ക്രിസ്‌തു​വി​ന്റെ മരണത്തി​ന്റെ സ്‌മാ​ര​കം ആചരി​ക്കാ​നു​ള്ള കൽപ്പന​യ്‌ക്കു കീഴി​ലാണ്‌ ക്രിസ്‌ത്യാ​നി​കൾ. അത്‌ ‘കർത്താ​വി​ന്റെ അത്താഴം’ എന്നും കർത്താ​വി​ന്റെ സന്ധ്യാ​ഭ​ക്ഷ​ണം എന്നും അറിയ​പ്പെ​ടു​ന്നു. (1 കൊരി​ന്ത്യർ 11:20) എന്താണ്‌ ഇതിന്റെ പ്രാധാ​ന്യം? ഇത്‌ ആചരി​ക്കേ​ണ്ടത്‌ എപ്പോൾ, എങ്ങനെ?

പൊ.യു. 33-ലെ യഹൂദ പെസഹാ ആചരിച്ച രാത്രി​യി​ലാണ്‌ യേശു​ക്രി​സ്‌തു ഇത്‌ ഏർപ്പെ​ടു​ത്തി​യത്‌. പെസഹാ ആഘോ​ഷി​ച്ചി​രു​ന്നത്‌ വർഷത്തിൽ ഒരിക്ക​ലാ​യി​രു​ന്നു. അതായത്‌, യഹൂദ​മാ​സ​മാ​യ നീസാൻ 14-ന്‌. ആ തീയതി കണക്കാ​ക്കു​ന്ന​തിന്‌ യഹൂദ​ന്മാർ വസന്തവി​ഷു​വം​വ​രെ കാത്തി​രി​ക്കു​മാ​യി​രു​ന്നു. പകലി​നും രാത്രി​ക്കും ഏറെക്കു​റെ 12 മണിക്കൂർ വീതം ദൈർഘ്യ​മു​ള്ള ഒരു ദിവസ​മാണ്‌ ഇത്‌. ഈ ദിവസ​ത്തിന്‌ ഏറ്റവും അടുത്താ​യി പുതു​ച​ന്ദ്രൻ ദൃശ്യ​മാ​കു​ന്ന​തു മുതലാണ്‌ നീസാൻ തുടങ്ങു​ന്നത്‌. പെസഹാ ആഘോ​ഷി​ച്ചി​രു​ന്നത്‌ 14-ാം ദിവസം സൂര്യാ​സ്‌ത​മ​യ​ത്തി​നു ശേഷമാ​യി​രു​ന്നു.

യേശു തന്റെ ശിഷ്യ​ന്മാ​രു​മൊ​ത്തു പെസഹാ ആഘോ​ഷി​ച്ചു. തുടർന്ന്‌, യൂദാ ഈസ്‌ക​ര്യോ​ത്താ​യെ പറഞ്ഞയ​ച്ച​ശേ​ഷം അവൻ കർത്താ​വി​ന്റെ സന്ധ്യാ​ഭ​ക്ഷ​ണം ഏർപ്പെ​ടു​ത്തി. യഹൂദ പെസഹാ​യ്‌ക്കു പകരമാ​യി​ട്ടാണ്‌ ഇത്‌ ഏർപ്പെ​ടു​ത്തി​യത്‌, അതു​കൊണ്ട്‌ വർഷത്തിൽ ഒരിക്കൽ മാത്രമേ ഇത്‌ ആചരി​ക്കാ​വൂ.

മത്തായി​യു​ടെ സുവി​ശേ​ഷം ഇപ്രകാ​രം പറയുന്നു: “യേശു അപ്പം എടുത്തു വാഴ്‌ത്തി നുറുക്കി ശിഷ്യ​ന്മാർക്കു കൊടു​ത്തു: വാങ്ങി ഭക്ഷിപ്പിൻ; ഇതു എന്റെ ശരീരം എന്നു പറഞ്ഞു. പിന്നെ പാനപാ​ത്രം എടുത്തു സ്‌തോ​ത്രം ചൊല്ലി അവർക്കു കൊടു​ത്തു: എല്ലാവ​രും ഇതിൽ നിന്നു കുടി​പ്പിൻ. ഇതു അനേകർക്കു​വേ​ണ്ടി പാപ​മോ​ച​ന​ത്തി​ന്നാ​യി ചൊരി​യു​ന്ന പുതി​യ​നി​യ​മ​ത്തി​ന്നു​ളള എന്റെ രക്തം” ആകുന്നു.—മത്തായി 26:26-28.

