വായന​ക്കാ​രിൽനി​ന്നുള്ള ചോദ്യ​ങ്ങൾ

◼ വരാനി​രി​ക്കുന്ന ഒരു “പുതിയ ലോകം” എന്നു പറയു​ന്നത്‌ ഉചിത​മാ​ണോ?

“ലോകം” എന്ന്‌ പരിഭാ​ഷ​പ്പെ​ടു​ത്തി​യി​രി​ക്കുന്ന കോസ്‌മോസ്‌ എന്ന ഗ്രീക്കു പദത്തിന്‌ മനുഷ്യ​വർഗ്ഗം എന്ന മൂലാർത്ഥ​മു​ള്ള​തി​നാ​ലും ദൈവം പുതി​യോ​രു മനുഷ്യ​വർഗ്ഗത്തെ ഉളവാ​ക്കു​ന്നി​ല്ലാ​ത്ത​തി​നാ​ലും ഈ ചോദ്യം ഉചിത​മാ​യും ഉന്നയി​ക്കാ​വു​ന്ന​താണ്‌. മാത്രമല്ല, ബൈബി​ളിൽ നാം കേനോസ്‌ കോസ്‌മോസ്‌ (അക്ഷരീ​യ​മാ​യി, “പുതിയ ലോകം”) എന്ന പ്രയോ​ഗം കാണു​ന്നു​മില്ല.

എന്നാൽ ഭൂമി​യിൽ പുനഃ​സ്ഥി​തീ​ക​രി​ക്കാ​നി​രി​ക്കുന്ന പറുദീ​സയെ പരാമർശി​ക്കു​മ്പോൾ ഒരു “പുതിയ ലോകം” എന്നു പറയാൻ ബൈബി​ളി​ലെ കോസ്‌മോസ്‌ എന്ന പദത്തിന്റെ ഉപയോ​ഗം ഒരു ക്രിസ്‌ത്യാ​നി​യെ അനുവ​ദി​ക്കു​ന്നു. പുതി​യ​നി​യമ ദൈവ​ശാ​സ്‌ത്ര അന്തർദ്ദേ​ശീയ നിഘണ്ടു ഇപ്രകാ​രം വിവരി​ക്കു​ന്നു: ‘കോസ്‌മോസ്‌ എന്ന നാമം മൗലി​ക​മാ​യി നിർമ്മാ​ണത്തെ സൂചി​പ്പി​ക്കു​ന്നു. എന്നാൽ ഇത്‌ കൂടുതൽ പ്രധാ​ന​മാ​യി ക്രമത്തെ കുറി​ക്കു​ന്നു’. ഈ പദത്തിന്‌ പിൻവ​രുന്ന പ്രത്യേക അർത്ഥങ്ങ​ളു​ണ്ടെ​ന്നും ഈ നിഘണ്ടു കൂട്ടി​ച്ചേർക്കു​ന്നു: “ആഭരണ​വും അലങ്കാ​ര​വും,” “മനുഷ്യ സമുദാ​യ​ത്തി​ന്റെ നിയമം,” “ഭൂമി​യി​ലെ നിവാ​സി​കൾ, മനുഷ്യ​വർഗ്ഗം.”

ക്രിസ്‌തീ​യ ഗ്രീക്കു തിരു​വെ​ഴു​ത്തു​ക​ളിൽ കോസ്‌മോസ്‌ എന്ന പദം പലപ്പോ​ഴും മുഴു മനുഷ്യ​വർഗ്ഗ​കു​ടും​ബം എന്ന അർത്ഥത്തിൽ ഉപയോ​ഗി​ച്ചി​ട്ടുണ്ട്‌. അതിനാൽ “സകലരും [അതായത്‌, ആദാമി​ന്റെ സകല അപൂർണ്ണ വംശജ​രും] പാപം ചെയ്‌ത്‌ ദൈവ​തേ​ജ​സ്സിൽ കുറവു​ള്ള​വ​രാ​യി​ത്തീർന്നി​രി​ക്കു​ന്നു.” (റോമർ 3:19, 23) നേരെ​മ​റിച്ച്‌, “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും . . . നിത്യ​ജീ​വൻ പ്രാപി​ക്കേ​ണ്ട​തിന്‌ ദൈവം അവനെ നൽകു​വാൻ തക്കവണ്ണം ലോകത്തെ [കോസ്‌മോസ്‌] അത്ര സ്‌നേ​ഹി​ച്ചു.” (യോഹ​ന്നാൻ 3:16) അതെ, മനുഷ്യ​വർഗ്ഗ​ത്തി​ലെ വിശ്വാ​സ​മുള്ള ഏവർക്കും ക്രിസ്‌തു​വി​ന്റെ ബലി ലഭ്യമാണ്‌.

