‘ദൈവ​ത്തി​ന്റെ വചനം ഭയംകൂ​ടാ​തെ പ്രസ്‌താ​വി​ക്കുക’

¹ സ്‌കൂളിലോ ജോലി​സ്ഥ​ല​ത്തോ വിശ്വാ​സ​ത്തെ​ക്കു​റി​ച്ചു പറയാൻ അവസരം ലഭിക്കു​മ്പോൾ നിങ്ങൾ ചില​പ്പോൾ മടിച്ചു​നിൽക്കാ​റു​ണ്ടോ? ബന്ധുക്ക​ളോ​ടും അയൽക്കാ​രോ​ടും അപരി​ചി​ത​രോ​ടും അനൗപ​ചാ​രി​ക​മാ​യി സാക്ഷീ​ക​രി​ക്കു​ന്നത്‌ ബുദ്ധി​മു​ട്ടുള്ള ഒരു കാര്യ​മാ​യി നിങ്ങൾക്കു തോന്നാ​റു​ണ്ടോ? ഉചിത​മായ ഏത്‌ അവസര​ത്തി​ലും “ദൈവ​ത്തി​ന്റെ വചനം ഭയംകൂ​ടാ​തെ പ്രസ്‌താ​വി​പ്പാൻ” നമ്മെ​യെ​ല്ലാം എന്തു സഹായി​ക്കും?—ഫിലി. 1:14.

² മടിച്ചുനിൽക്കരുത്‌: നിങ്ങളു​ടെ ഉറ്റ സുഹൃ​ത്തി​നെ​യോ ബന്ധുവി​നെ​യോ കുറിച്ച്‌ ആരെങ്കി​ലും വ്യാജാ​രോ​പണം ഉന്നയി​ച്ചാൽ നിങ്ങൾ മിണ്ടാ​തി​രി​ക്കു​മോ? നൂറ്റാ​ണ്ടു​ക​ളാ​യി, നമ്മുടെ ഉറ്റ സുഹൃ​ത്തായ യഹോ​വയെ തികച്ചും നിന്ദ്യ​മാ​യി ചിത്രീ​ക​രി​ച്ചി​രി​ക്കു​ന്നു. നമ്മുടെ മഹാ ദൈവ​ത്തെ​ക്കു​റി​ച്ചു സാക്ഷ്യം നൽകുക എന്ന വിശിഷ്ട പദവി നമുക്കുണ്ട്‌! (യെശ. 43:10-12) യഹോ​വ​യോ​ടുള്ള ഉറ്റ സ്‌നേഹം ധൈര്യ​പൂർവം സാക്ഷീ​ക​രി​ക്കാൻ നമ്മെ സഹായി​ക്കും; മറ്റുള്ളവർ എന്തു കരുതു​മെ​ന്നോർത്തോ ഭയം നിമി​ത്ത​മോ നാം മടിച്ചു​നിൽക്കു​ക​യില്ല.—പ്രവൃ. 4:26, 29, 31.

³ നമ്മുടെ സന്ദേശം സുവാർത്ത​യാ​ണെന്ന്‌ ഓർക്കുക. അതിനു ചെവി​കൊ​ടു​ക്കു​ന്ന​വർക്ക്‌ അത്‌ ശാശ്വത പ്രയോ​ജ​നങ്ങൾ കൈവ​രു​ത്തും. നമ്മിലോ നമ്മുടെ എതിരാ​ളി​ക​ളി​ലോ ശ്രദ്ധ പതിപ്പി​ക്കു​ന്ന​തി​നു പകരം പ്രസം​ഗ​വേ​ല​യു​ടെ പ്രാധാ​ന്യ​ത്തെ മനസ്സിൽ അടുപ്പി​ച്ചു നിറു​ത്തു​ന്നത്‌ സധൈ​ര്യം പ്രസം​ഗി​ക്കാൻ നമുക്കു പ്രചോ​ദ​ന​മേ​കും.

⁴ നല്ല മാതൃ​കകൾ: ദൈവ​വ​ചനം നിർഭയം പ്രസം​ഗിച്ച മറ്റു വിശ്വ​സ്‌ത​രു​ടെ ജീവി​ത​ഗതി പരിചി​ന്തി​ക്കു​ന്ന​തിൽനി​ന്നു നമുക്ക്‌ ശക്തി ആർജി​ക്കാ​നാ​കും. ഉദാഹ​ര​ണ​ത്തിന്‌, ഹാനോക്ക്‌ ഭക്തികെട്ട പാപി​കൾക്കെ​തി​രെ​യുള്ള യഹോ​വ​യു​ടെ ന്യായ​വി​ധി ധൈര്യ​പൂർവം പ്രസ്‌താ​വി​ച്ചു. (യൂദാ 14, 15) നിസ്സം​ഗതാ മനോ​ഭാ​വ​മു​ണ്ടാ​യി​രു​ന്ന​വ​രോട്‌ നോഹ വിശ്വ​സ്‌ത​ത​യോ​ടെ പ്രസം​ഗി​ച്ചു. (മത്താ. 24:37-39) “പഠിപ്പി​ല്ലാ​ത്ത​വ​രും സാമാ​ന്യ​രു​മായ” ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ ശക്തമായ എതിർപ്പി​ന്മ​ധ്യേ​യും തങ്ങളുടെ പ്രസം​ഗ​വേല തുടർന്നു. (പ്രവൃ. 4:13, 18-20) യഹോ​വ​യി​ലുള്ള വിശ്വാ​സ​ത്താൽ മാനുഷ ഭയം തരണം​ചെ​യ്‌ത്‌ തീക്ഷ്‌ണ രാജ്യ​ഘോ​ഷ​ക​രാ​യി​ത്തീർന്ന ആധുനി​ക​കാ​ലത്തെ അനേക​രു​ടെ ജീവച​രി​ത്രം വീക്ഷാ​ഗോ​പു​ര​ത്തി​ലും ഉണരുക!യിലും കാണാ​നാ​കും.

⁵ ദുഷ്‌കരമായ സാഹച​ര്യ​ങ്ങളെ നേരിട്ട പുരാ​ത​ന​കാ​ലത്തെ വിശ്വസ്‌ത ദാസരു​ടെ ജീവി​ത​ഗതി പരിചി​ന്തി​ക്കു​ന്ന​തി​ലൂ​ടെ നമുക്കു ധൈര്യം ആർജി​ക്കാൻ കഴിയും. (1 രാജാ. 19:2, 3; മർക്കൊ. 14:66-71) അവർ ‘ദൈവ​ത്തിൽ ധൈര്യ​പ്പെട്ട്‌’ നിർഭയം സംസാ​രി​ച്ചു. നമുക്കും അതിനു സാധി​ക്കും.—1 തെസ്സ. 2:2.