ബൈബിൾ പുസ്‌തക നമ്പർ 31—ഓബദ്യാവ്‌

എഴുത്തുകാരൻ: ഓബദ്യാവ്‌

എഴുത്തു പൂർത്തി​യാ​യത്‌: പൊ.യു.മു. ഏകദേശം 607

1. സന്ദേശ​വാ​ഹ​കനല്ല, സന്ദേശ​ത്തി​നാ​ണു പ്രാധാ​ന്യ​മു​ള​ള​തെന്ന്‌ എന്തു പ്രകട​മാ​ക്കു​ന്നു?

എബ്രായ തിരു​വെ​ഴു​ത്തു​ക​ളി​ലെ ഏററവും ഹ്രസ്വ​പു​സ്‌ത​ക​മായ ഓബദ്യാവ്‌ വെറും 21 വാക്യ​ങ്ങ​ളിൽ ദൈവ​രാ​ജ്യ​ത്തി​ന്റെ അന്തിമ​മായ വിജയത്തെ മുൻകൂ​ട്ടി​പ്പ​റ​യവേ, ഒരു ജനതയു​ടെ അന്തത്തിൽ കലാശിച്ച ദൈവ​ത്തി​ന്റെ ന്യായ​വി​ധി പ്രഘോ​ഷി​ക്കു​ന്നു. ആമുഖ​വാ​ക്കു​കൾ കേവലം “ഓബദ്യാ​വി​ന്റെ ദർശനം” എന്നു പ്രസ്‌താ​വി​ക്കു​ന്നു. അവൻ എപ്പോൾ, എവിടെ, ഏതു ഗോ​ത്ര​ത്തിൽ ജനിച്ചു, അവന്റെ ജീവി​ത​ത്തി​ന്റെ വിശദാം​ശങ്ങൾ—ഇവയൊ​ന്നും പറയു​ന്നില്ല. വ്യക്തമാ​യും, പ്രവാ​ച​കന്റെ താദാ​ത്മ്യ​മല്ല, സന്ദേശ​മാ​ണു പ്രധാന സംഗതി; അത്‌ ഉചിത​വു​മാണ്‌, കാരണം ഓബദ്യാ​വു​തന്നെ പ്രഖ്യാ​പി​ച്ച​തു​പോ​ലെ, അതു ‘യഹോ​വ​യി​ങ്കൽനി​ന്നു​ളള ഒരു വർത്തമാ​ന​മാണ്‌.’

2. ഓബദ്യാ​വി​ന്റെ പ്രവചനം ഏതു രാജ്യ​ത്തിൽ കേന്ദ്രീ​ക​രി​ക്കു​ന്നു, അതിലെ നിവാ​സി​കൾക്കു സുരക്ഷി​ത​ത്വം തോന്നാ​നി​ട​യാ​ക്കി​യ​തെന്ത്‌?

² വിവരം മുഖ്യ​ശ്രദ്ധ പതിപ്പി​ക്കു​ന്നത്‌ ഏദോ​മിൻമേ​ലാണ്‌. ചാവു​ക​ട​ലിൽനിന്ന്‌ അരാബ​വഴി തെക്കോ​ട്ടു നീണ്ട്‌ സേയീർപർവതം എന്നും അറിയ​പ്പെ​ടുന്ന ഏദോം​ദേശം, ഉയർന്ന പർവത​ങ്ങ​ളും ആഴമുളള ഗർത്തങ്ങ​ളും സഹിതം കുന്നും​കു​ഴി​യു​മായ ഒരു രാജ്യ​മാണ്‌. അരാബക്കു കിഴക്കു​ളള പർവത​പ്ര​ദേശം ചില സ്ഥാനങ്ങ​ളിൽ 1,700 മീററർ ഉയരത്തി​ലെ​ത്തു​ന്നു. തേമാൻ ജില്ല അതിലെ ജനത്തിന്റെ ജ്ഞാനത്തി​നും ധൈര്യ​ത്തി​നും കേൾവി​കേ​ട്ട​താ​യി​രു​ന്നു. പ്രകൃ​തി​പ​ര​മായ സംരക്ഷ​ണ​ത്തോ​ടു​കൂ​ടിയ ഏദോ​മി​ന്റെ ഭൂമി​ശാ​സ്‌ത്രം​തന്നെ അതിലെ നിവാ​സി​കൾക്കു സുരക്ഷി​ത​ത്വ​വും അഹങ്കാ​ര​വും തോന്നാ​നി​ട​യാ​ക്കി.a

3. ഏദോ​മ്യർ ഇസ്രാ​യേ​ല്യ​രോ​ടു സഹോ​ദ​രൻമാ​രെ​പ്പോ​ലെ വർത്തി​ച്ചോ?

