അടുത്തു പിൻപ​റ​റാൻ ഒരു മാതൃക

¹ നിസ്സം​ശ​യ​മാ​യും ജീവി​ച്ചി​രു​ന്നി​ട്ടു​ള​ള​തി​ലേ​ക്കും ഏററവും മഹാനായ മനുഷ്യ​നാ​യി​രു​ന്നു യേശു. അവൻ ശിഷ്യൻമാർക്കു​വേണ്ടി പൂർണ​ത​യു​ളള ഒരു മാതൃക വെച്ചു. പൂർണത സംബന്ധിച്ച അവന്റെ നിലവാ​രം എത്തിപ്പി​ടി​ക്കാൻ നമുക്കാ​വി​ല്ലെ​ങ്കി​ലും, “അവന്റെ കാലടി​കളെ അടുത്തു പിൻപ​റ​റാൻ” നാം ഉദ്‌ബോ​ധി​പ്പി​ക്ക​പ്പെ​ടു​ന്നു. (1 പത്രോ. 2:21, NW) മററു​ള​ള​വ​രു​മാ​യി സത്യം സതീക്ഷ്‌ണം പങ്കു​വെ​ച്ചു​കൊണ്ട്‌, സാധി​ക്കു​ന്ന​ത്ര​യും യേശു​വി​നെ​പ്പോ​ലെ ആയിത്തീ​രാൻ നാം ആഗ്രഹി​ക്കണം.

² കേവലം ഒരു പ്രസം​ഗകൻ മാത്ര​മാ​യി​രു​ന്നില്ല യേശു; ഏററവും ശ്രേഷ്‌ഠ​നായ ഒരു ഗുരു​വു​മാ​യി​രു​ന്നു അവൻ. “ജനക്കൂട്ടം അവന്റെ പഠിപ്പി​ക്കൽവി​ധ​ത്തിൽ വിസ്‌മ​യി​ച്ചു.” (മത്താ. 7:28, NW) അവൻ അത്രമാ​ത്രം ഫലപ്ര​ദ​നാ​യി​രു​ന്നത്‌ എന്തു​കൊണ്ട്‌? അവന്റെ “പഠിപ്പി​ക്കൽവിധ”ത്തെ നമു​ക്കൊന്ന്‌ അടുത്തു പരിചി​ന്തി​ക്കാം.

³ നമുക്കു യേശു​വി​നെ പിൻപ​റ​റാ​വുന്ന വിധം: യേശു​വി​നെ പഠിപ്പി​ച്ചത്‌ അവന്റെ പിതാ​വാ​യി​രു​ന്നു. (യോഹ. 8:28) യഹോ​വയെ ബഹുമാ​നി​ക്കു​ക​യും അവന്റെ നാമത്തെ മഹത്ത്വ​പ്പെ​ടു​ത്തു​ക​യു​മാ​യി​രു​ന്നു അവന്റെ ഉദ്ദേശ്യം. (യോഹ. 17:4, 26) നമ്മുടെ പ്രസം​ഗ​ത്തി​ലും പഠിപ്പി​ക്ക​ലി​ലും നമ്മുടെ ലക്ഷ്യം യഹോ​വയെ ബഹുമാ​നി​ക്കുക എന്നതാ​യി​രി​ക്കണം, അല്ലാതെ നമ്മി​ലേക്കു ശ്രദ്ധ തിരി​ച്ചു​വി​ടുക എന്നതാ​യി​രി​ക്ക​രുത്‌.

