നിങ്ങളു​ടെ സ്വന്തം ആരോ​ഗ്യ​ത്തെ​ക്കു​റി​ച്ചെന്ത്‌?

മരുന്ന്‌ രോഗത്തെ ഭേദ​പ്പെ​ടു​ത്താൻ ശ്രമി​ക്കു​ന്നു. അങ്ങനെ ചെയ്യു​ന്ന​തിൽ അതു പലപ്പോ​ഴും വിജയി​ക്കു​ന്നു. എന്നാൽ ആരോ​ഗ്യ​പൂർണ്ണ​മായ ഒരു ജീവി​ത​ഗതി ആദ്യം തന്നെ അസുഖത്തെ തടഞ്ഞേനെ.

“വിവേ​ക​പൂർവ്വം ഭക്ഷിച്ചും മിതമാ​യി കുടി​ച്ചും അശേഷം പുകവ​ലി​ക്കാ​തി​രു​ന്നും വാഹനങ്ങൾ ശ്രദ്ധാ​പൂർവ്വം ഓടി​ച്ചു​കൊ​ണ്ടും വേണ്ടു​വോ​ളം വ്യായാ​മം ചെയ്‌തും നഗരജീ​വി​ത​ത്തി​ന്റെ സമ്മർദ്ദ​ത്തിൻകീ​ഴിൽ ജീവി​ക്കാൻ പഠിച്ചു​കൊ​ണ്ടും അപ്രകാ​രം ചെയ്യാൻ പരസ്‌പരം സഹായി​ച്ചും ആരോ​ഗ്യ​സം​ബ​ന്ധ​മായ നമ്മു​ടെ​തന്നെ ഉത്തരവാ​ദി​ത്ത​ങ്ങ​ളി​ലേക്ക്‌ നാം ഉയരേ​ണ്ട​തു​ണ്ടെന്ന്‌” ഡബ്ലിയൂ. എച്ച്‌. ഓ. യുടെ ഡയറക്‌ടർ ജനറലായ ഡോ. ഹാൽഫ്‌ഡാൻ മാലർ പറയു​ക​യു​ണ്ടാ​യി.

ഈ സംഗതി​യിൽ ബൈബി​ളിന്‌ അതിന്റെ ജ്ഞാനപൂർവ്വ​ക​മായ ആലോ​ച​ന​യും വിശ്വാ​സ​യോ​ഗ്യ​മായ ഉപദേ​ശ​വും കൊണ്ട്‌ നമ്മെ വലിയ അളവിൽ സഹായി​ക്കാൻ കഴിയും. അതിന്റെ തത്വങ്ങൾ ഏറെ പ്രശാ​ന്ത​മായ ഒരു ജീവി​ത​ത്തി​ലേ​ക്കും അങ്ങനെ നമ്മുടെ സമ്മർദ്ദ​പൂർണ്ണ​മായ ലോക​ത്തിൽ മെച്ചപ്പെട്ട ആരോ​ഗ്യ​ത്തി​ലേ​ക്കും നയിക്കു​ന്നു. അതിന്റെ പഠിപ്പി​ക്ക​ലു​കൾ ഒരു ആത്മീയ അർത്ഥത്തിൽ മാത്രമല്ല, പിന്നെ​യോ ഒരു ജഡിക അർത്ഥത്തി​ലും “ആരോ​ഗ്യ​പ്ര​ദ​മായ വചനങ്ങൾ” ആകുന്നു. അതിലെ നല്ല മൊഴി​കൾ “അവയെ കണ്ടെത്തു​ന്ന​വർക്ക്‌ ജീവനും അവരുടെ സർവ്വ ജഡത്തി​നും ആരോ​ഗ്യ​വു​മാ​കു​ന്നു.”—2 തിമോ​ഥെ​യോസ്‌ 1:13; സദൃശ​വാ​ക്യ​ങ്ങൾ 4:22.

എന്നാൽ അതിലു​പരി ബൈബിൾ തത്വങ്ങൾക്ക്‌ ഗൗരവ​മേ​റിയ, മരണക​ര​മായ, പ്രശ്‌ന​ങ്ങ​ളെ​യും കുറക്കാൻ കഴിയും. അതെങ്ങനെ സാദ്ധ്യ​മാണ്‌? ഇതാ ചില ഉദാഹ​ര​ണങ്ങൾ:

