ആത്മീയ ലാക്കു​ക​ളു​ടെ അനുധാ​വ​നത്തെ പ്രോൽസാ​ഹി​പ്പി​ക്കുക

¹ മുമ്പൊ​രി​ക്ക​ലും ഇത്രയ​ധി​കം ചെറു​പ്പ​ക്കാർ രാജ്യ​സു​വാർത്ത​യു​ടെ ഘോഷ​ണ​ത്തിൽ പങ്കെടു​ത്തി​ട്ടില്ല! പതിനാ​യി​ര​ക്ക​ണ​ക്കിന്‌ ആളുകൾ സഭാ​പ്ര​സം​ഗി 12:1-ലെ ബുദ്ധ്യു​പ​ദേശം സ്വീക​രി​ച്ചു​കൊ​ണ്ടി​രി​ക്കു​ന്നു: “നിന്റെ യൗവന​കാ​ലത്ത്‌ നിന്റെ സ്രഷ്ടാ​വി​നെ ഓർത്തു​കൊൾക.” ശുശ്രൂ​ഷ​യിൽ ഒരു നിരന്ത​ര​മായ പങ്കുണ്ടാ​യി​രി​ക്കാൻ ഈ ചെറു​പ്പ​ക്കാ​രെ പ്രേരി​പ്പി​ക്കു​ന്ന​തെ​ന്താണ്‌, അവരിൽ ഇത്രയ​ധി​കം പേർ പയനിയർ സേവന​ത്തിൽ പങ്കുപ​റ​റു​ന്ന​തെ​ന്തു​കൊ​ണ്ടാണ്‌?

² അനേക​രും മികച്ചു​നിന്ന യുവാ​വാ​യി​രുന്ന തിമൊ​ഥെ​യോ​സി​ന്റെ നടത്ത പകർത്തു​ക​യാ​ണെ​ന്നു​ള​ള​തിന്‌ സംശയ​മില്ല. അവന്റെ അമ്മയും വല്യമ്മ​യും ബാല്യ​ത്തി​ലേ ആത്മീയ വിദ്യാ​ഭ്യാ​സ​ത്തി​ന്റെ പ്രയോ​ജനം അവനു നൽകു​ക​യും ആത്മീയ ലാക്കുകൾ പിന്തു​ട​രാൻ അവനെ പ്രോൽസാ​ഹി​പ്പി​ക്കു​ക​യും ചെയ്‌തു. (2 തിമൊ. 3:14,15) അങ്ങനെ വർദ്ധിച്ച സേവന പദവി​കൾക്കു​ളള അവസരം ഉദിച്ച​പ്പോൾ അവൻ യോഗ്യ​നും ഒരുക്ക​മു​ള​ള​വ​നും ആയിരു​ന്നു.—പ്രവൃ. 16:1-3.

³ കൂടുതൽ ചെറു​പ്പ​ക്കാ​രെ ആത്മീയ ലാക്കുകൾ പിന്തു​ട​രാൻ എങ്ങനെ പ്രോൽസാ​ഹി​പ്പി​ക്കാൻ കഴിയും? ഏതുതരം അടിസ്ഥാ​നം സ്ഥാപി​ക്കേ​ണ്ട​തുണ്ട്‌? മാതാ​പി​താ​ക്കൾക്ക്‌ തങ്ങളുടെ മക്കളിൽ സത്യ​ത്തോ​ടു​ളള വിലമ​തിപ്പ്‌ കെട്ടു​പ​ണി​ചെ​യ്യാ​നും തങ്ങൾക്കാ​യി​ത്തന്നെ ദീർഘ​കാല ലാക്കുകൾ വെക്കാൻ അവരെ സഹായി​ക്കാ​നും എങ്ങനെ കഴിയും?