ബൈബി​ളിൽ കോസ്‌മോസ്‌ എന്ന പദത്തിന്‌ ഈ ഉപയോ​ഗം മാത്ര​മേ​യു​ള്ളു​വെ​ങ്കിൽ വരാനി​രി​ക്കുന്ന ഒരു “പുതിയ ലോകം” എന്നു പറയു​ന്നത്‌ ശരിയാ​യി​രി​ക്ക​യില്ല. എന്തു​കൊണ്ട്‌? മനുഷ്യ​വർഗ്ഗ​ത്തിൽ ചിലർ വരാനി​രി​ക്കുന്ന മഹോ​പ​ദ്ര​വത്തെ അതിജീ​വി​ക്കും. അവർക്ക്‌ അതിനു​ശേഷം പുനഃ​സ്ഥി​തീ​ക​രി​ക്ക​പ്പെട്ട പറുദീ​സ​യിൽ ജീവി​ക്കു​ന്ന​തി​നുള്ള അവസര​മു​ണ്ടാ​യി​രി​ക്കും. അതു​കൊണ്ട്‌ ദൈവം ഒരു പുതിയ മനുഷ്യ​കു​ലത്തെ, ഒരു പുതിയ മനുഷ്യ​വർഗ്ഗത്തെ, ഒരു പുതിയ മനുഷ്യ​വർഗ്ഗ​ലോ​കത്തെ സൃഷ്ടി​ക്കു​ന്നില്ല. പക്ഷേ, ബൈബിൾ മനുഷ്യ​വർഗ്ഗത്തെ മാത്രം അർത്ഥമാ​ക്കാൻ കോസ്‌മോസ്‌ എന്ന പദം ഉപയോ​ഗി​ക്കു​ന്നില്ല.

ഉദാഹ​ര​ണ​ത്തിന്‌, ചില​പ്പോൾ ഈ ഗ്രീക്ക്‌ പദം ദൈവ​ത്തിൽനിന്ന്‌ അന്യപ്പെട്ട മുഴു മനുഷ്യ​രെ​യും അർത്ഥമാ​ക്കു​ന്നു. എബ്രായർ 11:7 “വിശ്വാ​സ​ത്താൽ നോഹ . . . ലോകത്തെ [കോസ്‌മോസ്‌] കുററം​വി​ധി​ച്ചു” എന്ന്‌ പറയുന്നു. അവൻ സ്‌പഷ്ട​മാ​യും മുഴു​വ്യ​ക്തി​ക​ളെ​യും, മുഴു​മ​നു​ഷ്യ​വർഗ്ഗ​ത്തെ​യും കുററം​വി​ധി​ച്ചില്ല. നോഹ​യും അവന്റെ ഏഴ്‌ കുടും​ബാം​ഗ​ങ്ങ​ളും ജലപ്ര​ള​യത്തെ അതിജീ​വി​ച്ചു. സമാന​മാ​യി യേശു ഇപ്രകാ​രം പ്രാർത്ഥി​ച്ചു: “ഞാൻ ലോക​ത്തി​നു​വേ​ണ്ടി​യല്ല [കോസ്‌മോസ്‌] എന്നാൽ നീ എനിക്കു തന്നിട്ടു​ള്ള​വർക്കു​വേണ്ടി ഞാൻ അപേക്ഷി​ക്കു​ന്നു . . . ഞാൻ ലോക​ത്തി​ന്റെ ഭാഗമ​ല്ലാ​ത്ത​തു​പോ​ലെ അവരും ലോക​ത്തി​ന്റെ ഭാഗമ​ല്ലാ​ത്ത​തി​നാൽ ലോകം അവരെ പകച്ചി​രി​ക്കു​ന്നു.”—യോഹ​ന്നാൻ 17:9, 14; 2 പത്രോസ്‌ 2:5; 3:6 താരത​മ്യ​പ്പെ​ടു​ത്തുക.