³ ഏദോ​മ്യർ യാക്കോ​ബി​ന്റെ സഹോ​ദ​ര​നായ ഏശാവി​ന്റെ സന്തതി​ക​ളാ​യി​രു​ന്നു. യാക്കോ​ബി​ന്റെ പേർ ഇസ്രാ​യേൽ എന്നു മാററ​പ്പെട്ടു, അതു​കൊ​ണ്ടു ‘സഹോ​ദ​രൻമാർ’ എന്നു വീക്ഷി​ക്ക​പ്പെ​ട​ത്ത​ക്ക​വണ്ണം ഏദോ​മ്യർ ഇസ്രാ​യേ​ല്യ​രോട്‌ അടുത്തു ബന്ധമു​ള​ള​വ​രാ​യി​രു​ന്നു. (ആവ. 23:7) എന്നിരു​ന്നാ​ലും ഏദോ​മി​ന്റെ നടത്ത അശേഷം സഹോ​ദ​ര​നിർവി​ശേ​ഷ​മാ​യി​രു​ന്നില്ല. ഇസ്രാ​യേ​ല്യർ വാഗ്‌ദ​ത്ത​ദേ​ശത്തു പ്രവേ​ശി​ക്കു​ന്ന​തിന്‌ അൽപ്പം​മു​മ്പു മോശ അവിടത്തെ രാജാ​വി​നോട്‌ അവന്റെ ദേശത്തി​ലൂ​ടെ സമാധാ​ന​പൂർവം കടന്നു​പോ​കു​ന്ന​തി​നു​ളള അനുവാ​ദം ചോദി​ച്ചു​കൊണ്ട്‌ ആളെ അയച്ചു. എന്നാൽ ശത്രുത പ്രകട​മാ​ക്കി​ക്കൊണ്ട്‌ ഏദോ​മ്യർ നിരസി​ക്കു​ക​യും ഒരു ശക്തി​പ്ര​ക​ട​നം​കൊണ്ട്‌ ആ നിരസ​നത്തെ പിന്താ​ങ്ങു​ക​യും ചെയ്‌തു. (സംഖ്യാ. 20:14-21) അവർ ദാവീ​ദി​നാൽ കീഴട​ക്ക​പ്പെ​ട്ടെ​ങ്കി​ലും പിൽക്കാ​ലത്തു യഹോ​ശാ​ഫാ​ത്തി​ന്റെ നാളു​ക​ളിൽ യഹൂദ​ക്കെ​തി​രെ അമ്മോ​നും മോവാ​ബു​മാ​യി ഗൂഢാ​ലോ​ചന നടത്തി, യഹോ​ശാ​ഫാ​ത്തി​ന്റെ പുത്ര​നായ യഹോ​രാ​മി​നെ​തി​രെ മത്സരിച്ചു, ഗസ്സയിൽനി​ന്നും സോരിൽനി​ന്നു​മു​ളള ഇസ്രാ​യേല്യ ബന്ദിക​ളു​ടെ ചുമതല ഏറെറ​ടു​ത്തു, കൂടുതൽ ബന്ദികളെ പിടി​ക്കാൻ ആഹാസ്‌രാ​ജാ​വി​ന്റെ നാളു​ക​ളിൽ യഹൂദയെ ആക്രമി​ക്കു​ക​യും ചെയ്‌തു.—2 ദിന. 20:1, 2, 22, 23; 2 രാജാ. 8:20-22; ആമോ. 1:6, 9; 2 ദിന. 28:17.

4. (എ) തെളി​വ​നു​സ​രിച്ച്‌ ഏതു നിന്ദ്യ​മായ പ്രവർത്തനം ഓബദ്യാ​വി​നാ​ലു​ളള ഏദോ​മി​ന്റെ അപലപ​ന​ത്തിന്‌ അടിസ്ഥാ​ന​മൊ​രു​ക്കി? (ബി) ഏതു തെളിവ്‌ അതിന്റെ എഴുത്തി​ന്റെ ഏററവും സാധ്യ​ത​യു​ളള തീയതി​യാ​യി പൊ.യു.മു. 607-നെ സൂചി​പ്പി​ക്കു​ന്നു?

