നിങ്ങ​ളൊ​രു മുഴു​സമയ സാക്ഷി​യാ​ണോ?

¹ ആ ചോദ്യ​ത്തിന്‌ ഉവ്വ്‌ എന്നു നിങ്ങൾ ഉത്തരം നൽകു​മോ? യഹോ​വ​യു​ടെ സമർപ്പിത ദാസന്മാർക്കെ​ല്ലാം മുഴു​സമയ ശുശ്രൂ​ഷ​യിൽ ഏർപ്പെ​ടാൻ സാധി​ക്കി​ല്ലെ​ങ്കി​ലും നാമെ​ല്ലാം അവന്റെ മുഴു​സമയ സാക്ഷി​ക​ളാ​യി സ്വയം കരുത​ണ​മെന്നു പ്രതീ​ക്ഷി​ക്കുക ന്യായ​യു​ക്ത​മല്ലേ? തീർച്ച​യാ​യും നാം അങ്ങനെ​തന്നെ കരുതണം.

² അംശകാല ക്രിസ്‌ത്യാ​നി​യാ​യി​രി​ക്കുക സാധ്യമല്ല. യേശു തന്റെ പിതാ​വി​നെ സംബന്ധിച്ച്‌ ഇപ്രകാ​രം പറഞ്ഞു: ‘ഞാൻ എല്ലായ്‌പോ​ഴും അവന്നു പ്രസാ​ദ​മു​ള​ളതു ചെയ്യുന്നു.’ (യോഹ. 8:29) സമാന​മാ​യി ചിന്തിച്ച പൗലൊസ്‌ “എല്ലാം ദൈവ​ത്തി​ന്റെ മഹത്വ​ത്തി​ന്നാ​യി ചെയ്‌വിൻ” എന്ന്‌ നമ്മെ ഉദ്‌ബോ​ധി​പ്പി​ച്ചു. (1 കൊരി. 10:31) അതു​കൊണ്ട്‌, തീർച്ച​യാ​യും യഹോ​വ​യു​ടെ മുഴു​സമയ സാക്ഷി​ക​ളാ​യി നമു​ക്കെ​ല്ലാം സ്വയം കരുതാം. നാം ആ വിധത്തിൽ ചിന്തി​ച്ചാൽ അതിനു നമ്മുടെ എല്ലാ പ്രവർത്ത​ന​ങ്ങ​ളു​ടെ​യും​മേൽ ക്രിയാ​ത്മ​ക​മായ ഒരു ഫലമു​ണ്ടാ​യി​രി​ക്കാ​നാ​കും.

³ തെളിവു പരിചി​ന്തി​ക്കുക: നമ്മുടെ വേഷവി​ധാ​ന​ത്തി​നും സംസാ​ര​ത്തി​നും പെരു​മാ​റ്റ​ത്തി​നും നാം വാസ്‌ത​വ​ത്തിൽ യഹോ​വ​യു​ടെ സാക്ഷി​ക​ളാ​ണെന്നു തിരി​ച്ച​റി​യി​ക്കാ​നാ​കും. വയൽസേ​വ​ന​ത്തിൽ ഏർപ്പെ​ടു​മ്പോ​ഴോ ക്രിസ്‌തീയ യോഗ​ങ്ങ​ളിൽ പങ്കെടു​ക്കു​മ്പോ​ഴോ മാന്യ​മായ വേഷവി​ധാ​ന​വും ആരോ​ഗ്യാ​വ​ഹ​മായ സംസാ​ര​വും ഉചിത​മായ പെരു​മാ​റ്റ​വും ഉള്ളവരാ​യി​രി​ക്കേ​ണ്ട​തി​ന്റെ ആവശ്യം സംബന്ധി​ച്ചു നാം ബോധ​മു​ള്ള​വ​രാണ്‌. എന്നാൽ, നാം സ്‌കൂ​ളിൽ പോകു​ക​യാ​ണെ​ങ്കി​ലോ ലൗകിക ജോലി ചെയ്യു​ക​യാ​ണെ​ങ്കി​ലോ വിനോ​ദ​ത്തിൽ പങ്കെടു​ക്കു​ക​യാ​ണെ​ങ്കി​ലോ നമ്മെ സംബന്ധിച്ച എല്ലാക്കാ​ര്യ​ങ്ങ​ളും യഹോ​വ​യു​ടെ നീതി​യുള്ള നിലവാ​ര​ങ്ങ​ള​നു​സ​രി​ച്ചു നാം ജീവി​ക്കു​ന്നു എന്നതിന്റെ തെളിവു നൽകേ​ണ്ട​തുണ്ട്‌.

⁴ യേശു പറഞ്ഞു: “മലമേൽ ഇരിക്കുന്ന പട്ടണം മറഞ്ഞി​രി​പ്പാൻ പാടില്ല . . . മനുഷ്യർ നിങ്ങളു​ടെ നല്ല പ്രവൃ​ത്തി​കളെ കണ്ടു, സ്വർഗ്ഗ​സ്ഥ​നായ നിങ്ങളു​ടെ പിതാ​വി​നെ മഹത്വ​പ്പെ​ടു​ത്തേ​ണ്ട​തി​ന്നു നിങ്ങളു​ടെ വെളിച്ചം അവരുടെ മുമ്പിൽ പ്രകാ​ശി​ക്കട്ടെ.” (മത്താ. 5:14-16) നാം ചെയ്യുന്ന സകല കാര്യ​ങ്ങ​ളി​ലും എല്ലായ്‌പോ​ഴും ഇതു സത്യമാ​യി​രി​ക്കേ​ണ്ട​തുണ്ട്‌. സാക്ഷ്യം നൽകാൻ മടി തോന്നു​ന്ന​പക്ഷം “ഞാൻ യഹോ​വയെ സേവി​ക്കു​ന്നത്‌ അംശകാ​ല​ത്തേ​ക്കാ​ണോ മുഴു​സ​മ​യ​ത്തേ​ക്കാ​ണോ?” എന്നു സ്വയം ചോദി​ക്കേ​ണ്ട​തുണ്ട്‌. ദൈവ​രാ​ജ്യ​സു​വാർത്ത​യെ​ക്കു​റിച്ച്‌ മറ്റുള്ള​വ​രോ​ടു സംസാ​രി​ക്കാ​നുള്ള യാതൊ​രു അവസര​വും നമുക്കു നഷ്ടമാ​ക്കാ​തി​രി​ക്കാം.

⁵ “നിങ്ങ​ളൊ​രു മുഴു​സമയ സാക്ഷി​യാ​ണോ?” എന്ന ചോദ്യ​ത്തിന്‌ “ഉവ്വ്‌!” എന്നു മുഴങ്ങുന്ന ശബ്ദത്തിൽ ഉത്തരം നൽകാൻ കഴിയു​ന്നെ​ങ്കിൽ, നാം യഹോ​വയെ ആദരി​ക്കു​ക​യും പ്രസാ​ദി​പ്പി​ക്കു​ക​യു​മാ​യി​രി​ക്കും ചെയ്യു​ന്നത്‌.