ബൈബിൾ പുസ്‌തക നമ്പർ 34—നഹൂം

എഴുത്തുകാരൻ: നഹൂം

എഴുതിയ സ്ഥലം: യഹൂദ

എഴുത്തു പൂർത്തി​യാ​യത്‌: പൊ.യു.മു. 632-നുമുമ്പ്‌

1. പുരാതന നീനെ​വേ​യെ​ക്കു​റിച്ച്‌ എന്തറി​യ​പ്പെ​ടു​ന്നു?

“നീനെ​വേ​യെ​ക്കു​റി​ച്ചു​ളള [“നീനെ​വേ​ക്കെ​തി​രായ,” NW] പ്രവാ​ചകം.” (നഹൂം 1:1) അനിഷ്ട​സൂ​ച​ക​മായ ഈ വാക്കു​ക​ളോ​ടെ​യാ​ണു നഹൂമി​ന്റെ പ്രവചനം തുടങ്ങു​ന്നത്‌. എന്നാൽ അവൻ നാശത്തി​ന്റെ ഈ പ്രഖ്യാ​പനം നടത്തി​യത്‌ എന്തിനാണ്‌? പുരാതന നീനെ​വേ​യെ​സം​ബ​ന്ധിച്ച്‌ എന്തറി​യ​പ്പെ​ടു​ന്നു? അവളുടെ ചരിത്രം ‘രക്തപാ​ത​ക​ങ്ങ​ളു​ടെ പട്ടണം’ എന്ന രണ്ടു വാക്കു​ക​ളിൽ സംഗ്ര​ഹി​ക്ക​പ്പെ​ടു​ന്നു. (3:1) വടക്കൻ ഇറാക്കി​ലെ ആധുനിക നഗരമായ മോൺസി​ലിന്‌ എതിർവ​ശ​ത്താ​യി ടൈ​ഗ്രി​സ്‌ന​ദി​യു​ടെ കിഴക്കേ തീരത്തു സ്ഥിതി​ചെ​യ്യുന്ന രണ്ടു കൂനകൾ പുരാതന നീനെ​വേ​യു​ടെ സ്ഥാനത്തെ അടയാ​ള​പ്പെ​ടു​ത്തു​ന്നു. അതു മതിലു​ക​ളാ​ലും കിടങ്ങു​ക​ളാ​ലും അത്യന്തം ബലവത്താ​ക്ക​പ്പെ​ട്ടി​രു​ന്നു. അതിന്റെ ചരി​ത്ര​ത്തി​ന്റെ അവസാ​ന​ഭാ​ഗത്ത്‌ അത്‌ അസീറി​യൻ സാമ്രാ​ജ്യ​ത്തി​ന്റെ തലസ്ഥാ​ന​മാ​യി​രു​ന്നു. എന്നിരു​ന്നാ​ലും, നഗരത്തി​ന്റെ ഉത്ഭവം, “‘യഹോ​വ​ക്കെ​തി​രെ ശക്തനായ നായാ​ട്ടു​കാ​ര​നാ​യി​രുന്ന’” നി​മ്രോ​ദി​ന്റെ നാളു​ക​ളി​ലേക്കു പിമ്പോ​ട്ടു​പോ​കു​ന്നു. “അയാൾ അസീറി​യ​യി​ലേക്കു പുറ​പ്പെ​ടു​ക​യും നീനെവേ പണിയു​ന്ന​തിൽ ഏർപ്പെ​ടു​ക​യും ചെയ്‌തു.” (ഉല്‌പ. 10:9-11, NW) അങ്ങനെ നീനെ​വേ​യ്‌ക്ക്‌ ഒരു മോശ​മായ തുടക്ക​മാ​ണു​ണ്ടാ​യി​രു​ന്നത്‌. അസീറി​യൻ സാമ്രാ​ജ്യ​ത്തി​ന്റെ അവസാ​ന​ഘ​ട്ട​ത്തിൽ സർഗോൺ, സെൻഹെ​രീബ്‌, ഏസേർഹ​ദ്ദോൻ, അശൂർബാ​നി​പ്പാൾ എന്നിവ​രു​ടെ വാഴ്‌ച​ക്കാ​ലത്ത്‌ അവൾ വിശേ​ഷാൽ കീർത്തി​പ്പെ​ട്ട​താ​യി​ത്തീർന്നു. യുദ്ധങ്ങ​ളാ​ലും ദിഗ്വി​ജ​യ​ങ്ങ​ളാ​ലും കിട്ടിയ കൊള​ള​കൊണ്ട്‌ അവൾ സമ്പന്നയാ​യി​ത്തീ​രു​ക​യും അവളുടെ ഭരണാ​ധി​പൻമാർ അസംഖ്യം അടിമ​ക​ളോ​ടു കാട്ടിയ മനുഷ്യ​ത്വ​ര​ഹി​ത​മായ ക്രൂര​പെ​രു​മാ​ററം നിമിത്തം കേൾവി​കേ​ട്ട​വ​രാ​യി​ത്തീ​രു​ക​യും ചെയ്‌തു.a ദൈവ​ങ്ങ​ളും ശവക്കു​ഴി​ക​ളും പണ്ഡിതൻമാ​രും (ഇംഗ്ലീഷ്‌) 1954, എന്ന തന്റെ പുസ്‌ത​ക​ത്തിൽ 266-ാം പേജിൽ സി. ഡബ്ലിയൂ. സെരാം ഇങ്ങനെ പറയുന്നു: “കൊല​പാ​തകം, കൊളള, അടിച്ച​മർത്തൽ, ദുർബ​ലരെ പിഴപ്പി​ക്കൽ, യുദ്ധം, എല്ലാ രീതി​യി​ലു​മു​ളള ദേഹോ​പ​ദ്രവം, ഭയപ്പെ​ടു​ത്തി ജനങ്ങളെ അമർത്തി​നിർത്തി​യ​വ​രും മിക്ക​പ്പോ​ഴും അവരെ​ക്കാൾ ക്രൂര​രാ​യി​രുന്ന എതിരാ​ളി​ക​ളാൽ കഥകഴി​ക്ക​പ്പെ​ട്ട​വ​രു​മായ ഭരണാ​ധി​പൻമാ​രു​ടെ രക്തപങ്കി​ല​മായ ഒരു രാജവം​ശ​ത്തി​ന്റെ പ്രവൃ​ത്തി​കൾ എന്നിവ​യാൽത്ത​ന്നെ​യാ​ണു നീനെ​വേ​യെ​ക്കു​റി​ച്ചു മനുഷ്യ​വർഗ​ത്തി​ന്റെ ബോധ​ത്തിൽ ധാരണ​യു​ണ്ടാ​യത്‌.”

