പയനിയർ ശുശ്രൂ​ഷ​യു​ടെ അനു​ഗ്ര​ഹ​ങ്ങൾ

1, 2. എന്തൊക്കെ അനു​ഗ്ര​ഹങ്ങൾ പയനിയർ ശുശ്രൂ​ഷ​യു​മാ​യി അടുത്തു ബന്ധപ്പെ​ട്ടി​രി​ക്കു​ന്നു, എന്തു​കൊണ്ട്‌?

¹ “മറ്റുള്ള​വ​രു​മാ​യി സത്യം പങ്കു​വെ​ച്ച​തിൽനിന്ന്‌ എനിക്കു ലഭിച്ച സംതൃ​പ്‌തി മറ്റൊരു വേലയിൽനി​ന്നും ലഭിക്കു​മാ​യി​രു​ന്നി​ല്ലെന്ന്‌ എനിക്ക​റി​യാം,” ഒരു പയനിയർ പറഞ്ഞു. മറ്റൊ​രാൾ പറഞ്ഞത്‌ ഇങ്ങനെ​യാണ്‌: “എന്നും രാത്രി എന്റെ ഉറക്കം സുഖക​ര​മാണ്‌, കൂടാതെ ഹൃദയം നിറയെ സന്തുഷ്ടി​യും.” ഇതേ വികാ​ര​ങ്ങ​ളാണ്‌ ലോക​മെ​മ്പാ​ടും പയനിയർ ശുശ്രൂ​ഷ​യു​ടെ അനു​ഗ്ര​ഹങ്ങൾ അനുഭ​വി​ച്ച​റി​ഞ്ഞി​ട്ടുള്ള സഹോ​ദ​രീ​സ​ഹോ​ദ​ര​ന്മാർക്ക്‌ ഉള്ളത്‌.—സദൃ. 10:22, NW.

² ദൈവവചനത്തിലെ ജീവര​ക്ഷാ​ക​ര​മായ പരിജ്ഞാ​നം നേടാൻ മറ്റുള്ള​വരെ സഹായി​ക്കു​ന്നത്‌ യഥാർഥ സംതൃ​പ്‌തി നൽകുന്നു. (പ്രവൃ. 20:35; 1 തെസ്സ. 2:19, 20) “യഹോ​വയെ പ്രസാ​ദി​പ്പി​ക്കു​ന്ന​തി​നു​വേണ്ടി ജീവി​ത​ത്തിൽ മാറ്റങ്ങൾ വരുത്തു​ന്ന​തിന്‌ ആളുകളെ പ്രചോ​ദി​പ്പി​ക്കു​ന്ന​തിൽ ദൈവ​വ​ചനം എത്ര ശക്തമാ​ണെന്നു കാണു​ന്നത്‌ ആഹ്ലാദ​ക​ര​മാണ്‌” എന്ന്‌ ഒരു ദീർഘ​കാല പയനിയർ എഴുതി. അതേ, ആളുകളെ സഹായി​ക്കാ​നും ബൈബി​ള​ധ്യ​യ​നങ്ങൾ നടത്താ​നും തങ്ങളെ​ത്തന്നെ ലഭ്യമാ​ക്കു​ക​വഴി പയനി​യർമാർ ഇത്തരം അനു​ഗ്ര​ഹങ്ങൾ ആസ്വദി​ക്കു​ന്നു.

3, 4. പയനി​യ​റിങ്‌ യഹോ​വ​യിൽ ആശ്രയി​ക്കാൻ ഒരുവനെ എങ്ങനെ പഠിപ്പി​ക്കു​ന്നു, ആത്മീയ​മാ​യി വളരാൻ ഇത്‌ ഒരുവനെ സഹായി​ക്കു​ന്നത്‌ എങ്ങനെ?

