അധ്യായം 1

ആരാധ​ന​യി​ലെ ഐക്യം—അത്‌ നങ്ങൾക്ക്‌ എന്തർത്ഥ​മാ​ക്കു​ന്നു?

1, 2. (എ) നമ്മുടെ നാളിൽ ആരാധ​ന​യി​ലെ യഥാർത്ഥ ഐക്യം എന്തടി​സ്ഥാ​ന​ത്തി​ലാണ്‌ കൈവ​രു​ത്ത​പ്പെ​ട്ടു​കൊ​ണ്ടി​രി​ക്കു​ന്നത്‌? (ബി) സംഭവി​ച്ചു​കൊ​ണ്ടി​രി​ക്കു​ന്ന​തി​നെ ബൈബിൾ എങ്ങനെ​യാണ്‌ വർണ്ണി​ക്കു​ന്നത്‌?

¹ ഗോള​ത്തി​നു ചുററും ആരാധ​ന​യി​ലെ ഐക്യ​ത്തി​ലേ​ക്കു​ളള ഒരു പുളക​പ്ര​ദ​മായ നീക്കമുണ്ട്‌. അതു സകല ജനതക​ളി​ലും ഗോ​ത്ര​ങ്ങ​ളി​ലും ഭാഷക​ളി​ലും പെട്ട ആളുകളെ കൂട്ടി​വ​രു​ത്തി​ക്കൊ​ണ്ടി​രി​ക്കു​ക​യാണ്‌. അവരുടെ ഐക്യം വിശ്വാ​സ​ങ്ങ​ളിൽ വരുത്തിയ ഏതെങ്കി​ലും വിട്ടു​വീ​ഴ്‌ച​യു​ടെ ഫലമല്ല. അതു ദൈവ​വ​ച​ന​ത്തി​നു വിരു​ദ്ധ​മായ ജീവി​ത​രീ​തി​കളെ വിമർശി​ക്കു​ന്ന​തിൽ നിന്ന്‌ അവർ ഒഴിഞ്ഞു​നിൽക്കു​ന്ന​തി​നാ​ലല്ല നേടി​ക്കൊ​ണ്ടി​രി​ക്കു​ന്നത്‌. അങ്ങനെ​യെ​ങ്കിൽ അതിന്റെ പിമ്പി​ലു​ളള കാരണ​മെ​ന്താണ്‌? എല്ലാ പശ്ചാത്ത​ല​ങ്ങ​ളി​ലു​മു​ളള ആളുകൾ ഏകസത്യ​ദൈ​വ​മെ​ന്ന​നി​ല​യിൽ യഹോ​വയെ അറിയാ​നി​ട​യാ​കു​ന്നു​വെ​ന്നും തങ്ങളുടെ ജീവി​തത്തെ മനസ്സോ​ടെ അവന്റെ നീതി​യു​ളള വഴികൾക്ക്‌ അനുയോജ്യമാക്കിക്കൊണ്ടിരിക്കുന്നുവെന്നുമുളള വസ്‌തുത തന്നെ.—വെളി​പ്പാട്‌ 15:3, 4 താരത​മ്യ​പ്പെ​ടു​ത്തുക.

² ഇത്‌ ഏതാണ്ട്‌ 2,700 വർഷം മുമ്പ്‌ മീഖാ​പ്ര​വാ​ചകൻ രേഖ​പ്പെ​ടു​ത്തിയ ഒരു പ്രവച​ന​ത്തി​ന്റെ നിവൃ​ത്തി​യാണ്‌. “നാളു​ക​ളു​ടെ അന്തിമ​ഭാഗ”ത്തെ പരാമർശി​ച്ചു​കൊണ്ട്‌, അവൻ ഇങ്ങനെ എഴുതി: “അനേകം ജനതകൾ തീർച്ച​യാ​യും പോയി ‘ജനങ്ങളേ, വരുവിൻ, നമുക്ക്‌ യഹോ​വ​യു​ടെ പർവ്വത​ത്തി​ലേ​ക്കും യാക്കോ​ബിൻ ദൈവ​ത്തി​ന്റെ ഭവനത്തി​ലേ​ക്കും കയറി​പ്പോ​കാം; അവൻ തന്റെ വഴിക​ളെ​ക്കു​റി​ച്ചു നമ്മെ പ്രബോ​ധി​പ്പി​ക്കു​ക​യും നാം അവന്റെ പാതക​ളിൽ നടക്കു​ക​യും ചെയ്യും’ എന്നു പറയും.” (മീഖാ 4:1, 2)a അതു സംഭവി​ക്കു​ന്നതു നിങ്ങൾ കാണു​ന്നു​ണ്ടോ?

3, 4. (എ) “ജനതകൾ” യഹോ​വ​യി​ങ്ക​ലേക്ക്‌ തിരി​യു​ന്നു​വെ​ന്നത്‌ സത്യമാ​യി​രി​ക്കു​ന്ന​തെ​ങ്ങനെ? (ബി) നാം നമ്മോ​ടു​തന്നെ ഏതു ചോദ്യ​ങ്ങൾ ചോദി​ക്കേ​ണ്ട​താണ്‌?

