ഏതുതരം ആളുക​ളോ​ടാ​ണു നിങ്ങൾ പ്രീതി കാട്ടു​ന്നത്‌?

“വധുവി​നെ ആവശ്യ​മുണ്ട്‌. വെളു​ത്ത​നി​റ​മു​ള്ള​വ​ളും വണ്ണം കുറഞ്ഞ​വ​ളും ബിരു​ദ​ധാ​രി​യും ആയിരി​ക്കണം, ബിരു​ദാ​ന​ന്ത​ര​ബി​രു​ദ​ധാ​രി കൂടുതൽ അഭില​ഷ​ണീ​യം. വസ്‌തു ഉള്ള ഉയർന്ന കുടും​ബ​ത്തിൽപ്പെ​ട്ടവൾ ആയിരി​ക്കണം. ഒരേ ജാതി അഭികാ​മ്യം.”

ഇൻഡ്യ​യി​ലെ ഒരു വർത്തമാ​ന​പ​ത്ര​ത്തിൽ നിങ്ങൾ കാണാ​നി​ട​യുള്ള ഒരു സാധാരണ വിവാ​ഹ​പ​ര​സ്യം അങ്ങനെ​യാ​ണു വായി​ക്കു​ന്നത്‌. മിക്കവാ​റും, ലോക​ത്തി​ന്റെ മററ​നേകം ഭാഗങ്ങ​ളിൽ നിങ്ങൾക്കു സമാന​മായ എന്തെങ്കി​ലും കാണാൻ കഴിയും. സാധാ​ര​ണ​യാ​യി ഇൻഡ്യ​യിൽ ഈ വിജ്ഞാ​പനം പുറ​പ്പെ​ടു​വി​ക്കു​ന്നതു ഭാവി​വ​രന്റെ മാതാ​പി​താ​ക്ക​ളാണ്‌. സുന്ദര​മാ​യ​ചു​വപ്പു സാരി​യു​ടു​ത്തു ധാരാളം സ്വർണ്ണാ​ഭ​ര​ണങ്ങൾ അണിഞ്ഞ പെൺകു​ട്ടി​യു​ടെ ഒരു ഫോട്ടോ മറുപ​ടി​ക​ളിൽ ഉൾപ്പെ​ട്ടേ​ക്കാം. ചെറു​ക്കന്റെ കുടും​ബം അംഗീ​ക​രി​ക്കു​ന്നു​വെ​ങ്കിൽ വിവാ​ഹ​ത്തി​നുള്ള ഉദ്ദേശ്യ​ത്തോ​ടെ കൂടി​യാ​ലോ​ച​നകൾ ആരംഭി​ക്കു​ന്നു.