2. നീനെ​വേ​യു​ടെ മതം ഏതു തരമാ​യി​രു​ന്നു?

² നീനെ​വേ​യി​ലെ മതത്തെ സംബന്ധി​ച്ചെന്ത്‌? അവൾ ദൈവ​ങ്ങ​ളു​ടെ ഒരു വലിയ ഗണത്തെ ആരാധി​ച്ചു, അവരി​ല​നേ​ക​രും ബാബി​ലോ​നിൽനിന്ന്‌ ഇറക്കു​മ​തി​ചെ​യ്യ​പ്പെ​ട്ട​വ​രാ​യി​രു​ന്നു. അവളുടെ ഭരണാ​ധി​പൻമാർ നശിപ്പി​ക്കാ​നും നിർമൂ​ല​മാ​ക്കാ​നും പുറ​പ്പെ​ട്ട​പ്പോൾ ഈ ദൈവ​ങ്ങളെ വിളിച്ചു പ്രാർഥി​ച്ചു. അതിലെ അത്യാ​ഗ്ര​ഹി​ക​ളായ പുരോ​ഹി​തൻമാർ ദിഗ്വി​ജ​യ​ത്തി​നു​ളള ആക്രമ​ണ​ങ്ങളെ പ്രോ​ത്സാ​ഹി​പ്പി​ക്കു​ക​യും കൊള​ള​യിൽനി​ന്നു​ളള വലിയ പ്രതി​ഫ​ല​ത്തി​നാ​യി നോക്കി​പ്പാർത്തി​രി​ക്കു​ക​യും ചെയ്‌തു. പുരാതന നഗരങ്ങൾ (ഇംഗ്ലീഷ്‌) (1886, പേജ്‌ 25) എന്ന തന്റെ പുസ്‌ത​ക​ത്തിൽ ഡബ്ലിയു. ബി. റൈററ്‌ ഇങ്ങനെ പറയുന്നു: “അവർ ശക്തിയെ ആരാധി​ച്ചു, കല്ലി​ന്റെ​യും സിംഹ​ങ്ങ​ളു​ടെ​യും കാളക​ളു​ടെ​യും പടുകൂ​ററൻ വിഗ്ര​ഹ​ങ്ങ​ളോ​ടു​മാ​ത്രമേ അവർ പ്രാർഥി​ക്കു​മാ​യി​രു​ന്നു​ളളു, ആ വിഗ്ര​ഹ​ങ്ങ​ളു​ടെ സ്ഥൂലിച്ച അവയവ​ങ്ങ​ളും കഴുകിൻചി​റ​കു​ക​ളും മനുഷ്യ​ത്ത​ല​ക​ളും ശക്തി, ധൈര്യം, വിജയം എന്നിവ​യു​ടെ പ്രതീ​ക​ങ്ങ​ളാ​യി​രു​ന്നു. യുദ്ധമാ​യി​രു​ന്നു ജനതയു​ടെ തൊഴിൽ, പുരോ​ഹി​തൻമാർ അവിരാ​മം യുദ്ധം ഇളക്കി​വി​ടു​ന്ന​വ​രാ​യി​രു​ന്നു. അവർ ഏറെയും വിജയ​ത്തിൽനി​ന്നു​ളള കൊള​ള​യാ​ലാ​ണു പുലർത്ത​പ്പെ​ട്ടത്‌, അതിന്റെ ഒരു നിശ്ചിത ശതമാനം മററു​ള​ളവർ പങ്കുപ​റ​റു​ന്ന​തി​നു​മു​മ്പു തീർച്ച​യാ​യും അവർക്കു കൊടു​ത്തി​രു​ന്നു, കാരണം കവർച്ച​ക്കാ​രു​ടെ ഈ വർഗം അമിത​മാ​യി മതഭക്ത​രാ​യി​രു​ന്നു.”