³ “ജനതകൾ” മുഴു​വ​നാ​യി യഹോ​വ​യു​ടെ ആത്മീയ​മായ ആരാധ​നാ​ഭ​വ​ന​ത്തിൽ ഹാജരാ​കു​ന്നില്ല. എന്നാൽ അങ്ങനെ​യു​ളള ജനതക​ളി​ലെ വ്യക്തികൾ അതു ചെയ്യു​ന്നുണ്ട്‌. അവർ യഹോ​വ​യാം ദൈവ​ത്തി​ന്റെ സ്‌നേ​ഹ​നിർഭ​ര​മായ ഉദ്ദേശ്യ​ങ്ങ​ളെ​യും ആകർഷ​ക​മായ വ്യക്തി​ത്വ​ത്തെ​യും കുറിച്ച്‌ പഠിക്കു​മ്പോൾ, അവരുടെ ഹൃദയങ്ങൾ അത്യന്തം ഉത്തേജി​ത​മാ​കു​ന്നു. യഹോവ തങ്ങളിൽനിന്ന്‌ എന്താണാ​വ​ശ്യ​പ്പെ​ടു​ന്ന​തെന്നു കണ്ടുപി​ടി​ക്കാൻ അവർ വിനീ​ത​മാ​യി ശ്രമി​ക്കു​ന്നു. അവരുടെ പ്രാർത്ഥന “നീ എന്റെ ദൈവ​മാ​ക​യാൽ, നിന്റെ ഇഷ്ടം ചെയ്യാൻ എന്നെ പഠിപ്പി​ക്കേ​ണമേ” എന്നു പറഞ്ഞ വിശ്വാ​സ​മു​ളള ഒരു മനുഷ്യ​നാ​യി​രുന്ന ദാവീ​ദി​ന്റേ​തു​പോ​ലെ​യാണ്‌.—സങ്കീ. 143:10.

⁴ നിങ്ങൾ യഹോ​വ​യു​ടെ ആരാധ​ക​രു​ടെ ആ വമ്പിച്ച സംഘത്തിൽ ഉൾപ്പെ​ട്ടി​രി​ക്കു​ന്നു​വോ? നിങ്ങൾക്കു ലഭിച്ച പ്രബോ​ധ​ന​ത്തി​ന്റെ ഉറവ്‌ യഹോ​വ​യാ​ണെന്ന്‌ നിങ്ങൾ യഥാർത്ഥ​മാ​യി മനസ്സി​ലാ​ക്കു​ന്നു​ണ്ടെന്ന്‌ അതി​നോ​ടു​ളള നിങ്ങളു​ടെ പ്രതി​വർത്തനം തെളി​യി​ക്കു​ന്നു​ണ്ടോ? നിങ്ങൾ എത്ര​ത്തോ​ളം ‘അവന്റെ പാതക​ളിൽ നടക്കു’ന്നുണ്ട്‌?

അത്‌ എങ്ങനെ​യാണ്‌ നേടുക

5. (എ) ആരാധ​ന​യി​ലെ ഐക്യം ഒടുവിൽ എത്ര​ത്തോ​ളം നേടും? (ബി) ഇപ്പോൾ യഹോ​വ​യു​ടെ ഒരു ആരാധ​ക​നാ​യി​ത്തീ​രേ​ണ്ടത്‌ അടിയ​ന്തി​ര​മാ​യി​രി​ക്കു​ന്ന​തെ​ന്തു​കൊണ്ട്‌, ഇത്‌ ചെയ്യു​ന്ന​തിന്‌ നമുക്ക്‌ മററു​ള​ള​വരെ എങ്ങനെ സഹായി​ക്കാൻ കഴിയും?

⁵ ബുദ്ധി​ശ​ക്തി​യു​ളള സകല സൃഷ്ടി​യും ആരാധ​ന​യിൽ ഏകീക​രി​ക്ക​പ്പെ​ട​ണ​മെ​ന്നു​ള​ള​താണ്‌ യഹോ​വ​യു​ടെ ഉദ്ദേശ്യം—ആരും വ്യാജ​ത്താൽ വഴി​തെ​റ​റി​ക്ക​പ്പെ​ടാ​തെ​യും, ജീവി​ത​ത്തി​ന്റെ യഥാർത്ഥ അർത്ഥം കണ്ടെത്തു​ന്ന​തിൽ പരാജ​യ​പ്പെ​ടുക നിമിത്തം തപ്പിന​ട​ക്കാ​തെ​യും തന്നെ. ജീവി​ക്കുന്ന സകലരും ഏകസത്യ​ദൈ​വത്തെ വാഴ്‌ത്തുന്ന ദിവസ​ത്തി​നു​വേണ്ടി നാം എത്ര വാഞ്‌ഛി​ക്കു​ന്നു! (സങ്കീ. 103:19-22) എന്നാൽ അതു സാധി​ക്കു​ന്ന​തി​നു​മുമ്പ്‌, യഹോവ തന്റെ സ്‌നേ​ഹ​നിർഭ​ര​മായ രാജത്വ​ത്തെ നിരസി​ക്കു​ക​യും മററു​ള​ള​വ​രു​ടെ ജീവിതം താറു​മാ​റാ​ക്കു​ന്ന​തിൽ നിർബ്ബന്ധം പിടി​ക്കു​ക​യും ചെയ്യു​ന്ന​വരെ നീക്കം ചെയ്‌തു തന്റെ സൃഷ്ടിയെ ശുദ്ധീ​ക​രി​ക്കേ​ണ്ട​താണ്‌. താൻ ചെയ്യാ​നി​രി​ക്കു​ന്ന​തെ​ന്തെന്ന്‌ അവൻ കരുണാ​പൂർവ്വം മുന്നറി​യി​പ്പു നൽകുന്നു. എല്ലായി​ട​ത്തു​മു​ളള ആളുകൾക്ക്‌ തങ്ങളുടെ പ്രവർത്ത​ന​ഗ​തി​ക്കു മാററം വരുത്തു​ന്ന​തി​നു​ളള അവസര​മുണ്ട്‌. അങ്ങനെ നമ്മുടെ സ്വന്തം നാളിൽ ലോക​വ്യാ​പ​ക​മാ​യി ഈ അടിയ​ന്തി​ര​മായ ആഹ്വാനം ചെയ്യ​പ്പെ​ടു​ക​യാണ്‌: “ദൈവത്തെ ഭയപ്പെട്ട്‌ അവന്‌ മഹത്വം കൊടു​ക്കുക, എന്തു​കൊ​ണ്ടെ​ന്നാൽ അവനാ​ലു​ളള ന്യായ​വി​ധി​യു​ടെ നാഴിക വന്നെത്തി​യി​രി​ക്കു​ന്നു, തന്നിമി​ത്തം ആകാശ​ത്തെ​യും ഭൂമി​യെ​യും സമു​ദ്ര​ത്തെ​യും നീരു​റ​വ​ക​ളെ​യും ഉണ്ടാക്കി​യ​വനെ ആരാധി​ക്കുക.” (വെളി. 14:6, 7) നിങ്ങൾ ആ ക്ഷണം സ്വീക​രി​ച്ചി​രി​ക്കു​ന്നു​വോ? അങ്ങനെ​യെ​ങ്കിൽ, അങ്ങനെ ചെയ്യാൻ മററു​ള​ള​വരെ സഹായി​ക്കു​ന്ന​തിന്‌ യഹോ​വ​യു​ടെ സ്ഥാപന​ത്തോ​ടൊ​ത്തു പ്രവർത്തി​ക്കു​ന്ന​തി​നു​ളള പദവി ഇപ്പോൾ നിങ്ങൾക്കു​ള​ള​താണ്‌.

