അധ്യായം 7

തിൻമ​സം​ബ​ന്ധിച്ച ദൈവ​ത്തി​ന്റെ അനുവാ​ദ​ത്തിൽനിന്ന്‌ നാം പഠിക്കു​ന്നത്‌

1. (എ) യഹോവ ഏദനിൽ വച്ച്‌ സത്വരം മത്സരി​കളെ വധിച്ചി​രു​ന്നു​വെ​ങ്കിൽ, അതു നമ്മെ എങ്ങനെ ബാധി​ക്കു​മാ​യി​രു​ന്നു? (ബി) പകരം, യഹോവ നമുക്ക്‌ ഏതു സ്‌നേ​ഹ​പൂർവ്വ​ക​മായ കരുത​ലു​കൾ ലഭ്യമാ​ക്കി?

¹ ജീവി​ത​ത്തിൽ നമുക്ക്‌ പ്രയാ​സങ്ങൾ നേരി​ട്ടേ​ക്കാ​മെ​ങ്കി​ലും നാം ജനിച്ചത്‌ ദൈവ​ത്തി​ന്റെ ഭാഗത്തെ അനീതി ആയിരു​ന്നില്ല. അവൻ ആദ്യ മനുഷ്യർക്ക്‌ പൂർണ്ണത പ്രദാനം ചെയ്യു​ക​യും അവരുടെ ഭവനമാ​യി പരദീസാ കൊടു​ക്കു​ക​യും ചെയ്‌തു. അവർ മത്സരി​ച്ച​ശേഷം സത്വരം അവൻ അവരെ നിഗ്ര​ഹി​ച്ചി​രു​ന്നെ​ങ്കിൽ, രോഗ​ത്തോ​ടും ദാരി​ദ്ര്യ​ത്തോ​ടും കുററ​കൃ​ത്യ​ങ്ങ​ളോ​ടും കൂടെ നമുക്ക​റി​യാ​വു​ന്ന​തു​പോ​ലെ​യു​ളള മനുഷ്യ​വർഗ്ഗം ഉണ്ടായി​രി​ക്കു​മാ​യി​രു​ന്നില്ല. ഏതായാ​ലും, യഹോവ കരുണാ​പൂർവ്വം ആദാമും ഹവ്വായും മരിക്കു​ന്ന​തി​നു മുൻപ്‌ ഒരു കുടും​ബത്തെ ഉളവാ​ക്കാൻ അവരെ അനുവ​ദി​ച്ചു, അവർ അപൂർണ്ണത അവകാ​ശ​പ്പെ​ടു​ത്തു​മാ​യി​രു​ന്നു​വെ​ങ്കി​ലും. ആദാം നഷ്ടപ്പെ​ടു​ത്തി​യത്‌—ഏററവു​മ​ധി​കം ജീവി​താ​സ്വാ​ദനം സാദ്ധ്യ​മാ​ക്കുന്ന സാഹച​ര്യ​ങ്ങ​ളി​ലെ നിത്യ​ജീ​വൻ—നേടു​ന്ന​തിന്‌ വിശ്വാ​സം പ്രകട​മാ​ക്കുന്ന ആദാമി​ന്റെ സന്തതി​കൾക്കു​വേണ്ടി അവൻ ക്രിസ്‌തു മുഖേന കരുതൽ ചെയ്‌തു.—ആവ. 32:4, 5; യോഹ. 10:10.

2. ഇതെല്ലാം നമ്മുടെ രക്ഷക്കു​വേണ്ടി മാത്ര​മാ​ണോ ചെയ്‌തത്‌?

² ഇതിൽനിന്ന്‌ നമുക്ക്‌ വ്യക്തി​പ​ര​മാ​യി ലഭിക്കുന്ന പ്രയോ​ജനം അളവറ​റ​താണ്‌. എന്നാൽ നമ്മുടെ വ്യക്തി​പ​ര​മായ രക്ഷയെ​ക്കാൾ വളരെ പ്രധാ​ന​മായ ഒരു സംഗതി ഉൾപ്പെ​ട്ടി​രു​ന്ന​താ​യി ബൈബിൾ രേഖയിൽനിന്ന്‌ നാം മനസ്സി​ലാ​ക്കു​ന്നു.

അവന്റെ വലിയ നാമത്തി​നു​വേ​ണ്ടി

3. ഭൂമി​യെ​യും മനുഷ്യ​വർഗ്ഗ​ത്തെ​യും സംബന്ധിച്ച യഹോ​വ​യു​ടെ ഉദ്ദേശ്യ​ത്തി​ന്റെ നിവൃ​ത്തി​യോ​ടു​ളള ബന്ധത്തിൽ എന്തു അപകട​ത്തി​ലാ​യി​രു​ന്നു?

³ യഹോ​വ​യു​ടെ നാമം, സാർവ്വ​ത്രിക പരമാ​ധി​കാ​രി​യും സത്യത്തി​ന്റെ ദൈവ​വു​മെന്ന അവന്റെ കീർത്തി, ഭൂമി​യെ​യും മനുഷ്യ​നെ​യും സംബന്ധിച്ച അവന്റെ ഉദ്ദേശ്യ​ത്തി​ന്റെ നിവൃ​ത്തി​യിൽ ഉൾപ്പെ​ട്ടി​രു​ന്നു. യഹോ​വ​യു​ടെ സ്ഥാനം നിമിത്തം മുഴു അഖിലാ​ണ്ഡ​ത്തി​ലെ​യും സമാധാ​ന​വും ക്ഷേമവും, അവന്റെ നാമത്തിന്‌ അതർഹി​ക്കുന്ന തികഞ്ഞ ആദരവു കൊടു​ക്കേ​ണ്ട​തും എല്ലാവ​രും അവനെ അനുസ​രി​ക്കേ​ണ്ട​തും ആവശ്യ​മാ​ക്കി​ത്തീർക്കു​ന്നു.

