പ്രാ​ദേ​ശിക ആചാര​ങ്ങ​ളും സത്യാ​രാ​ധ​ന​യും

¹ ആളുക​ളു​ടെ സൗഹൃദ മനോ​ഭാ​വം നിമിത്തം തങ്ങളുടെ പരമ്പരാ​ഗത ആചാര​ങ്ങ​ളി​ലും അനുഷ്‌ഠാ​ന​ങ്ങ​ളി​ലും പങ്കെടു​ക്കാൻ അവർ മിക്ക​പ്പോ​ഴും നമ്മെ ക്ഷണിക്കാ​റുണ്ട്‌. ശിശു ജനനം, വിവാഹം, മരണവു​മാ​യി ബന്ധപ്പെട്ട ദുഃഖ​ക​ര​മായ അവസരങ്ങൾ എന്നിവ​യോട്‌ അനുബ​ന്ധി​ച്ചു​ള്ള​വ​യാ​കാം അവ. അത്തരം കാര്യ​ങ്ങ​ളിൽ പങ്കെടു​ക്കാൻ അവിശ്വാ​സി​യായ ഒരു ബന്ധുവോ സുഹൃ​ത്തോ ക്ഷണിക്കു​ന്നെ​ങ്കിൽ ഒരു ക്രിസ്‌ത്യാ​നി ഏതു നിലപാ​ടു സ്വീക​രി​ക്കണം?

² നമ്മുടെ പ്രദേ​ശത്ത്‌ സാധാ​ര​ണ​മാ​യുള്ള ഒരു ചടങ്ങിൽ പങ്കെടു​ക്ക​ണ​മോ എന്നു തീരു​മാ​നി​ക്കു​ന്ന​തി​നു മുമ്പ്‌, കാര്യങ്ങൾ നന്നായി വിലയി​രു​ത്തു​ന്ന​താണ്‌ എപ്പോ​ഴും ബുദ്ധി. പിൻവ​രു​ന്നതു പോലുള്ള വസ്‌തു​തകൾ നാം കണക്കി​ലെ​ടു​ക്കണം: ആ ആചാര​ത്തി​ന്റെ ഉത്ഭവം എവി​ടെ​നി​ന്നാണ്‌, അല്ലെങ്കിൽ അതിന്‌ ഇപ്പോ​ഴുള്ള അർഥ​മെ​ന്താണ്‌? അവ ദൈവ​വ​ച​ന​ത്തി​ലെ പഠിപ്പി​ക്ക​ലു​കൾക്കു വിരു​ദ്ധ​മാ​ണോ? ഒരു നിരീ​ക്ഷ​ക​നെന്ന നിലയിൽ ഹാജരാ​കാൻ തീരു​മാ​നി​ക്കു​ന്നെ​ങ്കിൽ, നമ്മുടെ വിശ്വാ​സ​ത്തിൽ വിട്ടു​വീഴ്‌ച ചെയ്യു​ന്ന​തി​ന്റെ അപകട​മു​ണ്ടോ? ചില ആചാര​ങ്ങ​ളിൽ പങ്കെടു​ക്കു​ന്ന​തോ അതിൽനി​ന്നു വിട്ടു​നിൽക്കു​ന്ന​തോ മറ്റുള്ള​വരെ വ്രണ​പ്പെ​ടു​ത്തു​ക​യോ ഇടറി​ക്കു​ക​യോ ചെയ്യു​മോ?

³ ശിശു ജനനം: ശിശു ജനനം എല്ലാ കുടും​ബ​ങ്ങൾക്കും സന്തോ​ഷ​ത്തി​ന്റെ അവസര​മാണ്‌ എന്നതിനു സംശയ​മില്ല. എങ്കിലും, അതിനു​ശേഷം ഏറെ താമസി​യാ​തെ​തന്നെ കുട്ടി​യു​ടെ പേരിടൽ അഥവാ നാമകരണ ചടങ്ങിൽ സംബന്ധി​ക്കാ​നുള്ള ക്ഷണം ബന്ധുക്കൾക്കും സുഹൃ​ത്തു​ക്കൾക്കും പ്രതീ​ക്ഷി​ക്കാം. ഒരു പൂജാ​രി​യു​ടെ കാർമി​ക​ത്വ​ത്തിൽ നടക്കുന്ന മതപര​മായ ഒരു ചടങ്ങാണ്‌ ഇത്‌. അതിൽ ഹൈന്ദവ ഗ്രന്ഥങ്ങ​ളിൽ നിർദേ​ശി​ച്ചി​രി​ക്കു​ന്ന​തും കുട്ടി​യു​ടെ ജനനത്തീ​യതി അടിസ്ഥാ​ന​മാ​ക്കി​യുള്ള ജ്യോ​തിഷ കണക്കു​കൂ​ട്ട​ലു​കൾ പരിഗ​ണി​ച്ചു​കൊ​ണ്ടു​ള്ള​തു​മായ അനുഷ്‌ഠാ​നങ്ങൾ ഉൾപ്പെ​ട്ടി​രി​ക്കു​ന്നു.

