സമ്മർദം അനുഭ​വി​ക്കുന്ന മാതാ​പി​താ​ക്കൾ

നവ മാതാ​പി​താ​ക്കൾ മിക്ക​പ്പോ​ഴും വലിയ ഉത്സാഹ​ത്തി​ലാ​യി​രി​ക്കും. തങ്ങളുടെ കുഞ്ഞിനെ സംബന്ധി​ക്കുന്ന എന്തും അവരെ പുളകം കൊള്ളി​ക്കു​ന്നു. കുഞ്ഞിന്റെ ആദ്യത്തെ പുഞ്ചിരി, ആദ്യത്തെ വാക്കുകൾ, ആദ്യത്തെ പിച്ച​വെ​പ്പു​കൾ എല്ലാം ധന്യമു​ഹൂർത്ത​ങ്ങ​ളാണ്‌. കഥകൾ പറഞ്ഞും ഫോ​ട്ടോ​കൾ കാട്ടി​യും അവർ സുഹൃ​ത്തു​ക്ക​ളെ​യും ബന്ധുക്ക​ളെ​യും രസിപ്പി​ക്കു​ന്നു. അവർ തങ്ങളുടെ കുട്ടിയെ സ്‌നേ​ഹി​ക്കു​ന്നു എന്നതിൽ സംശയ​മില്ല.

എങ്കിലും വർഷങ്ങൾ കടന്നു​പോ​കവേ, ചില കുടും​ബ​ങ്ങ​ളിൽ ദുരന്തം തലപൊ​ക്കു​ന്നു. മാതാ​പി​താ​ക്ക​ളു​ടെ ലാളനകൾ പരുഷ​മായ കുത്തു​വാ​ക്കു​കൾക്കും, വാത്സല്യ​ത്തോ​ടെ​യുള്ള ആലിം​ഗ​നങ്ങൾ കോപ​ത്തോ​ടെ​യുള്ള പ്രഹര​ങ്ങൾക്കും വഴിമാ​റു​ന്നു. അല്ലെങ്കിൽ അവർ കുട്ടിയെ സ്‌പർശി​ക്കു​ക​പോ​ലും ചെയ്യാ​താ​കു​ന്നു. മാതാ​പി​താ​ക്ക​ളു​ടെ അഭിമാ​നം വിദ്വേ​ഷ​മാ​യി മാറുന്നു. “എനിക്ക്‌ കുട്ടികൾ ഉണ്ടാ​കേ​ണ്ടാ​യി​രു​ന്നു,” പലരും പറയു​ന്നത്‌ അങ്ങനെ​യാണ്‌. മറ്റു ചില കുടും​ബ​ങ്ങ​ളി​ലാ​കട്ടെ, സ്ഥിതി​ഗ​തി​കൾ അതിലും വഷളാണ്‌—മകനോ മകളോ കുഞ്ഞാ​യി​രു​ന്ന​പ്പോൾപ്പോ​ലും മാതാ​പി​താ​ക്കൾ സ്‌നേഹം കാട്ടി​യി​രു​ന്നില്ല! രണ്ടു സാഹച​ര്യ​ങ്ങ​ളി​ലും എന്താണു സംഭവി​ച്ചത്‌? സ്‌നേഹം എവി​ടെ​യാണ്‌?