യേശു അപ്പത്തെ​യും വീഞ്ഞി​നെ​യും തന്റെ ശരീര​വും രക്തവും ആക്കി മാറ്റി​യെ​ന്നു ചിലർ വിശ്വ​സി​ക്കു​ന്നു. എന്നാൽ, യേശു അപ്പം നൽകി​യ​പ്പോൾ അവന്റെ ശരീര​ത്തിന്‌ ഒരു മാറ്റവും സംഭവി​ച്ചി​ല്ല. യേശു​വി​ന്റെ അപ്പൊ​സ്‌ത​ല​ന്മാർ അക്ഷരാർഥ​ത്തിൽ അവന്റെ മാംസം തിന്നു​ക​യും രക്തം കുടി​ക്കു​ക​യും ആയിരു​ന്നോ? അല്ല. അങ്ങനെ ചെയ്യു​ന്നത്‌ നരഭോ​ജ​ന​വും ദൈവ​നി​യ​മ​ത്തി​ന്റെ ലംഘന​വും ആകുമാ​യി​രു​ന്നു. (ഉല്‌പത്തി 9:3, 4; ലേവ്യ​പു​സ്‌ത​കം 17:10) ലൂക്കൊസ്‌ 22:20 അനുസ​രിച്ച്‌ യേശു ഇങ്ങനെ പറഞ്ഞു: “ഈ പാനപാ​ത്രം നിങ്ങൾക്കു വേണ്ടി ചൊരി​യു​ന്ന എന്റെ രക്തത്തിലെ പുതി​യ​നി​യ​മം ആകുന്നു.” ആ പാനപാ​ത്രം അക്ഷരാർഥ​ത്തിൽ “പുതി​യ​നി​യ​മം” അഥവാ പുതിയ ഉടമ്പടി ആയിത്തീർന്നോ? അത്‌ അസാധ്യ​മാണ്‌. കാരണം, ഉടമ്പടി ഒരു കരാർ ആണ്‌. അത്‌ ദൃശ്യ​മാ​യ ഒരു വസ്‌തു​വല്ല.

ഇക്കാര​ണ​ത്താൽ, അപ്പവും വീഞ്ഞും പ്രതീ​ക​ങ്ങൾ മാത്ര​മാണ്‌. അപ്പം യേശു​വി​ന്റെ പൂർണ​ത​യു​ള്ള ശരീരത്തെ പ്രതീ​ക​പ്പെ​ടു​ത്തു​ന്നു. പെസഹാ ഭക്ഷണത്തിൽ ശേഷി​ച്ചി​രു​ന്ന ഒരു അപ്പമാണ്‌ യേശു ഉപയോ​ഗി​ച്ചത്‌. അത്‌ യാതൊ​രു​വി​ധ പുളി​പ്പോ യീസ്റ്റോ ചേർക്കാ​തെ ഉണ്ടാക്കി​യ​താ​യി​രു​ന്നു. (പുറപ്പാ​ടു 12:8) പലപ്പോ​ഴും ബൈബിൾ പുളിപ്പ്‌ ഉപയോ​ഗി​ക്കു​ന്നത്‌ പാപത്തി​ന്റെ, അഥവാ ദുഷി​പ്പി​ന്റെ പ്രതീ​ക​മെന്ന നിലയി​ലാണ്‌. അതു​കൊണ്ട്‌ യേശു ബലിയർപ്പി​ച്ച പൂർണ​ത​യു​ള്ള ശരീര​ത്തെ​യാണ്‌ അപ്പം പ്രതി​നി​ധാ​നം ചെയ്യു​ന്നത്‌. ആ ശരീരം പാപര​ഹി​ത​മാ​യി​രു​ന്നു.—മത്തായി 16:11, 12; 1 കൊരി​ന്ത്യർ 5:6, 7; 1 പത്രൊസ്‌ 2:22; 1 യോഹ​ന്നാൻ 2:1, 2.

ചുവന്ന വീഞ്ഞ്‌ യേശു​വി​ന്റെ രക്തത്തെ പ്രതി​നി​ധീ​ക​രി​ക്കു​ന്നു. പുതിയ ഉടമ്പടി​ക്കു സാധുത നൽകു​ന്നത്‌ ആ രക്തമാണ്‌. തന്റെ രക്തം ചൊരി​യു​ന്നത്‌ ‘പാപ​മോ​ച​ന​ത്തി​നാ​യാ​ണെന്ന്‌’ യേശു പറഞ്ഞു. അങ്ങനെ മനുഷ്യർക്കു ദൈവ​മു​മ്പാ​കെ ശുദ്ധരാ​യി​ത്തീ​രാ​നും യഹോ​വ​യു​മാ​യു​ള്ള ഒരു പുതിയ ഉടമ്പടി​യി​ലേ​ക്കു പ്രവേ​ശി​ക്കാ​നും കഴിയും. (എബ്രായർ 9:14; 10:16, 17) ഈ ഉടമ്പടി അഥവാ കരാർ, വിശ്വ​സ്‌ത​രാ​യ 1,44,000 ക്രിസ്‌ത്യാ​നി​കൾക്ക്‌ സ്വർഗ​ത്തിൽപോ​കാ​നുള്ള വഴി തുറന്നു​കൊ​ടു​ക്കു​ന്നു. അവിടെ അവർ മുഴു മനുഷ്യ​വർഗ​ത്തി​ന്റെ​യും അനു​ഗ്ര​ഹ​ത്തി​നാ​യി രാജാ​ക്ക​ന്മാ​രും പുരോ​ഹി​ത​ന്മാ​രും ആയി സേവി​ക്കും.—ഉല്‌പത്തി 22:18; യിരെ​മ്യാ​വു 31:31-33; 1 പത്രൊസ്‌ 2:9; വെളി​പ്പാ​ടു 5:9, 10; 14:1-3.