⁴ സാധാ​ര​ണ​മാ​യി, കുട്ടിക്ക്‌ ഏതാണ്ട്‌ ഏഴു മാസം പ്രായ​മാ​കു​മ്പോൾ, മറ്റൊരു ചടങ്ങായ ‘ചോറൂ​ണി​നുള്ള’ ക്ഷണം അയച്ചു​തു​ട​ങ്ങു​ന്നു. അതി​നോ​ടു ബന്ധപ്പെട്ട അനുഷ്‌ഠാ​ന​മു​റ​ക​ളും നിബന്ധ​ന​ക​ളും ഓരോ സംസ്ഥാ​ന​ത്തി​ലും വ്യത്യസ്‌ത​മാണ്‌. എങ്കിലും, എല്ലായി​ട​ത്തും അതിനെ ഒരു സാമൂ​ഹിക കൂടി​വ​ര​വാ​യല്ല, മറിച്ച്‌ മതപര​മായ ഒരു ചടങ്ങാ​യാ​ണു കണക്കാ​ക്കു​ന്നത്‌. മാത്രമല്ല, കർമം നടത്താ​നോ ചില മന്ത്രങ്ങൾ ഉരുവി​ടാ​നോ ആയി ചില​പ്പോൾ പൂജാ​രി​മാ​രെ കൊണ്ടു​വ​രാ​റുണ്ട്‌. ക്രൈസ്‌ത​വ​ലോ​ക​ത്തി​ലെ ചില വിഭാ​ഗ​ങ്ങൾക്കി​ട​യിൽ സ്ഥലത്തെ പുരോ​ഹി​ത​നാണ്‌ അതിന്‌ ആധ്യക്ഷ്യം വഹിക്കു​ന്നത്‌.

⁵ ബൈബിൾ കാലങ്ങ​ളിൽ ഒരു കുട്ടി​യു​ടെ നാമക​ര​ണ​ത്തി​നു പ്രാധാ​ന്യം കൽപ്പി​ച്ചി​രു​ന്നു. മുലകു​ടി​മാ​റൽ ചില​പ്പോൾ വലിയ സന്തോ​ഷ​ത്തി​ന്റെ​യും ആഘോ​ഷ​ത്തി​ന്റെ​യും ഒരു സമയമാ​യി​രു​ന്നു. (ഉല്‌പ. 21:8; ലൂക്കൊ. 1:59; 2:21) എന്നിരു​ന്നാ​ലും, മേൽപ്പ​റ​ഞ്ഞ​തിൽനി​ന്നും നാമക​ര​ണ​വും അതു​പോ​ലെ ചോറൂ​ണും യഥാർഥ​ത്തിൽ മതശു​ശ്രൂ​ഷ​ക​ളോ പൂജക​ളോ ആണെന്നു വ്യക്തമാണ്‌, അവിടെ സന്നിഹി​ത​രാ​കു​ന്നവർ കർമങ്ങൾ നിരീ​ക്ഷി​ക്കു​ക​യോ അതിൽ പങ്കെടു​ക്കു​ക​യോ ചെയ്യുന്നു. അവയിൽ തിരു​വെ​ഴു​ത്തു വിരു​ദ്ധ​മായ ആശയങ്ങ​ളും നടപടി​ക​ളും ഉൾപ്പെ​ടു​ന്നു. സന്നിഹി​ത​രാ​കു​ന്ന​വർക്കു പ്രസാദം നൽകി​യേ​ക്കാം. അല്ലെങ്കിൽ അവർക്ക്‌ മറ്റൊരു മതത്തിലെ പുരോ​ഹി​ത​നോ​ടോ പൂജാ​രി​യോ​ടോ ഒപ്പം ഒരു കൂട്ട​പ്രാർഥ​ന​യിൽ പങ്കു​കൊ​ള്ളേണ്ടി വന്നേക്കാം. വെളി​പ്പാ​ടു 18:4-ലെ കൽപ്പന​യു​ടെ വീക്ഷണ​ത്തിൽ ഒരു ക്രിസ്‌ത്യാ​നിക്ക്‌ അത്തരം കാര്യ​ങ്ങ​ളിൽ ഏർപ്പെ​ടാ​നാ​വില്ല.

