ഈ സേവന​വർഷ​ത്തിൽ നാം എന്തു നേടും

¹ സെപ്‌റ​റം​ബർ 1-ന്‌ 1994 സേവന​വർഷം ആരംഭി​ക്കു​ന്ന​തോ​ടെ, ഈ പുതു​സേ​വ​ന​വർഷ​ക്കാ​ലത്തു വ്യക്തി​ക​ളും സ്ഥാപന​വും എന്നനി​ല​യിൽ നാം നേടാൻ ആഗ്രഹി​ക്കു​ന്ന​തെ​ന്തോ അത്‌ യഹോ​വ​യു​ടെ ജനം എന്നനി​ല​യിൽ നമ്മുടെ മനസ്സു​ക​ളിൽ വ്യക്തമാ​യി സ്ഥാപി​ക്കു​ന്ന​തി​നു​ളള ഉചിത​മായ ഒരു സമയമാണ്‌.

² ആത്മീയ​മാ​യി വളരു​ന്ന​തിൽ തുടരുക: നാം സത്യ​ത്തോ​ടു പുതു​താ​യി സഹവസി​ക്കു​ന്ന​വ​രാ​ണെ​ങ്കിൽ വിശ്വാ​സ​ത്തിൽ ബലിഷ്‌ഠ​രാ​യി​ത്തീ​രാൻ നാം ആഗ്രഹി​ക്കണം. (എബ്രാ. 6:1-3) നാം ഇപ്പോൾത്തന്നെ ആത്മീയ​മാ​യി ശക്തരാ​ണെ​ങ്കിൽ പുതി​യ​വ​രെ​യും മററു​ള​ള​വ​രെ​യും സഹായി​ക്കുക മാത്രമല്ല ആവശ്യ​മായ ബൈബിൾ പരിജ്ഞാ​ന​വും ക്രിസ്‌തീയ ജീവി​ത​ത്തി​ലെ അനുഭ​വ​പ​രി​ച​യ​വും നമുക്കു​ണ്ടെന്ന്‌ ഒരിക്ക​ലും വിചാ​രി​ക്കാ​തെ നമ്മുടെ സ്വന്തം ആത്മീയ​ത​യ്‌ക്കു ശ്രദ്ധ കൊടു​ക്കു​ക​യും വേണം. നാം ദിനവാ​ക്യം പരിചി​ന്തി​ക്കു​ക​യും ദിവ്യാ​ധി​പത്യ ശുശ്രൂ​ഷാ സ്‌കൂൾ പട്ടിക​യി​ലെ ബൈബിൾ വായനാ പരിപാ​ടി​യു​മാ​യി ഒത്തു​പോ​കു​ക​യും സഭാപു​സ്‌ത​കാ​ധ്യ​യ​ന​ത്തി​നും വീക്ഷാ​ഗോ​പുര അധ്യയ​ന​ത്തി​നും തയ്യാറാ​കു​ക​യും ചെയ്യു​ന്നു​വോ? അതു നമ്മു​ടെ​യെ​ല്ലാ​വ​രു​ടെ​യും ഏററവും കുറഞ്ഞ ലക്ഷ്യം ആയിരി​ക്കണം. ഈ ദുഷ്ടവ്യ​വ​സ്ഥി​തി​യു​ടെ നാശത്തെ അതിജീ​വിച്ച്‌ ദൈവ​ത്തി​ന്റെ പുതിയ ലോക​ത്തി​ലേക്കു കടക്കണ​മെ​ങ്കിൽ നാം ആത്മീയ​മാ​യി തുടർന്നു വളരേ​ണ്ട​തുണ്ട്‌.—ഫിലി​പ്പി​യർ 3:12-16 താരത​മ്യ​പ്പെ​ടു​ത്തുക.

³ ആത്മീയ​മാ​യി ശുദ്ധരാ​യി നില​കൊ​ള​ളുക: യഹോ​വ​യു​ടെ മുമ്പാകെ പൂർണ​മാ​യും സ്വീകാ​ര്യ​രാ​യി​രി​ക്കു​ന്ന​തി​നു നാം “ജഡത്തി​ലെ​യും ആത്മാവി​ലെ​യും സകല കൻമഷ​വും [“മാലി​ന്യ​വും,” NW]” നീക്കി ശുദ്ധരാ​യി​രി​ക്കണം. (2 കൊരി. 7:1) നാം ഒരിക്കൽ ശുദ്ധരാ​യാൽ ഈ പഴയ, ദുഷ്ട ലോക​ത്തി​ന്റെ ‘ചെളി​ക്കു​ണ്ടിൽ ഉരുളാൻ’ വീണ്ടും ആഗ്രഹി​ക്കു​ന്നത്‌ എന്തിന്‌? (2 പത്രൊസ്‌ 2:22 താരത​മ്യ​പ്പെ​ടു​ത്തുക.) ആത്മീയ​മാ​യി ബലിഷ്‌ഠ​രാ​യും ശുദ്ധരാ​യും നില​കൊ​ള​ളാൻ നാം ദൃഢനി​ശ്ച​യ​മു​ള​ള​വ​രാ​യി​രി​ക്കണം. അപ്പോൾ നാം സാത്താന്റെ ദുഷ്ട പദ്ധതികൾ സംബന്ധിച്ച്‌ അജ്ഞരാ​യി​രി​ക്ക​യില്ല, പാപത്തി​ലേക്കു വീണു യഹോ​വ​യു​ടെ പ്രീതി​യിൽനിന്ന്‌ അകന്നു​പോ​യി നാം വഞ്ചിക്ക​പ്പെ​ടു​ക​യു​മില്ല.—2 കൊരി. 2:11.