ആർക്കാണ്‌ ഈ സ്‌മാരക ചിഹ്നങ്ങ​ളിൽ പങ്കുപ​റ്റാ​വു​ന്നത്‌? ന്യായ​യു​ക്ത​മാ​യും, പുതിയ ഉടമ്പടി​യിൽ ഉൾപ്പെ​ട്ട​വർ, അതായത്‌ സ്വർഗീയ പ്രത്യാ​ശ​യു​ള്ള​വർ ആണ്‌ അപ്പവീ​ഞ്ഞു​ക​ളിൽ പങ്കുപ​റ്റു​ക. സ്വർഗീയ രാജാ​ക്ക​ന്മാ​രാ​യി​രി​ക്കാൻ തങ്ങൾ തിര​ഞ്ഞെ​ടു​ക്ക​പ്പെ​ട്ടി​രി​ക്കു​ന്നെന്ന ബോധ്യം ദൈവ​ത്തി​ന്റെ പരിശു​ദ്ധാ​ത്മാവ്‌ അവരിൽ ഉളവാ​ക്കു​ന്നു. (റോമർ 8:16) അവർ യേശു​വു​മാ​യു​ള്ള രാജ്യ ഉടമ്പടി​യു​ടെ​യും ഭാഗമാണ്‌.—ലൂക്കൊസ്‌ 22:29.

ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ പ്രത്യാ​ശി​ക്കു​ന്ന​വ​രെ സംബന്ധി​ച്ചോ? യേശു​വി​ന്റെ കൽപ്പന അനുസ​രി​ച്ചു​കൊണ്ട്‌, ആദരവുള്ള നിരീ​ക്ഷ​ക​രെന്ന നിലയിൽ അവർ കർത്താ​വി​ന്റെ സന്ധ്യാ​ഭ​ക്ഷ​ണ​ത്തിന്‌ ഹാജരാ​കു​ന്നു. അവർ ചിഹ്നങ്ങ​ളിൽ പങ്കുപ​റ്റു​ന്നി​ല്ല. എല്ലാ വർഷവും നീസാൻ 14-നു സൂര്യാ​സ്‌ത​മ​യ​ശേ​ഷം യഹോ​വ​യു​ടെ സാക്ഷികൾ കർത്താ​വി​ന്റെ സന്ധ്യാ​ഭ​ക്ഷ​ണം ആചരി​ക്കു​ന്നു. ലോക​ത്തൊ​ട്ടാ​കെ സ്വർഗീയ പ്രത്യാ​ശ​യു​ണ്ടെന്ന്‌ അവകാ​ശ​പ്പെ​ടു​ന്ന​വർ ഏതാനും ആയിരങ്ങൾ മാത്ര​മാ​ണെ​ങ്കി​ലും, ഈ ആചരണം സകല ക്രിസ്‌ത്യാ​നി​കൾക്കും വിശേ​ഷ​പ്പെ​ട്ട​താണ്‌. യഹോ​വ​യാം ദൈവ​ത്തി​ന്റെ​യും യേശു​ക്രി​സ്‌തു​വി​ന്റെ​യും ഉദാത്ത​മാ​യ സ്‌നേ​ഹ​ത്തെ​ക്കു​റിച്ച്‌ എല്ലാവർക്കും ചിന്തി​ക്കാ​നാ​കു​ന്ന ഒരു അവസര​മാണ്‌ ഇത്‌.—യോഹ​ന്നാൻ 3:16.