അത്തരം ചോദ്യ​ങ്ങൾക്ക്‌ ഉത്തരം കണ്ടെത്താ​നുള്ള കഴിവ്‌ കുട്ടി​കൾക്കില്ല എന്നുള്ളതു ശരിതന്നെ. എങ്കിലും അവർ തങ്ങളു​ടേ​തായ നിഗമ​ന​ങ്ങ​ളിൽ എത്തി​ച്ചേ​രു​ക​തന്നെ ചെയ്യും. ഉള്ളി​ന്റെ​യു​ള്ളിൽ ഒരു കുട്ടി നിഗമനം ചെയ്യു​ന്നത്‌ ഇങ്ങനെ​യാ​യി​രി​ക്കും: ‘എനി​ക്കെ​ന്തോ കുഴപ്പ​മു​ള്ള​തു​കൊ​ണ്ടാണ്‌ മമ്മിയും ഡാഡി​യും എന്നെ സ്‌നേ​ഹി​ക്കാ​ത്തത്‌. ഞാൻ ഒരു ചീത്ത കുട്ടി​യാ​യി​രി​ക്കും.’ ഈ ധാരണ, ജീവി​ത​ത്തിൽ എല്ലാത്ത​ര​ത്തി​ലുള്ള പ്രശ്‌ന​ങ്ങൾക്കും വഴി​തെ​ളി​ച്ചേ​ക്കാ​വു​ന്ന​വി​ധം കുട്ടി​യു​ടെ മനസ്സിൽ ആഴത്തിൽ വേരു​റ​ച്ചേ​ക്കാം.

എന്നാൽ, മാതാ​പി​താ​ക്കൾ കുട്ടി​കൾക്ക്‌ ആവശ്യ​മായ സ്‌നേഹം നൽകാ​തി​രു​ന്നേ​ക്കാ​വു​ന്ന​തി​നു പല കാരണ​ങ്ങ​ളുണ്ട്‌ എന്നതാണു സത്യം. മാതാ​പി​താ​ക്കൾ ഇന്നു വളരെ, ഒരുപക്ഷേ മുമ്പൊ​രി​ക്ക​ലും ഉണ്ടായി​ട്ടി​ല്ലാത്ത അളവിൽ, സമ്മർദം അനുഭ​വി​ക്കു​ന്നു​ണ്ടെ​ന്നതു സമ്മതിച്ചേ മതിയാ​കൂ. ഈ സമ്മർദ​ങ്ങളെ ഉചിത​മാ​യി കൈകാ​ര്യം ചെയ്യാൻ തയ്യാറാ​യി​ട്ടി​ല്ലാത്ത മാതാ​പി​താ​ക്കളെ സംബന്ധി​ച്ചി​ട​ത്തോ​ളം അവ, മാതാ​പി​താ​ക്ക​ളെന്ന നിലയി​ലുള്ള അവരുടെ ഉത്തരവാ​ദി​ത്വ​ങ്ങളെ പ്രതി​കൂ​ല​മാ​യി ബാധി​ച്ചേ​ക്കാം. ജ്ഞാനപൂർവ​ക​മായ ഒരു പുരാതന പഴമൊ​ഴി പറയു​ന്നത്‌ ഇങ്ങനെ​യാണ്‌: “മർദ്‌ദനം ജ്ഞാനിയെ ഭോഷ​നാ​ക്കും.”—സഭാ​പ്ര​സം​ഗി 7:7, പി.ഒ.സി. ബൈ.

“ദുർഘ​ട​സ​മ​യങ്ങൾ”

ഒരു ആദർശ യുഗം. ഈ നൂറ്റാ​ണ്ടിൽ അങ്ങനെ​യൊന്ന്‌ ഉണ്ടാകു​മെ​ന്നാ​ണു പലരും പ്രതീ​ക്ഷി​ച്ചി​രു​ന്നത്‌. സാമ്പത്തിക ക്ലേശങ്ങൾ, ക്ഷാമങ്ങൾ, വരൾച്ചകൾ, യുദ്ധങ്ങൾ എന്നിവ മേലാൽ ഇല്ലാതി​രി​ക്കു​ന്ന​താ​യി സങ്കൽപ്പി​ക്കുക! എന്നാൽ അത്തരം പ്രതീ​ക്ഷ​ക​ളൊ​ക്കെ സാക്ഷാ​ത്‌ക​രി​ക്ക​പ്പെ​ടാ​തെ പോയി​രി​ക്കു​ന്നു. പകരം, ഇന്നത്തെ ലോകം പൊ.യു. ഒന്നാം നൂറ്റാ​ണ്ടി​ലെ ഒരു ബൈബി​ളെ​ഴു​ത്തു​കാ​രൻ പ്രവചി​ച്ച​തു​പോ​ലെ​യാ​യി​ത്തീർന്നി​രി​ക്കു​ന്നു. നമ്മുടെ നാളു​ക​ളിൽ നാം “ദുർഘ​ട​സമയ”ങ്ങളെ നേരി​ടു​മെന്ന്‌ അവൻ എഴുതി. (2 തിമൊ​ഥെ​യൊസ്‌ 3:1-5) മിക്ക മാതാ​പി​താ​ക്ക​ളും ആ വാക്കുകൾ മടി കൂടാതെ സമ്മതി​ക്കും.