⁴ യേശു പഠിപ്പി​ച്ച​തെ​ല്ലാം ദൈവ​വ​ച​ന​ത്തിൽ അധിഷ്‌ഠി​ത​മാ​യി​രു​ന്നു. നിശ്വസ്‌ത തിരു​വെ​ഴു​ത്തു​ക​ളിൽ എഴുതി​യി​രുന്ന സംഗതി​കൾ അവൻ തുട​രെ​ത്തു​ടരെ പരാമർശി​ച്ചു. (മത്താ. 4:4, 7; 19:4; 22:31) നമ്മുടെ ശ്രോ​താ​ക്കളെ ബൈബി​ളി​ലേക്കു തിരി​ക്കാൻ നാം ആഗ്രഹി​ക്കു​ന്നു. അങ്ങനെ​യാ​വു​മ്പോൾ, അത്യുന്നത പ്രാമാ​ണി​ക​ത​യിൽ അധിഷ്‌ഠി​ത​മായ സംഗതി​ക​ളാ​ണു നാം പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്യു​ന്ന​തെന്നു മനസ്സി​ലാ​ക്കാൻ നാം അവരെ അനുവ​ദി​ക്കു​ക​യാ​വും ചെയ്യു​ന്നത്‌.

⁵ ഹ്രസ്വ​മായ, പ്രാ​യോ​ഗി​ക​മായ, സങ്കീർണ​മ​ല്ലാത്ത ആശയ​പ്ര​ക​ട​ന​ങ്ങ​ളാ​യി​രു​ന്നു യേശു ഉപയോ​ഗി​ച്ചത്‌. ഉദാഹ​ര​ണ​ത്തിന്‌, ദൈവ​ത്തിൽനി​ന്നു​ളള പാപ​മോ​ചനം നമുക്ക്‌ എങ്ങനെ കരസ്ഥമാ​ക്കാ​മെന്നു വിശദീ​ക​രി​ക്കവേ, നാംതന്നെ മററു​ള​ള​വ​രോ​ടു ക്ഷമിക്കു​ന്ന​വ​രാ​യി​രി​ക്കാൻ അവൻ നമ്മെ പ്രോ​ത്സാ​ഹി​പ്പി​ച്ചു. (മത്താ. 6:14, 15) ലളിത​വും വളച്ചു​കെ​ട്ടി​ല്ലാ​ത്ത​തു​മായ സാധാരണ പദപ്ര​യോ​ഗ​ങ്ങ​ളി​ലൂ​ടെ രാജ്യ​സ​ന്ദേശം വിശദീ​ക​രി​ക്കാൻ നാം പരി​ശ്ര​മി​ക്കണം.

⁶ മററു​ള​ള​വ​രിൽ ചിന്തയു​ണർത്തി​വി​ടാൻ യേശു ദൃഷ്ടാ​ന്ത​ങ്ങ​ളും ചോദ്യ​ങ്ങ​ളും വിദഗ്‌ധ​മാ​യി ഉപയോ​ഗി​ച്ചു. (മത്താ. 13:34, 35; 22:20-22) തികച്ചും സാധാ​ര​ണ​മായ അനുദി​ന​സം​ഗ​തി​ക​ളെ​ക്കു​റി​ച്ചു​ളള ദൃഷ്ടാ​ന്ത​ങ്ങൾക്കു സങ്കീർണ​മായ ബൈബിൾ തത്ത്വങ്ങൾ ഗ്രഹി​ക്കാൻ ആളുകളെ സഹായി​ക്കാൻ കഴിയും. തങ്ങൾ കേൾക്കുന്ന സംഗതി​ക​ളെ​ക്കു​റി​ച്ചു ചിന്തി​ക്കാൻ നമ്മുടെ ശ്രോ​താ​ക്കളെ പ്രോ​ത്സാ​ഹി​പ്പി​ക്കുന്ന ചോദ്യ​ങ്ങൾ നാം ചോദി​ക്കണം. ശരിയായ നിഗമ​ന​ങ്ങ​ളി​ലെ​ത്തി​ച്ചേ​രാൻ അവരെ സഹായി​ക്കു​ന്ന​തി​നു ചോദ്യ​ങ്ങ​ളു​ടെ ഉപയോ​ഗ​ത്തി​നു കഴിയും.

