ദൈവ​ത്തി​ന്റെ പ്രവാ​ച​കൻമാ​രെ മാതൃ​ക​യാ​യി സ്വീക​രി​ക്കു​ക

“സഹോ​ദ​രരേ, കർത്താ​വി​ന്റെ നാമത്തിൽ സംസാ​രിച്ച പ്രവാ​ച​കരെ സഹനത്തി​ന്നും ക്ഷമയ്‌ക്കും മാതൃ​ക​യാ​യി സ്വീക​രി​ക്കുക.”—യാക്കോബ്‌ 5:10, ഓശാന ബൈബിൾ.

1. പീഡി​പ്പി​ക്ക​പ്പെ​ടു​മ്പോൾപോ​ലും സന്തോ​ഷ​മു​ള്ള​വ​രാ​യി​രി​ക്കാൻ യഹോ​വ​യു​ടെ ദാസൻമാ​രെ സഹായി​ക്കു​ന്നത്‌ എന്ത്‌?

ഈ അന്ത്യനാ​ളു​ക​ളിൽ ലോകം മുഴുവൻ ഇരുൾമൂ​ടി കിടക്കു​മ്പോ​ഴും യഹോ​വ​യു​ടെ ദാസൻമാർ സന്തോ​ഷ​കി​ര​ണങ്ങൾ പ്രസരി​പ്പി​ക്കു​ന്നു. തങ്ങൾ ദൈവത്തെ സന്തോ​ഷി​പ്പി​ക്കു​ന്നു എന്ന്‌ അവർ അറിയു​ന്നു​വെ​ന്ന​താണ്‌ ഇതിനു കാരണം. കൂടാതെ, യഹോ​വ​യു​ടെ സാക്ഷികൾ തങ്ങളുടെ പരസ്യ​ശു​ശ്രൂ​ഷ​യോ​ടുള്ള പീഡന​വും എതിർപ്പും സഹിക്കു​ന്നു. കാരണം, നീതി​നി​മി​ത്ത​മാണ്‌ തങ്ങൾ കഷ്ടം സഹി​ക്കേ​ണ്ടി​വ​രു​ന്ന​തെന്ന്‌ അവർക്ക​റി​യാം. യേശു തന്റെ അനുഗാ​മി​ക​ളോ​ടു പറഞ്ഞു: “നീതി​നി​മി​ത്തം ഉപദ്ര​വി​ക്ക​പ്പെ​ടു​ന്നവർ ഭാഗ്യ​വാൻമാർ [“സന്തുഷ്ടർ,” NW]; സ്വർഗ്ഗ​രാ​ജ്യം അവർക്കു​ള്ളതു. എന്റെ നിമിത്തം നിങ്ങളെ പഴിക്ക​യും ഉപദ്ര​വി​ക്ക​യും നിങ്ങ​ളെ​ക്കൊ​ണ്ടു എല്ലാ തിൻമ​യും കളവായി പറകയും ചെയ്യു​മ്പോൾ നിങ്ങൾ ഭാഗ്യ​വാൻമാർ [“സന്തുഷ്ടർ,” NW]. സ്വർഗ്ഗ​ത്തിൽ നിങ്ങളു​ടെ പ്രതി​ഫലം വലുതാ​ക​കൊ​ണ്ടു സന്തോ​ഷി​ച്ചു​ല്ല​സി​പ്പിൻ; നിങ്ങൾക്കു മുമ്പെ​യു​ണ്ടാ​യി​രുന്ന പ്രവാ​ച​കൻമാ​രെ​യും അവർ അങ്ങനെ​തന്നേ ഉപദ്ര​വി​ച്ചു​വ​ല്ലോ.” (മത്തായി 5:10-12) വാസ്‌ത​വ​ത്തിൽ, വിശ്വാ​സം നിമിത്തം പീഡനം സഹിക്കു​മ്പോ​ഴെ​ല്ലാം ദൈവ​ദാ​സൻമാർ ഇവ സന്തോ​ഷ​മാ​യി കണക്കി​ടു​ന്നു.—യാക്കോബ്‌ 1:2, 3.

2. യാക്കോബ്‌ 5:10 പറയു​ന്ന​പ്ര​കാ​രം ക്ഷമ പ്രകട​മാ​ക്കു​ന്ന​തി​നു നമ്മെ സഹായി​ക്കാൻ എന്തിനു കഴിയും?

² ശിഷ്യ​നായ യാക്കോബ്‌ എഴുതി: “സഹോ​ദ​രരേ, കർത്താ​വി​ന്റെ നാമത്തിൽ സംസാ​രിച്ച പ്രവാ​ച​കരെ സഹനത്തി​ന്നും ക്ഷമയ്‌ക്കും മാതൃകയായി സ്വീക​രി​ക്കുക.” (യാക്കോബ്‌ 5:10, ഓശാന ബൈബിൾ) ഡബ്ലിയൂ. എഫ്‌. ആർൻറ്‌, എഫ്‌. ഡബ്ലിയൂ. ഗിങ്ക്‌റിച്ച്‌ എന്നിവർ ഇവിടെ ഉപയോ​ഗി​ച്ചി​രി​ക്കുന്ന “മാതൃക” (ഹൈ​പ്പോ​ഡെ​യ്‌ഗ്മാ) എന്ന ഗ്രീക്കു പദത്തെ നിർവ​ചി​ക്കു​ന്നത്‌ “ദൃഷ്ടാന്തം, മാതൃ​കാ​രൂ​പം, മാതൃക” എന്നിങ്ങ​നെ​യാണ്‌. “അനുക​രി​ക്കു​ന്ന​തിന്‌ ഒരുവനെ പ്രചോ​ദി​പ്പി​ക്കുന്ന അല്ലെങ്കിൽ പ്രചോ​ദി​പ്പി​ക്കേണ്ട ക്രിയാ​ത്മ​ക​മായ ഒന്ന്‌.” യോഹ​ന്നാൻ 13:15-ൽ കൊടു​ത്തി​രി​ക്കു​ന്ന​പ്ര​കാ​രം “ഇത്‌ ഒരു ദൃഷ്ടാ​ന്ത​ത്തി​ലും കവിഞ്ഞ ഒന്നാണ്‌. അതൊരു യഥാർഥ പൂർവ​മാ​തൃ​ക​യാണ്‌.” (തിയോ​ള​ജി​ക്കൽ ഡിക്‌ഷ്‌ണറി ഓഫ്‌ ദ ന്യൂ ടെസ്‌റ​റ​മെൻറ്‌) അതു​കൊണ്ട്‌, യഹോ​വ​യു​ടെ ആധുനിക നാളിലെ ദാസൻമാർക്ക്‌ ‘സഹന​ത്തോ​ടും’ ‘ക്ഷമയോ​ടു’മുള്ള ബന്ധത്തിൽ അവന്റെ വിശ്വസ്‌ത പ്രവാ​ച​കൻമാ​രെ മാതൃ​ക​യാ​യെ​ടു​ക്കാം. അവരുടെ ജീവി​ത​രീ​തി​ക​ളെ​ക്കു​റി​ച്ചു പഠിക്കു​മ്പോൾ വേറെ എന്തുകൂ​ടെ നമുക്കു ഗ്രഹി​ക്കാൻ കഴിയും? നമ്മുടെ പ്രസംഗ പ്രവർത്ത​ന​ത്തിൽ ഇതിനു നമ്മെ എങ്ങനെ സഹായി​ക്കാൻ കഴിയും?

അവർ തിൻമ സഹിച്ചു

3, 4. അമസ്യാ​വി​ന്റെ എതിർപ്പി​നെ പ്രവാ​ച​ക​നായ ആമോസ്‌ എങ്ങനെ​യാ​ണു നേരി​ട്ടത്‌?