നവ മാതാ​പി​താ​ക്ക​ളിൽ പലരും മിക്ക​പ്പോ​ഴും തങ്ങളുടെ കുട്ടി​കളെ ഇന്നത്തെ ലോക​ത്തിൽ വളർത്തു​ന്ന​തി​നുള്ള ഉയർന്ന ചെലവു കണ്ട്‌ പരി​ഭ്രാ​ന്ത​രാ​കു​ന്നു. രണ്ടറ്റവും കൂട്ടി​മു​ട്ടി​ക്കാൻ മിക്ക​പ്പോ​ഴും മാതാ​വും പിതാ​വും ജോലി ചെയ്യണം. ചികിത്സ, വസ്‌ത്രം, വിദ്യാ​ഭ്യാ​സം, ശിശു​പ​രി​പാ​ലനം, ഭക്ഷണം, പാർപ്പി​ടം, എന്നിവ​യ്‌ക്കാ​യി മാസം​തോ​റും വലി​യൊ​രു തുകതന്നെ ചെലവാ​ക്കേ​ണ്ട​തുണ്ട്‌. പല മാതാ​പി​താ​ക്കൾക്കും തങ്ങൾ നിലയി​ല്ലാ കയത്തിൽ മുങ്ങി​ത്താ​ഴു​ന്ന​തു​പോ​ലെ തോന്നു​ന്നു. ഇന്നത്തെ സാമ്പത്തി​കാ​വസ്ഥ ബൈബിൾ വിദ്യാർഥി​കളെ ഓർമി​പ്പി​ക്കു​ന്നത്‌, അന്നന്നത്തെ ആവശ്യ​ങ്ങൾക്ക്‌ ആളുകൾ തങ്ങളുടെ ദിവസ​വേ​തനം മുഴുവൻ ചെലവാ​ക്കേണ്ടി വരുന്ന ഒരു കാല​ത്തെ​ക്കു​റി​ച്ചുള്ള വെളി​പ്പാ​ടി​ലെ പ്രവച​ന​ത്തെ​യാണ്‌!—വെളി​പ്പാ​ടു 6:6.

മാതാ​പി​താ​ക്കൾ നേരി​ടുന്ന ഈ സമ്മർദങ്ങൾ മുഴുവൻ കുട്ടി​കൾക്കു മനസ്സി​ലാ​കു​മെന്നു പ്രതീ​ക്ഷി​ക്കാ​നാ​വില്ല. അതേ, കുട്ടികൾ പ്രകൃ​ത്യാ എന്തും ആവശ്യ​പ്പെ​ടു​ന്ന​വ​രും സ്‌നേ​ഹ​ത്തി​നും ശ്രദ്ധയ്‌ക്കും​വേണ്ടി ദാഹി​ക്കു​ന്ന​വ​രു​മാണ്‌. ഏറ്റവും പുതിയ കളിപ്പാ​ട്ടങ്ങൾ, വസ്‌ത്രങ്ങൾ, ഇലക്‌​ട്രോ​ണിക്‌ ഉപകര​ണങ്ങൾ എന്നിവ വാങ്ങി​ക്കൂ​ട്ടാൻ മാധ്യ​മ​ങ്ങ​ളും സഹപാ​ഠി​ക​ളും അവരു​മേൽ സമ്മർദം ചെലു​ത്തു​ന്ന​തു​കൊണ്ട്‌ മിക്ക​പ്പോ​ഴും അവർ ആവശ്യ​ങ്ങ​ളു​ടെ ഒരു നീണ്ട പട്ടിക​യു​മാ​യി മാതാ​പി​താ​ക്കളെ ബുദ്ധി​മു​ട്ടി​ക്കു​ന്നു.

