേശു​വി​ന്റെ നാളിലെ മതനേ​താ​ക്ക​ന്മാ​രും യേശു​വി​നു കീഴ്‌പെ​ടാൻ ആഗ്രഹി​ച്ചില്ല. “ഞങ്ങൾക്കു കൈസ​ര​ല്ലാ​തെ മറെറാ​രു രാജാ​വില്ല” എന്നു പ്രസ്‌താ​വിച്ച അവർ ദൈവ​പു​ത്രനെ തള്ളിക്ക​ള​യു​ക​യാ​യി​രു​ന്നു. (യോഹ​ന്നാൻ 19:13-15) പകരം, അവർ വിശ്വാ​സം അർപ്പി​ച്ചത്‌ കൈസ​രു​ടെ നാമത്തിൽ, അതായത്‌ കൈസ​രു​ടെ ശക്തിയി​ലും അധികാ​ര​ത്തി​ലും സാമ്രാ​ജ്യ​ത്വ ഗവൺമെ​ന്റി​ലും, ആയിരു​ന്നു. തങ്ങളുടെ സ്ഥാനമാ​നങ്ങൾ കാത്തു​സൂ​ക്ഷി​ക്കാൻ യേശു മരിക്കണം എന്നു​പോ​ലും അവർ കണക്കു​കൂ​ട്ടി.—യോഹ​ന്നാൻ 11:47-53.

യേശു​വി​ന്റെ മരണത്തി​നു ശേഷമുള്ള നൂറ്റാ​ണ്ടു​ക​ളിൽ, ക്രിസ്‌ത്യാ​നി​കൾ എന്ന്‌ അവകാ​ശ​പ്പെ​ട്ടി​രുന്ന അനേക​രും യഹൂദ നേതാ​ക്ക​ന്മാ​രു​ടേ​തി​നോ​ടു സമാന​മായ ഒരു മനോ​ഭാ​വം കൈ​ക്കൊ​ണ്ടു. ഇക്കൂട്ടർ രാഷ്‌ട്ര​ത്തി​ന്റെ ശക്തിയി​ലും അധികാ​ര​ത്തി​ലും വിശ്വാ​സ​മർപ്പിച്ച്‌ അതിന്റെ പോരാ​ട്ട​ങ്ങ​ളിൽ പങ്കു​ചേർന്നു. ഉദാഹ​ര​ണ​ത്തിന്‌, 11-ാം നൂറ്റാ​ണ്ടിൽ, സഭ തൊഴിൽര​ഹിത യോദ്ധാ​ക്കളെ മിലീഷ്യ ക്രിസ്റ്റി അഥവാ ക്രിസ്‌തീയ പോരാ​ളി​കൾ ആയി സംഘടി​പ്പി​ച്ചു. എന്നിട്ട്‌ “ഈ ക്രിസ്‌തീയ പോരാ​ളി​ക​ളി​ലൂ​ടെ, ധർമയു​ദ്ധം നടത്തു​ന്ന​തി​നുള്ള ഉത്തരവാ​ദി​ത്വം ക്രൈ​സ്‌തവ ലോക​ത്തി​ലെ ലൗകിക അധികാ​രി​ക​ളിൽനിന്ന്‌ സഭ ഏറ്റെടു​ത്തു.” (ഓക്‌സ്‌ഫോർഡ്‌ ഹിസ്റ്ററി ഓഫ്‌ ക്രിസ്റ്റ്യാ​നി​റ്റി) കുരി​ശു​യു​ദ്ധ​ങ്ങ​ളിൽ പങ്കെടു​ക്കു​ന്ന​തി​ലൂ​ടെ “അവർ ദൈവ​വു​മാ​യി ഒരു കരാറിൽ ഏർപ്പെ​ടു​ക​യാ​ണെ​ന്നും അങ്ങനെ പറുദീ​സ​യിൽ അവർക്ക്‌ ഒരു സ്ഥാനം ഉറപ്പി​ക്കു​ക​യാ​ണെന്നു”മുള്ള പാപ്പാ​മാ​രു​ടെ ചില പ്രഖ്യാ​പ​ന​ങ്ങ​ളിൽ കുരി​ശു​യു​ദ്ധ​ക്കാ​രിൽ ബഹുഭൂ​രി​പ​ക്ഷ​വും വിശ്വ​സി​ച്ചു എന്നും വിവരണം പറയുന്നു.