³ യഹോ​വ​യു​ടെ പ്രവാ​ച​കൻമാർ മിക്ക​പ്പോ​ഴും തിൻമ​യോ പീഡന​മോ സഹിക്കു​ക​യു​ണ്ടാ​യി. ഉദാഹ​ര​ണ​ത്തിന്‌, പൊ.യു.മു. ഒമ്പതാം നൂററാ​ണ്ടിൽ കാളക്കു​ട്ടി​യെ ആരാധി​ച്ചു​കൊ​ണ്ടി​രുന്ന പുരോ​ഹി​ത​നായ അമസ്യാവ്‌ ആമോസ്‌ പ്രവാ​ച​കനെ ദുഷ്‌ട​മായ രീതി​യിൽ എതിരി​ട്ടു. രാജാവ്‌ വാൾകൊ​ണ്ടു മരിക്കു​മെ​ന്നും ഇസ്രാ​യേ​ല്യർ സ്വദേശം വിട്ടു പ്രവാ​സ​ത്തി​ലേക്കു പോ​കേ​ണ്ടി​വ​രു​മെ​ന്നും പ്രവചി​ച്ചു​കൊണ്ട്‌ യൊ​രോ​ബെ​യാം രണ്ടാമനു വിരോ​ധ​മാ​യി ആമോസ്‌ ഗൂഢാ​ലോ​ചന നടത്തി​യെന്ന്‌ അമസ്യാവ്‌ വ്യാജം പറഞ്ഞു. അമസ്യാവ്‌ പുച്ഛ​ത്തോ​ടെ ആമോ​സി​നോ​ടു പറഞ്ഞു: “എടോ ദർശകാ, യെഹൂ​ദാ​ദേ​ശ​ത്തി​ലേക്കു ഓടി​പ്പൊ​യ്‌ക്കൊൾക; അവിടെ പ്രവചി​ച്ചു അഹോ​വൃ​ത്തി കഴിച്ചു​കൊൾക. ബേഥേ​ലി​ലോ ഇനി പ്രവചി​ക്ക​രു​തു; അതു രാജാ​വി​ന്റെ വിശു​ദ്ധ​മ​ന്ദി​ര​വും രാജധാ​നി​യു​മ​ല്ലോ.” ഈ അധി​ക്ഷേ​പ​ത്തിൽ ലവലേശം ഭയപ്പെ​ടാ​തെ ആമോസ്‌ ഉത്തരം പറഞ്ഞു: “ഞാൻ പ്രവാ​ച​കനല്ല, പ്രവാ​ച​ക​ശി​ഷ്യ​നു​മല്ല, ഇടയനും കാട്ടത്തി​പ്പഴം പെറു​ക്കു​ന്ന​വ​നും അത്രേ. ഞാൻ ആടുകളെ നോക്കി​ക്കൊ​ണ്ടി​രി​ക്കു​മ്പോൾ യഹോവ എന്നെ പിടിച്ചു: നീ ചെന്നു എന്റെ ജനമായ യിസ്രാ​യേ​ലി​നോ​ടു പ്രവചിക്ക എന്നു യഹോവ എന്നോടു കല്‌പി​ച്ചു.”—ആമോസ്‌ 7:10-15.

⁴ സധൈ​ര്യം പ്രവചി​ക്കു​ന്ന​തിന്‌ യഹോ​വ​യു​ടെ ആത്മാവ്‌ ആമോ​സി​നെ ശക്തനാക്കി. “യഹോ​വ​യു​ടെ വചനം കേൾക്ക: യിസ്രാ​യേ​ലി​നെ​ക്കു​റി​ച്ചു പ്രവചി​ക്ക​രു​തു; യിസ്‌ഹാ​ക്ക്‌ഗൃ​ഹ​ത്തി​ന്നു നിന്റെ വചനം പൊഴി​ക്ക​രു​തു എന്നു നീ പറയു​ന്നു​വ​ല്ലോ. അതു​കൊ​ണ്ടു യഹോവ ഇപ്രകാ​രം അരുളി​ച്ചെ​യ്യു​ന്നു: നിന്റെ ഭാര്യ നഗരത്തിൽ വേശ്യ​യാ​കും; നിന്റെ പുത്രൻമാ​രും പുത്രി​മാ​രും വാൾകൊ​ണ്ടു വീഴും; നിന്റെ ദേശം അളവു​നൂൽകൊ​ണ്ടു വിഭാ​ഗി​ക്ക​പ്പെ​ടും; നീയോ ഒരു അശുദ്ധ​ദേ​ശ​ത്തു​വെച്ചു മരിക്കും; യിസ്രാ​യേൽ സ്വദേശം വിട്ടു പ്രവാ​സ​ത്തി​ലേക്കു പോ​കേ​ണ്ടി​വ​രും” എന്ന്‌ ആമോസ്‌ പറഞ്ഞ​പ്പോ​ഴത്തെ അമസ്യാ​വി​ന്റെ പ്രതി​ക​രണം ഒന്നു സങ്കൽപ്പി​ച്ചു​നോ​ക്കൂ. എന്നാൽ ആ പ്രവചനം നിവൃ​ത്തി​യേ​റു​ക​യു​ണ്ടാ​യി. (ആമോസ്‌ 7:16, 17) വിശ്വാ​സ​ത്യാ​ഗി​യായ അമസ്യാ​വി​നെ അത്‌ എത്രമാ​ത്രം ഞെട്ടി​പ്പി​ച്ചി​രി​ക്കണം!

5. യഹോ​വ​യു​ടെ ആധുനിക നാളിലെ ദാസൻമാ​രു​ടെ​യും ആമോ​സി​ന്റെ​യും സാഹച​ര്യം തമ്മിൽ എന്തു സാദൃ​ശ്യ​മാ​ണു​ള്ളത്‌?

⁵ ഇത്‌ യഹോ​വ​യു​ടെ ഇന്നത്തെ ജനത്തിന്റെ അവസ്ഥ​പോ​ലെ​യാണ്‌. ദൈവ​സ​ന്ദേശം പ്രഖ്യാ​പി​ക്കു​ന്നവർ എന്നനി​ല​യിൽ നാം കഷ്ടമനു​ഭ​വി​ക്കു​ന്നു. നമ്മുടെ പ്രസംഗ പ്രവർത്ത​ന​ത്തെ​ക്കു​റിച്ച്‌ അനേക​രും പുച്ഛ​ത്തോ​ടെ സംസാ​രി​ക്കു​ന്നു. പ്രസം​ഗി​ക്കു​ന്ന​തി​നുള്ള അംഗീ​കാ​രം നമുക്കു ലഭിച്ചി​രി​ക്കു​ന്നത്‌ ഏതെങ്കി​ലും വൈദിക സെമി​നാ​രി​യിൽനി​ന്നല്ല എന്നതു സത്യം​തന്നെ. മറിച്ച്‌, രാജ്യ​ത്തെ​ക്കു​റി​ച്ചുള്ള സുവാർത്ത പ്രഘോ​ഷി​ക്കു​ന്ന​തിന്‌ യഹോ​വ​യു​ടെ പരിശു​ദ്ധാ​ത്മാ​വു നമ്മെ പ്രേരി​പ്പി​ക്കു​ന്നു. നാം ദൈവ​സ​ന്ദേ​ശ​ത്തിൽ മാററം വരുത്തു​ക​യോ അതിൽ വെള്ളം ചേർക്കു​ക​യോ ചെയ്യു​ന്നില്ല. അതിനു വിപരീ​ത​മാ​യി, നമ്മുടെ കേൾവി​ക്കാ​രു​ടെ പ്രതി​ക​രണം കണക്കി​ലെ​ടു​ക്കാ​തെ നാം ആമോ​സി​നെ​പ്പോ​ലെ അനുസ​ര​ണ​യോ​ടെ അതു പ്രഖ്യാ​പി​ക്കു​ന്നു.—2 കൊരി​ന്ത്യർ 2:15-17.

