ദൈനം​ദിന ആത്മീയ ആഹാരം—ഒരു ക്രിസ്‌തീയ കുടും​ബ​ത്തിന്‌ അത്യന്താ​പേ​ക്ഷി​തം

¹ “മനുഷ്യൻ അപ്പം കൊണ്ടു മാത്രമല്ല, യഹോ​വ​യു​ടെ വായിൽനി​ന്നു വരുന്ന സകല അരുള​പ്പാ​ടി​നാ​ലും ജീവി​ക്കേ​ണ്ട​താ​കു​ന്നു.” (മത്താ. 4:4) ആ വചനങ്ങൾ എത്ര സത്യമാണ്‌! നമുക്ക്‌ എല്ലാ ദിവസ​വും ഭൗതിക ആഹാരം ആവശ്യ​മു​ള​ള​തു​പോ​ലെ​തന്നെ നാം ദൈനം​ദി​നം ആത്മീയ ആഹാര​വും കഴിക്കേണ്ട ആവശ്യ​മുണ്ട്‌. നിരന്തരം ദൈവ​വ​ചനം ഭക്ഷിക്കാൻ നമ്മെ സഹായി​ക്കു​ന്ന​തിന്‌ തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്കൽ എന്ന പുസ്‌തകം സൊ​സൈ​ററി പ്രസി​ദ്ധീ​ക​രി​ച്ചി​രി​ക്കു​ന്നു. ഒരു ക്രിസ്‌തീ​യ​കു​ടും​ബം എന്ന നിലയിൽ ദിനവാ​ക്യം പരിചി​ന്തി​ക്കാൻ നിങ്ങൾ സമയം മാററി​വെ​ക്കു​ന്നു​വോ?

² മാതാ​പി​താ​ക്കൾ മാതൃക വെക്കണം: തിരക്കു​പി​ടിച്ച പ്രവർത്തനം നിമിത്തം വാക്യ​പ​രി​ചി​ന്തനം നീട്ടി​വെ​ക്കുക എളുപ്പ​മാണ്‌, അത്‌ മറെറാ​രു സമയത്ത്‌ ചെയ്യാ​മെന്ന്‌ വിചാ​രി​ച്ചു​കൊ​ണ്ടു​തന്നെ. എന്നാൽ മാതാ​പി​താ​ക്കൾ തങ്ങളുടെ കുടും​ബ​ത്തി​ന്റെ ആത്മീയ ആവശ്യം സംബന്ധിച്ച്‌ ബോധ​മു​ള​ള​വ​രാ​ണെ​ങ്കിൽ അവർ സമയം കണ്ടെത്തും, അതെ, കുടും​ബം ഒന്നിച്ചാ​യി​രി​ക്കു​മ്പോൾ ഓരോ ദിവസ​വും അതു ചെയ്യു​ന്ന​തിന്‌ സമയം ഉണ്ടാക്കും. (മത്താ. 5:3) തങ്ങളുടെ കുട്ടി​ക​ളോ​ടൊത്ത്‌ ദിനവാ​ക്യം വായി​ക്കുക മാത്രമല്ല, പിന്നെ​യോ വീക്ഷാ​ഗോ​പു​ര​ത്തി​ലെ അഭി​പ്രാ​യ​ങ്ങ​ളിൽനിന്ന്‌ ആശയങ്ങൾ വിശേ​ഷ​വൽക്ക​രി​ച്ചു​കൊ​ണ്ടും വിവര​ത്തി​ന്റെ​യും ബുദ്ധ്യു​പ​ദേ​ശ​ത്തി​ന്റെ​യും പ്രാ​യോ​ഗി​ക​മായ ബാധക​മാ​ക്കൽ ചർച്ച​ചെ​യ്‌തു​കൊ​ണ്ടും അവർ മുൻക​യ്യെ​ടു​ക്കും. അത്‌ ശീലമാ​കു​ന്ന​തിന്‌ ശ്രമവും അഭ്യസ​ന​വും ആവശ്യ​മാ​ണെ​ന്നു​ള​ളത്‌ സത്യം​തന്നെ, എന്നാൽ പ്രയോ​ജ​നങ്ങൾ തക്ക മൂല്യ​മു​ള​ള​താണ്‌. (പ്രവൃ​ത്തി​കൾ 17:11,12 താരത​മ്യം ചെയ്യുക.) അതു​കൊണ്ട്‌ മാതാ​പി​താ​ക്കളെ, നല്ല മാതൃക വെക്കു​ന്ന​തിന്‌ കഠിന​ശ്രമം ചെയ്യുക!