³ യഹോവയിലുള്ള ആശ്രയ​ത്വം: തങ്ങളുടെ ശുശ്രൂഷ നിർവ​ഹി​ക്കവേ, ഓരോ ദിവസ​വും ദൈവാ​ത്മാ​വിൽ ആശ്രയി​ക്കു​ന്നത്‌ പയനി​യർമാ​രെ ‘ആത്മാവി​ന്റെ ഫലം’ നട്ടുവ​ളർത്താൻ സഹായി​ക്കു​ക​യും അവർക്ക്‌ ഒരു സംരക്ഷ​ണ​മാ​യി​രി​ക്കു​ക​യും ചെയ്യുന്നു. (ഗലാ. 5:16, 22, 23) കൂടാതെ, സ്ഥിരമാ​യി ദൈവ​വ​ചനം ഉപയോ​ഗി​ക്കു​ന്ന​തി​നാൽ തിരു​വെ​ഴു​ത്തു​കൾ ഉപയോ​ഗി​ച്ചു സത്യത്തി​നു വേണ്ടി പ്രതി​വാ​ദം നടത്താ​നും മറ്റുള്ള​വരെ ബലപ്പെ​ടു​ത്താ​നും അവർ വൈദ​ഗ്‌ധ്യം ഉള്ളവരു​മാ​യി​രി​ക്കും. (2 തിമൊ. 2:15) ദശകങ്ങ​ളോ​ളം പയനിയർ ശുശ്രൂഷ ആസ്വദി​ച്ചി​രി​ക്കുന്ന ഒരു സഹോ​ദരൻ ഇങ്ങനെ പറഞ്ഞു: “ബൈബി​ളി​നെ​ക്കു​റിച്ച്‌ ആഴമായ പരിജ്ഞാ​നം അതായത്‌, യഹോ​വ​യെ​യും അവന്റെ ഉദ്ദേശ്യ​ങ്ങ​ളെ​യും കുറിച്ച്‌ അറിയാൻ അനേകരെ സഹായി​ക്കാൻ ഞാൻ ഉപയോ​ഗി​ച്ചി​ട്ടുള്ള പരിജ്ഞാ​നം, സമ്പാദി​ക്കാൻ പയനി​യ​റിങ്‌ എന്നെ സഹായി​ച്ചി​രി​ക്കു​ന്നു.” എത്ര സംതൃ​പ്‌തി​ദാ​യകം!

⁴ സാധാരണ പയനി​യർമാർ മറ്റു പല വിധങ്ങ​ളി​ലും യഹോ​വ​യിൽ ആശ്രയം പ്രകട​മാ​ക്കേ​ണ്ട​തുണ്ട്‌. ഭൗതി​കാ​വ​ശ്യ​ങ്ങൾ നിറ​വേ​റ്റാ​നുള്ള തങ്ങളുടെ ശ്രമങ്ങളെ യഹോവ എങ്ങനെ അനു​ഗ്ര​ഹി​ക്കു​ന്നു​വെന്നു കാണു​മ്പോൾ അവരുടെ വിശ്വാ​സം ശക്തി​പ്പെ​ടു​ന്നു. “യഹോവ എന്നെ ഒരിക്ക​ലും നിരാ​ശ​പ്പെ​ടു​ത്തി​യി​ട്ടില്ല” എന്ന്‌ 55 വർഷം സാധാരണ പയനി​യ​റാ​യി സേവി​ച്ചി​രി​ക്കുന്ന 72 വയസ്സുള്ള ഒരു സഹോ​ദരൻ പറയുന്നു. മാത്രമല്ല, തങ്ങളുടെ ജീവിതം ലളിത​മാ​ക്കി​ക്കൊണ്ട്‌ പയനി​യർമാർ ജീവി​ത​ത്തി​ന്റെ അനേക ഉത്‌ക​ണ്‌ഠ​കളെ ഒഴിവാ​ക്കി​യി​രി​ക്കു​ന്നു. ഇതു നിങ്ങൾക്ക്‌ ആകർഷ​ക​മാ​യി തോന്നു​ന്നു​വോ?—മത്താ. 6:22, NW; എബ്രാ. 13:5, 6.