4. കൃത്യ​മാ​യി ആ ഉദ്ദേശ്യ​ത്തിൽ എന്തു ഉൾപ്പെ​ട്ടി​രു​ന്നു?

⁴ ആദാമി​നെ​യും ഹവ്വാ​യെ​യും സൃഷ്ടി​ച്ച​ശേഷം അവൻ അവർക്ക്‌ അവർ നിറ​വേ​റേറണ്ട ഒരു നിയോ​ഗം കൊടു​ത്തു. അവന്റെ ഉദ്ദേശ്യം സർവ്വഭൂ​മി​യെ​യും കീഴട​ക്കി​ക്കൊണ്ട്‌ പരദീ​സ​യു​ടെ അതിരു​കൾ വികസി​പ്പി​ക്കു​ക​യെ​ന്നതു മാത്രമല്ല, പിന്നെ​യോ ആദ്യ മനുഷ്യ​നും സ്‌ത്രീ​യു​മാ​യി​രുന്ന ആദാമി​ന്റെ​യും ഹവ്വായു​ടെ​യും സന്തതി​ക​ളെ​ക്കൊണ്ട്‌ അതിനെ അധിവ​സി​പ്പി​ക്കുക എന്നതു​മാ​ണെന്ന്‌ അവൻ വ്യക്തമാ​ക്കി. (ഉല്‌പ. 1:28) അവരുടെ പാപവും തൽഫല​മാ​യി ദൈവ​നാ​മ​ത്തിൻമേൽവന്ന നിന്ദയും നിമിത്തം ഈ ഉദ്ദേശ്യം പരാജ​യ​പ്പെ​ടാൻ പോകു​ക​യാ​യി​രു​ന്നോ?

5. (എ) ഉല്‌പത്തി 2:17 അനുസ​രിച്ച്‌ നൻമതിൻമ​ക​ളു​ടെ അറിവി​ന്റെ വൃക്ഷത്തിൽനിന്ന്‌ തിന്നുന്ന ഏതൊ​രാ​ളും എപ്പോൾ മരിക്കു​മാ​യി​രു​ന്നു? (ബി) ഭൂമിയെ അധിവ​സി​പ്പി​ക്കു​ന്നതു സംബന്ധിച്ച തന്റെ ഉദ്ദേശ്യ​ത്തെ ആദരി​ക്കെ​ത്തന്നെ, യഹോവ അത്‌ എങ്ങനെ നിറ​വേ​ററി?

⁵ ആദാം നൻമതിൻമ​ക​ളെ​ക്കു​റി​ച്ചു​ളള അറിവി​ന്റെ വൃക്ഷത്തിൽനിന്ന്‌ അനുസ​ര​ണ​മി​ല്ലാ​തെ തിന്നു​ക​യാ​ണെ​ങ്കിൽ അവൻ തിന്നുന്ന “ദിവസം​തന്നെ” തീർച്ച​യാ​യും മരിക്കു​മെന്ന്‌ യഹോവ അവനു മുന്നറി​യി​പ്പു​കൊ​ടു​ത്തി​രു​ന്നു. (ഉല്‌പ. 2:17) ദൈവ​ത്തി​ന്റെ വാക്കനു​സ​രി​ച്ചു​തന്നെ, ആദാം പാപം ചെയ്‌ത അതേദി​വസം യഹോവ നിയമ​ലം​ഘി​ക​ളോ​ടു കണക്കു ചോദി​ക്കു​ക​യും മരണവി​ധി ഉച്ചരി​ക്കു​ക​യും ചെയ്‌തു. ശിക്ഷയിൽനിന്ന്‌ ഒഴിഞ്ഞു​പോ​കാൻ കഴിയു​മാ​യി​രു​ന്നില്ല. നീതി​ന്യാ​യ​പ​ര​മാ​യി, ദൈവ​ത്തി​ന്റെ നിലപാ​ടിൽ ആദാമും ഹവ്വായും ആ ദിവസം​തന്നെ മരിച്ചു. (ലൂക്കോസ്‌ 20:37, 38 താരത​മ്യ​പ്പെ​ടു​ത്തുക.) എന്നാൽ ഭൂമിയെ അധിവ​സി​പ്പി​ക്കു​ന്നതു സംബന്ധിച്ച അവന്റെ സ്വന്തം പ്രസ്‌താ​വി​തോ​ദ്ദേ​ശ്യം നിറ​വേ​റേ​റ​ണ്ട​തിന്‌, അവർ അക്ഷരീ​യ​മാ​യി മരിക്കു​ന്ന​തി​നു മുമ്പ്‌ ഒരു കുടും​ബത്തെ ഉളവാ​ക്കാൻ യഹോവ അവരെ അനുവ​ദി​ച്ചു. എന്നിരു​ന്നാ​ലും, 1,000 വർഷത്തെ ഒരു ദിവസം എന്നപോ​ലെ ദൈവം വീക്ഷി​ക്കു​ന്നു​വെന്ന നിലപാ​ടിൽ, ആദാമി​ന്റെ ജീവിതം 930 വർഷം കൊണ്ട​വ​സാ​നി​ച്ച​പ്പോൾ, അത്‌ ഒരു “ദിവസ”ത്തിനു​ള​ളി​ലാ​യി​രു​ന്നു. (ഉല്‌പ. 5:3-5; സങ്കീർത്തനം 90:4 താരത​മ്യ​പ്പെ​ടു​ത്തുക; 2 പത്രോ. 3:8) അങ്ങനെ ശിക്ഷ നടപ്പി​ലാ​ക്കു​ന്ന​തി​ന്റെ സമയം സംബന്ധിച്ച യഹോ​വ​യു​ടെ സത്യത ഉയർത്തി​പ്പി​ടി​ക്ക​പ്പെട്ടു. ആദാമി​ന്റെ സന്തതിയെ ഭൂമി​യിൽ പാർപ്പി​ക്കു​ക​യെന്ന അവന്റെ ഉദ്ദേശ്യം നിഷ്‌ഫ​ല​മാ​ക്ക​പ്പെ​ട്ടില്ല. എന്നാൽ ഒരു കാല​ത്തേക്ക്‌ പാപി​ക​ളായ മനുഷ്യർ ജീവി​ക്കാൻ അനുവ​ദി​ക്ക​പ്പെ​ട്ടി​രി​ക്കു​ന്നു​വെന്ന്‌ അത്‌ അർത്ഥമാ​ക്കി.