³ സൗകര്യ​പ്ര​ദ​മായ സമയം കണ്ടെത്തുക: ഒത്താൽ നടത്തുക എന്ന രീതി​യാ​കാൻ അനുവ​ദി​ക്കു​ന്ന​തി​നു പകരം മുഴു കുടും​ബ​ത്തി​നും വാക്യ​ചർച്ച​ക്കു​വേണ്ടി ഒരുമി​ച്ചു​വ​രാൻ ഏററവും പററിയ സമയം എപ്പോ​ഴാണ്‌? ഒരു ബൈബിൾവാ​ക്യ പരിചി​ന്ത​ന​ത്തോ​ടെ ദിവസം തുടങ്ങു​ന്നത്‌ പ്രയോ​ജ​ന​ക​ര​മാണ്‌. ലോക​ത്തെ​മ്പാ​ടു​മു​ളള ബെഥേൽ, മിഷനറി ഭവനങ്ങ​ളിൽ പ്രഭാ​താ​രാ​ധ​ന​യോ​ടെ ദിവസം തുടങ്ങു​ന്നു, അതിൽ ദിനവാ​ക്യ​ത്തി​ന്റെ ഒരു ഹ്രസ്വ​മായ ചർച്ച ഉൾപ്പെ​ടു​ന്നു. യഹോ​വ​യു​ടെ ഓർമ്മി​പ്പി​ക്ക​ലു​കൾ ദിവസ​വും ധ്യാനി​ച്ചു​കൊണ്ട്‌ തങ്ങളുടെ പകലിന്‌ ഒരു നല്ല തുടക്കം കൊടു​ക്കാൻ ഇത്‌ സഹോ​ദ​ര​ങ്ങളെ സഹായി​ക്കു​ന്നു.—സങ്കീ. 1:1,2; ഫിലി. 4:8.

⁴ ക്രിസ്‌തീയ കുടും​ബ​ങ്ങൾക്ക്‌ അതു​പോ​ലെ പ്രഭാത ബൈബിൾചർച്ച​ക​ളിൽനിന്ന്‌ പ്രയോ​ജനം അനുഭ​വി​ക്കാൻ കഴിയും. കുട്ടികൾ സ്‌ക്കൂ​ളിൽ അനുഭ​വി​ക്കുന്ന അവരുടെ ആത്മീയ​ത​യു​ടെ ഭീഷണി​കളെ നേരി​ടാൻ അവർ സഹായി​ക്ക​പ്പെ​ടും. വല്ലപ്പോ​ഴും മുഴു​കു​ടും​ബ​ത്തി​നും ദിനവാ​ക്യ ചർച്ചക്ക്‌ ഒരുമി​ച്ചി​രി​ക്കാൻ സാദ്ധ്യ​മ​ല്ലെ​ങ്കിൽ ഈ പ്രധാ​ന​പ്പെട്ട ആത്മീയ പോഷണം നഷ്ടപ്പെ​ടാ​തി​രി​ക്കാൻ പകരം ക്രമീ​ക​ര​ണ​ങ്ങ​ളെ​ക്കു​റിച്ച്‌ മാതാ​പി​താ​ക്കൾക്ക്‌ ചിന്തി​ക്കാൻ കഴിയും. ഉദാഹ​ര​ണ​ത്തിന്‌, രാവിലെ കുട്ടികൾ ഉണരു​ന്ന​തി​നു​മുമ്പ്‌ പിതാ​വിന്‌ ജോലി​ക്കു പോ​കേ​ണ്ട​തു​ള​ള​പ്പോൾ കുട്ടി​ക​ളോ​ടൊത്ത്‌ വാക്യം പരിചി​ന്തി​ക്കാൻ ഒരുപക്ഷേ അമ്മക്ക്‌ കുറെ സമയം ചെലവ​ഴി​ക്കാൻ കഴിയും. നേരേ​മ​റിച്ച്‌, ചില കുടും​ബങ്ങൾ വൈകു​ന്നേരം വാക്യ​ചർച്ച ക്രമീ​ക​രി​ക്കു​ന്നു, അപ്പോൾ അവർ ഒരുമി​ച്ചു​വ​രും എന്നതു​കൊ​ണ്ടു​തന്നെ. ഓരോ കുടും​ബ​ത്തി​നും അതിന്റെ സാഹച​ര്യ​ങ്ങൾക്ക്‌ ഏററവും യോജിച്ച ഒരു പട്ടിക രൂപ​പ്പെ​ടു​ത്താൻ കഴിയും.

⁵ ഒരു ക്രിസ്‌തീയ കുടും​ബ​ത്തിന്‌ ദൈനം​ദിന ആത്മീയ പോഷണം അത്യന്താ​പേ​ക്ഷി​ത​മാണ്‌. ദിനവാ​ക്യം പരിചി​ന്തി​ക്കു​ന്ന​തിന്‌ പ്രമു​ഖ​സ്ഥാ​നം നൽകുക. (ഫിലി. 1:10) ഒരോ ദിവസ​വും ഒരു ബൈബിൾവാ​ക്യം ചർച്ച​ചെ​യ്യു​ന്നത്‌ യഹോ​വ​യു​ടെ നീതി​യു​ളള തത്വങ്ങ​ളോ​ടും നിയമ​ങ്ങ​ളോ​ടും പററി​നിൽക്കാൻ നമ്മെ സഹായി​ക്കും. ഓരോ കുടും​ബാം​ഗ​ത്തി​ന്റെ​യും ഭാഗത്തെ സഹകരണം ഈ ക്രമീ​ക​രണം എല്ലാവർക്കും അത്യന്തം പ്രയോ​ജ​ന​ക​ര​മാ​ക്കി​ത്തീർക്കും.