5. യഹോ​വ​യോട്‌ അടുത്തു​ചെ​ല്ലാൻ പയനിയർ സേവനം ഒരുവനെ സഹായി​ക്കു​ന്നത്‌ എങ്ങനെ?

⁵ ദൈവത്തോട്‌ അടുത്തു ചെല്ലുന്നു: യഹോ​വ​യു​മാ​യി നമുക്കുള്ള ബന്ധം അങ്ങേയറ്റം വിലപ്പെട്ട ഒരു സ്വത്താണ്‌. (സങ്കീ. 63:3) യഹോ​വ​യോ​ടുള്ള സ്‌നേ​ഹ​ത്താൽ പ്രേരി​ത​രാ​യി നാം ശുശ്രൂ​ഷ​യിൽ പൂർണ​മാ​യി പങ്കുപ​റ്റു​മ്പോൾ നാം അവനോ​ടു കൂടുതൽ അടുക്കു​ന്നു. (യാക്കോ. 4:8) 18-ലധികം വർഷം പയനി​യ​റാ​യി സേവി​ച്ചി​ട്ടുള്ള ഒരു സഹോ​ദരൻ പറയു​ന്നതു ശ്രദ്ധി​ക്കുക: “നമ്മുടെ സ്രഷ്ടാ​വു​മാ​യി അനുദി​നം ശക്തമാ​യി​ക്കൊ​ണ്ടി​രി​ക്കുന്ന ഒരു ബന്ധം പടുത്തു​യർത്തി ‘യഹോവ നല്ലവൻ എന്നു രുചി​ച്ച​റി​യാൻ’ പയനിയർ സേവനം നമുക്ക്‌ അവസര​മൊ​രു​ക്കു​ന്നു.”—സങ്കീ. 34:8.

6. പയനി​യർമാർക്ക്‌ എന്ത്‌ ഉണ്ടായി​രി​ക്കണം, പയനി​യർമാ​രെ കൂടാതെ മറ്റാരും​കൂ​ടെ പ്രയോ​ജനം അനുഭ​വി​ക്കു​ന്നു?

⁶ പയനിയറിങ്‌ ചെയ്യാൻ തക്ക സാഹച​ര്യം ഉണ്ടായി​രി​ക്കു​ന്നതു കൂടാതെ പയനി​യർമാർക്ക്‌ ശക്തമായ വിശ്വാ​സ​വും ദൈവ​ത്തോ​ടും അയൽക്കാ​രോ​ടും ആത്മാർഥ​മായ സ്‌നേ​ഹ​വും ത്യാഗങ്ങൾ ചെയ്യാ​നുള്ള മനസ്സൊ​രു​ക്ക​വും ആവശ്യ​മാണ്‌. (മത്താ. 16:24; 17:20, 21; 22:37-39) എന്നിരു​ന്നാ​ലും, എല്ലായി​ട​ത്തു​മുള്ള പയനി​യർമാ​രു​ടെ സന്തോ​ഷാ​ധി​ക്യ​ത്താൽ തിളങ്ങുന്ന മുഖങ്ങൾ വ്യക്തമാ​ക്കു​ന്നത്‌ പയനിയർ ശുശ്രൂ​ഷ​യു​ടെ അനു​ഗ്ര​ഹങ്ങൾ, ഉൾപ്പെ​ട്ടി​രി​ക്കുന്ന എല്ലാ ത്യാഗ​ങ്ങ​ളെ​ക്കാ​ളും വലുതാ​ണെ​ന്നാണ്‌. (മലാ. 3:10) ഈ അനു​ഗ്ര​ഹങ്ങൾ പയനി​യർമാർക്കു മാത്ര​മു​ള്ളതല്ല. അവരുടെ കുടും​ബ​ങ്ങ​ളും സഭയും പയനി​യർമാർ കാണി​ക്കുന്ന ഈ നല്ല ആത്മാവിൽനി​ന്നു പ്രയോ​ജനം അനുഭ​വി​ക്കു​ന്നു.—ഫിലി. 4:23, NW.