⁶ വിവാ​ഹങ്ങൾ: ഏറ്റവും അധികം ക്ഷണം ലഭിക്കു​ന്നത്‌ വിവാഹ ചടങ്ങു​ക​ളി​ലും അതേത്തു​ടർന്നുള്ള സ്വീക​ര​ണ​ത്തി​ലും സംബന്ധി​ക്കാ​നാണ്‌. സാധാ​ര​ണ​ഗ​തി​യിൽ സുഹൃ​ത്തു​ക്ക​ളും അകന്ന ബന്ധുക്ക​ളും സ്വീകരണ ചടങ്ങിനു വരുക​യും നവദമ്പ​തി​കളെ അനു​മോ​ദി​ക്കു​ക​യും സദ്യയിൽ പങ്കു​കൊ​ള്ളു​ക​യും ചെയ്‌താൽ മതിയാ​കും. അവി​ടെ​വെച്ച്‌ പൂജാരി വിവിധ കർമങ്ങൾ നടത്താ​നി​ട​യു​ണ്ടെ​ങ്കി​ലും, മിക്ക​പ്പോ​ഴും അത്തരം കാര്യങ്ങൾ ചെയ്യു​ന്നത്‌ ശുഭമു​ഹൂർത്ത​മാ​യി അവർ കണക്കാ​ക്കുന്ന ഒരു സമയത്താണ്‌. അതു​കൊ​ണ്ടു​തന്നെ അതു വിവാഹ സദ്യയു​ടെ സമയത്ത്‌ ആയിരി​ക്ക​ണ​മെ​ന്നില്ല. അങ്ങനെ വരു​മ്പോൾ അതിഥി​കൾ അതിനു സാക്ഷ്യം വഹിക്കു​ന്നു​ണ്ടോ എന്നത്‌ അത്ര പ്രാധാ​ന്യം ഇല്ലാത്ത ഒരു കാര്യ​മാ​യി മാറുന്നു. എന്നിരു​ന്നാ​ലും, മിക്ക​പ്പോ​ഴും അടുത്ത കുടും​ബാം​ഗങ്ങൾ മറ്റു വിവാഹ ‘ചട്ടങ്ങളിൽ’ ഉൾപ്പെ​ടാൻ പ്രതീ​ക്ഷി​ക്കു​ന്നു. മതകർമ​ങ്ങ​ളിൽ പങ്കെടു​ക്കു​ന്നതു മുതൽ ആദ്യകാല അർഥം മിക്കവാ​റും നഷ്ടപ്പെട്ട്‌ സമുദാ​യ​ത്തി​ന്റെ വിവാ​ഹ​പാ​ര​മ്പ​ര്യ​ത്തി​ന്റെ ഭാഗം മാത്ര​മാ​യി തീർന്നി​രി​ക്കുന്ന നാമമാ​ത്ര​മായ ആചാരങ്ങൾ അനുഷ്‌ഠി​ക്കു​ന്നതു വരെ അതിൽപ്പെ​ടും. ഇവി​ടെ​യും, യഹോ​വയെ അല്ലാതെ മറ്റു ദൈവ​ങ്ങളെ ആരാധി​ക്കു​ന്ന​തു​മാ​യോ വ്യാജമത വിശ്വാ​സ​ങ്ങ​ളു​മാ​യോ ദുരാ​ത്മാ​ക്ക​ളോ​ടുള്ള ഭയവു​മാ​യോ അവരെ പ്രീണി​പ്പി​ക്കു​ന്ന​തു​മാ​യോ വ്യക്തമാ​യും ബന്ധമുള്ള എന്തിൽനി​ന്നും വേർപെ​ട്ടി​രി​ക്കാൻ നാം ആഗ്രഹി​ക്കു​ന്നു.