എന്നിരു​ന്നാ​ലും, നമുക്കി​പ്പോൾ കോസ്‌മോസ്‌ എന്ന പദം മറെറ​രർത്ഥ​ത്തിൽ ബൈബി​ളിൽ ഉപയോ​ഗി​ച്ചി​രി​ക്കു​ന്നത്‌ ശ്രദ്ധി​ക്കാം. ഇത്‌ മനുഷ്യ ജീവിത മണ്ഡലത്തെ, ചട്ടക്കൂ​ടി​നെ അല്ലെങ്കിൽ അവസ്ഥയെ അർത്ഥമാ​ക്കാൻ ഉപയോ​ഗി​ക്കു​ന്നു.a അത്തരം ഉപയോ​ഗം നാം യേശു​വി​ന്റെ വാക്കു​ക​ളിൽ കണ്ടെത്തു​ന്നു: “ഒരു മനുഷ്യൻ മുഴു​ലോ​ക​വും [കോസ്‌മോസ്‌] നേടി​യി​ട്ടും തന്റെ ജീവനെ നഷ്ടപ്പെ​ടു​ത്തി​യാൽ എന്തു പ്രയോ​ജനം?” (മത്തായി 16:26) വ്യക്തമാ​യും, ക്രിസ്‌തു ഇവിടെ ഒരു വ്യക്തി ‘മുഴു മനുഷ്യ​വർഗ്ഗ​ലോക’ത്തെയോ ‘ദൈവ​ത്തിൽനിന്ന്‌ അന്യപ്പെട്ട മനുഷ്യ​വർഗ്ഗ​ലോക’ത്തെയോ നേടു​ന്ന​തി​നെ പരാമർശി​ക്കു​ക​യാ​യി​രു​ന്നില്ല. ഒരു ഭൗതിക പ്രിയന്‌ മനുഷ്യ​വർഗ്ഗ​ത്തെയല്ല. മറിച്ച്‌, മനുഷ്യർക്കു​ള്ള​തി​നെ അല്ലെങ്കിൽ മനുഷ്യ​രു​ടെ നിർമ്മാ​ണത്തെ അല്ലെങ്കിൽ മനുഷ്യ​രു​ടെ സമ്പാദ്യ​ങ്ങ​ളെ​യാണ്‌ നേടാൻ കഴിയു​ന്നത്‌. ഇത്‌ ‘വിവാഹം ചെയ്‌ത ഒരു വ്യക്തി ലോക​ത്തി​ലു​ള്ളത്‌ ചിന്തി​ക്കുന്ന’തിനെ​ക്കു​റി​ച്ചുള്ള പൗലോ​സി​ന്റെ വാക്കു​ക​ളി​ലും സത്യമാണ്‌. അതു​പോ​ലെ​തന്നെ, ഒരു ക്രിസ്‌ത്യാ​നി ‘ലോകത്തെ പൂർണ്ണ​മാ​യും ഉപയോ​ഗി’ക്കുന്നില്ല.—1 കൊരി​ന്ത്യർ 7:31-33.

ഈ അർത്ഥത്തിൽ, കോസ്‌മോസ്‌ എന്ന പദത്തിന്‌ “യുഗം” അല്ലെങ്കിൽ “വ്യവസ്ഥി​തി” എന്ന്‌ പരിഭാ​ഷ​പ്പെ​ടു​ത്താ​വുന്ന ഏയോൻ എന്ന ഗ്രീക്കു പദത്തിന്‌ സമാന​മായ ഒരർത്ഥ​മുണ്ട്‌. (ബൈബിൾ ഗ്രാഹ്യ​സ​ഹാ​യി പേജ്‌ 1671-4 കാണുക.) ചില സന്ദർഭ​ങ്ങ​ളിൽ ഈ രണ്ട്‌ പദങ്ങളും പരസ്‌പരം മാററി ഉപയോ​ഗി​ക്കാൻ കഴിയു​മെന്ന്‌ നാം കണ്ടെത്തു​ന്നു. കോസ്‌മോസ്‌, ഏയോൻ എന്നീ പദങ്ങളു​ടെ സാമ്യം മനസ്സി​ലാ​ക്കാൻ കഴിയുന്ന രണ്ട്‌ ദൃഷ്ടാ​ന്തങ്ങൾ പരിചി​ന്തി​ക്കുക: (1) ‘ഇപ്പോ​ഴത്തെ വ്യവസ്ഥി​തി​യെ [ഏയോൻ] സ്‌നേ​ഹിച്ച’ ദേമാസ്‌ പൗലോ​സി​നെ വിട്ടു​പോ​യെന്ന്‌ അവൻ എഴുതി. എന്നാൽ ‘ലോകത്തെ [കോസ്‌മോസ്‌] സ്‌നേ​ഹി​ക്കു’ന്നതി​നെ​തി​രെ യോഹ​ന്നാൻ ബുദ്ധി​യു​പ​ദേ​ശി​ച്ചു. എന്തു​കൊ​ണ്ടെ​ന്നാൽ അതിൽനി​ന്നാണ്‌ “ജഡമോ​ഹം, കൺമോ​ഹം, ഉപജീ​വ​ന​മാർഗ്ഗ​ത്തി​ന്റെ പകിട്ടു​കാ​ട്ടൽ” എന്നിവ ഉത്ഭവി​ക്കു​ന്നത്‌. (2 തിമൊ​ഥെ​യോസ്‌ 4:10; 1 യോഹ​ന്നാൻ 2:15-17) (2) 2 കൊരി​ന്ത്യർ 4:4-ൽ “ഈ വ്യവസ്ഥി​തി​യു​ടെ [ഏയോൻ] ദൈവം” എന്ന നിലയിൽ തിരി​ച്ച​റി​യി​ക്കുന്ന “ഈ ലോക​ത്തി​ന്റെ [കോസ്‌മോസ്‌] ഭരണാ​ധി​പനെ”ക്കുറിച്ച്‌ യോഹ​ന്നാൻ 12:31 സംസാ​രി​ക്കു​ന്നു.