“ദേഹി,” “ആത്മാവ്‌” എന്നീ പദങ്ങൾ കേൾക്കു​മ്പോൾ നിങ്ങളു​ടെ മനസ്സി​ലേ​ക്കു വരുന്നത്‌ എന്താണ്‌? നമ്മുടെ ഉള്ളിലുള്ള അദൃശ്യ​വും അമർത്യ​വു​മാ​യ എന്തോ ഒന്നി​നെ​യാണ്‌ ഈ പദങ്ങൾ അർഥമാ​ക്കു​ന്ന​തെന്ന്‌ അനേകർ വിശ്വ​സി​ക്കു​ന്നു. ഒരു വ്യക്തി മരിക്കു​മ്പോൾ ഈ അദൃശ്യ​ഭാ​ഗം ശരീരത്തെ വിട്ടു​പോ​കു​ക​യും തുടർന്നു ജീവി​ക്കു​ക​യും ചെയ്യു​ന്ന​താ​യി അവർ കരുതു​ന്നു. ഈ വിശ്വാ​സം ഏറെ വ്യാപ​ക​മാ​യ​തു​കൊണ്ട്‌ ബൈബിൾ ഇങ്ങനെ​യൊ​രു ആശയം പഠിപ്പി​ക്കു​ന്നേ​യി​ല്ല എന്നറി​യു​മ്പോൾ പലരും അത്ഭുത​പ്പെ​ടു​ന്നു. അങ്ങനെ​യെ​ങ്കിൽ ദൈവ​വ​ച​ന​പ്ര​കാ​രം ദേഹി, ആത്മാവ്‌ എന്നിവ എന്താണ്‌?

“ദേഹി”യും അതിന്റെ മൂലപ​ദ​ങ്ങ​ളും

ആദ്യം​ത​ന്നെ ദേഹി എന്ന പദത്തെ​ക്കു​റി​ച്ചു ചിന്തി​ക്കാം. ബൈബിൾ ആദ്യം എഴുത​പ്പെ​ട്ടത്‌ മുഖ്യ​മാ​യും എബ്രായ, ഗ്രീക്ക്‌ ഭാഷക​ളി​ലാ​ണെന്ന കാര്യം നിങ്ങൾ ഓർമി​ക്കു​ന്നു​ണ്ടാ​കു​മ​ല്ലോ. ആളുകൾ, ജന്തുക്കൾ, ഒരു വ്യക്തി​യു​ടെ​യോ ജന്തുവി​ന്റെ​യോ ജീവൻ എന്നിവയെ പരാമർശി​ക്കാൻ ബൈബിൾ എഴുത്തു​കാർ ഉപയോ​ഗി​ച്ചത്‌ നെഫെഷ്‌ എന്ന എബ്രായ പദവും സൈക്കി എന്ന ഗ്രീക്ക്‌ പദവും ആണ്‌. ഈ രണ്ടു പദങ്ങൾ തിരു​വെ​ഴു​ത്തു​ക​ളിൽ 800-ലധികം പ്രാവ​ശ്യം കാണ​പ്പെ​ടു​ന്നു. നെഫെഷ്‌, സൈക്കി എന്നീ പദങ്ങൾ മേൽപ്പറഞ്ഞ മൂന്നു വ്യത്യ​സ്‌ത അർഥങ്ങ​ളിൽ ഉപയോ​ഗി​ച്ചി​രി​ക്കു​ന്ന​തി​ന്റെ ഏതാനും തിരു​വെ​ഴുത്ത്‌ ഉദാഹ​ര​ണ​ങ്ങൾ നമുക്കു പരി​ശോ​ധി​ക്കാം.

ആളുകൾ. “യാക്കോ​ബി​ന്റെ കടി​പ്ര​ദേ​ശ​ത്തു​നി​ന്നു ഉത്ഭവിച്ച ദേഹികൾ [നെഫെഷ] എല്ലാം കൂടെ എഴുപതു പേർ ആയിരു​ന്നു.” (പുറപ്പാ​ടു 1:5) ഇവിടെ “ദേഹികൾ” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന നെഫെഷ്‌ എന്ന പദം ആളുകളെ, യാക്കോ​ബി​ന്റെ സന്തതി​ക​ളെ കുറി​ക്കാ​നാണ്‌ ഉപയോ​ഗി​ച്ചി​രി​ക്കു​ന്ന​തെന്നു വ്യക്തമാണ്‌. പുറപ്പാ​ടു 16:16-ൽ മന്നാ പെറു​ക്കു​ന്ന​തു സംബന്ധിച്ച്‌ ഇസ്രാ​യേ​ല്യർക്കു നൽകിയ നിർദേ​ശ​ങ്ങൾ കാണാം. അവർക്ക്‌ ഈ കൽപ്പന ലഭിച്ചു: ‘ഓരോ​രു​ത്ത​ന്നു ഭക്ഷിക്കാ​കു​ന്നെ​ട​ത്തോ​ളം പെറു​ക്കി​ക്കൊൾവിൻ; താന്താന്റെ കൂടാ​ര​ത്തിൽ ഉള്ളവരു​ടെ [നെഫെഷ്‌] എണ്ണത്തി​ന്നൊ​ത്ത​വ​ണ്ണം എടുത്തു​കൊ​ള്ളേ​ണം.’ ഓരോ കുടും​ബ​ത്തി​ലു​മു​ള്ള ആളുക​ളു​ടെ എണ്ണത്തിന്‌ അനുസ​രി​ച്ചാണ്‌ മന്നാ പെറു​ക്കി​യി​രു​ന്നത്‌. നെഫെഷ്‌, സൈക്കി എന്നീ പദങ്ങൾ വ്യക്തി​യെ​ന്നോ ആളുക​ളെ​ന്നോ ഉള്ള അർഥത്തിൽ പരിഭാ​ഷ​പ്പെ​ടു​ത്തി​യി​രി​ക്കു​ന്ന​തി​ന്റെ മറ്റു ദൃഷ്ടാ​ന്ത​ങ്ങൾ പിൻവ​രു​ന്ന തിരു​വെ​ഴു​ത്തു​ക​ളിൽ കാണാം: ഉല്‌പത്തി 46:18; യെഹെ​സ്‌കേൽ 13:18-20; പ്രവൃ​ത്തി​കൾ 27:37; 1 കൊരി​ന്ത്യർ 15:45; 1 പത്രൊസ്‌ 3:20.