⁷ മരണവു​മാ​യി ബന്ധപ്പെട്ട സന്ദർഭങ്ങൾ: ഉറ്റവരു​ടെ മരണം നിമിത്തം ദുഃഖി​ക്കുന്ന സുഹൃ​ത്തു​ക്ക​ളോ​ടും പ്രിയ​പ്പെ​ട്ട​വ​രോ​ടും ഒപ്പം ആയിരി​ക്കാ​നും അവരെ ആശ്വസി​പ്പി​ക്കാ​നും സ്‌നേ​ഹ​വും സമാനു​ഭാ​വ​വും നമ്മെ പ്രേരി​പ്പി​ക്കുന്ന സന്ദർഭ​ങ്ങ​ളാ​ണിവ. എന്നിരു​ന്നാ​ലും, നാം ശവസംസ്‌കാര ചടങ്ങു​ക​ളു​ടെ അഥവാ ശേഷ​ക്രി​യ​ക​ളു​ടെ വ്യത്യസ്‌ത ഘട്ടങ്ങളിൽ സന്നിഹി​ത​രാ​കാ​നോ അതിൽ പങ്കെടു​ക്കാ​നോ സത്യത്തി​ല​ല്ലാത്ത കുടും​ബാം​ഗങ്ങൾ പ്രതീ​ക്ഷി​ച്ചേ​ക്കാം. അപ്പോൾ സ്ഥലത്തുള്ള, മരിച്ച​യാ​ളു​ടെ പുരുഷ ബന്ധുക്കൾ ശവശരീ​രം ദഹിപ്പി​ക്കാ​നാ​യി കൊണ്ടു​പോ​കാൻ പൊതു​വേ പ്രതീ​ക്ഷി​ക്ക​പ്പെ​ടു​ന്നു. മിക്കവാ​റും മരണം നടന്ന ദിവസം തന്നെയാ​കും അതു നടക്കുക. അതിനു​ശേഷം പെട്ടെ​ന്നു​തന്നെ സഞ്ചയനം, അതായത്‌ ഭസ്‌മം ശേഖരിച്ച്‌ ഗംഗയി​ലോ മറ്റേ​തെ​ങ്കി​ലും നദിയി​ലോ നിമജ്ജനം ചെയ്യുന്ന ചടങ്ങ്‌ നടക്കും. അതേത്തു​ടർന്ന്‌, അടുത്ത ബന്ധുക്കൾ പ്രത്യേക വസ്‌ത്ര​ധാ​ര​ണ​വും ഭക്ഷണവും അനുഷ്‌ഠാ​ന​ങ്ങ​ളും സഹിതം കുറെ ദിവസ​ത്തേക്ക്‌ ദുഃഖാ​ച​രണം നടത്തി​യേ​ക്കാം. ശവസംസ്‌കാര ചടങ്ങു​ക​ളു​ടെ അവസാനം എന്നനി​ല​യിൽ പൊതു​വേ 13-ാം ദിവസം നടത്ത​പ്പെ​ടുന്ന ശ്രാദ്ധ​ത്തോ​ടെ ദുഃഖാ​ച​രണം പൂർത്തി​യാ​കു​ന്നു. അതിനു​ശേഷം കുടും​ബാം​ഗങ്ങൾ സാധാരണ ആഹാരം കഴിച്ചു​തു​ട​ങ്ങു​ക​യും മരിച്ച​യാ​ളു​ടെ ആത്മാവിന്‌ ആദരാഞ്‌ജലി അർപ്പി​ക്കാൻ ബന്ധുക്ക​ളെ​യും മറ്റ്‌ അഭ്യു​ദ​യ​കാം​ക്ഷി​ക​ളെ​യും ക്ഷണിക്കു​ക​യും ചെയ്‌തേ​ക്കാം. പൂജയ്‌ക്കു ശേഷമുള്ള ശ്രാദ്ധ​ത്തി​ലോ ഊണി​ലോ സംബന്ധി​ക്കാൻ ക്ഷണം ലഭിക്കു​ന്നതു സാധാ​ര​ണ​മാണ്‌.