അതിനാൽ കോസ്‌മോസ്‌ അല്ലെങ്കിൽ “ലോകം” എന്ന പദം മുഴു​മ​നു​ഷ്യ​വർഗ്ഗ​ത്തി​നും മനുഷ്യ​മ​ണ്ഡ​ല​ത്തി​ന്റെ ചട്ടക്കൂ​ടി​നും ഉപയോ​ഗി​ക്കാ​വു​ന്ന​താണ്‌. ഇക്കാര​ണ​ത്താൽ നമുക്ക്‌ വരാനി​രി​ക്കുന്ന ഒരു “പുതിയ വ്യവസ്ഥി​തി” അല്ലെങ്കിൽ ഒരു “പുതിയ ലോകം” എന്ന്‌ തെററി​ല്ലാ​തെ ഉചിത​മാ​യി പറയാൻ കഴിയും. ഇത്‌ ഒരു പുതിയ മനുഷ്യ ജീവി​ത​മ​ണ്ഡലം അല്ലെങ്കിൽ പുതിയ ലോകാ​വസ്ഥ അല്ലെങ്കിൽ പുതിയ ചട്ടക്കൂ​ടാ​യി​രി​ക്കും. പുനഃ​സ്ഥി​തീ​ക​രി​ക്ക​പ്പെട്ട ഭൗമിക പരദീ​സ​യി​ലെ മിക്ക നിവാ​സി​ക​ളും പഴയ വ്യവസ്ഥി​തി​യിൽ ജീവി​ച്ചി​രു​ന്ന​വ​രാ​യി​രി​ക്കും. എങ്കിൽത​ന്നെ​യും അവർ അതിൽനിന്ന്‌ അതിജീ​വി​ക്കു​ക​യോ പുനരു​ത്ഥാ​നം പ്രാപിച്ച്‌ വരുക​യോ ചെയ്‌ത​വ​രാ​യി​രി​ക്കും. അതിനാൽ അവർ അതേ മനുഷ്യ​വർഗ്ഗ​മാ​യി​രി​ക്കും. എന്നിരു​ന്നാ​ലും ദൈവ​ത്തിൽനിന്ന്‌ അന്യപ്പെട്ട ലോകം നീങ്ങി​ക്ക​ഴി​യു​മ്പോൾ ദൈവ​ത്തി​ന്റെ വെളി​പ്പെ​ടു​ത്ത​പ്പെട്ട ഇഷ്ടത്തിൽ അടിസ്ഥാ​ന​പ്പെ​ട്ടി​രി​ക്കുന്ന ഒരു പുതിയ ക്രമീ​ക​രണം, ഒരു പുതിയ വ്യവസ്ഥ, പുനഃ​സ്ഥി​തീ​ക​രി​ക്ക​പ്പെട്ട ഒരു പറുദീസ ഒരു പുതിയ ലോക​മാ​യി​രി​ക്കും. (w87 5/1)

[അടിക്കു​റി​പ്പു​കൾ]

[31-ാം പേജിലെ ചിത്രം]

നീതിയുള്ള മനുഷ്യ​വർഗ്ഗം പുതിയ ലോക​ത്തിൽ പറുദീ​സാ പുനഃ​സ്ഥി​തീ​ക​രി​ക്കും