6, 7. (എ) ദുഷ്ടൻമാ​രെ കുറേ കാല​ത്തേക്കു തുടരാൻ യഹോവ അനുവ​ദി​ക്കു​ന്നത്‌ എന്തു​കൊ​ണ്ടെ​ന്നു​ള​ളതു സംബന്ധിച്ച്‌ പുറപ്പാട്‌ 9:15, 16 എന്തു സൂചി​പ്പി​ക്കു​ന്നു? (ബി) ഫറവോ​ന്റെ സംഗതി​യിൽ, യഹോ​വ​യു​ടെ ശക്തി എങ്ങനെ കാണി​ക്ക​പ്പെട്ടു, അവന്റെ നാമം എങ്ങനെ അറിയി​ക്ക​പ്പെട്ടു? (സി) അതു​കൊണ്ട്‌ ഇപ്പോ​ഴത്തെ ദുഷ്ടവ്യ​വ​സ്ഥി​തി​യു​ടെ അവസാ​ന​ത്തിൽ പരിണ​ത​ഫലം എന്തായി​രി​ക്കും?

⁶ മോ​ശെ​യു​ടെ നാളു​ക​ളിൽ ഈജി​പ്‌റ​റി​ലെ ഭരണാ​ധി​കാ​രി​യോട്‌ യഹോവ പറഞ്ഞത്‌ ദൈവം ദുഷ്ടരെ കുറേ കാല​ത്തേക്കു തുടരാൻ അനുവ​ദി​ച്ചി​രി​ക്കു​ന്ന​തെ​ന്തു​കൊ​ണ്ടെന്ന്‌ കൂടു​ത​ലാ​യി സൂചി​പ്പി​ക്കു​ന്നു. ഫറവോൻ ഈജി​പ്‌റ​റിൽനിന്ന്‌ യിസ്രാ​യേൽ പുത്രൻമാർ വിട്ടു​പോ​കു​ന്ന​തി​നെ വിലക്കി​യ​പ്പോൾ യഹോവ അവനെ ഉടൻതന്നെ പ്രഹരി​ച്ചില്ല. വൈവി​ധ്യ​മാർന്ന അത്ഭുത​വി​ധ​ങ്ങ​ളിൽ യഹോ​വ​യു​ടെ ശക്തി പ്രകട​മാ​ക്കി​ക്കൊണ്ട്‌ ദേശത്തു പത്തു ബാധകൾ വരുത്ത​പ്പെട്ടു. ഏഴാമ​ത്തേ​തി​നെ​ക്കു​റി​ച്ചു മുന്നറി​യി​പ്പു കൊടു​ത്ത​പ്പോൾ, അവന്‌ നിഷ്‌പ്ര​യാ​സം ഫറവോ​നെ​യും അവന്റെ ജനത്തെ​യും ഭൂമി​യിൽനിന്ന്‌ തുടച്ചു​നീ​ക്കാൻ കഴിയു​മാ​യി​രു​ന്നു​വെന്ന്‌ യഹോവ ഫറവോ​നോ​ടു പറഞ്ഞു. “എന്നാൽ, യഥാർത്ഥ​ത്തിൽ ഈ കാരണ​ത്താൽ ഞാൻ നിന്നെ ആസ്‌തി​ക്യ​ത്തിൽ വെച്ചി​രി​ക്കു​ന്നു, എന്റെ ശക്തി നിന്നെ കാണി​ക്കേ​ണ്ട​തി​നും എന്റെ നാമം സർവ്വഭൂ​മി​യി​ലും ഘോഷി​ക്ക​പ്പെ​ടേ​ണ്ട​തി​നും​തന്നെ” എന്ന്‌ യഹോവ പറഞ്ഞു.—പുറ. 9:15, 16.