⁴ ബാബി​ലോ​ന്യ​സൈ​ന്യം യെരു​ശ​ലേ​മി​നെ ശൂന്യ​മാ​ക്കിയ പൊ.യു.മു. 607-ൽ ഈ ശത്രുത അത്യു​ച്ച​ത്തി​ലെത്തി. ഏദോ​മ്യർ അംഗീ​കാ​ര​ത്തോ​ടെ വീക്ഷി​ച്ചു​കൊ​ണ്ടി​രു​ന്നു​വെന്നു മാത്രമല്ല, ശൂന്യ​മാ​ക്കൽ പൂർണ​മാ​ക്കാൻ ജേതാ​ക്കളെ പ്രോ​ത്സാ​ഹി​പ്പി​ക്കു​ക​യും ചെയ്‌തു. “ഇടിച്ചു​ക​ള​വിൻ, അടിസ്ഥാ​നം​വരെ അതിനെ ഇടിച്ചു​ക​ള​വിൻ!”, അവർ അട്ടഹസി​ച്ചു. (സങ്കീ. 137:7) കൊള​ളക്കു ചീട്ടി​ട്ട​പ്പോൾ കൊള​ള​യു​ടെ പങ്കു സ്വീക​രി​ക്കു​ന്ന​വ​രിൽ അവർ ഉണ്ടായി​രു​ന്നു. യഹൂദൻമാ​രിൽ രക്ഷപ്പെ​ട്ടവർ ദേശത്തു​നിന്ന്‌ ഓടി​പ്പോ​കാൻ ശ്രമി​ച്ച​പ്പോൾ അവർ മാർഗ​ത​ടസ്സം സൃഷ്ടി​ക്കു​ക​യും അവരെ ശത്രു​വിന്‌ ഏൽപ്പി​ച്ചു​കൊ​ടു​ക്കു​ക​യും ചെയ്‌തു. യെരു​ശ​ലേ​മി​ന്റെ നാശത്തി​ന്റെ സമയത്തെ ഈ അക്രമ​മാ​ണു പ്രത്യ​ക്ഷ​ത്തിൽ ഓബദ്യാ​വു രേഖ​പ്പെ​ടു​ത്തിയ അപലപ​ന​ങ്ങൾക്ക്‌ അടിസ്ഥാ​നം. ഏദോ​മി​ന്റെ നിന്ദാർഹ​മായ പ്രവർത്തനം മനസ്സിൽ പച്ചപി​ടി​ച്ചു നിന്ന​പ്പോ​ഴാ​യി​രു​ന്നു അതെഴു​ത​പ്പെ​ട്ട​തെ​ന്നു​ള​ള​തി​നു സംശയ​മില്ല. (ഓബ. 11, 14) യെരു​ശ​ലേ​മി​ന്റെ നാശത്തി​നു​ശേഷം അഞ്ചുവർഷ​ത്തി​നകം പ്രത്യ​ക്ഷ​ത്തിൽ ഏദോം​തന്നെ നെബു​ഖ​ദ്‌നേ​സ​രാൽ പിടി​ച്ച​ട​ക്ക​പ്പെ​ടു​ക​യും കൊള​ള​യ​ടി​ക്ക​പ്പെ​ടു​ക​യും ചെയ്‌ത​തു​കൊണ്ട്‌ അതിനു മുമ്പ്‌ ഈ പുസ്‌തകം എഴുത​പ്പെ​ട്ടി​രി​ക്കണം; ഏററവും സാധ്യ​ത​യു​ളള തീയതി​യാ​യി പൊ.യു.മു. 607 സൂചി​പ്പി​ക്ക​പ്പെ​ടു​ന്നു.

5. (എ) ഓബദ്യാ​വി​ന്റെ രേഖ വിശ്വാ​സ്യ​വും സത്യവു​മാ​ണെന്ന്‌ എന്തു തെളി​യി​ക്കു​ന്നു? (ബി) ഓബദ്യാവ്‌ എങ്ങനെ ഒരു സത്യ​പ്ര​വാ​ച​കന്റെ യോഗ്യ​തകൾ നിറ​വേ​ററി, അവന്റെ പേർ ഉചിത​മാ​യി​രി​ക്കു​ന്നത്‌ എന്തു​കൊണ്ട്‌?