ജന്തുക്കൾ. ബൈബി​ളി​ലെ സൃഷ്ടി​പ്പിൻ വിവര​ണ​ത്തിൽ നാം ഇപ്രകാ​രം വായി​ക്കു​ന്നു: “വെള്ളത്തിൽ ജലജന്തു​ക്കൾ [നെഫെഷ്‌] കൂട്ടമാ​യി ജനിക്കട്ടെ; ഭൂമി​യു​ടെ മീതെ ആകാശ​വി​താ​ന​ത്തിൽ പറവജാ​തി പറക്കട്ടെ എന്നു ദൈവം കല്‌പി​ച്ചു. . . . അതതു​ത​രം കന്നുകാ​ലി, ഇഴജാതി, കാട്ടു​മൃ​ഗം ഇങ്ങനെ അതതു തരം ജീവജ​ന്തു​ക്കൾ [നെഫെഷ്‌] ഭൂമി​യിൽനി​ന്നു ഉളവാ​ക​ട്ടെ എന്നു ദൈവം കല്‌പി​ച്ചു; അങ്ങനെ സംഭവി​ച്ചു.” (ഉല്‌പത്തി 1:20, 24) ഈ വാക്യ​ങ്ങ​ളിൽ മത്സ്യം, പക്ഷികൾ, വളർത്തു​മൃ​ഗ​ങ്ങൾ, കാട്ടു​മൃ​ഗ​ങ്ങൾ എന്നിവ​യെ​യെ​ല്ലാം പരാമർശി​ക്കാൻ നെഫെഷ്‌ എന്ന എബ്രായ പദമാണ്‌ ഉപയോ​ഗി​ച്ചി​രി​ക്കു​ന്നത്‌. പിൻവ​രു​ന്ന വാക്യ​ങ്ങ​ളി​ലും ജന്തുക്കളെ സൂചി​പ്പി​ക്കാൻ അതേ പദം ഉപയോ​ഗി​ച്ചി​രി​ക്കു​ന്നു: ഉല്‌പത്തി 9:10; ലേവ്യ​പു​സ്‌ത​കം 11:47; സംഖ്യാ​പു​സ്‌ത​കം 31:28.