6. ബൈബി​ളി​ന്റെ അടിസ്ഥാന ഉപദേ​ശങ്ങൾ പഠിച്ച​ശേഷം, നാം ഏതു പുരോ​ഗതി നേടാൻ ആത്മാർത്ഥ​മാ​യി ശ്രമി​ക്കേ​ണ്ട​താണ്‌?

⁶ യഹോ​വ​യിൽ വിശ്വ​സി​ക്കു​ന്നു​വെ​ന്നും പരദീ​സ​യിൽ ജീവി​ക്കാ​നാ​ഗ്ര​ഹി​ക്കു​ന്നു​വെ​ന്നും കേവലം പറയു​ക​യും അതേ സമയം സ്വന്തം സ്വാർത്ഥ​താൽപ്പ​ര്യ​ങ്ങൾ അന്വേ​ഷി​ക്കു​ന്ന​തിൽ തുടരു​ക​യും ചെയ്യുന്ന ആളുകളെ തന്റെ സ്ഥാപന​ത്തി​ലേക്കു വരുത്തു​ക​യെ​ന്നത്‌ ദൈവ​ത്തി​ന്റെ ഉദ്ദേശ്യ​മല്ല. ആളുകൾ “തന്റെ ഇഷ്ടത്തെ​ക്കു​റി​ച്ചു​ളള സൂക്ഷ്‌മ​പ​രി​ജ്ഞാ​നം” നേടാൻ അവൻ ആഗ്രഹി​ക്കു​ന്നു. ഇത്‌ അവരുടെ ജീവി​ത​ത്തിൽ പ്രതി​ഫ​ലി​ക്കേ​ണ്ട​താണ്‌. (കൊലോ. 1:9, 10) വിലമ​തി​പ്പു​ളള ആളുകൾ ബൈബി​ളി​ലെ അടിസ്ഥാന ഉപദേ​ശങ്ങൾ പഠിച്ച​ശേഷം, അവർ ക്രിസ്‌തീയ പക്വത​യി​ലേക്ക്‌ മുന്നേ​റാൻ ആഗ്രഹി​ക്കു​ന്നു. യഹോ​വയെ അടുത്ത​റി​യാ​നും അവന്റെ വചനം സംബന്ധിച്ച തങ്ങളുടെ ഗ്രാഹ്യ​ത്തെ വിപു​ലീ​ക​രി​ക്കാ​നും ആഴമു​ള​ള​താ​ക്കാ​നും തങ്ങളുടെ ജീവി​ത​ത്തിൽ അത്‌ അധികം പൂർണ്ണ​മാ​യി ബാധക​മാ​ക്കാ​നു​മാണ്‌ അവരുടെ ആഗ്രഹം. തങ്ങളുടെ സ്വർഗ്ഗീയ പിതാ​വി​ന്റെ ഗുണങ്ങളെ പ്രതി​ഫ​ലി​പ്പി​ച്ചു​കൊ​ണ്ടും അവൻ കാര്യ​ങ്ങളെ വീക്ഷി​ക്കു​ന്ന​തു​പോ​ലെ വീക്ഷി​ച്ചു​കൊ​ണ്ടും അവനെ​പ്പോ​ലെ​യാ​യി​രി​ക്കാൻ അവർ ശ്രമി​ക്കു​ന്നു. ഇത്‌ നമ്മുടെ നാളിൽ ഭൂമി​യിൽ അവൻ ചെയ്യി​ച്ചു​കൊ​ണ്ടി​രി​ക്കുന്ന വേലയിൽ സാദ്ധ്യ​മാ​കു​ന്ന​ട​ത്തോ​ളം പൂർണ്ണ​മാ​യി പങ്കെടു​ക്കാ​നു​ളള വഴികൾ ആരായു​ന്ന​തിന്‌ അവരെ പ്രേരി​പ്പി​ക്കു​ന്നു. അതാണോ നിങ്ങൾ ചെയ്‌തു​കൊ​ണ്ടി​രി​ക്കു​ന്നത്‌?—എഫേ. 5:1; എബ്രാ. 5:12-6:3; 1 തിമൊ. 4:15.