⁵ ഏദോ​മി​നെ​തി​രായ ഓബദ്യാ​വി​ന്റെ പ്രവചനം നിവൃ​ത്തി​യേറി—മുഴു​വൻതന്നെ! പാരമ്യ​ത്തി​ലെ​ത്തു​മ്പോൾ പ്രവചനം പ്രസ്‌താ​വി​ക്കു​ന്നു: “ഏശാവു​ഗൃ​ഹം താളടി​യും ആയിരി​ക്കും; അവർ അവരെ കത്തിച്ചു ദഹിപ്പി​ച്ചു​ക​ള​യും; ഏശാവു​ഗൃ​ഹ​ത്തി​ന്നു ശേഷിപ്പു ഉണ്ടാക​യില്ല; യഹോ​വ​യ​ല്ലോ അരുളി​ച്ചെ​യ്‌തി​രി​ക്കു​ന്നതു.” (വാക്യം 18) ഏദോം വാളി​നാൽ ജീവിച്ചു, വാളി​നാൽ മരിച്ചു, അവളുടെ സന്തതി​ക​ളു​ടെ കണിക​പോ​ലും ശേഷി​ക്കു​ന്നില്ല. അങ്ങനെ രേഖ വിശ്വാ​സ്യ​വും സത്യവു​മെന്നു തെളി​യു​ന്നു. ഓബദ്യാ​വിന്‌ ഒരു സത്യ​പ്ര​വാ​ച​കന്റെ സകല സാക്ഷ്യ​ങ്ങ​ളു​മുണ്ട്‌: അവൻ യഹോ​വ​യു​ടെ നാമത്തിൽ സംസാ​രി​ച്ചു, അവന്റെ പ്രവചനം യഹോ​വയെ ബഹുമാ​നി​ച്ചു. തുടർന്നു​ളള ചരിത്രം തെളി​യിച്ച പ്രകാരം അതു സത്യമാ​യി ഭവിച്ചു. പ്രത്യ​ക്ഷ​ത്തിൽ അവന്റെ പേരിന്റെ അർഥം “യാഹിന്റെ സേവകൻ” എന്നാണ്‌.

ഓബദ്യാ​വി​ന്റെ ഉളളടക്കം

6. യഹോവ ഏദോ​മി​നെ​ക്കു​റിച്ച്‌ എങ്ങനെ സംസാ​രി​ക്കു​ന്നു, അവൻ അവളെ എവിടെ നിന്ന്‌ ഇറക്കും?

⁶ ഏദോ​മിൻമേ​ലു​ളള ന്യായ​വി​ധി (വാക്യ. 1-16). യഹോ​വ​യു​ടെ കൽപ്പന​യ​നു​സ​രിച്ച്‌ ഓബദ്യാ​വു തന്റെ ദർശനം പ്രസി​ദ്ധ​മാ​ക്കു​ന്നു. ഏദോ​മി​നെ​തി​രെ​യു​ളള യുദ്ധത്തിൽ ചേരാൻ ജനതകൾ വിളി​ച്ചു​വ​രു​ത്ത​പ്പെ​ടു​ന്നു. “എഴു​ന്നേൽപ്പിൻ; നാം അവളുടെ നേരെ യുദ്ധത്തി​ന്നു പുറ​പ്പെ​ടുക,” ദൈവം കൽപ്പി​ക്കു​ന്നു. പിന്നീട്‌, തന്റെ പ്രസ്‌താ​വ​നകൾ ഏദോ​മി​നു നേരെ​തന്നെ തിരി​ച്ചു​വി​ട്ടു​കൊണ്ട്‌ അവൻ അവളുടെ സ്ഥാനത്തെ വിലയി​രു​ത്തു​ന്നു. ഏദോം ജനതക​ളു​ടെ ഇടയിൽ ചെറു​തു​മാ​ത്ര​മാണ്‌, തുച്ഛീ​ക​രി​ക്ക​പ്പെ​ടു​ന്ന​വ​ളു​മാണ്‌, എന്നാലും അവൾ ധിക്കാ​രി​യാണ്‌. ഉയർന്ന പാറക​ളു​ടെ ഇടയിൽ വസിക്കവേ അവൾക്കു സുരക്ഷി​ത​ത്വം തോന്നു​ന്നു, ആർക്കും അവളെ താഴെ​യി​റ​ക്കാൻ കഴിയി​ല്ലെ​ന്നു​ളള ഉറപ്പു തോന്നു​ന്നു. എന്നിരു​ന്നാ​ലും, അവളുടെ വാസസ്ഥലം കഴുക​ന്റേ​തു​പോ​ലെ ഉയർന്ന​താ​യാ​ലും, അവൾ നക്ഷത്ര​ങ്ങ​ളു​ടെ ഇടയിൽത്തന്നെ കൂടു​കെ​ട്ടി​യാ​ലും, അവി​ടെ​നിന്ന്‌ അവൻ അവളെ ഇറക്കും. അവൾ ശിക്ഷക്ക്‌ അർഹയാണ്‌.—വാക്യം 1.

7. ഏദോം എത്ര​ത്തോ​ളം കൊള​ള​യ​ടി​ക്ക​പ്പെ​ടും?