ഇക്കാലത്തു കൂടുതൽ വഷളാ​യി​ക്കൊ​ണ്ടി​രി​ക്കുന്ന, മാതാ​പി​താ​ക്കൾ നേരി​ടുന്ന മറ്റൊരു സമ്മർദ​മാണ്‌ മത്സരമ​നോ​ഭാ​വം. ശ്രദ്ധേ​യ​മാ​യി, നാമിന്നു ജീവി​ക്കുന്ന വിക്ഷുബ്ധ നാളു​ക​ളു​ടെ മറ്റൊരു സൂചന​യാ​യി ബൈബിൾ പ്രവചി​ച്ചതു കുട്ടി​ക​ളു​ടെ വ്യാപ​ക​മായ അനുസ​ര​ണ​ക്കേ​ടി​നെ​യാണ്‌. (2 തിമൊ​ഥെ​യൊസ്‌ 3:2) കുട്ടി​ക​ളു​ടെ അച്ചടക്ക​സം​ബ​ന്ധ​മായ പ്രശ്‌നങ്ങൾ പുത്തരി​യല്ല എന്നതു ശരിതന്നെ. കുട്ടി​യു​ടെ ദുഷ്‌പെ​രു​മാ​റ്റം നിമിത്തം അവനെ ദ്രോ​ഹി​ക്കു​ന്നതു മാതാ​പി​താ​ക്കളെ സംബന്ധി​ച്ചി​ട​ത്തോ​ളം ഉചിത​മാ​യി​രി​ക്കു​ക​യില്ല. എന്നാൽ മത്സരമ​നോ​ഭാ​വം നിറഞ്ഞു​നിൽക്കുന്ന ഒരു പരിസ്ഥി​തി​യിൽ മാതാ​പി​താ​ക്കൾക്കു കുട്ടി​കളെ ഇന്നു വളർത്തേ​ണ്ടി​വ​രു​ന്നു എന്നുള്ള​തി​നോ​ടു നിങ്ങൾ യോജി​ക്കു​ന്നി​ല്ലേ? വിദ്വേ​ഷം, ധിക്കാരം, ഇച്ഛാഭം​ഗം എന്നിവയെ പ്രോ​ത്സാ​ഹി​പ്പി​ക്കുന്ന പ്രചാ​ര​മേ​റിയ സംഗീതം; മാതാ​പി​താ​ക്കളെ പമ്പര വിഡ്‌ഢി​ക​ളാ​യും കുട്ടി​കളെ മിടു​മി​ടു​ക്ക​ന്മാ​രാ​യും ചിത്രീ​ക​രി​ക്കുന്ന ടിവി പരിപാ​ടി​കൾ; അക്രമാ​സക്ത ഉൾ​പ്രേ​ര​ണ​കൾക്കു വശംവ​ദ​രാ​കു​ന്ന​തി​നെ പാടി​പ്പു​ക​ഴ്‌ത്തുന്ന ചലച്ചി​ത്രങ്ങൾ—ഇത്തരത്തി​ലുള്ള കാര്യ​ങ്ങ​ളാണ്‌ ഇന്നു കുട്ടി​കളെ സ്വാധീ​നി​ക്കു​ന്നത്‌. മത്സരമ​നോ​ഭാ​വ​ത്തി​ന്റേ​തായ ഇത്തരം പെരു​മാ​റ്റങ്ങൾ ഉൾക്കൊണ്ട്‌ അതനു​ക​രി​ക്കുന്ന കുട്ടികൾ മാതാ​പി​താ​ക്കൾക്കു വലിയ തലവേ​ദ​ന​യാ​യി​രി​ക്കും.