ഒരു വ്യക്തി​യു​ടെ ജീവൻ. മുകളിൽ കണ്ടതു​പോ​ലെ, മലയാളം ബൈബിൾ ഭാഷാ​ന്ത​ര​ങ്ങൾ ദേഹി, ആളുകൾ, ജന്തുക്കൾ എന്നിങ്ങ​നെ​യെ​ല്ലാം പരിഭാ​ഷ​പ്പെ​ടു​ത്തി​യി​രി​ക്കുന്ന നെഫെഷ്‌, സൈക്കി എന്നീ പദങ്ങൾ ചില​പ്പോ​ഴൊ​ക്കെ ഒരു വ്യക്തി​യു​ടെ ജീവ​നെ​യും അർഥമാ​ക്കു​ന്നു. യഹോവ മോ​ശെ​യോട്‌ ഇപ്രകാ​രം പറഞ്ഞു: ‘നിന്റെ ജീവന്‌ [നെഫെഷ്‌] ഹാനി വരുത്തു​വാൻ നോക്കി​യ​വർ എല്ലാവ​രും മരിച്ചു​പോ​യി.’ (പുറപ്പാ​ടു 4:19) അതു​പോ​ലെ, റാഹേൽ ബെന്യാ​മീ​നെ പ്രസവി​ക്കു​ന്ന സമയത്ത്‌ ‘അവളുടെ ജീവൻ [നെഫെഷ്‌] പോയ​താ​യി’, അതായത്‌ “അവൾ മരിച്ചു​പോ​യി” എന്ന്‌ ബൈബിൾ പറയുന്നു. (ഉല്‌പത്തി 35:16-19) യേശു​വി​ന്റെ പിൻവ​രു​ന്ന വാക്കു​ക​ളും ശ്രദ്ധി​ക്കു​ക: “ഞാൻ നല്ല ഇടയൻ ആകുന്നു; നല്ല ഇടയൻ ആടുകൾക്കു വേണ്ടി തന്റെ ജീവനെ [സൈക്കി] കൊടു​ക്കു​ന്നു.” (യോഹ​ന്നാൻ 10:11) നിസ്സം​ശ​യ​മാ​യും, ഈ വാക്യ​ങ്ങ​ളിൽ നെഫെഷ്‌, സൈക്കി എന്നീ പദങ്ങൾ ഒരു വ്യക്തി​യു​ടെ ജീവനെ കുറി​ക്കു​ന്നു. കൂടുതൽ ഉദാഹ​ര​ണ​ങ്ങൾ പിൻവ​രു​ന്ന വാക്യ​ങ്ങ​ളിൽ കാണാം.—1 രാജാ​ക്ക​ന്മാർ 17:17-23; മത്തായി 10:39; യോഹ​ന്നാൻ 15:13; പ്രവൃ​ത്തി​കൾ 20:10.

“ദേഹി” എന്ന പദത്തെ ബൈബി​ളിൽ ഒരിട​ത്തും “അമർത്യം,” “നിത്യം” എന്നീ പദങ്ങ​ളോ​ടു ബന്ധപ്പെ​ടു​ത്തു​ന്നി​ല്ലെന്ന്‌ ദൈവ​വ​ച​ന​ത്തി​ന്റെ കൂടു​ത​ലാ​യ പഠനത്തി​ലൂ​ടെ നിങ്ങൾക്കു ബോധ്യ​മാ​കും. മറിച്ച്‌, ദേഹി മർത്യ​മാണ്‌ എന്ന്‌, അഥവാ “ദേഹി മരിക്കും” എന്ന്‌ തിരു​വെ​ഴു​ത്തു​കൾ വ്യക്തമാ​ക്കു​ന്നു.—യെഹെ​സ്‌കേൽ 18:4, 20.

ആത്മാവ്‌ എന്താണ്‌?

“ആത്മാവ്‌” എന്ന പദം ബൈബി​ളിൽ ഉപയോ​ഗി​ച്ചി​രി​ക്കു​ന്നത്‌ ഏതർഥ​ത്തി​ലാ​ണെ​ന്നു നമുക്കു നോക്കാം. “ദേഹി” എന്നതി​നു​ള്ള മറ്റൊരു പദമാണ്‌ “ആത്മാവ്‌” എന്ന്‌ ചിലർ കരുതു​ന്നു. എന്നാൽ വസ്‌തുത അതല്ല. “ദേഹി,” “ആത്മാവ്‌” എന്നീ പദങ്ങൾ രണ്ടു വ്യത്യ​സ്‌ത സംഗതി​ക​ളെ കുറി​ക്കു​ന്നു​വെന്ന്‌ ബൈബിൾ വ്യക്തമാ​ക്കു​ന്നു. എന്താണ്‌ ആ വ്യത്യാ​സം?