⁷ യഹോവ യിസ്രാ​യേ​ലി​നെ വിടു​വി​ച്ച​പ്പോൾ, തീർച്ച​യാ​യും അവന്റെ നാമം പരക്കെ അറിയ​പ്പെ​ടാ​നി​ട​യാ​യി. ഇന്ന്‌, ഏതാണ്ട്‌ 3,500-ഓളം വർഷം കഴിഞ്ഞി​ട്ടും അവൻ ചെയ്‌തത്‌ മറന്നു​പോ​യി​ട്ടില്ല. യഹോ​വ​യെന്ന വ്യക്തി​പ​ര​മായ നാമം ഘോഷി​ക്ക​പ്പെ​ട്ടു​വെന്നു മാത്രമല്ല, ആ നാമം വഹിക്കു​ന്ന​വ​നെ​ക്കു​റി​ച്ചു​ളള സത്യവും ഘോഷി​ക്ക​പ്പെട്ടു. ഇത്‌ തന്റെ ഉടമ്പടി​കൾ പാലി​ക്കു​ന്ന​വ​നും തന്റെ ദാസൻമാർക്കു​വേണ്ടി നടപടി സ്വീക​രി​ക്കു​ന്ന​വ​നു​മായ ഒരു ദൈവ​മെ​ന്ന​നി​ല​യിൽ യഹോ​വ​യു​ടെ കീർത്തി​യെ സംസ്ഥാ​പി​ച്ചു. തന്റെ സർവ്വശ​ക്ത​മായ ബലം നിമിത്തം യാതൊ​ന്നി​നും അവന്റെ ഉദ്ദേശ്യ​ത്തെ തടസ്സ​പ്പെ​ടു​ത്താൻ കഴിക​യി​ല്ലെന്ന്‌ അത്‌ പ്രകട​മാ​ക്കി. ദൃശ്യ​വും അദൃശ്യ​വു​മായ മുഴു ദുഷ്ടവ്യ​വ​സ്ഥി​തി​യു​ടെ​യും ആസന്നമായ നാശം അതിലും മതിപ്പു​ള​വാ​ക്കു​ന്ന​താ​യി​രി​ക്കും. സർവ്വശ​ക്ത​മായ മേധാ​വി​ത്വ​ത്തി​ന്റെ ആ പ്രകട​ന​വും യഹോ​വ​യു​ടെ നാമത്തിന്‌ അതു കൈവ​രു​ത്തുന്ന മഹത്വ​വും അഖിലാണ്ഡ ചരി​ത്ര​ത്തിൽ ഒരിക്ക​ലും വിസ്‌മ​രി​ക്ക​പ്പെ​ടു​ക​യില്ല. അതിന്റെ പ്രയോ​ജ​നങ്ങൾ അനന്തമാ​യി​രി​ക്കും!—യെഹെ. 38:23; വെളി. 19:1, 2.

‘ദൈവ​ത്തി​ന്റെ ജ്ഞാനത്തി​ന്റെ ആഴമേ!’

8. വേറെ കൂടു​ത​ലായ ഏതു വസ്‌തു​തകൾ പരിചി​ന്തി​ക്കാൻ പൗലോസ്‌ നമ്മെ പ്രോ​ത്സാ​ഹി​പ്പി​ക്കു​ന്നു?

⁸ റോമർക്കു​ളള തന്റെ ലേഖന​ത്തിൽ അപ്പോ​സ്‌ത​ല​നായ പൗലോസ്‌ “ദൈവ​ത്തി​ങ്കൽ അനീതി​യു​ണ്ടോ?” എന്ന ചോദ്യം ഉന്നയി​ക്കു​ന്നു. അനന്തരം ദൈവ​ത്തി​ന്റെ കരുണയെ ദൃഢീ​ക​രി​ച്ചു​കൊ​ണ്ടും യഹോവ ഫറവോ​നോ​ടു പറഞ്ഞതി​നെ പരാമർശി​ച്ചു​കൊ​ണ്ടും അവൻ ഉത്തരം പറയുന്നു. മനുഷ്യ​രായ നാം ഒരു കുശവന്റെ കൈയ്യി​ലെ കളിമ​ണ്ണു​പോ​ലെ​യാ​ണെ​ന്നു​ളള വസ്‌തു​ത​യേ​യും അവൻ അനുസ്‌മ​രി​പ്പി​ക്കു​ന്നു. കളിമണ്ണ്‌ അതിന്റെ ഉപയോ​ഗ​ത്തെ​ക്കു​റി​ച്ചു പരാതി​പ്പെ​ടു​ന്നു​ണ്ടോ? പൗലോസ്‌ ഇങ്ങനെ കൂട്ടി​ച്ചേർക്കു​ന്നു: “ഇപ്പോൾ, തന്റെ ക്രോധം പ്രകടി​പ്പി​ക്കു​ന്ന​തി​നും തന്റെ ശക്തി അറിയി​ക്കു​ന്ന​തി​നു​മു​ളള ഇച്ഛ ഉണ്ടായി​രു​ന്നി​ട്ടും, യഹൂദൻമാ​രു​ടെ ഇടയിൽനി​ന്നു മാത്രമല്ല, ജനതക​ളു​ടെ ഇടയിൽനി​ന്നും വിളിച്ച്‌ മഹത്വ​ത്തി​നു​വേണ്ടി മുന്നമേ ഒരുക്കിയ കരുണാ​പാ​ത്ര​ങ്ങ​ളായ നമ്മുടെ മേലുളള തന്റെ മഹത്വ​ത്തി​ന്റെ ധനം അറിയി​ക്കേ​ണ്ട​തിന്‌, നാശ​യോ​ഗ്യ​മാ​യി ഉണ്ടാക്ക​പ്പെട്ട ക്രോ​ധ​പാ​ത്ര​ങ്ങളെ വളരെ​യ​ധി​കം ദീർഘ​ക്ഷ​മ​യോ​ടെ ദൈവം പൊറു​ത്തു​വെ​ങ്കിൽ അതു​കൊ​ണ്ടെന്ത്‌?”—റോമ. 9:14-24.

9. (എ) “നാശത്തിന്‌ യോഗ്യ​മാ​യി ഉണ്ടാക്ക​പ്പെട്ട ക്രോ​ധ​പാ​ത്രങ്ങൾ” ആരാണ്‌? (ബി) അവരുടെ ശത്രു​ത​യിൻ മദ്ധ്യേ യഹോവ വലിയ ദീർഘക്ഷമ പ്രകട​മാ​ക്കി​യി​രി​ക്കു​ന്ന​തെ​ന്തു​കൊണ്ട്‌, തന്നെ സ്‌നേ​ഹി​ക്കു​ന്ന​വ​രു​ടെ നൻമക്കു​വേണ്ടി അന്തിമ​ഫലം എന്തായി​രി​ക്കും?