3. (എ) നഹൂമി​ന്റെ പേരിന്റെ അർഥം ഏതു വിധത്തിൽ ഉചിത​മാ​യി​രി​ക്കു​ന്നു? (ബി) നഹൂമി​ന്റെ പ്രവചനം ഏതു കാലഘ​ട്ട​ത്തി​ലേ​താണ്‌?

³ നഹൂമി​ന്റെ പ്രവചനം ഹ്രസ്വ​മെ​ങ്കി​ലും താത്‌പ​ര്യ​നിർഭ​ര​മാണ്‌. നമുക്കു പ്രവാ​ച​ക​നെ​ക്കു​റിച്ച്‌ അറിയാ​വു​ന്നതു സമസ്‌ത​വും “എല്‌ക്കോ​ശ്യ​നായ നഹൂമി​ന്റെ ദർശന​പു​സ്‌തകം” എന്ന പ്രാരം​ഭ​വാ​ക്യ​ത്തിൽ അടങ്ങി​യി​രി​ക്കു​ന്നു. അവന്റെ പേരിന്റെ (എബ്രായ, നാചും) അർഥം “ആശ്വാ​സകൻ” എന്നാണ്‌. അവന്റെ സന്ദേശം തീർച്ച​യാ​യും നീനെ​വേ​യ്‌ക്ക്‌ ആശ്വാ​സ​മാ​യി​രു​ന്നില്ല, എന്നാൽ ദൈവ​ത്തി​ന്റെ യഥാർഥ ജനത്തിനു ബദ്ധ​വൈ​രി​യും ശക്തനു​മായ ഒരു ശത്രു​വിൽനി​ന്നു​ളള സുനി​ശ്ചി​ത​വും നിലനിൽക്കു​ന്ന​തു​മായ ആശ്വാ​സത്തെ അതർഥ​മാ​ക്കി. തന്റെ സ്വന്തം ജനത്തിന്റെ പാപങ്ങ​ളെ​ക്കു​റി​ച്ചു നഹൂം പറയാ​തി​രി​ക്കു​ന്ന​തും ആശ്വാ​സ​മാണ്‌. എല്‌ക്കോ​ശി​ന്റെ സ്ഥാനം സൂക്ഷ്‌മ​മാ​യി അറിയ​പ്പെ​ടു​ന്നി​ല്ലെ​ങ്കി​ലും പ്രവചനം യഹൂദ​യിൽവെച്ച്‌ എഴുത​പ്പെ​ട്ടി​രി​ക്കാ​നി​ട​യു​ണ്ടെന്നു തോന്നു​ന്നു. (നഹൂം 1:15) പൊ.യു.മു. 632-ൽ സംഭവിച്ച നീനെ​വേ​യു​ടെ പതനം നഹൂം തന്റെ പ്രവചനം രേഖ​പ്പെ​ടു​ത്തി​യ​പ്പോ​ഴും ഭാവി​യി​ലാ​യി​രു​ന്നു, അവൻ ഈ സംഭവത്തെ ഇതിന്‌ അൽപ്പകാ​ലം മുമ്പു നടന്ന നോ-അമ്മോന്റെ (ഈജി​പ്‌തി​ലെ തെബസ്‌) പതനവു​മാ​യി താരത​മ്യം​ചെ​യ്യു​ന്നു. (3:8) അതു​കൊണ്ട്‌, നഹൂം തന്റെ പ്രവചനം ഈ കാലഘ​ട്ട​ത്തിൽ ഒരു സമയത്ത്‌ എഴുതി​യി​രി​ക്കണം.

4. നഹൂമി​ന്റെ പുസ്‌ത​ക​ത്തിൽ എഴുത്തി​ന്റെ ഏതു ഗുണങ്ങൾ പ്രത്യ​ക്ഷ​മാണ്‌?

⁴ പുസ്‌ത​ക​ത്തി​ന്റെ ശൈലി വ്യക്തമാണ്‌. അതിൽ അനാവ​ശ്യ​മായ വാക്കുകൾ അടങ്ങി​യി​ട്ടില്ല. അതിന്റെ ഊർജ​സ്വ​ല​ത​യും യാഥാർഥ്യ​വും അതു നിശ്വസ്‌ത എഴുത്തു​ക​ളു​ടെ ഭാഗമാ​യി​രി​ക്കു​ന്ന​തിന്‌ അനു​യോ​ജ്യ​മാണ്‌. നഹൂം വർണനാ​ത്മ​ക​വും വികാ​രാ​ത്മ​ക​വും നാടകീ​യ​വു​മായ ഭാഷയി​ലും മാന്യ​മായ ആശയ​പ്ര​ക​ട​ന​ത്തി​ലും ഭാവനാ​വ്യ​ക്ത​ത​യി​ലും ഹഠാദാ​കർഷി​ക്കുന്ന പദപ്ര​യോ​ഗ​ങ്ങ​ളി​ലും മികച്ചു​നിൽക്കു​ന്നു. (1:2-8, 12-14; 2:4, 12; 3:1-5, 13-15, 18, 19) ആദ്യ അധ്യാ​യ​ത്തി​ല​ധി​ക​വും ഒരു ചിത്രാ​ക്ഷ​രി​ക​വി​ത​യു​ടെ രീതി​യി​ലാ​ണെന്നു കാണ​പ്പെ​ടു​ന്നു. (1:8, NW അടിക്കു​റിപ്പ്‌) നഹൂമി​ന്റെ ശൈലി അവന്റെ ഏക വിഷയ​പ്ര​തി​പാ​ദ്യ​ത്താൽ സമ്പന്നമാണ്‌. അവന്‌ ഇസ്രാ​യേ​ലി​ന്റെ വഞ്ചകശ​ത്രു​വി​നോ​ടു തികഞ്ഞ വെറു​പ്പുണ്ട്‌. അവൻ നീനെ​വേ​യു​ടെ നാശം മാത്ര​മാ​ണു കാണു​ന്നത്‌.