⁸ ഒരു ശുദ്ധ മനസ്സാക്ഷി കാത്തു​സൂ​ക്ഷി​ക്കൽ: മേൽപ്പറഞ്ഞ അവസര​ങ്ങ​ളി​ലെ​ല്ലാം, വേദമ​ന്ത്രങ്ങൾ ഉരുവി​ടു​ക​യും പൂജാ​രി​യോ ഒരു ബ്രാഹ്മ​ണ​നോ കുടും​ബ​ത്തി​ലെ ഒരു പുരു​ഷ​പ്ര​ജ​യോ ആത്മാവി​ന്റെ അമർത്യ​ത​യി​ലുള്ള വിശ്വാ​സ​ത്തിൽ അധിഷ്‌ഠി​ത​മാ​യി കർമങ്ങൾ നിർവ​ഹി​ക്കു​ക​യും ചെയ്യുന്നു. പള്ളിയിൽ പോകുന്ന കുടും​ബാം​ഗങ്ങൾ ഉള്ളവരു​ടെ അവസ്ഥയും സമാന​മാ​യി​രി​ക്കാം, ക്രൈസ്‌തവ മതങ്ങളിൽ മാമ്മോ​ദീ​സായ്‌ക്കും വിവാ​ഹ​ത്തി​നും ശവസംസ്‌കാര ശുശ്രൂ​ഷയ്‌ക്കു​മൊ​ക്കെ പുരോ​ഹി​ത​ന്മാർ കാർമി​ക​ത്വം വഹിക്കു​ന്നു.

⁹ അന്യ ദൈവ​ങ്ങളെ പൂജി​ക്കു​ക​യും ദുരാ​ത്മാ​ക്കളെ പ്രീണി​പ്പി​ക്കു​ക​യും ആത്മാവി​ന്റെ അമർത്യ​ത​യി​ലുള്ള വിശ്വാ​സ​ത്തിൽ അധിഷ്‌ഠി​ത​മാ​യി​രി​ക്കു​ക​യും ചെയ്യുന്ന ചില കുടുംബ പരിപാ​ടി​കൾക്കു പോകാൻ ഒരു സത്യ​ക്രിസ്‌ത്യാ​നി​ക്കു സമ്മർദം അനുഭ​വ​പ്പെ​ടു​ന്നെ​ങ്കി​ലോ? ഭാര്യ​യോ മരുമ​ക​ളോ പ്രായ​പൂർത്തി​യായ ഒരു മകനോ ആയിരി​ക്കാം അത്തര​മൊ​രു പരിപാ​ടി​യിൽ സംബന്ധി​ക്കാ​നുള്ള കടുത്ത സമ്മർദ​ത്തിൻ കീഴിൽ വരുന്നത്‌.

¹⁰ അത്തരം സന്ദർഭ​ങ്ങ​ളിൽ ഒരു ക്രിസ്‌ത്യാ​നി നയമാന്റെ ദൃഷ്ടാ​ന്തത്തെ കുറിച്ചു ചിന്തി​ച്ചേ​ക്കാം എന്നതു ശരിതന്നെ. കുഷ്‌ഠം വിട്ടു​മാ​റിയ ശേഷം, യഹോ​വയെ അല്ലാതെ വേറൊ​രു ദൈവ​ത്തെ​യും ആരാധി​ക്കി​ല്ലെന്ന്‌ അവൻ ദൃഢനി​ശ്ചയം ചെയ്‌തി​രു​ന്നു. എന്നാൽ രാജാവ്‌ പുറത്തു പോകു​മ്പോ​ഴും മറ്റും അദ്ദേഹത്തെ സഹായി​ക്കു​ന്നത്‌ അവന്റെ ജോലി​യിൽ ഉൾപ്പെ​ട്ടി​രു​ന്നു. അതു​കൊണ്ട്‌ പുറജാ​തി ദേവനായ രിമ്മോ​ന്റെ ക്ഷേത്ര​ത്തിൽ രാജാ​വി​നോ​ടൊ​പ്പം അവനു പോ​കേ​ണ്ടി​വ​രു​മാ​യി​രു​ന്നു. കുമ്പി​ടാൻ രാജാ​വി​നെ സഹായി​ക്കുക പോലും ചെയ്യേ​ണ്ടി​യി​രു​ന്നി​രി​ക്കാം. അതു​കൊണ്ട്‌, തന്നോടു ക്ഷമിക്കാ​നും തനി​ക്കെ​തി​രെ അതു ദോഷ​മാ​യി കണക്കി​ടാ​തി​രി​ക്കാ​നും അവൻ യഹോ​വ​യോ​ടു യാചിച്ചു. യഹോ​വ​യു​ടെ ഒരു സത്യാ​രാ​ധ​ക​നാ​യി​ത്തീർന്ന നയമാൻ ഈ വ്യാജ​ദൈ​വത്തെ ആരാധി​ച്ചില്ല; രാജാ​വി​ന്റെ ആജ്ഞയോ​ടുള്ള അനുസ​ര​ണ​മെന്ന നിലയിൽ മാത്ര​മാണ്‌ അവൻ അവിടെ പോയി​രു​ന്നത്‌.—2 രാജാ. 5:1-19.