⁹ ഉല്‌പത്തി 3:15-ൽ രേഖ​പ്പെ​ടു​ത്തി​യി​രി​ക്കുന്ന പ്രവാചക പ്രസ്‌താ​വന യഹോവ ചെയ്‌തതു മുതൽ സാത്താ​നും അവന്റെ സന്തതി​യും “നാശത്തി​നു യോഗ്യ​മാ​യി ഉണ്ടാക്ക​പ്പെട്ട ക്രോ​ധ​പാ​ത്ര”ങ്ങളായി​ട്ടാ​ണി​രി​ക്കു​ന്നത്‌. ആ കാല​ത്തെ​ല്ലാം യഹോവ ദീർഘക്ഷമ പ്രകട​മാ​ക്കി​യി​രി​ക്കു​ന്നു. ദുഷ്ടൻമാർ അവന്റെ വഴികളെ പരിഹ​സി​ച്ചി​ട്ടുണ്ട്‌, അവർ അവന്റെ ദാസൻമാ​രെ പീഡി​പ്പി​ച്ചി​രി​ക്കു​ന്നു, അവന്റെ പുത്രനെ കൊല്ലു​ക​പോ​ലും ചെയ്‌തു. എന്നാൽ യഹോവ തന്റെ ദാസൻമാർക്കു നിലനിൽക്കുന്ന പ്രയോ​ജനം കിട്ടു​മാറ്‌ വലിയ നിയ​ന്ത്രണം പാലി​ച്ചി​രി​ക്കു​ന്നു. സകല സൃഷ്ടി​കൾക്കും ദൈവ​ത്തി​നെ​തി​രായ മത്സരത്തി​ന്റെ വിപൽക്ക​ര​മായ ഫലങ്ങൾ കാണു​ന്ന​തി​നു​ളള അവസരം ലഭിച്ചി​ട്ടുണ്ട്‌. അതേസ​മയം, യേശു​വി​ന്റെ മരണം അനുസ​ര​ണ​മു​ളള മനുഷ്യ​വർഗ്ഗത്തെ വിടു​വി​ക്കു​ന്ന​തി​നും ‘പിശാ​ചി​ന്റെ പ്രവൃ​ത്തി​കളെ തകർക്കു​ന്ന​തി​നു’മുളള ഉപാധി പ്രദാനം ചെയ്‌തു.—1 യോഹ. 3:8; എബ്രാ. 2:14, 15.

10. കഴിഞ്ഞ 1900 വർഷങ്ങ​ളിൽ യഹോവ ദുഷ്ടൻമാ​രെ സഹിക്കു​ന്ന​തിൽ തുടർന്നി​രി​ക്കു​ന്ന​തെ​ന്തു​കൊണ്ട്‌?

¹⁰ യേശു​വി​ന്റെ പുനരു​ത്ഥാ​ന​ത്തി​നു ശേഷമു​ളള 1,900-ൽ പരം വർഷങ്ങ​ളിൽ യഹോവ “ക്രോ​ധ​പാ​ത്രങ്ങ”ളുടെ നാശം വരുത്താ​തെ അവരെ കൂടു​ത​ലാ​യി പൊറു​ത്തി​രി​ക്കു​ന്നു. എന്തിന്‌? എന്തു​കൊ​ണ്ടെ​ന്നാൽ അവൻ സ്‌ത്രീ​യു​ടെ സന്തതി​യു​ടെ ഉപഭാ​ഗത്തെ, യേശു​ക്രി​സ്‌തു​വി​ന്റെ സ്വർഗ്ഗീയ രാജ്യ​ത്തിൽ അവനോ​ടു​കൂ​ടെ ഉണ്ടായി​രി​ക്കേ​ണ്ട​വരെ, ഒരുക്കി​ക്കൊ​ണ്ടി​രി​ക്കു​ക​യാ​യി​രു​ന്നു. (ഗലാ. 3:29) എണ്ണത്തിൽ 1,44,000 വരുന്ന ഇവരാണ്‌ അപ്പോ​സ്‌ത​ല​നായ പൗലോസ്‌ പറഞ്ഞ “കരുണാ​പാ​ത്രങ്ങൾ.” ആദ്യം, യഹൂദൻമാ​രു​ടെ ഇടയിൽനി​ന്നു​ളള വ്യക്തികൾ ഈ വർഗ്ഗത്തിൽ ഉൾപ്പെ​ടു​ന്ന​തി​നു ക്ഷണിക്ക​പ്പെട്ടു. പിന്നീട്‌, പരിച്‌ഛേ​ദ​ന​യേററ ശമര്യ​ക്കാർ കൂട്ട​പ്പെട്ടു. ഒടുവിൽ വിജാ​തീയ രാഷ്‌ട്ര​ങ്ങ​ളി​ലെ ആളുക​ളും. അങ്ങനെ​യു​ളള ദീർഘ​ക്ഷ​മ​യോ​ടെ, യഹോവ തന്നെ സേവി​ക്കാൻ ആരെയും നിർബ്ബ​ന്ധി​ക്കാ​തെ​യും, എന്നാൽ തന്റെ സ്‌നേ​ഹ​പു​ര​സ്സ​ര​മായ കരുത​ലു​ക​ളോട്‌ വിലമ​തി​പ്പോ​ടെ പ്രതി​ക​രി​ച്ച​വ​രു​ടെ​മേൽ മഹത്തായ അനു​ഗ്ര​ഹങ്ങൾ ചൊരി​ഞ്ഞു​കൊ​ണ്ടും തന്റെ ഉദ്ദേശ്യ​ത്തെ പ്രാവർത്തി​ക​മാ​ക്കി​യി​രി​ക്കു​ന്നു. ഇപ്പോൾ ആ സ്വർഗ്ഗീയ വർഗ്ഗത്തി​ന്റെ ഒരുക്കൽ മിക്കവാ​റും പൂർത്തി​യാ​യി​രി​ക്കു​ക​യാണ്‌.

