യഹോ​വ​യാ​ലുള്ള പരി​ശോ​ധന—പ്രയോ​ജ​ന​പ്ര​ദ​മാ​യി​രി​ക്കു​ന്നത്‌ എന്തു​കൊണ്ട്‌?

¹ നല്ല ആരോ​ഗ്യം ഉണ്ടായി​രി​ക്കാൻ സകലരും ആഗ്രഹി​ക്കു​ന്നു. അതു ജീവി​തത്തെ വളരെ​യ​ധി​കം ആസ്വാ​ദ്യ​മാ​ക്കു​ന്നു. എങ്കിലും, നല്ല ആരോ​ഗ്യ​മുള്ള അനേക​രും ഇടയ്‌ക്കി​ടെ വൈദ്യ​പ​രി​ശോ​ധന നടത്താ​റുണ്ട്‌. എന്തു​കൊണ്ട്‌? ഏതെങ്കി​ലും ആരോ​ഗ്യ​പ്ര​ശ്‌നങ്ങൾ പൊന്തി​വ​രു​ന്നു​ണ്ടോ എന്നു കണ്ടുപി​ടി​ക്കാ​നാണ്‌ അവർ ശ്രമി​ക്കു​ന്നത്‌. അങ്ങനെ​യു​ണ്ടെ​ങ്കിൽ, അവയ്‌ക്കുള്ള ചികി​ത്സാ​ന​ട​പ​ടി​കൾ എടുക്കാ​മ​ല്ലോ. അതിലും കൂടുതൽ പ്രാധാ​ന്യ​മുള്ള കാര്യ​മാണ്‌ നമ്മുടെ ആത്മീയ ആരോ​ഗ്യം കാത്തു​സൂ​ക്ഷി​ക്കു​ന്നത്‌. യഹോ​വ​യു​ടെ അംഗീ​കാ​രം “വിശ്വാ​സ​ത്തിൽ ആരോ​ഗ്യ​മു​ള്ള​വ​രാ​യി” നിൽക്കു​ന്ന​തി​നെ ആശ്രയി​ച്ചി​രി​ക്കു​ന്നു.—തീത്തൊസ്‌ 1:13.

² യഹോ​വ​യാൽ പരി​ശോ​ധി​ക്ക​പ്പെ​ടാ​നുള്ള ഉചിത​മായ സമയമാ​ണി​പ്പോൾ. അങ്ങനെ​യാ​യി​രി​ക്കു​ന്നത്‌ എന്തു​കൊണ്ട്‌? എന്തു​കൊ​ണ്ടെ​ന്നാൽ യഹോവ അവന്റെ വിശുദ്ധ ആലയത്തി​ലാണ്‌. അവൻ എല്ലാവ​രു​ടെ​യും ഹൃദയ​ങ്ങളെ പരി​ശോ​ധി​ക്കു​ക​യാണ്‌. (സങ്കീ. 11:4, 5; സദൃ. 17:3) ദാവീ​ദി​നെ​പ്പോ​ലെ, സമ്പൂർണ​മാ​യി നമ്മെ പരി​ശോ​ധി​ക്കാൻ നാം യഹോ​വ​യോട്‌ അഭ്യർഥി​ക്കു​ക​യാണ്‌: “യഹോവേ, എന്നെ പരീക്ഷി​ച്ചു ശോധന ചെയ്യേ​ണമേ; എന്റെ അന്തരം​ഗ​വും എന്റെ ഹൃദയ​വും പരി​ശോ​ധി​ക്കേ​ണമേ.”—സങ്കീ. 26:2.