⁷ അവൾക്ക്‌ എന്തു സംഭവി​ക്കാൻ പോക​യാണ്‌? കളളൻമാർ ഏദോ​മി​നെ കൊള​ള​യി​ടു​ക​യാ​ണെ​ങ്കിൽ അവർക്കു വേണ്ടതു​മാ​ത്രമേ അവർ എടുക്കു​ക​യു​ളളു. മുന്തിരി ശേഖരി​ക്കു​ന്ന​വ​രും അൽപ്പം കാലാ​പ്പഴം ശേഷി​പ്പി​ക്കും. എന്നാൽ ഏദോം​പു​ത്രൻമാർക്കു ഭവിക്കാ​നി​രി​ക്കു​ന്നത്‌ അതിലും മോശ​മാണ്‌. അവരുടെ നിക്ഷേ​പങ്ങൾ പൂർണ​മാ​യി കൊള​ള​യി​ട​പ്പെ​ടും. ഏദോ​മി​ന്റെ സഖ്യക​ക്ഷി​കൾത​ന്നെ​യാ​യി​രി​ക്കും അവൾക്കെ​തി​രെ തിരി​യു​ന്നത്‌. അവളുടെ ഉററ സുഹൃ​ത്തു​ക്ക​ളാ​യി​രു​ന്ന​വർതന്നെ അവളെ വിവേ​ച​ന​യി​ല്ലാത്ത ഒരാ​ളെ​പ്പോ​ലെ ഒരു വലയിൽ പിടി​ക്കും. ജ്ഞാനത്തി​നു കേൾവി​കേട്ട അവളുടെ പുരു​ഷൻമാ​രും ശൂരത്വ​ത്തി​നു പ്രസി​ദ്ധ​രായ അവളുടെ യോദ്ധാ​ക്ക​ളും അവളുടെ അനർഥ കാലത്തു തുണയാ​യി​രി​ക്കു​ക​യില്ല.

8. ഏദോ​മി​ന്റെ ശിക്ഷ ഇത്ര കഠിന​മാ​യി​രി​ക്കു​ന്നത്‌ എന്തു​കൊണ്ട്‌?

⁸ എന്നാൽ ഈ കഠിന ശിക്ഷ എന്തു​കൊണ്ട്‌? അത്‌ ഏദോ​മി​ന്റെ പുത്രൻമാർ അവരുടെ സഹോ​ദ​രൻമാ​രായ യാക്കോ​ബി​ന്റെ പുത്രൻമാ​രോ​ടു ചെയ്‌ത അക്രമം നിമി​ത്ത​മാണ്‌! അവർ യെരു​ശ​ലേ​മി​ന്റെ വീഴ്‌ച​യിൽ സന്തോ​ഷി​ച്ചു, കൊളള പങ്കിടു​ന്ന​തിൽ ആക്രമ​ണ​കാ​രി​ക​ളോ​ടു ചേരു​ക​പോ​ലും ചെയ്‌തു. ഓബദ്യാ​വു ഹീന​പ്ര​വൃ​ത്തി​കൾ നേരിൽ കാണു​ന്ന​തു​പോ​ലെ, ശക്തമായ അപലപ​ന​ങ്ങ​ളിൽ ഏദോ​മി​നോട്‌ ഇങ്ങനെ പറയുന്നു: നിന്റെ സഹോ​ദ​രന്റെ ദുഃഖ​ത്തിൽ നീ സന്തോ​ഷി​ക്കാ​വു​ന്നതല്ല. അവന്റെ പലായി​ത​രു​ടെ ഓടി​പ്പോ​ക്കി​നെ നീ തടസ്സ​പ്പെ​ടു​ത്തു​ക​യും അവരെ ശത്രു​വിന്‌ ഏൽപ്പി​ച്ചു​കൊ​ടു​ക്കു​ക​യും ചെയ്യേ​ണ്ടതല്ല. യഹോവ കണക്കു​തീർക്കുന്ന ദിവസം അടുത്തി​രി​ക്കു​ന്നു, നിന്നോ​ടു കണക്കു​ചോ​ദി​ക്കും. നീ ചെയ്‌ത​തു​പോ​ലെ​ത​ന്നെ​യാ​യി​രി​ക്കും നിന്നോ​ടും ചെയ്യുക.

9. ഏതു പുനഃ​സ്ഥാ​പനം മുൻകൂ​ട്ടി​പ്പ​റ​യു​ന്നു?