7. യഥാർത്ഥ ഐക്യം ഇപ്പോൾ ഏതു വിധങ്ങ​ളിൽ സാദ്ധ്യ​മാണ്‌, അത്‌ നേടു​ന്ന​തെ​ങ്ങനെ?

⁷ യഹോ​വയെ സേവി​ക്കു​ന്നവർ ഒരു ഏകീകൃത ജനമാ​യി​രി​ക്ക​ണ​മെന്ന്‌ ബൈബിൾ പ്രകട​മാ​ക്കു​ന്നു. (എഫേ. 4:1-3) നാം ഒരു ഛിദ്രിച്ച ലോക​ത്തിൽ ജീവി​ക്കു​ക​യും നമ്മുടെ സ്വന്തം അപൂർണ്ണ​ത​ക​ളു​മാ​യി ഇപ്പോ​ഴും പോരാ​ട്ടം നടത്തു​ക​യും ചെയ്യു​ന്നു​വെ​ങ്കി​ലും, ഈ ഐക്യം ഇപ്പോൾ സ്ഥിതി​ചെ​യ്യേ​ണ്ട​താണ്‌. തന്റെ ശിഷ്യൻമാ​രെ​ല്ലാം യഥാർത്ഥ ഐക്യം ആസ്വദി​ച്ചു​കൊണ്ട്‌ ഒന്നായി​രി​ക്ക​ണ​മെന്ന്‌ യേശു ആത്മാർത്ഥ​മാ​യി പ്രാർത്ഥി​ച്ചു. ഇതിന്റെ അർത്ഥ​മെ​ന്താണ്‌? അതായത്‌, ഒന്നാമ​താ​യി, അവർക്ക്‌ യഹോ​വ​യോ​ടും അവന്റെ പുത്ര​നോ​ടും ഒരു നല്ല ബന്ധം ഉണ്ടായി​രി​ക്കും. കൂടാതെ അവർ അന്യോ​ന്യ​വും ഏകീഭ​വി​ച്ചി​രി​ക്കും. (യോഹ. 17:20, 21) യഹോ​വ​യു​ടെ “ഭവന”ത്തിൽ ലഭിക്കുന്ന പ്രബോ​ധനം ബാധക​മാ​ക്കു​ന്ന​തി​നാൽ ഇപ്പോൾ ഈ ഐക്യം നേടി​ക്കൊ​ണ്ടി​രി​ക്കു​ക​യാണ്‌.

ഏതു ഘടകങ്ങൾ ഐക്യ​ത്തി​നു സഹായി​ക്കു​ന്നു?

8. (എ) നമ്മെ ബാധി​ക്കുന്ന ചോദ്യ​ങ്ങ​ളു​ടെ ഉത്തരങ്ങൾ ചിന്തിച്ചു കണ്ടുപി​ടി​ക്കു​ന്ന​തിന്‌ നാം വ്യക്തി​പ​ര​മാ​യി ബൈബിൾ ഉപയോ​ഗി​ക്കു​മ്പോൾ നാം എന്തു വികസി​പ്പി​ച്ചെ​ടു​ക്കു​ക​യാണ്‌? (ബി) മുകളിൽ കൊടു​ത്തി​രി​ക്കുന്ന ചോദ്യ​ങ്ങൾക്ക്‌ ഉത്തരം പറഞ്ഞു​കൊണ്ട്‌, ക്രിസ്‌തീയ ഐക്യ​ത്തി​നു സഹായ​ക​മായ ഘടകങ്ങൾ അപഗ്ര​ഥി​ക്കുക.

⁸ ഈ ഐക്യ​ത്തി​നു സഹായി​ക്കുന്ന മുഖ്യ​ഘ​ട​ക​ങ്ങ​ളിൽ ചിലത്‌ താഴെ അക്കമിട്ടു പറഞ്ഞി​രി​ക്കു​ന്നു. അവയെ തുടർന്ന്‌ കൊടു​ത്തി​രി​ക്കുന്ന ചോദ്യ​ങ്ങൾക്ക്‌ നിങ്ങൾ ഉത്തരം പറയു​മ്പോൾ, യഹോ​വ​യോ​ടും സഹക്രി​സ്‌ത്യാ​നി​ക​ളോ​ടു​മു​ളള നിങ്ങളു​ടെ സ്വന്തം​ബ​ന്ധത്തെ ഓരോ​ന്നും എങ്ങനെ ബാധി​ക്കു​ന്നു​വെന്ന്‌ ചിന്തി​ക്കുക. സൂചി​പ്പി​ച്ചി​രി​ക്കുന്ന തിരു​വെ​ഴു​ത്തു​ക​ളു​ടെ വെളി​ച്ച​ത്തിൽ ഈ ആശയങ്ങ​ളെ​ക്കു​റിച്ച്‌ ചിന്തി​ക്കു​ന്നത്‌ ദൈ​വോൻമു​ഖ​മായ ചിന്താ​പ്രാ​പ്‌തി​യും വിവേ​ച​ന​യും വികസി​പ്പി​ക്കു​ന്ന​തിന്‌ നിങ്ങൾക്കു സഹായ​ക​മാ​യി​രി​ക്കും, അവ നമു​ക്കെ​ല്ലാം ആവശ്യ​മായ ഗുണങ്ങ​ളാണ്‌. (സദൃശ. 5:1, 2; ഫിലി. 1:9-11) അതു​കൊണ്ട്‌ ഓരോ​ന്നാ​യി ഈ ഘടകങ്ങൾ പരിചി​ന്തി​ക്കുക:

(1) നമ്മളെ​ല്ലാം യഹോ​വയെ ആരാധി​ക്കു​ക​യും നൻമയും തിൻമ​യും സംബന്ധിച്ച പ്രമാണം വെക്കാൻ അവനുളള അവകാ​ശത്തെ അംഗീ​ക​രി​ക്കു​ക​യും ചെയ്യുന്നു.