യു. എസ്‌. ഗവൺമെൻറ്‌ സിഗറ്റ​റവ​ലി​യെ “ഐക്യ​നാ​ടു​ക​ളി​ലെ രോഗ​ത്തി​ന്റെ​യും അകാല മരണത്തി​ന്റെ​യും വ്യക്തമാ​യും തടയാ​വുന്ന ഏറ്റം വലിയ ഒറ്റപ്പെട്ട കാരണം” എന്നു വിളി​ക്കു​ന്നു. പുകവ​ലി​ക്കുന്ന പുരു​ഷൻമാ​രി​ലെ കാൻസർ മരണങ്ങൾ പുകവ​ലി​ക്കാ​ത്ത​വ​രി​ലേ​തി​നേ​ക്കാൾ ആറിര​ട്ടി​യാണ്‌. ബൈബിൾ ഇങ്ങനെ പറയുന്നു: “നമുക്ക്‌ ജഡത്തി​ന്റെ​യും ആത്മാവി​ന്റെ​യും ഏതു മാലി​ന്യ​ത്തിൽ നിന്നും നമ്മെത്തന്നെ ശുദ്ധീ​ക​രി​ക്കാം.”(2 കൊരി​ന്ത്യർ 7:1) യഹോ​വ​യു​ടെ സാക്ഷികൾ ദീർഘ​നാ​ളാ​യി ഇതു പുകവ​ലി​ക്കും ബാധക​മാ​ക്കി​യി​ട്ടുണ്ട്‌. അങ്ങനെ, അവർ തങ്ങൾക്കു​തന്നെ ലോക​ത്തി​ലെ അതിഭീ​ക​ര​രോ​ഗ​ങ്ങ​ളി​ലൊ​ന്നി​ന്റെ ഒരു മുഖ്യ​കാ​ര​ണത്തെ അതിയാ​യി കുറച്ചി​രി​ക്കു​ന്നു.

മദ്യദു​രു​പ​യോ​ഗ​വും മദോൻമ​ത്ത​ത​യും കരൾവീ​ക്ക​ത്തി​നു മാത്രമല്ല, പോരാ​ട്ട​ങ്ങൾക്കും വാക്കു​തർക്ക​ങ്ങൾക്കും അക്രമ​ങ്ങൾക്കും മരണക​ര​മായ വാഹനാ​പ​ക​ട​ങ്ങ​ളാ​കുന്ന ഒരു ആധുനിക ബാധക്കും ഇടയാ​ക്കു​ന്നു. ഇവിടെ ബൈബിൾ സഹായ​മേ​കു​മോ?

“മദ്യപാ​നി​ക​ളോ . . . വാവി​ഷ്‌ഠാ​ണ​ക്കാ​രോ . . . ദൈവ​രാ​ജ്യം അവകാ​ശ​മാ​ക്കു​ക​യില്ല” എന്നു പറഞ്ഞു​കൊണ്ട്‌ അത്‌ മദ്യോ​പ​യോ​ഗ​ത്തി​ലെ മിതത്വം ഉപദേ​ശി​ക്കു​ന്നു. വീണ്ടും “വീഞ്ഞു പരിഹാ​സി​യും മത്തുപി​ടി​പ്പി​ക്കുന്ന മദ്യം കലഹക്കാ​ര​നു​മാ​കു​ന്നു, അതിനാൽ വഴിപി​ഴ​ച്ചു​പോ​കുന്ന ഒരുവ​നും ജ്ഞാനിയല്ല.”(1 കൊരി​ന്ത്യർ 6:9-11; സദൃശ​വാ​ക്യ​ങ്ങൾ 20:1) ആ ആരോ​ഗ്യ​ക​ര​മായ ബൈബിൾ ബുദ്ധി​യു​പ​ദേശം അർത്ഥവ​ത്താ​ണോ?

ഇന്നത്തെ യുവാ​ക്കൾക്കി​ട​യിൽ ലഹരി​മ​രു​ന്നു​ക​ളു​ടെ ദുരു​പ​യോ​ഗം ഒരു ഗുരു​ത​ര​മായ ആരോഗ്യ പ്രശ്‌ന​മാണ്‌. ആരോഗ്യ പ്രതി​സന്ധി 2000 ഇങ്ങനെ പ്രസ്‌താ​വി​ക്കു​ന്നു: “മയക്കു​മ​രു​ന്നി​ന്റെ തെറ്റായ വ്യാപാ​ര​ത്തി​നെ​തി​രെ നിയമം പ്രാബ​ല്യ​ത്തി​ലാ​ക്കാൻ ഒട്ടേറെ പണം ചെലവ​ഴി​ക്കു​ന്നു, അതേസ​മയം ഒന്നാമ​തു​തന്നെ നമ്മുടെ ദുർബ്ബ​ല​യു​വാ​ക്കളെ ആസക്തരാ​കു​ന്ന​തിൽനി​ന്നു തടയാൻ അൽപ്പം മാത്രമേ ചെലവി​ടു​ന്നു​ള്ളു.” യഹോ​വ​യു​ടെ സാക്ഷികൾ പുകയി​ലക്കു ബാധക​മാ​കുന്ന അതേ ബൈബി​ള​ധി​ഷ്‌ഠി​ത​ത​ത്വം മനസ്സിനെ കീഴ്‌പ്പെ​ടു​ത്തുന്ന മയക്കു​മ​രു​ന്നു​കൾക്കും ബാധക​മാ​ക്കു​ന്നു. (2 കൊരി​ന്ത്യർ 7:1) ഇത്‌ തങ്ങളുടെ മക്കളെ പഠിപ്പി​ച്ചു​കൊണ്ട്‌ മാതാ​പി​താ​ക്കൾ ഇതിൽ മാതൃക വെക്കുന്നു. ഇത്‌ ആദ്യം തന്നെ ആസക്തിയെ തടയു​ന്ന​തിൽ ബഹുദൂ​രം പോകു​ന്നു.