⁹ യാക്കോബ്‌ ഗൃഹത്തി​ന്റെ പുനഃ​സ്ഥാ​പനം (വാക്യ. 17-21). അതിൽനി​ന്നു വ്യത്യ​സ്‌ത​മാ​യി, യാക്കോ​ബ്‌ഗൃ​ഹം പുനഃ​സ്ഥാ​പ​ന​ത്തിന്‌ അർഹമാണ്‌. മനുഷ്യർ സീയോൻ പർവത​ത്തി​ലേക്കു മടങ്ങി​വ​രും. തീ താളടി​യെ ദഹിപ്പി​ക്കു​ന്ന​തു​പോ​ലെ അവർ ഏശാവു​ഗൃ​ഹത്തെ ദഹിപ്പി​ക്കും. അവർ തെക്കൻ പ്രദേ​ശത്തെ നെജീ​ബി​നെ​യും ഏശാവി​ന്റെ പർവത​പ്ര​ദേ​ശ​ത്തെ​യും ഷെഫീ​ല​യെ​യും കൈവ​ശ​മാ​ക്കും. വടക്ക്‌ അവർ എഫ്രയീ​മി​ന്റെ​യും ശമര്യ​യു​ടെ​യും ദേശവും സാരെ​ഫാത്ത്‌ വരെയു​ളള പ്രദേ​ശ​വും കൈവ​ശ​പ്പെ​ടു​ത്തും; കിഴക്ക്‌ അവർക്ക്‌ ഗിലെ​യാദ്‌ പ്രദേശം കിട്ടും. അഹങ്കാ​രി​യായ ഏദോം ഇല്ലാതാ​യി​ത്തീ​രണം, യാക്കോബ്‌ പുനഃ​സ്ഥാ​പി​ക്ക​പ്പെ​ടണം, “രാജത്വം യഹോ​വ​യു​ടേ​താ​യി​ത്തീ​രേ​ണ്ട​താണ്‌.”—വാക്യം 21, NW.

എന്തു​കൊ​ണ്ടു പ്രയോ​ജ​ന​പ്ര​ദം

10. വേറെ ഏതു പ്രവച​നങ്ങൾ ഏദോ​മി​ന്റെ നാശത്തെ മുൻകൂ​ട്ടി​പ്പ​റഞ്ഞു, ഓബദ്യാ​വി​നോ​ടൊ​പ്പം ഇവയും പരിചി​ന്തി​ക്കു​ന്നതു പ്രയോ​ജ​ന​ക​ര​മാ​യി​രി​ക്കു​ന്നത്‌ എന്തു​കൊണ്ട്‌?

¹⁰ ഏദോ​മി​നെ​തി​രായ ഈ ന്യായ​വി​ധി​ദൂ​തി​ന്റെ നിവൃ​ത്തി​യു​ടെ സുനി​ശ്ചി​ത​ത്വ​ത്തെ സാക്ഷ്യ​പ്പെ​ടു​ത്തി​ക്കൊ​ണ്ടു യഹോവ തന്റെ മററു പ്രവാ​ച​കൻമാ​രെ​ക്കൊ​ണ്ടു സമാന​മായ പ്രസ്‌താ​വ​നകൾ ചെയ്യി​ച്ചി​ട്ടുണ്ട്‌. യോവേൽ 3:19; ആമോസ്‌ 1:11, 12; യെശയ്യാ​വു 34:5-7; യിരെ​മ്യാ​വു 49:7-22; യെഹെ​സ്‌കേൽ 25:12-14; 35:2-15 എന്നിവി​ട​ങ്ങ​ളിൽ രേഖ​പ്പെ​ടു​ത്തി​യി​രി​ക്കു​ന്നവ മുന്തി​നിൽക്കു​ന്ന​വ​യാണ്‌. നേര​ത്തെ​യു​ളള പ്രഖ്യാ​പ​നങ്ങൾ കഴിഞ്ഞ കാലങ്ങ​ളി​ലെ ശത്രു​താ​ന​ട​പ​ടി​കളെ പരാമർശി​ക്കു​ന്നു​വെന്നു സ്‌പഷ്ട​മാണ്‌, പിൽക്കാ​ല​ത്തേത്‌ ഓബദ്യാ​വു പരാമർശി​ക്കുന്ന, ബാബി​ലോ​ന്യർ യെരു​ശ​ലേ​മി​നെ പിടി​ച്ച​ട​ക്കിയ സമയത്തെ ഏദോ​മി​ന്റെ അക്ഷന്തവ്യ​മായ നടത്തക്ക്‌ അവളു​ടെ​മേ​ലു​ളള കുററാ​രോ​പ​ണ​മാ​ണെന്നു സ്‌പഷ്ട​മാണ്‌. മുൻകൂ​ട്ടി​പ്പ​റ​യ​പ്പെട്ട അനർഥങ്ങൾ എങ്ങനെ ഏദോ​മി​നു ഭവിച്ചു​വെന്നു നാം പരി​ശോ​ധി​ക്കു​ന്നതു യഹോ​വ​യു​ടെ പ്രാവ​ച​നിക ശക്തിയി​ലു​ളള വിശ്വാ​സത്തെ ബലിഷ്‌ഠ​മാ​ക്കും. തന്നെയു​മല്ല, അതു തന്റെ പ്രസ്‌താ​വി​തോ​ദ്ദേ​ശ്യം എപ്പോ​ഴും നടപ്പി​ലാ​ക്കുന്ന ദൈവ​മെന്ന നിലയിൽ യഹോ​വ​യി​ലു​ളള വിശ്വാ​സത്തെ പുഷ്ടി​പ്പെ​ടു​ത്തും.—യെശ. 46:9-11.