നിസ്സാ​ര​മെന്നു നമുക്കു തോന്നുന്ന ഒരു സംഗതി സംബന്ധിച്ച യഹോ​വ​യു​ടെ ബുദ്ധി​യു​പ​ദേ​ശത്തെ നാം മനഃപൂർവ്വം അവഗണി​ക്കു​ക​യാ​ണെ​ങ്കിൽ അവൻ അതിനെ എങ്ങനെ വീക്ഷി​ക്കും? (ലൂക്കോസ്‌ 16:10; മലാഖി 1:6-8 താരത​മ്യ​പ്പെ​ടു​ത്തുക.)

നാം യഹോ​വ​യു​ടെ കല്‌പ​ന​കളെ എല്ലായ്‌പ്പോ​ഴും അനുസ​രി​ക്കു​ന്നി​ല്ലെ​ങ്കിൽ അതു മററു​ള​ള​വരെ ബാധി​ക്കു​മോ? (റോമർ 5:12; യോശുവ 7:20-26; 1 രാജാ​ക്കൻമാർ 14:16 ഇവ താരത​മ്യ​പ്പെ​ടു​ത്തുക.)

(2) നാം ലോക​ത്തിൽ എവി​ടെ​യാ​യി​രു​ന്നാ​ലും നമ്മെ നയിക്കു​ന്ന​തിന്‌ നമുക്ക്‌ ദൈവ​വ​ച​ന​മുണ്ട്‌.

നാം തീരു​മാ​ന​ങ്ങ​ളെ​ടു​ക്കു​മ്പോൾ, കേവലം ശരി​യെന്ന്‌ നമുക്കു “തോന്നു​ന്നത്‌” ചെയ്യു​ന്ന​തിൽ എന്ത്‌ അപകട​മുണ്ട്‌? (യിരെ. 17:9; സദൃശ. 14:12)

ഒരു പ്രത്യേക സംഗതി സംബന്ധിച്ച്‌ ബൈബി​ളി​ന്റെ ബുദ്ധി​യു​പ​ദേശം എന്താ​ണെന്ന്‌ നമുക്ക​റി​യാൻ പാടി​ല്ലെ​ങ്കിൽ നാം എന്തു ചെയ്യണം? (സദൃശ. 2:3-5)

(3) നമ്മളെ​ല്ലാം ഒരേ ആത്മീയ​പോ​ഷി​പ്പി​ക്കൽ പരിപാ​ടി​യിൽ നിന്ന്‌ പ്രയോ​ജ​ന​മ​നു​ഭ​വി​ക്കു​ന്നു.

ആത്മീയ പോഷി​പ്പി​ക്ക​ലി​നു​വേ​ണ്ടി​യു​ളള യഹോ​വ​യു​ടെ ക്രമീ​ക​ര​ണ​ങ്ങളെ വിലമ​തി​ക്കാ​ത്ത​വ​രു​ടെ ഇടയിൽ ഏതവസ്ഥകൾ നിലവി​ലി​രി​ക്കു​ന്നു? (യെശ. 1:3; 9:16; 65:14 താരത​മ്യ​പ്പെ​ടു​ത്തുക.)

(4) യാതൊ​രു മനുഷ്യ​നു​മല്ല, യേശു​ക്രി​സ്‌തു​വാണ്‌ നമ്മുടെ നേതാവ്‌, നമ്മളെ​ല്ലാം ആരാധ​ന​യിൽ യഹോ​വയെ സമീപി​ക്കു​ന്നത്‌ ആ ഒരുവ​നി​ലൂ​ടെ​യാണ്‌.

ആളുക​ളെന്ന നിലയിൽ നാം മററു​ള​ള​വ​രെ​ക്കാൾ ശ്രേഷ്‌ഠ​രാ​ണെന്നു വിശ്വ​സി​ക്കാൻ നമ്മിലാർക്കെ​ങ്കി​ലും സാധു​വായ കാരണ​മു​ണ്ടോ? (റോമ. 3:23, 24; 12:3; മത്താ. 23:8-10)

(5) നാം എവിടെ ജീവി​ച്ചാ​ലും, നാം മനുഷ്യ​വർഗ്ഗ​ത്തി​ന്റെ ഏക പ്രത്യാ​ശ​യെന്ന നിലയിൽ ദൈവ​രാ​ജ്യ​ത്തി​ലേക്കു നോക്കു​ന്നു.

ഇത്‌ വിഭാ​ഗീയ സ്വാധീ​ന​ങ്ങൾക്കെ​തി​രെ നമ്മെ കാത്തു​സൂ​ക്ഷി​ക്കു​ന്ന​തെ​ങ്ങനെ? (മത്താ. 6:9, 10; മീഖാ 4:3)

(6) പരിശു​ദ്ധാ​ത്മാവ്‌ യഹോ​വ​യു​ടെ ആരാധ​ക​രിൽ ക്രിസ്‌തീയ ഐക്യ​ത്തിന്‌ മർമ്മ​പ്ര​ധാ​ന​മായ ഗുണങ്ങൾ ഉളവാ​ക്കു​ന്നു.