5. നഹൂമി​ന്റെ പ്രവച​ന​ത്തി​ന്റെ വിശ്വാ​സ്യ​തയെ തെളി​യി​ക്കു​ന്നത്‌ എന്ത്‌?

⁵ നഹൂമി​ന്റെ പ്രവച​ന​ത്തി​ന്റെ വിശ്വാ​സ്യത അതിന്റെ നിവൃ​ത്തി​യു​ടെ കൃത്യ​ത​യാൽ തെളി​യി​ക്ക​പ്പെ​ടു​ന്നു. നഹൂമി​ന്റെ നാളിൽ അസീറി​യൻ ലോക​ശ​ക്തി​യു​ടെ പ്രൗഢി​യു​ളള തലസ്ഥാ​നത്തെ, “നദിക​ളു​ടെ ചീപ്പു”ങ്കൽ ഇടിച്ചു​പൊ​ളി​ക്കാൻ കഴിയു​മെ​ന്നും അതിന്റെ കൊട്ടാ​രത്തെ തകർക്കാൻ കഴിയു​മെ​ന്നും അവൾതന്നെ “പാഴും വെറു​മ​യും ശൂന്യ​വു​മാ​യി”ത്തീരു​മെ​ന്നും പ്രവചി​ക്കാൻ യഹോ​വ​യു​ടെ ഒരു പ്രവാ​ച​ക​ന​ല്ലാ​തെ വേറെ ആർ മുതി​രു​മാ​യി​രു​ന്നു? (2:6-10) തുടർന്നു​ണ്ടായ സംഭവങ്ങൾ പ്രവചനം തീർച്ച​യാ​യും ദൈവ​നി​ശ്വ​സ്‌ത​മാ​ണെന്നു തെളി​യി​ച്ചു. ബാബി​ലോ​ന്യ​രാ​ജാ​വായ നബോ​പ​ലാ​സ​റു​ടെ ചരിത്രം മേദ്യ​രാ​ലും ബാബി​ലോ​ന്യ​രാ​ലു​മു​ളള നീനെ​വേ​യു​ടെ പിടി​ച്ച​ട​ക്ക​ലി​നെ വർണി​ക്കു​ന്നു: “നഗരത്തെ ശൂന്യ​കു​ന്നു​ക​ളും ശൂന്യ​ശി​ഷ്ട​കൂ​മ്പാ​ര​ങ്ങ​ളു​മാ​യി [അവർ മാററി]. . . .”b നീനെ​വേ​യു​ടെ സ്ഥാനം​പോ​ലും അനേകം നൂററാ​ണ്ടു​ക​ളിൽ വിസ്‌മൃ​ത​മാ​ക​ത്ത​ക്ക​വണ്ണം അതിന്റെ നാശം അത്ര പൂർണ​മാ​യി​രു​ന്നു. നീനെവേ ഒരിക്ക​ലും സ്ഥിതി​ചെ​യ്‌തി​രി​ക്ക​യില്ല എന്നു പറഞ്ഞു​കൊ​ണ്ടു ചില വിമർശകർ ഈ ആശയം​സം​ബ​ന്ധി​ച്ചു ബൈബി​ളി​നെ പരിഹ​സി​ക്കാൻ ഇടയാ​യി​ട്ടുണ്ട്‌.

6. നഹൂമി​ന്റെ കൃത്യ​തയെ സംസ്ഥാ​പി​ക്കു​ന്ന​താ​യി പുരാതന നീനെ​വേ​യു​ടെ സ്ഥാനത്ത്‌ എന്തു കുഴി​ച്ചെ​ടു​ത്തി​രി​ക്കു​ന്നു?

⁶ ഏതായാ​ലും, നഹൂമി​ന്റെ വിശ്വാ​സ്യ​ത​യു​ടെ തെളിവു കൂടു​ത​ലാ​യി വർധി​പ്പി​ച്ചു​കൊ​ണ്ടു നീനെ​വേ​യു​ടെ സ്ഥാനം കണ്ടുപി​ടി​ക്ക​പ്പെട്ടു, അവിടെ 19-ാം നൂററാ​ണ്ടിൽ ഖനനം തുടങ്ങി. അതു പൂർണ​മാ​യി കുഴി​ച്ചു​നോ​ക്കു​ന്ന​തി​നു ദശലക്ഷ​ക്ക​ണ​ക്കി​നു ടൺ മണ്ണു മാറേ​റ​ണ്ടി​വ​രു​മെന്നു കണക്കാ​ക്ക​പ്പെട്ടു. നീനെ​വേ​യിൽനിന്ന്‌ എന്താണു കുഴി​ച്ചെ​ടു​ത്തി​രി​ക്കു​ന്നത്‌? നഹൂമി​ന്റെ പ്രവച​ന​ത്തി​ന്റെ കൃത്യ​തയെ പിന്താ​ങ്ങുന്ന വളരെ​യ​ധി​കം വകകൾ! ദൃഷ്ടാ​ന്ത​ത്തിന്‌, അവളുടെ സ്‌മാ​ര​ക​സൗ​ധ​ങ്ങ​ളും ആലേഖ​ന​ങ്ങ​ളും അവളുടെ ക്രൂര​തയെ സാക്ഷ്യ​പ്പെ​ടു​ത്തു​ന്നു, ചിറകു​ളള കാളക​ളു​ടെ​യും സിംഹ​ങ്ങ​ളു​ടെ​യും പടുകൂ​ററൻ പ്രതി​മ​ക​ളു​ടെ അവശി​ഷ്ട​ങ്ങ​ളും ഉണ്ട്‌. നഹൂം അവളെ​ക്കു​റി​ച്ചു “സിംഹ​ഗുഹ”യെന്നു പറഞ്ഞത്‌ അതിശ​യമല്ല!—2:11.c