⁴ ഒരു തിരു​വെ​ഴു​ത്ത​ടി​സ്ഥാ​നം ഇടുക: തങ്ങളുടെ മക്കളെ പഠിപ്പി​ക്കുന്ന കാര്യങ്ങൾ യഹോ​വ​യിൽനി​ന്നു​ള​ള​താ​ണെന്ന്‌ മാതാ​പി​താ​ക്കൾ ഉറപ്പു​വ​രു​ത്തണം, അതിന്‌ തങ്ങളുടെ മക്കളെ “രക്ഷക്ക്‌ ജ്ഞാനി”യാക്കാൻ കഴി​യേ​ണ്ട​തി​നു​തന്നെ. (2 തിമൊ. 3:15) അവരിൽ ദൈവ​വ​ച​ന​മായ ബൈബി​ളി​നോട്‌ അഗാധ​മായ ഒരു സ്‌നേഹം നട്ടുവ​ളർത്താൻ ഉൽസാ​ഹ​പൂർവം യത്‌നി​ക്കുക. ഇതിന്‌ അവരുടെ ആവശ്യ​ങ്ങൾക്ക്‌ യോജിച്ച നിരന്ത​ര​വും അർത്ഥവ​ത്തു​മായ ഒരു ബൈബി​ള​ദ്ധ്യ​യ​ന​വും നിരന്ത​ര​മായ യോഗ​ഹാ​ജ​രും ആവശ്യ​മാണ്‌. ആത്മീയ ലാക്കുകൾ പിന്തു​ട​രാൻ ചെറു​പ്പ​ക്കാ​രെ പ്രചോ​ദി​പ്പി​ക്കുന്ന ശക്തമായ വിശ്വാ​സം ഉണ്ടായി​രി​ക്കു​വാൻ അവർക്ക്‌ അവരുടെ സ്വന്തം വ്യക്തി​പ​ര​മായ പഠനപ​രി​പാ​ടി ഉണ്ടായി​രി​ക്കണം, യഹോ​വ​യോ​ടു​ളള അവരു​ടെ​തന്നെ ബന്ധം വികസി​പ്പി​ക്കു​ക​യും വേണം.—1 തെസ്സ. 5:21; എബ്രാ. 11:1.

⁵ മാതാ​പി​താ​ക്ക​ളും സഭയിലെ പക്വത​യു​ളള മററു​ള​ള​വ​രും ഒരു നല്ല ദൃഷ്ടാന്തം വെക്കു​ക​യും “യഹോ​വ​യി​ങ്കലെ സന്തോഷം” പ്രസരി​പ്പി​ക്കു​ക​യും ചെയ്യു​ന്നെ​ങ്കിൽ ക്രിസ്‌തീയ യുവജ​നങ്ങൾ കൂടിയ മനസ്സൊ​രു​ക്ക​ത്തോ​ടെ ആത്മീയ താൽപ​ര്യ​ങ്ങൾ പിന്തു​ട​രും. (നെഹ. 8:10) സന്തോഷം പ്രകട​മാ​ക്കി​ക്കൊണ്ട്‌ സത്യ​ക്രി​സ്‌ത്യാ​നി​ത്വ​ത്തി​ന്റെ വ്യവസ്ഥകൾ ഭാരമു​ള​ള​വ​യ​ല്ലെന്ന്‌ വിലമ​തി​ക്കാൻ നമു​ക്കെ​ല്ലാം ചെറു​പ്പ​ക്കാ​രെ സഹായി​ക്കാൻ കഴിയും.—1യോഹ. 5:3.