അവർ ക്ഷമ പ്രകടി​പ്പി​ച്ചു

6, 7. (എ) യെശയ്യാ​വി​ന്റെ പ്രവച​ന​ത്തി​ന്റെ സ്വഭാ​വ​വി​ശേ​ഷ​മെ​ന്താ​യി​രു​ന്നു? (ബി) യഹോ​വ​യു​ടെ ആധുനിക നാളിലെ ദാസൻമാർ യെശയ്യാ​വി​നെ​പ്പോ​ലെ പ്രവർത്തി​ക്കു​ന്നത്‌ എങ്ങനെ?

⁶ ദൈവ​ത്തി​ന്റെ പ്രവാ​ച​കൻമാർ ക്ഷമ പ്രകടി​പ്പി​ച്ചു. ദൃഷ്ടാ​ന്ത​ത്തിന്‌, പൊ.യു.മു. എട്ടാം നൂററാ​ണ്ടിൽ യഹോ​വ​യു​ടെ പ്രവാ​ച​ക​നാ​യി സേവിച്ച യെശയ്യാവ്‌ ക്ഷമ പ്രകടി​പ്പി​ക്കു​ക​യു​ണ്ടാ​യി. ദൈവം അദ്ദേഹ​ത്തോ​ടു പറഞ്ഞു: “പോവുക, ഈ ജനത്തോ​ടു പറയുക, നിങ്ങൾ വീണ്ടും വീണ്ടും കേൾക്കും, മനസ്സി​ലാ​ക്കു​ക​യില്ല; നിങ്ങൾ വീണ്ടും വീണ്ടും കാണും, ഗ്രഹി​ക്കു​ക​യില്ല. അവർ കണ്ണു​കൊ​ണ്ടു കാണു​ക​യും ചെവി​കൊ​ണ്ടു കേൾക്കു​ക​യും ഹൃദയം​കൊ​ണ്ടു ഗ്രഹി​ക്കു​ക​യും അങ്ങനെ മാനസാ​ന്ത​ര​പ്പെട്ടു സൗഖ്യം പ്രാപി​ക്കു​ക​യും ചെയ്യാ​തി​രി​ക്കേ​ണ്ട​തിന്‌ അവരുടെ ഹൃദയ​ങ്ങളെ കഠിന​മാ​ക്കു​ക​യും ചെവി​കളെ മന്‌ദീ​ഭ​വി​പ്പി​ക്കു​ക​യും കണ്ണുകളെ അന്‌ധ​മാ​ക്കു​ക​യും ചെയ്യുക.” (ഏശയ്യാ 6:9, 10, പി.ഒ.സി. ബൈബിൾ) വാസ്‌ത​വ​ത്തിൽ ആളുകൾ അപ്രകാ​രം പ്രതി​ക​രി​ക്കു​ക​തന്നെ ചെയ്‌തു. എന്നാൽ ഇത്‌ യെശയ്യാ​വി​നെ പിൻമാ​റാൻ ഇടയാ​ക്കി​യോ? ഇല്ല. മറിച്ച്‌, അദ്ദേഹം ക്ഷമാപൂർവം, തീക്ഷ്‌ണ​ത​യോ​ടെ ദൈവ​ത്തി​ന്റെ മുന്നറി​യി​പ്പിൻ സന്ദേശം പ്രഖ്യാ​പി​ച്ചു. ഇപ്പോൾ ഉദ്ധരി​ച്ചു​ക​ഴിഞ്ഞ ദൈവ​വ​ച​ന​ങ്ങ​ളു​ടെ എബ്രായ ഘടന, പ്രവാ​ച​കന്റെ പ്രഖ്യാ​പ​ന​ങ്ങ​ളു​ടെ “ദീർഘ​മായ തുടർച്ച” എന്ന ആശയത്തെ പിന്താ​ങ്ങു​ന്നു. അതാണു ജനങ്ങൾ “വീണ്ടും വീണ്ടും” കേട്ടത്‌.—ജസന്യൂസ്‌ ഹീബ്രൂ ഗ്രാമർ.

⁷ യെശയ്യാവ്‌ അറിയിച്ച ദൈവ​വ​ച​ന​ത്തോട്‌ ആളുകൾ പ്രതി​ക​രി​ച്ച​തു​പോ​ലെ​തന്നെ ഇന്ന്‌ അനേകർ സുവാർത്ത​യോ​ടു പ്രതി​ക​രി​ക്കു​ന്നു. ആ വിശ്വസ്‌ത പ്രവാ​ച​ക​നെ​പ്പോ​ലെ നാമും രാജ്യ​സ​ന്ദേശം “വീണ്ടും വീണ്ടും” ആവർത്തി​ക്കു​ന്നു. തീക്ഷ്‌ണ​ത​യോ​ടും ക്ഷമാപൂർവ​ക​മായ സ്ഥിരോ​ത്സാ​ഹ​ത്തോ​ടും കൂടെ നാം അതു ചെയ്യുന്നു. കാരണം അത്‌ യഹോ​വ​യു​ടെ ഹിതമാണ്‌.

“അവർ അങ്ങനെ തന്നേ ചെയ്‌തു”

8, 9. യഹോ​വ​യു​ടെ പ്രവാ​ച​ക​നായ മോശ ഏതു വിധത്തി​ലാ​ണു നല്ല മാതൃ​ക​യാ​യി​രി​ക്കു​ന്നത്‌?

⁸ ക്ഷമയു​ടെ​യും അനുസ​ര​ണ​ത്തി​ന്റെ​യും കാര്യ​ത്തിൽ പ്രവാ​ച​ക​നായ മോശ അനുക​ര​ണീ​യ​നാണ്‌. അടിമ​ക​ളാ​ക്ക​പ്പെട്ട ഇസ്രാ​യേ​ല്യ​രോ​ടൊ​പ്പം നില​കൊ​ള്ളാൻ അദ്ദേഹം തീരു​മാ​നി​ച്ചു. എന്നാൽ അവരുടെ വിടു​ത​ലി​നുള്ള കാലം​വരെ അദ്ദേഹ​ത്തി​നു ക്ഷമാപൂർവം കാത്തി​രി​ക്കേ​ണ്ടി​വന്നു. ഇസ്രാ​യേൽ ജനതയെ അടിമ​ത്ത​ത്തിൽനി​ന്നു മോചി​പ്പി​ക്കു​ന്ന​തിന്‌ ദൈവം അദ്ദേഹത്തെ ഉപയോ​ഗി​ക്കു​ന്ന​തു​വരെ 40 വർഷ​ത്തോ​ളം അദ്ദേഹം മിദ്യാ​നിൽ ജീവിച്ചു. ഈജി​പ്‌തി​ന്റെ ഭരണാ​ധി​കാ​രി​യു​ടെ മുമ്പാകെ മോശ​യും സഹോ​ദ​ര​നായ അഹരോ​നും ദൈവം അവരോ​ടു കൽപ്പിച്ച കാര്യങ്ങൾ അനുസ​ര​ണ​യോ​ടെ പറയു​ക​യും പ്രവർത്തി​ക്കു​ക​യും ചെയ്‌തു. വാസ്‌ത​വ​ത്തിൽ, “അവർ അങ്ങനെ തന്നേ ചെയ്‌തു.”—പുറപ്പാ​ടു 7:1-6; എബ്രായർ 11:24-29.