7. നഹൂമി​ന്റെ പുസ്‌ത​ക​ത്തി​ന്റെ കാനോ​നി​ക​ത്വ​ത്തെ പിന്താ​ങ്ങു​ന്നത്‌ എന്ത്‌?

⁷ നഹൂമി​ന്റെ കാനോ​നി​ക​ത്വം, ആ പുസ്‌ത​കത്തെ നിശ്വ​സ്‌ത​തി​രു​വെ​ഴു​ത്തു​ക​ളു​ടെ ഭാഗമാ​യി യഹൂദൻമാർ സ്വീക​രി​ക്കു​ന്ന​തി​നാൽ തെളി​യി​ക്ക​പ്പെ​ടു​ന്നു. അതു ബൈബി​ളി​ന്റെ ശേഷിച്ച ഭാഗ​ത്തോ​ടു പൂർണ​മാ​യി യോജി​പ്പി​ലാണ്‌. പ്രവചനം യഹോ​വ​യു​ടെ നാമത്തിൽ ഉച്ചരി​ക്ക​പ്പെ​ട്ടി​രി​ക്കു​ന്നു, അവന്റെ ഗുണങ്ങൾക്കും പരമോ​ന്ന​ത​ത്വ​ത്തി​നും അതു വിദഗ്‌ധ​സാ​ക്ഷ്യം വഹിക്കു​ന്നു.

നഹൂമി​ന്റെ ഉളളടക്കം

8. നീനെ​വേ​യ്‌ക്ക്‌ ഏതു നാശം ഉച്ചരി​ക്ക​പ്പെ​ടു​ന്നു, എന്നാൽ യഹൂദക്ക്‌ ഏതു സുവാർത്ത?

⁸ നീനെ​വേ​ക്കെ​തി​രെ യഹോ​വ​യു​ടെ പ്രഖ്യാ​പനം (1:1-15). “ദൈവം തീക്ഷ്‌ണ​ത​യു​ള​ള​വ​നും യഹോവ പ്രതി​കാ​രം ചെയ്യു​ന്ന​വ​നു​മാ​കു​ന്നു.” ഈ വാക്കു​ക​ളോ​ടെ പ്രവാ​ചകൻ “നീനെ​വേ​യെ​ക്കു​റി​ച്ചു​ളള പ്രവാചക”ത്തിന്റെ രംഗ​മൊ​രു​ക്കു​ന്നു. (1:1, 2) യഹോവ കോപ​ത്തി​നു താമസ​മു​ള​ള​വ​നാ​ണെ​ങ്കി​ലും കാററി​നാ​ലും കൊടു​ങ്കാ​റ​റി​നാ​ലും ഇപ്പോൾ പ്രതി​കാ​രം ചെയ്യു​മ്പോൾ അവനെ കാണുക. പർവതങ്ങൾ കുലു​ങ്ങു​ന്നു, കുന്നുകൾ ഉരുകു​ന്നു, ഭൂമി ഇളകുന്നു. അവന്റെ കോപ​ത്തി​ന്റെ ചൂടിൽ ആർക്കു നിൽക്കാൻ കഴിയും? എന്നിരു​ന്നാ​ലും, യഹോവ തന്നിൽ അഭയം​തേ​ടു​ന്ന​വർക്ക്‌ ഒരു ശക്തി​കേ​ന്ദ്ര​മാ​കു​ന്നു. എന്നാൽ നീനെവേ നാശത്തി​നു വിധി​ക്ക​പ്പെ​ട്ടി​രി​ക്കു​ന്നു. അവൾ ഒരു പ്രളയ​ത്താൽ നിർമൂ​ല​മാ​ക്ക​പ്പെ​ടും, “കഷ്ടത രണ്ടു​പ്രാ​വ​ശ്യം പൊങ്ങി​വ​രു​ക​യില്ല.” (1:9) യഹോവ അവളുടെ നാമ​ത്തെ​യും അവളുടെ ദൈവ​ങ്ങ​ളെ​യും മായി​ച്ചു​ക​ള​യും. അവൻ അവളെ കുഴി​ച്ചി​ടും. ഉൻമേ​ഷ​പ്ര​ദ​മായ അന്തര​മെ​ന്നോ​ണം, യഹൂദക്കു സുവാർത്ത​യുണ്ട്‌! അതെന്താണ്‌? അവരുടെ ഉത്സവങ്ങൾ ആഘോ​ഷി​ക്കാ​നും അവരുടെ നേർച്ചകൾ കഴിക്കാ​നും സമാധാ​ന​ത്തി​ന്റെ ഒരു ഘോഷകൻ അവരെ ആഹ്വാ​നം​ചെ​യ്യു​ന്നു, എന്തെന്നാൽ ശത്രു, “നിസ്സാരൻ,” നാശത്തി​നു വിധി​ക്ക​പ്പെ​ട്ടി​രി​ക്കു​ന്നു. “അവൻ തീർച്ച​യാ​യും മുഴു​വ​നാ​യി ഛേദി​ക്ക​പ്പെ​ടും.”—1:15, NW.