¹¹ ഇത്തരം അവസര​ങ്ങ​ളിൽ സന്നിഹി​ത​നാ​യി​രി​ക്കു​ക​യും അതേസ​മയം ഏതെങ്കി​ലും വ്യാജമത കർമങ്ങ​ളിൽ പങ്കെടു​ക്കാ​തി​രി​ക്കു​ക​യും ചെയ്‌തു​കൊണ്ട്‌ സമാന​മായ വിധത്തിൽ പ്രവർത്തി​ക്കാ​മെന്നു നമുക്കും തോന്നി​യേ​ക്കാം. അതു ചെയ്യണ​മോ വേണ്ടയോ എന്നു തീരു​മാ​നി​ക്കേ​ണ്ടത്‌ ഓരോ വ്യക്തി​യു​മാണ്‌. ഭർത്താ​വി​ന്റെ​യോ മാതാ​പി​താ​ക്ക​ളു​ടെ​യോ ആഗ്രഹ​ങ്ങളെ മാനി​ക്കു​ന്ന​തി​നാ​ണോ യഹോ​വ​യോ​ടും ബൈബിൾ പരിശീ​ലിത മനസ്സാ​ക്ഷി​യോ​ടും വിശ്വസ്‌തത പാലി​ക്കു​ന്ന​തി​നാ​ണോ മുൻതൂ​ക്കം നൽകേ​ണ്ടത്‌ എന്ന തീരു​മാ​നത്തെ അവർ അഭിമു​ഖീ​ക​രി​ക്കേണ്ടി വരും.—എഫെ. 6:11; പത്രൊ. 3:16.

¹² മറ്റുള്ളവർ നിങ്ങളെ നിരീ​ക്ഷി​ച്ചേ​ക്കാം എന്നതു മനസ്സിൽ പിടി​ക്കുക. നിങ്ങളു​ടെ നിലപാട്‌ എന്താ​ണെന്ന്‌ അറിയാത്ത അവർ, നിങ്ങൾ മുഴു ചടങ്ങി​ലും സംബന്ധി​ക്കു​ക​യാ​ണെ​ന്നോ കുറഞ്ഞ​പക്ഷം പ്രസ്‌തുത ആചാര​ത്തി​നു പിന്നിലെ ആശയങ്ങ​ളു​മാ​യി യോജി​ക്കു​ന്നു​വെ​ന്നോ നിഗമനം ചെയ്‌തേ​ക്കാം. അപ്പൊസ്‌ത​ല​നായ പൗലൊ​സി​ന്റെ പിൻവ​രുന്ന പ്രോ​ത്സാ​ഹനം അനുസ​രി​ച്ചു പ്രവർത്തി​ക്കു​ന്നത്‌ എത്ര ജ്ഞാനമാണ്‌: ‘നിങ്ങൾ കൂടുതൽ പ്രാധാ​ന്യ​മുള്ള സംഗതി​കൾ തിട്ട​പ്പെ​ടു​ത്തി ക്രിസ്‌തു​വി​ന്റെ നാളി​ലേക്കു കുറ്റമ​റ്റ​വ​രും മറ്റുള്ള​വരെ ഇടറി​ക്കാ​ത്ത​വ​രും ആയിത്തീ​രു​വിൻ.’—ഫിലി. 1:10, NW.