ദൈവാ​ത്മാവ്‌ നമ്മിൽ അതിന്റെ ഫലം ഉളവാ​ക്കു​ന്ന​തി​നു​ളള വഴി നാം തുറക്കു​ന്ന​തെ​ങ്ങനെ? (സങ്കീ. 1:2; സദൃശ. 22:4; വെളി. 3:6; പ്രവൃ. 5:32)

നമ്മിൽ ദൈവാ​ത്മാ​വി​ന്റെ ഫലങ്ങൾ ഉണ്ടായി​രി​ക്കു​ന്നത്‌ യഹോ​വ​യു​മാ​യു​ളള നമ്മുടെ ബന്ധത്തെ​യും നമ്മുടെ സഹോ​ദ​രൻമാ​രു​മാ​യു​ളള ബന്ധത്തെ​യും സ്വാധീ​നി​ക്കു​ന്ന​തെ​ങ്ങനെ? (ഗലാ. 5:22, 23)

(7) നമു​ക്കെ​ല്ലാം ദൈവ​രാ​ജ്യ​സു​വാർത്ത പ്രസം​ഗി​ക്കാ​നു​ളള ഉത്തരവാ​ദി​ത്ത​മുണ്ട്‌.

സഹക്രി​സ്‌ത്യാ​നി​ക​ളോ​ടൊത്ത്‌ ഈ പ്രസം​ഗ​പ്ര​വർത്ത​ന​ത്തിൽ പങ്കെടു​ക്കു​ന്ന​തിൽ നാം തിരക്കു​ള​ള​വ​രാ​യി​രി​ക്കു​ന്നത്‌ അവരെ​ക്കു​റി​ച്ചു​ളള നമ്മുടെ വിചാ​രത്തെ സ്വാധീ​നി​ക്കു​ന്ന​തെ​ങ്ങനെ? (കൊലോ. 4:7, 11 താരത​മ്യ​പ്പെ​ടു​ത്തുക.)

9. നാം യഥാർത്ഥ​മാ​യി ഈ സത്യങ്ങൾ നമ്മുടെ ജീവി​ത​ത്തിൽ ബാധക​മാ​ക്കു​മ്പോൾ എന്തു ഫലമാ​ണു​ണ്ടാ​വുക?

⁹ ഈ വസ്‌തു​ത​ക​ളം​ഗീ​ക​രി​ക്കു​ന്നത്‌ ഒരു സംഗതി​യാ​ണെ​ങ്കി​ലും അവയ്‌ക്കു ചേർച്ച​യാ​യി ജീവി​ക്കു​ന്ന​തിന്‌ വളരെ​യ​ധി​കം​കൂ​ടെ ആവശ്യ​മാണ്‌. എന്നാൽ നാം അങ്ങനെ ചെയ്യു​മ്പോൾ, നാം യഹോ​വ​യോട്‌ അടുപ്പി​ക്ക​പ്പെ​ടു​ന്നു. സഹവി​ശ്വാ​സി​ക​ളു​മാ​യു​ളള നമ്മുടെ സഹവാ​സ​വും നവോൻമേ​ഷ​ത്തി​ന്റെ ഒരു ഉറവാ​യി​ത്തീ​രു​ന്നു. സങ്കീർത്തനം 133:1 പറയുന്ന പ്രകാരം: “നോക്കൂ! സഹോ​ദ​രൻമാർ ഐക്യ​ത്തിൽ ഒരുമി​ച്ചു വസിക്കു​ന്നത്‌ എത്ര നല്ലതും എത്ര ഉല്ലാസ​ക​ര​വു​മാണ്‌!” സകല സ്വാർത്ഥ​ത​യോ​ടും കൂടിയ ലോക​ത്തിൽനിന്ന്‌ അകന്ന്‌, യഹോ​വയെ യഥാർത്ഥ​ത്തിൽ സ്‌നേ​ഹി​ക്കുന്ന മററു​ള​ള​വ​രോ​ടു​കൂ​ടെ യോഗ​ങ്ങ​ളിൽ ഹാജരാ​കു​ന്നത്‌ എത്ര നവോൻമേ​ഷ​പ്ര​ദ​മാ​യി​രി​ക്കാ​മെന്ന്‌ നിങ്ങൾക്ക്‌ വ്യക്തി​പ​ര​മാ​യി അനുഭ​വ​പ്പെ​ട്ടി​ട്ടി​ല്ലേ?

വിഭാ​ഗീയ സ്വാധീ​ന​ങ്ങളെ ഒഴിവാ​ക്കു​ക

10. നാം ഒരു സ്വത​ന്ത്രാ​ത്മാവ്‌ ഒഴിവാ​ക്കാൻ ശ്രദ്ധാ​ലു​ക്ക​ളാ​യി​രി​ക്കേ​ണ്ട​തെ​ന്തു​കൊണ്ട്‌?