11, 12. (എ) ഏദോ​മു​മാ​യി “സന്ധിയു​ള​ളവർ” അവൾക്കെ​തി​രെ പ്രബല​പ്പെ​ടാ​നി​ട​യാ​യ​തെ​ങ്ങനെ? (ബി) ഏതു ഘട്ടങ്ങളി​ലാ​യി ഏദോം “സദാകാ​ല​ത്തേ​ക്കും” ഛേദി​ക്ക​പ്പെ​ടാ​നി​ട​യാ​യി?

¹¹ ഏദോ​മി​നോ​ടു “സഖ്യത​യു​ള​ള​വ​രൊ​ക്കെ​യും,” അവളോ​ടു “സന്ധിയു​ള​ളവർ,” ആയിരി​ക്കും അവളെ കീഴട​ക്കു​ന്ന​തെന്ന്‌ ഓബദ്യാ​വു മുൻകൂ​ട്ടി​പ്പ​റ​ഞ്ഞി​രു​ന്നു. (ഓബ. 7) ഏദോ​മു​മാ​യു​ളള ബാബി​ലോ​ന്റെ സമാധാ​നം നീണ്ടു​നി​ന്നില്ല. പൊ.യു.മു. ആറാം നൂററാ​ണ്ടിൽ നബോ​ണീ​ഡസ്‌ രാജാ​വി​ന്റെ കീഴിലെ ബാബി​ലോ​ന്യ സൈന്യം ഏദോ​മി​നെ ജയിച്ച​ടക്കി.b എന്നിരു​ന്നാ​ലും, നബോ​ണീ​ഡസ്‌ ദേശം ആക്രമിച്ച ശേഷം ഒരു നൂററാ​ണ്ടു കഴിഞ്ഞ്‌ ആത്മവി​ശ്വാ​സ​മു​ണ്ടാ​യി​രുന്ന ഏദോം അപ്പോ​ഴും ഒരു തിരി​ച്ചു​വ​രവു നടത്തു​ന്ന​തിന്‌ ആശിച്ചു. അതി​നെ​ക്കു​റി​ച്ചു മലാഖി 1:4 ഇങ്ങനെ റിപ്പോർട്ടു ചെയ്യുന്നു: “ഞങ്ങൾ ഇടിഞ്ഞി​രി​ക്കു​ന്നു എങ്കിലും ഞങ്ങൾ ശൂന്യ​സ്ഥ​ല​ങ്ങളെ വീണ്ടും പണിയും എന്നു എദോം പറയുന്നു എങ്കിൽ സൈന്യ​ങ്ങ​ളു​ടെ യഹോവ ഇപ്രകാ​രം അരുളി​ച്ചെ​യ്യു​ന്നു: അവർ പണിയട്ടെ ഞാൻ ഇടിച്ചു​ക​ള​യും.” തിരി​ച്ചു​വ​ര​വി​നു​ളള ഏദോ​മി​ന്റെ ശ്രമങ്ങ​ളു​ണ്ടാ​യി​രു​ന്നി​ട്ടും പൊ.യു.മു. നാലാം നൂററാ​ണ്ടോ​ടെ നാബാ​ത്യർ ദേശത്തു സുസ്ഥാ​പി​ത​രാ​യി. തങ്ങളുടെ ദേശത്തു​നി​ന്നു പുറന്ത​ള​ള​പ്പെ​ട്ട​തി​നാൽ ഏദോ​മ്യർ യഹൂദ​യു​ടെ തെക്കൻഭാ​ഗത്തു വസിച്ചു, അത്‌ ഇദൂമ്യ എന്നു വിളി​ക്ക​പ്പെ​ടാ​നി​ട​യാ​യി. അവർ സേയീർദേശം വീണ്ടും ജയിച്ച​ട​ക്കു​ന്ന​തിൽ ഒരിക്ക​ലും വിജയി​ച്ചില്ല.