¹³ തിരു​വെ​ഴു​ത്തു​പ​ര​മായ നമ്മുടെ നിലപാട്‌ ബന്ധുക്ക​ളോ​ടു വിശദീ​ക​രി​ക്കു​ന്ന​താ​യി​രി​ക്കി​ല്ലേ ഏറെ നല്ലത്‌? പലപ്പോ​ഴും അങ്ങനെ ചെയ്യാ​നുള്ള അവസരങ്ങൾ ക്ഷണം ലഭിക്കു​ന്ന​തി​നു മുമ്പു​തന്നെ ഉണ്ടാകാ​റുണ്ട്‌. എസ്ഥേർ രാജ്ഞി ചെയ്‌ത​തു​പോ​ലെ, മറ്റുള്ളവർ പിരി​മു​റു​ക്ക​മി​ല്ലാത്ത നല്ല ഒരു മാനസി​കാ​വ​സ്ഥ​യിൽ ആയിരു​ന്നേ​ക്കാ​വുന്ന ഒരു സമയം അതിനാ​യി തിര​ഞ്ഞെ​ടു​ക്കു​ന്ന​താ​വും നല്ലത്‌. അപ്പോൾ അത്തരം ചടങ്ങു​ക​ളിൽ സന്നിഹി​ത​രാ​കാൻ നമ്മുടെ മനസ്സാക്ഷി അനുവ​ദി​ക്കാ​ത്തത്‌ എന്തു​കൊ​ണ്ടാ​ണെന്നു നയപൂർവം വിശദീ​ക​രി​ക്കാ​നും നമ്മുടെ വിശ്വാ​സ​ങ്ങളെ കുറിച്ചു സാക്ഷീ​ക​രി​ക്കാ​നും കഴിയും. സന്നിഹി​ത​നാ​യിട്ട്‌ ചടങ്ങു​ക​ളി​ലൊ​ന്നും പങ്കെടു​ക്കാ​തി​രു​ന്നാൽ അതു കുടും​ബ​ത്തി​ലെ മറ്റുള്ള​വർക്കു ബുദ്ധി​മുട്ട്‌ ഉവാക്കി​യേ​ക്കാം എന്ന സംഗതി മറ്റു കാര്യ​ങ്ങ​ളു​ടെ കൂട്ടത്തിൽ നമുക്കു സൂചി​പ്പി​ക്കാ​വു​ന്ന​താണ്‌.—എസ്ഥേ. 5:1-8.

¹⁴ ബൈബിൾ പഠിപ്പി​ക്ക​ലി​നു വിരു​ദ്ധ​മെന്നു തനിക്ക​റി​യാ​വുന്ന പ്രാർഥ​ന​ക​ളി​ലോ മതാചാ​ര​ങ്ങ​ളി​ലോ ഒരു സത്യ​ക്രിസ്‌ത്യാ​നിക്ക്‌ മനസ്സാ​ക്ഷി​പൂർവം പങ്കെടു​ക്കാ​നാ​വില്ല. പരിധി ലംഘി​ക്കാ​തെ തനിക്കു വിശ്വാ​സ​ത്യാ​ഗ​പ​ര​മായ പ്രവർത്ത​ന​ങ്ങ​ളോട്‌ എത്ര​ത്തോ​ളം അടുത്തു​വ​രാ​മെന്ന്‌ കാണാൻ അയാൾ ആഗ്രഹി​ക്കു​ന്നു​മില്ല. ബൈബി​ളി​ന്റെ പിൻവ​രുന്ന കൽപ്പനയ്‌ക്കു ചെവി കൊടു​ക്കാ​നുള്ള ഉത്തരവാ​ദി​ത്വം അയാൾക്കുണ്ട്‌: ‘നിങ്ങൾ അവിശ്വാ​സി​ക​ളോ​ടു ഇണയല്ലാ​പ്പിണ കൂടരു​തു; നീതി​ക്കും അധർമ്മ​ത്തി​ന്നും തമ്മിൽ എന്തോരു ചേർച്ച? . . . വിശ്വാ​സി​ക്കു അവിശ്വാ​സി​യു​മാ​യി എന്തു ഓഹരി? . . . അതു​കൊ​ണ്ടു “അവരുടെ നടുവിൽനി​ന്നു പുറ​പ്പെട്ടു വേർപ്പെ​ട്ടി​രി​പ്പിൻ എന്നു കർത്താവു അരുളി​ച്ചെ​യ്യു​ന്നു; അശുദ്ധ​മാ​യതു ഒന്നും തൊട​രു​തു.”’—2 കൊരി. 6:14-17.

