നിങ്ങൾ അനൗപ​ചാ​രിക സാക്ഷീ​ക​ര​ണ​ത്തിൽ പങ്കെടു​ക്കു​മോ?

¹ യഹോ​വ​യേ​ക്കു​റിച്ച്‌ ആളുക​ളോ​ടു സംസാ​രി​ക്കാ​നു​ളള നിശ്ചിത സമയങ്ങൾ നമ്മുടെ ജീവി​ത​ത്തി​ലെ നിരന്തര പ്രവർത്ത​ന​ങ്ങ​ളിൽ ഉൾപ്പെ​ടു​ന്നു. വീടു​തോ​റും ഔപചാ​രി​ക​മാ​യി സാക്ഷീ​ക​രി​ക്കു​ന്ന​തി​നും മടക്കസ​ന്ദർശ​ന​ങ്ങ​ളും ബൈബി​ള​ദ്ധ്യ​യ​ന​ങ്ങ​ളും നടത്തു​ന്ന​തി​നും നാം സമയം മാററി​വെ​ക്കു​ന്നു. എങ്കിലും സത്യ​ത്തേ​ക്കു​റിച്ച്‌ ആളുക​ളോ​ടു സംസാ​രി​ക്കാൻ കഴിയുന്ന അത്ര ഔപചാ​രി​ക​മ​ല്ലാത്ത മററ​നേകം സന്ദർഭങ്ങൾ ഉണ്ട്‌. നാം ഈ പ്രസം​ഗത്തെ അനൗപ​ചാ​രിക സാക്ഷീ​ക​രണം എന്നു വിളി​ക്കു​ന്നു.

² ചില പ്രസാ​ധകർ ഈ ശുശ്രൂ​ഷ​യിൽ ഏർപ്പെ​ടു​ന്ന​തിന്‌ അനേകം അവസരങ്ങൾ കണ്ടെത്തു​ന്നു. നാം കൺ​വെൻ​ഷ​നു​ക​ളി​ലേ​ക്കും തിരി​ച്ചും യാത്ര​ചെ​യ്യു​മ്പോ​ഴും അവധികൾ എടുക്കു​മ്പോ​ഴും ബന്ധുക്കളെ സന്ദർശി​ക്കു​മ്പോ​ഴും അത്തരം സന്ദർഭ​ങ്ങൾക്കാ​യി ജാഗ്ര​ത​പു​ലർത്താൻ നമു​ക്കെ​ല്ലാ​വർക്കും പ്രയത്‌നി​ക്കാൻ കഴിയും. നിങ്ങൾ അനൗപ​ചാ​രിക സാക്ഷീ​ക​ര​ണ​ത്തി​നു​ളള അവസരങ്ങൾ പ്രയോ​ജ​ന​പ്പെ​ടു​ത്തു​മോ?

³ മുൻകൂ​ട്ടി ആസൂ​ത്ര​ണങ്ങൾ ചെയ്യുക: ഫലകര​മായ ഒരു വിധത്തിൽ അനൗപ​ചാ​രി​ക​മാ​യി സാക്ഷീ​ക​രി​ക്കാൻ ഒരുക്ക​വും മുൻകൂ​ട്ടി​യു​ളള ചിന്തയും നമ്മെ പ്രാപ്‌ത​രാ​ക്കും. ഇതു നിർവ്വ​ഹി​ക്കാൻ നമ്മെ സഹായി​ക്കു​ന്ന​തിന്‌ ഈ ബന്ധത്തിൽ, നാം വിവി​ധ​ങ്ങ​ളായ പ്രസി​ദ്ധീ​ക​ര​ണ​ങ്ങ​ളോ​ടെ സുസജ്ജ​രാണ്‌. വീക്ഷാ​ഗോ​പു​ര​ത്തി​നും ഉണരു​ക​ക്കും പുറമെ താൽപ​ര്യം ഉണർത്തുന്ന ചിന്തോ​ദ്ദീ​പ​ക​മായ തലക്കെ​ട്ടു​കൾ വിശേ​ഷ​വൽക്ക​രി​ക്കുന്ന നിരവധി ലഘു​ലേ​ഖകൾ നമുക്കുണ്ട്‌. വിവിധ പശ്ചാത്ത​ല​ങ്ങ​ളി​ലും മതങ്ങളി​ലു​മു​ളള ആളുകളെ ആകർഷി​ക്കുന്ന ലഘുപ​ത്രി​കകൾ ഉണ്ട്‌. അതതു കാലത്ത്‌ താൽപ​ര്യ​മു​ളള വിഷയങ്ങൾ കൈകാ​ര്യം ചെയ്യുന്ന പോക്ക​ററ്‌ സൈസ്‌ പുസ്‌ത​ക​ങ്ങ​ളും നമുക്കുണ്ട്‌. ഏതു പ്രസി​ദ്ധീ​ക​ര​ണങ്ങൾ ഉപയോ​ഗി​ക്കു​ന്ന​താണ്‌ എളുപ്പ​മാ​യി നിങ്ങൾക്കു തോന്നു​ന്നത്‌? ഒരു കുടും​ബ​മെ​ന്ന​നി​ല​യിൽ ഇതിനു ചിന്ത നൽകുക. അതിനു​ശേഷം പററിയ സന്ദർഭം വരു​മ്പോൾ എന്തു പറയു​മെന്ന്‌ അഭ്യസി​ക്കുക.