³ അപൂർണ ജഡംനി​മി​ത്തം നമ്മുടെ ഉള്ളിൽനി​ന്നു നമ്മുടെ ആത്മീയ ആരോ​ഗ്യ​ത്തി​നു നേരേ വരാവുന്ന ഭീഷണി​ക്കെ​തി​രെ നാം ജാഗരൂ​ക​രാ​യി​രി​ക്കണം. “സകല ജാഗ്ര​ത​യോ​ടും​കൂ​ടെ നിന്റെ ഹൃദയത്തെ കാത്തു​കൊൾക; ജീവന്റെ ഉത്ഭവം അതിൽനി​ന്ന​ല്ലോ ആകുന്നതു” എന്നു സദൃശ​വാ​ക്യ​ങ്ങൾ 4:23 ബുദ്ധ്യു​പ​ദേ​ശി​ക്കു​ന്നു.

⁴ നമുക്കു ചുറ്റു​മുള്ള ദുഷിച്ച, അധാർമിക ലോക​ത്തിൽനി​ന്നും നമ്മുടെ ആത്മീയ ആരോ​ഗ്യ​ത്തി​നു ഭീഷണി​യു​ണ്ടാ​കാം. ഈ ദുഷ്ടവ്യ​വ​സ്ഥി​തി​യു​മാ​യി കൂടുതൽ അടുത്ത്‌ ഇടപഴ​കാൻ നാം സ്വയം അനുവ​ദി​ക്കു​ന്നെ​ങ്കിൽ, ലോക​ത്തെ​പ്പോ​ലെ നാം ചിന്തി​ക്കാൻ തുടങ്ങു​ക​യും ലൗകിക മനോ​ഭാ​വങ്ങൾ വികസി​പ്പി​ക്കു​ക​യും ചെയ്‌തേ​ക്കാം. അല്ലെങ്കിൽ, ലൗകിക ജീവി​ത​രീ​തി സ്വീക​രിച്ച്‌ ലോക​ത്തി​ന്റെ ആത്മാവി​ന്റെ സ്വാധീ​ന​വ​ല​യ​ത്തി​ല​ക​പ്പെ​ട്ടേ​ക്കാം.—എഫെ. 2:2, 3.

⁵ നമ്മെ ആത്മീയ​മാ​യി തകർക്കാ​നുള്ള ശ്രമത്തി​ന്റെ ഭാഗമെന്ന നിലയിൽ സാത്താൻ പീഡന​മോ നേരി​ട്ടുള്ള എതിർപ്പോ ഉപയോ​ഗി​ച്ചേ​ക്കാം. എന്നാൽ ഇതി​ലൊ​ക്കെ കൂടു​ത​ലാ​യി, നമ്മെ വശീക​രി​ക്കാൻ അവൻ പലപ്പോ​ഴും ഉപായ​പൂർവം ഉപയോ​ഗി​ക്കു​ന്നത്‌ ലോക​ത്തി​ലെ ആകർഷ​ക​മായ സംഗതി​ക​ളെ​യാണ്‌. സാത്താൻ “ആരെ​യെ​ങ്കി​ലും വിഴു​ങ്ങാൻ അന്വേ​ഷി​ച്ചു​കൊണ്ട്‌ അലറുന്ന സിംഹ​ത്തെ​പ്പോ​ലെ” വരുന്ന​തു​കൊണ്ട്‌, ‘നമ്മുടെ ഇന്ദ്രി​യ​ങ്ങളെ സൂക്ഷി​ക്കാ​നും ജാഗരൂ​ക​രാ​യി​രി​ക്കാ​നും’ പത്രോസ്‌ നമ്മെ ഉദ്‌ബോ​ധി​പ്പി​ക്കു​ന്നു. ‘വിശ്വാ​സ​ത്തിൽ ഉറപ്പു​ള്ള​വ​രാ​യി നിന്നു​കൊണ്ട്‌, അവനെ​തി​രെ ഒരു നിലപാ​ടെ​ടു​ക്കാൻ’ നാം ഉദ്‌ബോ​ധി​പ്പി​ക്ക​പ്പെ​ട്ടി​രി​ക്കു​ന്നു.—1 പത്രൊ. 5:8, 9, NW.