ഗൊ​ണോ​റി​യാ​യും എയ്‌ഡ്‌സും പോലെ ലൈം​ഗി​ക​മാ​യി പകരുന്ന രോഗങ്ങൾ ഒന്നില​ധി​കം ലൈം​ഗി​ക​പ​ങ്കാ​ളി​ക​ളു​ള്ള​വർക്ക്‌ വർദ്ധി​ച്ചു​വ​രുന്ന ഒരു ഭീഷണി​യാണ്‌. ഇതു സംബന്ധിച്ച്‌ ബൈബിൾ എന്തു പറയുന്നു? അത്‌ ലൈം​ഗി​ക​ദുർമ്മാർഗ്ഗത്തെ ശരിയാ​യി​ത്തന്നെ കുറ്റം വിധി​ക്കു​ന്നു. അത്‌ ഒരു ആയുഷ്‌ക്കാല പങ്കാളി​യു​മാ​യുള്ള വിവാ​ഹ​ത്തെ​യും ആ ആളി​നോ​ടുള്ള വിശ്വ​സ്‌ത​ത​യെ​യും പഠിപ്പി​ക്കു​ന്നു. അത്‌ ഇങ്ങനെ പറയുന്നു: “വിവാഹം എല്ലാവ​രു​ടെ​യും ഇടയിൽ മാന്യ​വും വിവാ​ഹശയ്യ നിർമ്മ​ല​വു​മാ​യി​രി​ക്കട്ടെ. എന്തു​കൊ​ണ്ടെ​ന്നാൽ ദുർവൃ​ത്ത​രെ​യും വ്യഭി​ചാ​രി​ക​ളെ​യും ദൈവം വിധി​ക്കും.” (എബ്രായർ 13:4) അത്‌ തുടർന്ന്‌ ഇങ്ങനെ പറയുന്നു: “ഇപ്പോൾ ജഡത്തിന്റെ പ്രവൃ​ത്തി​കൾ പ്രത്യ​ക്ഷ​മാണ്‌, അവ ദുർവൃ​ത്തി, അശുദ്ധി, അഴിഞ്ഞ നടത്ത . . . എന്നിവ​യാ​കു​ന്നു. ഈ വക പ്രവർത്തി​ച്ചു​കൊ​ണ്ടി​രി​ക്കു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല.”—ഗലാത്യർ 5:19-21; മത്തായി 5:32

സാരവ​ത്താ​യ അത്തരം ബൈബിൾ തത്വങ്ങൾ ഇന്നത്തെ പ്രശ്‌ന​പൂർണ്ണ​മായ ലോക​ത്തിൽ പോലും മെച്ചപ്പെട്ട ആരോ​ഗ്യ​ത്തി​ലേക്കു നയിക്കു​ന്നു. എന്നാൽ അവയ്‌ക്ക്‌ ശാശ്വ​ത​മായ രോഗ​ശാ​ന്തി നൽകാ​നാ​വില്ല. പിന്തു​ടർന്നു​വ​രുന്ന ലേഖന​ത്തി​ന്റെ വിഷയം ശാശ്വത രോഗ​ശാ​ന്തി എന്നതാണ്‌. (g87 5/8)

[7-ാം പേജിലെ ചിത്രങ്ങൾ]

“ഒന്നാമതു രോഗ​കാ​ര​ണ​ങ്ങ​ളെ​ത്തന്നെ തടയു​ന്ന​തി​നു​പ​കരം സയൻസും ഡോക്‌ടർമാ​രും ആശുപ​ത്രി​ക​ളും സൗഖ്യം വരുത്തു​മെ​ന്നുള്ള വിശ്വാ​സ​ത്തിൽ നാം നമ്മെത്തന്നെ മുറി​വേൽപ്പി​ച്ചി​രി​ക്കു​ന്നു.”—ആരോ​ഗ്യ​പ്ര​തി​സന്ധി 2000