അറിയിപ്പുകൾ

◼ സാഹിത്യ സമർപ്പണം. ജൂലൈ, ആഗസ്റ്റ്‌: താഴെ കൊടുത്തിരിക്കുന്ന 32 പേജുള്ള ഏതെങ്കിലും ലഘുപത്രിക സമർപ്പിക്കാവുന്നതാണ്‌: ഭൂമിയിൽ എന്നേക്കും ജീവിതം ആസ്വദിക്കുക!, പറുദീസ സ്ഥാപിക്കുന്ന ഗവൺമെന്റ്‌, “നോക്കൂ! ഞാൻ സകലവും പുതുതാക്കുന്നു,” നിങ്ങൾ ത്രിത്വത്തിൽ വിശ്വസിക്കണമോ?, ദൈവം യഥാർത്ഥത്തിൽ നമ്മെ സംബന്ധിച്ചു കരുതുന്നുവോ?, ജീവിതത്തിന്റെ ഉദ്ദേശ്യം എന്ത്‌?—അതു നിങ്ങൾക്കെങ്ങനെ കണ്ടെത്താം?, നിങ്ങൾ സ്‌നേഹിക്കുന്ന ആരെങ്കിലും മരിക്കുമ്പോൾ, മരിക്കുമ്പോൾ നമുക്ക്‌ എന്തു സംഭവിക്കുന്നു? (ഇംഗ്ലീഷ്‌) സെപ്‌റ്റംബർ: നിങ്ങളെക്കുറിച്ച്‌ കരുതലുള്ള ഒരു സ്രഷ്ടാവ്‌ ഉണ്ടോ? (ഇംഗ്ലീഷ്‌) എന്ന പുസ്‌തകം സമർപ്പിക്കുക. പകരം സമർപ്പണം എന്ന നിലയിൽ, ജീവൻ​—⁠അത്‌ ഇവിടെ എങ്ങനെ വന്നു? പരിണാമത്താലോ സൃഷ്ടിയാലോ? എന്ന പുസ്‌തകമോ 192 പേജുള്ള പഴയ ഏതെങ്കിലും പുസ്‌തകമോ ഉപയോഗിക്കാവുന്നതാണ്‌. വീട്ടുകാരൻ പുസ്‌തകം സ്വീകരിക്കുന്നില്ലെങ്കിൽ, ജാഗരൂകർ ആയിരിക്കുവിൻ! ലഘുപത്രിക പരിചയപ്പെടുത്താവുന്നതാണ്‌. ഒക്ടോബർ: വീക്ഷാഗോപുരത്തിന്റെയും ഉണരുക!യുടെയും ഒറ്റ പ്രതികൾ സമർപ്പിക്കുക. താത്‌പര്യം കാണുന്നിടത്ത്‌ ദയവായി ആവശ്യം ലഘുപത്രിക പരിചയപ്പെടുത്തുക.

◼ സെപ്‌റ്റംബർ മുതൽ സർക്കിട്ട്‌ മേൽവിചാരകന്മാർ നടത്തുന്ന പരസ്യപ്രസംഗത്തിന്റെ പ്രതിപാദ്യവിഷയം “ബൈബിളിനാൽ നയിക്കപ്പെടേണ്ടത്‌ എന്തുകൊണ്ട്‌?” എന്നതായിരിക്കും.

◼ സാധാരണ പയനിയർ സേവനത്തിനുള്ള അപേക്ഷകൾ, പയനിയറിങ്‌ തുടങ്ങാൻ ആഗ്രഹിക്കുന്ന തീയതിക്ക്‌ കുറഞ്ഞത്‌ 30 ദിവസംമുമ്പ്‌ ബ്രാഞ്ച്‌ ഓഫീസിന്‌ അയച്ചുതരാൻ ശുപാർശ ചെയ്യുന്നു. അപേക്ഷാഫാറങ്ങൾ പൂർണമായി പൂരിപ്പിച്ചിട്ടുണ്ടെന്ന്‌ സഭാ സെക്രട്ടറി പരിശോധിച്ച്‌ ഉറപ്പു വരുത്തണം. അപേക്ഷകർക്ക്‌ തങ്ങളുടെ സ്‌നാപനത്തിന്റെ കൃത്യമായ തീയതി ഓർമയില്ലെങ്കിൽ, ഏകദേശ തീയതി കണക്കാക്കി അവർ അതിന്റെ രേഖ സൂക്ഷിക്കണം. സഭാ പ്രസാധക രേഖ കാർഡിൽ (S-21) സെക്രട്ടറി ഈ തീയതി രേഖപ്പെടുത്തണം.