11. യഹോ​വ​യു​ടെ ദീർഘ​ക്ഷ​മ​യിൽനിന്ന്‌ വേറെ ഏതു കൂട്ടം ഇപ്പോൾ പ്രയോ​ജ​ന​മ​നു​ഭ​വി​ക്കു​ന്നു?

¹¹ എന്നാൽ ഭൂമി​യി​ലേ​ക്കു​ളള നിവാ​സി​കളെ സംബന്ധി​ച്ചെന്ത്‌? ദൈവ​ത്തി​ന്റെ തക്കസമ​യത്ത്‌ രാജ്യ​ത്തി​ന്റെ ഭൗമിക പ്രജക​ളെന്ന നിലയിൽ ശതകോ​ടി​കൾ ഉയർപ്പി​ക്ക​പ്പെ​ടും. കൂടാതെ, പ്രത്യേ​കിച്ച്‌ പൊ. യു. 1935 മുതൽ യഹോ​വ​യു​ടെ ദീർഘക്ഷമ സകല ജനതക​ളിൽനി​ന്നു​മു​ളള “ഒരു മഹാപു​രു​ഷാര”ത്തെ, അവരുടെ രക്ഷയെ മുൻനിർത്തി കൂട്ടി​ച്ചേർക്കു​ന്നതു സാദ്ധ്യ​മാ​ക്കി​യി​രി​ക്കു​ന്നു.—വെളി. 7:9, 10; യോഹ. 10:16.

12. (എ) തൽഫല​മാ​യി, നാം യഹോ​വ​യെ​ക്കു​റി​ച്ചു​തന്നെ എന്തു പഠിച്ചി​രി​ക്കു​ന്നു? (ബി) യഹോവ ഈ കാര്യ​ങ്ങളെ കൈകാ​ര്യം ചെയ്‌തി​രി​ക്കുന്ന വിധ​ത്തോ​ടു നിങ്ങൾ എങ്ങനെ പ്രതി​ക​രി​ക്കു​ന്നു?

¹² ഇതി​ലെ​ല്ലാം എന്തെങ്കി​ലും അനീതി​യു​ണ്ടോ? തീർച്ച​യാ​യു​മില്ല! തന്റെ ഉദ്ദേശ്യ​ത്തിന്‌ അനു​യോ​ജ്യ​മാ​യി മററു​ള​ള​വ​രോട്‌ അനുകമ്പ കാട്ടാൻ കഴി​യേ​ണ്ട​തിന്‌ ദൈവം “ക്രോ​ധ​പാ​ത്ര​ങ്ങ​ളായ” ദുഷ്ടൻമാ​രു​ടെ നാശം താമസി​പ്പി​ക്കു​ന്നു​വെ​ങ്കിൽ ആർക്കെ​ങ്കി​ലും ഉചിത​മാ​യി എങ്ങനെ പരാതി പറയാൻ കഴിയും? പകരം നാം യഹോ​വ​യു​ടെ ഉദ്ദേശ്യ​ത്തി​ന്റെ ഇതൾവി​രി​യൽ നിരീ​ക്ഷി​ക്കു​മ്പോൾ, അവനെ​ക്കു​റി​ച്ചു​തന്നെ വളരെ​യ​ധി​കം പഠിക്കു​ന്നു. വെളി​ച്ച​ത്തു​വ​ന്നി​രി​ക്കുന്ന അവന്റെ വ്യക്തി​ത്വ​ത്തി​ന്റെ വശങ്ങളായ അവന്റെ നീതി​യി​ലും അവന്റെ കരുണ​യി​ലും അവന്റെ ദീർഘ​ക്ഷ​മ​യി​ലും അവന്റെ ബഹുവിധ ജ്ഞാനത്തി​ലും നാം അതിശ​യി​ച്ചു​പോ​കു​ന്നു. യഹോ​വ​യു​ടെ ജ്ഞാനപൂർവ്വ​ക​മായ വിവാ​ദ​വി​ഷ​യ​ത്തി​ന്റെ കൈകാ​ര്യം ചെയ്യൽ അവന്റെ ഭരണവി​ധ​മാണ്‌ അത്യു​ത്ത​മ​മെന്ന വസ്‌തു​ത​യു​ടെ സാക്ഷ്യ​മാ​യി എന്നേക്കും നില​കൊ​ള​ളും. അപ്പോ​സ്‌ത​ല​നായ പൗലോ​സി​നോ​ടു ചേർന്ന്‌ നാം പറയുന്നു: “ദൈവ​ത്തി​ന്റെ ധനത്തി​ന്റെ​യും ജ്ഞാനത്തി​ന്റെ​യും അറിവി​ന്റെ​യും ആഴമേ! അവന്റെ ന്യായ​വി​ധി​കൾ എത്ര ആരായാ​നാ​വാ​ത്ത​തും അവന്റെ വഴികൾ എത്ര കണ്ടെത്താൻ കഴിയാ​ത്ത​തു​മാ​കു​ന്നു.”—റോമ. 11:33.