⁴ ജ്ഞാന​മേ​റിയ ഉപദേശം ചെവി​ക്കൊ​ള​ളുക: സദൃശ​വാ​ക്യ​ങ്ങൾ 15:22 [NW] ചൂണ്ടി​ക്കാ​ട്ടു​ന്നു: “ആലോ​ച​ന​ക്കാ​രു​ടെ ബഹുത്വ​ത്താൽ കാര്യം സാധി​ക്കു​ന്നു.” എന്നാൽ ആ വാക്കുകൾ എഴുതിയ ശലോ​മോൻ പിന്നീട്‌ ‘മററു ദൈവ​ങ്ങളെ അനുഗ​മി​ക്കാൻത​ക്ക​വണ്ണം തന്റെ ഹൃദയത്തെ വശീക​രി​ക്കാൻ ഭാര്യ​മാ​രെ’ അനുവ​ദി​ച്ചു. എന്തെന്നാൽ അന്യ ഭാര്യ​മാ​രെ എടുക്ക​രു​തെന്ന ദൈവ​ത്തി​ന്റെ ബുദ്ധ്യു​പ​ദേശം ചെവി​ക്കൊ​ള​ളു​ന്ന​തിൽ അദ്ദേഹം പരാജ​യ​പ്പെട്ടു. (1 രാജാ. 11:1-4) അതു​കൊ​ണ്ടു ജ്ഞാനപൂർവ​ക​മായ ബുദ്ധ്യു​പ​ദേശം നാം ചെവി​ക്കൊ​ള​ളു​ന്നി​ല്ലെ​ങ്കിൽ യഹോ​വ​യു​ടെ സേവന​ത്തിൽ ഫലപ്ര​ദ​രാ​യി​രി​ക്കു​ന്ന​തി​നോ അനുക​ര​ണീ​യ​മായ ഒരു മാതൃക വയ്‌ക്കു​ന്ന​തി​നോ നമു​ക്കെ​ങ്ങനെ പ്രതീ​ക്ഷി​ക്കാൻ കഴിയും? (1 തിമൊ. 4:15) നമ്മുടെ ഹൃദയത്തെ കാത്തു​കൊ​ള​ളാൻ ബൈബി​ളി​ന്റെ ബുദ്ധ്യു​പ​ദേശം നമ്മെ സഹായി​ക്കും. (സദൃ. 4:23) യഹോവ സ്‌നേ​ഹി​ക്കു​ന്ന​തി​നെ സ്‌നേ​ഹി​ക്കു​ന്ന​തും അവിടുന്ന്‌ വെറു​ക്കു​ന്ന​തി​നെ വെറു​ക്കു​ന്ന​തും അവിടു​ത്തെ മാർഗ​നിർദേശം എല്ലായ്‌പോ​ഴും തേടു​ന്ന​തും അവിടു​ത്തെ പ്രസാ​ദി​പ്പി​ക്കുന്ന കാര്യങ്ങൾ ചെയ്യു​ന്ന​തും തീർച്ച​യാ​യും ഒരു സംരക്ഷ​ണ​മാണ്‌.—സദൃ. 8:13; യോഹ. 8:29; എബ്രാ. 1:9.

⁵ നമ്മുടെ യഹോ​വാ​രാ​ധന എന്തെങ്കി​ലും യാന്ത്രി​ക​മോ ലോക​ത്തി​ലെ ക്രിസ്‌ത്യാ​നി​കൾ എന്ന്‌ അവകാ​ശ​പ്പെ​ടു​ന്ന​വ​രു​ടേ​തു​പോ​ലു​ളള ഒരുതരം ദൈവി​ക​ഭ​ക്തി​യോ അല്ല, മറിച്ച്‌ ദൈവ​വ​ച​ന​ത്തിൽ കാണുന്ന സത്യ​ത്തോ​ടു ചേർച്ച​യിൽ സജീവ​വും കർമോ​ദ്യു​ക്ത​വും ജീവനു​ള​ള​തും ആണ്‌.—യോഹ. 4:23, 24.

⁶ ദൈ​വേഷ്ടം ചെയ്യാ​നു​ളള നമ്മുടെ ദൃഢതീ​രു​മാ​നം ദിവസ​വും പരി​ശോ​ധി​ക്ക​പ്പെ​ട്ടേ​ക്കാം. നമ്മുടെ സഹോ​ദ​ര​ങ്ങ​ളു​ടെ “മുഴു കൂട്ട”വും സമാന​മായ പരി​ശോ​ധ​നകൾ നേരി​ടു​ന്നു​വെ​ന്നും നമ്മെ ശക്തരാ​ക്കു​ന്നതു യഹോ​വ​യാ​ണെ​ന്നും ഉളള അറിവി​നാൽ നാം ശക്തരാ​ക്ക​പ്പെ​ടണം. (1 പത്രോ. 5:9, 10, NW) അപ്രകാ​രം 1994 സേവന​വർഷ​ക്കാ​ലത്തു നമ്മുടെ ശുശ്രൂഷ പൂർണ​മാ​യി നിറ​വേ​റ​റാൻ നാം പ്രാപ്‌ത​രാ​യി​രി​ക്കും.—2 തിമൊ. 4:5.