◼ ഓർമിപ്പിക്കൽ: വാർഷിക ഇനങ്ങൾക്കായുള്ള പ്രത്യേക അപേക്ഷാഫാറം (Special Request Form for Annual Items) സഭകൾക്ക്‌ അയച്ചിട്ടുണ്ട്‌. 2006-ലെ വാർഷികപുസ്‌തകം, കലണ്ടർ, തിരുവെഴുത്തുകൾ ദൈനംദിനം പരിശോധിക്കൽ എന്നിവയ്‌ക്കായി ഇതുവരെയും അപേക്ഷിച്ചിട്ടില്ലാത്ത സഭകൾ ഉടൻതന്നെ അവയ്‌ക്കുള്ള അപേക്ഷ അയയ്‌ക്കേണ്ടതാണ്‌. രാജ്യഹാൾ സാഹിത്യ ഇനവിവര ക്രമീകരണത്തിനുകീഴിൽ വരുന്ന സഭകൾ അവയുടെ “ഏകോപന സഭ”യിലൂടെ മാത്രമേ അപേക്ഷകൾ അയയ്‌ക്കാവൂ. എന്നിരുന്നാലും, തങ്ങളുടെ സാഹിത്യ കൂട്ടത്തിലുള്ള ഓരോ സഭയ്‌ക്കും ആവശ്യമായ ഓർഡർ അപേക്ഷയിൽ ഉൾപ്പെടുത്തിയിട്ടുണ്ടെന്ന്‌ ഏകോപന സഭയുടെ സെക്രട്ടറി ഉറപ്പുവരുത്തണം.

◼ വീണ്ടും ലഭ്യമായ പ്രസിദ്ധീകരണങ്ങൾ:

ദിവ്യാധിപത്യ ശുശ്രൂഷാസ്‌കൂൾ വിദ്യാഭ്യാസത്തിൽനിന്നു പ്രയോജനം നേടുക ​—⁠കന്നഡ

നമ്മുടെ പ്രശ്‌നങ്ങൾ​—⁠അവ പരിഹരിക്കാൻ നമ്മെ ആർ സഹായിക്കും? ​—⁠നേപ്പാളി

ശുശ്രൂഷയിൽ പുരോഗമിക്കാൻ മക്കളെ സഹായിക്കുക

¹ ഇളംപ്രായത്തിൽത്തന്നെ മക്കളെ ശുശ്രൂഷയിൽ പരിശീലിപ്പിക്കുകയെന്ന ഭാരിച്ച ഉത്തരവാദിത്വം വഹിക്കുന്നവരാണ്‌ ക്രിസ്‌തീയ മാതാപിതാക്കൾ. ഇതു പല വിധങ്ങളിൽ നിർവഹിക്കാൻ കഴിയും. വായിക്കാൻ പഠിക്കുന്നതിനുമുമ്പുപോലും എളുപ്പമുള്ള ഒരു ബൈബിൾ വാക്യം മനഃപാഠം പറയാൻ ചില കുട്ടികൾ പ്രാപ്‌തരാണ്‌. കേൾവിക്കാരിൽ ശക്തമായ പ്രഭാവം ചെലുത്താൻ അതിനു കഴിയും. വളർന്നുവരവേ, ശുശ്രൂഷയിൽ കൂടുതലായി ഉൾപ്പെടാനും കുട്ടികൾക്കു സാധിക്കും. സാക്ഷ്യം കൊടുക്കുന്നതിൽ പങ്കെടുക്കാൻ മക്കളെ സഹായിക്കുന്നതിന്‌ മാതാപിതാക്കളായ നിങ്ങൾക്ക്‌ എങ്ങനെ കഴിയും? പിൻവരുന്ന നിർദേശങ്ങൾ സഹായകം ആയിരുന്നേക്കാം.