9. നീനെ​വേ​യു​ടെ പരാജ​യ​ത്തി​ന്റെ ഏതു പ്രാവ​ച​നി​ക​വീ​ക്ഷണം നമുക്കു ലഭിക്കു​ന്നു?

⁹ നീനെ​വേ​യു​ടെ നാശത്തി​ന്റെ പൂർവ​വീ​ക്ഷണം (2:1–3:19). വരാനി​രി​ക്കുന്ന ഒരു സംഹാ​ര​ക​നെ​തി​രെ തന്നേത്തന്നെ ബലിഷ്‌ഠ​യാ​ക്കാൻ നീനെ​വേ​യോ​ടാ​യി നഹൂം പരിഹാ​സ​ദ്യോ​ത​ക​മായ ഒരു വെല്ലു​വി​ളി പുറ​പ്പെ​ടു​വി​ക്കു​ന്നു. യഹോവ തന്റെ സ്വന്തത്തെ, ‘യാക്കോ​ബി​ന്റെ​യും യിസ്രാ​യേ​ലി​ന്റെ​യും മഹിമ’യെ, വീണ്ടും കൂട്ടി​ച്ചേർക്കും. അവന്റെ വീരൻമാ​രു​ടെ പരിച​യും ധൂമ്ര​വ​സ്‌ത്ര​വും ‘അവന്റെ സന്നാഹ​ദി​വ​സ​ത്തി​ലെ രഥ’ങ്ങളുടെ ജ്വലി​ക്കുന്ന ഇരുമ്പു​സ​ജ്ജീ​ക​ര​ണ​ങ്ങ​ളും കാണുക! യുദ്ധര​ഥങ്ങൾ തെരു​ക്ക​ളിൽ ‘ചടുചട ചാടു​ക​യും’ മിന്നൽപോ​ലെ ഓടു​ക​യും ചെയ്യുന്നു. (2:2-4) ഇപ്പോൾ നമുക്കു യുദ്ധത്തി​ന്റെ ഒരു പ്രാവ​ച​നി​ക​വീ​ക്ഷണം ലഭിക്കു​ന്നു. നീനെ​വേ​ക്കാർ ഇടറി​വീ​ഴു​ക​യും മതിലി​നെ സംരക്ഷി​ക്കാൻ തിടുക്കം കൂട്ടു​ക​യും ചെയ്യുന്നു, എന്നാൽ പ്രയോ​ജ​ന​മില്ല. നദിക​ളു​ടെ ചീപ്പുകൾ തുറക്കു​ന്നു, കൊട്ടാ​രം തകരുന്നു. അടിമ​പ്പെൺകു​ട്ടി​കൾ വിലപി​ക്കു​ക​യും മാറത്ത​ടി​ക്കു​ക​യും ചെയ്യുന്നു. ഓടി​പ്പോ​കുന്ന മനുഷ്യർ നിശ്ചല​മാ​യി നിൽക്കാൻ കൽപ്പി​ക്ക​പ്പെ​ടു​ന്നു, എന്നാൽ ആരും പിന്തി​രി​യു​ന്നില്ല. നഗരം കൊള​ള​യ​ടി​ക്ക​പ്പെ​ടു​ക​യും ശൂന്യ​മാ​ക്ക​പ്പെ​ടു​ക​യും ചെയ്യുന്നു. ഹൃദയങ്ങൾ ഉരുകു​ന്നു. ഇപ്പോൾ ഈ സിംഹ​ഗുഹ എവിടെ? സിംഹം അതിന്റെ കുട്ടി​കൾക്കു​വേണ്ടി അതിന്റെ ഗുഹ ഇരയെ​ക്കൊ​ണ്ടു നിറച്ചി​രി​ക്കു​ന്നു, എന്നാൽ “ഞാൻ നിന്റെ നേരെ വരും” എന്നു യഹോവ പ്രഖ്യാ​പി​ക്കു​ന്നു. (2:13) അതേ, യഹോവ നീനെ​വേ​യു​ടെ യുദ്ധസ​ന്നാ​ഹത്തെ ദഹിപ്പി​ച്ചു​ക​ള​യും, അവളുടെ ബാലസിം​ഹ​ങ്ങളെ വിഴു​ങ്ങാൻ ഒരു വാൾ അയയ്‌ക്കും, അവളുടെ ഇരയെ ഭൂമി​യിൽനി​ന്നു ഛേദി​ച്ചു​ക​ള​യു​ക​യും ചെയ്യും.

10. നീനെവേ എന്തായി തുറന്നു​കാ​ട്ട​പ്പെ​ടു​ന്നു, അവളുടെ അന്തം കൂടു​ത​ലാ​യി വർണി​ക്ക​പ്പെ​ടു​ന്നത്‌ എങ്ങനെ?