അതേസ​മ​യം യേശു​വി​നോ​ടു വിശ്വ​സ്‌തർ ആയിരി​ക്കാ​നും രാഷ്‌ട്രീയ കാര്യ​ങ്ങ​ളി​ലും രാഷ്‌ട്ര​ങ്ങ​ളു​ടെ യുദ്ധങ്ങ​ളി​ലും പങ്കെടു​ക്കാ​നും കഴിയു​മെന്നു ചിലർ വാദി​ച്ചേ​ക്കാം. ദുഷ്ടത എവിടെ കണ്ടാലും അതി​നെ​തി​രെ പോരാ​ടേ​ണ്ട​തും ആവശ്യ​മെ​ങ്കിൽ യുദ്ധം ചെയ്യേ​ണ്ട​തും ക്രിസ്‌ത്യാ​നി​യു​ടെ കടമയാ​ണെന്ന്‌ അവർക്കു തോന്നി​യേ​ക്കാം. എന്നാൽ ആദിമ ക്രിസ്‌ത്യാ​നി​കൾക്ക്‌ ഈ വീക്ഷണം ഉണ്ടായി​രു​ന്നോ?

“ആദിമ ക്രിസ്‌ത്യാ​നി​കൾ സായുധ സേനയിൽ സേവി​ച്ചി​രു​ന്നില്ല,” ദ ക്രിസ്റ്റ്യൻ സെഞ്ച്വറി മാഗസി​നി​ലെ ഒരു ലേഖനം പ്രസ്‌താ​വി​ക്കു​ന്നു. പൊ.യു. 170-180 എന്ന പതിറ്റാ​ണ്ടു​വരെ ക്രിസ്‌ത്യാ​നി​കൾ സൈന്യ​ത്തിൽ സേവി​ച്ചി​രു​ന്ന​താ​യി യാതൊ​രു തെളി​വു​മില്ല എന്ന്‌ അതു വ്യക്തമാ​ക്കു​ന്നു. എന്നിട്ട്‌ ലേഖനം ഇങ്ങനെ കൂട്ടി​ച്ചേർക്കു​ന്നു: “ക്രമേണ ക്രിസ്‌ത്യാ​നി​കൾ സൈനിക സേവന​ത്തോ​ടുള്ള തങ്ങളുടെ എതിർപ്പ്‌ ഉപേക്ഷി​ച്ചു.”

അതിന്റെ അനന്തര ഫലങ്ങൾ എന്തെല്ലാം ആയിരു​ന്നു? “യുദ്ധം ചെയ്യുന്ന കാര്യ​ത്തിൽ വിജാ​തീ​യ​രു​ടെ അതേ സമീപനം കൈ​ക്കൊ​ണ്ടത്‌ ക്രിസ്‌ത്യാ​നി​ത്വ​ത്തി​ന്റെ അന്തഃസ​ത്ത​യ്‌ക്ക്‌ മറ്റ്‌ എന്തി​നെ​ക്കാ​ളും അധികം കോട്ടം വരുത്തി” എന്ന്‌ ദ ക്രിസ്റ്റ്യൻ സെഞ്ച്വു​റി​യി​ലെ ലേഖനം പറയുന്നു. “ക്രിസ്‌ത്യാ​നി​കൾ ശ്രേഷ്‌ഠ​നായ രക്ഷകനിൽ വിശ്വ​സി​ക്കു​മ്പോൾതന്നെ മതപര​മോ ദേശീ​യ​മോ ആയ യുദ്ധങ്ങളെ ശക്തമായി പിന്തു​ണ​യ്‌ക്കു​ന്നത്‌ പ്രസ്‌തുത വിശ്വാ​സ​ത്തിന്‌ കാര്യ​മായ ഹാനി വരുത്തി​യി​രി​ക്കു​ന്നു.”