⁷ കൂടുതൽ വിവരങ്ങൾ ആവശ്യ​പ്പെ​ട്ട​വ​രോ​ടു പ്രയാ​സ​മു​ളള കാര്യങ്ങൾ വിശദീ​ക​രി​ക്കാൻ യേശു സമയ​മെ​ടു​ത്തു. അവന്റെ ശിഷ്യൻമാ​രെ​പ്പോ​ലെ യഥാർഥ താത്‌പ​ര്യ​മു​ള​ള​വർക്കു യേശു പഠിപ്പി​ച്ച​തി​ന്റെ അർഥം ഗ്രഹി​ക്കാൻ സാധിച്ചു. (മത്താ. 13:36) അതു​പോ​ലെ, ആത്മാർഥ​ത​യോ​ടെ ചോദ്യ​ങ്ങൾ ചോദി​ക്കു​മ്പോൾ നാം സഹായം നൽകു​ന്ന​വ​രാ​യി​രി​ക്കണം. ഉത്തരം അറിയി​ല്ലെ​ങ്കിൽ വിഷയ​ത്തെ​ക്കു​റി​ച്ചു ഗവേഷണം നടത്തി നാം വിവര​വു​മാ​യി പിന്നീടു ചെന്നാൽ മതിയാ​വും.

⁸ പഠിപ്പി​ക്കാൻവേണ്ടി യേശു ദൃഷ്ടാ​ന്ത​പാ​ഠങ്ങൾ ഉപയോ​ഗി​ച്ചു. തന്റെ ശിഷ്യൻമാ​രു​ടെ യജമാനൻ ആയിരു​ന്നി​ട്ടും അവരുടെ പാദങ്ങൾ കഴുകി​യ​താ​യി​രു​ന്നു ഇതിനു​ളള ഒരു ഉദാഹ​രണം. (യോഹ. 13:2-16) നാം താഴ്‌മ​യു​ടേ​തായ ഒരു ആത്മാവു പ്രകട​മാ​ക്കു​ന്നെ​ങ്കിൽ, നമ്മോ​ടൊ​ത്തു പഠിക്കു​ന്നവർ തങ്ങൾ മനസ്സി​ലാ​ക്കുന്ന സംഗതി​കൾ ബാധക​മാ​ക്കാൻ പ്രചോ​ദി​പ്പി​ക്ക​പ്പെ​ടും.

⁹ യേശു ആളുക​ളു​ടെ ഹൃദയ​ത്തെ​യും നീതി​യോ​ടു​ളള അവരുടെ സ്‌നേ​ഹ​ത്തെ​യും തൊട്ടു​ണർത്തി. ഹൃദയ​ത്തി​ലെ​ത്താൻ നാമും ആഗ്രഹി​ക്കു​ന്നു. ഒരു ഉന്നത വ്യക്തിയെ ആരാധി​ക്കാ​നും മററു​ള​ള​വ​രു​മാ​യി സമാധാ​ന​ത്തി​ലും സന്തുഷ്ടി​യി​ലും ജീവി​ച്ചു​പോ​കാ​നു​മു​ളള സകല മനുഷ്യ​രു​ടെ​യും ജൻമസി​ദ്ധ​മായ ആഗ്രഹത്തെ തൊട്ടു​ണർത്താൻ നാം പരി​ശ്ര​മി​ക്കു​ന്നു.

¹⁰ ജീവി​ച്ചി​രു​ന്നി​ട്ടു​ള​ള​തി​ലേ​ക്കും ഏററവും മഹാനായ മനുഷ്യൻ എന്ന പുസ്‌തകം സമർപ്പി​ച്ചു​കൊണ്ട്‌ യേശു​വി​നെ​ക്കു​റി​ച്ചു നാം പഠിച്ച കാര്യങ്ങൾ ഡിസം​ബ​റിൽ നമുക്കു മററു​ള​ള​വ​രു​മാ​യി പങ്കു​വെ​ക്കാൻ സാധി​ക്കും. അവന്റെ പഠിപ്പി​ക്കൽ ഗുണങ്ങൾ അനുക​രി​ക്കുക. തൻമൂലം, യേശു പഠിപ്പിച്ച സംഗതി​കൾ നാം വിശദ​മാ​ക്കു​മ്പോൾ നമ്മെ ശ്രദ്ധി​ക്കാൻ ആത്മാർഥ​ത​യു​ള​ള​വർക്ക്‌ അത്‌ ഒരു പ്രചോ​ദ​ന​മാ​കും.—മത്താ. 10:40.