¹⁰ “രക്തപാ​ത​ക​ങ്ങ​ളു​ടെ പട്ടണത്തി​ന്നു അയ്യോ കഷ്ടം! . . . വ്യാജ​വും അപഹാ​ര​വും നിറഞ്ഞി​രി​ക്കു​ന്നു.” ചാട്ടയു​ടെ ഒച്ചയും ചക്രത്തി​ന്റെ കിരു​കി​രു​പ്പും കേൾക്കുക. പായുന്ന കുതിര, ചാടുന്ന രഥം, കുതി​ര​പ്പു​റ​ത്തി​രി​ക്കുന്ന കുതി​ര​ക്കാ​രൻ, വാളിന്റെ ജ്വാല, കുന്തത്തി​ന്റെ മിന്നൽ, ഇവ കാണുക—പിന്നീട്‌, ശവങ്ങളു​ടെ വലിയ കൂട്ടവും. “പിണങ്ങൾക്കു കണക്കില്ല.” (3:1, 3) എന്തു​കൊണ്ട്‌? കാരണം അവൾ ജനതകളെ തന്റെ വ്യഭി​ചാ​രം​കൊ​ണ്ടും കുടും​ബ​ങ്ങളെ അവളുടെ ക്ഷുദ്ര​പ്ര​യോ​ഗ​ങ്ങൾകൊ​ണ്ടും കുരു​ക്കി​യി​രി​ക്കു​ന്നു. രണ്ടാം പ്രാവ​ശ്യ​വും യഹോവ, “ഞാൻ നിന്റെ നേരെ വരും” എന്നു പ്രഖ്യാ​പി​ക്കു​ന്നു. (3:5) നീനെവേ ഒരു വ്യഭി​ചാ​രി​ണി​യെന്ന നിലയിൽ തുറന്നു​കാ​ട്ട​പ്പെ​ടും, കവർച്ച ചെയ്യ​പ്പെ​ടു​ക​യും ചെയ്യും, അവളുടെ ഭാഗ​ധേയം അസീറിയ അടിമ​ത്ത​ത്തി​ലേക്കു കൊണ്ടു​പോയ നോ-അമ്മോ​നെ​ക്കാൾ (തെബസ്‌) മെച്ചമല്ല. അവളുടെ കോട്ടകൾ പാകമായ അത്തിപ്പ​ഴ​ങ്ങൾപോ​ലെ​യാണ്‌, “കുലു​ക്കി​യാൽ അവ തിന്നു​ന്ന​വന്റെ വായിൽതന്നേ വീഴും.” (3:12) അവളുടെ യോദ്ധാ​ക്കൾ സ്‌ത്രീ​ക​ളെ​പ്പോ​ലെ​യാണ്‌. യാതൊ​ന്നി​നും നീനെ​വേയെ തീയിൽനി​ന്നും വാളിൽനി​ന്നും രക്ഷിക്കാൻ കഴിയില്ല. അവളുടെ കാവൽക്കാർ വെയി​ലു​ളള ദിവസ​ത്തിൽ വെട്ടു​ക്കി​ളി​ക്കൂ​ട്ട​മെ​ന്ന​പോ​ലെ ഓടി​പ്പോ​കും, അവളുടെ ജനം ചിതറി​ക്ക​പ്പെ​ടും. ആശ്വാ​സ​മി​ല്ലെന്ന്‌, ഈ വിപത്തി​നു സൗഖ്യ​വു​മി​ല്ലെന്ന്‌ അസീറി​യ​യി​ലെ രാജാവ്‌ അറിയും. ഈ വാർത്ത കേൾക്കുന്ന എല്ലാവ​രും കൈ​കൊ​ട്ടും, എന്തെന്നാൽ എല്ലാവ​രും അസീറി​യ​യു​ടെ വഷളത്വ​ത്താൽ കഷ്ടപ്പെ​ട്ടി​രി​ക്കു​ന്നു.

എന്തു​കൊ​ണ്ടു പ്രയോ​ജ​ന​പ്ര​ദം

11. നഹൂമിൽ ഏത്‌ അടിസ്ഥാ​ന​ബൈ​ബിൾ തത്ത്വങ്ങൾ വിശദീ​ക​രി​ക്ക​പ്പെ​ടു​ന്നു?