⁴ അവധി​യി​ലാ​യി​രി​ക്കു​മ്പോൾ: അനൗപ​ചാ​രി​ക​മാ​യി സാക്ഷീ​ക​രി​ക്കു​ന്ന​തിന്‌ വിശി​ഷ്ട​മായ ഒരു സമയം അവധി​യി​ലാ​യി​രി​ക്കു​മ്പോ​ഴാണ്‌. നിങ്ങൾ വിമാ​ന​ത്തി​ലോ ട്രെയി​നി​ലോ ബസ്സിലോ ഒരു യാത്ര ആസൂ​ത്രണം ചെയ്യു​ന്നു​വോ? അപ്പോൾ ഒരു ബൈബി​ളും മുകളിൽ പരാമർശിച്ച പ്രസി​ദ്ധീ​ക​ര​ണ​ങ്ങ​ളി​ലൊ​ന്നും കരുതുക. പൊതു വാഹന​ങ്ങ​ളി​ലാ​യി​രി​ക്കു​മ്പോൾ അത്തരം പ്രസി​ദ്ധീ​ക​ര​ണങ്ങൾ വായി​ക്കു​ന്നത്‌ പലപ്പോ​ഴും സംഭാ​ഷ​ണ​ത്തിന്‌ തിരി​കൊ​ളു​ത്തി​യേ​ക്കാം. നിങ്ങൾ സ്വന്തവാ​ഹ​ന​ത്തിൽ യാത്ര ചെയ്യു​ന്നെ​ങ്കിൽ ഒരു പെ​ട്രോൾ ബങ്കിലോ റെസ്‌റേ​റാ​റൻറി​ലോ നിർത്തു​മ്പോ​ഴോ ഹോട്ട​ലിൽ വിശ്ര​മി​ക്കു​മ്പോ​ഴോ എന്തു പറയാൻ കഴിയു​മെന്ന്‌ ആലോ​ചി​ക്കുക. അത്തരം സന്ദർഭ​ങ്ങ​ളിൽ താൽപ​ര്യ​ക്കാർക്ക്‌ വിതരണം ചെയ്യാൻ കഴിയ​ത്ത​ക്ക​വണ്ണം കുറെ ലഘു​ലേ​ഖകൾ നിങ്ങൾക്ക്‌ കൈവ​ശം​വെ​ക്കാ​വു​ന്ന​താണ്‌. നിങ്ങൾ മനോ​ഹ​ര​മായ ഭൂപ്ര​കൃ​തി​യു​ളള ഒരു ഹൈവേ വിശ്ര​മ​കേ​ന്ദ്ര​ത്തിൽ ആണെങ്കിൽ, ആരോ​ടെ​ങ്കി​ലും ഇങ്ങനെ ചോദി​ച്ചു​കൊണ്ട്‌ നിങ്ങൾക്ക്‌ ഒരുപക്ഷേ സാക്ഷീ​ക​രണം തുടങ്ങാൻ കഴിയും: “മുഴു ഭൂമി​യും ഇങ്ങനെ​യാ​യി​രു​ന്നെ​ങ്കിൽ നല്ലതാ​യി​രി​ക്കു​മാ​യി​രു​ന്നി​ല്ലേ?” നിങ്ങൾ മനോ​ഹ​ര​മായ ഒരു കടലോ​ര​ത്തോ ഉദ്യാ​ന​ത്തി​ലോ ആണെങ്കിൽ സമാന​മായ ഒരു മുഖവുര ഉപയോ​ഗി​ക്കാൻ കഴിയും.