⁹ ഇസ്രാ​യേ​ല്യ​രോ​ടൊ​പ്പം മോശ മരുഭൂ​മി​യിൽ കഠിന​മായ 40 വർഷം ക്ഷമാപൂർവം ചെലവ​ഴി​ച്ചു. തിരു​നി​വാ​സ​ത്തി​ന്റെ നിർമാ​ണ​ത്തി​ലും യഹോ​വ​യു​ടെ ആരാധ​ന​യ്‌ക്കാ​യി ഉപയോ​ഗി​ച്ചി​രുന്ന മററു വസ്‌തു​ക്ക​ളു​ടെ നിർമാ​ണ​ത്തി​ലും അദ്ദേഹം ദിവ്യ​മാർഗ​നിർദേശം അനുസ​ര​ണ​യോ​ടെ പിൻപ​ററി. “മോശെ അങ്ങനെ ചെയ്‌തു; യഹോവ തന്നോടു കല്‌പി​ച്ച​തു​പോ​ലെ ഒക്കെയും അവൻ ചെയ്‌തു” എന്നു നാം വായി​ക്കാൻ പോന്ന​വി​ധം ദൈവ​ത്തി​ന്റെ നിർദേ​ശങ്ങൾ ആ പ്രവാ​ചകൻ അടുത്തു പിൻപ​ററി. (പുറപ്പാ​ടു 40:16) യഹോ​വ​യു​ടെ സ്ഥാപന​ത്തോ​ടു സഹവസി​ച്ചു​കൊ​ണ്ടു നമ്മുടെ ശുശ്രൂഷ നിർവ​ഹി​ക്കവേ നമുക്ക്‌ മോശ​യു​ടെ അനുസ​രണം ഓർമി​ക്കാം. ‘നിങ്ങളെ നടത്തു​ന്ന​വരെ അനുസ​രി​ച്ചു കീഴട​ങ്ങി​യി​രി​പ്പിൻ’ എന്ന്‌ അപ്പോ​സ്‌ത​ല​നായ പൗലോസ്‌ നൽകിയ ബുദ്ധ്യു​പ​ദേശം നമുക്കു ബാധക​മാ​ക്കു​ക​യും ചെയ്യാം.—എബ്രായർ 13:17.

അവർ ക്രിയാ​ത്മക മനോ​ഭാ​വം പുലർത്തി

10, 11. (എ) പ്രവാ​ച​ക​നായ ഹോ​ശേ​യക്ക്‌ ക്രിയാ​ത്മക മനോ​ഭാ​വം ഉണ്ടായി​രു​ന്നു​വെന്നു സൂചി​പ്പി​ക്കു​ന്ന​തെ​ന്താണ്‌? (ബി) നമ്മുടെ പ്രദേ​ശത്തെ ജനങ്ങളെ സമീപി​ക്കു​മ്പോൾ നമുക്ക്‌ ക്രിയാ​ത്മക മനോ​ഭാ​വം എങ്ങനെ പ്രകടി​പ്പി​ക്കാ​നാ​വും?

¹⁰ പ്രവാ​ച​കൻമാർ ന്യായ​വി​ധി സന്ദേശങ്ങൾ പ്രഖ്യാ​പി​ക്കു​ന്ന​തോ​ടൊ​പ്പം ഇസ്രാ​യേ​ലിൽ ചിതറി​ക്കി​ട​ന്നി​രുന്ന വിശ്വ​സ്‌ത​രാ​യ​വ​രിൽ ദൈവ​ത്തി​നുള്ള കരുതൽ പ്രതി​ഫ​ലി​ക്കുന്ന പ്രവച​ന​ങ്ങ​ളും നൽകേ​ണ്ടി​യി​രു​ന്നു. തൻമൂലം പ്രവാ​ച​കൻമാർക്ക്‌ ക്രിയാ​ത്മക മനോ​ഭാ​വം ഉണ്ടായി​രി​ക്കേ​ണ്ടത്‌ ആവശ്യ​മാ​യി​രു​ന്നു. ചുരു​ങ്ങി​യത്‌ 59 വർഷം പ്രവാ​ച​ക​നാ​യി സേവിച്ച ഹോ​ശേ​യയെ സംബന്ധി​ച്ചി​ട​ത്തോ​ളം ഇതു വാസ്‌ത​വ​മാ​യി​രു​ന്നു. ക്രിയാ​ത്മക മനോ​ഭാ​വ​ത്തോ​ടെ അദ്ദേഹം യഹോ​വ​യു​ടെ സന്ദേശം പ്രഖ്യാ​പി​ച്ചു​കൊ​ണ്ടേ​യി​രു​ന്നു. അദ്ദേഹ​ത്തി​ന്റെ പ്രാവ​ച​നിക ഗ്രന്ഥം ഈ വാക്കു​ക​ളോ​ടെ ഉപസം​ഹ​രി​ക്കു​ന്നു: “ഇതു ഗ്രഹി​പ്പാൻ തക്ക ജ്ഞാനി ആർ? അതു അറിവാൻ തക്ക വിവേകി ആർ? യഹോ​വ​യു​ടെ വഴികൾ ചൊവ്വു​ള്ള​വ​യ​ല്ലോ; നീതി​മാൻമാർ അവയിൽ നടക്കും; അതി​ക്ര​മ​ക്കാ​രോ അവയിൽ ഇടറി​വീ​ഴും.” (ഹോശേയ 14:9) സാക്ഷ്യം നൽകു​ന്ന​തിന്‌ യഹോവ നമ്മെ അനുവ​ദി​ക്കു​ന്നി​ട​ത്തോ​ളം കാലം നമുക്ക്‌ ക്രിയാ​ത്മക മനോ​ഭാ​വം ഉണ്ടായി​രി​ക്കട്ടെ. കൂടാതെ, ദൈവ​ത്തി​ന്റെ അനർഹദയ ബുദ്ധി​പൂർവം സ്വീക​രി​ക്കാൻ താത്‌പ​ര്യ​മു​ള്ള​വരെ അന്വേ​ഷി​ച്ചു​കൊ​ണ്ടേ​യി​രി​ക്കാം.

¹¹ ‘യോഗ്യ​ത​യു​ള്ളവർ ആരെന്ന്‌ അന്വേ​ഷി​ക്കു’ന്നതിനു നാം സ്ഥിരോ​ത്സാ​ഹ​മു​ള്ളവർ ആയിരി​ക്കണം. തന്നെയു​മല്ല കാര്യങ്ങൾ ക്രിയാ​ത്മ​ക​മാ​യി വീക്ഷി​ക്കു​ക​യും ചെയ്യണം. (മത്തായി 10:11) ദൃഷ്ടാ​ന്ത​ത്തിന്‌, നമ്മുടെ താക്കോൽ നഷ്ടപ്പെ​ട്ടു​വെ​ന്നി​രി​ക്കട്ടെ. നാം പോയി​ട​ത്തെ​ല്ലാം തിരി​ച്ചു​ചെന്ന്‌ സൂക്ഷ്‌മ​മാ​യി പരി​ശോ​ധി​ക്കും. അങ്ങനെ പലപ്രാ​വ​ശ്യം ചെയ്‌തു​ക​ഴി​ഞ്ഞാ​യി​രി​ക്കും നാം അതു കണ്ടെത്തു​ന്നത്‌. ചെമ്മരി​യാ​ടു​തു​ല്യ​രായ ആളുകളെ തിരഞ്ഞു​പി​ടി​ക്കു​ന്ന​തിൽ നമുക്ക്‌ സമാന​മാ​യി സ്ഥിരോ​ത്സാ​ഹ​മു​ള്ള​വ​രാ​യി​രി​ക്കാം. കൂടെ​ക്കൂ​ടെ പ്രവർത്തി​ച്ചി​ട്ടുള്ള പ്രദേ​ശത്ത്‌ അവർ സുവാർത്ത​യോ​ടു പ്രതി​ക​രി​ക്കു​മ്പോൾ നമുക്ക്‌ എന്തു സന്തോ​ഷ​മാണ്‌ അനുഭ​വ​പ്പെ​ടുക! മുൻകാ​ല​ങ്ങ​ളിൽ നമ്മുടെ പരസ്യ​ശു​ശ്രൂ​ഷയെ പരിമി​ത​പ്പെ​ടു​ത്തുന്ന വിലക്കു​കൾ ഉണ്ടായി​രുന്ന ദേശങ്ങ​ളിൽ ദൈവം നമ്മുടെ വേലയെ അനു​ഗ്ര​ഹി​ക്കു​ന്ന​തിൽ നാം എത്രമാ​ത്രം ആനന്ദപു​ള​കി​ത​രാണ്‌!—ഗലാത്യർ 6:10.