¹¹ നഹൂമി​ന്റെ പ്രവചനം ചില അടിസ്ഥാന ബൈബിൾത​ത്ത്വ​ങ്ങൾ വിശദ​മാ​ക്കു​ന്നു. ദർശന​ത്തി​ന്റെ പ്രാരം​ഭ​വാ​ക്കു​കൾ ദൈവം പത്തുകൽപ്പ​ന​ക​ളിൽ രണ്ടാമ​ത്തേതു കൊടു​ക്കാ​നു​ളള കാരണം ആവർത്തി​ക്കു​ന്നു: “യഹോവ തീക്ഷ്‌ണ​ത​യു​ളള ദൈവ​മാ​കു​ന്നു.” അതിനു​ശേഷം ഉടൻതന്നെ അവൻ തന്റെ “വൈരി​ക​ളോ​ടു പ്രതി​കാ​രം​ചെയ്യു”ന്നതിലെ ഉറപ്പ്‌ അറിയി​ക്കു​ന്നു. അസീറി​യ​യു​ടെ ക്രൂര​മായ അഹങ്കാ​ര​ത്തി​നും പുറജാ​തി ദൈവ​ങ്ങൾക്കും യഹോ​വ​യു​ടെ ന്യായ​വി​ധി​നിർവ​ഹ​ണ​ത്തിൽനിന്ന്‌ അവളെ രക്ഷിപ്പാൻ കഴിഞ്ഞില്ല. തക്കസമ​യത്തു യഹോവ അതു​പോ​ലെ​തന്നെ സകല ദുഷ്ടൻമാർക്കും ന്യായ​മായ ശിക്ഷ കൊടു​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും. “യഹോവ ദീർഘ​ക്ഷ​മ​യും മഹാശ​ക്തി​യു​മു​ള​ളവൻ; അവൻ ഒരിക്ക​ലും ശിക്ഷി​ക്കാ​തെ വിടു​ക​യില്ല.” അങ്ങനെ യഹോ​വ​യു​ടെ നീതി​യും പരമോ​ന്ന​ത​ത്വ​വും ശക്തമായ അസീറി​യ​യു​ടെ നിർമൂ​ല​നാ​ശ​ത്തി​ന്റെ പശ്ചാത്ത​ല​ത്തിൽ പ്രകീർത്തി​ക്ക​പ്പെ​ടു​ന്നു. നീനെവേ തീർച്ച​യാ​യും “പാഴും വെറു​മ​യും ശൂന്യ​വു​മാ​യി.”—1:2, 3; 2:10.

12. നഹൂം ഏതു പുനഃ​സ്ഥാ​പനം പ്രഖ്യാ​പി​ക്കു​ന്നു, അവന്റെ പ്രവച​നത്തെ രാജ്യ​പ്ര​ത്യാ​ശ​യോട്‌ എങ്ങനെ ബന്ധിപ്പി​ക്കാം?

¹² നീനെവേ ‘മുഴു​വ​നാ​യി ഛേദി​ക്ക​പ്പെ​ടുന്ന’തിൽനി​ന്നു വ്യത്യ​സ്‌ത​മാ​യി ‘യാക്കോ​ബി​ന്റെ​യും ഇസ്രാ​യേ​ലി​ന്റെ​യും മഹിമ’ക്കു നഹൂം പുനഃ​സ്ഥാ​പനം പ്രഖ്യാ​പി​ക്കു​ന്നു. യഹോവ തന്റെ ജനത്തിനു സന്തുഷ്ട വർത്തമാ​ന​വും അയയ്‌ക്കു​ന്നു: “ഇതാ, പർവ്വത​ങ്ങ​ളിൻമേൽ സുവാർത്താ​ദൂ​ത​നാ​യി സമാധാ​നം ഘോഷി​ക്കു​ന്ന​വന്റെ കാൽ.” ഈ സമാധാന സുവാർത്തക്കു ദൈവ​രാ​ജ്യ​വു​മാ​യി ഒരു ബന്ധമുണ്ട്‌. നാം ഇത്‌ എങ്ങനെ അറിയു​ന്നു? ഇതേ പദപ്ര​യോ​ഗം യെശയ്യാവ്‌ ഉപയോ​ഗി​ക്കു​ന്ന​തിൽനിന്ന്‌ അതു വ്യക്തമാണ്‌. എന്നാൽ അദ്ദേഹം: “നൻമയെ സുവി​ശേ​ഷി​ക്ക​യും രക്ഷയെ പ്രസി​ദ്ധ​മാ​ക്കു​ക​യും സീയോ​നോ​ടു: നിന്റെ ദൈവം വാഴുന്നു എന്നു പറകയും ചെയ്യുന്ന” എന്ന വാക്കുകൾ കൂട്ടി​ച്ചേർക്കു​ന്നു. (നഹൂം 1:15; 2:2; യെശ. 52:7) ക്രമത്തിൽ അപ്പോ​സ്‌ത​ല​നായ പൗലൊസ്‌ റോമർ 10:15-ൽ സുവാർത്ത​യു​ടെ ക്രിസ്‌തീയ പ്രസം​ഗ​ക​രെന്ന നിലയിൽ യഹോവ അയയ്‌ക്കു​ന്ന​വർക്ക്‌ ഈ പദപ്ര​യോ​ഗം ബാധക​മാ​ക്കു​ന്നു. ഇവർ “രാജ്യ​ത്തി​ന്റെ ഈ സുവി​ശേഷം” ഘോഷി​ക്കു​ന്നു. (മത്താ. 24:14) നഹൂം അവന്റെ പേരിന്‌ അനു​യോ​ജ്യ​മാ​യി, ദൈവ​രാ​ജ്യ​ത്തി​ലൂ​ടെ വരുന്ന സമാധാ​ന​വും രക്ഷയും തേടുന്ന എല്ലാവർക്കും വളരെ​യ​ധി​കം ആശ്വാസം പ്രദാ​നം​ചെ​യ്യു​ന്നു. ഇതെല്ലാം ‘യഹോവ നല്ലവൻ, കഷ്ടദി​വ​സ​ത്തിൽ തന്നിൽ അഭയം​തേ​ടു​ന്ന​വർക്ക്‌ ഒരു ശരണമാ​കു​ന്നു’ എന്നു തീർച്ച​യാ​യും തെളി​യി​ക്കും.—നഹൂം 1:7.

[അടിക്കു​റി​പ്പു​കൾ]