മൂല്യ​ത്തി​ന്റെ പൊതു മാനദ​ണ്ഡ​ങ്ങൾ

ഇൻഡ്യ​യിൽ വെളുത്ത വധുവി​നു​വേ​ണ്ടി​യുള്ള അഭ്യർത്ഥ​നകൾ വളരെ സാധാ​ര​ണ​മാണ്‌. ഹൈന്ദവ സമുദാ​യ​ത്തി​ലെ താഴ്‌ന്ന ജാതി​ക്കാർ എന്നു വിളി​ക്ക​പ്പെ​ടു​ന്നവർ കറുത്ത തൊലി​യു​ള്ള​വ​രാണ്‌ എന്ന ആഴത്തിൽ വേരൂ​ന്നിയ വിശ്വാ​സം നിമി​ത്ത​മാ​ണിത്‌. അടുത്ത​കാ​ലത്ത്‌, ഇൻഡ്യൻ ദൂരദർശ​നി​ലെ ഒരു പരിപാ​ടി രണ്ടു പെൺകു​ട്ടി​ക​ളു​ടെ ഒരു കഥ പറഞ്ഞു, ഒരുവൾ വെളു​ത്ത​വ​ളും മറേറവൾ കറുത്ത​വ​ളും. വെളുത്ത പെൺകു​ട്ടി ക്രൂര​യും മോശ​മായ സ്വഭാവം ഉള്ളവളും ആയിരു​ന്നു. കറുത്ത പെൺകു​ട്ടി ദയയും ആർദ്ര​ത​യും ഉള്ളവളാ​യി​രു​ന്നു. ഒരു മാന്ത്രി​ക​മായ മാററം സംഭവി​ച്ചു, ശിക്ഷ​യെ​ന്ന​നി​ല​യിൽ വെളുത്ത പെൺകു​ട്ടി കറുത്ത​വ​ളാ​യി​ത്തീർന്നു. എന്നാൽ കറുത്ത പെൺകു​ട്ടി വെളു​ത്ത​വ​ളാ​യി മാറി. കഥയുടെ ഗുണപാ​ഠം സുവ്യ​ക്ത​മാ​യി നൻമ അന്തിമ​മാ​യി വിജയി​ക്കു​ന്നു​വെ​ന്നാ​ണെ​ങ്കി​ലും വെളുത്ത ചർമ്മം ഒരു അഭില​ഷി​ക്ക​പ്പെ​ടുന്ന പ്രതി​ഫ​ല​മാണ്‌.

അത്തരം വർഗ്ഗീ​യ​വി​കാ​രങ്ങൾ മിക്ക​പ്പോ​ഴും ഒരുവൻ മനസി​ലാ​ക്കി​യേ​ക്കാ​വു​ന്ന​തി​നേ​ക്കാൾ വളരെ ആഴത്തിൽ വേരൂ​ന്നി​യ​താണ്‌. ഉദാഹ​ര​ണ​ത്തിന്‌, ഒരു ഏഷ്യാ​ക്കാ​രൻ ഒരു പാശ്ചാ​ത്യ​രാ​ജ്യം സന്ദർശി​ച്ചിട്ട്‌ തന്റെ തൊലി​യു​ടെ നിറം അല്ലെങ്കിൽ കണ്ണുക​ളു​ടെ വീക്ഷണ​രീ​തി നിമിത്തം തന്നോടു മോശ​മാ​യി പെരു​മാ​റി​യെന്നു പരാതി​പ്പെ​ട്ടേ​ക്കാം. അത്തരം പ്രവർത്ത​നങ്ങൾ അയാളെ അസ്വസ്ഥ​നാ​ക്കു​ന്നു, തന്നോടു വർണ്ണവി​വേ​ചനം കാണി​ച്ച​താ​യി അയാൾക്കു തോന്നു​ന്നു. പിന്നീട്‌ അയാൾ തന്റെ സ്വന്ത​ദേ​ശത്തു തിര​ച്ചെ​ത്തു​മ്പോൾ ഒരു വ്യത്യ​സ്‌ത​വം​ശീയ സമൂഹ​ത്തിൽപ്പെട്ട ആളുക​ളോട്‌ അതേവി​ധ​ത്തിൽതന്നെ പെരു​മാ​റി​യേ​ക്കാം. മറെറാ​രു വ്യക്തി​യു​ടെ മൂല്യത്തെ സംബന്ധിച്ച അനേക​രു​ടെ വിലയി​രു​ത്ത​ലിൽ തൊലി​യു​ടെ നിറവും വർഗ്ഗീയ പശ്ചാത്ത​ല​വും ഇന്നു​പോ​ലും ഒരു പ്രമു​ഖ​പങ്കു വഹിക്കു​ന്നു.