പ്രോ​ത്സാ​ഹ​ന​ത്തി​ന്റെ ഉറവുകൾ

12. യോ​വേ​ലി​ന്റെ ഏതു പ്രവച​ന​മാണ്‌ 20-ാം നൂററാ​ണ്ടിൽ നിവൃ​ത്തി​യേ​റി​ക്കൊ​ണ്ടി​രി​ക്കു​ന്നത്‌, എങ്ങനെ?

¹² യഹോ​വ​യു​ടെ പ്രവാ​ച​കൻമാ​രു​ടെ വാക്കുകൾ നമുക്ക്‌ നമ്മുടെ ശുശ്രൂ​ഷ​യിൽ വളരെ പ്രോ​ത്സാ​ഹനം പകർന്നു​ത​ന്നേ​ക്കാം. ദൃഷ്ടാ​ന്ത​ത്തിന്‌, യോ​വേ​ലി​ന്റെ പ്രവച​നം​തന്നെ പരിചി​ന്തി​ക്കുക. പൊ.യു.മു. ഒമ്പതാം നൂററാ​ണ്ടി​ലെ വിശ്വാ​സ​ത്യാ​ഗി​യായ ഇസ്രാ​യേ​ലി​ന്റെ​യും മററു​ള്ള​വ​രു​ടെ​യും നേർക്കുള്ള ന്യായ​വി​ധി സന്ദേശ​മാണ്‌ അതിൽ ഉൾക്കൊ​ണ്ടി​രി​ക്കു​ന്നത്‌. എങ്കിലും, ഇങ്ങനെ പ്രവചി​ക്കു​ന്ന​തിന്‌ യോവേൽ നിശ്വ​സ്‌ത​നാ​യി: “ഞാൻ സകല ജഡത്തി​ന്‌മേ​ലും എന്റെ ആത്മാവി​നെ പകരും; നിങ്ങളു​ടെ പുത്ര​ന്‌മാ​രും പുത്രി​മാ​രും പ്രവചി​ക്കും; നിങ്ങളു​ടെ വൃദ്ധന്‌മാർ സ്വപ്‌ന​ങ്ങളെ കാണും; നിങ്ങളു​ടെ യൌവ​ന​ക്കാർ ദർശന​ങ്ങളെ ദർശി​ക്കും. ദാസന്‌മാ​രു​ടെ മേലും ദാസി​മാ​രു​ടെ​മേ​ലും കൂടെ ഞാൻ ആ നാളു​ക​ളിൽ എന്റെ ആത്മാവി​നെ പകരും.” (യോവേൽ 2:28, 29) പൊ.യു. (പൊതു​യു​ഗം) 33-ലെ പെന്ത​ക്കോ​സ്‌തു​മു​തൽ യേശു​വി​ന്റെ അനുഗാ​മി​ക​ളു​ടെ കാര്യ​ത്തിൽ അതു സത്യ​മെന്നു തെളിഞ്ഞു. ഈ 20-ാം നൂററാ​ണ്ടിൽ ആ പ്രവച​ന​ത്തി​ന്റെ എത്ര മഹത്തായ നിവൃ​ത്തി​യാ​ണു നാം കാണു​ന്നത്‌! യഹോ​വ​യു​ടെ സന്ദേശം ‘പ്രവചി​ക്കുന്ന’ അല്ലെങ്കിൽ പ്രഘോ​ഷി​ക്കുന്ന ദശലക്ഷ​ക്ക​ണ​ക്കിന്‌ ആളുകൾ നമുക്കുണ്ട്‌. അവരിൽ 6,00,000-ത്തിലധി​കം പേർ മുഴു​സമയ പയനി​യർസേ​വ​ന​ത്തിൽ ഏർപ്പെ​ട്ടി​രി​ക്കു​ന്നു.

13, 14. വയൽശു​ശ്രൂ​ഷ​യിൽ സന്തോഷം കണ്ടെത്തു​ന്ന​തിന്‌ യുവ​ക്രി​സ്‌ത്യാ​നി​കളെ എന്തു സഹായി​ക്കും?

¹³ രാജ്യ​പ്ര​ഘോ​ഷ​ക​രിൽ അനേകർ ചെറു​പ്പ​ക്കാ​രാണ്‌. മുതിർന്ന​വ​രോട്‌ ബൈബി​ളി​നെ​ക്കു​റി​ച്ചു സംസാ​രി​ക്കു​ന്നത്‌ അവരെ സംബന്ധി​ച്ചി​ട​ത്തോ​ളം എല്ലായ്‌പോ​ഴും അത്ര എളുപ്പമല്ല. ‘നിങ്ങൾ പ്രസം​ഗ​ത്തി​ലേർപ്പെ​ട്ടു​കൊ​ണ്ടു വെറുതെ നിങ്ങളു​ടെ സമയം പാഴാ​ക്കു​ക​യാണ്‌. നിങ്ങൾ വാസ്‌ത​വ​ത്തിൽ വേറെ​ന്തെ​ങ്കി​ലും തൊഴിൽ ചെയ്യേ​ണ്ട​വ​രാണ്‌’ എന്ന്‌ യഹോ​വ​യു​ടെ യുവ​പ്രാ​യ​ത്തി​ലുള്ള ദാസൻമാ​രോ​ടു പറഞ്ഞി​ട്ടുണ്ട്‌. ആ വ്യക്തിക്ക്‌ അങ്ങനെ തോന്നു​ന്ന​തിൽ തങ്ങൾക്കു ഖേദമു​ണ്ടെന്നു യഹോ​വ​യു​ടെ യുവസാ​ക്ഷി​കൾ നയപൂർവം പറഞ്ഞേ​ക്കാം. ഇങ്ങനെ കൂട്ടി​ച്ചേർക്കു​ന്നതു സഹായ​ക​ര​മെന്ന്‌ സുവാർത്ത​യു​ടെ ഒരു യുവ​പ്ര​സം​ഗകൻ കണ്ടെത്തി: “നിങ്ങ​ളെ​പ്പോ​ലെ പ്രായം​ചെന്ന ആളുക​ളു​മാ​യി സംസാ​രി​ക്കു​ന്ന​തിൽനി​ന്നു ഞാൻ പ്രയോ​ജ​ന​മ​നു​ഭ​വി​ക്കു​ന്ന​താ​യി എനിക്കു തോന്നു​ന്നു. ഞാൻ അത്‌ ആസ്വദി​ക്കു​ക​യു​മാണ്‌.” സുവാർത്താ​പ്ര​സം​ഗം യാതൊ​രു വിധത്തി​ലും സമയം പാഴാ​ക്കലല്ല. ജീവൻ അപായ​ത്തി​ലാണ്‌. “യഹോ​വ​യു​ടെ നാമം വിളി​ച്ച​പേ​ക്ഷി​ക്കു​ന്നവൻ ഏവനും രക്ഷിക്ക​പ്പെ​ടും” എന്ന്‌ യോവേൽ മുഖാ​ന്തരം ദൈവം വീണ്ടും പ്രഖ്യാ​പി​ച്ചു.—യോവേൽ 2:32.