⁶ നമ്മുടെ വിശ്വാ​സത്തെ ബലിഷ്‌ഠ​മാ​യി സൂക്ഷി​ച്ചു​കൊ​ണ്ടും ദിവസേന അതിനെ ബലപ്പെ​ടു​ത്തി​ക്കൊ​ണ്ടും നമ്മുടെ ആത്മീയ ആരോ​ഗ്യ​ത്തെ സംരക്ഷി​ക്കേ​ണ്ട​തുണ്ട്‌. നാം നമ്മുടെ വിശ്വാ​സത്തെ തുടർച്ച​യാ​യി പരി​ശോ​ധി​ക്ക​ണ​മെന്ന്‌ അപ്പോ​സ്‌ത​ല​നായ പൗലോസ്‌ ശുപാർശ ചെയ്യുന്നു. പ്രാപ്‌ത​നായ ഒരു ഡോക്ടർ നമുക്കു തരുന്ന പ്രാ​യോ​ഗിക ഉപദേ​ശ​ത്തി​നു നാം ജ്ഞാനപൂർവം ശ്രദ്ധ​കൊ​ടു​ക്കു​ന്ന​തു​പോ​ലെ, ശരിയാ​ക്കേ​ണ്ട​തായ ഒരു പ്രശ്‌ന​മു​ണ്ടെന്നു യഹോ​വ​യു​ടെ ആത്മീയ പരി​ശോ​ധന വെളി​പ്പെ​ടു​ത്തു​മ്പോൾ നാം അവനെ​യും ശ്രദ്ധി​ക്കു​ന്നു. ഇതു നമുക്കു “യഥാസ്ഥാ​ന​പ്പെ​ടാൻ” അവസര​മൊ​രു​ക്കു​ന്നു.—2 കൊരി. 13:5, 11.

⁷ യഹോ​വ​യാ​ണു സത്യമാ​യും വലിയ പരി​ശോ​ധകൻ. അവന്റെ രോഗ​നിർണയം എല്ലായ്‌പോ​ഴും കൃത്യ​മാണ്‌. നമുക്ക്‌ ആവശ്യ​മു​ള്ളത്‌ എന്തെന്നു കൃത്യ​മാ​യി അവനറി​യാം. അവന്റെ വചനത്തി​ലൂ​ടെ​യും ‘വിശ്വ​സ്‌ത​നായ അടിമ’യിലൂ​ടെ​യും അവൻ ആരോ​ഗ്യാ​വ​ഹ​മായ ഒരു ആത്മീയ ഭക്ഷണ​ക്രമം ശുപാർശ ചെയ്യുന്നു. (മത്താ. 24:45, NW; 1 തിമൊ. 4:6) ഭവനത്തിൽവ​ച്ചും സഭാ​യോ​ഗ​ങ്ങ​ളിൽവ​ച്ചും പോഷ​ക​മൂ​ല്യ​മുള്ള ഈ ആത്മീയ ആഹാര​ക്രമം അനുസ​രി​ച്ചു ക്രമമാ​യി ഭക്ഷിക്കു​ന്നത്‌ ആത്മീയ​മാ​യി ആരോ​ഗ്യ​മു​ള്ള​വ​രാ​യി നില​കൊ​ള്ളാൻ നമ്മെ സഹായി​ക്കും. ശുശ്രൂ​ഷ​യി​ലും മറ്റു ക്രിസ്‌തീയ പ്രവർത്ത​ന​ത്തി​ലു​മുള്ള ക്രമമായ ആത്മീയ വ്യായാ​മ​വും പ്രയോ​ജ​ന​പ്ര​ദ​മാണ്‌. അതു​കൊണ്ട്‌, യഹോവ നമ്മെ ഏറ്റവും നല്ല ആത്മീയ ആരോ​ഗ്യ​ത്തിൽ നിലനിർത്തു​മെന്ന ഉറപ്പോ​ടെ അവൻ നടത്തുന്ന ക്രമമായ ഒരു പരി​ശോ​ധ​നയെ നാം സ്വാഗതം ചെയ്യുന്നു.