“ദ്രവ്യ​മോ സകലത്തി​നും ഉതകുന്നു” എന്നു പുരാതന കാലത്തെ ശലോ​മോൻ രാജാവ്‌ എഴുതി. (സദൃശ​വാ​ക്യ​ങ്ങൾ 10:19) അത്‌ എത്ര സത്യമാണ്‌! ആളുകളെ എങ്ങനെ വീക്ഷി​ക്കു​ന്നു​വെ​ന്ന​തി​നെ​യും സമ്പത്തു സ്വാധീ​നി​ക്കു​ന്നു. സമ്പത്തിന്റെ ഉറവിടം മിക്ക​പ്പോ​ഴും ചോദ്യം ചെയ്യ​പ്പെ​ടു​ന്നില്ല. കഠിനാ​ദ്ധ്വാ​നം നിമി​ത്ത​മാ​ണോ ഒരു മനുഷ്യൻ സമ്പന്നനാ​യത്‌, അതോ പണം ശ്രദ്ധാ​പൂർവം കൈകാ​ര്യം ചെയ്‌ത​തു​കൊ​ണ്ടാ​ണോ, അതോ സത്യസ​ന്ധ​ത​യി​ല്ലായ്‌മ നിമി​ത്ത​മാ​ണോ? അതു വലിയ പ്രാധാ​ന്യം അർഹി​ക്കു​ന്നില്ല. അനുചി​ത​മാ​യി ലഭിച്ച​താ​ണെ​ങ്കി​ലും അല്ലെങ്കി​ലും സമ്പന്നന്റെ പ്രീതി നേടാൻ അനേക​മാ​ളു​കളെ സമ്പത്ത്‌ പ്രേരി​പ്പി​ച്ചി​രി​ക്കു​ന്നു.

ഈ മത്സര​ലോ​ക​ത്തിൽ ഉയർന്ന വിദ്യാ​ഭ്യാ​സ​വും ഉന്നത സ്ഥാനത്തു പ്രതി​ഷ്‌ഠി​ക്ക​പ്പെ​ട്ടി​രി​ക്കു​ന്നു. ഒരു കുട്ടി ജനിച്ചാ​ലു​ടൻ മാതാ​പി​താ​ക്കൾ വിദ്യാ​ഭ്യാ​സ​ത്തി​നുള്ള വലിയ തുകകൾ നീക്കി​വെ​ക്കാൻ തുടങ്ങു​ന്നു. അവനു രണ്ടോ മൂന്നോ വയസ്സു പ്രായ​മാ​കു​മ്പോ​ഴേക്ക്‌ ഒരു സർവ്വക​ലാ​ശാ​ലാ ബിരു​ദ​ത്തി​ലേ​ക്കുള്ള ദീർഘ​യാ​ത്ര​യു​ടെ ആദ്യപ​ടി​യാ​യി ഉചിത​മായ നേഴ്‌സറി വിദ്യാ​ല​യ​ത്തി​ലോ കിൻറർഗാർട്ട​നി​ലോ എത്തിക്കു​ന്നതു സംബന്ധിച്ച്‌ അവർ ഉത്‌ക​ണ്‌ഠ​പ്പെ​ടു​ന്നു. പ്രശസ്‌ത​മായ ഒരു ഡിപ്ലോമ അതി​നോ​ടൊ​പ്പം മററു​ള്ള​വ​രിൽനി​ന്നു പ്രീതി​യും ആദരവും നേടാ​നുള്ള അവകാ​ശ​വും വഹിക്കു​ന്നു​വെന്നു ചില ആളുകൾ കരുതു​ന്ന​താ​യി തോന്നു​ന്നു.