¹⁴ രാജ്യ​പ്ര​സംഗ പ്രവർത്ത​ന​ത്തിൽ മാതാ​പി​താ​ക്കളെ അനുഗ​മി​ക്കുന്ന കുട്ടികൾ വ്യക്തി​പ​ര​മായ ലക്ഷ്യങ്ങൾ വയ്‌ക്കുന്ന കാര്യ​ത്തിൽ മാതാ​പി​താ​ക്ക​ളു​ടെ സഹായം ഇഷ്ടപ്പെ​ടു​ന്നു. അത്തരം യുവജ​നങ്ങൾ പടിപ​ടി​യാ​യി പുരോ​ഗ​മി​ക്കു​ന്നു. ആദ്യപ​ടി​യാ​യി ഒരു തിരു​വെ​ഴു​ത്തു വായി​ക്കു​ന്നു. പിന്നീട്‌ തങ്ങളുടെ ബൈബി​ള​ധി​ഷ്‌ഠിത പ്രത്യാ​ശ​യെ​ക്കു​റി​ച്ചു വിശദീ​ക​രി​ക്കു​ക​യും താത്‌പ​ര്യ​ക്കാർക്ക്‌ ഉചിത​മായ സാഹി​ത്യം സമർപ്പി​ക്കു​ക​യും ചെയ്യാൻപോന്ന വിധം അവർ പുരോ​ഗതി നേടുന്നു. തങ്ങളുടെ പുരോ​ഗ​തി​യും യഹോ​വ​യു​ടെ അനു​ഗ്ര​ഹ​വും കണ്ടറി​യു​മ്പോൾ യുവ രാജ്യ​പ്ര​സാ​ധകർ സുവാർത്ത പ്രസം​ഗി​ക്കു​ന്ന​തിൽ വളരെ സന്തുഷ്ടി കണ്ടെത്തു​ന്നു.—സങ്കീർത്തനം 110:3; 148:12, 13.

തീക്ഷ്‌ണ​ത​യും കാത്തി​രി​പ്പിൻ മനോ​ഭാ​വ​വും

15. എസെക്കി​യേ​ലി​ന്റെ ദൃഷ്ടാ​ന്ത​ത്തി​നു രാജ്യ​പ്ര​സം​ഗ​വേ​ല​യി​ലെ നമ്മുടെ തീക്ഷ്‌ണ​തയെ തൊട്ടു​ണർത്താൻ കഴിയു​ന്ന​തെ​ങ്ങനെ?

¹⁵ തീക്ഷ്‌ണ​ത​യും കാത്തി​രി​പ്പിൻ മനോ​ഭാ​വ​വും പ്രകടി​പ്പി​ക്കു​ന്ന​തി​ലും ദൈവ​ത്തി​ന്റെ പ്രവാ​ച​കൻമാർ അനുക​ര​ണീ​യ​രാ​യി​രു​ന്നു. ഈ ഗുണവി​ശേ​ഷങ്ങൾ നമ്മുടെ ശുശ്രൂ​ഷ​യിൽ നമുക്കിന്ന്‌ ആവശ്യ​മാണ്‌. ദൈവ​വ​ച​ന​ത്തിൽനി​ന്നു നാം ആദ്യമാ​യി സത്യം പഠിച്ച​പ്പോൾ മററു​ള്ള​വ​രോ​ടു സധൈ​ര്യം സംസാ​രി​ക്കാൻ നമ്മെ പ്രേരി​പ്പി​ക്കാൻ പോന്ന​വി​ധം നാം തീക്ഷ്‌ണ​രാ​യി​രു​ന്നു. അതിനു​ശേഷം വർഷങ്ങൾതന്നെ കടന്നു​പോ​യി​ട്ടു​ണ്ടാ​വാം. നാം നമ്മുടെ സാക്ഷീ​കരണ പ്രദേശം കൂടെ​ക്കൂ​ടെ പ്രവർത്തി​ച്ചു​ക​ഴി​ഞ്ഞി​ട്ടു​ണ്ടാ​വാം. വളരെ ചുരുക്കം ആളുകളേ രാജ്യ​സ​ന്ദേശം സ്വീക​രി​ക്കു​ന്നു​ണ്ടാ​കൂ. ഇതു നമ്മുടെ തീക്ഷ്‌ണത കുറയ്‌ക്കു​ന്നു​ണ്ടോ? അങ്ങനെ​യെ​ങ്കിൽ പ്രവാ​ച​ക​നായ എസെക്കി​യേ​ലി​ന്റെ കാര്യം പരിചി​ന്തി​ക്കുക. അദ്ദേഹ​ത്തി​ന്റെ പേരിന്റെ അർഥം “ദൈവം ബലപ്പെ​ടു​ത്തു​ന്നു” എന്നാണ്‌. എസെക്കി​യേൽ പുരാതന ഇസ്രാ​യേ​ലിൽ കഠിന​ഹൃ​ദ​യ​രായ ആളുകളെ അഭിമു​ഖീ​ക​രി​ക്കേ​ണ്ടി​യി​രു​ന്നു. എന്നാൽ ദൈവം അദ്ദേഹത്തെ ബലപ്പെ​ടു​ത്തു​ക​യും അദ്ദേഹ​ത്തി​ന്റെ നെററി​യെ ആലങ്കാ​രി​ക​മാ​യി തീക്കല്ലി​നെ​ക്കാൾ കടുപ്പ​മു​ള്ള​താ​ക്കു​ക​യും ചെയ്‌തു. അങ്ങനെ, ജനങ്ങൾ ശ്രദ്ധി​ച്ചാ​ലും ഇല്ലെങ്കി​ലും അനേക വർഷങ്ങ​ളോ​ളം തന്റെ ശുശ്രൂഷ നിർവ​ഹി​ക്കു​ന്ന​തിന്‌ എസെക്കി​യേ​ലി​നു കഴിഞ്ഞു. നമുക്കും അങ്ങനെ​തന്നെ ചെയ്യാൻ കഴിയു​മെന്ന്‌ അദ്ദേഹ​ത്തി​ന്റെ ദൃഷ്ടാന്തം കാണി​ക്കു​ന്നു. പ്രസം​ഗ​വേ​ല​ക്കു​വേണ്ടി നമ്മുടെ തീക്ഷ്‌ണ​തയെ തൊട്ടു​ണർത്താ​നും അതിനു കഴിയും.—യെഹെ​സ്‌കേൽ 3:8, 9; 2 തിമൊ​ഥെ​യൊസ്‌ 4:5.

16. മീഖാ​യു​ടെ ഏതു മനോ​ഭാ​വ​മാ​ണു നാം നട്ടുവ​ളർത്തേ​ണ്ടത്‌?

