‘ദൈവ​ത്തി​ന്റെ വചനം ശക്തി​ചെ​ലു​ത്തു​ന്നു’

¹ “ദൈവ​ത്തി​ന്റെ വചനം ജീവനു​ള്ള​തും ശക്തി​ചെ​ലു​ത്തു​ന്ന​തും” ആണെന്ന്‌ അപ്പൊ​സ്‌ത​ല​നായ പൗലൊസ്‌ എഴുതി. (എബ്രാ. 4:12, NW) അതിനാൽ അവൻ എന്താണ്‌ അർഥമാ​ക്കി​യത്‌? ബൈബി​ളിൽ കാണുന്ന ദൈവ​ത്തി​ന്റെ വാക്കു​കൾക്ക്‌ അഥവാ സന്ദേശ​ത്തിന്‌ ആളുക​ളിൽ ശക്തമായ സ്വാധീ​നം ചെലു​ത്താൻ കഴിയും. ബൈബി​ളിൽ അടങ്ങി​യി​രി​ക്കുന്ന ജ്ഞാനത്തിന്‌ ഒരുവന്റെ ജീവി​തത്തെ മെച്ച​പ്പെ​ട്ട​താ​ക്കി മാറ്റാ​നുള്ള ശക്തിയുണ്ട്‌. അതു വാഗ്‌ദാ​നം ചെയ്യുന്ന ആശ്വാ​സ​വും പ്രത്യാ​ശ​യും ജീവദാ​താ​വായ യഹോ​വ​യാം ദൈവ​ത്തി​ലേക്ക്‌ ആളുകളെ ആകർഷി​ക്കു​ന്നു. അതിലെ സന്ദേശ​ത്തിന്‌ ആത്മാർഥ ഹൃദയ​രായ ആളുകളെ നിത്യ​ജീ​വന്റെ പാതയി​ലേക്കു നയിക്കാൻ കഴിയും. എന്നാൽ ഇതു സാധ്യ​മാ​കു​ന്ന​തിന്‌, മറ്റുള്ള​വ​രോ​ടു സാക്ഷീ​ക​രി​ക്കു​മ്പോൾ നാം ബൈബിൾ ഉപയോ​ഗി​ക്കേ​ണ്ട​തുണ്ട്‌.

² എല്ലാ അവസര​ങ്ങ​ളി​ലും ഒരു തിരു​വെ​ഴു​ത്തു വായി​ക്കുക: വീട്ടു​വാ​തിൽക്കൽ ബൈബിൾ ഉപയോ​ഗി​ക്കുന്ന രീതി പല പ്രസാ​ധ​കർക്കും ഇല്ലാതാ​യി​രി​ക്കു​ന്ന​താ​യി തോന്നു​ന്നു. നിങ്ങളു​ടെ കാര്യ​ത്തിൽ അതു ശരിയാ​ണോ? അനേകർക്കും ദീർഘ​മായ സംഭാ​ഷ​ണ​ത്തി​നു സമയമി​ല്ലാ​യി​രി​ക്കാം എന്നതി​നാൽ സാഹി​ത്യം മാത്രം കാണി​ക്കു​ക​യോ ഒരു തിരു​വെ​ഴു​ത്തു വെറുതെ പരാമർശി​ക്കു​ക​യോ ചെയ്യുന്ന രീതി നിങ്ങൾ അവലം​ബി​ച്ചി​ട്ടു​ണ്ടാ​കാം. സുവാർത്ത അവതരി​പ്പി​ക്കു​മ്പോൾ കുറഞ്ഞ​പക്ഷം ഒരു തിരു​വെ​ഴു​ത്തെ​ങ്കി​ലും വായി​ക്കു​ന്ന​തിന്‌ നല്ല ശ്രമം ചെയ്യാൻ എല്ലാ പ്രസാ​ധ​ക​രെ​യും ഞങ്ങൾ പ്രോ​ത്സാ​ഹി​പ്പി​ക്കു​ന്നു. അങ്ങനെ​യാ​കു​മ്പോൾ നമ്മുടെ ദൂത്‌ വാസ്‌ത​വ​ത്തിൽ ബൈബി​ളിൽനിന്ന്‌ ഉള്ളതാ​ണെന്ന്‌ ആളുകൾക്കു മനസ്സി​ലാ​കും.