⁶ വയൽസേ​വ​ന​ത്തിൽ തങ്ങളോ​ടു​കൂ​ടെ പ്രവർത്തി​ച്ച​വ​രോ ഒരു പ്രോൽസാ​ഹന വാക്കു കൈമാ​റി​യ​വ​രോ ആയ പയനി​യർമാ​രാ​ലും മിഷന​റി​മാ​രാ​ലും സഞ്ചാര മേൽവി​ചാ​ര​കൻമാ​രാ​ലും അനേകം ചെറു​പ്പ​ക്കാർ വലിയ അളവിൽ സ്വാധീ​നി​ക്ക​പ്പെ​ട്ടി​ട്ടുണ്ട്‌. ഒരു ഭക്ഷണത്തി​നോ അല്ലെങ്കിൽ മററു സമയങ്ങ​ളിൽ ക്രിസ്‌തീയ സഹവാ​സ​ത്തി​നോ മാതൃ​കാ​യോ​ഗ്യ​രായ മുഴു​സമയ പ്രവർത്ത​കരെ തങ്ങളുടെ ഭവനങ്ങ​ളി​ലേക്ക്‌ ക്ഷണിച്ചു​കൊണ്ട്‌ മാതാ​പി​താ​ക്കൾക്ക്‌ സഹായി​ക്കാൻ കഴിയും. യേശു​ക്രി​സ്‌തു ചെറു​പ്പ​ക്കാർക്ക്‌ സന്തുലി​ത​മായ ശ്രദ്ധ നൽകു​ന്ന​തി​ന്റെ ഏററവും മികച്ച ദൃഷ്ടാന്തം നൽകി.—മർക്കോസ്‌ 10:13-16.

⁷ ലാക്കുകൾ വെക്കൽ: മാതാ​പി​താ​ക്ക​ളു​ടെ ശരിയായ മാർഗ്ഗ​നിർദ്ദേശം ഉണ്ടെങ്കിൽ കുട്ടികൾ ആദ്യകാ​ല​ത്തു​തന്നെ മിക്ക​പ്പോ​ഴും തങ്ങൾക്കാ​യി ആത്മീയ ലാക്കുകൾ വെക്കുന്നു. പയനിയർ സേവന​മോ ആവശ്യം അധിക​മു​ള​ളി​ടത്തെ സേവന​മോ ബെഥേൽ, മിഷനറി സേവന​മോ അങ്ങനെ യോഗ്യ​മായ ഏത്‌ അത്മീയ ലക്ഷ്യത്തിൽ എത്തണ​മെന്ന്‌ ചെറു​പ്പ​ക്കാർ ഒരിക്കൽ തീരു​മാ​നം എടുത്ത​ശേഷം അവരെ പ്രചോ​ദി​പ്പി​ക്കുന്ന പ്രാ​യോ​ഗിക നിർദ്ദേ​ശങ്ങൾ പ്രദാനം ചെയ്‌തു​കൊണ്ട്‌ ആ ലാക്കി​ലേ​ക്കാ​യി പ്രവർത്തി​ക്കാൻ മാതാ​പി​താ​ക്കൾക്കും പക്വത​യു​ളള മററു​ള​ള​വർക്കും അവരെ ഊഷ്‌മ​ള​മാ​യി പ്രോൽസാ​ഹി​പ്പി​ക്കാൻ കഴിയും.

⁸ ഓരോ സഭയും ഒരു കുടും​ബ​ത്തെ​പ്പോ​ലെ​യാണ്‌. സത്യത്തിൽ നടക്കാ​നും ആത്മീയ പുരോ​ഗതി വരുത്താ​നും ചെറു​പ്പ​ക്കാ​രെ സഹായി​ക്കു​ന്ന​തിൽ നാം ഓരോ​രു​ത്ത​രും താൽപ​ര്യ​മെ​ടു​ക്കണം. അവരോ​ടു​ളള നമ്മുടെ സ്‌നേഹം ഊട്ടി​യു​റ​പ്പി​ച്ചു​കൊ​ണ്ടും ആത്മീയ ലാക്കുകൾ പിന്തു​ട​രാൻ അവരെ പ്രോൽസാ​ഹി​പ്പി​ച്ചു​കൊ​ണ്ടും നമുക്ക്‌ ഇതു ചെയ്യാൻ കഴിയും.