അതെ, തൊലി​യു​ടെ നിറം, വിദ്യാ​ഭ്യാ​സം, പണം, വംശീയ പശ്ചാത്തലം—ഇവ അനേക​മാ​ളു​കൾക്കു മററാ​ളു​കളെ വിധി​ക്കാൻ അഥവാ മുൻവി​ധി നടത്താൻ മാനദ​ണ്ഡ​ങ്ങ​ളാ​യി​ത്തീർന്നി​രി​ക്കു​ന്നു. തങ്ങൾ ആരോടു പ്രീതി കാട്ടണം ആരോടു കാട്ടരുത്‌ എന്നു നിശ്ചയി​ക്കു​ന്ന​തി​നുള്ള ഘടകങ്ങൾ ഇവയാണ്‌. നിങ്ങളെ സംബന്ധി​ച്ചെന്ത്‌? നിങ്ങൾ ആരോ​ടാണ്‌ പ്രീതി കാട്ടു​ന്നത്‌? പണമോ വെളുത്ത ചർമ്മമോ ഉയർന്ന വിദ്യാ​ഭ്യാ​സ​മോ ഉള്ള ആരെങ്കി​ലും കൂടുതൽ ബഹുമാ​ന​വും പ്രീതി​യും അർഹി​ക്കു​ന്ന​താ​യി നിങ്ങൾ കണക്കാ​ക്കു​ന്നു​വോ? അങ്ങനെ​യെ​ങ്കിൽ നിങ്ങളു​ടെ വികാ​ര​ങ്ങ​ളു​ടെ അടിസ്ഥാ​നത്തെ നിങ്ങൾ ഗൗരവ​മാ​യി പരി​ശോ​ധി​ക്കേണ്ട ആവശ്യ​മുണ്ട്‌.

ഇവ നല്ല മാനദ​ണ്ഡ​ങ്ങ​ളാ​ണോ?

ഹൈന്ദ​വ​ലോ​കം [Hindu World] എന്ന പുസ്‌തകം ഇപ്രകാ​രം കുറി​ക്കൊ​ള്ളു​ന്നു: “താഴ്‌ന്ന ജാതി​യിൽപ്പെട്ട ആരെങ്കി​ലും ഒരു ബ്രാഹ്മ​ണനെ കൊന്നാൽ അയാളെ പീഡി​പ്പി​ച്ചു​കൊ​ല്ലാ​നും അയാളു​ടെ സ്വത്തു കണ്ടു​കെ​ട്ടാ​നും കഴിയു​മാ​യി​രു​ന്നു. അയാളു​ടെ ദേഹി നിത്യ​മാ​യി ശപിക്ക​പ്പെട്ടു. ആരെ​യെ​ങ്കി​ലും കൊല്ലുന്ന ഒരു ബ്രാഹ്മ​ണനു പിഴയി​ടാൻ മാത്രമേ കഴിയു​മാ​യി​രു​ന്നു​ള്ളു, അയാൾക്ക്‌ ഒരിക്ക​ലും മരണശിക്ഷ നൽകി​യി​രു​ന്നില്ല.” ആ പുസ്‌തകം പുരാതന കാല​ത്തെ​ക്കു​റി​ച്ചാ​ണു പ്രസ്‌താ​വി​ക്കു​ന്ന​തെ​ങ്കി​ലും, ഇന്നെന്ത്‌? വർഗ്ഗീയ മുൻവി​ധി​യും സാമു​ദാ​യിക സംഘർഷ​വും ഈ ഇരുപ​താം നൂററാ​ണ്ടിൽപോ​ലും രക്തപ്പു​ഴകൾ ഒഴുക്കി​യി​ട്ടുണ്ട്‌. ഇത്‌ ഇൻഡ്യ​യിൽ മാത്രം ഉള്ളതല്ല. ദക്ഷിണാ​ഫ്രി​ക്ക​യി​ലെ വർണ്ണവി​വേ​ച​ന​ത്താ​ലും ഐക്യ​നാ​ടു​ക​ളി​ലെ വർഗ്ഗീയ മുൻവി​ധി​യാ​ലും ബാൾട്ടി​ക്കു​ക​ളി​ലെ ദേശീയ മുൻവി​ധി​യാ​ലും—ഈ പട്ടിക നീണ്ടു​നീ​ണ്ടു പോകു​ന്നു—നിലനിർത്ത​പ്പെ​ടുന്ന വിദ്വേ​ഷ​വും അക്രമ​വു​മെ​ല്ലാം സഹജ​ശ്രേ​ഷ്‌ഠ​ത​യു​ടെ വികാ​ര​ങ്ങ​ളാൽ ഉളവാ​കു​ന്ന​താണ്‌. തീർച്ച​യാ​യും, വർണ്ണമോ ദേശീ​യ​ത​യോ നിമിത്തം ഒരാ​ളെ​ക്കാൾ മറെറാ​രാ​ളോട്‌ അത്തരം പ്രീതി കാണി​ക്കു​ന്നത്‌ സമാധാ​ന​പ​ര​മായ നല്ല ഫലങ്ങൾ ഉളവാ​ക്കി​യി​ട്ടില്ല.