¹⁰ ആ വിലപ്പെട്ട ഐക്യത്തെ താറു​മാ​റാ​ക്കാ​തി​രി​ക്കാൻ നാം വിഭാ​ഗീയ സ്വാധീ​ന​ങ്ങളെ ഒഴിവാ​ക്കേ​ണ്ട​താണ്‌. ഇവയിൽ അതി​പ്ര​ധാ​ന​മായ ഒന്ന്‌ സ്വാത​ന്ത്ര്യ​ത്തി​ന്റെ ആത്മാവാണ്‌. അതിന്റെ ഉപജ്ഞാ​താ​വായ പിശാ​ചായ സാത്താന്റെ മറനീക്കി കാണി​ക്കു​ന്ന​തി​നാൽ അതിനെ ഒഴിവാ​ക്കാൻ യഹോവ നമ്മെ സഹായി​ക്കു​ന്നു. ദൈവം പറഞ്ഞതി​നെ അവഗണി​ക്കു​ന്ന​തും സ്വന്തം തീരു​മാ​നങ്ങൾ ചെയ്യു​ന്ന​തും തനിക്കു പ്രയോ​ജ​ന​ക​ര​മാ​ണെന്നു ചിന്തി​ക്കാൻ തക്കവണ്ണം ഹവ്വായെ വഞ്ചിച്ചത്‌ അവനാണ്‌. ആദാം ആ മത്സരഗ​തി​യിൽ അവളോ​ടു ചേർന്നു. ഫലം അവർക്കും നമുക്കും അനർത്ഥ​മാ​യി​രു​ന്നു. (ഉല്‌പ. 2:16, 17; 3:1-6, 17-19) ആ സ്വത​ന്ത്രാ​ത്മാ​വി​നാൽ പൂരി​ത​മായ ഒരു ലോക​ത്തി​ലാ​ണു നാം ജീവി​ക്കു​ന്നത്‌, അതു​കൊണ്ട്‌ നാം നമ്മിൽനിന്ന്‌ ആ ആത്മാവ്‌ നീക്കം​ചെ​യ്യേണ്ട ആവശ്യ​മു​ണ്ടെ​ങ്കിൽ അതു നമ്മെ ആശ്ചര്യ​പ്പെ​ടു​ത്ത​രുത്‌. തന്റെ സ്ഥാപനം വഴിയാ​യു​ളള ബുദ്ധി​യു​പ​ദേ​ശ​ത്താൽ അങ്ങനെ ചെയ്യു​ന്ന​തിന്‌ യഹോവ സ്‌നേ​ഹ​പൂർവ്വം നമ്മെ സഹായി​ക്കു​ന്നുണ്ട്‌.

11. നാം ദൈവ​ത്തി​ന്റെ നീതി​യു​ളള നൂതന​ക്ര​മ​ത്തി​ലെ ജീവി​ത​ത്തിന്‌ ആത്മാർത്ഥ​മാ​യി ഒരുങ്ങു​ന്നു​ണ്ടോ​യെന്ന്‌ എന്തു പ്രകട​മാ​ക്കും?

¹¹ ഇപ്പോ​ഴത്തെ ചുററു​പാ​ടി​നു​പ​കരം “നീതി​വ​സി​ക്കാ​നി​രി​ക്കുന്ന” പുതിയ ആകാശ​ങ്ങ​ളും പുതിയ ഭൂമി​യും സ്ഥാപി​ക്കാ​നു​ളള മഹത്തായ വാഗ്‌ദ​ത്ത​ത്തെ​ക്കു​റിച്ച്‌ ആ സ്ഥാപനം മുഖേന നാം പഠിച്ചി​രി​ക്കു​ന്നു. (2 പത്രോ. 3:13) പെട്ടെ​ന്നു​തന്നെ ഈ ദുഷ്ട​ലോ​കം നീങ്ങി​പ്പോ​കു​മെ​ന്നും ഭൂമി ഒരു പരദീ​സാ​യാ​യി രൂപാ​ന്ത​ര​പ്പെ​ടു​ത്ത​പ്പെ​ടു​മെ​ന്നു​മു​ളള പ്രത്യാ​ശ​യിൽ നാം പുളകം കൊള​ളു​ക​യാണ്‌. എന്നാൽ നീതി പ്രബല​പ്പെ​ട്ടി​രി​ക്കുന്ന ഒരു ലോക​ത്തി​ലെ ജീവി​ത​ത്തി​നു​വേണ്ടി നാം ആത്മാർത്ഥ​മാ​യി ഒരുങ്ങു​ക​യാ​ണെന്ന്‌ നമ്മുടെ സ്വന്തം ജീവി​ത​മാ​തൃക പ്രകട​മാ​ക്കു​ന്നു​ണ്ടോ? “ലോക​ത്തെ​യോ ലോക​ത്തി​ലു​ള​ള​വ​യെ​യോ സ്‌നേ​ഹി​ക്ക​രുത്‌. ആരെങ്കി​ലും ലോകത്തെ സ്‌നേ​ഹി​ക്കു​ന്നു​വെ​ങ്കിൽ, പിതാ​വി​ന്റെ സ്‌നേഹം അവനി​ലില്ല”എന്ന്‌ ബൈബിൾ വ്യക്തമാ​യി നമ്മോടു പറയുന്നു. (1 യോഹ. 2:15) നമ്മിലാർക്കും ഇഷ്ടമി​ല്ലാത്ത പലതും ലോക​ത്തി​ലു​ണ്ടെ​ന്നു​ള​ളതു സത്യം​തന്നെ. എന്നാൽ നമ്മുടെ സത്വര ജീവി​താ​സ്വാ​ദ​നത്തെ വിഘാ​ത​പ്പെ​ടു​ത്തുന്ന ലോക​ത്തി​ന്റെ വശങ്ങ​ളെ​യാ​ണോ നാം മുഖ്യ​മാ​യി വെറു​ക്കു​ന്നത്‌? അതോ, നാം അതിന്റെ ആത്മാവി​നെ​യും—അതിന്റെ സ്വത​ന്ത്ര​മ​നോ​ഭാ​വത്തെ, അമിത​സ്വാർത്ഥ താത്‌പ​ര്യ​ത്തെ—കൂടെ വർജ്ജി​ക്കു​ന്നു​ണ്ടോ? ജഡത്തിന്റെ ഏതു വിരുദ്ധ ചായ്‌വു​ക​ളെ​യും ഗണ്യമാ​ക്കാ​തെ, യഹോ​വയെ ശ്രദ്ധി​ക്കു​ന്ന​തും ഹൃദയ​ത്തിൽനിന്ന്‌ അവനെ അനുസ​രി​ക്കു​ന്ന​തും നാം ആത്മാർത്ഥ​മാ​യി നമ്മുടെ ശീലമാ​ക്കു​ന്നു​ണ്ടോ? നാം എവി​ടെ​യാ​യാ​ലും, എന്തു​ചെ​യ്‌താ​ലും, നമ്മുടെ ചിന്തയും നമ്മുടെ ആന്തരങ്ങ​ളും ദൈ​വോൻമു​ഖ​മാ​ണെ​ന്നു​ള​ള​തിന്‌ നമ്മുടെ മുഴു​ജീ​വി​ത​ഗ​തി​യും തെളിവു നൽകേ​ണ്ട​താണ്‌.—സദൃശ. 3:5, 6.