“സ്വാഭാ​വിക പ്രിയ​മി​ല്ലാ​ത്തവർ”

ഇന്നത്തെ കുടും​ബ​ങ്ങൾക്കു കൂടുതൽ കുഴപ്പങ്ങൾ വരുത്തി​വെ​ക്കുന്ന, മുൻകൂ​ട്ടി​പ്പ​റ​യ​പ്പെ​ട്ടി​രി​ക്കുന്ന മറ്റൊരു വശവും ഇതേ പുരാതന പ്രവച​ന​ത്തി​നുണ്ട്‌. ഒട്ടേറെ ആളുകൾ “സ്വാഭാ​വിക പ്രിയ​മി​ല്ലാ​ത്തവർ” ആയിരി​ക്കു​മെന്ന്‌ അതു സൂചി​പ്പി​ക്കു​ന്നു. (2 തിമൊ​ഥെ​യൊസ്‌ 3:3, NW) കുടും​ബത്തെ ഒറ്റക്കെ​ട്ടാ​ക്കി നിർത്തു​ന്നതു സ്വാഭാ​വിക പ്രിയ​മാണ്‌. ബൈബിൾ പ്രവച​നത്തെ സംശയ​ദൃ​ഷ്ടി​യോ​ടെ വീക്ഷി​ക്കു​ന്ന​വർപോ​ലും നമ്മുടെ നാളു​ക​ളിൽ ഞെട്ടി​ക്കുന്ന വിധത്തിൽ കുടും​ബ​ജീ​വി​തം തകർന്നു​കൊ​ണ്ടി​രി​ക്കു​ക​യാ​ണെന്നു സമ്മതി​ക്കേ​ണ്ടി​വ​രും. ലോക​മൊ​ട്ടാ​കെ വിവാ​ഹ​മോ​ചന നിരക്ക്‌ കുതി​ച്ചു​യർന്നി​രി​ക്കു​ന്നു. പല സമുദാ​യ​ങ്ങ​ളി​ലും മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ങ്ങ​ളും രണ്ടാന​ച്ഛ​ന​മ്മ​മാ​രുള്ള കുടും​ബ​ങ്ങ​ളും പരമ്പരാ​ഗത കുടും​ബ​ങ്ങ​ളെ​ക്കാൾ സർവസാ​ധാ​ര​ണ​മാ​യി​ത്തീർന്നി​രി​ക്കു​ന്നു. ഒറ്റയ്‌ക്കുള്ള മാതാ​വോ പിതാ​വോ രണ്ടാന​ച്ഛ​ന​മ്മ​മാ​രോ ചില​പ്പോൾ കുട്ടി​കൾക്കാ​വ​ശ്യ​മായ സ്‌നേഹം കാണി​ക്കാൻ ബുദ്ധി​മു​ട്ടു​ള​വാ​ക്കുന്ന, പ്രത്യേക തരത്തി​ലുള്ള വെല്ലു​വി​ളി​ക​ളും സമ്മർദ​ങ്ങ​ളും അഭിമു​ഖീ​ക​രി​ച്ചേ​ക്കാം.