“ആത്മാവ്‌” എന്നതിന്‌ ബൈബി​ളെ​ഴു​ത്തു​കാർ ഉപയോ​ഗി​ച്ചത്‌ റൂവാക്‌ എന്ന എബ്രായ പദവും ന്യൂമ എന്ന ഗ്രീക്കു പദവും ആണ്‌. തിരു​വെ​ഴു​ത്തു​കൾതന്നെ ഈ വാക്കു​ക​ളു​ടെ അർഥം സൂചി​പ്പി​ക്കു​ന്നുണ്ട്‌. ഉദാഹ​ര​ണ​ത്തിന്‌, ‘ആത്മാവ്‌ [ന്യൂമ] ഇല്ലാത്ത ശരീരം നിർജ്ജീ​വ​മാണ്‌’ എന്ന്‌ യാക്കോബ്‌ 2:26 പറയുന്നു. അതു​കൊണ്ട്‌ ഈ വാക്യ​ത്തി​ലെ “ആത്മാവ്‌” എന്നത്‌ ശരീരത്തെ സചേത​ന​മാ​ക്കു​ന്ന​തെ​ന്തോ അതി​നെ​യാണ്‌ അർഥമാ​ക്കു​ന്നത്‌. ആത്മാവ്‌ ഇല്ലാത്ത ശരീരം നിർജീ​വ​മാണ്‌. അതിനാൽ, ബൈബി​ളി​ലെ റൂവാക്‌, ന്യൂമ എന്നീ പദങ്ങൾ “ആത്മാവ്‌” എന്നു മാത്രമല്ല ജീവശക്തി എന്നും പരിഭാ​ഷ​പ്പെ​ടു​ത്താ​വു​ന്ന​താണ്‌. ചില ബൈബി​ളു​കൾ റൂവാക്‌ എന്ന പദം ‘ജീവശ്വാ​സം’ എന്നു പരിഭാ​ഷ​പ്പെ​ടു​ത്തി​യി​രി​ക്കു​ന്നു. ഉദാഹ​ര​ണ​ത്തിന്‌, നോഹ​യു​ടെ കാലത്തെ ജലപ്ര​ള​യ​ത്തെ​ക്കു​റിച്ച്‌ ദൈവം ഇങ്ങനെ പ്രസ്‌താ​വി​ച്ചു: “ആകാശ​ത്തിൻ കീഴിൽനി​ന്നു ജീവശ്വാ​സ​മു​ള്ള [അഥവാ ജീവശക്തി; എബ്രാ​യ​യിൽ റൂവാക്‌] സർവ്വജ​ഡ​ത്തെ​യും നശിപ്പി​പ്പാൻ ഞാൻ ഭൂമി​യിൽ ഒരു ജലപ്ര​ള​യം വരുത്തും.” (ഉല്‌പത്തി 6:17; 7:15, 22) അതു​കൊണ്ട്‌ “ആത്മാവ്‌” എന്നത്‌ ജീവനുള്ള സകലതി​നെ​യും പ്രവർത്ത​ന​നി​ര​ത​മാ​ക്കുന്ന അദൃശ്യ​മാ​യ ഒരു ശക്തിയെ (ജീവന്റെ സ്‌ഫു​ര​ണ​ത്തെ) ആണ്‌ അർഥമാ​ക്കു​ന്നത്‌.

ദേഹി​യും ആത്മാവും ഒന്നല്ല. ഒരു റേഡി​യോ​യ്‌ക്കു പ്രവർത്തി​ക്കാൻ വൈദ്യു​തി ആവശ്യ​മാ​യി​രി​ക്കു​ന്ന​തു​പോ​ലെ​യാണ്‌ ശരീര​ത്തിന്‌ ആത്മാവും. ഇതു കൂടുതൽ വ്യക്തമാ​യി മനസ്സി​ലാ​ക്കു​ന്ന​തിന്‌ ബാറ്ററി ഉപയോ​ഗി​ച്ചു പ്രവർത്തി​ക്കു​ന്ന ഒരു റേഡി​യോ​യു​ടെ കാര്യ​മെ​ടു​ക്കു​ക. ബാറ്ററി​യിട്ട്‌ റേഡി​യോ ഓൺ ചെയ്യു​മ്പോൾ, ബാറ്ററി​യി​ലെ ചാർജ്‌ റേഡി​യോ​യ്‌ക്ക്‌ ‘ജീവൻ നൽകുന്നു’ എന്ന്‌ പറയാൻ കഴിയും. എന്നാൽ ബാറ്ററി​യി​ടാ​ത്ത റേഡി​യോ ‘ജീവനി​ല്ലാ​ത്ത​താണ്‌.’ നേരിട്ട്‌ വൈദ്യു​തി​കൊണ്ട്‌ പ്രവർത്തി​ക്കു​ന്ന റേഡി​യോ​യു​ടെ കാര്യ​ത്തി​ലും ഇതു സത്യമാണ്‌. പ്ലഗ്‌ വേർപെ​ടു​ത്തു​മ്പോൾ അതിന്റെ പ്രവർത്ത​നം നിലയ്‌ക്കു​ന്നു. സമാന​മാ​യി, നമ്മുടെ ശരീര​ത്തി​നു ജീവൻ നൽകുന്ന ശക്തിയാണ്‌ ആത്മാവ്‌. വൈദ്യു​തി​യു​ടെ കാര്യ​ത്തി​ലെ​ന്ന​പോ​ലെ, ആത്മാവി​നു വികാ​ര​ങ്ങ​ളി​ല്ല, ചിന്തി​ക്കാ​നും കഴിയില്ല. വ്യക്തി​ത്വ​മി​ല്ലാ​ത്ത ഒരു ശക്തിയാണ്‌ അത്‌. എന്നാൽ ആ ആത്മാവ്‌ അഥവാ ജീവശക്തി ഇല്ലാതാ​കു​മ്പോൾ സങ്കീർത്ത​ന​ക്കാ​രൻ പറഞ്ഞതു​പോ​ലെ നമ്മുടെ ശരീരം “ചത്തു പൊടി​യി​ലേ​ക്കു തിരികെ ചേരുന്നു.”