¹⁶ ക്ഷമയുടെ കാര്യ​ത്തിൽ ശ്രദ്ധേ​യ​നാണ്‌ മീഖാ. അദ്ദേഹം പൊ.യു.മു. എട്ടാം നൂററാ​ണ്ടി​ലാ​ണു പ്രവചി​ച്ചത്‌. “ഞാനോ യഹോ​വ​യി​ങ്ക​ലേക്കു നോക്കും; ഞാൻ രക്ഷയുടെ ദൈവ​ത്തി​ന്നാ​യി കാത്തി​രി​ക്കും; എന്റെ ദൈവം എന്റെ പ്രാർത്ഥന കേൾക്കും” എന്ന്‌ അദ്ദേഹം എഴുതി. (മീഖാ 7:7) മീഖാ​യു​ടെ ദൃഢവി​ശ്വാ​സം വേരൂ​ന്നി​യി​രു​ന്നത്‌ അദ്ദേഹ​ത്തി​ന്റെ ഉറച്ച വിശ്വാ​സ​ത്തി​ലാ​യി​രു​ന്നു. യഹോവ ഉദ്ദേശിച്ച കാര്യം തീർച്ച​യാ​യും നിവർത്തി​ക്കു​മെന്ന്‌ പ്രവാ​ച​ക​നായ യെശയ്യാ​വി​നെ​പ്പോ​ലെ മീഖാ​യും അറിഞ്ഞി​രു​ന്നു. നമുക്കും അതറി​യാം. (യെശയ്യാ​വു 55:11) അതു​കൊണ്ട്‌, ദൈവ​ത്തി​ന്റെ വാഗ്‌ദ​ത്ത​ങ്ങ​ളു​ടെ നിവൃ​ത്തി​ക്കു​വേണ്ടി ഒരു കാത്തി​രി​പ്പിൻ മനോ​ഭാ​വം നമുക്കു നട്ടുവ​ളർത്താം. രാജ്യ​സ​ന്ദേ​ശ​ത്തിൽ ആളുകൾ തീരെ താത്‌പ​ര്യം പ്രകടി​പ്പി​ക്കാത്ത സ്ഥലങ്ങളിൽപ്പോ​ലും നമുക്കു തീക്ഷ്‌ണ​ത​യോ​ടെ സുവാർത്ത പ്രസം​ഗി​ക്കാം.—തീത്തൊസ്‌ 2:14; യാക്കോബ്‌ 5:7-10.

ഇന്ന്‌ ക്ഷമ പ്രകടി​പ്പി​ക്കു​ന്നു

17, 18. ക്ഷമ പ്രകടി​പ്പി​ക്കു​ന്ന​തിന്‌ ഏത്‌ പുരാതന-ആധുനിക ദൃഷ്ടാ​ന്ത​ങ്ങൾക്കു നമ്മെ സഹായി​ക്കാ​നാ​വും?

¹⁷ യഹോ​വ​യു​ടെ പ്രവാ​ച​കൻമാ​രിൽ ചിലർ തങ്ങളുടെ നിയമ​ന​ങ്ങ​ളിൽ ക്ഷമയോ​ടെ നിലകൊണ്ടെങ്കി​ലും അവർ തങ്ങളുടെ പ്രവച​ന​ങ്ങ​ളു​ടെ നിവൃത്തി കണ്ടില്ല. എങ്കിലും, പ്രത്യേ​കി​ച്ചും പീഡനം സഹി​ക്കേ​ണ്ടി​വന്ന അവസര​ത്തി​ലെ ക്ഷമയോ​ടെ​യുള്ള അവരുടെ സ്ഥിരോ​ത്സാ​ഹം, നമ്മുടെ ശുശ്രൂഷ നിർവ​ഹി​ക്കു​ന്ന​തി​നു നമുക്കു കഴിയു​മെന്നു തിരി​ച്ച​റി​യാൻ നമ്മെ സഹായി​ക്കു​ന്നു. 20-ാം നൂററാ​ണ്ടി​ന്റെ ആദ്യ ദശകത്തി​ലെ വിശ്വസ്‌ത അഭിഷി​ക്ത​രു​ടെ ദൃഷ്ടാ​ന്ത​ത്തിൽനി​ന്നും നമുക്കു പ്രയോ​ജനം നേടാ​വു​ന്ന​താണ്‌. അവരുടെ സ്വർഗീയ പ്രത്യാശ അവർ പ്രതീ​ക്ഷി​ച്ചത്ര വേഗത്തിൽ നിവൃ​ത്തി​യേ​റി​യില്ല. എങ്കിലും താമസ​മെന്നു തോന്നിച്ച ഒരു കാര്യ​ത്തി​ലു​ണ്ടായ നിരാശ ദൈവം അവർക്കു വെളി​പ്പെ​ടു​ത്തിയ വേല ചെയ്യു​ന്ന​തി​നുള്ള തങ്ങളുടെ തീക്ഷ്‌ണത കുറയ്‌ക്കാൻ അവർ അനുവ​ദി​ച്ചില്ല.

¹⁸ വർഷങ്ങ​ളാ​യി ഈ ക്രിസ്‌ത്യാ​നി​ക​ളിൽ അനേക​രും വീക്ഷാ​ഗോ​പു​ര​വും അതിന്റെ കൂട്ടു​മാ​സി​ക​യായ ഉണരുക!യും (ആദ്യം സുവർണ്ണ​യു​ഗം എന്നും പിന്നീട്‌ ആശ്വാസം എന്നും പേരിട്ടു) ക്രമമാ​യി വിതരണം ചെയ്‌തി​രു​ന്നു. വില​യേ​റിയ ഈ പ്രസി​ദ്ധീ​ക​ര​ണങ്ങൾ ആളുകൾക്ക്‌ തെരു​വു​ക​ളി​ലും അവരുടെ വീടു​ക​ളി​ലും ലഭ്യമാ​ക്കി​ത്തീർക്കാ​നുള്ള ക്രമീ​ക​ര​ണങ്ങൾ അവർ ചെയ്‌തു. ഇന്ന്‌ അതിനു നാം പറയു​ന്നത്‌ മാസി​കാ​റൂ​ട്ടു​കൾ എന്നാണ്‌. തെരു​വു​വേ​ല​യിൽ ഏർപ്പെ​ട്ടി​രുന്ന ഒരു പ്രായം​ചെന്ന സഹോ​ദ​രി​യു​ടെ അഭാവം പതിവാ​യി അതിലെ കടന്നു പോയി​രു​ന്ന​വർക്ക്‌ അനുഭ​വ​പ്പെട്ടു. സഹോ​ദ​രി​യു​ടെ ഭൗമിക ജീവിതം അവസാ​നി​ച്ചി​രു​ന്നു എന്നാൽ, അനേകം വർഷത്തെ അവരുടെ വിശ്വസ്‌ത സേവന​ത്തി​ലൂ​ടെ അവർ എന്തു സാക്ഷ്യ​മാ​ണു നൽകി​യത്‌! അവരുടെ പരസ്യ​ശു​ശ്രൂഷ നിരീ​ക്ഷി​ച്ചി​രു​ന്ന​വ​രു​ടെ വിലമ​തി​പ്പുള്ള അഭി​പ്രാ​യ​ങ്ങ​ളിൽ നിന്ന്‌ ഇതു വ്യക്തമാണ്‌. ഒരു രാജ്യ​പ്ര​ഘോ​ഷകൻ എന്നനി​ല​യിൽ നിങ്ങൾ വീക്ഷാ​ഗോ​പു​ര​വും ഉണരുക!യും നിങ്ങളു​ടെ ശുശ്രൂ​ഷ​യിൽ കണ്ടുമു​ട്ടു​ന്ന​വർക്കു ക്രമമാ​യി സമർപ്പി​ക്കാ​റു​ണ്ടോ?

19. എബ്രായർ 6:10-12 എന്ത്‌ പ്രോ​ത്സാ​ഹ​ന​മാ​ണു നമുക്കു നൽകു​ന്നത്‌?