എങ്കിലും ഇതിന്‌ ശക്തമായ സ്വാധീ​ന​മു​ണ്ടാ​യേ​ക്കാം. ഇന്നത്തെ പല മാതാ​പി​താ​ക്ക​ളും ‘വാത്സല്യം’ കുറവു​ള്ള​തോ തീരെ​യി​ല്ലാ​ത്ത​തോ ആയ ഭവനങ്ങ​ളിൽ—വ്യഭി​ചാ​ര​വും വിവാ​ഹ​മോ​ച​ന​വും നിമിത്തം തകർന്നു​പോയ ഭവനങ്ങ​ളിൽ; നിസ്സം​ഗ​ത​യും വിദ്വേ​ഷ​വും നിറഞ്ഞ ഭവനങ്ങ​ളിൽ; ഒരുപക്ഷേ ചീത്തവി​ളി​ക​ളോ വൈകാ​രി​ക​മോ ശാരീ​രി​ക​മോ ലൈം​ഗി​ക​മോ ആയ ദുഷ്‌പെ​രു​മാ​റ്റ​ങ്ങ​ളോ സർവസാ​ധാ​ര​ണ​മാ​യി​രുന്ന ഭവനങ്ങ​ളിൽ—ആണ്‌ വളർന്നു​വ​ന്നി​രി​ക്കു​ന്നത്‌. അത്തരം ഭവനങ്ങ​ളിൽ വളർന്നു​വ​രു​ന്നത്‌, കുട്ടി​യാ​യി​രി​ക്കു​മ്പോ​ഴും മുതിർന്നു​ക​ഴി​യു​മ്പോ​ഴും, നാശക ഫലങ്ങൾ ഉളവാ​ക്കി​യേ​ക്കാം. സ്ഥിതി​വി​വ​ര​ക്ക​ണ​ക്കു​കൾ കാണി​ക്കു​ന്നത്‌ ഒരു ഇരുണ്ട ഭാവി​യാണ്‌—കുട്ടി​ക​ളാ​യി​രി​ക്കെ ദുഷ്‌പെ​രു​മാ​റ്റ​ങ്ങൾക്കു വിധേ​യ​രായ മാതാ​പി​താ​ക്കൾ തങ്ങളുടെ മക്കളോ​ടും അത്തരത്തിൽത്തന്നെ പെരു​മാ​റാ​നുള്ള സാധ്യ​ത​യുണ്ട്‌. ബൈബിൾ കാലങ്ങ​ളിൽ യഹൂദ​ന്മാ​രു​ടെ ഇടയിൽ ഒരു ചൊല്ലു​ണ്ടാ​യി​രു​ന്നു: “അപ്പന്മാർ പച്ചമു​ന്തി​രി​ങ്ങാ തിന്നു മക്കളുടെ പല്ലു പുളിച്ചു.”—യെഹെ​സ്‌കേൽ 18:2.

എങ്കിലും കാര്യങ്ങൾ അത്തരത്തി​ലാ​യി​രി​ക്കേ​ണ്ട​തി​ല്ലെന്നു ദൈവം തന്റെ ജനത്തോ​ടു പറഞ്ഞു. (യെഹെ​സ്‌കേൽ 18:3) സുപ്ര​ധാ​ന​മായ ഒരാശയം ഇവിടെ മനസ്സി​ലാ​ക്കണം. മാതാ​പി​താ​ക്ക​ളു​ടെ​മേൽ ഇത്തരം സമ്മർദ​ങ്ങ​ളു​ള്ള​തു​കൊണ്ട്‌ അവർ തങ്ങളുടെ മക്കളോ​ടു നിന്ദ്യ​മാ​യി പെരു​മാ​റ​ണ​മെന്ന്‌ അർഥമാ​ക്കു​ന്നു​ണ്ടോ? തീർച്ച​യാ​യും ഇല്ല! നിങ്ങൾ ഒരു മാതാ​വോ പിതാ​വോ ആണെന്നി​രി​ക്കട്ടെ. നേരത്തെ പ്രതി​പാ​ദിച്ച ചില സമ്മർദ​ങ്ങ​ളോ​ടു നിങ്ങൾ മല്ലിടു​ക​യാ​ണെ​ങ്കിൽ, എന്നെങ്കി​ലും ഒരു നല്ല മാതാ​വോ പിതാ​വോ ആയിരി​ക്കാൻ കഴിയു​മോ എന്നു നിങ്ങൾ വ്യാകു​ല​പ്പെ​ടു​ന്നു​ണ്ടെ​ങ്കിൽ, ധൈര്യ​മാ​യി​രി​ക്കുക! നിങ്ങൾ അക്കൂട്ട​ത്തിൽ ഒരാളാ​യി​രി​ക്ക​ണ​മെ​ന്നില്ല. ഗതകാലം യാന്ത്രി​ക​മാ​യി നിങ്ങളു​ടെ ഭാവിയെ നിർണ​യി​ക്കു​ന്നില്ല.