¹² ജോസീ​ഫസ്‌ പറയു​ന്ന​ത​നു​സ​രി​ച്ചു ശേഷിച്ച ഏദോ​മ്യർ പൊ.യു.മു. രണ്ടാം നൂററാ​ണ്ടിൽ യഹൂദാ​രാ​ജാ​വായ ജോൺ ഹിർക്കാ​നസ്‌ I-ാമനാൽ കീഴട​ക്ക​പ്പെ​ടു​ക​യും പരിച്‌ഛേ​ദ​നക്കു വിധേ​യ​രാ​കാൻ നിർബ​ന്ധി​ക്ക​പ്പെ​ടു​ക​യും ഒരു യഹൂദ​ഗ​വർണ​രു​ടെ കീഴി​ലു​ളള യഹൂദാ​ധി​പ​ത്യ​ത്തിൽ ക്രമേണ ലയിക്കു​ക​യും ചെയ്‌തു. റോമാ​ക്കാ​രാ​ലു​ളള പൊ.യു. 70-ലെ യെരു​ശ​ലേ​മി​ന്റെ നാശത്തെ തുടർന്ന്‌ അവരുടെ പേർ ചരി​ത്ര​ത്തിൽനിന്ന്‌ അപ്രത്യ​ക്ഷ​മാ​യി.c അത്‌ ഓബദ്യാവ്‌ മുൻകൂ​ട്ടി​പ്പ​റ​ഞ്ഞി​രു​ന്ന​തു​പോ​ലെ​യാ​യി​രു​ന്നു: “നീ സദാകാ​ല​ത്തേ​ക്കും ഛേദി​ക്ക​പ്പെ​ടും. . . . ഏശാവു​ഗൃ​ഹ​ത്തി​ന്നു ശേഷിപ്പ്‌ ഉണ്ടാക​യില്ല.”—ഓബ. 10, 18.

13. ഏദോ​മ്യ​രിൽനി​ന്നു വ്യത്യ​സ്‌ത​മാ​യി യഹൂദൻമാർക്ക്‌ എന്തു സംഭവി​ച്ചു?

¹³ ഏദോ​മി​ന്റെ ശൂന്യ​മാ​ക്ക​ലിൽനി​ന്നു വ്യത്യ​സ്‌ത​മാ​യി, യഹൂദൻമാർ പൊ.യു.മു. 537-ൽ അവരുടെ സ്വദേ​ശത്തു സെരൂ​ബ്ബാ​ബേ​ലി​ന്റെ ഭരണാ​ധി​പ​ത്യ​ത്തിൻകീ​ഴിൽ പുനഃ​സ്ഥാ​പി​ക്ക​പ്പെട്ടു, അവിടെ അവർ യെരു​ശ​ലേ​മി​ലെ ആലയം പുനർനിർമി​ക്കു​ക​യും ദേശത്തു സുസ്ഥാ​പി​ത​രാ​കു​ക​യും ചെയ്‌തു.

14. (എ) ഏദോ​മി​ന്റെ ഭാഗ​ധേ​യ​ത്തിൽ ഏതു മുന്നറി​യി​പ്പു കാണാ​നുണ്ട്‌? (ബി) ഓബദ്യാ​വി​നെ​പ്പോ​ലെ എല്ലാവ​രും എന്തു സമ്മതി​ക്കണം, എന്തു​കൊണ്ട്‌?

¹⁴ അഹങ്കാ​ര​വും ധിക്കാ​ര​വും അനർഥ​ത്തി​ലേക്കു നയിക്കു​ന്നു​വെ​ന്നത്‌ എത്ര സ്‌പഷ്ട​മാണ്‌! അഹങ്കാ​ര​പൂർവം തങ്ങളേ​ത്തന്നെ ഉയർത്തു​ക​യും ദൈവ​ദാ​സൻമാ​രു​ടെ​മേൽ വരുന്ന പ്രയാ​സ​ങ്ങ​ളിൽ ക്രൂര​മാ​യി ആഹ്ലാദി​ക്കു​ക​യും ചെയ്യു​ന്നവർ ഏദോ​മി​ന്റെ ഭാഗ​ധേ​യ​ത്തിൽനി​ന്നു മുന്നറി​യി​പ്പു സ്വീക​രി​ക്കട്ടെ. ഓബദ്യാ​വു സമ്മതി​ച്ച​തു​പോ​ലെ, “രാജത്വം യഹോ​വ​ക്കാ​കും” എന്ന്‌ അവർ സമ്മതി​ക്കട്ടെ. യഹോ​വ​ക്കും അവന്റെ ജനത്തി​നു​മെ​തി​രാ​യി പോരാ​ടു​ന്നവർ അനിശ്ചി​ത​കാ​ല​ത്തേക്കു പൂർണ​മാ​യി ഛേദി​ക്ക​പ്പെ​ടും, എന്നാൽ യഹോ​വ​യു​ടെ ഉജ്ജ്വല​മായ രാജ്യ​വും നിത്യ​രാ​ജ​ത്വ​വും എന്നേക്കും സംസ്ഥാ​പി​ത​മാ​യി നിലനിൽക്കും!—വാക്യം 21.

[അടിക്കു​റി​പ്പു​കൾ]