ഇന്ന്‌ ആദിമ ക്രിസ്‌ത്യാ​നി​കളെ അനുക​രി​ക്കൽ

ഇന്നത്തെ ക്രിസ്‌ത്യാ​നി​കൾക്ക്‌ ആദിമ ക്രിസ്‌ത്യാ​നി​ക​ളു​ടെ വിശിഷ്ട മാതൃക അനുക​രി​ക്കാൻ സാധി​ക്കു​മോ? അതു സാധ്യ​മാ​ണെന്ന്‌ ഈ നൂറ്റാ​ണ്ടി​ലെ യഹോ​വ​യു​ടെ സാക്ഷികൾ പ്രകട​മാ​ക്കി​യി​ട്ടുണ്ട്‌. അവരെ കുറി​ച്ചുള്ള വിവര​ണ​ത്തിൽ ഹൊ​ളോ​ക്കോസ്റ്റ്‌ എജ്യു​ക്കേ​ഷണൽ ഡൈജ​സ്റ്റി​ന്റെ പത്രാ​ധി​പർ പറയുന്നു: “ഒരു യഹോ​വ​യു​ടെ സാക്ഷി​യും യുദ്ധം ചെയ്യു​ക​യില്ല. . . . ലോക​ത്തിൽ അധികാ​ര​സ്ഥാ​ന​ത്തുള്ള സകലരും ഈ മതവി​ശ്വാ​സ​ത്തിൽപ്പെ​ട്ടവർ ആയിരു​ന്നെ​ങ്കിൽ [രണ്ടാം ലോക​മ​ഹാ​യു​ദ്ധം] നടക്കു​ക​യി​ല്ലാ​യി​രു​ന്നു.”

വടക്കേ അയർലൻഡിൽ നടന്നതു​പോ​ലുള്ള, അടുത്ത കാലത്തെ രൂക്ഷമായ പ്രാ​ദേ​ശിക പോരാ​ട്ട​ങ്ങളെ കുറി​ച്ചും അതുതന്നെ പറയാ​വു​ന്ന​താണ്‌. ഏതാനും വർഷങ്ങൾക്കു മുമ്പ്‌, യഹോ​വ​യു​ടെ സാക്ഷി​ക​ളിൽപ്പെട്ട ഒരാൾ ബെൽഫാസ്റ്റ്‌ നഗരത്തി​ലെ പ്രൊ​ട്ട​സ്റ്റന്റ്‌ മേഖല​യിൽ വീടു​തോ​റും പ്രസം​ഗി​ക്കു​ക​യാ​യി​രു​ന്നു. ഈ സാക്ഷി മുമ്പ്‌ ഒരു കത്തോ​ലി​ക്കൻ ആയിരു​ന്നു എന്നു മനസ്സി​ലാ​ക്കിയ ഒരു വീട്ടു​കാ​രൻ ചോദി​ച്ചു: “ഒരു കത്തോ​ലി​ക്കൻ ആയിരു​ന്ന​പ്പോൾ, നിങ്ങൾ ഐറിഷ്‌ റിപ്പബ്ലി​ക്കൻ ആർമിയെ പിന്തു​ണ​ച്ചി​രു​ന്നോ?” ഒരു കത്തോ​ലി​ക്കനെ വെടി​വെ​ച്ചു​കൊ​ല്ലാ​നുള്ള പുറപ്പാ​ടിൽ യാത്രാ​മ​ധ്യേ പിടി​യി​ലാ​കു​ക​യും ജയിലിൽനിന്ന്‌ ഈയിടെ പുറത്തു​വ​രു​ക​യും ചെയ്‌ത ഇയാൾ അക്രമാ​സക്തൻ ആയിത്തീർന്നേ​ക്കാം എന്നു മനസ്സി​ലാ​ക്കി സാക്ഷി ഇങ്ങനെ ഉത്തരം പറഞ്ഞു: “ഞാൻ ഇപ്പോൾ ഒരു കത്തോ​ലി​ക്കൻ അല്ല. ഞാൻ യഹോ​വ​യു​ടെ സാക്ഷി​ക​ളിൽ ഒരുവൻ ആണ്‌. ഒരു സത്യ​ക്രി​സ്‌ത്യാ​നി എന്ന നിലയിൽ, ഏതെങ്കി​ലും ഗവൺമെ​ന്റി​നോ വ്യക്തി​ക്കോ വേണ്ടി ഞാൻ ആരെയും ഒരിക്ക​ലും കൊല്ലു​ക​യില്ല.” അത്‌ തലകു​ലു​ക്കി സമ്മതി​ച്ചു​കൊണ്ട്‌ വീട്ടു​കാ​രൻ പറഞ്ഞു: “ഏതുതരം കൊല​പാ​ത​ക​വും തെറ്റു​തന്നെ. നിങ്ങൾ ചെയ്യു​ന്നത്‌ ഒരു നല്ല വേലയാണ്‌. ഇത്‌ നിർത്ത​രുത്‌.”