² അഭിവാദനത്തിനുശേഷം നിങ്ങൾക്ക്‌ ഇങ്ങനെ പറയാവുന്നതാണ്‌:

◼ “എന്റെ മകൻ, [പേര്‌], അർഥവത്തായ ഒരു തിരുവെഴുത്ത്‌ താങ്കളുടെ ശ്രദ്ധയിൽപ്പെടുത്താൻ ആഗ്രഹിക്കുന്നു.” അപ്പോൾ കുട്ടി ഇങ്ങനെ പറയുന്നു: “സങ്കീർത്തനങ്ങളിലെ ഈ തിരുവെഴുത്ത്‌ ദൈവത്തിന്റെ പേരു മനസ്സിലാക്കാൻ എന്നെ സഹായിച്ചു. [എന്നിട്ട്‌ സങ്കീർത്തനം 83:18 വായിക്കുകയോ മനഃപാഠം പറയുകയോ ചെയ്യുന്നു.] യഹോവയാം ദൈവം നമുക്കുവേണ്ടി എന്തു ചെയ്യുമെന്ന്‌ ഈ മാസികകൾ പറയുന്നു. ഇവ വായിക്കാൻ ഇഷ്ടമാണോ?” ലോകവ്യാപക വേല പിന്തുണയ്‌ക്കപ്പെടുന്നത്‌ എങ്ങനെയെന്നു പറഞ്ഞുകൊണ്ട്‌ നിങ്ങൾക്കു സംഭാഷണം ഉപസംഹരിക്കാവുന്നതാണ്‌.

³ അല്ലെങ്കിൽ ഈ സമീപനം പരീക്ഷിക്കാവുന്നതാണ്‌:

◼ “നമസ്‌കാരം. സമൂഹത്തിലെ മറ്റാളുകളോടു പരിഗണന കാണിക്കാൻ എന്റെ മകളെ [പേരു പറയുക] ഞാൻ പരിശീലിപ്പിക്കുകയാണ്‌. ഒരു ചെറിയ ബൈബിൾസന്ദേശം താങ്കളെ അറിയിക്കാൻ അവൾ ആഗ്രഹിക്കുന്നു.” അപ്പോൾ കുട്ടിക്ക്‌ ഇങ്ങനെ പറയാവുന്നതാണ്‌: “മറ്റുള്ളവരെ സഹായിക്കാൻ ഞാൻ ആഗ്രഹിക്കുന്ന ഒരു വിധം ഭാവി സംബന്ധിച്ചു ബൈബിൾ നൽകുന്ന പ്രത്യാശയെക്കുറിച്ച്‌ അവരോടു സംസാരിക്കുക എന്നതാണ്‌. [തുടർന്ന്‌ വെളിപ്പാടു 21:​4, 5എ വായിക്കുകയോ മനഃപാഠം പറയുകയോ ചെയ്യുന്നു.] ദൈവരാജ്യത്തിൽ നമുക്കു ലഭിക്കുന്ന കാര്യങ്ങളെക്കുറിച്ച്‌ ഈ മാസികകളിൽ പറയുന്നുണ്ട്‌. ഇവ വായിക്കുന്നത്‌ ഇഷ്ടമായിരിക്കുമെന്നു ഞാൻ കരുതുന്നു.”

⁴ എപ്പോഴും ലളിതമായ അവതരണം ഉപയോഗിക്കുന്നത്‌ രാജ്യദൂതു പ്രസംഗിക്കുന്നതിൽ ആത്മവിശ്വാസം നേടാൻ കുട്ടികളെ സഹായിക്കും. വേണ്ടത്ര ശബ്ദത്തിലും വ്യക്തമായും സംസാരിക്കുന്നതിനു ശ്രദ്ധകൊടുത്തുകൊണ്ടുള്ള പരിശീലനങ്ങൾ, വ്യത്യസ്‌ത സാഹചര്യങ്ങളിൽ പ്രസംഗിക്കാൻ അവരെ പ്രാപ്‌തരാക്കും. മുൻകൂട്ടിയുള്ള നല്ല തയ്യാറാകലും ആത്മാർഥമായ അഭിനന്ദനങ്ങളും തങ്ങളുടെ വിശ്വാസത്തെക്കുറിച്ചു സംസാരിക്കാൻ കുട്ടികളെ സഹായിക്കും.

⁵ ഇത്തരം പ്രോത്സാഹനത്തിന്റെ ഫലമായി അനേകം കുട്ടികളും സ്‌നാപനമേറ്റിട്ടില്ലാത്ത പ്രസാധകരായി യോഗ്യത നേടിയിരിക്കുന്നു. നമ്മുടെ മക്കൾ ക്രിസ്‌തീയ ശുശ്രൂഷയിൽ പുരോഗമിക്കുന്നതു കാണുന്നത്‌ എന്തൊരു സന്തോഷമാണ്‌!​—⁠സങ്കീ. 148:12, 13.