⁵ ഡിസ്‌ട്രി​ക്‌ററ്‌ കൺ​വെൻ​ഷ​നിൽ: ഡിസ്‌ട്രി​ക്‌ററ്‌ കൺ​വെൻ​ഷ​നി​ലും അനൗപ​ചാ​രി​ക​മാ​യി സാക്ഷീ​ക​രി​ക്കു​ന്ന​തിന്‌ നമുക്ക്‌ സന്ദർഭങ്ങൾ കണ്ടെത്താ​വു​ന്ന​താണ്‌. ഹോട്ട​ലി​ലെ​യോ താമസ്സ​സ്ഥ​ല​ത്തെ​യോ ജോലി​ക്കാ​രോട്‌ സംസാ​രി​ക്കു​ന്ന​തിൽ, അഥവാ തെരു​വി​ലോ ബസ്സ്‌സ്‌റേ​റാ​പ്പി​ലോ ആയിരി​ക്കു​മ്പോൾ ആളുക​ളോ​ടു സംസാ​രി​ക്കു​ന്ന​തിൽ അനേകർ വിജയം കണ്ടിട്ടുണ്ട്‌. കൺ​വെൻ​ഷൻ സമയത്ത്‌ ഒരു ബാഡ്‌ജ്‌ കാർഡ്‌ ധരിക്കു​ന്നു​വെന്ന്‌ ഉറപ്പു​വ​രു​ത്തുക. പ്രദേ​ശത്തെ റെസ്‌റേ​റാ​റൻറു​ക​ളി​ലും കടകളി​ലും നിങ്ങൾ പതിവാ​യി സന്ദർശനം നടത്തി​യേ​ക്കാം, നിങ്ങളു​ടെ ബാഡ്‌ജ്‌ കാർഡ്‌ എന്തി​ന്റേ​താ​ണെന്ന്‌ ആളുകൾ നിങ്ങ​ളോ​ടു ചോദി​ക്കു​ക​യും ചെയ്‌തേ​ക്കാം. ഇത്‌ ഒരു നല്ല സാക്ഷ്യം നൽകു​ന്ന​തി​ലേക്ക്‌ നിങ്ങളെ നയി​ച്ചേ​ക്കാ​നി​ട​യുണ്ട്‌.

⁶ അടുത്തു​വ​രുന്ന മാസങ്ങൾ നിങ്ങൾക്ക്‌ ആശ്വാ​സ​വും വിശ്ര​മ​വും പ്രദാനം ചെയ്‌തേ​ക്കാം, എന്നാൽ നമുക്ക്‌ ഒരു അനൗപ​ചാ​രിക സാക്ഷ്യം നൽകാ​നു​ളള അവസരങ്ങൾ അവഗണി​ക്കാ​തി​രി​ക്കാം. ഈ പ്രസം​ഗ​രീ​തി ഫലകര​മാണ്‌, യഹോ​വ​യു​ടെ ദാസൻമാർ അതിൽ പങ്കെടു​ക്കണം. യേശു​വി​ന്റെ കാര്യ​ത്തി​ലെ​ന്ന​പോ​ലെ സഹമനു​ഷ്യ​രോ​ടു​ളള നമ്മുടെ സ്‌നേഹം ഉചിത​മായ എല്ലാ അവസര​ത്തി​ലും സംസാ​രി​ക്കാൻ നമ്മെ പ്രേരി​പ്പി​ക്കട്ടെ!—മത്താ. 5:14-16.