എല്ലാത്ത​ര​ത്തി​ലു​മുള്ള ആളുകൾ രക്ഷിക്ക​പ്പെ​ടും

1. ദൈവ​മു​മ്പാ​കെ​യുള്ള നമ്മുടെ നില എന്തിനെ ആശ്രയി​ച്ചി​രി​ക്കു​ന്നു?

¹ ദൈവത്തിന്റെ അനർഹദയ രക്ഷയ്‌ക്കുള്ള വഴി തുറന്നി​രി​ക്കു​ന്നു. “സകലമ​നു​ഷ്യ​രും രക്ഷപ്രാ​പി​പ്പാ​നും സത്യത്തി​ന്റെ പരിജ്ഞാ​ന​ത്തിൽ എത്തുവാ​നും” യഹോവ ആഗ്രഹി​ക്കു​ന്നു. (1 തിമൊ. 2:3, 4) യേശു​വി​ന്റെ മറുവി​ല​യാ​ഗ​ത്തി​ലുള്ള വിശ്വാ​സ​ത്തി​ന്റെ അടിസ്ഥാ​ന​ത്തി​ലാണ്‌ യഹോ​വ​യു​ടെ മുമ്പാ​കെ​യുള്ള നമ്മുടെ നില നിർണ​യി​ക്ക​പ്പെ​ടു​ന്നത്‌, അല്ലാതെ ഭാഷ, സമ്പത്ത്‌, പ്രാപ്‌തി​കൾ, രൂപഭം​ഗി എന്നിവ​യു​ടെ​യൊ​ന്നും അടിസ്ഥാ​ന​ത്തി​ലല്ല. (യോഹ. 3:16, 36) ദൈവ​ത്തി​ന്റെ കൂട്ടു​വേ​ല​ക്കാ​രെന്ന നിലയിൽ, യഹോ​വ​യ്‌ക്കു സ്വീകാ​ര്യ​രായ ആളുകളെ തള്ളിക്ക​ള​യാൻ നമ്മെ പ്രേരി​പ്പി​ച്ചേ​ക്കാ​വുന്ന പക്ഷാപാ​ത​പ​ര​മായ ഏതൊരു ചിന്താ​ഗ​തി​യും നീക്കി നാം നമ്മെത്തന്നെ വെടി​പ്പാ​ക്കണം.

2, 3. പുറമേ കാണുന്ന കാര്യ​ങ്ങ​ളു​ടെ അടിസ്ഥാ​ന​ത്തിൽ ആളുകളെ വിധി​ക്കാ​തി​രി​ക്കാൻ നമ്മെ എന്തു സഹായി​ക്കും?

² മുൻവിധി ഒഴിവാ​ക്കുക: മുഖപ​ക്ഷ​മോ ദ്രോ​ഹ​ബു​ദ്ധി​യോ കൂടാതെ ആളുക​ളു​ടെ ഹൃദയ​ത്തെ​യാണ്‌ യഹോവ നോക്കു​ന്നത്‌. (1 ശമൂ. 16:7) അവരുടെ ഭാവി സാധ്യ​തകൾ എന്താ​ണെ​ന്നും അവൻ വിലയി​രു​ത്തു​ന്നു. അതെ, അവനെ പ്രസാ​ദി​പ്പി​ക്കാൻ ആഗ്രഹി​ക്കു​ന്നവർ അവന്റെ ദൃഷ്ടി​യിൽ മനോ​ഹ​ര​വും അഭികാ​മ്യ​വു​മാണ്‌. (ഹഗ്ഗാ. 2:7) ഇതേ രീതി​യി​ലാ​ണോ നാം മറ്റുള്ള​വരെ വീക്ഷി​ക്കു​ന്നത്‌?

³ നാം ശുശ്രൂ​ഷ​യിൽ കണ്ടുമു​ട്ടുന്ന ചിലരു​ടെ വേഷവി​ധാ​നം നമ്മെ ഞെട്ടി​ച്ചേ​ക്കാം. കീറി​പ്പ​റി​ഞ്ഞ​തോ മാന്യ​മ​ല്ലാ​ത്ത​തോ ആയ വസ്‌ത്രങ്ങൾ ധരിച്ച​വ​രോ ദീക്ഷ നീട്ടി​യ​വ​രോ ഒക്കെ ആയിരി​ക്കാം അവർ. ചിലരാ​ണെ​ങ്കിൽ തീരെ ദരി​ദ്ര​രോ ഭവനര​ഹി​ത​രോ ആയിരി​ക്കാം. മറ്റു ചിലർ നമ്മോടു പരുഷ​മാ​യി ഇടപെ​ട്ടേ​ക്കാം. യഹോ​വ​യു​ടെ ആരാധകർ ആയിത്തീ​രാൻ യാതൊ​രു സാധ്യ​ത​യും ഇല്ലാത്തവർ എന്ന്‌ എഴുതി​ത്ത​ള്ളു​ന്ന​തി​നു പകരം ഒരു ക്രിയാ​ത്മക മനോ​ഭാ​വ​ത്തോ​ടെ നാം അവരെ വീക്ഷി​ക്കണം. എന്തെന്നാൽ, “മുമ്പെ നാമും ബുദ്ധി​കെ​ട്ട​വ​രും അനുസ​ര​ണ​മി​ല്ലാ​ത്ത​വ​രും വഴി​തെറ്റി നടക്കു​ന്ന​വ​രും” ആയിരു​ന്ന​ല്ലോ. (തീത്തൊ. 3:3) ഇതു മനസ്സിൽപ്പി​ടി​ക്കു​ന്ന​പക്ഷം എല്ലാവ​രോ​ടും, രക്ഷിക്ക​പ്പെ​ടാൻ അയോ​ഗ്യ​രെന്നു കാഴ്‌ച​യ്‌ക്കു തോന്നി​യേ​ക്കാ​വു​ന്ന​രോ​ടു​പോ​ലും, പ്രസം​ഗി​ക്കാൻ നാം ഉത്സുക​രാ​യി​രി​ക്കും.