നമ്മുടെ ഭക്തി പ്രകട​മാ​ക്കു​ന്ന​തി​നു​ളള അവസരങ്ങൾ

13. (എ) നാം വ്യക്തി​പ​ര​മായ കഷ്ടപ്പാ​ടി​നു വിധേ​യ​മാ​കു​മ്പോൾ നമുക്ക്‌ ഏത്‌ അവസരം കൈവ​രു​ന്നു? (ബി) ജ്ഞാനപൂർവ്വം പ്രതി​വർത്തി​ക്കു​ന്ന​തിന്‌ നമ്മെ എന്തു സഹായി​ക്കും?

¹³ ദൈവം ഇതുവ​രെ​യും ദുഷ്ടൻമാ​രെ നശിപ്പി​ച്ചി​ട്ടി​ല്ലാ​ത്ത​തി​നാ​ലും മുൻകൂ​ട്ടി​പ്പ​റ​ഞ്ഞി​രി​ക്കുന്ന മനുഷ്യ​വർഗ്ഗ​ത്തി​ന്റെ പുനഃ​സ്ഥി​തീ​ക​രണം കൈവ​രു​ത്തി​യി​ട്ടി​ല്ലാ​ത്ത​തി​നാ​ലും വ്യക്തി​പ​ര​മായ യഥാർത്ഥ കഷ്ടപ്പാട്‌ ഉൾപ്പെ​ടുന്ന സാഹച​ര്യ​ങ്ങൾ ഉണ്ട്‌. അങ്ങനെ​യു​ള​ള​വ​യോ​ടു​ളള നമ്മുടെ പ്രതി​ക​ര​ണ​മെ​ന്താണ്‌? യഹോ​വ​യു​ടെ നാമത്തിൽനിന്ന്‌ നിന്ദ നീക്കു​ന്ന​തി​നും പിശാ​ചി​നെ ഒരു നുണയൻ എന്നു തെളി​യി​ക്കു​ന്ന​തി​നു​മു​ളള അവസരം നാം അവയിൽ കാണു​ന്നു​വോ? “എന്റെ മകനെ, എന്നെ പരിഹ​സി​ക്കു​ന്ന​വന്‌ ഞാൻ ഒരു മറുപടി കൊടു​ക്കേ​ണ്ട​തിന്‌ ജ്ഞാനി​യാ​യി എന്റെ ഹൃദയത്തെ സന്തോ​ഷി​പ്പി​ക്കുക” എന്ന ബുദ്ധി​യു​പ​ദേശം ഓർത്തി​രി​ക്കു​ന്ന​തി​നാൽ അങ്ങനെ ചെയ്യു​ന്ന​തിന്‌ നാം അതിയാ​യി ബലിഷ്‌ഠ​രാ​ക്ക​പ്പെ​ടും. (സദൃശ. 27:11) ആളുകൾ ഭൗതിക നഷ്ടമോ ശാരീ​രിക പീഡന​മോ അനുഭ​വി​ക്കു​ന്ന​പക്ഷം അവർ ദൈവത്തെ കുററ​പ്പെ​ടു​ത്തു​മെന്ന്‌, അവനെ ശപിക്കു​മെ​ന്നു​പോ​ലും, യഹോ​വയെ പരിഹ​സി​ക്കുന്ന സാത്താൻ ആരോ​പി​ച്ചു. (ഇയ്യോ. 1:9-11; 2:4, 5) ക്ലേശങ്ങൾക്കു മദ്ധ്യേ ദൈവ​ത്തോ​ടു​ളള നമ്മുടെ വിശ്വ​സ്‌ത​ത​യാൽ, അതു നമ്മുടെ കാര്യ​ത്തിൽ സത്യമ​ല്ലെന്നു നാം തെളി​യി​ക്കു​മ്പോൾ, നാം യഹോ​വ​യു​ടെ ഹൃദയ​ത്തി​നു സന്തോഷം കൈവ​രു​ത്തു​ന്നു. യഹോ​വക്കു തന്റെ ദാസൻമാ​രോട്‌ ആർദ്ര​മായ പ്രിയ​മു​ണ്ടെ​ന്നും, ഇയ്യോ​ബി​ന്റെ കാര്യ​ത്തി​ലെ​ന്ന​പോ​ലെ, നാം വിശ്വ​സ്‌ത​രെന്നു തെളി​യി​ക്കു​ന്നു​വെ​ങ്കിൽ തക്കസമ​യത്ത്‌ യഹോവ നമുക്ക്‌ ഉദാര​മാ​യി പ്രതി​ഫലം നൽകു​മെ​ന്നും നമുക്ക്‌ പൂർണ്ണ​മായ ഉറപ്പുണ്ട്‌.—യാക്കോ. 5:11; ഇയ്യോ. 42:10-16.

14. നാം പീഡാ​നു​ഭ​വ​ങ്ങൾക്ക്‌ വിധേ​യ​മാ​കു​മ്പോൾ യഹോ​വ​യിൽ ആശ്രയി​ക്കു​ന്നു​വെ​ങ്കിൽ, നമുക്ക്‌ വേറെ ഏതു പ്രയോ​ജ​നങ്ങൾ ലഭിക്കാൻ കഴിയും?