യേശു​വി​ന്റെ നാമത്തിൽ വിശ്വാ​സം അർപ്പി​ക്കു​ന്ന​തി​ന്റെ അർഥം

യേശു​വി​ന്റെ നാമത്തിൽ വിശ്വാ​സം അർപ്പി​ക്കുക എന്നത്‌ കേവലം യുദ്ധം ചെയ്യാ​തി​രി​ക്കു​ന്ന​തി​നെ മാത്രമല്ല, മറിച്ച്‌ ക്രിസ്‌തു​വി​ന്റെ എല്ലാ കൽപ്പന​ക​ളും അനുസ​രി​ക്കു​ന്ന​തി​നെ​യും അർഥമാ​ക്കു​ന്നു. യേശു പ്രസ്‌താ​വി​ച്ചി​രി​ക്കു​ന്നത്‌ ഇതാണ​ല്ലോ: “ഞാൻ നിങ്ങ​ളോ​ടു കല്‌പി​ക്കു​ന്നതു ചെയ്‌താൽ നിങ്ങൾ എന്റെ സ്‌നേ​ഹി​തൻമാർ തന്നേ.” അവന്റെ കൽപ്പന​ക​ളിൽ ഒന്ന്‌ നാം “തമ്മിൽ തമ്മിൽ സ്‌നേഹി”ക്കണം എന്നതാണ്‌. (യോഹ​ന്നാൻ 15:14, 17) സ്‌നേഹം മറ്റുള്ള​വർക്കു നന്മ ചെയ്യാൻ ശ്രമി​ക്കു​ന്നു. അത്‌ വർഗീ​യ​വും മതപര​വും സാമൂ​ഹി​ക​വു​മായ എല്ലാ മുൻവി​ധി​ക​ളെ​യും അകറ്റുന്നു. അത്‌ എങ്ങനെ എന്ന്‌ യേശു പ്രകട​മാ​ക്കു​ക​യു​ണ്ടാ​യി.

യേശു​വി​ന്റെ നാളിലെ യഹൂദ​ന്മാർക്ക്‌ ശമര്യ​ക്കാ​രോ​ടു വെറു​പ്പാ​യി​രു​ന്നു. എന്നാൽ അതിനു നേർവി​പ​രീ​ത​മാ​യി​രു​ന്നു അവരോ​ടുള്ള യേശു​വി​ന്റെ ഇടപെടൽ; അവൻ ഒരു ശമര്യ​ക്കാ​രി​യോ​ടു സംസാ​രി​ച്ചു. ഫലമോ, അവളും മറ്റ്‌ അനേക​രും അവന്റെ നാമത്തിൽ വിശ്വാ​സം അർപ്പിച്ചു. (യോഹ​ന്നാൻ 4:39) തന്റെ ശിഷ്യ​ന്മാർ “യെരൂ​ശ​ലേ​മി​ലും യെഹൂ​ദ്യ​യിൽ എല്ലാട​ത്തും ശമര്യ​യി​ലും ഭൂമി​യു​ടെ അററ​ത്തോ​ള​വും” തനിക്കു സാക്ഷികൾ ആകും എന്നും യേശു പ്രസ്‌താ​വി​ച്ചു. (പ്രവൃ​ത്തി​കൾ 1:8) അവന്റെ ജീവദാ​യക സന്ദേശം യഹൂദർക്കു മാത്ര​മാ​യി ചുരു​ക്ക​രു​താ​യി​രു​ന്നു. അതിൻപ്ര​കാ​രം, ഒരു റോമൻ ശതാധി​പ​നായ കൊർന്നേ​ല്യൊ​സി​നെ സന്ദർശി​ക്കാൻ പത്രൊ​സി​നു കൽപ്പന ലഭിച്ചു. അന്യജാ​തി​ക്കാ​രനെ സന്ദർശി​ക്കു​ന്നത്‌ യഹൂദനു നിഷിദ്ധം ആയിരു​ന്നെ​ങ്കി​ലും, “ഒരു മനുഷ്യ​നെ​യും മലിന​നോ അശുദ്ധ​നോ എന്നു പറയരു​തെ”ന്നു ദൈവം പത്രൊ​സിന്‌ വ്യക്തമാ​ക്കി കൊടു​ത്തു.—പ്രവൃ​ത്തി​കൾ 10:28.