ധനം സംബന്ധി​ച്ചെ​ങ്ങനെ? നിസ്സം​ശ​യ​മാ​യും സത്യസ​ന്ധ​മായ കഠിനാ​ദ്ധ്വാ​ന​ത്തി​ലൂ​ടെ അനേകർ ധനിക​രാ​യി​ത്തീ​രു​ന്നു. എന്നിരു​ന്നാ​ലും, അധോ​ലോക കുററ​വാ​ളി​ക​ളും കരിഞ്ച​ന്ത​ക്കാ​രും മയക്കു​മ​രു​ന്നു കള്ളക്കട​ത്തു​കാ​രും നിയമ​വി​രുദ്ധ ആയുധ​യി​ട​പാ​ടു​കാ​രും മററു​ള്ള​വ​രും ഭീമമായ സമ്പത്തു വാരി​ക്കൂ​ട്ടി​യി​രി​ക്കു​ന്നു. ഇവരിൽ ചിലർ ധർമ്മസ്ഥാ​പ​ന​ങ്ങൾക്കു സംഭാവന നൽകു​ക​യോ ദരി​ദ്രരെ സഹായി​ക്കാ​നുള്ള പദ്ധതി​കളെ പിന്തു​ണ​യ്‌ക്കു​ക​യോ ചെയ്യു​ന്നു​വെ​ന്നതു സത്യം​തന്നെ. എന്നുവ​രി​കി​ലും, അവരുടെ അക്രമ​പ്ര​വർത്ത​നങ്ങൾ അവയുടെ ഇരകൾക്കു പറഞ്ഞു​തീ​രാത്ത കഷ്ടപ്പാ​ടും ദുരി​ത​വും കൈവ​രു​ത്തി​യി​രി​ക്കു​ന്നു. ഒരു കോഴ വാങ്ങു​ക​യോ അപകീർത്തി​ക​ര​മായ വ്യാപാ​ര​ന​ട​പ​ടി​ക​ളിൽ ഏർപ്പെ​ടു​ക​യോ ചെയ്യു​ന്ന​വ​രെ​പ്പോ​ലുള്ള താരത​മ്യേന നിസ്സാര ബിസി​ന​സ്സു​കാർപോ​ലും തങ്ങളുടെ ഉത്‌പ​ന്ന​ങ്ങ​ളും സേവന​ങ്ങ​ളും തകരാ​റി​ലാ​കു​മ്പോൾ നൈരാ​ശ്യ​വും അപകട​വും മരണവും ഉളവാ​ക്കി​യി​രി​ക്കു​ന്നു. തീർച്ച​യാ​യും സമ്പത്തു​ണ്ടാ​യി​രി​ക്കു​ന്നത്‌ അതിൽതന്നെ ഒരു അനുകൂ​ല​മായ വിധി​യ്‌ക്കുള്ള അടിസ്ഥാ​നമല്ല.