അഭിവൃ​ദ്ധി​പ്പെ​ടാൻ സാധി​ക്കു​മെന്ന തിരു​വെ​ഴു​ത്തു​പ​ര​മായ ഉറപ്പി​നോ​ടുള്ള യോജി​പ്പിൽ ഹെൽത്തി പേരൻറിങ്‌ എന്ന പുസ്‌തകം ഇപ്രകാ​രം അഭി​പ്രാ​യ​പ്പെ​ടു​ന്നു: “നിങ്ങളു​ടെ മാതാ​പി​താ​ക്കൾ പെരു​മാ​റി​യി​രു​ന്ന​തിൽനി​ന്നു വ്യത്യ​സ്‌ത​മാ​യി പെരു​മാ​റാൻ [നിങ്ങൾ] മനപ്പൂർവ ശ്രമം ചെയ്യു​ന്നി​ല്ലെ​ങ്കിൽ നിങ്ങൾ ആഗ്രഹി​ച്ചാ​ലും ഇല്ലെങ്കി​ലും നിങ്ങളു​ടെ ബാല്യ​കാല മാതൃ​കകൾ ആവർത്തി​ക്ക​പ്പെ​ടു​ക​തന്നെ ചെയ്യും. ഈ പരിവൃ​ത്തി ഭേദി​ക്കാൻ നിങ്ങൾ നിലനിർത്തി​പ്പോ​രുന്ന അനാ​രോ​ഗ്യ​ക​ര​മായ മാതൃ​ക​ക​ളെ​ക്കു​റി​ച്ചു ബോധ​മു​ള്ള​വ​രാ​യി​രി​ക്കു​ക​യും അവ എങ്ങനെ മാറ്റാ​നാ​കു​മെന്നു പഠിക്കു​ക​യും വേണം.”

അതേ, ആവശ്യ​മായ സ്‌നേ​ഹ​വും ലാളന​യും നൽകാതെ കുട്ടി​കളെ വളർത്തി​ക്കൊ​ണ്ടു​വ​രുന്ന ആ പരിവൃ​ത്തി ഭേദി​ക്കാൻ വേണ​മെ​ങ്കിൽ നിങ്ങൾക്കു സാധി​ക്കും! ഇക്കാലത്തു കുട്ടി​കളെ വളർത്തി​ക്കൊ​ണ്ടു​വ​രു​ന്നതു പ്രയാ​സ​ക​ര​മാ​ക്കി​ത്തീർക്കുന്ന സമ്മർദങ്ങൾ കൈകാ​ര്യം ചെയ്യാ​നും നിങ്ങൾക്കു കഴിയും. എന്നാൽ എങ്ങനെ? കുട്ടി​കളെ ആരോ​ഗ്യ​ക​ര​മായ രീതി​ക​ളിൽ വളർത്തി​ക്കൊ​ണ്ടു​വ​രു​ന്ന​തി​നുള്ള ഏറ്റവും നല്ലതും ആശ്രയ​യോ​ഗ്യ​വു​മായ നിലവാ​രങ്ങൾ എവി​ടെ​നി​ന്നു പഠിക്കാ​നാ​കും? ഞങ്ങളുടെ അടുത്ത ലേഖനം ഈ വിഷയം ചർച്ച​ചെ​യ്യും.

[6-ാം പേജിലെ ചിത്രം]

സമ്മർദത്തിൻ കീഴി​ലാ​യി​രി​ക്കു​മ്പോൾ ചില മാതാ​പി​താ​ക്കൾ മക്കളോ​ടു സ്‌നേഹം കാണി​ക്കാൻ പരാജ​യ​പ്പെ​ടു​ന്നു

[7-ാം പേജിലെ ചിത്രം]

മക്കൾക്കാവശ്യമായ സ്‌നേഹം മാതാ​പി​താ​ക്കൾ പ്രകടി​പ്പി​ക്ക​ണം