¹⁴ നാം ദുഃഖ​ക​ര​മായ പീഡാ​നു​ഭ​വ​ങ്ങൾക്കു വിധേ​യ​രാ​കു​മ്പോൾ നാം വിശ്വാ​സ​ത്തോ​ടെ യഹോ​വയെ ആശ്രയി​ക്കു​ന്നു​വെ​ങ്കിൽ, നമുക്ക്‌ വിലതീ​രാത്ത ഗുണങ്ങൾ വികസി​പ്പി​ച്ചെ​ടു​ക്കാൻ കഴിയും. യേശു അനുഭ​വിച്ച കഷ്ടപ്പാ​ടു​ക​ളാൽ അവൻ മുമ്പൊ​രി​ക്ക​ലും അറിഞ്ഞി​ട്ടി​ല്ലാത്ത ഒരു വിധത്തിൽ “അനുസ​രണം പഠിച്ചു.” ദീർഘ​ക്ഷ​മ​യും സഹിഷ്‌ണ​ത​യും യഹോ​വ​യു​ടെ നീതി​നി​ഷ്‌ഠ​മായ വഴിക​ളോ​ടു​ളള ആഴമേ​റിയ വിലമ​തി​പ്പും നട്ടുവ​ളർത്തി​കൊണ്ട്‌ നമുക്കും പഠിക്കാൻ കഴിയും. നാം ക്ഷമാപൂർവ്വം ആ പരിശീ​ലനം സ്വീക​രി​ക്കു​മോ?—എബ്രാ. 5:8, 9; 12:11; യാക്കോ. 1:2-4.

15. നാം ക്ഷമാപൂർവ്വം ക്ലേശം സഹിക്കു​ന്നു​വെ​ങ്കിൽ മററു​ള​ള​വർക്ക്‌ എങ്ങനെ പ്രയോ​ജനം കിട്ടി​യേ​ക്കാം?

¹⁵ നാം ചെയ്യു​ന്നത്‌ മററു​ള​ളവർ നിരീ​ക്ഷി​ക്കും. നീതി​യോ​ടു​ളള നമ്മുടെ സ്‌നേഹം നിമിത്തം നാം വിധേ​യ​മാ​കുന്ന കാര്യങ്ങൾ ഹേതു​വാ​യി അവരിൽ ചിലർ കാല​ക്ര​മ​ത്തിൽ യഥാർത്ഥ​ത്തിൽ ഇന്ന്‌ ക്രിസ്‌തു​വി​ന്റെ “സഹോ​ദ​രൻമാർ” ആരെന്ന്‌ മനസ്സി​ലാ​ക്കാ​നി​ട​യാ​യേ​ക്കാം. അവന്റെ “സഹോ​ദ​രൻമാ​രോട്‌” കൂടെ ആരാധ​ന​യിൽ ചേരു​ന്ന​തി​നാൽ അവർക്ക്‌ നിത്യ​ജീ​വന്റെ അനു​ഗ്ര​ഹങ്ങൾ പ്രാപി​ക്കാൻ കഴിയും. (മത്താ. 25:34-36,40,46) അവർക്ക്‌ ആ അവസരം ലഭിക്കാൻ യഹോ​വ​യും അവന്റെ പുത്ര​നും ആഗ്രഹി​ക്കു​ന്നു. നാമോ? അതു സാദ്ധ്യ​മാ​ക്കു​ന്ന​തിന്‌ ക്ലേശം സഹിക്കാൻ നാം സന്നദ്ധരാ​ണോ?

16. അങ്ങനെ​യു​ളള വ്യക്തി​പ​ര​മായ ക്ലേശ​ത്തെ​ക്കു​റി​ച്ചു​ളള നമ്മുടെ വീക്ഷണം ഐക്യ​ത്തി​ന്റെ സംഗതി​യോ​ടു ബന്ധപ്പെ​ട്ടി​രി​ക്കു​ന്ന​തെ​ങ്ങനെ?

¹⁶ യഹോ​വ​യോ​ടു​ളള നമ്മുടെ ഭക്തി പ്രകട​മാ​ക്കു​ന്ന​തി​നും അവന്റെ ഇഷ്ടം നിറ​വേ​റ​റു​ന്ന​തിൽ പങ്കെടു​ക്കു​ന്ന​തി​നു​മു​ളള അവസര​ങ്ങ​ളെന്ന നിലയിൽ പ്രയാ​സ​മു​ളള സാഹച​ര്യ​ങ്ങ​ളെ​പോ​ലും നാം വീക്ഷി​ക്കു​മ്പോൾ അത്‌ എത്ര വിശി​ഷ്ട​മാ​യി​രി​ക്കും! നമ്മുടെ ആ വീക്ഷണം നാം തീർച്ച​യാ​യും ദൈവ​ത്തോ​ടും ക്രിസ്‌തു​വി​നോ​ടു​മു​ളള ഐക്യ​ത്തി​ലേക്കു നീങ്ങു​ക​യാ​ണെ​ന്നു​ള​ള​തി​ന്റെ തെളി​വാ​യി​രി​ക്കാൻ കഴിയും, ആ ഐക്യ​ത്തി​നു​വേ​ണ്ടി​യാണ്‌ യേശു സകല സത്യ​ക്രി​സ്‌ത്യാ​നി​കൾക്കു​മാ​യി പ്രാർത്ഥി​ച്ചത്‌.—യോഹ. 17:20, 21.

പുനരവലോകന ചർച്ച

● തിൻമ അനുവ​ദി​ച്ച​പ്പോൾ, യഹോവ തന്റെ സ്വന്ത നാമ​ത്തോട്‌ വലിയ ആദരവ്‌ ഉചിത​മാ​യി പ്രകട​മാ​ക്കി​യ​തെ​ങ്ങനെ?

● യഹോവ “ക്രോ​ധ​പാ​ത്ര​ങ്ങളെ” സഹിച്ചത്‌ അവന്റെ കരുണ നമ്മി​ലേക്ക്‌ എത്താൻ സാദ്ധ്യ​മാ​ക്കി​യ​തെ​ങ്ങനെ?

● നാം വ്യക്തി​പ​ര​മാ​യി അനുഭ​വി​ക്കുന്ന കഷ്ടപ്പാട്‌ ഉൾപ്പെ​ടുന്ന സാഹച​ര്യ​ങ്ങ​ളിൽ എന്തു കാണാൻ നാം ശ്രമി​ക്കണം?