മനുഷ്യ​ന്റെ മരണ​ത്തെ​ക്കു​റിച്ച്‌ സഭാ​പ്ര​സം​ഗി 12:7 ഇങ്ങനെ പറയുന്നു: “പൊടി [അവന്റെ ശരീരം] പണ്ടു ആയിരു​ന്ന​തു​പോ​ലെ ഭൂമി​യി​ലേ​ക്കു തിരികെ ചേരും; ആത്മാവു അതിനെ നല്‌കിയ ദൈവ​ത്തി​ന്റെ അടുക്ക​ലേ​ക്കു മടങ്ങി​പ്പോ​കും.” ആത്മാവ്‌ അഥവാ ജീവശക്തി ശരീര​ത്തിൽനി​ന്നു പോകു​മ്പോൾ ശരീരം മരിക്കു​ക​യും അത്‌ എവി​ടെ​നി​ന്നു വന്നോ അവി​ടേക്ക്‌—മണ്ണി​ലേക്ക്‌—മടങ്ങു​ക​യും ചെയ്യുന്നു. സമാന​മാ​യി, ജീവശക്തി അത്‌ എവി​ടെ​നി​ന്നു വന്നോ അവി​ടേക്ക്‌—ദൈവ​ത്തി​ങ്ക​ലേക്ക്‌—മടങ്ങി​പ്പോ​കു​ന്നു. (ഇയ്യോബ്‌ 34:14, 15; സങ്കീർത്ത​നം 36:9) ജീവശക്തി അക്ഷരാർഥ​ത്തിൽ സ്വർഗ​ത്തി​ലേ​ക്കു സഞ്ചരി​ക്കു​ന്നു​ണ്ടെന്ന്‌ ഇത്‌ അർഥമാ​ക്കു​ന്നി​ല്ല. മറിച്ച്‌, മരിക്കുന്ന ഏതൊ​രാ​ളെ സംബന്ധി​ച്ചും അയാളു​ടെ ഭാവി​പ്ര​ത്യാ​ശ യഹോ​വ​യാം ദൈവ​ത്തിൽ നിക്ഷി​പ്‌ത​മാ​ണെ​ന്നാണ്‌ ഇതിന്റെ അർഥം. ആ വ്യക്തി​യു​ടെ ജീവൻ ദൈവ​ത്തി​ന്റെ കരങ്ങളി​ലാ​ണെ​ന്നു പറയാ​വു​ന്ന​താണ്‌. ഒരു വ്യക്തിക്ക്‌ ആത്മാവ്‌ അഥവാ ജീവശക്തി നൽകി വീണ്ടും ജീവി​പ്പി​ക്കാൻ ദൈവ​ത്തി​നു മാത്രമേ സാധിക്കൂ.

“സ്‌മാരക കല്ലറക​ളിൽ” വിശ്ര​മി​ക്കു​ന്ന സകലർക്കു​മാ​യി ഇതുത​ന്നെ​യാ​ണു ദൈവം ചെയ്യാൻപോ​കു​ന്ന​തെന്ന്‌ അറിയു​ന്നത്‌ എത്രയോ ആശ്വാ​സ​പ്ര​ദ​മാണ്‌! (യോഹ​ന്നാൻ 5:28, 29, NW) പുനരു​ത്ഥാ​ന സമയത്ത്‌, മരണനി​ദ്ര​യി​ലാ​യി​രി​ക്കുന്ന വ്യക്തിക്ക്‌ ഒരു പുതു​ശ​രീ​രം നൽകി അതിൽ ആത്മാവ്‌ അഥവാ ജീവശക്തി നിവേ​ശി​പ്പിച്ച്‌ യഹോവ അയാളെ ജീവനി​ലേ​ക്കു കൊണ്ടു​വ​രും. എത്ര സന്തോ​ഷ​ക​ര​മാ​യ ഒരു സമയമാ​യി​രി​ക്കും അത്‌!

“ദേഹി,” “ആത്മാവ്‌” എന്നീ പദങ്ങൾ ബൈബി​ളിൽ ഉപയോ​ഗി​ച്ചി​രി​ക്കു​ന്നത്‌ എങ്ങനെ​യെ​ന്ന​തു സംബന്ധിച്ച മൂല്യ​വ​ത്താ​യ കൂടുതൽ വിവര​ങ്ങൾക്കാ​യി യഹോ​വ​യു​ടെ സാക്ഷികൾ പ്രസി​ദ്ധീ​ക​രി​ച്ച തിരു​വെ​ഴു​ത്തു​ക​ളിൽനി​ന്നു ന്യായ​വാ​ദം ചെയ്യൽ എന്ന പുസ്‌ത​ക​ത്തി​ന്റെ 375-84 പേജുകൾ കാണുക.