4, 5. യേശു​വി​ന്റെ​യും പൗലൊ​സി​ന്റെ​യും മാതൃ​ക​യിൽനി​ന്നു നാം എന്തു പഠിക്കു​ന്നു?

⁴ മുഖപക്ഷമില്ലാത്ത നമ്മുടെ ദൈവത്തെ അനുക​രി​ക്കുക: പ്രതീ​ക്ഷ​യ്‌ക്കു വകയി​ല്ലെന്ന്‌ ആളുകൾ വിധി​യെ​ഴു​തി​യ​വരെ സഹായി​ക്കാൻ യേശു​ക്രി​സ്‌തു സമയം ചെലവ​ഴി​ച്ചു. (ലൂക്കൊ. 8:26-39) അവൻ ഒരിക്ക​ലും ദുഷ്‌പ്ര​വൃ​ത്തിക്ക്‌ അംഗീ​കാ​ര​മ​രു​ളി​യി​ല്ലെ​ങ്കി​ലും ആളുകൾ തെറ്റായ ജീവി​ത​ഗ​തി​യിൽ അകപ്പെ​ട്ടു​പോ​കാൻ സാധ്യ​ത​യു​ണ്ടെന്ന്‌ അവന്‌ അറിയാ​മാ​യി​രു​ന്നു. (ലൂക്കൊ. 7:37, 38, 44-48) അതു​കൊണ്ട്‌ അവൻ അവരോട്‌ അനുകമ്പ കാണിച്ചു; “അവർ ഇടയൻ ഇല്ലാത്ത ആടുക​ളെ​പ്പോ​ലെ ആകകൊ​ണ്ടു അവരിൽ മനസ്സലി​ഞ്ഞു.” (മർക്കൊ. 6:34) നമുക്ക്‌ യേശു​വി​ന്റെ മാതൃക അനുക​രി​ക്കാ​നാ​കു​മോ?

⁵ അപ്പൊസ്‌തലനായ പൗലൊ​സിന്‌ കല്ലേറ്‌, അടി, തടവ്‌ എന്നിങ്ങ​നെ​യുള്ള കയ്‌പേ​റിയ അനുഭ​വങ്ങൾ ഉണ്ടായി. (പ്രവൃ. 14:19; 16:22, 23) എന്നാൽ അവൻ നീരസ​പ്പെ​ട്ടു​കൊണ്ട്‌, ഈ ജനതക​ളു​ടെ​യും വംശീയ കൂട്ടങ്ങ​ളു​ടെ​യും ഇടയിൽ താൻ വെറുതെ സമയം പാഴാ​ക്കു​ക​യാ​ണെന്നു നിഗമ​നം​ചെ​യ്‌തോ? ഒരിക്ക​ലു​മില്ല. ആത്മാർഥ ഹൃദയ​രാ​യ​വരെ എല്ലാത്ത​ര​ത്തി​ലു​മുള്ള ആളുക​ളു​ടെ ഇടയിൽ കണ്ടെത്താ​നാ​കു​മെന്ന്‌ അവന്‌ അറിയാ​മാ​യി​രു​ന്നു, അവരെ കണ്ടെത്തുക എന്നതാ​യി​രു​ന്നു അവന്റെ ദൃഢനി​ശ്ചയം. നമ്മുടെ പ്രദേ​ശത്തെ, പല പശ്ചാത്ത​ല​ത്തി​ലും സംസ്‌കാ​ര​ത്തി​ലും​നി​ന്നുള്ള ആളുക​ളോട്‌ നമുക്ക്‌ ഇതേ മനോ​ഭാ​വ​മാ​ണോ ഉള്ളത്‌?

6. മുഖപ​ക്ഷ​മി​ല്ലാത്ത നമ്മുടെ ദൈവത്തെ എങ്ങനെ അനുക​രി​ക്കാം?

⁶ മുഖപക്ഷമില്ലാത്ത നമ്മുടെ ദൈവത്തെ അനുക​രി​ച്ചു​കൊണ്ട്‌ അവന്റെ അനർഹ​ദ​യ​യിൽനി​ന്നു പ്രയോ​ജനം അനുഭ​വി​ക്കാൻ നമുക്ക്‌ എല്ലാവ​രെ​യും ക്ഷണിക്കാം.