¹⁹ യഹോ​വ​യു​ടെ സാക്ഷി​ക​ളു​ടെ ഭരണസം​ഘ​ത്തി​ലെ അംഗങ്ങ​ളാ​യി സേവന​മ​നു​ഷ്‌ഠി​ക്കുന്ന സഹോ​ദ​രൻമാ​രു​ടെ ക്ഷമയും വിശ്വസ്‌ത സേവന​വും പരിചി​ന്തി​ച്ചു​നോ​ക്കൂ. അവരി​ല​നേ​ക​രും തങ്ങളുടെ ജീവി​ത​ത്തിൽ ഒമ്പതോ പത്തോ ദശകങ്ങൾ പിന്നി​ട്ടി​രി​ക്കു​ന്നു. എങ്കിലും അവർ ഇപ്പോ​ഴും തങ്ങളുടെ നിയമിത ജോലി​കൾ തീക്ഷ്‌ണ​ത​യോ​ടെ ചെയ്യുന്ന രാജ്യ​പ്ര​ഘോ​ഷ​ക​രാണ്‌. (എബ്രായർ 13:7) സ്വർഗീയ പ്രത്യാ​ശ​യുള്ള മററു പ്രായം​ചെ​ന്ന​വ​രു​ടെ​യും “വേറെ ആടുക​ളിൽ”പ്പെട്ട വാർധ​ക്യം പ്രാപി​ച്ച​വ​രിൽ ചിലരു​ടെ​യും കാര്യ​മോ? (യോഹ​ന്നാൻ 10:16) തങ്ങളുടെ പ്രവൃ​ത്തി​യും തന്റെ നാമ​ത്തോ​ടു കാണിച്ച സ്‌നേ​ഹ​വും മറന്നു​ക​ള​വാൻ തക്കവണ്ണം അനീതി​യു​ള്ള​വനല്ല ദൈവം എന്ന്‌ അവർക്കു തീർച്ച​യു​ണ്ടാ​യി​രി​ക്കാൻ കഴിയും. പ്രായം​കു​റഞ്ഞ സഹവി​ശ്വാ​സി​ക​ളോ​ടൊ​പ്പം പ്രായം​ചെന്ന സാക്ഷി​ക​ളും വിശ്വാ​സ​വും ക്ഷമയും പ്രകടി​പ്പി​ച്ചു​കൊണ്ട്‌ തങ്ങളാ​ലാ​കു​ന്ന​തെ​ല്ലാം ചെയ്യാൻ ഇടയാ​കട്ടെ. (എബ്രായർ 6:10-12) അങ്ങനെ​യെ​ങ്കിൽ, പുരാ​ത​ന​കാ​ലത്തെ പ്രവാ​ച​കൻമാ​രെ​പ്പോ​ലെ പുനരു​ത്ഥാ​ന​ത്തി​ലൂ​ടെ​യോ വരാൻപോ​കുന്ന ‘മഹോ​പ​ദ്രവ’ത്തെ അതിജീ​വി​ച്ചോ നിത്യ​ജീ​വൻ എന്ന പ്രതി​ഫലം അവർ നേടി​യെ​ടു​ക്കും.—മത്തായി 24:21.

20. (എ) പ്രവാ​ച​കൻമാ​രു​ടെ “മാതൃക”യിൽനി​ന്നു നിങ്ങൾ എന്തു പഠിച്ചു? (ബി) പ്രവാ​ച​ക​തു​ല്യ​മായ ക്ഷമയ്‌ക്ക്‌ നമ്മെ എങ്ങനെ സഹായി​ക്കാ​നാ​കും?

²⁰ ദൈവ​ത്തി​ന്റെ പ്രവാ​ച​കൻമാർ നമുക്ക്‌ എത്ര നല്ല മാതൃ​ക​യാ​ണു നൽകി​യി​രി​ക്കു​ന്നത്‌! അവർ പീഡനം സഹിക്കു​ക​യും ക്ഷമ പ്രകടി​പ്പി​ക്കു​ക​യും മററു ദൈവിക ഗുണങ്ങൾ പ്രദർശി​പ്പി​ക്കു​ക​യും ചെയ്‌ത​തു​കൊണ്ട്‌ യഹോ​വ​യു​ടെ നാമത്തിൽ സംസാ​രി​ക്കാൻ അവർക്കു പദവി ലഭിച്ചു. ആധുനി​ക​നാ​ളി​ലെ സാക്ഷി​ക​ളെന്ന നിലയിൽ നമുക്ക്‌ അവരെ​പ്പോ​ലാ​യി​രി​ക്കാം. കൂടാതെ, പിൻവ​രു​ന്ന​പ്ര​കാ​രം പ്രഖ്യാ​പിച്ച പ്രവാ​ച​ക​നായ ഹബക്കൂ​ക്കി​നെ​പ്പോ​ലെ ദൃഢനി​ശ്ച​യ​മു​ള്ള​വ​രു​മാ​യി​രി​ക്കാം: ‘ഞാൻ കൊത്ത​ള​ത്തിൽനി​ന്നു കാവൽകാ​ത്തു​കൊ​ണ്ടു: [ദൈവം] എന്നോടു എന്തരു​ളി​ച്ചെ​യ്യും എന്നു കാണേ​ണ്ട​തി​ന്നു ദൃഷ്ടി​വെ​ക്കും.’ (ഹബക്കൂക്‌ 2:1) ക്ഷമ പ്രകടി​പ്പി​ക്കു​ക​യും നമ്മുടെ മഹദ്‌സ്ര​ഷ്ടാ​വായ യഹോ​വ​യു​ടെ ശ്രേഷ്‌ഠ​മായ നാമത്തി​നു സന്തോ​ഷ​പൂർവം തുടർച്ച​യാ​യി പരസ്യ പ്രഖ്യാ​പനം നടത്തു​ക​യും ചെയ്‌തു​കൊണ്ട്‌ നമുക്കും സമാന​മായ ഒരു ദൃഢനി​ശ്ചയം ചെയ്യാം!—നെഹെ​മ്യാ​വു 8:10; റോമർ 10:10.

നിങ്ങൾ ഈ ആശയം ഗ്രഹി​ച്ചോ?

◻ പ്രവാ​ച​ക​നായ ആമോസ്‌ ധീരമായ എന്തു ദൃഷ്ടാ​ന്ത​മാ​ണു വെച്ചത്‌?

◻ പ്രവാ​ച​ക​നായ മോശ ഏതു വിധങ്ങ​ളി​ലാ​ണു അനുക​ര​ണീ​യ​നാ​യി​രു​ന്നത്‌?

◻ യഹോ​വ​യു​ടെ ആധുനി​ക​നാ​ളി​ലെ സാക്ഷി​കൾക്ക്‌ ആമോ​സി​നെ​യും യെശയ്യാ​വി​നെ​യും​പോ​ലെ എങ്ങനെ പ്രവർത്തി​ക്കാൻ കഴിയും?

◻ ഹോ​ശേ​യ​യു​ടെ​യും യോ​വേ​ലി​ന്റെ​യും നടത്തയിൽനിന്ന്‌ ക്രിസ്‌തീയ ശുശ്രൂ​ഷ​കർക്ക്‌ എന്തു പഠിക്കാ​നാ​കും?

◻ എസെക്കി​യേ​ലി​ന്റെ​യും മീഖാ​യു​ടെ​യും ദൃഷ്ടാ​ന്ത​ങ്ങ​ളിൽനി​ന്നു നമുക്ക്‌ എങ്ങനെ പ്രയോ​ജനം നേടാൻ കഴിയും?

[16-ാം പേജിലെ ചിത്രം]

അമസ്യാവിന്റെ അങ്ങേയ​റ​റത്തെ എതിർപ്പു​ക​ളൊ​ന്നും വകവയ്‌ക്കാ​തെ സധൈ​ര്യം പ്രവചി​ക്കു​ന്ന​തിന്‌ യഹോ​വ​യു​ടെ ആത്മാവ്‌ ആമോ​സി​നെ ശക്തനാക്കി

[18-ാം പേജിലെ ചിത്രം]

യഹോവയുടെ സേവന​ത്തിൽ വിശ്വസ്‌ത അഭിഷി​ക്തർ ക്ഷമ പ്രകട​മാ​ക്കി​ക്കൊണ്ട്‌ ഒരു മികച്ച ദൃഷ്ടാന്തം വെച്ചി​രി​ക്കു​ന്നു