യേശു​വി​നെ അനുക​രി​ച്ചു​കൊണ്ട്‌, യഹോ​വ​യു​ടെ സാക്ഷികൾ സകല​രെ​യും—അവരുടെ വർഗമോ മതമോ സാമ്പത്തി​ക​സ്ഥി​തി​യോ നോക്കാ​തെ—യേശു​വി​ന്റെ നാമത്തി​ലൂ​ടെ​യുള്ള രക്ഷയെ കുറിച്ചു പഠിക്കാൻ മനസ്സോ​ടെ സഹായി​ക്കു​ന്നു. യേശു​വി​ന്റെ നാമത്തി​ലുള്ള വിശ്വാ​സം ‘യേശു കർത്താവ്‌ ആണ്‌ എന്നു പരസ്യ​മാ​യി പ്രഖ്യാ​പി​ക്കാൻ’ അവരെ പ്രചോ​ദി​പ്പി​ക്കു​ന്നു. (റോമർ 10:8, 9, NW) അവരുടെ സഹായം സ്വീക​രിച്ച്‌ യേശു​വി​ന്റെ നാമത്തിൽ എങ്ങനെ വിശ്വാ​സം അർപ്പി​ക്കാ​മെന്നു പഠിക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ക​യാണ്‌.

യേശു​വി​ന്റെ നാമം ബഹുമാ​ന​ത്തി​ന്റെ​യും ആദരവി​ന്റെ​യും അനുസ​ര​ണ​യു​ടെ​യും വികാ​ര​ങ്ങളെ യഥാർഥ​മാ​യും ഉളവാ​ക്കണം. പൗലൊസ്‌ അപ്പൊ​സ്‌തലൻ പ്രസ്‌താ​വി​ച്ചു: ‘യേശു​വി​ന്റെ നാമത്തി​ങ്കൽ സ്വർല്ലോ​ക​രു​ടെ​യും ഭൂലോ​ക​രു​ടെ​യും അധോ​ലോ​ക​രു​ടെ​യും മുഴങ്കാൽ ഒക്കെയും മടങ്ങു​ക​യും എല്ലാ നാവും “യേശു​ക്രി​സ്‌തു കർത്താവു” എന്നു പിതാ​വായ ദൈവ​ത്തി​ന്റെ മഹത്വ​ത്തി​ന്നാ​യി ഏററു​പ​റ​ക​യും ചെയ്യേ​ണ്ടി​വ​രും.’ (ഫിലി​പ്പി​യർ 2:10, 11) ഭൂരി​പക്ഷം ഭൂവാ​സി​ക​ളും യേശു​വി​ന്റെ ഭരണത്തി​നു കീഴ്‌പെ​ടാൻ വിസമ്മ​തി​ച്ചേ​ക്കാ​മെ​ങ്കി​ലും, എല്ലാ ആളുക​ളും അപ്രകാ​രം ചെയ്യേ​ണ്ടി​വ​രുന്ന, അല്ലെങ്കിൽ അങ്ങനെ ചെയ്യാ​ത്തവർ നശി​ക്കേ​ണ്ടി​വ​രുന്ന സമയം അടുത്തി​രി​ക്കു​ന്നു എന്നു ബൈബിൾ പ്രകട​മാ​ക്കു​ന്നു. (2 തെസ്സ​ലൊ​നീ​ക്യർ 1:6-10) അതു​കൊണ്ട്‌, യേശു​വി​ന്റെ എല്ലാ കൽപ്പന​ക​ളും പാലി​ച്ചു​കൊണ്ട്‌ അവന്റെ നാമത്തിൽ വിശ്വാ​സം അർപ്പി​ക്കു​ന്ന​തി​നുള്ള സമയം ഇപ്പോ​ഴാണ്‌.

[അടിക്കു​റി​പ്പു​കൾ]

[6-ാം പേജിലെ ചിത്രം]

യേശുവിന്റെ നാമ​ത്തെ​പ്രതി, ദശലക്ഷ​ക്ക​ണ​ക്കിന്‌ ആളുകൾ കൊല്ലു​ക​യും കൊല്ല​പ്പെ​ടു​ക​യും ചെയ്‌തി​ട്ടുണ്ട്‌

[7-ാം പേജിലെ ചിത്രം]

യേശു വർഗീയ മുൻവി​ധി​കൾ പുലർത്തി​യില്ല. നിങ്ങളോ?