12. (എ) യഹോ​വ​യു​ടെ വഴികൾ പഠിക്കു​ന്ന​തി​നും നമ്മുടെ ജീവി​ത​ത്തിൽ അവ അനുസ​രി​ക്കു​ന്ന​തി​നു​മു​ളള അവസരത്തെ ഇപ്പോൾ തക്കത്തി​ലു​പ​യോ​ഗി​ക്കു​ന്നതു പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) ഖണ്ഡിക​യിൽ സൂചി​പ്പി​ച്ചി​രി​ക്കുന്ന തിരു​വെ​ഴു​ത്തു​കൾ നമുക്ക്‌ വ്യക്തി​പ​ര​മാ​യി എന്തർത്ഥ​മാ​ക്കു​ന്നു?

¹² ഈ ദുഷ്ടവ്യ​വ​സ്ഥി​തി​യെ​യും അതിന്റെ വഴികളെ സ്‌നേ​ഹി​ക്കുന്ന സകല​രെ​യും നശിപ്പി​ക്കു​ന്ന​തി​നു​ളള യഹോ​വ​യു​ടെ നിയമി​ത​സ​മയം വരു​മ്പോൾ അവൻ താമസി​ക്കു​ക​യില്ല. ഇപ്പോ​ഴും ലോക​ത്തോ​ടു പററി​നിൽക്കാൻ ശ്രമി​ക്കു​ന്ന​വരെ, ദൈ​വേഷ്ടം പഠിച്ചു ചെയ്യു​ന്നതു സംബന്ധിച്ച്‌ അർദ്ധമ​ന​സ്സു​മാ​ത്ര​മു​ള​ള​വരെ, പ്രീണി​പ്പി​ക്ക​ത്ത​ക്ക​വണ്ണം അവൻ ആ സമയത്തെ നീട്ടി​വെ​ക്കാ​നോ തന്റെ നിലവാ​ര​ങ്ങൾക്ക്‌ മാററം വരുത്താ​നോ പോകു​ന്നില്ല. ഇപ്പോൾ പ്രവർത്ത​ന​ത്തി​നു​ളള സമയമാണ്‌! (ലൂക്കോ. 13:23, 24; 17:32; 21:34-36) അതു​കൊണ്ട്‌, ഈ വില​യേ​റിയ അവസരത്തെ പ്രയോ​ജ​ന​പ്പെ​ടു​ത്തു​ക​യും, തന്റെ സ്‌നേ​ഹ​മു​ളള സ്ഥാപനം​വഴി യഹോവ നൽകുന്ന പ്രബോ​ധ​നത്തെ ആകാം​ക്ഷ​യോ​ടെ അന്വേ​ഷി​ക്കു​ക​യും, അനന്തരം ഒററ​ക്കെ​ട്ടാ​യി അവന്റെ പാതക​ളിൽ നടക്കു​ക​യും ചെയ്യുന്ന ആളുക​ളു​ടെ “മഹാപു​രു​ഷാര”ത്തെ കാണു​ന്നത്‌ എത്ര ഹൃദയാ​ന​ന്ദ​ക​ര​മാണ്‌!

[അടിക്കു​റി​പ്പു​കൾ]

പുനരവലോകന ചർച്ച

● ആരാധന സംബന്ധിച്ച യഹോ​വ​യു​ടെ ഉദ്ദേശ്യ​മെന്ത്‌?

● അടിസ്ഥാ​ന​ബൈ​ബി​ളു​പ​ദേ​ശങ്ങൾ പഠിച്ച​ശേഷം കൂടു​ത​ലാ​യി എന്തു പുരോ​ഗതി നേടാൻ നാം ആത്മാർത്ഥ​മാ​യി ശ്രമി​ക്കണം?

● നാം ചർച്ച​ചെയ്‌ത ഏകീകരണ ഘടകങ്ങൾ നമ്മുടെ ജീവി​തത്തെ വേണ്ടവി​ധം സ്വാധീ​നി​ക്കേ​ണ്ട​തിന്‌ നമുക്ക്‌ വ്യക്തി​പ​ര​മാ​യി എന്തു ചെയ്യാൻ കഴിയും?

[4-ാം പേജ്‌ നിറ​യെ​യുള്ള ചിത്രം]