¹⁵ അത്തരം മത ചടങ്ങു​ക​ളിൽ പങ്കെടു​ക്കാ​തി​രി​ക്കു​ക​വഴി, നമ്മുടെ കുടുംബ ബന്ധങ്ങളെ അവഗണി​ക്കു​ക​യാ​ണെന്ന ധാരണ നൽകാൻ നാം ആഗ്രഹി​ക്കു​ന്നില്ല. കുടും​ബസ്‌നേ​ഹ​വും താത്‌പ​ര്യ​വും കാണി​ക്കാ​നാ​കുന്ന മറ്റു മാർഗ​ങ്ങളെ കുറിച്ചു നാം ചിന്തയു​ള്ളവർ ആയിരി​ക്കണം. പുതു​താ​യി ഒരു കുഞ്ഞു പിറന്ന ദമ്പതി​കൾക്കു സമ്മാനങ്ങൾ നൽകു​ന്നത്‌ കുടും​ബ​ത്തി​ലെ നവാഗ​ത​നോ​ടുള്ള നമ്മുടെ താത്‌പ​ര്യം പ്രകടി​പ്പി​ക്കാ​നുള്ള നല്ലൊരു മാർഗ​മാണ്‌. സമ്മാനം നൽകു​ന്ന​തിന്‌ ഒരു വിശേഷ അവസര​ത്തി​നാ​യി നാം നോക്കി​യി​രി​ക്കേണ്ട ആവശ്യ​മില്ല. വിവാ​ഹാ​ഘോ​ഷ​ത്തി​നുള്ള ഒരുക്ക​ങ്ങൾക്കു ശാരീ​രി​ക​മായ സഹായ​വും പിന്തു​ണ​യും നൽകു​ക​യും അതിഥി​ക​ളെ​യും കുടും​ബാം​ഗ​ങ്ങ​ളെ​യും സ്വീക​രി​ക്കു​ക​യും ചെയ്യു​ന്നത്‌ നമുക്കു വിവാ​ഹ​ത്തിൽ താത്‌പ​ര്യ​മി​ല്ലെന്ന ധാരണ നൽകാ​തെ​തന്നെ മതപര​മായ ചടങ്ങു​ക​ളിൽനി​ന്നു വിട്ടു​നിൽക്കാൻ പലപ്പോ​ഴും നമ്മെ സഹായി​ക്കും. ആരെങ്കി​ലും മരി​ച്ചെ​ങ്കിൽ മറ്റുള്ളവർ മതപര​മായ ചടങ്ങു​ക​ളിൽ മുഴു​കി​യി​രി​ക്കു​മ്പോൾ നമുക്കു പ്രാ​യോ​ഗിക സഹായം നൽകാൻ കഴിയുന്ന അനേകം മാർഗ​ങ്ങ​ളു​ണ്ടാ​യി​രി​ക്കും. അതിഥി​ക​ളു​ടെ​യും സന്ദർശ​ക​രു​ടെ​യും കാര്യങ്ങൾ നോക്കു​ക​യോ അവർക്കു​വേണ്ട സൗകര്യ​ങ്ങൾ ചെയ്‌തു​കൊ​ടു​ക്കു​ക​യോ ചെയ്യേ​ണ്ട​തു​ണ്ടാ​യി​രി​ക്കാം. ഒരുപക്ഷേ മരണ​ത്തോട്‌ അനുബ​ന്ധിച്ച്‌ പ്രത്യേക ഭക്ഷണ​ക്രമം ഒന്നും ആചരി​ക്കു​ന്നി​ല്ലാത്ത, സ്‌കൂ​ളിൽ പോകുന്ന കുട്ടികൾ ഉണ്ടെങ്കിൽ അവർക്കു വേണ്ടി ഭക്ഷണം ഉണ്ടാക്കാ​വു​ന്ന​താണ്‌. നിയമ​പ​ര​വും രജിസ്‌ട്രേഷൻ സംബന്ധ​വു​മായ നടപടി​ക​ളു​മാ​യി ബന്ധപ്പെട്ട്‌ പ്രാ​യോ​ഗിക സഹായം ചെയ്‌തു​കൊ​ടു​ക്കാൻ കഴിയും. അങ്ങനെ ചെയ്യു​മ്പോൾ, ചോറൂ​ണി​ലോ ശ്രാദ്ധ​ത്തി​ലോ മറ്റേ​തെ​ങ്കി​ലും മതപര​മായ ചടങ്ങി​ലോ പങ്കെടു​ക്കാ​ത്ത​തു​കൊ​ണ്ടു മാത്രം നാം സ്‌നേ​ഹ​മി​ല്ലാ​ത്ത​വ​രാണ്‌ എന്ന്‌ കുടും​ബാം​ഗങ്ങൾ ചിന്തി​ക്കു​ക​യില്ല.