³ ചുരുക്കം പേർക്കേ ബൈബിൾ വായി​ക്കുന്ന ശീലമു​ള്ളൂ എങ്കിലും ആളുകൾ പൊതു​വേ ബൈബി​ളി​നെ ആദരി​ക്കു​ന്നുണ്ട്‌. ദൈവ​വ​ച​ന​ത്തിൽനി​ന്നു നേരിട്ടു വായി​ക്കുന്ന സന്ദേശം ശ്രദ്ധി​ക്കു​ന്ന​തിന്‌, തിരക്കു​ള്ള​വർപോ​ലും മിക്ക​പ്പോ​ഴും ഒന്നു രണ്ടു നിമിഷം നിന്നു​ത​രാൻ തയ്യാറാ​കും. ഉചിത​മായ തിരു​വെ​ഴുത്ത്‌ ഊഷ്‌മ​ള​ത​യോ​ടെ വായിച്ച്‌ ഹ്രസ്വ​മാ​യി വിശദീ​ക​രി​ക്കു​മ്പോൾ, കേൾവി​ക്കാ​ര​നിൽ യഹോ​വ​യു​ടെ വചനത്തിന്‌ നല്ലൊരു സ്വാധീ​നം ചെലു​ത്താ​നാ​കും. എന്നാൽ നിങ്ങൾ പറയുന്ന ആദ്യ വാചക​ങ്ങളെ വായി​ക്കാൻ പോകുന്ന തിരു​വെ​ഴു​ത്തു​മാ​യി എങ്ങനെ ബന്ധിപ്പി​ക്കാൻ കഴിയും?

⁴ മാസികാ വേലയിൽ ഇതു പരീക്ഷി​ക്കുക: മാസികാ വേലയിൽ ഏർപ്പെ​ടു​മ്പോൾ ഒരു സഞ്ചാര മേൽവി​ചാ​രകൻ തിരു​വെ​ഴു​ത്തു​കൾ ഫലകര​മാ​യി ഉപയോ​ഗി​ക്കു​ന്നു. അദ്ദേഹ​ത്തി​ന്റെ പോക്ക​റ്റിൽ ഒരു ചെറിയ ബൈബി​ളു​ണ്ടാ​കും. മാസിക കാണിച്ച്‌ അതിലെ ഒരു ലേഖനം ഹ്രസ്വ​മാ​യി വിശേ​ഷ​വ​ത്‌ക​രിച്ച ശേഷം ഒരു മടിയും കൂടാതെ അദ്ദേഹം ബൈബിൾ തുറന്ന്‌, ആ ലേഖന​വു​മാ​യി ബന്ധപ്പെട്ട ഒരു തിരു​വെ​ഴു​ത്തു വായി​ക്കു​ന്നു. ഇതു വളരെ ലളിത​മാ​യി ചെയ്യാ​വു​ന്ന​താണ്‌. “പ്രോ​ത്സാ​ഹ​ജ​ന​ക​മായ ഈ വാഗ്‌ദാ​നത്തെ കുറിച്ചു നിങ്ങൾക്ക്‌ എന്തു തോന്നു​ന്നു?” എന്നു ചോദി​ച്ച​ശേഷം തിര​ഞ്ഞെ​ടുത്ത ഒരു തിരു​വെ​ഴു​ത്തു വായി​ക്കുക.

⁵ ഓരോ കേൾവി​ക്കാ​ര​നെ​യും ബൈബി​ളിൽനിന്ന്‌ ഒന്നോ രണ്ടോ വാക്യം വായിച്ചു കേൾപ്പി​ക്കാൻ ലക്ഷ്യം വെക്കുക. കൂടുതൽ ആളുകളെ ദൈവ​ത്തി​ലേക്ക്‌ അടുപ്പി​ക്കു​ന്ന​തി​നുള്ള വഴി തുറക്കാൻ അതിന്റെ പ്രേരക ശക്തിക്കു കഴിയും.—യോഹ. 6:44.