അപ്പോൾ വിദ്യാ​ഭ്യാ​സം സംബന്ധി​ച്ചെന്ത്‌? ഒരുവന്റെ പേരിന്റെ പിന്നാ​ലെ​യുള്ള ബിരു​ദ​ങ്ങ​ളു​ടെ​യും സ്ഥാന​പ്പേ​രു​ക​ളു​ടെ​യും നീണ്ട പട്ടിക അയാൾ സത്യസ​ന്ധ​നും നേരു​ള്ള​വ​നും ആണെന്ന്‌ ഉറപ്പു​നൽകു​ന്നു​ണ്ടോ? അയാളെ പ്രീതി​യോ​ടെ കാണണ​മെന്ന്‌ ഇതർത്ഥ​മാ​ക്കു​ന്നു​ണ്ടോ? വിദ്യാ​ഭ്യാ​സ​ത്തിന്‌ ഒരുവന്റെ ചക്രവാ​ള​ങ്ങളെ വിപു​ല​മാ​ക്കാൻ കഴിയും എന്നു സമ്മതി​ക്കാ​വു​ന്ന​താണ്‌. മററു​ള്ള​വർക്കു പ്രയോ​ജനം ചെയ്യാൻ തങ്ങളുടെ വിദ്യാ​ഭ്യാ​സത്തെ ഉപയോ​ഗി​ച്ചി​ട്ടുള്ള അനേകർ ആദരവും ബഹുമാ​ന​വും അർഹി​ക്കു​ന്ന​വ​രാണ്‌. ജനസമൂ​ഹ​ങ്ങളെ ചൂഷണം ചെയ്യു​ക​യും മർദ്ദി​ക്കു​ക​യും ചെയ്‌ത അഭ്യസ്‌ത​വി​ദ്യ​രു​ടെ ദൃഷ്ടാ​ന്ത​ങ്ങൾകൊ​ണ്ടു ചരിത്രം നിറഞ്ഞി​രി​ക്കു​ന്നു. കോളജ്‌ അഥവാ സർവ്വക​ലാ​ശാ​ലാ രംഗത്ത്‌ ഇന്നു സംഭവി​ച്ചു​കൊ​ണ്ടി​രി​ക്കു​ന്നതു പരിഗ​ണി​ക്കുക. മയക്കു​മ​രു​ന്നു ദുരു​പ​യോ​ഗ​ത്തി​ന്റെ പ്രശ്‌ന​ങ്ങ​ളും ലൈം​ഗി​ക​മാ​യി പകരുന്ന രോഗ​ങ്ങ​ളും കാമ്പസ്സു​കളെ ബാധി​ച്ചി​രി​ക്കു​ന്നു. അനേകം വിദ്യാർത്ഥി​കൾ പണത്തി​ന്റെ​യും അധികാ​ര​ത്തി​ന്റെ​യും പ്രശസ്‌തി​യു​ടെ​യും നേട്ടത്തി​ലാണ്‌ കോള​ജിൽ ചേരു​ന്നത്‌. ഒരു വ്യക്തി​യു​ടെ വിദ്യാ​ഭ്യാ​സം മാത്രം അയാൾക്കു സത്യസ​ന്ധ​മായ സ്വഭാവം ഉണ്ടെന്നു​ള്ള​തി​ന്റെ ആശ്രയ​യോ​ഗ്യ​മായ സൂചനയല്ല.

അല്ല, തൊലി​യു​ടെ നിറമോ വിദ്യാ​ഭ്യാ​സ​മോ പണമോ വംശീ​യ​പ​ശ്ചാ​ത്ത​ല​മോ മററു ഘടകങ്ങ​ളോ മറെറാ​രു​വന്റെ മൂല്യത്തെ നിർണ്ണ​യി​ക്കു​ന്ന​തി​നുള്ള ഈടുററ അടിസ്ഥാ​നമല്ല. മററു​ള്ള​വ​രിൽനി​ന്നു പ്രീതി നേടാ​നുള്ള ശ്രമത്തിൽ ഈ കാര്യ​ങ്ങ​ളിൽ ക്രിസ്‌ത്യാ​നി​കൾ വ്യാപൃ​ത​രാ​ക​രുത്‌. അപ്പോൾ ഒരു വ്യക്തി താത്‌പ​ര്യ​മു​ള്ള​വ​നാ​യി​രി​ക്കേ​ണ്ടത്‌ എന്തിലാണ്‌? ഒരുവൻ ഏതു പ്രമാ​ണ​ങ്ങ​ള​നു​സ​രി​ച്ചാ​ണു പ്രവർത്തി​ക്കേ​ണ്ടത്‌?